တၢင်းတုၵ်ႉၼႂ်းငရၢႆး
ၽိၵ်ၶူတၢင်းလၢႆ ! မိူၼ်ၼင်ႇႁိူၼ်းသွင်လင် မီးၽၵ်းတူတေႃႇၼႃႈၵၼ်သေ
ၵူၼ်းၵေႃႉဢၼ်တႃလီၼၼ်ႉ ၸုၵ်းယူႇၼႂ်းၵႄႈႁိူၼ်းသွင်လင်ၼၼ်ႉ ႁၼ်ၵူၼ်းတိုၵ်ႉၶဝ်ႈႁိူၼ်းၽွင်ႈ
တိုၵ်ႉဢွၵ်ႇႁိူၼ်းၽွင်ႈ ပႆၶဝ်ႈမႃးၽွင်ႈ ပႆဢွၵ်ႇၵႂႃႇၽွင်ႈ ၼင်ႇၼၼ် ။
ၽိၵ်ၶူတၢင်းလၢႆ ! ၸိူင်ႉႁိုဝ်ၵေႃႈၸိူင်ႉၼၼ်မိူၼ်ၵၼ် ႁဝ်းၸိုင်ႁၼ်မူႇသတ်းတိုၵ်ႉၸုတိ
ၽွင်ႈ တိုၵ်ႉဢုပတိ ၽွင်ႈ ၺၢမ်ႉၽွင်ႈ ပရႃၼိသ်ၽွင်ႈ ၽိဝ်ၼိူဝ်ႉလီ ၽိဝ်ၼိူဝ်ႉဢမ်ႇလီ လႆႈလီ
တုၵ်ႉယၢၵ်ႈ လူၺ်ႈထိပ်ၽယၸၵ်သူ ဢၼ်တဵမ်ထူၼ်ႈ တွၼ်းလိူဝ်ၵူၼ်း(မၼုသ)
ၸင်ႇႁူႉၸႅင်ႈမူႇသတ်းၽူႈပဵၼ်ၸွမ်းတၢင်းဝူတ်ႈၵၢမ်ႇလႆႈဝႃႈ
သတ်းၽူႈတိုၵ်ႉပဵၼ်ယူႇၸိူဝ်းၼၼ်ႉ ဢၼ်မီးၵႃယသုၸလိူၵ်ႈ ဝႃၸီသုၸလိူၵ်ႈ
မၼေႃးသုၸလိူၵ်ႈ ဢမ်ႇသေႉသွမ်း ဢရိယၸဝ်ႈ ပဵၼ်သမ်မႃတိၵ်ထိ ယုမ်ႇယမ်ၵၢမ်ႇလူၺ်ႈဢမ်းၼၢတ်ႈသမ်မုတိၵ်ထိ
မိူဝ်ႈတၢႆၵႂႃႇယဝ်ႉ ၸိုင်ၶဝ်ႈထိုင် သုၶတိ မိူင်းၽီၵေႃႈမီး ။
သတ်းၽူႈတိုၵ်ႉပဵၼ်ယူႇၸိူဝ်းၼၼ်ႉ ဢၼ်မီးၵႃယသုၸလိူၵ်ႈ ဝႃၸီသုၸလိူၵ်ႈ
မၼေႃးသုၸလိူၵ်ႈ ဢမ်ႇသေႉသွမ်း ဢရိယၸဝ်ႈ ပဵၼ်သမ်မႃတိၵ်ထိ ယုမ်ႇယမ်ၵၢမ်ႇလူၺ်ႈဢမ်းၼၢတ်ႈသမ်မုတိၵ်ထိ
မိူဝ်ႈတၢႆၵႂႃႇယဝ်ႉ ၸိုင်ၶဝ်ႈထိုင် ၵိူတ်ႇၼႂ်းမၼုသ (ၵူၼ်း)ၵေႃႈမီး ။
သတ်းၽူႈတိုၵ်ႉပဵၼ်ယူႇၸိူဝ်းၼၼ်ႉ
ဢၼ်မီးၵႃယတုၸလိူၵ်ႈ ဝႃၸီတုၸလိူၵ်ႈ မၼေႃးတုၸလိူၵ်ႈ သေႉသွမ်း ဢရိယၸဝ်ႈ ပဵၼ်မိၵ်ႉသႃတိၵ်ထိ
ယုမ်ႇယမ်ၵၢမ်ႇလူၺ်ႈဢမ်းၼၢတ်ႈမိၵ်ႉသႃမုတိၵ်ထိ မိူဝ်ႈတၢႆၵႂႃႇယဝ်ႉ ၸိုင်ၶဝ်ႈထိုင် ပိၵ်ႉတႃႇၵေႃႈမီး
။
သတ်းၽူႈတိုၵ်ႉပဵၼ်ယူႇၸိူဝ်းၼၼ်ႉ ဢၼ်မီးၵႃယတုၸလိူၵ်ႈ ဝႃၸီတုၸလိူၵ်ႈ
မၼေႃးတုၸလိူၵ်ႈ သေႉသွမ်း ဢရိယၸဝ်ႈ ပဵၼ်မိၵ်ႉသႃတိၵ်ထိ ယုမ်ႇယမ်ၵၢမ်ႇလူၺ်ႈဢမ်းၼၢတ်ႈမိၵ်ႉသႃမုတိၵ်ထိ
မိူဝ်ႈတၢႆၵႂႃႇယဝ်ႉ ၸိုင်ၶဝ်ႈထိုင် သတ်းတရိၵ်ႉသၢၼ်ႇ
ၵေႃႈမီး ။
သတ်းၽူႈတိုၵ်ႉပဵၼ်ယူႇၸိူဝ်းၼၼ်ႉ ဢၼ်မီးၵႃယတုၸလိူၵ်ႈ ဝႃၸီတုၸလိူၵ်ႈ
မၼေႃးတုၸလိူၵ်ႈ သေႉသွမ်း ဢရိယၸဝ်ႈ ပဵၼ်မိၵ်ႉသႃတိၵ်ထိ ယုမ်ႇယမ်ၵၢမ်ႇလူၺ်ႈဢမ်းၼၢတ်ႈမိၵ်ႉသႃမုတိၵ်ထိ
မိူဝ်ႈတၢႆၵႂႃႇယဝ်ႉ ၸိုင်ၶဝ်ႈထိုင် ဢပႃယ တုၶတိ ဝိၼိပၢတ်ႇ ငရၢႆး ၵေႃႈမီး ။
ၽိၵ်ၶူတၢင်းလၢႆ ! ၶုၼ်ၼိရိယတၢင်းလၢႆၶဝ်ၸင်ႇၺွပ်းဢဝ်သတ်းၽူႈၼၼ်ႉ
မိူဝ်းၼေၶုၼ်ယႃႇမဝႃႈ ၼေႃးတီႈၶႃႈၸဝ်ႈၶုၼ်ယႃႇမ ! ၵူၼ်းၽူႈၼႆႉဢမ်ႇပတိပတ်ႈလီတေႃႇမႃတႃႇ
ဢမ်ႇပတိပတ်ႈလီတေႃႇသမၼ ဢမ်ႇပတိပတ်ႈလီတေႃႇၽရၢမ်း(ပုင်ႇၼႃး)
ဢမ်ႇဢွၼ်ႇၼွမ်ႉတေႃႇၽူႈယႂ်ႇၼႂ်းသၵုလ် ၊ ယွၼ်းႁႂ်ႈၸဝ်ႈ ပၼ်တၢမ်ႇ ၽူႈၵူၼ်းၵေႃႉၼႆႉၶႃႈ
။
႑ ၽိၵ်ၶူတၢင်းလၢႆ ! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ်
တွင်ႈထၢမ်ထိုင်ၵေႃႉထိ 1 တီႈသတ်း ၽူႈၼၼ်ႉဝႃႈ ပေႃႈၸဝ်ႈၶုၼ်ဢူၺ်
သူဢမ်ႇလႆႈႁၼ်ၵူၼ်းဢၼ်ပေႃႇၼႂ်းမူႇမၼုသႁိုဝ်? ၽတ်းၽူႈၼၼ်ႉတၢင်ႇလဝ်ႈဝႃႈ
ဢမ်ႇလႆႈႁၼ်ၸဝ်ႈၶႃႈ ! ၶုၼ်ယႃႇမၸင်ႇထၢမ်ၼင်ႇၼႆဝႃႈ ပေႃႈၶုၼ် ၸွင်ႇလႆႈႁၼ်လုၵ်ႈဢွၼ်ႇလႅင်
တိုၵ်ႉဢွၼ်ႇ ၼွၼ်းတၢၵ်ႇငၢႆ ၼွၼ်းၵူဝ်ႈမုတ်ႉၶုတ်ႉၶွင်တူဝ်ၵဝ်ႇယူႇႁိုဝ်? သတ်းၽူႈၼၼ်ႉတၢင်ႇလဝ်ႈထိုင်ၼင်ႇၼႆဝႃႈ ႁၼ်ၸဝ်ႈၶႃႈ ။
ၶုၼ်ယႃႇမၸင်ႇထၢမ်ၼင်ႇၼႆတီႈသတ်းၽူႈၼၼ်ႉဝႃႈ
ပေႃႈၶုၼ်ဢူၺ်! သူၼၼ်ႉ မိူဝ်ႈႁူႉၵႂၢမ်း မီးသတိ ပဵၼ်ၽူႈယႂ်ႇယဝ်ႉ
ၸွင်ႇမီးတၢင်းဝူၼ်ႉၼင်ႇၼႆၽွင်ႈႁိုဝ်ဝႃႈ ထိုင်တူဝ်ႁဝ်းလႄႈ ၵေႃႈမီးတၢင်းၵိူတ်ႇပဵၼ်ထမ်ႇမတႃႇ
ဢမ်ႇလူင်ႈပူၼ်ႉလွင်ႈ ၵိူတ်ႇလႆႈ ႁဝ်းၼၼ်ႉထုၵ်ႇလီႁဵတ်းလွင်ႈလီတၢင်းတူဝ်ၵႃႇယ တၢင်းဝႃၸႃ
လႄႈ တၢင်းၸႂ် ၊ သတ်းၼၼ်ႉတၢင်ႇလဝ်ႈၼင်ႇ ၼႆဝႃႈ ၶႃႈၽူႈၸဝ်ႈဢမ်ႇလႆႈႁဵတ်းသင်ၸဝ်ႈၶႃႈ ၵွပ်ႈၵုမ်ႇလူင်လိုမ်းယူႇၸဝ်ႈၶႃႈ
!
ၶုၼ်ယႃႇမ ၵၢဝ်ႇၸိူင်ႉၼႆဝႃႈ ပေႃႈၶုၼ်ဢူၺ် ! ၸဝ်ႈဢမ်ႇလႆႈႁဵတ်းလွင်ႈလီတၢင်းတူဝ်ႈၵႃယ တၢင်းဝႃၸႃ လႄႈ တၢင်းၸႂ်ဝႆႉ ၵွပ်ႈလူင်လိုမ်းယူႇၼင်ႇၼၼ်ႉ
ၼိရယၶဝ်တေပၼ်တၢမ်ႇၸဝ်ႈ လူၺ်ႈတၢင်းဢၼ်ၸဝ်ႈလူင်လိုမ်းယဝ်ႉ ၵၢမ်ႇၼႆႉၼၼ်ႉ လႄႈ ဢမ်ႇၸႂ်ႈမႃႇတႃႇႁဵတ်းပၼ်ၸဝ်ႈ
ဢမ်ႇၸႂ်ႈပိတႃႇႁဵတ်းပၼ်ၸဝ်ႈ ဢမ်ႇၸႂ်ႈပီႈၼွင်ႉၸၢႆးႁဵတ်းပၼ်ၸဝ်ႈ ဢမ်ႇၸႂ်ႈပီႈ ၼွင်ႉယိင်းႁဵတ်းပၼ်ၸဝ်ႈ
ဢမ်ႇၸႂ်ႈမိတ်ႉသႃႁႃယ ဢမၢတ်ႈႁဵတ်းပၼ်ၸဝ်ႈ ဢမ်ႇၸႂ်ႈၺႃႇတိၵႃသႃလေႃးႁိတႁဵတ်းပၼ် ၸဝ်ႈ ဢမ်ႇၸႂ်ႈသမၼ
လႄႈ ၽရၢမ်း ပုင်ႇၼႃးႁဵတ်းပၼ်ၸဝ်ႈ ဢမ်ႇၸႂ်တေႇဝတႃႇႁဵတ်းပၼ်ၸဝ်ႈ တူဝ်ၸဝ်ႈၵဝ်ႇၼၼ်ႉ ႁဵတ်းဢဝ်ဝႆႉႁင်းၵူၺ်း
ၸဝ်ႈၼၼ်ႉၵူၺ်းၵေႃႉလႆႈၶမ်ႇတၢမ်ႇဝိပၢၵ်ႇၶွင်ၵၢမ်ႇၼႆႉ ။
႒ ၽိၵ်ၶူတၢင်းလၢႆ ! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ်
တွင်ႈထၢမ်ထိုင်ၵေႃႉထိ 1 တီႈသတ်း ၽူႈၼၼ်ႉယဝ်ႉ ၸင်ႉတွင်ႈထၢမ်ဢဝ်ဢူၵ်းဢဝ်ၸႂ်တီႈၵေႃႉထိ
2 ဝႃႈ ပေႃႈၸဝ်ႈၶုၼ်ဢူၺ် သူဢမ်ႇလႆႈႁၼ်ၵူၼ်းၵေႃႉထိ 2 ဢၼ်ပေႃႇၼႂ်းမူႇမၼုသႁိုဝ်? ၽတ်းၽူႈၼၼ်ႉတၢင်ႇလဝ်ႈဝႃႈ ၶႃႈၽူႈၸဝ်ႈဢမ်ႇလႆႈႁၼ်ၸဝ်ႈၶႃႈ
! ၶုၼ်ယႃႇမ ၸင်ႇ ထၢမ်ၼင်ႇၼႆဝႃႈ ပေႃႈၶုၼ်ဢူၺ် ၸွင်ႇလႆႈႁၼ် ယိင်း ႁိုဝ်
ၸၢႆး ဢႃႇယု 80 ပီႊ 90 ပီႊ100 ပီႊ ၼပ်ႉတင်ႈတေႇၵိူတ်ႇမႃး ပဵၼ်ၽူႈၸရႃႇ ၶီႈၶၢင်ႈၵူတ်ႉ လင်ငေႃး ယိပ်းၶွၼ်ႉတဝ်ႉ
ငူၵ်းငိူၼ်ႉ သၼ်ႇသၼ်ႇသၢႆသၢႆပႆၵႂႃႇ လူင်ႈပူၼ်ႉပၢၼ်ၼုမ်ႇသၢဝ် ၶဵဝ်ႈသွၼ်ႇ ၶူၼ်ႁူဝ်ႁွၵ်ႇ
ၼင်ႁဵဝ်ႇယူၼ်ႈ ႁူဝ်လၢၼ်ႉ ၽိဝ်တူၵ်းၵဵတ်း ၼႂ်းမူႉၵူၼ်း မၼုသႁိုဝ်?
သတ်းၽူႈၼၼ်ႉတၢင်ႇလဝ်ႈထိုင်ၼင်ႇၼႆဝႃႈ ႁၼ်ၸဝ်ႈၶႃႈ ။
ၶုၼ်ယႃႇမၸင်ႇထၢမ်ၼင်ႇၼႆတီႈသတ်းၽူႈၼၼ်ႉဝႃႈ
ပေႃႈၶုၼ်ဢူၺ်! ၸဝ်ႈၼၼ်ႉ မိူဝ်ႈႁူႉၵႂၢမ်း မီးသတိ ပဵၼ်ၽူႈ ယႂ်ႇယဝ်ႉ
ၸွင်ႇမီးတၢင်းဝူၼ်ႉၼင်ႇၼႆၽွင်ႈႁိုဝ်ဝႃႈ ထိုင်တူဝ်ႁဝ်းလႄႈ ၵေႃႈမီးတၢင်းၵႄႇပဵၼ်ထမ်ႇမတႃႇ
ဢမ်ႇလူင်ႈပူၼ်ႉ လွင်ႈၵႄႇလႆႈ ႁဝ်းၼၼ်ႉထုၵ်ႇလီႁဵတ်းလွင်ႈလီတၢင်းတူဝ်ၵႃႇယ တၢင်းဝႃၸႃ လႄႈ
တၢင်းၸႂ် ၊
သတ်းၼၼ်ႉတၢင်ႇလဝ်ႈၼင်ႇၼႆဝႃႈ ၶႃႈၽူႈၸဝ်ႈဢမ်ႇလႆႈႁဵတ်းသင်ၸဝ်ႈၶႃႈ
ၵွပ်ႈၵုမ်ႇလူင်လိုမ်းယူႇၸဝ်ႈၶႃႈ !
ၶုၼ်ယႃႇမ ၵၢဝ်ႇၸိူင်ႉၼႆဝႃႈ ပေႃႈၶုၼ်ဢူၺ် ! ၸဝ်ႈဢမ်ႇလႆႈႁဵတ်းလွင်ႈလီတၢင်းတူဝ်ႈၵႃယ တၢင်းဝႃၸႃ လႄႈ တၢင်းၸႂ်ဝႆႉ ၵွပ်ႈလူင်လိုမ်းယူႇၼင်ႇၼၼ်ႉ
ၼိရယၶဝ်တေပၼ်တၢမ်ႇၸဝ်ႈ လူၺ်ႈတၢင်းဢၼ်ၸဝ်ႈလူင်လိုမ်းယဝ်ႉ ၵၢမ်ႇၼႆႉၼၼ်ႉ လႄႈ ဢမ်ႇၸႂ်ႈမႃႇတႃႇႁဵတ်းပၼ်ၸဝ်ႈ
ဢမ်ႇၸႂ်ႈပိတႃႇႁဵတ်းပၼ်ၸဝ်ႈ ဢမ်ႇၸႂ်ႈပီႈၼွင်ႉၸၢႆးႁဵတ်းပၼ်ၸဝ်ႈ ဢမ်ႇၸႂ်ႈပီႈ ၼွင်ႉယိင်းႁဵတ်းပၼ်ၸဝ်ႈ
ဢမ်ႇၸႂ်ႈမိတ်ႉသႃႁႃယ ဢမၢတ်ႈႁဵတ်းပၼ်ၸဝ်ႈ ဢမ်ႇၸႂ်ႈၺႃႇတိၵႃသႃလေႃးႁိတႁဵတ်းပၼ် ၸဝ်ႈ ဢမ်ႇၸႂ်ႈသမၼ
လႄႈ ၽရၢမ်း ပုင်ႇၼႃးႁဵတ်းပၼ်ၸဝ်ႈ ဢမ်ႇၸႂ်တေႇဝတႃႇႁဵတ်းပၼ်ၸဝ်ႈ တူဝ်ၸဝ်ႈၵဝ်ႇၼၼ်ႉ ႁဵတ်းဢဝ်ဝႆႉႁင်းၵူၺ်း
ၸဝ်ႈၼၼ်ႉၵူၺ်းၵေႃႉလႆႈၶမ်ႇတၢမ်ႇဝိပၢၵ်ႇၶွင်ၵၢမ်ႇၼႆႉ ။
႓ ၽိၵ်ၶူတၢင်းလၢႆ
! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ် တွင်ႈထၢမ်ထိုင်ၵေႃႉထိ
2 တီႈသတ်း ၽူႈၼၼ်ႉယဝ်ႉ ၸင်ႉတွင်ႈထၢမ်ဢဝ်ဢူၵ်းဢဝ်ၸႂ်တီႈၵေႃႉထိ
3 ဝႃႈ ပေႃႈၸဝ်ႈၶုၼ်ဢူၺ် သူဢမ်ႇလႆႈႁၼ်ၵူၼ်းၵေႃႉထိ 3 ဢၼ်ပေႃႇၼႂ်းမူႇမၼုသႁိုဝ်? ၽတ်းၽူႈၼၼ်ႉတၢင်ႇလဝ်ႈဝႃႈ ၶႃႈၽူႈၸဝ်ႈဢမ်ႇလႆႈႁၼ်ၸဝ်ႈၶႃႈ
! ၶုၼ်ယႃႇမ ၸင်ႇ ထၢမ်ၼင်ႇၼႆဝႃႈ ပေႃႈၶုၼ်ဢူၺ် ၸွင်ႇလႆႈႁၼ် ယိင်း ႁိုဝ်
ၸၢႆး ၽူႈမီးတၢင်းပဵၼ် ၶၢၼ်ၸႂ် ၼၢဝ်သၼ်ႇ ၼွၼ်းၵူဝ်ႈ မုတ်ႉၶုတ်ႉ (ၶီႈယဵဝ်ႈ) ၶွင်တူဝ်ၵဝ်ႇ မီးၵူၼ်းဢုမ်ႈလုၵ်ႉ ဢုမ်ႈပႆ ၼႂ်းမူႇၵူၼ်း
မၼုသႁိုဝ်း?
သတ်းၽူႈၼၼ်ႉတၢင်ႇလဝ်ႈထိုင်ၼင်ႇၼႆဝႃႈ ႁၼ်ၸဝ်ႈၶႃႈ ။
ၶုၼ်ယႃႇမၸင်ႇထၢမ်ၼင်ႇၼႆတီႈသတ်းၽူႈၼၼ်ႉဝႃႈ
ပေႃႈၶုၼ်ဢူၺ်! ၸဝ်ႈၼၼ်ႉ မိူဝ်ႈႁူႉၵႂၢမ်း မီးသတိ ပဵၼ်ၽူႈ ယႂ်ႇယဝ်ႉ
ၸွင်ႇမီးတၢင်းဝူၼ်ႉၼင်ႇၼႆၽွင်ႈႁိုဝ်ဝႃႈ ထိုင်တူဝ်ႁဝ်းလႄႈ ၵေႃႈမီးတၢင်းၵႄႇပဵၼ်ထမ်ႇမတႃႇ
ဢမ်ႇလူင်ႈပူၼ်ႉ လွင်ႈၵႄႇလႆႈ ႁဝ်းၼၼ်ႉထုၵ်ႇလီႁဵတ်းလွင်ႈလီတၢင်းတူဝ်ၵႃႇယ တၢင်းဝႃၸႃ လႄႈ
တၢင်းၸႂ် ၊
သတ်းၼၼ်ႉတၢင်ႇလဝ်ႈၼင်ႇၼႆဝႃႈ ၶႃႈၽူႈၸဝ်ႈဢမ်ႇလႆႈႁဵတ်းသင်ၸဝ်ႈၶႃႈ
ၵွပ်ႈၵုမ်ႇလူင်လိုမ်းယူႇၸဝ်ႈၶႃႈ !
ၶုၼ်ယႃႇမ ၵၢဝ်ႇၸိူင်ႉၼႆဝႃႈ ပေႃႈၶုၼ်ဢူၺ် ! ၸဝ်ႈဢမ်ႇလႆႈႁဵတ်းလွင်ႈလီတၢင်းတူဝ်ႈၵႃယ တၢင်းဝႃၸႃ လႄႈ တၢင်းၸႂ်ဝႆႉ ၵွပ်ႈလူင်လိုမ်းယူႇၼင်ႇၼၼ်ႉ
ၼိရယၶဝ်တေပၼ်တၢမ်ႇၸဝ်ႈ လူၺ်ႈတၢင်းဢၼ်ၸဝ်ႈလူင်လိုမ်းယဝ်ႉ ၵၢမ်ႇၼႆႉၼၼ်ႉ လႄႈ ဢမ်ႇၸႂ်ႈမႃႇတႃႇႁဵတ်းပၼ်ၸဝ်ႈ
ဢမ်ႇၸႂ်ႈပိတႃႇႁဵတ်းပၼ်ၸဝ်ႈ ဢမ်ႇၸႂ်ႈပီႈၼွင်ႉၸၢႆးႁဵတ်းပၼ်ၸဝ်ႈ ဢမ်ႇၸႂ်ႈပီႈ ၼွင်ႉယိင်းႁဵတ်းပၼ်ၸဝ်ႈ
ဢမ်ႇၸႂ်ႈမိတ်ႉသႃႁႃယ ဢမၢတ်ႈႁဵတ်းပၼ်ၸဝ်ႈ ဢမ်ႇၸႂ်ႈၺႃႇတိၵႃသႃလေႃးႁိတႁဵတ်းပၼ် ၸဝ်ႈ ဢမ်ႇၸႂ်ႈသမၼ
လႄႈ ၽရၢမ်း ပုင်ႇၼႃးႁဵတ်းပၼ်ၸဝ်ႈ ဢမ်ႇၸႂ်တေႇဝတႃႇႁဵတ်းပၼ်ၸဝ်ႈ တူဝ်ၸဝ်ႈၵဝ်ႇၼၼ်ႉ ႁဵတ်းဢဝ်ဝႆႉႁင်းၵူၺ်း
ၸဝ်ႈၼၼ်ႉၵူၺ်းၵေႃႉလႆႈၶမ်ႇတၢမ်ႇဝိပၢၵ်ႇၶွင်ၵၢမ်ႇၼႆႉ ။
႔ ၽိၵ်ၶူတၢင်းလၢႆ ! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ်
တွင်ႈထၢမ်ထိုင်ၵေႃႉထိ 3 တီႈသတ်း ၽူႈၼၼ်ႉယဝ်ႉ ၸင်ႉတွင်ႈထၢမ်ဢဝ်ဢူၵ်းဢဝ်ၸႂ်တီႈၵေႃႉထိ
4 ဝႃႈ ပေႃႈၸဝ်ႈၶုၼ်ဢူၺ် သူဢမ်ႇလႆႈႁၼ်ၵူၼ်းၵေႃႉထိ 4 ဢၼ်ပေႃႇၼႂ်းမူႇမၼုသႁိုဝ်? ၽတ်းၽူႈၼၼ်ႉတၢင်ႇလဝ်ႈဝႃႈ ၶႃႈၽူႈၸဝ်ႈဢမ်ႇလႆႈႁၼ်ၸဝ်ႈၶႃႈ
! ၶုၼ်ယႃႇမ ၸင်ႇ ထၢမ်ၼင်ႇၼႆဝႃႈ ပေႃႈၶုၼ်ဢူၺ် ၸွင်ႇလႆႈႁၼ် ရႃႇၸႃႇတၢင်းလၢႆ ၺွပ်းၸူၼ်ၽူႈႁဵတ်းၽိတ်းမႃးယဝ်ႉပၼ်
တၢမ်ႇၵူႈ ပိူင်ပိူင်ၼႂ်းမူႇၵူၼ်း မၼုသႁိုဝ်?
(1) ဢဝ်ၽႃႉပေႃႉထုပ်ႉၽွင်ႈ
(2) ဢဝ်မၢၵ်ႇဝၢႆ
ပေႃႉထုပ်ႉၽွင်ႈ
(3) ဢဝ်ၶွၼ်ႉပွတ်းသေပေႃႉထုပ်ႉၽွင်ႈ
(4) တႅပ်းမိုဝ်းၽွင်ႈ
(5) တႅပ်းတိၼ်ၽွင်ႈ
(6) တႅပ်းတိၼ်မိုဝ်းတင်းသွင်ၽၢႆႇၽွင်ႈ
(7) တတ်းပႅတ်ႈႁူၽွင်ႈ
(8) တတ်းၶူႈလင်ၽွင်ႈ
(9) တတ်းပႅတ်ႈႁူ
တင်းၶူလင်ၽွင်ႈ
(10) ၸႂ်ႉလွၵ်းလၢႆးမေႃႈၶိုဝ်ႇၼမ်ႉၽွင်ႈ
(11) ၸႂ်ႉလွၵ်းလၢႆးၶွတ်ႇသၢၼ်ၽွင်ႈ
(12)
ၸႂ်းလွၵ်းလၢႆးပၢၵ်ႇရႃးႁူႇၽွင်ႈ
(13) ၸႂ်ႉလွၵ်းလၢႆးတူင်ႇၾႆးသုပ်းတူဝ်ၽွင်ႈ
(14) ၸႂ်ႉလၢႆးထုပ်ႉမိုဝ်းၽွင်ႈ
(15) ၸႂ်ႉလွၵ်းလၢႆးၽႃႇသိၵ်ႈၽွင်ႈ
(16) ၸႂ်ႉလွၵ်းလၢႆးၼုင်ႈပိူၵ်ႇမႆႉၽွင်ႈ
(17) ၸႂ်ႉလၢႆး
ၸုၵ်းၵႆႇၽွင်ႈ
(18) ၸႂ်ႉလွၵ်းလၢႆးၵဵဝ်ႇယိူဝ်ႇမဵတ်းၽွင်ႈ
(19) ၸႂ်ႉလွၵ်းလၢႆးၵိင်ႈပၼ်ႇတူင်ႇၽွင်ႈ
(20) ၸႂ်ႉလၢႆးဢဝ်ယူႈၶုတ်ႇယၢႆးၽွင်ႈ
(21) ၸႂ်ႉလွၵ်းလၢႆး
ပၼ်ႇဝူင်းၽွင်ႈ
(22) ၸႂ်ႉလွၵ်းလၢႆးတင်ႈၽိူင်းၽွင်ႈ
(23) ဢဝ်ၼမ်ႉမၼ်းလိူတ်ႇႁူတ်းသႂ်ႇၽွင်ႈ
(24) ႁႂ်ႈမႃၶူပ်းၵိၼ်ၽွင်ႈ
(25) ဢဝ်ၼွၼ်းၼိူဝ်ၽၢၵ်ႇလႅမ်လႅမ်ၽွင်ႈ
(26) ဢဝ်လၢပ်ႇတႅပ်းႁူဝ်ၽွင်ႈ
သိုပ်ႇၼႃႈထိ 70
႑ မေႃႈၶိုဝ်ႇတူမ်ႈ - ႁႂ်ႈထုပ်ႉၵွင်ႇၵေႃႈလဵၵ်ႉဢွၵ်ႇသေယဝ်ႉ ဢဝ်ၵိမ်းၺိပ်ႈၵွၼ်ႈလဵၵ်ႇလႅင်ယႂ်ႇသႂ်ႇလူင်းၼႂ်းမေႃႈၶိုဝ်ႇတူမ်ႈႁႂ်ႈမၼ်းဢွၵ်း
ဢေႃၽုင်ႈၽူးၶိုၼ်ႈၼင်ႇမေႃႈၼမ်ႉၶိုဝ်ႇသူမ်ႈသဢုမ်း ။
႒ ၶွတ်ႇသင် - ႁႂ်ႈထိူဝ်ဢဝ်ၼင်ၼႃႈထိုင်ၽၢႆးပၢၵ်ႇ ၽၢႆႇၼိူဝ်တင်းသွင်ၶၢင်ႈပဵၼ်တီႈသုတ်း ၊ ထိုင်မူၵ်ႇႁူတင်းသွင်ၶၢင်ႈပဵၼ်တီႈ
သုတ်း ၊ ထိုင်တၢႆႈၶေႃးၽၢႆႇလင်ပဵၼ်တီႈသုတ်း ယဝ်ႉႁႂ်ႈမုၼ်ၶူၼ်ႁူဝ်ၶဝ်ႈတၢင်းသဵင်ႈ ၊ ဢဝ်မႆႉယၢဝ်းသွတ်ႇၶဝ်ႈၼိုင်ႈၽၢႆႇၼိုင်ႈၵေႃႉ
ယုၵ်ႉၶွၼ်းသၼ်ႇ ယဝ်ႉလွၵ်ႈၼင်လႄႈၶူဝ်ႁူဝ်ဢွၵ်ႇသေယဝ်ႉဢဝ်မဵတ်ႉသၢႆးၵျၢမ်းၶတ်းႁႂ်ႈလုပ်ႇၵွၵ်းႁူဝ်ၼၼ်ႉသုၵ်ႈလၢင်ႉတေႃႇပေႃးၶၢဝ်
မိူၼ်ၽၼ်သီသင် ။
႓ ပၢၵ်ႇရႃးႁူ - ဢဝ်ၶေႃၵွင်ႉသူပ်းႁႂ်ႈဢႃႈဝႆႉယဝ်ႉဢဝ်ၾႆးဝႆႉၼႂ်းသူပ်း ဢဝ်သိဝ်ႇဢၼ်ၽၢႆၼၼ်ႉသႄႉဝႄႉၽႃႇသူပ်းတေႃႇထိုင်မူၵ်ႇႁူ တင်းသွင်ၽၢႆၶၢင်ႈ ယဝ်ႉဢဝ်ၶေႃၵွင်ႉၵၢင်းႁႂ်ႈဢႃႈသူပ်းဝႆႉ ႁႂ်ႈလိူတ်ႈ(လေႃးႁိတ)လႆဢွၵ်ႇတႅမ်သူပ်း ။
႔ မႃလႆးၾႆး - ဢဝ်ၽႃႈၸုပ်ႉၼမ်ႉမၼ်းသေၶဵၼ်ၸွမ်းတူဝ်ယဝ်ႉဢဝ်ၾႆးၸုတ်ႇ ။
႕ ၶူပ်းမိုဝ်း - ဢဝ်ၽႃႈၸုပ်ႉၼမ်ႉမၼ်းသေၶဵၼ်းၸွမ်းၼိဝ်ႉမိုဝ်းတင်း ႑႐ ၼိဝ်ႉယဝ်ႉဢဝ်ၾႆးၸုတ်ႇ ။
႖ လိဝ်ႉသၢႆႇ - ထိူဝ်ၼိူဝ်ႉႁႂ်ႈပဵၼ်သိၵ်ႈပၼ်ယွင်းယႃႇႁႂ်ႈၶၢတ်ႇ သိုပ်ႇၼင်တႂ်ႈၶေႃးတေႃႇထိုင်ၶေႃႈတိၼ် ဢဝ်ၸိူၵ်ႈမတ်ႉဝႆႉ ႁႂ်ႈတိလ်ယဵပ်ႇယမ်ႈ သိၵ်ႈၼိူဝ်ႉသိၵ်ႈၼင်ၶွင်ၸဝ်ႈၵဝ်ႇ ႁႂ်ႈသုတ်ႇၶႃႈတီ တေႃႇထိုင်ပေႃးတၢႆ ။
႗ ၼုင်ႈပိူၵ်ႇမႆႉ - ႁႂ်ႈထိူဝ်ၼိူဝ်ႉတင်းၼင် ႁဵတ်းပဵၼ်သဵၼ်ႈပဵၼ်ယွင်း တေႇဢဝ်တႂ်ႈၶေႃးၶိုင်တီႈဢႅင်ႈ ႁႂ်ႈႁဵတ်းပဵၼ်သဵၼ်ႈပဵၼ်ယွင်း လူင်းတေႃႇထိုင်ၶေႃႈတိၼ် ႁဵတ်းႁႂ်ႈၼိူဝ်ႉပွတ်းၼိူဝ်ၼၼ်ႉတူၵ်းယွႆႉလူင်းမႃးမိူၼ်ၼူင်ႈၽႃႈၶႃၵွင် ။
႘ ၸုၵ်းၵႂင် - ဢဝ်တူင်ႇလဵၵ်းသုပ်းၶေႃႈသွၵ်ႇတင်းသွင်ၶၢင်ႈ ၶဝ်ႇတင်းသွင်ၶၢင်ႈ ႁႂ်ႈမၼ်ႈယဝ်ႉ ဢဝ်လၵ်းလဵၵ်းသွတ်ႇလူင်းၼႂ်းတူင်ႇ လဵၵ်းယဝ်ႉယိုတ်ႈႁႂ်ႈၶဵင်ႈပၵ်းဝႆႉၼိူဝ်ၽႅၼ်ႇလိၼ်ယဝ်ႉဢဝ်ၾႆးႁုမ်းႁႂ်ႈႁွပ်ႈတူဝ်တေႃႇထိုင်ပေႃးတၢႆ ။
႙ ၵဵဝ်ႇယိူဝ်ႇမဵတ်း - ဢဝ်မဵတ်းယႂ်ႇမီးၶူမ်းသွင်ၶၢင်ႈ ၵဵဝ်ၵွင်ႉတီႈတူဝ် လွၵ်ႈၼင်ၼိူဝ်လႄႈဢဵၼ်လဵၵ်ႉယႂ်ႇႁႂ်ႈလုတ်ႈၶၢတ်ႇဢွၵ်ႇမႃး တေႃႇပေႃးထိုင်တၢႆ ။
႑႐ လိူၼ်ၵသၢပ် - ႁႂ်ႈဢဝ်မိတ်ႈၶူမ်းၽၢႆပၢတ်ႇၼိူဝ်ႉၸွမ်းတူဝ်တူၵ်းလူင်းဢွၵ်ႇၸွမ်းတူဝ်ၵမ်းဢိတ်းၵမ်းဢိတ်းတေႃႇသဵင်ႈမင်းသႃ ။
႑႑ ၸဵပ်းသႅပ်ႇ - ႁႂ်ႈထိူဝ် လေႉ သပ်းၸွမ်းတူဝ်ႁႂ်ႈတူဝ်ႈၸွတ်ႇ ယဝ်ႉဢဝ်ပလၢတ်ႉဝီၸုပ်ႉၼမ်ႉသႅပ်ႇႁႂ်ႈၶိတ်ႇၶုတ်ႇၸေႃႉၼင်လႄႈၼိူဝ်ႉ လႄႈဢဵၼ်လဵၵ်ႉယႂ်ႇႁႂ်ႈလွၵ်ႈဢွၵ်ႇမႃးတင်းသဵင်ႈႁႂ်ႈၵိုတ်းဝႆႉၶူင်းလုပ်ႇၵူၺ်း ။
႑႒ ၵၢင်ဝဵၼ်း - ႁႂ်ႈၼွၼ်းလူင်းၶၢင်ႈလႂ်ၶၢင်ႈၼိုင်ႈယဝ်ႉႁႂ်ႈဢဝ်ၽၢၵ်ႇလဵၵ်းတွၵ်ႇလူင်းၼႂ်းႁူးႁူႁႂ်ႈၼႅၼ်ႈၵပ်းၽႅၼ်ႇလိၼ်ယဝ်ႉဢဝ်တိၼ်တင်းသွင်ၶၢင်ႈ ပၼ်ႇဝဵၼ်မိူၼ်ၼင်ႇပူၵ်ၵူလ်ႁဵတ်းပၼ်ႇဝဵၼ်း ။
႑႓ တင်ႈၽိူင်း - ဢမ်ႇႁႂ်ႈၼိူဝ်ႉၽင်းၼင်ၶၢတ်ႇ ဢဝ်လုၵ်ႈၸီႇလႃႇ ထုပ်ႉႁႂ်ႈလုပ်ႇတႅၵ်ႇယွႆႈယဝ်ႉႁူပ်ႈၶူၼ်ႁူဝ်တၢင်းသဵင်ႈယုၵ်ႉၶိုၼ်ႈ ယွၼ်ႇလူင်းႁဵတ်းႁႂ်ႈၼိူဝ်ႉပဵၼ်ၵွင်ပဵၼ်လွမ် ယဝ်ႉၸွၵ်းႁေႃႇၼိူဝ်ႉ ၼင်တင်းလုပ်ႇဝၢင်းႁဵတ်ၼင်ႉတင်ႈဢၼ်ဢဝ်ၽိူင်းဝႆႉၸဵတ်ႉတိၼ်။
႑႔ ႁူတ်းၼမ်ႉမၼ်းလိူတ်ႇ - တင်ႈၼမ်ႉမၼ်းႁႂ်လိူတ်ႇလိူတ်ႇၽုင်ႉၽၢၼ်ႉယဝ်ႉ ႁူတ်းသႂ်ႇၸွမ်းႁူဝ်တေႃႇထိုင်တၢႆ ။
႑႕ ႁႂ်ႈမႃၵၢပ်ႈၵိၼ် - ႁႂ်ႈၶင်မႃႁၢႆႉတၢင်းလၢႆဢဝ်ဝႆႉ ႁႂ်ႈငၢတ်ႉၶဝ်ႈၽၵ်းလၢႆဝၼ်းပိူဝ်ႈႁႂ်ႈမႃၼၼ်ႉတွင်ႉမႆႈသႆႈလိူတ်ႇ ယဝ်ႉပွႆႇဢွၵ်ႇ ႁႂ်ႈမႃၼၼ်ႉ ၵပ်ႈၵိၼ်ၶူပ်းၵိၼ်ၼိူဝ်ႉၼင်ႁႂ်ႈၵိုတ်းလိူဝ်ဝႆႉၶူင်းလုပ်ႇ ။
သတ်းၽူႈၼၼ်ႉတၢင်ႇလဝ်ႈထိုင်ၼင်ႇၼႆဝႃႈ ႁၼ်ၸဝ်ႈၶႃႈ ။
ၶုၼ်ယႃႇမၸင်ႇထၢမ်ၼင်ႇၼႆတီႈသတ်းၽူႈၼၼ်ႉဝႃႈ
ပေႃႈၶုၼ်ဢူၺ်! ၸဝ်ႈၼၼ်ႉ မိူဝ်ႈႁူႉၵႂၢမ်း မီးသတိ ပဵၼ်ၽူႈ ယႂ်ႇယဝ်ႉ
ၸွင်ႇမီးတၢင်းဝူၼ်ႉၼင်ႇၼႆၽွင်ႈႁိုဝ်ဝႃႈ ပဵၼ်ဢၼ်ဝႃႈသတ်းဢၼ်ႁဵတ်းၵၢမ်ႇၵေႃႇဝူတ်ႈဝႆႉၼၼ်ႉ
ၸင်ႇထုၵ်ႇ ပၼ်တၢမ်ႇလၢႆပိူင်ၼႂ်းပၸုပၼ်ႇယၢမ်းလဵဝ် ယႃႇၵၢဝ်ႇလၢတ်ႈထိုင်လွင်ႈၸၢတ်ႈၼႃႈ ႁဝ်းထုၵ်ႇလီႁဵတ်းတၢင်းလီတင်း
တူဝ် ၵႃယ တၢင်းဝႃၸႃ လႄႈ တၢင်းၸႂ်
သတ်းၼၼ်ႉတၢင်ႇလဝ်ႈၼင်ႇၼႆဝႃႈ ၶႃႈၽူႈၸဝ်ႈဢမ်ႇလႆႈႁဵတ်းသင်ၸဝ်ႈၶႃႈ
ၵွပ်ႈၵုမ်ႇလူင်လိုမ်းယူႇၸဝ်ႈၶႃႈ !
ၶုၼ်ယႃႇမ ၵၢဝ်ႇၸိူင်ႉၼႆဝႃႈ ပေႃႈၶုၼ်ဢူၺ် ! ၸဝ်ႈဢမ်ႇလႆႈႁဵတ်းလွင်ႈလီတၢင်းတူဝ်ႈၵႃယ တၢင်းဝႃၸႃ လႄႈ တၢင်းၸႂ်ဝႆႉ ၵွပ်ႈလူင်လိုမ်းယူႇၼင်ႇၼၼ်ႉ
ၼိရယၶဝ်တေပၼ်တၢမ်ႇၸဝ်ႈ လူၺ်ႈတၢင်းဢၼ်ၸဝ်ႈလူင်လိုမ်းယဝ်ႉ ၵၢမ်ႇၼႆႉၼၼ်ႉ လႄႈ ဢမ်ႇၸႂ်ႈမႃႇတႃႇႁဵတ်းပၼ်ၸဝ်ႈ
ဢမ်ႇၸႂ်ႈပိတႃႇႁဵတ်းပၼ်ၸဝ်ႈ ဢမ်ႇၸႂ်ႈပီႈၼွင်ႉၸၢႆးႁဵတ်းပၼ်ၸဝ်ႈ ဢမ်ႇၸႂ်ႈပီႈ ၼွင်ႉယိင်းႁဵတ်းပၼ်ၸဝ်ႈ
ဢမ်ႇၸႂ်ႈမိတ်ႉသႃႁႃယ ဢမၢတ်ႈႁဵတ်းပၼ်ၸဝ်ႈ ဢမ်ႇၸႂ်ႈၺႃႇတိၵႃသႃလေႃးႁိတႁဵတ်းပၼ် ၸဝ်ႈ ဢမ်ႇၸႂ်ႈသမၼ
လႄႈ ၽရၢမ်း ပုင်ႇၼႃးႁဵတ်းပၼ်ၸဝ်ႈ ဢမ်ႇၸႂ်တေႇဝတႃႇႁဵတ်းပၼ်ၸဝ်ႈ တူဝ်ၸဝ်ႈၵဝ်ႇၼၼ်ႉ ႁဵတ်းဢဝ်ဝႆႉႁင်းၵူၺ်း
ၸဝ်ႈၼၼ်ႉၵူၺ်းၵေႃႉလႆႈၶမ်ႇတၢမ်ႇဝိပၢၵ်ႇၶွင်ၵၢမ်ႇၼႆႉ ။
႕ ၽိၵ်ၶူတၢင်းလၢႆ ! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ်
တွင်ႈထၢမ်ထိုင်ၵေႃႉထိ 4 တီႈသတ်း ၽူႈၼၼ်ႉယဝ်ႉ ၸင်ႇတွင်ႈထၢမ်ဢဝ်ဢူၵ်းဢဝ်ၸႂ်တီႈၵေႃႉထိ
5 ဝႃႈ ပေႃႈၸဝ်ႈၶုၼ်ဢူၺ် သူဢမ်ႇလႆႈႁၼ်ၵူၼ်းၵေႃႉထိ 5 ဢၼ်ပေႃႇၼႂ်းမူႇမၼုသႁိုဝ်? ၽတ်းၽူႈၼၼ်ႉတၢင်ႇလဝ်ႈဝႃႈ ၶႃႈၽူႈၸဝ်ႈဢမ်ႇလႆႈႁၼ်ၸဝ်ႈၶႃႈ
! ၶုၼ်ယႃႇမ ၸင်ႇ ထၢမ်ၼင်ႇၼႆဝႃႈ ပေႃႈၶုၼ်ဢူၺ် ၸွင်ႇလႆႈႁၼ်ယိင်း ႁိုဝ်
ၸၢႆး ဢၼ်တၢႆယဝ်ႉဝၼ်းၼိုင်ႈၽွင်ႈ သွင်ဝၼ်းၽွင်ႈ ႁိုဝ်သၢမ် ဝၼ်း ၵႂ်ႈပွင်း ၶဵဝ်သွမ်ႇ
မီးၼမ်ႉလိူင်ၸိုမ်းၼႂ်းမူႉၵူၼ်း မၼုသႁိုဝ်?
သတ်းၽူႈၼၼ်ႉတၢင်ႇလဝ်ႈထိုင်ၼင်ႇၼႆဝႃႈ ႁၼ်ၸဝ်ႈၶႃႈ ။
ၶုၼ်ယႃႇမၸင်ႇထၢမ်ၼင်ႇၼႆတီႈသတ်းၽူႈၼၼ်ႉဝႃႈ
ပေႃႈၶုၼ်ဢူၺ်! ၸဝ်ႈၼၼ်ႉ မိူဝ်ႈႁူႉၵႂၢမ်း မီးသတိ ပဵၼ်ၽူႈ ယႂ်ႇယဝ်ႉ
ၸွင်ႇမီးတၢင်းဝူၼ်ႉၼင်ႇၼႆၽွင်ႈႁိုဝ်ဝႃႈ ပဵၼ်ဢၼ်ဝႃႈသတ်းဢၼ်ႁဵတ်းၵၢမ်ႇၵေႃႇဝူတ်ႈဝႆႉၼၼ်ႉ
ၸင်ႇထုၵ်ႇ ပၼ်တၢမ်ႇလၢႆပိူင်ၼႂ်းပၸုပၼ်ႇယၢမ်းလဵဝ် ယႃႇၵၢဝ်ႇလၢတ်ႈထိုင်လွင်ႈၸၢတ်ႈၼႃႈ ႁဝ်းထုၵ်ႇလီႁဵတ်းတၢင်းလီတင်း
တူဝ် ၵႃယ တၢင်းဝႃၸႃ လႄႈ တၢင်းၸႂ်
သတ်းၼၼ်ႉတၢင်ႇလဝ်ႈၼင်ႇၼႆဝႃႈ ၶႃႈၽူႈၸဝ်ႈဢမ်ႇလႆႈႁဵတ်းသင်ၸဝ်ႈၶႃႈ
ၵွပ်ႈၵုမ်ႇလူင်လိုမ်းယူႇၸဝ်ႈၶႃႈ !
ၶုၼ်ယႃႇမ ၵၢဝ်ႇၸိူင်ႉၼႆဝႃႈ ပေႃႈၶုၼ်ဢူၺ် ! ၸဝ်ႈဢမ်ႇလႆႈႁဵတ်းလွင်ႈလီတၢင်းတူဝ်ႈၵႃယ တၢင်းဝႃၸႃ လႄႈ တၢင်းၸႂ်ဝႆႉ ၵွပ်ႈလူင်လိုမ်းယူႇၼင်ႇၼၼ်ႉ
ၼိရယၶဝ်တေပၼ်တၢမ်ႇၸဝ်ႈ လူၺ်ႈတၢင်းဢၼ်ၸဝ်ႈလူင်လိုမ်းယဝ်ႉ ၵၢမ်ႇၼႆႉၼၼ်ႉ လႄႈ ဢမ်ႇၸႂ်ႈမႃႇတႃႇႁဵတ်းပၼ်ၸဝ်ႈ
ဢမ်ႇၸႂ်ႈပိတႃႇႁဵတ်းပၼ်ၸဝ်ႈ ဢမ်ႇၸႂ်ႈပီႈၼွင်ႉၸၢႆးႁဵတ်းပၼ်ၸဝ်ႈ ဢမ်ႇၸႂ်ႈပီႈ ၼွင်ႉယိင်းႁဵတ်းပၼ်ၸဝ်ႈ
ဢမ်ႇၸႂ်ႈမိတ်ႉသႃႁႃယ ဢမၢတ်ႈႁဵတ်းပၼ်ၸဝ်ႈ ဢမ်ႇၸႂ်ႈၺႃႇတိၵႃသႃလေႃးႁိတႁဵတ်းပၼ် ၸဝ်ႈ ဢမ်ႇၸႂ်ႈသမၼ
လႄႈ ၽရၢမ်း ပုင်ႇၼႃးႁဵတ်းပၼ်ၸဝ်ႈ ဢမ်ႇၸႂ်တေႇဝတႃႇႁဵတ်းပၼ်ၸဝ်ႈ တူဝ်ၸဝ်ႈၵဝ်ႇၼၼ်ႉ ႁဵတ်းဢဝ်ဝႆႉႁင်းၵူၺ်း
ၸဝ်ႈၼၼ်ႉၵူၺ်းၵေႃႉလႆႈၶမ်ႇတၢမ်ႇဝိပၢၵ်ႇၶွင်ၵၢမ်ႇၼႆႉ ။
႖ ၽိၵ်ၶူတၢင်းလၢႆ ! ၶုၼ်ယႃႇမ ၸင်ႇပၼ်တၢင်းၼိမ်ၸႂ် ဢဝ်ဢူၵ်းဢဝ်ၸႂ်
တွင်ႈထၢမ်ထိုင်ၵေႃႉထိ 5 သတ်းၽူႈၼၼ်ႉ ၸင်ႇၼိမ်ယူႇ
ၽိၵ်ၶူတၢင်းလၢႆ ! ၼိရယၶဝ်တေဢဝ်သတ်းၼၼ်ႉပၼ်တၢမ်ႇ 5 ပိူင်ဢဝ်လဵၵ်းလႅင်
တွၵ်ႇတီႈမိုဝ်းၶၢင်ႈထိၼိုင်ႈ
လႄႈ ၶၢင်ႈထိသွင်တွၵ်ႇတီႈတိၼ်ၶၢင်ႈထိၼိုင်ႈ လႄႈ ၶၢင်ႈထိသွင်
လႄႈ တီႈၵၢင်ဢူၵ်းၶွင်သတ်းၽူႈၼၼ်ႉ လႆႈၶၢမ်ႇတၢင်းတုၶဝေႇတၼႃႇ ဢၼ်ၸဵပ်းသႅပ်ႇယူႇၼႂ်းငရၢႆးၼၼ်ႉ လႄႈဢမ်ႇတၢႆလႆႈ မိူဝ်ႈဝူတ်ႈၵၢမ်ႇၼၼ်ႉဢမ်ႇပႆႇသဵင်ႈသုတ်း
ၽိၵ်ၶူတၢင်းလၢႆ ! ၼိရယၶဝ်တေၺွပ်းဢဝ်သတ်းၼၼ်ႉၵၢင်ႈယိုတ်ႈႁႂ်ႈႁႅင်ႈ သတ်းၼၼ်ႉလႆႈၶၢမ်ႇတၢင်းတုၶဝေႇတၼႃႇ ၸဵပ်းသႅပ်ႇ ယူႇၼႂ်းငရၢႆးၼၼ်ႇ လႄႈဢမ်ႇတၢႆလႆႈ မိူဝ်ႈဝူတ်ႈၵၢမ်ႇၼၼ်ႉဢမ်ႇပႆႇသုတ်းသဵင်ႈ
ၽိၵ်ၶူတၢင်းလၢႆ ! ၶုၼ်ၼိရယၶဝ်ၺွပ်းသတ်းၼၼ်ႉ ဢဝ်တိၼ်ၽႅၼ်ၶိုၼ်ႈတင်းၼိူဝ် ဢဝ်ႁူဝ်လူင်းတင်းတႂ်ႈ ယဝ်ႉဢဝ်ၽႃႉထၢၵ်ႇ … .
ၽိၵ်ၶူတၢင်းလၢႆ ! ၶုၼ်ၼိရယၶဝ်ဢဝ်သတ်းၼၼ်ႉ မတ်ႉၸပ်းလေႃႉသေလၢၵ်ႈလႅၼ်ႈၵႂႃႇမႃးၼိူဝ်ၽႅၼ်ႇ လိၼ်ဢၼ်မီးၾႆႈလုၵ်ႉၽုင်ႈ … .
ၽိၵ်ၶူတၢင်းလၢႆ ! ၶုၼ်ၼိရယၶဝ်ၸႂ်ႉႁႂ်ႈသတ်းၼၼ်ႉ ၶိုၼ်ႈလူင်း ၼိူဝ်လွႆထၢတ်ႇၾႆးဢၼ်ယႂ်ႇလူင်ၼၼ်ႉ မီးၾႆး လုၵ်ႉပုင်ႈၸွတ်ႇတူဝ်ႈ … .
ၽိၵ်ၶူတၢင်းလၢႆ ! ၶုၼ်ၼိရယၶဝ်ဢဝ်သတ်းၼၼ်ႉ ဢဝ်ၶိုၼ်းတင်းၼိူဝ် ဢဝ်ႁူဝ်လူင်းတင်းတႂ်ႈ ယဝ်ႉၽုင်ႈ လူင်းၼႂ်းမေႃႈတွင်းလႅင် ဢၼ်မီးၾႆးၸွတ်ႇတူဝ်ႈ လုၵ်ႉပုင်ႈ သတ်းၼၼ်ႉတေလိူတ်ႇမႆႈပဵၼ်ပွင်းယူႇၼႂ်းမေႃႈတွင်း လႅင်ၼၼ်ႉ မႆႈၶိုၼ်းၼိူဝ်ၽွင်ႈ မႆႈလူင်းတင်းတႂ်ႈၽွင်ႈ မႆႈၵႂႃႇတင်းၶႂႃၽွင်ႈ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်တုၶ ႁၢဝ်ႈႁႅင်းၸဵပ်းသႅပ်ႇ ယူႇၼႂ်းမေႃႈတွင်းလႅင်ၼၼ်ႉ ဢမ်ႇတၢႆလႆႈ တေႃႇဝူတ်ႇၵၢမ်ႇပေႃးသုတ်းသဵင်ႈ
ၽိၵ်ၶူတၢင်းလၢႆ ! ၶုၼ်ၼိရယၶဝ်ဢဝ်သတ်းၼၼ်ႉထိုမ်ႈလူင်းၵႂႃႇၼႂ်းမႁႃႇငရၢႆး ၼႂ်းမႁႃႇငရၢႆးၼၼ်ႉလႄႈ မီးသီႇၸဵင်ႇ သီႇၼႃႈ သီႇၽၵ်းတူ မီးႁူဝ်ႉလဵၵ်းလွမ်ႉႁွပ်ႈ ၶွပ်ႉဝႆႉၽႅၼ်ႇလဵၵ်း ပိုၼ်ႉၶွင်မႁႃႇငရၢႆးၼၼ်ႉတဵမ်လူၺ်ႈထႅၼ်ႇလဵၵ်းမီးၾႆး လုၵ်ႉပုင်ႈ ၽႄႈထိုင် ႑႐႐ ယူဝ်ႇၸၼႃႇၵူႈၼႃႈတင်ႈယူႇတႃႇသေႇ
ၽိၵ်ၶူတၢင်းလၢႆ ! မႁႃငရၢႆးၼၼ်ႉ မီးပဵဝ်ၾႆးလုၵ်ႉပုင်ႈတေႇၽႃၽၢႆႇၼႃႈထိုင်ၽႃၽၢႆႇလင် ပုင်ႈတီႈၽႃၽၢႆႇလင်ထိုင်ၽႃ
ၽၢႆႇၼႃႈ ပုင်ႈတီႈၽႃပၼိူဝ်ထိုင်ပတႂ်ႈ ပုင်ႈတီႈပတႂ်ႈထိုင်ပၼိူဝ် ပုင်ႈတီႈၶင်ႈတႂ်ႈထိုင်ၶၢင်ႈၼိူဝ်
ပုင်ႈတီႈၶၢင်ႈၼိူဝ်ထိုင် ၶၢင်ႈတႂ်ႈ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ
ယူႇၼႂ်းငရၢႆးၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ၸင်ႇမီးပၢၼ်ၼိုင်ႈၼႂ်းမၢင်ပွၵ်ႈမၢင်ၶၢဝ်းလူၺ်ႈၵၢၼ်လူင်ႈပူၼ်ႉၵႂႃႇႁိုင်ၼၢၼ်း ၽၵ်းတူၽၢႆႇၼႃႈမႁႃငရၢႆး ၼၼ်ႉၽုၺ်ႇဢွၵ်ႇ သတ်းၼၼ်ႉတေၼႅတ်ႈလႅၼ်ႈၵႂႃႇတီႈၽၵ်းတူၼၼ်ႉႁႂ်ႈဝႆး ၸင်ႇထုၵ်ႇၾႆးမႆႈၽိဝ် မႆႈၼင် မႆႈၼိူဝ်ႉ မႆႈဢဵၼ် လုပ်ႇတၢင်းလၢႆၵေႃႈမီးၵွၼ်းၶိုၼ်ႈ
ၵူၺ်းၵႃႈသတ်းၽူႈၼၼ်ႉမိူဝ်ႈယုၵ်ႉၶိုၼ်ႈလႆႈႁၢင်ႈၽၢင်ၵေႃႈၶိုၼ်းမိူၼ်ၼင်ႇပၵ်းၵဝ်ႇၵမ်းလဵဝ် မိူဝ်ႈသတ်းလႅၼ်ႈၸမ်ထိုင် ၽၵ်းတူ ၽၵ်းတူၼၼ်ႉၵေႃႈပိၵ်ႉၶိုၼ်း သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ၸင်ႇမီးပၢၼ်ၼိုင်ႈၼႂ်းမၢင်ပွၵ်ႈမၢင်ၶၢဝ်းလူၺ်ႈၵၢၼ်လူင်ႈပူၼ်ႉၵႂႃႇႁိုင်ၼၢၼ်း ၽၵ်းတူၽၢႆႇလင် မႁႃငရၢႆး ၼၼ်ႉၽုၺ်ႇဢွၵ်ႇ သတ်းၼၼ်ႉတေၼႅတ်ႈလႅၼ်ႈၵႂႃႇတီႈၽၵ်းတူၼၼ်ႉႁႂ်ႈဝႆး ၸင်ႇထုၵ်ႇၾႆးမႆႈၽိဝ် မႆႈၼင် မႆႈၼိူဝ်ႉ မႆႈဢဵၼ် လုပ်ႇတၢင်းလၢႆၵေႃႈမီးၵွၼ်းၶိုၼ်ႈ
ၵူၺ်းၵႃႈသတ်းၽူႈၼၼ်ႉမိူဝ်ႈယုၵ်ႉၶိုၼ်ႈလႆႈႁၢင်ႈၽၢင်ၵေႃႈၶိုၼ်းမိူၼ်ၼင်ႇပၵ်းၵဝ်ႇၵမ်းလဵဝ် မိူဝ်ႈသတ်းလႅၼ်ႈၸမ်ထိုင် ၽၵ်းတူ ၽၵ်းတူၼၼ်ႉၵေႃႈပိၵ်ႉၶိုၼ်း သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ၸင်ႇမီးပၢၼ်ၼိုင်ႈၼႂ်းမၢင်ပွၵ်ႈမၢင်ၶၢဝ်းလူၺ်ႈၵၢၼ်လူင်ႈပူၼ်ႉၵႂႃႇႁိုင်ၼၢၼ်း ၽၵ်းတူၽၢႆႇၼႃႈ မႁႃငရၢႆး ၼၼ်ႉၽုၺ်ႇဢွၵ်ႇ သတ်းၼၼ်ႉတေၼႅတ်ႈလႅၼ်ႈၵႂႃႇတီႈၽၵ်းတူၼၼ်ႉႁႂ်ႈဝႆး ၸင်ႇထုၵ်ႇၾႆးမႆႈၽိဝ် မႆႈၼင် မႆႈၼိူဝ်ႉ မႆႈဢဵၼ် လုပ်ႇတၢင်းလၢႆၵေႃႈမီးၵွၼ်းၶိုၼ်ႈ
ၵူၺ်းၵႃႈသတ်းၽူႈၼၼ်ႉမိူဝ်ႈယုၵ်ႉၶိုၼ်ႈလႆႈႁၢင်ႈၽၢင်ၵေႃႈၶိုၼ်းမိူၼ်ၼင်ႇပၵ်းၵဝ်ႇၵမ်းလဵဝ် သတ်းၼၼ်ႉတေဢွၵ်ႇ တၢင်းၽၵ်းတူၼၼ်ႉလႆႈ ၵူၺ်းဝႃႈမႁႃငရၢႆးၼၼ်ႉလႄႈ မီးငရၢႆးဢၼ်တဵမ်လူၺ်ႈ ၶုတ်ႉ(ၶီႈ)ယႂ်ႇမီးႁွပ်ႈယူႇၵူႈၽၢႆႇ သတ်းၼၼ်ႉတူၵ်းလူင်းၼႂ်းငရၢႆးၶုတ်ႉၼၼ်ႉ လႄႈ ၼႂ်းငရၢႆးၶုတ်ႉၼၼ်ႉမီးမူႇသတ်းသူပ်းလႅမ်မိူၼ်ၶဵမ် ပႂ်ႉၽွၵ်ႈၸီး ၽိဝ်ၼိူဝ်ႉ ယဝ်ႉၽွၵ်ႈၼင် ယဝ်ႉၽွၵ်ႈၼိူဝ်ႉ ယဝ်ႉၽွၵ်ႈဢဵၼ် ယဝ်ႉၽွၵ်လုပ်ႇ ယဝ်ႉၵိၼ်ယိူဝ်ႉၼႂ်းလုပ်ႇ
သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ငရၢႆးၶုတ်ႉၼၼ်ႉ မီးငရၢႆးၶိူဝ်းယႂ်ႇ (ၶီႈတဝ်ႈမႆႈ) ႁွပ်ႈဝႆႉၵူႈၽၢႆႇ သတ်းၼၼ်ႉတူၵ်းလူင်းၵႂႃႇၼႂ်းငရၢႆးၶိူဝ်း ၶိူဝ်းၼၼ်ႉ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇ ဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ငရၢႆးၶိူဝ်းၶီႈတဝ်ႈမႆႈၼၼ်ႉ မီးပႃႇမႆႉၼိဝ်ႉယႂ်ႇႁွပ်ႈဝႆႉၵူႈၽၢႆႇ တူၼ်ႈသုင်ၼိုင်ႈယူဝ်ႇၸၼႃႇမီးၼၢမ်ယၢဝ်း ႑႖ ဢုင်ၵုရီး မီးၾႆးလုၵ်ႉပုင်ႈၸွတ်ႇတူဝ်ႈ ၶုၼ်ၼိရယၶဝ်တဵၵ်းၺႅၼ်းႁႂ်ႈသတ်းၼၼ်ႉၶိုၼ်ႈၶိုၼ်ႈ လူင်းလူင်း တီႈတူၼ်ႈ ၼိဝ်ႉမီးၼၢမ်ယၢဝ်းၼၼ်ႉ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ ! ငရၢႆးပႃႇၼိဝ်ႉၼၼ်ႉ မီးပႃႇတူၼ်ႈမႆႉဢၼ်မီးမႂ်ပဵၼ်လၢပ်ႇယႂ်ႇ မီးႁွပ်ႈဝႆႉၵူႈၽၢႆႇ သတ်းၼၼ်ႉၶဝ်ႈၵႂႃႇၼႂ်း ပႃႇၼၼ်ႉထုၵ်ႇမႂ်မႆႉဢၼ်မီးလူမ်းၽတ်ႉ တတ်းမိုဝ်းၽွင်ႈ တတ်းတိၼ်ၽွင်ႈ တတ်းမိုဝ်းလႄႈတတ်းတိၼ်ၽွင်ႈ တတ်းမႂ် ႁူၽွင်ႈ တတ်းၶူလင်ၽွင်ႈ တတ်းမႂ်ႁူ လႄႈ တတ်းၶူႈလင်ၽွင်ႈ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ !
ပႃႇတူၼ်ႈမႆႉမီးမႂ်ပဵၼ်လၢပ်ႇၼၼ်ႉ မီးမႄႈၼမ်ႉယႂ်ႇ ပဵၼ်ၼမ်ႉငႂ်ႈမီးႁွပ်ႈဝႆႉၵူႈၽၢႆႇ သတ်းၼၼ်ႉတူၵ်းၼႂ်း
မႄႈၼမ်ႉၼၼ်ႉ ၽူႈယူႇၼႂ်းၼမ်ႉၼၼ်ႉ ၸွမ်းႁႅင်းၼမ်ၽွင်ႈ ၶိုၼ်ႈၸွမ်းၼမ်ႉၽွင်ႈ လူင်းၸွမ်းၼမ်ႉၶိုၼ်ႈၸွမ်းၼမ်ႉၽွင်ႈ
သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ !ၶုၼ်ၼိရယၶဝ်ပႃးၵၼ်ဢဝ်သတ်းၼၼ်ႉၵဵဝ်မဵတ်းဝႆႉၼိူဝ်ၽင်ႇ ယဝ်ႈၵၢဝ်ႇလၢတ်ႈၸိူင်ႉၼႆဝႃႈ ပေႃႈၸဝ်ႈၶုၼ်ဢူၺ် ! ၸဝ်လူဝ်ႇသင် ? သတ်းၼၼ်ႉတွပ်ႇၼင်ႇၼႆဝႃႈ ၶႃႈၽူႈၸဝ်ႈတွင်ႇမႆႈၸဝ်ႈၶႃႈ ! ၶုၼ်ၼိရိယၶဝ် ၸင်ႇဢဝ်ၶေႃလဵၵ်းႁွၼ်ႉမီးၾႆးမႆႈလုၵ်ႉၽုင်ႈ ၶဝ်ႈၼႂ်းသူပ်း ၵွၼ်ႈလဵၵ်းမီးၾႆးလုၵ်ႉမႆႈၸွတ်ႇတူဝ်ႈၼၼ်ႉ မႆၽိဝ်ပၢၵ်ႇၽွင်ႈ မႆႈသူပ်းၽွင်ႈ မႆႈၶေႃးၽွင်ႈ မႆႈတွင်ႉၽွင်ႈ ၶွင်သတ်းၽူႈၼၼ်ႉ ပႃးဢဝ်သႆႈယႇၽွင်ႈ သႆႈလဵၵ်ႉၽွင်ႈ ဢွၵ်ႇမႃးတင်းၽၢႆႇ ပိူင်ႈၼႃႈ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းမႁႃငရၢႆး ၼၼ်ႉ ဢမ်ႇပႆႇတၢႆတေႃႇ ဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ !ၶုၼ်ၼိရယၶဝ်ၸင်ႉထၢမ်ၼၼ်ႉၸိူင်ႉၼႆဝႃႈ ပေႃႈၸဝ်ႈၶုၼ်ဢူၺ် ! ၸဝ်လူဝ်ႇသင် ? သတ်းၼၼ်ႉ တွပ်ႇၼင်ႇၼႆဝႃႈ ၶႃႈၽူႈၸဝ်ႈတွင်ႇမႆႈၼမ်ႉၸဝ်ႈၶႃႈ ! ၶုၼ်ၼိရိယၶဝ် ၸင်ႇဢဝ်ၶေႃလဵၵ်း ႁွၼ်ႉမီးၾႆးမႆႈလုၵ်ႉၽုင်ႈ ငၢင်ႉပၢၵ်ႇသူပ်း ယဝ်ႉဢဝ်ၼမ်ႉတွင်းလႅင်ထွၵ်ႇၶဝ်ႈၼႂ်းသူပ်း ၼမ်ႉတွင်းလႅင်ၼၼ်ႉ မႆၽိဝ်ပၢၵ်ႇၽွင်ႈ မႆႈသူပ်းၽွင်ႈ မႆႈၶေႃးၽွင်ႈ မႆႈတွင်ႉၽွင်ႈ ၶွင်သတ်းၽူႈၼၼ်ႉ ပႃးဢဝ်သႆႈယႇၽွင်ႈ သႆႈလဵၵ်ႉၽွင်ႈ ဢွၵ်ႇမႃးတင်းၽၢႆႇ ပိူင်ႈၼႃႈ သတ်းၼၼ်ႉလႆႈၶၢမ်ႇဝေႇတၼႃႇ ဢၼ်ပဵၼ်တုၶ ၸဵပ်းသႅပ်ႇ ယူႇၼႂ်းတီႈၼၼ်ႈ ၼၼ်ႉဢမ်ႇပႆႇတၢႆတေႃႇ ဝူတ်ႈၵၢမ်ႇ ၼၼ်ႉဢမ်ႇပႆႇသုတ်းသဵင်ႈ ။
ၽိၵ်ၶူတၢင်းလၢႆ !
ၶုၼ်ၼိရယၶဝ်တေၺွပ်းဢဝ်သတ်းၼၼ်ႉထိုမ်ႈလူင်းၼႂ်းမႁႃငရၢႆးၼၼ်ႉထႅင်ႈ
ၽိၵ်ၶူတၢင်းလၢႆ !
လွင်ႈယၢမ်ႈမႃးယဝ်ႉ ၶုၼ်ယႃႇမ(ၶုၼ်ငရၢႆး) မီးတၢင်းၶႂ်ႈၸႂ်ထိုင်ၼင်ႇၼႆဝႃႈ ပေႃႈၸဝ်ႈၶုၼ်ဢူၺ်!
ပဵၼ်ဢၼ်ဝႃႈသတ်းၸိူဝ်းႁဵတ်းၵၢမ်ႇဢၼ်ပဵၼ်ဝူတ်ႈတၢမ်ႇဝႆႉၼႂ်းလေႃးၵ ၸိုင်ထုၵ်ႇၶုၼ်ၼိရယပၼ်တၢမ်ႇၵူႈပိူင်ပိူင် ၼင်ႇၼႆၼႆႉ
ဢူဝ်ၼေႃ ! ယွၼ်းႁႂ်ႈႁဝ်းလႆႈၵိူတ်ႇပဵၼ်ၵူၼ်း
(မၼုသ)
ယွၼ်းႁႂ်ႈတထႃၵတသမ်မႃသမ်ပုတ်ႉၵိူတ်ႇၶိုၼ်ႈၼႂ်းလေႃးၵ
ႁဝ်းယွၼ်းႁႂ်ႈလႆႈၼင်ႈႁိမ်းသမ်မႃသမ်ပုတ်ထၽြႃးပဵၼ်ၸဝ်ႈၼၼ်ႉ
ယွၼ်းႁႂ်ႈၽြႃးပဵၼ်ၸဝ်ႈၼၼ်ႉ ႁေႃးထမ်းတေႃႇႁဝ်း လႄႈ ယွၼ်းႁႂ်ႈႁႂ်ဝ်လႆႈႁူႉတူဝ်ႈထိုင်ထမ်းၼၼ်ႉၶႃႈ ။
ၽိၵ်ၶူတၢင်းလၢႆ !
လွင်ႈၼႆႉႁဝ်းဢမ်ႇလႆႈထွမ်ႇမႃးတီႈသမၼ ႁိုဝ် ပုင်ႇၼႃး(ၽရၢမ်း) တီႈလႆယဝ်ႉဢဝ်မႃးသိုပ်ႇလၢတ်ႈ
ၵေႃႈႁဝ်းပွၵ်ႈလၢတ်ႈလွင်ႈဢၼ်ႁဝ်းႁူႉဢဝ်ႁင်းၵူၺ်း ႁၼ်ဢဝ်ႁင်းၵူၺ်းၼႆႉလႄႈ ။
ၵႃႇထႃႇလူပ်းလင်
ၵူၼ်းၸိူဝ်းလႂ် ယင်းပဵၼ်ၵူၼ်းၼုမ်ႇ
ဢၼ်ၽူႈပၼ်ၾၢင်ႉယဝ်ႉလူင်လိုမ်းယူႇ
ၵူၼ်းၸိူဝ်းၼၼ်ႉတေၶဝ်ႈထိုင်သတ်းဢၼ်ပႅတ်ႈလၢႆ
ထိုင်လွင်ႈၸိုမ်းသဝ်ႈဢၼ်ယၢဝ်းၼၢၼ်း
ၼင်ႇၵူၼ်းၸိူဝ်းလႂ်
ပဵၼ်သၸ်ႇတပုရုသ်ႇၽူႈမီးတၢင်းယဵၼ်ၸႂ်ၼႂ်းလေႃးၵၼႆႉ
ဢၼ်မီးၽူႈပၼ်ၾၢင်ႉယူႇ
ၸင်ႇဢမ်ႇလူင်လိုမ်းၼႂ်းထမ်းၶွင်ဢရိယၸဝ်ႈ
ၼႂ်းၵၢလ်လႂ်လႂ် ႁၼ်ၽေးၼႂ်းလွင်ႈယိပ်းမၼ်ႈပၼ်ႈၵႅၼ်ႇ
ဢၼ်ပဵၼ်လွင်ႈၸၢတ်ႈ
လႄႈ မရႃၼ ယဝ်ႉ ဢမ်ႇယိပ်းမၼ်ႈပၼ်ႈၵႅၼ်ႇ
လုတ်ႈပူၼ်ႉၼႂ်းထမ်း
ပဵၼ်တီႈသဵင်ႈၸၢတ်ႈ လႄႈ မရႃၼလႆႈ
ၵူၼ်းၸိူဝ်းၼၼ်ႉပဵၼ်ၽူႈမီးလွင်ႈၵတ်းယဵၼ်
မီးတၢင်းသိူဝ်းဢၼ်မွတ်ႇၵဵင်ႈယဝ်ႉၼႂ်းပၸ်ၸုပၺ်း
ပူၼ်ႉဝူတ်ႈ လႄႈ ၽေးတၢင်းလၢႆ
လႄႈၶဝ်ႈၵႂႃႇပူၼ်ႉတုၵ်ႉတၢင်းလၢႆလႆႈ ။
--------------------------
ၶေႃႈမုလ်းပီတၵတ်ႈၽၢႆႇထႆး
ဢုပရိ မ./ ဢုပရိပၼ်သၵ မၸိမၼိၵယ။
14/334-436/504-525.
-บาลี อุปริ. ม.
๑๔/๓๓๔-๓๔๖/๕๐๔-๕๒๕.
