ပတိၸသံမုပၢတ်ႈပႃႇလိ+တႆး တႃႇႁႂ်ႈပွင်ႈၸႂ်ငၢႆႈ

 ပတိၸသံမုပၢတ်ႈပႃႇလိ+တႆး တႃႇႁႂ်ႈပွင်ႈၸႂ်ငၢႆႈ

ၶေႃႈမုလ်းပီတၵၢတ်ႈၽၢႆႇထႆး นิทาน. สํ. ๑๖/๓๐/๖๑

ဢိထၽိၵ်ၶဝေဢရိယသႃဝ ၵေႃး ပတိၸ်ၸသမုပ်ပႃထံယေဝသႃ ထုၵံယေႃး မၼသိၵလေႃးတိ

ၽိၵ်ႉၶူတၢင်းလၢႆဢရိယသႃဝၵၼႂ်းထံမဝိၼၺ်းၼႆႉယွမ်ႉတိုဝ်းၵမ်ဝႆႉၼႂ်းၸႂ် လီငၢမ်းယဝ်ႉ လူၺ်ႈပတိၸသံမုပ်ႉပၢတ်ႈပဵၼ်ၼင်ႇၼႆဝႃႈ

ဢိမသမိင် သတိ ဢိထံ ႁေႃးတိ

(မိူဝ်ႈၸိူင်ႉၼႆမီး ၸိူင်ႉၼႆၸိုင်မိး)

.ဢိမသ်သုပႃထႃ ဢိထံ ဢုပသ်ၸႃတိ

(ၵွပ်ႈၸိူင်ႉၼႆၵိူတ်ႇၶိုၼ်ႈ ၸိူင်ႉၼႆၸိုင်ၵိူတ်ႇၶိုၼ်ႈ)

.ဢိမသမိင် ဢႃၸႃတိ ဢိထံ ၼ ႁေႃးတိ

(မိူဝ်ႈၸိူင်ႉၼႆဢမ်ႇမီး ၸိူင်ႉၼႆၸိုင်ဢမ်ႇမီး)

.ဢိမသ်သႃ ၼိရူဝ်းထႃ ဢိထံ ၼိရုၸႃတိ

(ၵွပ်ႈၸိူင်ႉၼႆမွတ်ႇႁၢႆၵႂႃႇ ၸိူင်ႉၼႆၸိုင်မွတ်ႇႁၢႆၵႂႃႇ)

                ယထိတံ   မိူၼ်ၼင်ႇၸိူဝ်းၼႆႉ ။

{ 2 } သံမုတယသႅတ်ႉၸႃႇ ပတိၸသံမုပၢတ်ႈ  [ ၵိူတ်ႇပဵၼ်]

.ဢဝိၸ်ႃပတ်ၸယႃ သင်ၶႃရႃ

(ၵွပ်ႈမီးဢဝိၸ်ၸႃႇ ပဵၼ်လွင်ႈတၢင်း ၸင်ႇမီးသင်ႇၶရႃႉတၢင်းလၢႆ)

.သင်ၶႃရႃပၸ်ၸယႃ ဝိၺ်ၺႃ,ၼံ

(ၵွပ်ႈမီးသင်ၶႃႇရ ပဵၼ်လွင်ႈတၢင်း ၸင်ႇမီးဝိၺၢၼ်ႇ)

.ဝိၺ်းၺႃႇၼပၸ်ၸယႃ ၼႃႇမရုပံ

(ၵွပ်ႈမီးဝိၺဵၼ်ႇ ပဵၼလွင်ႈတၢင်း ၸင်ႇမီးယုၵ်ႈၼၢမ်ႇ)

.ၼႃမရူပပၸ်ၸယႃ သလႃယတၼံ

(ၵွပ်ႈမီးယုၵ်ႈၼၢမ်ႇပဵၼ်လွင်ႈတၢင်း ၸင်ႇမီးသလႃယတၼ)

.သလႃယတၼပၸ်ၸယႃ ၽတ်းသေႃး

(ၵွပ်ႈမီးသလႃယတၼ ပဵၼ်လွင်ၾတၢင်း ၸင်ႇမီးၽတ်သ)

.ၽတ်သပၸ်ၸယႃ ဝေတၼႃႇ

(ၵွပ်ႈမီးၽတ်သ ပဵၼ်လွင်ႈတၢင်း ၸင်ႇမီးဝေတၼႃႇ)

.ဝေတၼႃႇပၸ်ၸယႃ တၼ်ႁႃ

(ၵွပ်ႈမီးဝေတၼႃႇ ပဵၼ်လွင်ႈတၢင်း ၸိုင်မီးတၼ်ႁႃ)

.တၼ်ႁႃပၸ်ၸယႃ ဢုပထႃၼံ

(ၵွပ်ႈမီးတၼ်ႁႃ ပဵၼ်လွင်ႈတၢင်းၸင်ႇမီးဢုပထၢၼ်)

.ဢုပထႃၼပၸ်ၸယႃ ၽေဝႃး

(ၵွပ်ႈမီးဢုပထၢၼ် ပဵၼ်လွင်ႈတၢင်း ၸင်ႇမီး ၽဝ)

ၽဝပၸ်ၸယႃ ၸႃႇတိ

(ၵွပ်ႈမီးၽဝ ပဵၼ်လွင်ႈတၢင်း ၸင်ႇမီး ၸႃႇတိ)

.ၸႃတိပၸ်ၸယႃၸႃရႃႇမရၼသေႃးၵပရိတေဝတုၵ်ႉၶတေႃးမၼတ် ဢုပယႃသ သံပဝၼ်းတိ

(ၵွပ်ႈမီးၸႃႇတိပဵၼ်လွင်ႈတၢင်း-ၸရႃႇမႃႇရႃႇၼသေႃးၵပရိထေႇဝ တုၵ်ၶ တေႃးမၼတ်ႉဢုပႃယႃသ ၸင်ႇ ၵိူတ်ႇၶိုၼ်ႈမႃးတၢင်းသဵင်ႈ)

.ဢေဝမေတသ်သၵေဝသသ်သတုၵ်ႉၶၵ်ႉၶၼ်ထသ်သသမုထယေႃး ႁေႃးတိ

(လွင်ႈၵိူတ်ႇၶိုၼ်ႈမႃးၽွမ်ႉၵွင်တုၵ်ႉတၢင်းသဵင်ႈၼႆႉတိုၼ်းမီးၸွမ်းၼင်ႇပိူင်ပဵၼ်ၼင်ႇၼႆ)

{ ႓ } ၼိရေႃးထသႅတ်ႉၸႃႇ  ပတိၸသံမုပ်ႉပၢတ်ႈ [ မွတ်ႇလူႉ]

.ဢဝိၸ်ၸႃယတေဝ ဢသေသဝိရႃၶၼိရေႃးထႃး သင်ၶႃႇရ ၼိ ရေႃးထေႃး

(ၵွပ်ႈလွင်ႈမွတ်ႇၸၢင်ႁၢႆၵႂႃႇလူၺ်ႈဢမ်ႇလိူဝ်ဢဝိၸ်ၸႃႇၼၼ်ႉသေ သင်ၶႃရ ၸိုင်မွတ်ႇႁၢႆ)

.သင်ၶႃရၼိလေႃးထႃး ဝိၺၢၼ်ႇၼၼိလေႃးထေႃး

(မိူဝ်ႈသင်ၶႃရမွတ်ႇႁၢႆယဝ်ႉ- ဝိၺ်းၺၢၼ်ႇၸိုင်မွတ်ႇႁၢႆ)

.ဝိၺႃႇၼၼိလေႃးထႃး ၼႃႇမရုပပ ၼိလေႃးထေႃး

(ၵွပ်ႈဝိၺၢၼ်ႇမွတ်ႇႁၢႆယဝ်ႉ- ယုၵ်ႈၼၢမ်ႇၸိုင်မွတ်ႇႁၢႆ)

.ၼႃမရုပၼိလေႃးထႃး သရႃႇယတၼၼိလေႃးထေႃး

(ၵွပ်ႈယုၵ်ႈၼၢမ်ႇမွတ်ႇႁၢႆယဝ်ႉ- သရႃႇယတၼၸိုင်မွတ်ႇႁၢႆ)

.သရႃယတၼၼိလေႃးထႃး ၽတ်သၼိလေႃးထေႃး

(ၵွပ်ႈသရႃယတၼ မွတ်ႇႁၢႆယဝ်ႉ- ၽတ်ႉသႃႇၸိုင်မွတ်ႇႁၢႆ)

ၽတ်သၼိလေႃးထႃး ဝေတၼႃႇၼိလေႃးထေႃး

(ၵွပ်ႈၽတ်သ မွတ်ႇႁၢႆယဝ်ႉ- ဝေတၼႃႇၸိုင်မွတ်ႇႁၢႆ)

.ဝေတၼႃၼိလေႃးထႃး တၼ်ႁႃ ၼိလေႃးထေႃး

(ၵွပ်ႈ ဝေတၼႃႇမွတ်ႇႁၢႆယဝ်ႉ- တၼ်ႁႃ ၸိုင်မွတ်ႇႁၢႆ)

.တၼ်ႁႃၼိလေႃးထႃး ဢုပထႃၼၼိလေႃးထေႃး

(ၵွပ်ႈ တၼ်ႁႃ မွတ်ႇႁၢႆယဝ်ႉ ဢုပထၢၼ်ၸိုင်မွတ်ႇႁၢႆ)

.ဢုပထႃၼၼိလေႃးထႃး ၽဝၼိလေႃးထေႃး

(ၵွပ်ႈဢုပထၢၼ်မွတ်ႇႁၢႆယဝ်ႉ  ၽဝၸိုင်မွတ်ႇႁၢႆ)

.ၽဝၼိလေႃးထႃး သႃးတိၼိလေႃးထေႃး

(ၵွပ်ႈၽဝမွတ်ႇႁၢႆယဝ်ႉ ၸႃႇတိ ၸိုင်မွတ်ႇႁၢႆ)

.ၸႃတိၼိလေႃးထႃးသႃရႃၼံသေႃးၵပရိထေဝထုၵ်ႉၶတေႃးမၼသ်ႉသုပ်ပႃယႃသ ၼိရုသ်သၺ်ထိ

(ၵွပ်ႈမီးလွင်ႈမွတ်ႇႁၢႆၶွင်ၸႃတိၼၼ်ႉလႄႈၸရႃႇမရႃႇၼ သေႃးၵပရိ တေႇဝ တုၵ်ႉၶထေႃးမၼသ် သုပႃယႃသ တၢင်းလၢႆ ၸိုင်မွတ်ႇႁၢႆသဵင်ႈ)

.ဢေဝမေတသ်သၵေဝလသ်သထုၵ်ၶၵ်ႉၶၼ်ထသ်သၼိလေႃးထေႃးႁေႃးတိတီ

(လွင်ႈမွတ်ႇႁၢႆၶွင်တုၵ်ႉတၢင်းသဵင်ႈၼႆႉတိုၼ်းမီးပိူင်ၸွမ်းၸိူင်ႉၼင်ႇၼႆယဝ်ႉ)

Read More

လွင်ႈလူႇတၢၼ်းသူင်ႇထိုင်ၺႃႇတိၵႃႇ ၽူႈလူင်လပ်ႉတၢႆၵႂႃႇ

 #လွင်ႈလူႇတၢၼ်းသူင်ႇထိုင်ၺႃႇတိၵႃႇ ၽူႈလူင်လပ်ႉတၢႆၵႂႃႇ

–--------------

ၸၢဝ်းၶိူဝ်းပုင်ႇၼႃးဢၼ်မီးၼၢင်းၽရၢမ်းမၼီးဢွၼ်ႁူဝ်သေတွင်ႈထၢမ်ၽြႃးပဵၼ်ၸဝ်ႈ လွင်ႈလူႇတၢၼ်းသူင်ႇပၼ်ပီႈၼွင်ႉၺႃႇတိၵႃႇၽူင်ႈလူင်လပ်ႉတၢႆၵႂႃႇယဝ်ႉၼၼ်ႉဝႃႈၸွင်ႇၽူတၢႆၼၼ်ႉလႆႈႁပ်ႉ ႁိုဝ် ဢမ်ႇလႆႈႁပ်ႉ ။

((( မၢႆတွင်းၵႂၢမ်းဝႃႈ "ၽရၢမ်း" ပဵၼ်ၵႂၢမ်းႁွင်ႉတူဝ်ၵဝ်ႇၶွင်ၸၢဝ်းပုင်ႇၼႃး ႁိၼ်ႇတူႇၶဝ် လႄႈၽူႈပိၼ်ႇတႅမ်ႈၵေႃႈၸႂ်ႉ ၶေႃႈၼႆႉၸွမ်းၼင်ႇပီတၵတ်ႈထႆးၶဝ်ပိုၼ်ၽႄႈဝႆႉၼင်ႇၼႆ။ )))

--------------- သိုပ်ႇဢၢၼ်ႇ

ၸဝ်ႈၵေႃၻမၸဝ်ႈၶႃႈ ! ၸိူဝ်းႁဝ်းၶႃႈလႆႈၸိုဝ်ႈဝႃႈ ၽရၢမ်း (ပုင်ႇၼႃး) လွင်ႈလူႇတၢၼ်း ၸိုင်မီးတၢင်းယုမ်ႇယမ်ဝႃႈ

လွင်ႈလူႇတၢၼ်းၼႆႉ ပီႈၼွင်ႉၺႃႇတိၵႃႇသႃလေႃးႁိတ ၽူႈလူင်ႈလပ်ႉတၢႆၵႂႃႇယဝ်ႉ ၸင်ႇပီႈၼွင်ႉၺႃႇတိၵႃႇသႃလေႃးႁိတၽူႈလူင်ႈလပ်ႉတၢႆၵႂႃႇယဝ်ႉ လႆႈႁပ်ႉတၢင်းလူႇၼႆႉၶႃႈ ႁိုဝ် ၸဝ်ႈၶႃႈ ။

ၽရၢမ်း ! တၢင်းလူႇၼၼ်ႉ ၸင်ႇလႆႈႁပ်ႉ ၼႂ်းထႃႇၼ လႄႈ ဢမ်ႇလႆႈႁပ်ႉ ၼႂ်း ဢထႃႇၼ ၊

ၸဝ်ႈၵေႃတမၸဝ်ႈၶႃႈ ! ထႃႇၼ ပဵၼ်ၸိူင်ႉႁိုဝ် ဢထႃႇၼ ပဵၼ်ၸိူင်ႉႁိုဝ်ၶႃႈ ၊

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈၶႃႈသတ်း ၊ လၵ်ႉၶူဝ်းၶွင် ၊ ၽိတ်းၵႃႇမေႇသု ၊ လၢတ်ႈပႅတ်ႉလႅၼ် ၊ လၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်း ၊ လၢတ်ႈၵႂၢမ်းဢမ်ႇမီးသၢၵ်ႈသေႇ ၊ မီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ မီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ၽိတ်း ၊

ပူၵ်ႉၵူလ်ႇၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ငရၢႆး ၶဝ်လဵင်ႉဢတ်တႃၽၢပ်ႉယူႇၼႂ်းငရၢႆးၼၼ်ႉ တင်ႈယူႇၼႂ်းငရၢႆးၼၼ်ႉ လူၺ်ႈတၢင်းၵိၼ်ၶွင်သတ်းငရၢႆး ။

ၽရၢမ်း ! ထႃႇၼဢၼ်ဢမ်ႇၶဝ်ႈၵႂႃႇထိုင်လႆႈ တီႈဢၼ်သတ်းၽူႈၼၼ်ႉတင်ႈယူႇ ၼႆႉလႄႈ ပဵၼ်ဢထႃႇၼ ။

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈၶႃႈသတ်း ၊ လၵ်ႉၶူဝ်းၶွင် ၊ ၽိတ်းၵႃႇမေႇသု ၊ လၢတ်ႈပႅတ်ႉလႅၼ် ၊ လၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်း ၊ လၢတ်ႈၵႂၢမ်းဢမ်ႇမီးသၢၵ်ႈသေႇ ၊ မီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ မီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ၽိတ်း ၊

ပူၵ်ႉၵူလ်ၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝသတ်းတရိၵ်ႉသၢၼ်ႇ ၵိူတ်ႇပဵၼ်သတ်းတရိၵ်ႉသၢၼ်ႇ ၶဝ်လဵင်ႉဢတ်တႃၽၢပ်ႉယူႇၼႂ်းၽဝသတ်းတရိၵ်ႉသၢၼ်ႇၼၼ်ႉ တင်ႈယူႇၼႂ်းသတ်းတရိၵ်ႉသၢၼ်ႇၼၼ်ႉ လူၺ်ႈတၢင်းၵိၼ်ၶွင်သတ်းတရိၵ်ႉသၢၼ်ႇ ။

ၽရၢမ်း ! ၼႆႉၵေႃႈပဵၼ်ထႃႇၼဢၼ်ဢမ်ႇၶဝ်ႈၵႂႃႇထိုင်လႆႈတီႈသတ်းၽူႈၼၼ်ႉတင်ႈယူႇ ၼႆႉလႄႈ ပဵၼ် ဢထႃႇၼ ။

ၽရၢမ်း ! ပူၵ်ၵူလ်မၢင်ၵေႃႉၼႂ်းလေႃးၵၼႆႉ ပဵၼ်ၽူႈဝေႈၵႆလွင်ႈၶႃႈႁႅမ်သတ်းလူမ်ႉတၢႆ ၊ ဝေႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈၵႃႇမႇသု ၊ဝေႈၵႆလွင်ႈလၢတ်ႈပႅတ်ႉလႅၼ် ၊ ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ ဝေႈၵႆလွင်ႈလၢတ်ႈၵႂၢမ်းလိုင်း ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီး တၢင်းႁၼ်ထုၵ်ႇမႅၼ်ႈ ၊

ပူၵ်ၵူလ်ႇၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝၵူၼ်း ၵိူတ်ႇပဵၼ်ၵူၼ်း ၊ ၶဝ်လဵင်ႉဢတ်တႃၽၢပ်ႉယူႇၼႂ်းၽဝ မၼုသလေႃးၵၼၼ်ႉ ၸင်ႇတင်ႈယူႇၼႂ်းမၼုသလေႃးၵၼၼ်ႉလူၺ်ႈတၢင်းၵိၼ်ၶွင်မၼုသ ၊ (ၵူၼ်း) ။

ၽရၢမ်း ! ၼႆႉၵေႃႈပဵၼ်ထႃႇၼဢၼ်ဢမ်ႇၶဝ်ႈၵႂႃႇထိုင်လႆႈတီႈဢၼ်သတ်းၽူႈၼၼ်ႉတင်ႈယူႇ ၼႆႉလႄႈ ပဵၼ်ဢထႃၼ။

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈ‌ေဝႈၵႆလွင်ႈၶႃႈသတ်း ၊ ‌ေဝႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈ ‌‌ၽိတ်းၵႃႇမေႇသု ၊ ‌ဝေႈၵႆလွင်ႈလၢတ်ႈပႅတ်ႉလႅၼ် ၊ ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ ဝေႈၵႆလွင်ႈလၢတ်ႈၵႂၢမ်းလိုင်းထွမ်ႇယၢပ်ႇ ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ထုၵ်ႇမႅၼ်ႈ ၊

ပူၵ်ၵူလ်ႇၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၶဝ်ၸင်ႇလဵင်ႉဢတ်တႃၽၢပ်ႉၶွင်ၶဝ်ယူႇၼႂ်းတေႇဝလေႃးၵၼၼ်ႉ ၊ ၸင်ႇတင်ႈယူႇၼႂ်းတေႇဝလေႃးၵၼၼ်ႉ လူၺ်းတၢင်းၵိၼ်ၶွင်တေႇဝတႃႇ ။

ၽရၢမ်း ! ၼႆႉၵေႃႈပဵၼ်ထႃႇၼဢၼ်ဢမ်ႇၶဝ်ႈၵႂႃႇထိုင်လႆႈ တီႈဢၼ်သတ်းၽူႈၼၼ်ႉတင်ႈယူႇ ၼႆႉလႄႈ ပဵၼ်ဢထႃၼ ။

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈၶႃႈသတ်း ၊ လၵ်ႉၶူဝ်းၶွင် ၊ ၽိတ်းၵႃႇမေႇသု ၊ လၢတ်ႈပႅတ်ႉလႅၼ် ၊ လၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်း ၊ လၢတ်ႈၵႂၢမ်းဢမ်ႇမီးသၢၵ်ႈသေႇ ၊ မီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ မီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ၽိတ်း ၊

ပူၵ်ၵူလ်ၼၼ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်ပိၵ်ႉတႃႇ ၵိူတ်ႇပဵၼ်ပိၵ်ႉတႃႇ ၊ ၶဝ်ၸင်ႇလဵင်ႉဢတ်တႃၽၢပ်ႉယူႇၼႂ်းၽဝပိၵ်ႉတႃႇလူၺ်ႈတၢင်းၵိၼ်ၶွင်ၽူႈၵိူတ်ႇၼႂ်ႈၽဝပိၵ်ႉတႃႇ ဢမ်ႇၼၼ် မိတ်းသႃယ ဢမၢတ်ႈ ၺႃတိၵႃသႃလေႃးႁိတၶွင်ၶဝ် လူႇတၢၼ်းသူင်ႇထိုင်ပၼ် ၶဝ်ၸင်ႇလဵင်ႉဢတ်တႃၽၢပ်ႉယူႇၼႂ်းပိၵ်ႉတႃႇၼၼ်ႉ တင်ႈယူႇၼႂ်းၽဝပိၵ်ႉတႃႇၼၼ်ႇ လူၺ်ႈတၢင်းၵိၼ်ၸိူဝ်းၼၼ်ႉ ။

ၽရၢမ်း ! ထႃၼဢၼ်ပဵၼ်တီႈၶဝ်ႈၵႂႃႇထိုင်လႆႈတီႈသတ်းၽူႈၼၼ်ႉတင်ႈယူႇ ၼႆႉယဝ်ႉ ပဵၼ် ထႃႇၼ ။

ၸဝ်ၵေႃတမၸဝ်ႈၶႃႈ ! ပေႃးဝႃႈပီႈၼွင်ႉၺႃႇတိၵႃႇသႃလေႃးႁိတ ၽူႈလူင်ႈလပ်ႉၵႂႃႇယဝ်ႉၼၼ်ႉဢမ်ႇၶဝ်ႈထိုင် ထႃႇၼ ၼၼ်ႉ ၽႂ်သမ်ႉတေပဵၼ်ၽူႈၸႂ်ႉၽွၼ်းလီၼၼ်ႉၸဝ်ႈၶႃႈ ?

ၽရၢမ်း ! ပီႈၼွင်ႉၺႃႇတိၵႃႇသႃလေႃးႁိတ တၢင်ႇၵေႃႉၶွင်ၶဝ်ဢၼ်ၶဝ်ႈထိုင်ထႃႇၼၼၼ်ႉပဵၼ်ၽူႈႁပ်ႉၽွၼ်းလီၶွင်တၢင်းလူႇၼၼ်ႉ ။

ၸဝ်ႈၵႃတမၸဝ်ႈၶႃႈ ! ၵေႃႈပီႈၼွင်ႉၺႃႇတိၵႃႇသႃလေႃးႁိတၽူႈလူင်ႈလပ်ႉၵႂႃႇယဝ်ႉၼၼ်ႉ ဢမ်ႇၶဝ်ႈထိုင်ထႃႇၼ ၼၼ်ႉ ၊ ‌လႄႈပီႈၼွင်ႉၺႃႇတိၵႃႇသႃလေႃးႁိတတၢင်ႇၵေႃႉ ဢၼ်တၢႆၵႂႃႇယဝ်ႉၸိူဝ်းၼၼ်ႉၶွင်ထႃယူၵ်ႉၼၼ်ႉၵေႃႈဢမ်ႇၶဝ်ႈထိုင်ထႃႇၼၼၼ်ႉ ၽႂ်သမ်ႉတေႁပ်ႉၽွၼ်းလီတၢင်းလူႇၼၼ်ႉၸဝ်ႈၶႃႈ ?

ၽရၢမ်း ! ထႃႇၼဢၼ်ဝၢင်ႉပဝ်ႇၶွင်ပီႈၼွင်ႉၺႃႇတိၵႃႇသႃလေႃးႁိတ ၽူႈလူင်ႈလပ်ႉၵႂႃႇယဝ်ႉလူၺ်ႈၵႃႇလၼၢၼ်း ၸိူဝ်းၼၼ်ႉ ဢမ်ႇၸႂ်ႈထႃႇၼ ဢမ်ႇၸႂ်ႈတိုဝ်ႉတၢင်းမီးလႆႈ ၊

ၽရၢမ်း ! ထႅင်ႈလွင်ႈၼိုင်ႈ ၼင်ႇထႃယူၵ်ႉ(ၽူႈလူႈတၢၼ်း) ၵေႃႈဢမ်ႇပဵၼ်တီႈပႅတ်ႈလၢႆ ။

ၸဝ်ႈၵေႃးတမၸဝ်ႈၶႃႈ ! ၼႂ်းၸၼ်ႉထၢၼ်ႈဢၼ်ဢမ်ႇမီးယူႇၼၼ်ႉပဵၼ်ၸိူင်ႉႁိုဝ်ၶႃႈ? ။

ၽရၢမ်း ! ႁဝ်းလၢတ်ႈၼေလွင်ႈ ၼႂ်း ဢထႃၼ

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈၶႃႈသတ်း ၊ လၵ်ႉၶူဝ်းၶွင် ၊ ၽိတ်းၵႃႇမေႇသု ၊ လၢတ်ႈပႅတ်ႉလႅၼ် ၊ လၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်း ၊ လၢတ်ႈၵႂၢမ်းဢမ်ႇမီးသၢၵ်ႈသေႇ ၊ မီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ မီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ၽိတ်း ၊

ၵူၺ်းၵႃႈ ၶဝ်လူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉ ၶူင်းၾႆး တီးသမၼရႁၢၼ်း ၶဝ် ။

ပူၵ်ၵူလ်ၼၼ်ႉမိူဝ်ႈတၢႆၵႂႃႇ ၶဝ်ၸင်ႇၵိူတ်ႇပဵၼ်ၸၢင်ႉ ၵူၺ်းၵႃႈၶဝ်လႆႈ ၶဝ်ႈ ၼမ်ႉ မႃးလႃး လႄႈ ၶိူင်ႈႁွႆႈတိုဝ်းၵူႈလွင်ႈ ၼႂ်းၽဝၸၢင်ႉၼၼ်ႉ ။

ၽရၢမ်း ! လွင်ႈဢၼ်ပူၵ်ၵူလ်ႇပဵၼ်ၽူၶႃႈသတ်း ၊ လၵ်ႉၶူဝ်းၶွင် ၊ ၽိတ်းၵႃႇမေႇသု ၊ လၢတ်ႈပႅတ်ႉလႅၼ် ၊ လၢတ်ႈ ၵႂၢမ်းသေႃႇသေႇ ၊ လၢတ်ႈၵႂၢမ်းလိုင်း ၊ လၢတ်ႈၵႂၢမ်းဢမ်ႇမီးသၢၵ်ႈသေႇ ၊ မီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ မီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ၽိတ်း ၊

လူၺ်ႈၵၢမ်ႇၼၼ်ႉမိူဝ်ႈတၢႆၵႂႃႇၸင်ႇၵိူတ်ႇပဵၼ်ၸၢင်ႉ လႄႈ လွင်ႈဢၼ်ၽူႈၼၼ်ႉပဵၼ်ၽူႈလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉၶူင်းၾႆး တီႈသမၼရႁၢၼ်း လူၺ်ႈၵၢမ်ႇၼၼ်ႉၶဝ်ၸင်ႇလႆႈၶဝ်ႈ ၊ ၼမ်ႉ ၊ မႃးလႃး ၊ လႄႈ ၶိူင်ႈတိုဝ်းႁွႆႈလၢႆပိူင် ၼႂ်ႈၽဝၸၢင်ႉၼၼ်ႉ

ၶဝ်ၸင်ႇၶဝ်ႈထိုင်ၽဝ မႃႉ ၵိူတ်ႇပဵၼ် မႃႉ

ၶဝ်ၸင်ႇၶဝ်ႈထိုင်ၽဝ ဝူဝ်း ၵိူတ်ႇပဵၼ် ဝူဝ်း

ၶဝ်ၸင်ႇၶဝ်ႈထိုင်ၽဝ မႃ ၵိူတ်ႇပဵၼ် မႃ

ၽရၢမ်း ! ပူၵ်ၵူလ်ႇမၢင်ၵေႃႉၼႂ်းလေႃးၵၼႆႉ ပဵၼ်ၽူႈ‌ေဝႈၵႆလွင်ႈၶႃႈသတ်း ၊ ‌ ဝေႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈ ‌‌ၽိတ်းၵႃႇမေႇသု ၊ ‌ဝေႈၵႆလွင်ႈလၢတ်ႈပႅတ်ႉလႅၼ် ၊ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ ဝေႈၵႆလွင်ႈလၢတ်ႈၵႂၢမ်းလိုင်းထွမ်ႇယၢပ်ႇ ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ထုၵ်ႇမႅၼ်ႈ ၊

လႄႈၶဝ်လႆႈလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉ ၶူင်းၾႆးတီးသမၼရႁၢၼ်း ၶဝ်။

ပူၵ်ၵူလ်ၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝၵူၼ်း ၵိူတ်ႇပဵၼ်ၵူၼ်း လႄႈ ၶဝ်ၸင်ႇလႆႈ ပဵၺ်ၸၵၢမ်ႇမၵုင်ႇဢၼ်ပဵၼ်ၶွင် ၵူၼ်း (မၼုသ) ။

ၽရၢမ်း ! လွင်ႈဢၼ်ပူၵ်ၵူလ်ၼၼ်ႉပဵၼ်ၽူႈ‌ဝေႈၵႆလွင်ႈၶႃႈသတ်း ၊ ‌ ဝေႈၵႆလွင်ႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈ ‌‌ၽိတ်းၵႃႇမေႇသု ၊ ‌ဝေႈၵႆလွင်ႈလၢတ်ႈပႅတ်ႉလႅၼ် ၊ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်းထွမ်ႇယၢပ်ႇ ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ထုၵ်ႇမႅၼ်ႈ ။

လူၺ်ႈၵၢမ်ႇၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝၵူၼ်း ၵိူတ်ႇပဵၼ်ၵူၼ်း လႄႈ လွင်ႈဢၼ်ၽူႈၼၼ်ႉပဵၼ်ၽူႈလႆႈ

လူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉ ၶူင်းၾႆးတီႈသမၼရႁၢၼ်း ။

ယွၼ်ႉၵၢမ်ႇၼၼ်ႉၶဝ်ၸင်ႇလႆႈပိၺ်ၸၵၢမ်ႇမၵုင်ႇဢၼ်ပဵၼ်ၶွင်ၵူၼ်း မၼုသ ၼၼ်ႉ ။

ၽရၢမ်း ! လွင်ႈဢၼ်ပူၵ်ၵူလ်ၼၼ်ႉပဵၼ်ၽူႈ‌ဝေႈၵႆလွင်ႈၶႃႈသတ်း ၊ ‌ ဝေႈၵႆလွင်ႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈ ‌‌ၽိတ်းၵႃႇမေႇသု ၊ ‌ဝေႈၵႆလွင်ႈလၢတ်ႈပႅတ်ႉလႅၼ် ၊ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်းထွမ်ႇယၢပ်ႇ ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ထုၵ်ႇမႅၼ်ႈ ။

လႄႈၶဝ်ပဵၼ်ၽူႈလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉ ၶူင်းၾႆး တီးသမၼရႁၢၼ်း ၶဝ်

ပူၵ်ၵူလ်ၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝတေႇဝတႃႇ ၶဝ်ၸင်ႇလႆႈပိၺ်ၸၵၢမ်ႇမၵုင်ႇဢၼ်ပဵၼ်ၶွင်ထိပ်ႉၼႂ်းတေႇဝလႃးၵၼၼ်ႉ ။

ၽရၢမ်း ! လွင်ႈဢၼ်ပူၵ်ၵူလ်ၼၼ်ႉပဵၼ်ၽူႈ‌ဝေႈၵႆလွင်ႈၶႃႈသတ်း ၊ ‌ ဝေႈၵႆလွင်ႈၵႆလွင်ႈလၵ်ႉၶူဝ်းၶွင် ၊ ဝေႈၵႆလွင်ႈ ‌‌ၽိတ်းၵႃႇမေႇသု ၊ ‌ဝေႈၵႆလွင်ႈလၢတ်ႈပႅတ်ႉလႅၼ် ၊ဝေႈၵႆလွင်ႈလၢတ်ႈၵႂၢမ်းသေႃႇသေႇ ၊ လၢတ်ႈၵႂၢမ်းလိုင်းထွမ်ႇယၢပ်ႇ ၊ ဝေႈၵႆလွင်ႈလၢတ်ႈၸႃဢမ်ႇမီးသၢၵ်ႈသေႇ ၊ ဢမ်ႇမီးလွင်ႈၶႂ်ႈလႆႈၶူဝ်းၶွင်ပိူၼ်ႈ ၊ ဢမ်ႇမီးၸိတ်ႇၸႂ်ပွင်ႁၢႆႉ ၊ မီးတၢင်းႁၼ်ထုၵ်ႇမႅၼ်ႈ ။

လူၺ်ႈၵၢမ်ႇၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝတေႇဝတႃႇ လႄႈ လွင်ႈဢၼ်ၽူႈၼၼ်ႉ ပဵၼ်ၽူႈလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႃႇၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်းတီႈယူႇ ၊ လႄႈ ၶိူင်ႈပရထိပ်ႉ ၶူင်း ၾႆး တီးသမၼရႁၢၼ်း ။

လူၺ်ႈၵၢမ်ႇၼၼ်ႉ ၶဝ်ၸင်ႇလႆပိၺ်ၸၵၢမ်ႇမၵုင်ႇဢၼ်ပဵၼ်ထိပ်ႉၼႂ်းတေႇဝလေႃးၵၼၼ်ႉ ။

ၽရၢမ်း ! (လူၺ်ႈလွင်ႈတၢင်းၸိူင်ႉၼႆ) ၼင်ႇၽူႈလူႇတၢၼ်းၵေႃႈ (ထႃယူၵ်ႉ) ၵေႃႈပဵၼ်ၽူႈဢမ်ႇပႅတ်ႈလၢႆ ။

ၸဝ်ႈၵေႃးတမၸဝ်ႈၶႃႈ ! ဢသၸၺ်တႄႉ ဢမ်ႉတွၼ်ႉမီးမႃးယဝ်ႉ။

ၸဝ်ႈၵေႃႇတမၸဝ်ႈၶႃႈ ! လွင်ႈၼႆႉၼင်ႇထႃယူၵ်ႉၵေႃႈဢမ်ႇပႅတ်ႈလၢႆ ၼႆႉပဵၼ်လွင်ႈဢၼ်ၵိုင်ႇလီလူူႇတၢၼ်းပဵၼ်လွင်ႈဢၼ်ၵိုင်ႇလီမီးသတ်ထႃးတႄႉယဝ်ႉၶႃႈ ။

ၽရၢမ်း !ၶေႃႈၼႆႉပဵၼ်ၸိူင်ႉၼႆ

ၽရၢမ်း ! ၼင်ႇထႃယူၵ်ႉၵေႃႈဢမ်ႇပဵၼ်ၽူႈပႅတ်ႈလၢႆ

ဢေႃးတီႈၶႃႈၸဝ်ႈၵေႃႇတမၸဝ်ႈၶႃႈ ! ၽႃသိတ်ၶွင်ၽြႃးပဵၼ်ၸဝ်ႈၸႅမ်ႇၸႅင်ႈလီတႄႉ

ယွၼ်းႁႂ်ႈ‌ၸဝ်ႈၵေႃႇတမၽြႃးပဵၼ်ၸဝ်ႈ တွင်းမၢႆၶႃႈၽူႈၸဝ်ႈဝႃႈ ပဵၼ်ဢုပသုၵ်ႇ ၽူႈထိုင်ၽွမ်ႉ တေႇဢဝ်ၼႆႉၵႂႃႇၼႃႈ ၸဝ်ႈၶႃႈ ။

------------------

ဢိင်ၶေႃႈမုလ်းပီတၵၢတ်ႈၽၢႆႇထႆး

ထသၵၼိၼိပႃတ ဢင်ၶုတရၼိၵႃႇယ

24/290/166

ပပ်ႉပုတ်ထဝၸၼ "ထၢၼ်" ပပ်ႉထိ 13

Read More

လွင်ႈဝၢင်းၸိတ်ႇၸႂ်မိူဝ်ႈလူႇတၢၼ်း

 #လွင်ႈဝၢင်းၸိတ်ႇၸႂ်မိူဝ်ႈလူႇတၢၼ်း

--------------

(ၸဝ်ႈသႃရိပုတ် တြႃႇထၢမ်ၽြႃးပဵၼ်ၸဝ်ႈလွင်ႈလူႇတၢၼ်းလႄႈၽြႃးပဵၼ်ၸဝ်ႈတွပ်ႇၶိုၼ်းၸဝ်ႈသရိပုတ် တြႃႇ ၼင်ႇၼႆ)

--------------

ၽြႃးပဵၼ်ၸဝ်ႈၶႃႈ! လွင်ႈသင်ၶႃႈၼေႃဢၼ်ပဵၼ်လွင်ႈပဵၼ်တၢင်း ဢၼ်ပူၵ်ၵူလ်ႇမၢင်ၵေႃႉမၢင်ၵူၼ်းၼႂ်း‌လေႃးၵၼႆႉလူႇတၢၼ်းယဝ်ႉမီးမုၼ်ၼမ်သမ်ႉဢမ်ႇမီးၽွၼ်းၼမ်?

လွင်ႈသင်ၶႃႈၼေႃ ပဵၼ်လွင်ႈပဵၼ်တၢင်း ႁႂ်ႈလူႇတၢင်းတၢၼ်းၼၼ်ႉလႄႈ ဢၼ်ပူၵ်ၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းယဝ်ႉမီးမီးမုၼ်ယႂ်ႇမီးၽွၼ်းယႂ်ႇ ၶႃႈ ?

သႃရိပုတ် တြႃႇ! ပူၵ်ၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵ ၼႆႉ လူႇတၢၼ်းလူၺ်ႈ မီးလွင်ႈမုင်ႈမွင်း လူႇတၢၼ်းလူၺ်ႈမီးလွင်ႈၸႂ်ၸပ်းၼႂ်းတၢင်းမုင်ႈမွင်း လူႇတၢၼ်းလူၺ်ႈၶႂ်ႈလႆႈမုၼ်ၵုသူလ်ႇ လူႇတၢၼ်းလူၺ်းဝူၼ်ႉဝႃႈ မိူဝ်ႈႁဝ်းတၢႆၵႂႃႇတေလႆႈ ၸၢမ်ႇၵုသူလ်ၼႃးမုၼ်ၼႆႉ ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉၸႃတုမႁႃရႃၸိၵႃ

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ ! ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်မုင်ႈမွင်း လူႇတၢၼ်းလူၺ်ႈဢမ်ႇမီးၸႂ်မုင်ႈမွင်း လူႇတၢၼ်းလူၺ်ႈဢမ်ႇမုင်ႈမွင်းၽွၼ်းလီၵုသူလ်ႇ လူႇတၢၼ်းလူၺ်ႈဢမ်ႇဝူၼ်ႉဝႃႈမိူဝ်ႈတၢႆၵႂႃႇတေလႆႈၸၢမ်ႇၵုသူလ်ႇၼႆႉ

ၵူၺ်းၶဝ်လူႇတၢၼ်းလူၺ်ႈဝူၼ်ႉဝႃႈ လွင်ႈလူႇတၢၼ်းၼႆႉပဵၼ်ၵၢၼ်လီၵၢၼ်မျႅတ်ႈ လွင်ႈလူႇတၢၼ်းပဵၼ်ၵၢၼ်လီ ၼႆသေၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင် ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရ ထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉတႃႇဝတဵင်ႇသႃႇ

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ ! ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်ႈမုင်ႈမွင်း ... ဢမ်ႇလႆႈလူႇတၢၼ်းလူၺ်ႈဝူၼ်ႉဝႃႈ လွင်ႈလူႇတၢၼ်းပဵၼ်ၵၢၼ်လီၵၢၼ်မျႅတ်ႈ

ၵူၺ်းၶဝ်လူႇတၢၼ်းလူၺ်ႈဝူၼ်ႉဝႃႈ ပေႃႈ မႄႈ ပူႇမွၼ်ႇၼၢႆးယႃႈယၢမ်ႈဢွၼ်ႁဵတ်းမႃး ႁဝ်းၵေႃႈဢမ်ႇထုၵ်ႇလီႁႂ်ႈၾိင်ႈထုင်းၼႆႁၢႆၼႆသေ

ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉယႃမႃ

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ! ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်ႈမုင်ႈမွင်း ဢမ်ႇလႆႈလူႇတၢၼ်းလူၺ်ႈဝူၼ်ႉဝႃႈ ပေႃႈ မႄႈ ပူႇမွၼ်ႇၼၢႆးယႃႈ ယၢမ်ႈဢွၼ်ႁဵတ်းမႃး ႁဝ်းၵေႃႈဢမ်ႇထုၵ်ႇလီႁဵတ်းႁႂ်ႈၾိင်ႈထုင်း ႁၢႆ

ၵူၺ်းၶဝ်ဝူၼ်ႉဝႃႈ ႁဝ်းႁုင်ႁႃၵိၼ်လႆႈ သမၼရႁၢၼ်းၶဝ်ဢမ်ႇႁုင်ႁႃၵိၼ် ႁဝ်းႁုင်ႁႃၵိၼ်လႆႈ တေဢမ်ႇလူႇတၢၼ်းတီႈ သမၼရႁၢၼ်းၽူႈဢမ်ႇႁုင်ႁႃၵိၼ် ဢမ်ႇထုၵ်ႇလီပဵၼ်

ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉတုသီတႃႇ ။

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ ! ပူၵ်ၵူလ်မၢင်ၵေႃမၢင်ၵူၼ်းၼႂ်ႈလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်ႈမုင်ႈမွင်း ဢမ်ႇလႆႈလူႇတၢၼ်းလူၺ်ႈဝူၼ်ႉဝႃႈ ႁဝ်းႁုင်ႁႃၵိၼ်လႆႈ သမၼရႁၢၼ်း ၶဝ်ႁုင်ႁႃၵိၼ်ဢမ်ႇလႆႈ ႁဝ်းႁုင်ႁႃၵိၼ်လႆႈ တေဢမ်ႇလူႇတၢၼ်းတီႈသမၼရႁၢၼ်းၽူႈဢမ်ႇႁုင်ႁႃၵိၼ် ဢမ်ႇလႆႈဢမ်ႇထုၵ်ႇလီပဵၼ်

ၵူၺ်းၶဝ်လူႇတၢၼ်းလူၺ်ႈဝူၼ်ႉဝႃႈ ႁဝ်းတေႁဵတ်းၽူႈယိုၼ်ႈမႅင်ႇၸႅၵ်ႇပၼ် မိူၼ်ၸိူင်ႉၼင်ႇ ရသေႉမိူဝ်ႈပၢၼ်ၵွၼ်ႇ ၼၼ်ႉပဵၼ် ရသေးဢတ်ထၵ ၊ ရသေးဝမၵ ၊ ရသေးဝမတေႇဝ ၊ ရသေးဝဵသ်သႃမိတရ ၊ ရသေယမထၶ်ၶိ ၊ ရသေးဢင်ၶိရသ ၊ ရသေးၽႃရထဝႃသ ၊ ရသေးဝႃသဵတ်ထ ၊ ရသေးၵသ်သပ ၊ လႄႈ ရသေး ၽၶု ပူႇၸေႃႇမႁႃယၺ်

ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉၼိမၢလ်ၼေႃရတီႇ ။

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ ! ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်ႈမုင်ႈမွင်း ဢမ်ႇလႆႈလူႇတၢၼ်း လူၺ်ႈဝူၼ်ႉဝႃႈ ႁဝ်းတေပဵၼ်ၽူႈယိုၼ်ႈမႅင်ႇၸႅၵ်ႇပၼ် မိူၼ်ၼင်ႇရသေးမိူဝ်ႈပၢၼ်ၵွၼ်ႇ ၼၼ်ႇပဵၼ် ရသေးဢတ်ထၵ ... ရသေးၽၶု

ၵူၺ်းၶဝ်လူႇတၢၼ်းလူၺ်ႈဝူၼ်ႉဝႃႈ မိူဝ်ႈႁဝ်းလူႇတၢၼ်းၸိူင်ႉၼႆ ၸိတ်ႇၸႂ်ႁဝ်း‌ေတၸိုၼ်ႈသႂ် မီးလွင်ႈဢိမ်ႇၸႂ် လႄႈ သေႃးမၼတ်ႉ ။

ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉပရၼိမိတႃဝသႃဝတီႇ ။

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ယင်းပဵၼ်ၽူႈၶိုၼ်းပွၵ်ႈမႃး ၸိူင်ႉၼင်ႇမႃးပဵၼ်ယူႇၼင်ႇၼႆ ။

သႃရိပုတ် တြႃႇ ! ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းလူၺ်ႈဢမ်ႇမီးလွင်ႈမုင်ႈမွင်း ဢမ်ႇလႆႈလူႇတၢၼ်းလူၺ်ႈဝူၼ်ႉဝႃႈ မိူဝ်ႈႁဝ်းလူႇတၢၼ်းၸိူင်ႉၼႆ ၸိတ်ႇၸႂ်ႁဝ်းတေၸိုၼ်ႈသႂ် မီးလွင်ႈဢိမ်ႇၸႂ်ႇ သေႃးမၼတ်ႉၸႂ်

ၵူၺ်းၶဝ်လူႇတၢၼ်းလူၺ်ႈပဵၼ်လွင်ႈႁၢင်ႈၶိူင်ႈၸိတ်ႇၸႂ် ၶိုင်ပွင်ႁႂ်ႈၸိတ်ႇၸႂ်လီၶိုၼ်ႈ (ၸိတႃလုံၵႃရံ ၸိတပရိၵၶႃရံ)

ၶဝ်ၸင်ႇလူႇတၢၼ်း ၶဝ်ႈ ၊ ၼမ်ႉ ၊ ၶိူင်ႈၼုင်ႈႁူမ်ႇ ၊ ယၢၼ်းၽႁႃၼ ၊ မွၵ်ႇမႆႉၶွင်ႁွမ် ၊ ၶိူင်ႈလုပ်ႈတႃး ၊ တီႈၼွၼ်း တီႈယူႇ ၊ လႄႈၶိူင်ႈပရထိပ်ႉ ၶူင်းၾႆး ၊ တီႈသမၼ ရႁၢၼ်း

ၶဝ်လူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇၶဝ်ႈထိုင်ပဵၼ်တေႇဝတႃႇ ၸၼ်ႉပရႃမၵႃယိၵႃ ( ပျႃႇမႃႇ)

မိူဝ်ႈၵုသူလ်ၼႃးမုၼ်ၼၼ်ႉမူတ်း သဵင်ႈၵၢမ်ႇ သဵင်ႈရိတ် သဵင်ႈၸၼ်ႉ မူတ်းလွင်ႈပဵၼ်ယႂ်ႇယဝ်ႉ ပဵၼ်ၽူႈဢၼ်ဢမ်ႇ ၶိုၼ်းပွၵ်ႈမႃး ဢမ်ႇလႆႈၶိုၼ်းမႃးပဵၼ်ယူႇၼင်ႇၼႆထႅင်ႈယဝ်ႉ ( ၶဝ်ႈပရိၼိပ်ႉပၢၼ်ၼႂ်းတီႈၼၼ်ႉယဝ်ႉ)

သႃရိပုတ် တြႃႇ ! ၼႆႉယဝ်ႉ ပဵၼ်လွင်ႈပဵၼ်တၢင်း လွင်ႈလူႇတၢၼ်းၸိူင်ႇၼင်ႇ ပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉလူႇတၢၼ်းယဝ်ႉ မီးမုၼ်ၼမ် သမ်ႉဢမ်ႇမီးၽွၼ်းၼမ်

လႄႈ ပဵၼ်လွင်ႈပဵၼ်တၢင်းၸိူင်ႉၼင်ႇပူၵ်ၵူလ်မၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်းယဝ်ႉ မီးမုၼ်ယႂ်ႇ မီးၽွၼ်းယႂ်ႇ ။

------------------

ဢိင်ၶေႃႈမုလ်း ပီတၵၢတ်ႈၽၢႆႇထႆး

သတပၼိပႃတ ဢင်ၶုတရၼိၵႃယ

27/60/44

ပပ်ႉပုတ်ထဝၸၼ ထၢၼ် ပပ်ႉထိ 13

Read More

တႃႇဝတဵင်ႇသႃႇ မိူင်းၽီၸၼ်ႉထိသွင်

 

တႃႇဝတဵင်ႇသႃႇ ၼႆႉ ပဵၼ်ဢၼ်ႁူႉၸၵ်းၵၼ် ယွၼ်ႉဝႃပဵၼ်တီႈဢၼ်ၽြႃးပဵၼ်ၸဝ်ႈ လႆႈၶိုၼ်ႈမိူဝ်းႁေႃးတြႃး  ပိူဝ်ႈႁႂ်ႈမူႇတေႇဝတႃတၢင်းလၢႆပူၼ်ႉလွတ်ႈတၢင်းတုၵ်ႉ လွင်ႈၵိူတ်ႇ လွင်ႈၵႄႇထဝ်ႈ လွင်ႈတၢႆ ဢၼ်တေႇဝတႃႇတၢင်းလၢႆၵေႃႈဝေႈဢမ်ႇလွတ်ႈ

 မိူဝ်ႈၽြႃးပဵၼ်ၸဝ်ႈၶိုၼ်ႈမိူဝ်းႁေႃးတြႃးတီႈမိူင်းၽီၼႆႉၼၼ်ႉ လွင်ႈၼႆႉၸင်ႇမႃး ၾိင်ႈထုင်း ဢၼ်ၵူၼ်းတင်းၼမ် ႁပ်ႉတွၼ်ႈ လွင်ႈဢၼ်ၽြႃးပဵၼ်ၸဝ်ႈမိူဝ်ဢဝ်ဝႃႇတီႈ မိူင်းၽီ တႃဝတိင်ႉသႃႇ သေလူင်းမႃး ၼႂ်းလူၵ်ႈလေႃးၵၵူၼ်းၼၼ်ႉယဝ်ႉ။

ဢၼ်ႁွင်ႉဝႃႈ “ ဢၼ်တႆးႁဝ်းႁွင်ႉဝႃႈၶဵင်ႇတၢင်ႈပုတ်ႈၼၼ်ႉယဝ်ႉ” လႄႈၽြႃးပဵၼ်ၸဝ်ႈလႆႈလုၵ်ႉတီႈမိူင် းၽီၸၼ်ႉတႃႇဝတဵင်ႇသႃႇ လူင်းသူႇမိူင်းၵူၼ်းၼႂ်းဝၼ်းလိူၼ်ပႅတ်ႇမူၼ်း ဝၼ်းဢွၵ်ႇဝႃႇ ၼႆယဝ်ႉ ။

ၸၼ်ႉ"တႃႇဝတဵင်ႇသႃႇ" မိူင်းၽီ မီးတီႈလႂ် ငဝ်းလၢႆးမၼ်းမီးၸိူင်ႉႁိုဝ်?

မိူင်းၽီတဝတိင်ႇသႃႇၼႆႉ မီးဝႆႉၼိူဝ်လွႆသူႇမရူႇ။ (သီၼေရု) မီးဝဵင်းလူင်ၶုၼ်ဢိၼ်ႇတရႃႇပဵၼ်ၵႅၼ်ၵၢင်ၸိုဝ်ႈဝႃႈ "သုတတ်ႉထသ" ၼႂ်းၵၢင်ဝဵင်းသုတ်ႉထသ မီးမႁႃႇႁေႃၵႅဝ်ႈ ၸိုဝ်ႈဝႃႈ “ၽသယၼ်ႇဝိမၼ်ႇ” ဢမ်ႇၼၼ် “ၽသယၼ်ဝိမၢၼ်ႇ” ၼႆႉ ပဵၼ်တီႈယူႇ ၸဝ်ႈဢိၼ်ႇတရႃႇ ၶုၼ်ဢိၼ်း။ ၽၢႆႇၼႂ်းၼၼ်ႉ မီးၼၢင်းၽီတေဝတႃႇ လႄႈ ၽူႈၸွႆႈထႅမ်ၸိူင်ႉၼၢင်း 25 သႅၼ်ၼၢင်းၼႆယူႇ။

မူိင်းသုတ်ႉထသၼႆႉ မီးဝႆႉမိူင်း 32 မိူင်း ဢၼ်ယူႇတႂ်ႈၽွင်းငမ်းတေဝတႃႇလူင်/တေဝတႃႇဢွၼ်ႇ 32 တူၼ် ၶုၼ်ဝၼုၵမ်  ၶုၼ်သူရိယ ၶုၼ်လိူၼ် ဢၼ်ယူႇပႃတႂ်ႈၶုၼ်ဢိၼ်းထႅင်ႈတွၼ်ႈၼိုင်ႈမိူၼ်ၼင်ႇၶုၼ်ဝၼ်ႇၼ (ဝၼၵရမ၊)

လိူဝ်ၼၼ်ႉ တီႈမိူင်းၵၢင်ႁၢဝ်တႃဝတိင်ႇသႃႇၼၼ်ႉ မီးသူၼ်သိူဝ်း 6 ဢွင်ႈတီႈသေသူၼ်သိူဝ်းၼၼ်ႉ မီးတူၼ်ႈမႆႉတိပ်ႉ 1,000 တူၼ်ႈ လႄႈ ၼွင်ၼမ်ႉတိုင်းသႂ် 2 ဢွင်ႈတီႈ -

1. သူၼ်မွၵ်ႇၼၼ်ႇတဝၼ်ႇ မီးၽၢႆႇႁွင်ႇမိူင်း၊ ပဵၼ်တီႈလိုဝ်ႈသဝ်း တေႇဝတႃႇတၢင်းလၢႆ၊

2. သူၼ်သိူဝ်းၸိုဝ်ႈဝႃႈပႃႇရူႇသႃႇၵႃႇဝၼ်ႇ မီးတီႈၾၢႆႇၸၢၼ်းမိူင်း၊ ၽၢႆႇၼႂ်းမၼ်း မီးတူၼ်ႈမႆႉမၢပ်ႇတဵမ်ဝႆႉသေ လႆႈၸိုဝ်ႈမႃးၸွမ်း ၸိုဝ်ႈပႃႇရုသၵဝၼ်ႇ ဢၼ်ပွင်ႇဝႃႈ မၢၵ်ႇမၢပ်ႈ။

3. သူၼ်သိူဝ်း ၸိတ်လတႃႇဝၼ်ႇ မီးၽၢႆႇဢွၵ်ႇမိူင်း၊ ၼႂ်းသူၼ်မွၵ်ႇၼၼ်ႉ မီးတူၼ်ႈမၢၵ်ႇဢိတ်ႇ ဢၼ်လမ်ႇလွင်ႈ ဢၼ်မီးၸိုဝ်ႈဝႃႈ "ဢႃႇသဝႃႇတီႇ" ဢၼ်လုၵ်ႉတီႈၵၢင်ႁၢဝ်သေ ဢွၵ်ႇမၢၵ်ႇ ပွၵ်ႈလဵဝ်ၼၼ်ႉ လႆႈၸႂ်ႉၶၢဝ်းယၢမ်း 1,000 ပီႊ။ ၼႂ်းမၢၵ်ႇမႆႉၼၼ်ႉ မီးၼမ်ႉတိပ်ႉ ဢၼ်ပေႃးၵိၼ်ယဝ်ႉ ႁဵတ်းႁႂ်ႈမၼ်းမီးၽွၼ်းလီ။ ပဵၼ်ဢၼ်တေႇဝတႃႇၶဝ်လႆႈၸႂ်။

4. သူၼ်သိူဝ်း မိတ်ႉသၵႃႇဝၢၼ်ႇ မီးၽၢႆႇတူၵ်းမိူင်း။ မီးမွၵ်ႇ လႄႈ ၶိူင်ႈလဵၼ်ႈ တင်းၼိူဝ်လိၼ် လႄႈ ၼႂ်းၼမ်ႉ တင်းသွင်ဢၼ်။

5. သူၼ်သိူဝ်း မႁႃႇဝၼ်ႇၼႆႉ မီးဝႆႉတီႈ ၸဵင်ႇႁွင်ႇဝၼ်းဢွၵ်ႇမိူင်းလူင်၊ ပဵၼ်တီႈလိုဝ်ႈသဝ်းသုၼ်ႇတူဝ်ၶွင်ၸဝ်ႈ ၶုၼ်ဢိၼ်း (ဢိၼ်ႇတရႃႇ)။

6. သူၼ်သိူဝ်းပၼ်ႇတႃႇရိၵ မီးတီႈ ၸဵင်ႇၸၢၼ်းဝၼ်းဢွၵ်ႇ မိူင်းလူင်၊ ပဵၼ်တီႈထွတ်ႈမျၢတ်ႈ ၼႂ်းမိူင်းၽီတဝတိင်ႇသႃႇ။

 ယွၼ်ႉဝႃႈ မၼ်းပဵၼ်တီႈတင်ႈယူႇၶွင်ၵွင်းမူး ၸူလႃႇမၼီႇ (ဢၼ်မီးထၢတ်ႈတေႃႇၶွင်ၽြႃးပဵၼ်ၸဝ်ႈ ဢၼ်ပဵၼ် ၵေးသႃ(ၶူၼ်ႁူဝ်) လႄႈ( ၶဵဝ်ႈ)ၶွင်ၽြႃးပဵၼ်ၸဝ်ႈ)

ပေႃးတေလၢတ်ႈၵႂၢင်ႈၵႂၢင်ႈၶႂၢင်ၶႂၢင်ၸိုင် မိူင်းၽီတဝတိမ်ႇသႃႇၼႆႉ လီမူၼ်ႈသိူဝ်းၼႃႇ ဢမ်ႇၸႂ်ႈႁိုဝ်။

 ၸိုဝ်ႈလၢႆတီႈ တီႈၼႂ်းမိူင်းၽီတဝတိမ်ႇသႃႇၼၼ်ႉ ဢဝ်ပဵၼ်ၸိုဝ်ႈ ဢွင်ႈတီႈလမ်ႇလွင်ႈလၢႆလၢႆတီႈ။

 ယဝ်ႉၵေႃႈ တေႁဵတ်းႁိုဝ်ၵႂႃႇထိုင် မိူင်းၽီတဝတိမ်ႇသႃႇ၊ ၼႂ်းလူၵ်ႈၸႅတ်ႈၸၢင်ႇ ၵူၼ်းၵိူဝ်းယမ်သႃႇသၼႃႇၶဝ် ႁူႉလီဝႃႈ မိူင်းၽီ ဢမ်ႇၼၼ် ငရၢႆး ပဵၼ်ရုပထမ်းၼၼ်ႉဢမ်ႇမီး။ မီးမိူင်းၽီၼႂ်းဢူၵ်း ငရၢႆးၼႂ်းၸႂ်ၵူၺ်း။ ၵွပ်ႈၼၼ် ၶဝ်တင်းမူတ်းၼႆႉ ယူႇတႂ်ႈၸႂ်ၵုမ်းၵမ်။ လႄႈတူဝ်ၵဝ်ႇတၢင်းသဵင်ႈယဝ်ႉ ။

 

Read More

ပဵၼ်မိူင်းၽီၸၼ်ႉၸႃတုမႁႃရသိၵ ပဵၼ်ၽီၸၼ်ႉထိၼိုင်ႈ

 

ပဵၼ်ၽီၸၼ်ႉထိၼိုင်ႈ ပဵၼ်မိူင်းၽီၸၼ်ႉၸႃတုမႁႃရသိၵ တင်ႈယူႇတီႈတိၼ်လွႆသီႇၼႄႇရု မီးၶုၼ်ၽီလူင် 4 တူၼ် ဢုပ်ႉပိူင်ႇဝႆႉ4 ၽၢႆႇ။

1. ၸဝ်ႈသတ်ႉထႃႇရ မီးၽၢႆႇၼႃႈဝၼ်းဢွၵ်ႇသေ ဢုပ်ႉပိူင်ႇ ၵၼ်ႇတရဝ(ၵူၼ်းထၼ်း) ဝိတယထွၼ်း လႄႈ ၵုမ်ၿၼ်ႇတႃႇ(ၵုမ်းၽၼ်း)

2. ၸဝ်ႈဝိရုၼ်းႁွၵ်ႇ မီးၽၢႆႇၼႃႈဝၼ်းႁွင်ႇသေ ဢုပ်ႉပိူင်ႇၵရုတ်ႈ (ၵႃလုၼ်ႇ) ။

3. ၸဝ်ႈဝိရူပ်ႉပၢၵ်ႉ မီးၽၢႃႇဝၼ်းတူၵ်း ဢုပ်ႉပိူင်ႇၼၵ်ႈၵႃး

4. ၸဝ်ႈဝႅတ်ႉသုဝၼ်ႇ မီးၽၢႆႇႁွင်ႇသေ ၽွင်းငမ်းၼိူဝ်မူႇယၵ်း ၽီလူး ၽၢႆး ၶဝ်။

 

ၵူၼ်းထၼ်း (ၵၼ်ထရဝ) ၊ ဝိတ်ႉထယႃႇထွၼ်း ၊ ၵုမ်ႇၽၼ်း(ၵုမ်ႇၽၼ်တ)

ၵူၼ်းထၼ်း ၵၼ်ႇတရဝ မီး 3 မဵဝ်း ၸိူဝ်းၼၼ်ႉပဵၼ်

ၵူၼ်းထၢၼ်းၸၼ်ႉသုင် မီးဝိမၢၼ်ႇယူႇၼႂ်းၸၼ်ႉၸႃတုမႁႃရႃၸိၵႃ မိူၼ်ၼင်ႇ ပၢၼ်းၸိၵႃႇ တေႇဝပုတ်ႉတ

ၵူၼ်းထၼ်းၸၼ်ႉၵၢင် ၵိူတ်ႇတီႈထိူၼ်ႇႁိမဝူၼ်ႇတႃႇ မီးဝိမၢၼ်ႇႁိၼ်ၼႂ်းတူၼ်ႈမႆႉသေ ပဵၼ်ၽူႈတူၺ်းထိုင်ပၼ်ၵူၼ်းထၼ်းၸၼ်ႉသုင်။

ၵူၼ်းထၼ်းၸၼ်ႉတႅမ်ႇ ယူႇဝႆႉၼႂ်းမိူင်းၵူၼ်း ယူႇၸွမ်းတူၼ်ႈမႆႉ ဢၼ်မီးဢၢႆႁွမ် မိူၼ်ၼင်ႇ တူၼ်ႈမႆႉ မီးဢၢႆႁွမ်တီႈႁၢၵ်ႈ တူၼ်ႈ ၼိူဝ်ႉ လွၼ်ႉ ပိူၵ်ႇ ၼင် မႂ် မွၵ်ႇ မၢၵ်ႇ ၸိူဝ်းၼႆႉ ။

ၵူၼ်းထၼ်းၶဝ်ၼႆႉ မီးလွင်ႈသူင်ၼႂ်းတၢင်းမူၼ်ႈသိူဝ်းဢၼ်ပဵၼ်ၵၢမ်ႇမၵုင်ႇတၢင်းလၢႆၽဵင်းၵႂၢမ်းမိူၼ်ၼင်ႇ၊ ၸိူင်း၊ တၢင်းၵႃႈ၊ ႁွင်ႉၵႂၢမ်း လႄႈတၢင်ႇပိူင်။

ၵူၼ်းထၼ်းသူင်ၵျိူၵ်ႈ ႁွင်ႉၵႂၢမ်းပိူဝ်ႈပၼ်တၢင်းသိူဝ်းမူႇတေႇဝတႃႇတၢင်းလၢႆလူၺ်ႈၸႂ်သိူဝ်း သႃႇ   ၵူၼ်းထၼ်းၼႆႉ မိူဝ်ႈၶဝ်တိုၵ်ႉပဵၼ်ၵူၼ်းမၼုသၼၼ်ႉ ႁဵတ်းႁႂ်ႈ ၵုင်ႇမုၼ်ၶူၼ်းၶဝ်းလေႃး လႄးၵၼ်တင်း လွင်ႈမူၼ်ႈသိူဝ်း ဢၼ်ပဵၼ်ၵႃႇမၵုင်ႇ။

ဝိတယထွၼ်း ၼႆႉပဵၼ်ၵူၼ်းမီးတၢင်းႁူႉ ၼႂ်းပၢႆးသၢႆႊလၢႆလွင်ႈ ပႃးၸဵမ် 18 လွင်ႈ မိူၼ်ၼင်ႇ ပၢႆးလၢဝ်၊  ၶဝ်ၸၢင်ႈမိၼ်လႆႈသေ မီးမုလ်းၵႃႇထႃႇ လၢႆလၢႆလွင်ႈ။  မီးႁၢင်ႈၽၢင်လၢႆလၢႆမဵဝ်း။ ယူႇႁင်းၵူၺ်းၵေႃႈမီး၊ ယူႇပဵၼ်မူႇ ယူႇပဵၼ်ၸုမ်းၵေႃႈမီး။

ၵုမ်ႇထၼ်း ၼႆႉ မီးႁၢင်ႈၽၢင် ဢၼ်လၢၵ်ႇလၢႆး ၼႃႈတႃ ၽူင်ႉ ။ ပဵၼ်ယၵ်းမဵဝ်းၼိုင်ႈ။ ၵူၺ်းၵႃႈ ဢမ်ႇလီၵူဝ်မိူၼ်ၵူၼ်းယၵ်း ဢမ်ႇမီးၶဵဝ်ႈ ၶူၼ်ႁူဝ်ငေႃး  တူဝ်လမ်။

 ၵုမ်ႇၽၼ်း ၶဝ်ၼႆႉမီးတႄႇဢဝ်ၸၼ်ႉသုင်သုတ်း တေႃႇထိုင်ၸၼ်ႉတႅမ်ႇသုတ်း မီးပုၼ်ႈၽွၼ်း တႃႇတေလူင်းၵႂႃႇ တဵၵ်းတဵင် တူဝ်သတ်းငရၢႆး ၼႂ်းလူၵ်ႈတႂ်ႈလိၼ်။

တင်းၵူၼ်းထၼ်း ဝိထယထွၼ်း  လႄႈ ၵုမ်ႇၽၼ်း ၸိူဝ်းၼႆႉပဵၼ်တေႇဝတႃႇ ဢၼ်မီးတႂ်ႈ ၸဝ်ႈထတ်ႉထႃႇ ၸဝ်ႈမႁႃရၢတ်ႇတင်း  4 ၸၼ်ႉ ၼႂ်းၶွပ်ႇလႅၼ်ႊလိၼ် ပွတ်းဢွၵ်ႇၼၼ်ႉ ၵုမ်းၵမ်ဝႆႉ။

ၵႃႇရူႇတႃႇ (ၵႃလုၼ်ႇ) ထႆးၶဝ်ႁွင်ႉဝႃႈ (ၶရုတ်ႈ)

ၵႃလုၼ်ႇၼႆႉ ၸႅၵ်ႇပဵၼ် တေႇဝတႃႇမဵဝ်းၼိုင်ႈ။ ယူႇတႂ်ႈၽွင်းငမ်း ၸဝ်ႈဝိရုၼ်းႁူၵ် ၼႂ်းၸဝ်ႈမႁႃရၢတ် 4 တူၼ်။ ဢၼ်ယူႇဝႆႉၼႃႈၽၢႆႇတၢင်းႁွင်ႇ လွင်ႈတၢင်းဢၼ်ၵိူတ်ႇပဵၼ် ၵႃလုၼ်ႇၼႆႉ ယွၼ်ႉပိူဝ်ႈ ႁဵတ်းႁႂ်ႈ ၵၢၼ်လီ ၶူၼ်းလေႃးၵၼ်တင်း ၵၢၼ်ဢမ်ႇလီလႄႈ လွင်ႈၵိူတ်ႇ မီးၵႃလုၼ်ႇ 4 မဵဝ်း ဢၼ်ပဵၼ်ဢူဝ်ႇပႃႇပႃႇတိၵႃႇမီးၶူၼ်သီၶမ်းမီးၶိူင်ႈႁွႆႈတိုဝ်းၸိူင်ႉၼင်ႇတေ ဝတႃႇ ယူႇမိူၼ်တေႇဝတႃႇ တေႃႇထိုင်ၸၼ်ႉမႁႃႇရႃႇၸိၵ။ (ထိူၼ်ႇၼိဝ်ႉၼႆႉ မီးယူႇၸၼ်ႉသွင်  ႁိမ်းႁွမ်းလွႆသီႇၼႄႇရူ။ ၸၼ်ႉၼိုင်ႈ ပဵၼ်ၼႂ်းမႁႃသမ်မုတ်တြႃႇ။ ဢၼ်ပဵၼ်တီႈယူႇ ၼၵ်ႈၵႃး)

ၵႃလုၼ်ႇ ၸၼ်ႉသုင် ဢၼ်ၵိူတ်ႇၸွမ်းလၢႆး ဢူဝ်ႇပႃႇပႃႇတီႇၵႃႇၼၼ်ႉ မီးၶူၼ်ၶမ်း။ မီးၶိူင်ႈႁွႆႈတိုဝ်းမိူၼ်ၸိူင်ႉၼင်ႇၼၢင်းၽီတေႇဝတႃႇ။ ယူႇမိူၼ်တေႇဝတႃႇ ပေႃးမေႃလႅၵ်ႈ လၢႆႈတူဝ်ၸဝ်ႈၵဝ်ႇလႆႈၸိုင် ၸင်ႇလႆႈမူၼ်ႈၸွမ်း ဢႃႇႁႃႇရတၢင်းၵိၼ်ဢၼ်ပဵၼ်ထိပ်ႉယူႇယဝ်ႉ။

ၵႃလုၼ်ႇမၢင်မဵဝ်းမီးၸႂ်ပႅင်းၸင်းတီႈ ၼၵ်ႈၵႃးၵိၼ်ၼၵ်ႈၵႃး ပဵၼ်တၢင်းၵိၼ် မၢင်မဵဝ်းသမ်ႉ ၵိၼ်မၢၵ်ႇမႆႉ ဢမ်ႇၼၼ် ၼိူဝ်ႉသတ်းပဵၼ်တၢင်းၵိၼ်၊ ၵႃလုၼ်ႇ မၢင်မဵဝ်းၵေႃႈမီးၸႂ်ဢၶၢတ်ႈ တေႃႇသတ်းၼႂ်းငရၢႆး ၼႂ်းလူၵ်ႈတႂ်ႈလိၼ်။ ၸေႇတၼႃႇ ပဵၼ်ၽူႈမီးပုၼ်ႈ ၽွၼ်း တႃႇပၼ်တၢမ်ႇ တူဝ်သတ်းငရၢႆး

ၼၵ်ႈၵႃးပဵၼ်ၶုၼ်ၶွင်မူႇငူးတၢင်းလၢႆၸႅၵ်ႇပဵၼ်တူဝ်သတ်းတရိၵ်ႉသၢၼ်ႇၵွပ်ႈပိူဝ်ႈဝႃႈမီးလမ်း တူဝ်ယၢဝ်းသေ ဢမ်ႇၸၢင်ႈႁူႉၸႅင်ႈထိုင်လႆႈထမ်ႇမလႆႈ၊

ၵူၺ်းၵႃႈ ၶဝ်ယူႇၾၢႆႇသုၶတိမီးယူႇၼႂ်းၵၢင်ႁၢဝ် ၸၼ်ႉတႃၼုမႁႃရႃၸိၵ။ 

ၶိူဝ်းၼၵ်ႈၵႃႇၼႆႉ ၸႅၵ်ႇပဵၼ် 4 ၸိူဝ်ႉသၢႆ ဢၼ်ပဵၼ် ၸိူဝ်ႉသၢႆဝိရူပ်ႉပၢၵ်ႉဢၼ်မီးလမ်းတူဝ်ပဵၼ်သီလူင်ၶမ်း။ ၸိူဝ်ႉသၢႆဢေႇရႃႇပႃႇထႃႇမီးလမ်းတူဝ်သီၶဵဝ် ၊ ၸိူဝ်ႉသၢႆၶျႃႇပယပုတ်ႉတ မီးသီလမ်းတူဝ်မိူၼ် ႁုင်းႁႆး ၊ ၵၼ်ႇႁႃႇၵူဝ်ႇတမ်ႇမ ၸိူဝ်ႉသၢႆၼၵ်ႈၵႃးမီးလမ်းတူဝ်ပဵၼ်သီလမ်

လွင်ႈၵိူတ်ႇ ၼႃႇၵ မီး 4 မဵဝ်း ဢၼ်ပဵၼ် လွင်ႈၵိူတ်ႇ လၢႆးဢူဝ်ႇပႃႇပတိၵ ၵိူတ်ႇယႂ်ႇမႃးၵမ်းလဵဝ် ။

မိူၼ်ၼင်ႇ ၶျႃႇလႃႇပူႇၸႃႇ ၵိူတ်ႇၼႂ်းတွင်ႉ ၊ ဢၼ်ထသၵိူတ်ႇၼႂ်းၽွင်းၶႆႇ ။ သင်သေထသ ၵိူတ်ႇၼႂ်းၵူမ်ႇငႂ်ႈ။

 ၼၵ်ႈၵႃး ၸိူဝ်းမီးၸၼ်ႉသုင်ၼၼ်ႉ ၵိူတ်ႇပဵၼ် ဢူဝ်ႇပႃႇပတိၵ။ ပဵၼ်ၸၼ်ႉထၢၼ်ႈၽူႈဢုပ်ႉပိူင်ႇ ဢၼ်ယူႇသဝ်း ၼႂ်းၼၵ်ႈၵႃး တႄႇဢဝ် မႄႈၼမ်ႉ ႁွင်ႈၼမ်ႉ ၼွင် ၼႂ်းလူမ်း တေႃႇထိုင် ၸၼ်ု ၵၢင်ႁၢဝ် မႁႃႇရႃႇၸိၵ တၢင်းသီႇ  ။ ၸၢဝ်းၼၵ်ႈၵႃးၶဝ်ၼႆႉ ယူႇတႂ်ႈၽွင်းငမ်း ၶွင်ၸဝ်ႈဝိရုပၵ်ႉ၊ ၽူႈဢုပ်ႉပိူင်ႇ ၸဵင်ႇပွတ်းတူၵ်း ၶွင်မိူင်းၽီၸၼ်ၸႃတုမႁႃရႃၸိၵႃ ။

လွင်ႈတၢင်းဢၼ်ၵိူတ်ႇပဵၼ် ၼၵ်ႈၵႃးၼၼ်ႉ ယွၼ်ႉပိူဝ်ႈ ႁဵတ်းႁႂ်ႈၵၢၼ်လီၶူၼ်းၶဝ်းလေႃး လႄး ၵၼ် ၸွမ်းတၢင်းၶႂ်ႈလႆႈၶႂ်ႈပဵၼ် ၶႂ်ႈမီးၼၼ်ႉယဝ်ႉ။

ယၵ်း ၼႆႉ ပဵၼ်ဢမၼုသ ဢမ်ႇၸႂ်ႈၵူၼ်း ဢၼ်မီးၽူႈၵူၼ်းၼပ်ႉယမ် ဢမ်ႇၼၼ် မီးလွင်ႈပူႇ ၸေႃႇလူၺ်ႈတၢင်းၵိၼ်ၵူႈသမ်ႇသႅၼ်ပိူင်။

 ယၵ်းၶဝ်ၼႆႉ မီးလၢႆၸၼ်ႉ။ ယၵ်းၸၼ်သုင် ယၵ်းၸၼ်ႉၵၢင် ယၵ်းၸၼ်ႉတႅမ်ႇၸွမ်းၼင်ႇ ထႃႇၼ သုင်တႅမ်ႇလူၺ်ႈၵၢၼ်တၢင်းလီဢၼ်ယၢမ်ႈႁဵတ်းသၢင်ဝႆႉ ၸိူင်ပိူင်ႈၵၼ်ဝႆႉ ။

ယၵ်းၸၼ်ႉသုင် ၶဝ်ၼႆႉမီးႁေႃ ဢၼ်ဢဝ်ၶမ်းႁဵတ်းဝႆႉ။ မီးႁၢင်ႈၽၢင်ႁၢင်ႈလီ မီးၶူဝ်းၵႅဝ်ႈ မီးႁေႃၵီဝ်ႈလူင် ပဵၼ်တီႈယူႇ မီတူဝ်သီလိူင် မီးတၢင်းၵိၼ်ဢၼ်ပဵၼ်တိပ်ႉ လႄႈ မီးၽူႈလုမ်း လႃးတၢင်းၼမ် ။

ယၵ်းၸၼ်ႉၵၢင် ၵမ်ႈပႃႈၼမ် ပဵၼ်ၶႃႈႁၢပ်ႇၵၢၼ်ၶုၼ်ၶွင်မူႇယၵ်းၸၼ်ႉထိၼိုင်ႈ လႄႈမီးယၵ်း ၸၼ်ႉတႅမ်ႇပဵၼ်ၽူႈႁပ်ႉၸႂ်ႉ ။

ႁၢင်ႈၽၢင်ၶဝ်ႁၢင်ႈၸႃႉ ၶူၼ်ႁူဝ်ၵူင်ႇ တူဝ်ၶဵင်ႈ တႃၵူင်ႇ လႄႈ ၼိူဝ်ႉၼင် မိူၼ်ၼင်ႇ ၽိုၼ်သၢႆး။ သၽႃႇဝႁၢႆႉၸႃႉ ဢၼ်ၵိူတ်ႇပဵၼ်ယၵ်းမႃးၼၼ်ႉ မီး 3 မဵဝ်း ၵိူတ်ႇမိူၼ်ဢူဝ်ႇပႃႇပႃႇတိၵႃႇ ၵိူတ်ႇမႃးယဝ်ႉ ယႂ်ႇမႃးၵမ်းလဵဝ်။ ၶျႃႇလႃႇပူႇၸႃႇၼႆႉ ၵိူတ်ႇမႃးၼႂ်းတွင်ႉ လႄႈ ၵိူတ်ႇမႃး ၼႂ်းၵူမ်ႇငႂ်ႈ။

 တီႈယူႇယၵ်းၶဝ်ၸိူဝ်းၼႆႉ ပဵၼ်ၼႂ်းထမ်ႈ ၼႂ်းလွႆ ၼႂ်းၼမ်ႉ ၼႂ်းလိၼ် ၼႂ်းမိူင်းၵူၼ်းၵူၼ်း ၼႂ်းလူမ်း လႄႈ မီးႁေႃၸၢမ်ႇပုၺ်ႈယူႇ တီႈလွႆသီႇၼေႇရူ ၼႂ်းၵၢင်ႁၢဝ်ၸႃတုမႁရႃၸိၵႃတင်း 4  ယၵ်းၶဝ်ၼႆႉယူႇတႂ်ႈ ၽွင်းငမ်း ၸဝ်ႈဝႅတ်ႉသူႇဝၼ်ႇ။ ဢမ်ႇၼၼ်ၸဝ်ႈ ၵူႇဝႄႇရႃႇလူင်ၽူႈဢုပ်ႉပိူင်ႇ ၽၢႆႇႁွင်ႇ မိူင်းၵၢင်ႁၢဝ်။

ၵွပ်ႈပိူဝ်ႈ ၵုင်ႇမုၼ် လႄႈ ၸႂ်မႆႈၸႂ်ၶီသေ ၵိူတ်ႇမႃး ပဵၼ်ယၵ်းလူင်၊ ၵႆႉၸႂ်လမ်လႄႈ ၸႂ်လမ် ၸိုင်ယူႇၼႂ်းပုမ်မတေႇဝ ရူၵ်ႉၶႃႇတေႇဝႃႇ၊ဢႃႇၶသတေႇဝႃႇ။

ဝိမၢၼ်ႇၵၢင်ႁၢဝ် 3 မဵဝ်းၼႆႉ ပဵၼ်ဝိမၢၼ်ႇတႂ်ႈ။ မီးႁေႃႁိၼ် ဢၼ်မီးတီႈလဵဝ် ၵၼ်တင်းၵူၼ်း။ ႁွင်ႉၸိုဝ်ႈၸဝ်ႈၵဝ်ႇ လူၺ်ႈတီႈယူႇ ၵူၺ်းၵႃႈ ၶဝ်ၵေႃႈ လႆႈဝႃႈ ပဵၼ်ၵူၼ်းယူႇ သဝ်း ၸၼ်ႉၵၢင်ႁၢဝ် မႁႃရႃၸိၵႃတင်းသီႇ ၼႆယူႇ။

ပုမ်းမတေႇဝႃ ဢၼ်ယူႇၼႂ်းမိူင်းၵူၼ်း၊ ယူႇသဝ်း တီႈလွႆ  တီႈၵွင်လိၼ် တီႈတႂ်ႈလိၼ် တီႈလွႆ တီႈမႄႈၼမ်ႉ တီႈႁိူၼ်း တီႈဝတ်ႉၵျွင်း တီႈႁူင်းႁေႃ တီႈၵွင်းမူး ၸဵမ်ၸိူဝ်းၼႆႉ ၵမ်ႈၽွင်ႈ ၵေႃႈမီး ႁေႃႁိၼ် ႁင်းၽႂ်ႁင်းမၼ်း။ မၢင်ၸိူဝ်းၵေႃႈ ဢမ်ႇမီး၊တေလႆႈၸွၼ်ယူႇၼႂ်းႁေႃၶွင်ၶုၼ်ယၵ်းတၢင်ႇၵေႃႉ ။

ရူၵ်ႉၶႃႇတေႇဝၶဝ်ၼႆႉ ယူႇၼႂ်းတူၼ်ႈမႆႉ၊ ဢမ်ႇၼၼ် ၸိၵ်းမႆႉလၢႆလၢႆမဵဝ်း ဢၼ်သုင် လိူဝ် ၶိုၼ်ႈၵႂႃၢ မီးဝိမၢၼ်ႇႁေႃႁိၼ် လႄႈ ဢမ်ႇႁေႃႁိၼ် တင်းသွင်ဢၼ်။

ဢၵႃသတေႇဝ ၼႆႉ မီးႁေႃဝိမၢၼ်ႇယူႇ ၼႂ်းၵၢင်လူမ်း၊ သုင်လိူဝ်လိၼ်မွၵ်ႈ 1 ယူဝ်ႇၸၼႃႇ (မွၵ်ႈ 16  လၵ်းၶွင်မိူင်းၵူၼ်)။

 

Read More