ၵူႈၸိူဝ်းၵူႈလွင်ႈဢမ်ႇမၼ်ႈၵိုမ်း ၼယထိ ႑

 

 ၵူႈၸိူဝ်းၵူႈလွင်ႈဢမ်ႇမၼ်ႈၵိုမ်း ၼယထိ ႑

 

ပုတ်ႉဝၸၼ ပိုတ်ႇထမ်းဢၼ်ထုၵ်ႇပိၵ်ႉထမ်းဢၼ်ဢမ်ႇမီးၽႂ်ပိုၼ်ၽႄႈ

ႁဵၼ်းႁူႉထမ်းမၶွင်သမ်မႃသမ်ပုတ်ႉထ

 

ၽိၵ်ၶူတၢင်းလၢႆ ! သမ်သရႃၼႆႉ မၵ်းမၼ်ႈတီႈသုတ်းပိူင်ႈတူၼ်ႈပိူင်ႈပၢႆဢမ်ႇလႆႈ မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈ ၶႅၼ်ႈ မီးတၼိပဵၼ်ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇ ။

 

ၽိၵ်ၶူတၢင်းလၢႆ ! လွင်ႈယမ်ႈပဵၼ်မႃးယဝ်ႉ လွႆလူင် ဝိပူလၼႆႉ မီးၸိုဝ်ႈဝႃႈ ပၸိၼဝင်သ မိူဝ်ႈပၢၼ်ၼၼ်ႉလႄႈ မူႇမၼုသ မီးၸိုဝ်ႈဝႃႈ တီဝရ မူႇမၼုသ ၸိုဝ်ႈ တီဝရ မီး ဢႃႇယု 40,000 ပီႊ မူႇမၼုသမီးၸိုဝ်ႈဝႃႈ တီဝရ ၶိုၼ်ႈသူႇ ပႃၸိၼဝင်သ ပဵၼ်ၶၢဝ်းတၢင်း 4 ဝၼ်း လူင်းၵေႃႈပဵၼ် ၶၢဝ်းယၢမ်း 4 ဝၼ်း

 

ပၢၼ်ၽြႃးပဵၼ်ၸဝ်ႈ ဢရႁၼ်တႃသမ်မႃသမ်ပုတ်ႉထၸဝ်ႈ ၸိုဝ်ႈဝႃႈ ၵေႃးၵသၼ်ႇထ ၵိူတ်ႇၶိုၼ်ႈ ၼႂ်းလေႃးၵ ။

 

ၽြႃးဢရႁၼ်တႃသမ်မႃသမ်ပုတ်ႉ ၸိုဝ်ႈဝႃႈ ၵေႃၵသၼ်ႇထ မီးသႃဝၵ ၵူႈၼိုင်ႈ ပဵၼ်ၵူႈဢၼ်တွၼ်းသုတ်း ၸိုဝ်ႈဝႃႈ ဝိထူရ လႄႈ သၺ်သီဝ ။

 

ၽိၵ်ၶူတၢင်းလၢႆ ! ၸိူဝ်းသူတူၺ်းလူ ၸိုဝ်ႈၶွင်လွႆလူင်ၼႆႉ ၼၼ်ႉလႄႈ ဢၼ်ႁၢႆလၢႆၵႂႃႇယဝ်ႉ မူႇမၼုသၸိူဝ်းၼၼ်ႉ ၵေႃႈႁႅၼ်းၵႃလတၢႆၵႂႃႇယဝ်ႉ လႄႈ ၽြႃးပဵၼ်ၸဝ်ႈတူၼ်ၼၼ်ႉ ၵေႃႈ ၶဝ်ႈပရိၼိပ်ႉပၢၼ်ႇယဝ်ႉ သင်ၶႃရတၢင်းလၢႆ ဢမ်ႇမၼ်ႈ ၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ သင်ၶႃရတၢင်းပဵၼ်တီႈၸႂ်ယႂ်ႇသင် ဢမ်ႇလႆႈၸိူင်ႉၼႆ ။

 

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉ ၵေႃႈပေႃးယဝ်ႉ ပိူဝ်ႈမိူဝ်ႇၸၢၼ်ႈၼႂ်းသင်ၶႃရတၢင်းလၢႆ ပေႃးယဝ်ႉပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈ ပူၼ်ႉ ၼင်ႇၼႆ ။

------

ၽိၵ်ၶူတၢင်းလၢႆ ! မီးလွင်ႈယမ်ႈပဵၼ်မႃးယဝ်ႉ လွႆလူင်ဝိပူလၼႆႉ မီးၸိုဝ်ႈဝႃႈ ဝူင်းၵူတ်ႇ မိူဝ်ႈပၢၼ်ၼၼ်ႉလႄႈ မူႇမၼုသ မီးၸိုဝ်ႈဝႃႈ ရေႃႁိတသ မူႇမၼုသ ၸိုဝ်ႈ ရေႃႁိတသ မီး ဢႃႇယု 30,000 ပီႊ မူႇမၼုသမီးၸိုဝ်ႈဝႃႈ ရေႃႁိတသ ၶိုၼ်ႈသူႇဝူင်းၵူတ်ႇ ပဵၼ်ၶၢဝ်းတၢင်း 3 ဝၼ်း လူင်းၵေႃႈပဵၼ်ၶၢဝ်းယၢမ်း 3 ဝၼ်း ပၢၼ်ၽြႃးပဵၼ်ၸဝ်ႈ ဢရႁၼ်တႃသမ်မႃသမ်ပုတ်ႉထၸဝ်ႈ ၸိုဝ်ႈဝႃႈ ၵေႃးၼၶမၼ ၵိူတ်ႇ ၶိုၼ်ႈၼႂ်းလေႃးၵ ။

 

ၽြႃးဢရႁၼ်တႃသမ်မႃသမ်ပုတ်ႉထၸဝ်ႈ ၸိုဝ်ႈဝႃႈ ၵေႃးၼၶမၼ မီးသႃဝၵ ၵူႈၼိုင်ႈ ပဵၼ်ၵူႈဢၼ်တွၼ်းသုတ်း ၸိုဝ်ႈဝႃႈ ၽိယယေႃသ လႄႈ ဢုတ်တရ ။

 

ၽိၵ်ၶူတၢင်းလၢႆ ! ၸိူဝ်းသူတူၺ်းလူ ၸိုဝ်ႈၶွင်လွႆလူင်ၼႆႉ ၼၼ်ႉလႄႈ ဢၼ်ႁၢႆ လၢႆၵႂႃႇယဝ်ႉ မူႇမၼုသၸိူဝ်းၼၼ်ႉ ၵေႃႈႁႅၼ်းၵႃလတၢႆၵႂႃႇယဝ်ႉ လႄႈ ၽြႃးပဵၼ်ၸဝ်ႈတူၼ် ၼၼ်ႉၵေႃႈ ၶဝ်ႈပရိၼိပ်ႉပၢၼ်ႇယဝ်ႉ သင်ၶႃရတၢင်းလၢႆ ဢမ်ႇမၼ်ႈ ၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ သင်ၶႃရတၢင်းပဵၼ်တီႈ ၸႂ်ယႂ်ႇ သင်ဢမ်ႇလႆႈၸိူင်ႉၼႆ ။

 

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉ ၵေႃႈပဵင်းပေႃးယဝ်ႉ ပိူဝ်ႈမိူဝ်ႇၸၢၼ်ႈ ၼႂ်း သင်ၶႃရတၢင်းလၢႆ ပေႃးယဝ်ႉပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

---------

ၽိၵ်ၶူတၢင်းလၢႆ ! မီးလွင်ႈယမ်ႈပဵၼ်မႃးယဝ်ႉ လွႆလူင်ဝိပူလၼႆႉ မီးၸိုဝ်ႈဝႃႈ သုပသ်သ မိူဝ်ႈပၢၼ်ၼၼ်ႉလႄႈ မူႇမၼုသ မီးၸိုဝ်ႈဝႃႈ သုပ်ပီယ မူႇမၼုသ ၸိုဝ်ႈ သုပ်ပီယ မီး ဢႃႇယု 20,000 ပီႊ မူႇမၼုသမီးၸိုဝ်ႈဝႃႈ သုပ်ပီယ ၶိုၼ်ႈသူႇ သုပသ်သ ၶၢဝ်းတၢင် 2 ဝၼ်း လူင်းၵေႃႈပဵၼ် ၶၢဝ်းယၢမ်း 2 ဝၼ်း ပၢၼ်ၼၼ်ႉ ၽြႃးပဵၼ်ၸဝ်ႈ ဢရႁၼ်တႃသမ်မႃသမ်ပုတ်ႉထၸဝ်ႈ ၸိုဝ်ႈဝႃႈ ၵသ်သပ ၵိူတ်ႇၶိုၼ်ႈ ၼႂ်းလေႃးၵ ။

ၽြႃးဢရႁၼ်တႃသမ်မႃသမ်ပုတ်ႉထၸဝ်ႈ ၸိုဝ်ႈဝႃႈ ၵသ်သပ မီးသႃဝၵ ၵူႈၼိုင်ႈ ပဵၼ်ၵူႈဢၼ်တွၼ်းသုတ်း ၸိုဝ်ႈဝႃႈ တိသ်သ လႄႈ ၽႃရထဝႃသ ။

 

ၽိၵ်ၶူတၢင်းလၢႆ ! ၸိူဝ်းသူတူၺ်းလူ ၸိုဝ်ႈၶွင်လွႆလူင်ၼႆႉ ၼၼ်ႉလႄႈ ဢၼ်ႁၢႆ လၢႆၵႂႃႇယဝ်ႉ မူႇမၼုသၸိူဝ်းၼၼ်ႉ ၵေႃႈႁႅၼ်းၵႃလတၢႆၵႂႃႇယဝ်ႉ လႄႈ ၽြႃးပဵၼ်ၸဝ်ႈတူၼ် ၼၼ်ႉၵေႃႈ ၶဝ်ႈပရိၼိပ်ႉပၢၼ်ႇယဝ်ႉ သင်ၶႃရတၢင်းလၢႆ ဢမ်ႇမၼ်ႈ ၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ သင်ၶႃရတၢင်းပဵၼ်တီႈ ၸႂ်ယႂ်ႇ သင်ဢမ်ႇလႆႈၸိူင်ႉၼႆ ။

 

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉ ၵေႃႈပေႃးယဝ်ႉ ပိူဝ်ႈမိူဝ်ႇၸၢၼ်ႈ ၼႂ်း သင်ၶႃရတၢင်းလၢႆ ပေႃးယဝ်ႉပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈ ပူၼ်ႉ ၼင်ႇၼႆ ။

------------

ၽိၵ်ၶူတၢင်းလၢႆ ! ယၢမ်းၼႆႉ လွႆလူင်ဝိပူလၼႆႉ မီးၸိုဝ်ႈဝႃႈ ဝိပူလ ယၢမ်းၼႆႉ မူႇမၼုသ မီးၸိုဝ်ႈဝႃႈ မႃၶထ မူႇမၼုသ ၸိုဝ်ႈ မႃၶထ မီး ဢႃႇယု ဢိတ်းဢွၼ်ႇ ၼိုင်ႈၵူၺ်း  ၽူႈလႂ်မီးဢႃႇယုယူႇလႆႈႁိုင် ၽူႈၼၼ်ႉမီးဢႃႇယု 100 ပီႊ ဢေႇလိူဝ်ႇ ၼႆႉၵေႃႈမီး ၼမ်လိူဝ်ၼႆၵေႃႈမီး ။

 

မူႇမၼုသမီးၸိုဝ်ႈဝႃႈ မႃၶထ ၶိုၼ်ႈသူႇ ဝိပူလ ၸူဝ်ႈၵႅပ်ႉဢွၼ်ႇ လူင်းၵေႃႈ ၸူဝ်ႈ ၵႅပ်ႇဢွၼ်ႇ ‌လႄႈယၢမ်းၼႆႉၽြႃးပဵၼ်ၸဝ်ႈ ဢရႁၼ်တႃသမ်မႃ သမ် ပုတ်ႉထ တူၼ်ၼႆႉၵိူတ်ႇ ၶိုၼ်ႈၼႂ်းလေႃးၵ ပဵၼ်ႁဝ်းၼႆႉလႄႈ မီးသႃဝၵ ၵူႈၼိုင်ႈ ပဵၼ်ၵူႈ ဢၼ်တွၼ်းသုတ်း ၸိုဝ်ႈဝႃႈ သႃရိပုတ်တြႃႇ လႄႈ မွၵ်လၢၼ်ႇ ။

 

ၽိၵ်ၶူတၢင်းလၢႆ ! ၸိူဝ်းသူတူၺ်းလူ ၸိုဝ်ႈၶွင်လွႆလူင်ၼႆႉ ၼၼ်ႉၵေႃႈတေႁၢႆလၢႆ မူႇမၼုသၸိူဝ်းၼၼ်ႉ ၵေႃႈႁႅၼ်းၵႃလတၢႆၵႂႃႇ လႄႈႁဝ်းၽြႃးပဵၼ်ၸဝ်ႈၵေႃႈ တေၶဝ်ႈ ပရိၼိပ်ႉပၢၼ်ႇ

 

ၽိၵ်ၶူတၢင်းလၢႆ ! သင်ၶႃရတၢင်းလၢႆ ဢမ်ႇမၼ်ႈ ၵိုမ်းၸိူင်ႉၼႆ သင်ၶႃရတၢင်းလၢႆ ဢမ်ႇယိုၼ်းယၢဝ်းၸိူင်ႉၼႆ သင်ၶႃရတၢင်းပဵၼ်တီႈ ၸႂ်ယႂ်ႇသင်ဢမ်ႇ လႆႈ ၸိူင်ႉၼႆ ။

 

ၶေႃႈလူပ်းလင်

 

ၽိၵ်ၶူတၢင်းလၢႆ ! သင်ၶႃရတၢင်းလၢႆ ဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်း လၢႆဢမ်ႇယိုၼ်းယၢဝ်းၸိူင်ႉၼႆသင်ၶႃရတၢင်းလၢႆပဵၼ်တီႈၸႂ်ယႂ်ႇသင်ဢမ်ႇလႆႈ

ၸိူင်ႉၼႆ

 

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉ ၵေႃႈပေႃးယဝ်ႉ ပိူဝ်ႈမိူဝ်ႇၸၢၼ်ႈ ၼႂ်း သင်ၶႃရတၢင်းလၢႆ ပေႃးယဝ်ႉပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

 

ပၸိၼ်ဝင်သ မူႇမၼုသၸိုဝ်ႈဝႃႈ တီဝရႃ

ဝူင်ၵူတ် ၶွင် မူႇမၼုသ ၸိုဝ်ႈဝႃႈ ရေႃႁိတသ

သူပသ်သ ၶွင်မူႇမၼုသ ၸိုဝ်ႈဝႃႈ သုပ်ပီယ

လႄႈ ဝိပူလ ၶွင်မူႇမၼုသ ၸိုဝ်ႈဝႃႈ မႃၶထ

သင်ၶႃရတၢင်းလၢႆဢမ်ႇမၼ်ႈၵိုမ်းၼေႃ

မီးဢၼ်ၵိူတ်ႇၶိုၼ်ႈ လႄႈ ၸိူမ်ႈႁၢႆၵႂႃႇပဵၼ်ထမ်မတႃႇ

မိူဝ်ႈၵိူတ်ႇၶိုၼ်ႈယဝ်ႉ ၸိုင် မွတ်ႇလူႁၢႆၵႂႃႇ

သင်ၵိုတ်းယိုတ်းလွင်ႈသင်ၶႃရတၢင်းလၢႆလႆႈ ၸင်ႇၸၢင်ႈသိူဝ်းၼင်ႇၼႆ ။

-------------------

ဢိင်ၶေႃႈမုလ်း ပပ်ႉပီတၵၢတ်ႈၽၢႆႇထႆး ၼိထႃၼဝႂၵ်ႈ သင်ယုတ်တၼိၵႃယ 16/225-228/456-461

ပပ်ႉပုတ်ထဝၸၼ ပပ်ႉထိ 11