လွင်ႈပႅၵ်ႇပိူင်ႈၵၼ် ၼႂ်းပုထုၸိၼ်ႇ လႄႈ ဢရိယသႃဝၵ ၽူႈတိုဝ်းၵမ်ၿြႃႇမဝိႁၢရ်

 

လွင်ႈပႅၵ်ႇပိူင်ႈၵၼ် ၼႂ်းပုထုၸိၼ်ႇ လႄႈ ဢရိယသႃဝၵ ၽူႈတိုဝ်းၵမ်ၿြႃႇမဝိႁၢရ်

 

ၽိၵ်ၶူတၢင်းလၢႆ ! ပူၵ်ၵူလ် 4 ပိူင်ၸိူဝ်းၼႆႉမီးယူႇၼႂ်းလေႃးၵ ႁႃလႆႈၼႂ်းလေႃးၵ

4 ပိူင်ပဵၼ်ၸိူင်ႉႁိုဝ် ? ၼၼ်ႉပဵၼ်

 

႑ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ပဵၼ်ၽူႈမီးၸႂ်လူၺ်ႈမႅတ်ႉတႃႇ ပိုၼ်ၽႄႈၵႂႃႇတၢင်း ၼႃႈထိၼိုင်ႈ

ၼႃႈထိသွင် ၼႃႈထိသၢမ် ၼႃႈထိသီႇယူႇၵေႃႈမိူၼ်ၸိူင်ႉၼၼ် တၢင်းၽၢႆႇၼိူဝ် ၽၢႆႇတႂ်ႈ ၽၢႆႇၶႂႃ

ပိုၼ်ၽႄႈၵႂႃႇတူဝ်ႈတၢင်းလေႃးၵတၢင်းသဵင်ႈ တၢင်းလၢႆ တေႃႇသတ်းတၢင်းလၢႆတူဝ်ႈၼႃႈၽဵင်ႇပဵင်းၵၼ်

လူၺ်ႈၸႂ်ဢၼ်တဵမ်ထူၼ်ႈလူၺ်ႈမႅတ်ႉတႃႇ မီးၸိတ်ႇၸိုၼ်သႂ် ယႂ်ႇလူင် ဢမ်ႇမီးတီႈသုတ်း တိူၵ်ႈ ဢမ်ႇမီးဝူတ်ႈ ဢမ်ႇမီးၽယပၢတ်ႇယူႇၼင်ႇၼၼ်

 

ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ၿြၢမ်ႇမၵႃယိၵႃႇ

 

ၽိၵ်ၶူတၢင်းလၢႆ ! ၵၢပ်ႈၼိုင်ႈ ပဵၼ်ဢႃႇယုၶွင်တေႇဝတႃႇ ပြၢမ်ႇမၵႃယိၵႃ ပုထုၸိၼ်ႇယူႇၼႂ်းၸၼ်ႉပြၢမ်ႇ  မၵႃယိၵႃၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉပြၢမ်ႇမၵႃယိၵႃၼၼ်ႉ ၶၢဝ်းတၢင်း   ဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉပၢၼ်ၼႂ်း  ၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

႒ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ပဵၼ်ၽူႈမီးၸႂ်လူၺ်ႈၵရုၼႃႇ ပိုၼ်ၽႄႈၵႂႃႇတၢင်း ၼႃႈထိၼိုင်ႈ

ၼႃႈထိသွင် ၼႃႈထိသၢမ် ၼႃႈထိသီႇယူႇၵေႃႈမိူၼ်ၸိူင်ႉၼၼ် တၢင်းၽၢႆႇၼိူဝ် ၽၢႆႇတႂ်ႈ ၽၢႆႇၶႂႃ

ပိုၼ်ၽႄႈၵႂႃႇတူဝ်ႈတၢင်းလေႃးၵတၢင်းသဵင်ႈ တၢင်းလၢႆ တေႃႇသတ်းတၢင်းလၢႆတူဝ်ႈၼႃႈၽဵင်ႇပဵင်းၵၼ်

လူၺ်ႈၸႂ်ဢၼ်တဵမ်ထူၼ်ႈလူၺ်ႈၵရုၼႃႇ မီးၸိတ်ႇၸိုၼ်သႂ် ယႂ်ႇလူင် ဢမ်ႇမီးတီႈသုတ်းတိူၵ်ႈ ဢမ်ႇမီးဝူတ်ႈ ဢမ်ႇမီးၽယပၢတ်ႇယူႇၼင်ႇၼၼ်

 

ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ၿြၢမ်ႇမၵႃယိၵႃႇ

 

ၽိၵ်ၶူတၢင်းလၢႆ ! 2 ၵၢပ်ႈ ပဵၼ်ဢႃႇယုၶွင်တေႇဝတႃႇ ပြၢမ်ႇမၵႃယိၵႃ ပုထုၸိၼ်ႇယူႇၼႂ်းၸၼ်ႉပြၢမ်ႇ  မၵႃယိၵႃၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိူတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉပြၢမ်ႇမၵႃယိၵႃၼၼ်ႉ ၶၢဝ်းတၢင်း   ဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉပၢၼ်ၼႂ်း  ၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

 

႓ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ပဵၼ်ၽူႈမီးၸႂ်လူၺ်ႈမုထိတႃႇ ပိုၼ်ၽႄႈၵႂႃႇတၢင်း ၼႃႈထိၼိုင်ႈ

ၼႃႈထိသွင် ၼႃႈထိသၢမ် ၼႃႈထိသီႇယူႇၵေႃႈမိူၼ်ၸိူင်ႉၼၼ် တၢင်းၽၢႆႇၼိူဝ် ၽၢႆႇတႂ်ႈ ၽၢႆႇၶႂႃ

ပိုၼ်ၽႄႈၵႂႃႇတူဝ်ႈတၢင်းလေႃးၵတၢင်းသဵင်ႈ တၢင်းလၢႆ တေႃႇသတ်းတၢင်းလၢႆတူဝ်ႈၼႃႈၽဵင်ႇပဵင်းၵၼ်

လူၺ်ႈၸႂ်ဢၼ်တဵမ်ထူၼ်ႈလူၺ်ႈမုထိတႃႇ မီးၸိတ်ႇၸိုၼ်ႈသႂ် ယႂ်ႇလူင် ဢမ်ႇမီးတီႈသုတ်းတိူၵ်ႈ ဢမ်ႇမီးဝူတ်ႈ ဢမ်ႇမီးၽယပၢတ်ႇယူႇၼင်ႇၼၼ်

 

ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ၿြၢမ်ႇမၵႃယိၵႃႇ

 

ၽိၵ်ၶူတၢင်းလၢႆ ! 4 ၵၢပ်ႈ ပဵၼ်ဢႃႇယုၶွင်တေႇဝတႃႇ ပြၢမ်ႇမၵႃယိၵႃ ပုထုၸိၼ်ႇယူႇၼႂ်းၸၼ်ႉပြၢမ်ႇ  မၵႃယိၵႃၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိူတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉပြၢမ်ႇမၵႃယိၵႃၼၼ်ႉ ၶၢဝ်းတၢင်း   ဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉပၢၼ်ၼႂ်း  ၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

႔ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ပဵၼ်ၽူႈမီးၸႂ်လူၺ်ႈ ဢုပဵၵ်ႉၶႃႇ ပိုၼ်ၽႄႈၵႂႃႇတၢင်း ၼႃႈထိၼိုင်ႈ

ၼႃႈထိသွင် ၼႃႈထိသၢမ် ၼႃႈထိသီႇယူႇၵေႃႈမိူၼ်ၸိူင်ႉၼၼ် တၢင်းၽၢႆႇၼိူဝ် ၽၢႆႇတႂ်ႈ ၽၢႆႇၶႂႃ

ပိုၼ်ၽႄႈၵႂႃႇတူဝ်ႈတၢင်းလေႃးၵတၢင်းသဵင်ႈ တၢင်းလၢႆ တေႃႇသတ်းတၢင်းလၢႆတူဝ်ႈၼႃႈၽဵင်ႇပဵင်းၵၼ်

လူၺ်ႈၸႂ်ဢၼ်တဵမ်ထူၼ်ႈလူၺ်ႈမႅတ်ႉတႃႇ မီးၸိတ်ႇၸိုၼ်သႂ် ယႂ်ႇလူင် ဢမ်ႇမီးတီႈတိူၵ်ႈ ဢမ်ႇမီးဝူတ်ႈ ဢမ်ႇမီးၽယပၢတ်ႇယူႇၼင်ႇၼၼ်

 

ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ၿြၢမ်ႇမၵႃယိၵႃႇ

 

ၽိၵ်ၶူတၢင်းလၢႆ ! 500 ၵၢပ်ႈ ပဵၼ်ဢႃႇယုၶွင်တေႇဝတႃႇ ပြၢမ်ႇမၵႃယိၵႃ ပုထုၸိၼ်ႇယူႇၼႂ်းၸၼ်ႉပြၢမ်ႇ  မၵႃယိၵႃၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉပြၢမ်ႇမၵႃယိၵႃၼၼ်ႉ ၶၢဝ်းတၢင်း   ဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉပၢၼ်ၼႂ်း  ၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

ၽိၵ်ၶူတၢင်းလၢႆ ! ပူၵ်ၵူလ် 4 ပိူင်ၸိူဝ်းၼႆႉလႄႈ မီးယူႇၼႂ်းလေႃးၵ ႁႃလႆႈၼႂ်းလေႃးၵ ။

---------------------------

ဢိင်ၶေႃႈမုလ်းပီတၵတ်ႈၽၢႆႇထႆး

ၸိုဝ်ႈ ၸတုၵ်ၵၼိပႃတ ဢင်ၶုတ်တရၼိၵႃယ 21/172-174/125-125