လွင်ႈဝဵၼ်းၵိူတ်ႇတၢႆဢၼ်သႅၼ်ယၢဝ်းၼၢၼ်းၶွင်ႁဝ်း

 #လွင်ႈဝဵၼ်းၵိူတ်ႇတၢႆဢၼ်သႅၼ်ယၢဝ်းၼၢၼ်းၶွင်ႁဝ်း

ပုတ်ႉထဝၸၼ ပိုတ်ႇထမ်းဢၼ်ႇထုၵ်ႇပိၵ်ႉ ထမ်းဢၼ်ဢမ်ႇမီးၽႂ်ပိုၼ်ၽႄႈ

ၽိၵ်ၶူတၢင်းလၢႆ ! သမ်သရႃၼႆႉ မၵ်းမၼ်ႈတီႈသုတ်းပိူင်ႈတူၼ်ႈပိူင်ႈပၢႆဢမ်ႇလႆႈ မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈ ၶႅၼ်ႈ မီးတၼိပဵၼ်ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇ ။

ၽိၵ်ၶူတၢင်းလၢႆ ! မိူၼ်ၼင်ႇၵူၼ်းတတ်းယႃႈထွၼ်ယႃႈ မႆႉ မႂ်မႆႉ ၵိင်ႇမႆႉ ၼႂ်းၸမ်ႇပူႇတီႇပႃႇၼႆႉ ယဝ်ႉဢဝ်ႁူမ်ႈၵၼ်ဝႆႉ ပေႃးဢဝ်ႁူမ်ႈၵၼ်ယဝ်ႉ ၸင်ႇႁဵတ်းပဵၼ်မတ်ႉ ၼိုင်ႈမတ်ႉ 4 ၼိဝ်ႉ

သင်ၸိူဝ်ႉဝႃႈ ၼၼ်ႉပဵၼ်မႄႈၶွင်ႁဝ်း ၼႆႉပဵၼ်မႄႈ ၶွင်မႄႈ ႁဝ်း ႁဵတ်းၸိူင်ႉၼႆၶပ်းတၢမ်းၵၼ် မႄႈၶွင်ႁဝ်း မႄႈၶွင် မႄႈႁဝ်း ၼႂ်းၵႃႈ‌ မႄႈၶွင်လုၵ်ႈတၢင်းလၢႆၼႆႉဢမ်ႇမီးတီႈ သုတ်းသဵင်ႈလႆႈ

ၵူၺ်းဝႃႈ ယႃႈ မႆႉ ၵိင်မႆႉ မႂ်မႆႉ ၼႂ်းၸမ်ပူႇတီႇပႃႇၼႆႉမူတ်းသႅင်ႈၵႂႃႇသေၵွၼ်ႇ

ၶေႃႈၼႆႉ ၵွပ်ႈလွင်ႈတၢင်းၸိူင်ႉႁိုဝ် ?

ၵွပ်ႈပိူဝ်ႈဝႃႈ သမ်သရႃၼႆႉ မၵ်းမၼ်ႈတီႈသုတ်းပိူင်ႈတူၼ်ႈပိူင်ႈပၢႆဢမ်ႇလႆႈ မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈၶႅၼ်ႈ မီးတၼိပဵၼ်ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်း ပိူင်ႈတူၼ်ႈၸိုင်ဢမ်ႇပေႃႇ ။

သတ်းၸိူဝ်းၼႆႉၸိုင်လႆႈၶၢမ်ႇတၢင်းတုၵ်ႉ လွင်ႈလိူတ်ႇမႆႈ လွင်ၵုၼ်ႇပင်း လႆႈၽိုၼ်ႉၽုၼ်းပတပ်ၽီး ဢၼ်ပဵၼ်ပႃႇၸ

ပဵၼ်ၵႃႇလယၢဝ်းၼၢၼ်းမိူၼ်ၸိူင်ႉၼႆ ။

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃးပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉ ပိူဝ်ႈလုတ်ႈပူၼ်ႉ ၼင်ႇၼႆ ။

--------------

ၽိၵ်ၶူတၢင်းလၢႆ ! သမ်သရႃၼႆႉ မၵ်းမၼ်ႈတီႈသုတ်းပိူင်ႈတူၼ်ႈပိူင်ႈပၢႆဢမ်ႇလႆႈ မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈ ၶႅၼ်ႈ မီးတၼိပဵၼ်ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇ ။

ၽိၵ်ၶူတၢင်းလၢႆ ! မိူၼ်ၼင်ႇၵူၼ်းတတ်းယႃႈထွၼ်ယႃႈ မႆႉ မႂ်မႆႉ ၵိင်ႇမႆႉ ၼႂ်းၸမ်ႇပူႇတီႇပႃႇၼႆႉ ယဝ်ႉဢဝ်ႁူမ်ႈၵၼ်ဝႆႉ ပေႃးဢဝ်ႁူမ်ႈၵၼ်ယဝ်ႉ ၸင်ႇႁဵတ်းပဵၼ်မတ်ႉ ၼိုင်ႈမတ်ႉ 4 ၼိဝ်ႉ

သင်ၸိူဝ်ႉဝႃႈ ၼၼ်ႉပဵၼ် ပေႃႈ/ဢူႈ ၶွင်ႁဝ်း ၼႆႉပဵၼ် ပေႃႈ ၶွင်ပေႃႈႁဝ်း ႁဵတ်းၸိူင်ႉၼႆၶပ်းတၢမ်းၵၼ် ပေႃႈ ၶွင်ႁဝ်း ပေႃႈ ‌ၶွင် ပေႃႈ ႁဝ်း ၼႂ်းၵႃႈ‌ပေႃႈ ၶွင်လုၵ်ႈတၢင်းလၢႆၼႆႉ ဢမ်ႇမီးတီႈသုတ်းသဵင်ႈလႆႈ

ၵူၺ်းဝႃႈ ယႃႈ မႆႉ ၵိင်မႆႉ မႂ်မႆႉ ၼႂ်းၸမ်ပူႇတီႇပႃႇၼႆႉမူတ်းသႅင်ႈၵႂႃႇသေၵွၼ်ႇ

ၶေႃႈၼႆႉ ၵွပ်ႈလွင်ႈတၢင်းၸိူင်ႉႁိုဝ် ?

ၵွပ်ႈပိူဝ်ႈဝႃႈ သမ်သရႃၼႆႉ မၵ်းမၼ်ႈတီႈသုတ်းပိူင်ႈတူၼ်ႈပိူင်ႈပၢႆဢမ်ႇလႆႈ မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈၶႅၼ်ႈ မီးတၼိပဵၼ်ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်း ပိူင်ႈတူၼ်ႈၸိုင်ဢမ်ႇပေႃႇ ။

သတ်းၸိူဝ်းၼႆႉၸိုင်လႆႈၶၢမ်ႇတၢင်းတုၵ်ႉ လွင်ႈလိူတ်ႇမႆႈ လွင်ၵုၼ်ႇပင်း လႆႈၽိုၼ်ႉၽုၼ်းပတပ်ၽီး ဢၼ်ပဵၼ်ပႃႇၸ

ပဵၼ်ၵႃႇလယၢဝ်းၼၢၼ်းမိူၼ်ၸိူင်ႉၼႆ ။

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃးပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉ ပိူဝ်ႈလုတ်ႈပူၼ်ႉ ၼင်ႇၼႆ ။

------------------

ဢိင်ၶေႃႈမုလ်းပီတၵၢတ်ႈၽၢႆႇထႆး

ၼိထႃၼဝႂၵ်ႈ သင်ယုတ်တၼိၵႃယ

16/212-217/421-424

-----------

ပပ်ႉပုတ်ထဝၸၼ ပပ်ႉထီ 11

Read More

ၵွပ်ႈဢမ်ႇႁူႉ ဢရိယသၸ်ၸႃႇ 4 ပႃး ၸိုင်လႆႈတွင်ႈတဵဝ်းၵႂႃႇမႃးၼႂ်းသမ်ႇသရႃႇ

 ၵွပ်ႈဢမ်ႇႁူႉ ဢရိယသၸ်ၸႃႇ 4 ပႃးႁဝ်းလႄႈၸိူဝ်းသူတၢင်းလၢႆၸိုင်လႆႈတွင်ႈတဵဝ်းၵႂႃႇမႃးၼႂ်းသမ်ႇသရႃႇ

ပုတ်ထဝၸၼ ပိုတ်ႇထမ်းဢၼ်ထုၵ်ႉပိၵ်

ထမ်းဢၼ်ဢမ်ႇမီးၽႂ်ပိုၼ်ၽႄႈ

----------------------------------

ၶေႃႈပွင်ႇၸႂ်ၵွၼ်ႇဢၢၼ်ႇ

"ၽိၵ်ၶူ" ပဵၼ်ၵႂၢမ်းပႃႇလိ ပွင်ႇဝႃႈ ရႁၢၼ်း

ထွႆႈၵႂၢမ်းတၢင်းသႅင်ႈ

ဢဝ်ၸွမ်းထွႆႈၵႂၢမ်းၶွင်ၽြႃးပဵၼ်ၸဝ်ႈ ဢမ်ႇၸႂ်ႈဝွၵ်းလႅင်ႇ ၵႃႇ ဢမ်ႇၸႂ်ႈၵႂၢမ်းသုၼ်ႇတူဝ်ၶွင်ၽူႈပိုၼ်ၽႄႈ

------------------------------------------------

ၽိၵ်ၶူတၢင်းလၢႆ ! မိူၼ်ၼင်ႇပွတ်းမႆႉ ဢၼ်ၽူႈၵူၼ်းပိုတ်ႉ ၶိုၼ်ႈၼိူဝ် တွင်ႉၾႃႉ မၢင်ၵမ်းတူၵ်းဢဝ် ငဝ်ႈ လူင်း မၢင်ၵမ်းတူၵ်း ဢဝ်ၵၢင်လူင်း မၢဝ်းၵမ်း တူၵ်းဢဝ်ပၢႆလူင်း ယူႇ

ၼင်ႇၼၼ် ၊

ၽိၵ်ၶူတၢင်းလၢႆ ! သတ်းတၢင်းလၢႆၽူႈမီးဢဝိၸ်ၸႃႇ ပဵၼ် ၶိူင်ႈၵၼ်ႈ မီးတၼ်ႁႃပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ ၵေႃႈပဵၼ်မိူၼ်ၼင်ႇၼၼ် , မၢင်ၶၢဝ်းလုၵ်ႉတီႈလေႃးၵၼႆႉ ၵႂႃႇတီႈလေႃးၵတၢင်ႇဢၼ် , မၢင်ၶၢဝ်း လုၵ်ႉတီႈလေႃးၵ

တၢင်ႇဢၼ် မႃးတီႈလေႃးၵၼႆႉ ၊

ၶေႃႈၼႆႉၵွပ်ႈလွင်ႈတၢင်းၸိူင်ႉႁိုဝ်?

ၶေႃႈၼၼ်ႉၵွပ်ႈပိူဝ်ႈဝႃႈ သတ်းၸိူဝ်းၼၼ်ႉ ဢမ်ႇႁူႉဢရိယသၸ်ၸႃႇ 4 ပႃး

ဢရိသၸ်ႇ 4 ပဵၼ်ၸိူင်ႉႁိုဝ် ?

1 ဢရိယသၸ် ပဵၼ်တုၶ

2 ဢရိယသၸ် ပဵၼ်လွင်ႈၵိူတ်ႇၶိုၼ်ႈၶွင်တုၶ

3 ဢရိယသၸ် ပဵၼ်လွင်ႈမွတ်ႇဢမ်ႇလိူဝ်ၶွင်တၢင်းတုၶ

4 ဢရိယသၸ် ပဵၼ်တၢင်းႁႂ်ႈထိုင်လွင်ႈမွတ်ႇဢမ်ႇလိူဝ်တၢင်းတုၶ

ၽိၵ်ၶူတၢင်းလၢႆ ! ၵွပ်ႈၸိူင်ႉၼၼ်ၼႂ်းလွင်ႈၼႆႉ သူၸိုင်ၶိုင်ပွင် ယေႃၶၵမ်ႇ ဢၼ်ပဵၼ်ၶိူင်ႈႁဵတ်းႁႂ်ႈႁူႉဝႃႈ

တုၵ်ႉ ပဵၼ်ၸိူင်ႉၼႆ

လွင်ႈၵိူတ်ႈၶိုၼ်ႈၶွင်တုၵ်ႉပဵၼ်ၸိူင်ႉၼႆ

လွင်ႈမွတ်ႇႁၢႆဢမ်ႇႁႂ်ႈလိူဝ်တၢင်းတုၵ်ႉပဵၼ်ၸိူင်ႉၼႆ

တၢင်းႁႂ်ႈထိုင်လွင်ႈမွတ်ႇႁၢႆဢမ်ႇႁႂ်ႈလိူဝ်တၢင်းတုၵ်ပဵၼ်ၸိူင်ႉၼႆ

ၽိၵ်ၶူတၢင်းလၢႆ ! ၵွပ်ႈဢမ်ႇႁူႉထိုင် ဢမ်ႇတႅင်းၸီးယူႇတႃႇသေႇ ၼႂ်းဢရိယသၸ်ၸႃႇ 4 ပိူင်ၼႆႉလႄႈ

ႁဝ်းလႄႈၸိူဝ်းသူတၢင်းလၢႆ ၸင်ႇလႆႈတွင်ႈတဵဝ်းၵႂႃႇမႃးယဝ်ႉ ၼႂ်းလေႃးၵသမ်ႇသရႃႇလူင်ၼႆႉႁိုင်ၼၢၼ်းမႃးယဝ်ႉ ထိုင်တၢၼ်ႇၼႆႉ

ၽိၵ်ၶူတၢင်းလၢႆ ! ဢရိယသၸ်ၸႃႇ 4 ပိူင်ၸိူဝ်းလႂ်လႃႇ?

ၽိၵ်ၶူတၢင်းလၢႆ ! ၵွပ်ႈဢမ်ႇႁူႉထိုင် ဢမ်ႇတႅင်းၸီးယူႇတႃႇသေႇၼႂ်းဢရိယသၸ်ၸႃႇ 4 ပိူင်

ဢရိယသၸ် ပဵၼ်တုၶ

ဢရိယသၸ် ပဵၼ်လွင်ႈၵိူတ်ႇၶိုၼ်ႈၶွင်တုၶ

ဢရိယသၸ် ပဵၼ်လွင်ႈမွတ်ႇဢမ်ႇလိူဝ်တၢင်းတုၶ

ဢရိယသၸ် ပဵၼ်တၢင်းႁႂ်ႈထိုင်လွင်ႈမွတ်ႇဢမ်ႇလိူဝ်တၢင်းတုၶ

ႁဝ်းလႄႈၸိူဝ်းသူတၢင်းလၢႆၸိုင်လႆႈတွင်ႈတဵဝ်းၵႂႃႇမႃးယဝ်ႉ ၼႂ်းလေႃးၵသမ်သရႃႇဢၼ်သႅၼ်ယၢဝ်းၼၢၼ်းထိုင်တၢၼ်ႇၼႆႉ

ၽိၵ်ၶူတၢင်းလၢႆ ! မိူဝ်ႈဢရိယသၸ်ၸႃႇ

ပဵၼ် တုၶ

လွင်ႈၵိူတ်ႇပဵၼ်တုၶ

လွင်ႈမွတ်ႇဢမ်ႇလိူဝ်တၢင်းတုၶ

တၢင်းႁႂ်ႈထိုင်လွင်ႈမွတ်ႇဢမ်ႇႁႂ်ႈမီးလိူဝ်တၢင်းတုၶ

ပဵၼ်လွင်ႈတႄႉ ဢၼ်ႁဝ်းလႄႈၸိူဝ်းသူတၢင်းလၢႆ ထုၵ်ႇလီႁူႉထိုင် လႄႈ တႅင်းၸီးယူႇတႃႇသေႇယဝ်ႉ

တၼ်ႁႃၼႂ်း ၽဝ ၵေႃႈထုၵ်ႇထွၼ်ဢွၵ်ႇပႅတ်ႈ

တၼ်ႁႃဢၼ်ၸၢင်ႈဢွၼ်ႇၵႂႃႇၸူး ၽဝ ၵေႃႈသုတ်းသဵင်ႈ

ယၢမ်းၼႆႉ တႃႇတေၵိူတ်ႇမႂ်ႇထႅင်ႈ ဢမ်ႇလႆႈမီးယဝ်ႉၼင်ႇၼႆ ။

----------------------

ဢိင်ၶေႃႈမုလ်း ၼႂ်းပပ်ႉပီတၵၢတ်ႈၽၢႆႇထႆး

မႁႃဝရဝႂၵ်ႈ သင်ယုတ်တၼိၵႃယ

19 /541-550/1698-1716

----------

ပပ်ႉ ပုတ်ထဝၸၼ ၽူပ်းၽုမ်း ပပ်ႉထိ 11

Read More

တိုဝ်းၵမ်ဢႃၼႃပႃၼသတိယဝ်ႉႁဵတ်းႁႂ်ႈသတိပထၢၼ်4 ၽူတ်းသူင်7ဝိၸႃႇလႄႈဝိမုတိတဵမ်ထူၼ်ႈ

 ပုတ်ထဝၸၼ ပိုတ်ႇထမ်းဢၼ်ထုၵ်ႇပိၵ်ႉ

ထမ်းဢၼ်ဢမ်ႇမီးၽႂ်ပိုၼ်ၽႄႈ

(ထမ်းဢၼ်ၵဵဝ်ႇၵပ်းလူၺ်ႈလွင်ႈ မိူဝ်ႈၶဝ်ႈဝႃႇ‌တေႃႇ

ထိုင်ဝၢႆး ဢွၵ်ႇဝႃႇ မႅၼ်ႈမိူဝ်ႈၶဝ်းမွၵ်ႇၵူဝ်မုတ်းၵီႈ ( မွၵ်ႇမူဝ် ) ၵီႈ လိူၼ် 12 မူၼ်း )

#တိုဝ်းၵမ်ဢႃၼႃပႃၼသတိယဝ်ႉႁဵတ်းႁႂ်ႈသတိပထၢၼ်4

#ၽူတ်းသူင်7ဝိၸႃႇလႄႈဝိမုတိတဵမ်ထူၼ်ႈ

----------------------------------------

ၽိၵ်ၶူတၢင်းလၢႆ !

ႁဝ်းပဵၼ်ၽူႈတင်ႈမၼ်ႈယဝ်ႉၼႂ်းၶေႃႈပတိပတ်ႈၼႆႉ

ၽိၵ်ႉၶူတၢင်းလၢႆ !

ၽိၵ်ႉၶူတၢင်းလၢႆ ! ႁဝ်းပဵၼ်ၽူႈမီးၸႂ်တင်ႈမၼ်ႈယဝ်ႉၼႂ်း ၶေႃႈပတိပတ်ႈၼႆႉ

ၽိၵ်ႉၶူတၢင်းလၢႆ ! ၵွပ်ႈၸိူင်ႉၼၼ်ၼႂ်းလွင်ႈၼႆႉၸိူဝ်းသူ

တၢင်းလၢႆၸိုင်ၵျၢင်ႉၵမ်တိူဝ်းႁႅင်းလိူဝ်ၵဝ်ႇ ပိူဝ်ႈႁႂ်ႈႁူႉလွင်ႈ ဢၼ်ဢမ်ႇပႆႇႁူႉပိူဝ်ႈႁႂ်ႈထိုင်တီႈဢၼ်ဢမ်ႇပႆႇထိုင်

ပိူဝ်ႈႁႂ်ႈၸႅင်ႈ လွင်ႈ ဢၼ်ဢမ်ႇ ပႆႇႁူႉၸႅင်ႈ ။

ႁဝ်းတေမွင်းပႂ်ႉၸိူဝ်းသူတၢင်းလၢႆယူႇ ၼ တီႈမိူင်းသႃႇဝထိၼႆႉလႄႈ တေႃႇပေႃးထိုင် ဝၼ်းလိုၼ်းသုတ်းၶွင်

ၶၢဝ်းၽူၼ်သီႇလိူၼ်တဵမ် လိူၼ်သိပ်းသွင်မူၼ်း ပဵၼ်ၶၢဝ်း ဢၼ်မွၵ်ႇၵူဝ်မုတ်းၵီႈ ( မွၵ်ႇမူဝ် ) ။

ၸဝ်ႈၽိၵ်ႉၶူ ၸိူဝ်းယူႇၸမ်လႄႈၵႆ မိူဝ်ႈလႆႈႁူႉၶၢဝ်ႇဝႃႈ ၽြႃးပဵၼ်ၸဝ်ႈ ဢဝ်ဝႃႇၵႃႈတီႈ မိူင်းသႃဝထိ ယဝ်ႉၵေႃႈ ဢွၼ်ၵၼ်လင်ႇလႆႈ မိူဝ်းဝႆႈသႃၵႃရဝ တမ်ႈတီႈၽြႃးပဵၼ်ၸဝ်ႈ

လႄႈမီးၽိၵ်ႉၶူထေႇရ ၸိူဝ်းမီးၸိုဝ်ႈသဵင် ဢၼ်ၽူႈ ၵူၼ်း ႁူႉၸၵ်းၼမ်ၼၼ်ႉ မီးၸဝ်ႈ သႃရိပုတ်ႇတြႃႇ ၸဝ်ႈမႁႃမူၵ်ႉၵလၢၼ်ႇ ၸဝ်ႈမႁႃၵသပ ၸဝ်ႈမႁႃၵၸႃယႃၼ ၸဝ်ႈမႁႃၵူတ်ထိတႃ ၸဝ်ႈမႁႃၵႃပိၼ်ၼ

ၸဝ်ႈမႁႃၸုၼ်ထ ၸဝ်ႈရေဝတႃႇ ၸဝ်ႈဢၼၼ်ႇတႃႇ လႄႈၸဝ်ႈၽိၵ်ႉၶူထေႇရထႅင်ႈတၢင်းၼမ်

မႅင်ႇပဵၼ်ၸုမ်းသေ ဢွၼ်ၵၼ်သင်ႇသွၼ်ၸဝ်ႈၽိၵ်ၶူ မႂ်ႇၶဝ် ၼင်ႇတဵမ်ထူၼ်ႈ ၼိုင်ႈၸုမ်းလႂ် သိပ်းတူၼ်ၽွင်ႈ သၢဝ်းတူၼ်ၽွင်ႈ သၢမ်သိပ်းတူၼ်ၽွင်ႈ သီႇသိပ်းတူၼ်ၽွင်ႈ ၸိူဝ်းၸဝ်ႈၽိၵ်ႉၶူ မႂ်ႇၶဝ်ႈၸဝ်ႈၵေႃႈ မိူဝ်ႈလႆႈႁပ်ႉၶေႃႈသင်ႇသွၼ် လႆႈႁပ်ႉလွင်ႈၵျၢင်ႉၵမ် တီႈထေႇရ ၽူႈမီးၸိုဝ်ႈသဵင်တၢင်းလၢႆၵေႃႈလႆႈႁူႉထမ်းၵူႈပိူင် တွၼ်းလိူဝ်သေမိူဝ်ႈ ၵွၼ်ႇ တေႃႇပေႃးႁွတ်ႈထိုင် လိူၼ်သိပ်းသွင်မူၼ်း ။

မိူဝ်ႈယၢမ်းယၢမ်းၼင်ႇၼၼ် ၽြႃးပဵၼ်ၸဝ်ႈၸင်ႇလၢတ်ႈတီႈၽိၵ်ႉၶူတၢင်းလၢႆၶဝ်ဝႃႈ

ၽိၵ်ႉၶူတၢင်းလၢႆ ! ၽိၵ်ႉၶူၼႂ်းပရိၵ်ႈသၢတ်ႈၼႆႉ ဢမ်ႇပႅတ်ႈလၢႆယဝ်ႉ

ၽိၵ်ႉၶူတၢင်းလၢႆ ! ၽိၵ်ႉၶူၼႂ်းပရိၵ်ႈသၢတ်ႈၼႆႉ ဢမ်ႇယွၵ်းလႅဝ်ယဝ်ႉ

ၽိၵ်ႉၶူ ၼႂ်းပရိၵ်ႈသၢတ်ႈၼႆႉ တင်ႈယူႇၼႂ်းထမ်းဢၼ်မီးလွၼ်ႉၵႅၼ်သဵင်ႈယဝ်ႉ

ၽိၵ်ႉၶူတၢင်းလၢႆ ! ပရိၵ်ႈသၢတ်ႈၸိူဝ်းလႂ် မီးပိူင်ၽၢင်ႁၢင်ႈလီပူႇၸေႃႇ လီႁပ်ႉတွၼ်ႈ လီထၵ်းသီၼထၢၼ် လီၵွမ်းဝႆႈ ပဵၼ်ၼိူဝ်ႉၼႃးမုၼ်ၸၼ်ႉလီတွၼ်းၶွင်လေႃးၵ

မူႇ ၽိၵ်ႉၶူၸိူဝ်းၼႆႉၵေႃႈမီးမိူၼ်ၼင်ႇၸိူဝ်းၼၼ်ႉမိူၼ်ၵၼ်

ၽိၵ်ႉၶူတၢင်းလၢႆ ! ပရိၵ်ႈသၢတ်ႈလႂ်မီးပိူင်ၽၢင်ႁၢင်ႈဢၼ် ၸၢဝ်းၼႂ်းလေႃးၵၶဝ်လႆႈႁၼ်ယၢပ်ႇ မူႇၽိၵ်ႉၶူၸိူဝ်းၼၼ်ႉပဵၼ်ၸိူင်ႉၼင်ႇၼၼ်

ၽိၵ်ၶူၼႂ်းပရိၵ်ႈသၢတ်ႈၼႆႉၵေႃႈမီးပိူင်ၽၢင်ႁၢင်ႈ မိူၼ်ၸိူင်ႉၼင်ႇၼၼ် ။

ၽိၵ်ၶူတၢင်းလၢႆ ! ၼႂ်းပရိၵ်ႈသၢတ်ႈလႂ် မီးပိူင်ၽၢင်ႁၢင်ႈဢၼ်ၵိုင်ႇလီၵႂႃႇတူၺ်းလူလွမ် ၵႂႃႇႁၼ် သမ်ႉဝႃႈတေလႆႈပႆၼိူဝ်သဵၼ်ႈတၢင်းယၢဝ်းၵႆၼပ်ႉယူဝ်ႇၸၼႃႇ ထိုင်သမ်ႉပေႃးလႆႈပႃးႁေႃႇၶဝ်ႈ ႁေႃႇၽၵ်းၵႂႃႇၸွမ်း မူႇၽိၵ်ၶူမီးပိူင်ၽၢင်ႁၢင်ႈၼင်ႇၼၼ်

ၽိၵ်ၶူၸိူဝ်းၼႆႉၵေႃႈမီးၽၢင်ႁၢင်ႈ ၼင်ႇၼၼ် ၽိၵ်ႉၶူၼႂ်း ပရိၵ်ႈၼႆႉၵေႃႈမီးပိူင်ၽၢင်ႁၢင်ႈမိူၼ်ၸိူင်ႉၼင်ႇၼၼ် ။

ၽိၵ်ၶူတၢင်းလၢႆ ! ၼႂ်းၽိၵ်ၶူ ၼႂ်ႈပရိၵ်သၢတ်ႈၼႆႉ မီးၽိၵ်ႉၶူၸိူဝ်းပဵၼ် ဢရႁၼ်တႃ ၽူႈဢၼ်ဢႃသဝမူတ်း

သဵင်ႈယဝ်ႉ ၽူႈဢၼ်ယူႇသုတ်းၽရမ်းမၸၼ်ယဝ်ႉ မီးလွင်ႈဢၼ်လူဝ်ႇႁဵတ်းၵေႃႈလႆႈႁဵတ်း ယဝ်ႉတူဝ်းလီ ငၢမ်းယဝ်ႉ

မီးပုၼ်ႈၽွၼ်ဢၼ်ပူင်လႆႈယဝ်ႉ၊ မီးၽွၼ်းလီၼႂ်းတူဝ်ၵဝ်ႇႁူႉၸႅင်ႈယဝ်ႉမီးသင်ယုတ်ႉၼႂ်းၽဝသုတ်းသဵင်ႈယဝ်ႉ လုတ်ႈပူၼ်ႉယဝ်ႉ ၵွပ်ႈႁူႉႁၼ်ၸွမ်းလွင်ႈထုၵ်ႇမႅၼ်ႈ ၽိၵ်ႉၶူၸိူဝ်းၼၼ်ႉၵေႃႈ မီးယူႇၼႂ်းမူႇၽိၵ်ၶူၸိူဝ်းၼႆႉ ။

ၽိၵ်ၶူတၢင်းလၢႆ ! ၼႂ်းမူႇၽိၵ်ၶူၼႆႉ မီးၽိၵ်ႉၶူဢၼ်သင် ယုတ်ႉပိူင်ႈတႅမ်ႇႁႃႈပိူင်သဵင်ႈယဝ်ႉ ပဵၼ်ဢႃၼႃၶႃမီ ယဝ်ႉ ၸင်ႇပရိၼိပ်ႉပၢၼ်ႇၼႂ်းတီႈ ၼၼ်ႉ ဢမ်ႇၶိုၼ်းပွၵ်ႈမႃးၼႂ်း လေႃးၵၼႆႉ ပဵၼ်ထံမတႃႇ ၽိၵ်ၶူၸိူဝ်းၼၼ်ႉ ၵေႃႈ မီးယူႇၼႂ်းမူႇၽိၵ်ၶူၸိူဝ်းၼႆႉ ။

ၽိၵ်ၶူတၢင်းလၢႆ ! ၼႂ်းမူႇၽိၵ်ၶူၼႆႉ မီးၽိၵ်ၶူၸိူဝ်းဢၼ်သင်ယုတ်ႉသၢမ်မူတ်းသဵင်ႈယဝ်ႉ မီးရႃၶ တေႃးသ မေႃးႁ မဝ်မၢင်ယူႇ ပဵၼ်သၵထႃၶႃမီ

မႃးသူႇၼႂ်းလေႃးၵၼႆႉထႅင်ႈပၢၼ် လဵဝ်ၸင်ႇၶဝ်ပရိၼိပ်ႉပၢၼ်ႇၼႂ်းတီႈသုတ်း ၽိၵ်ၶူၸိူဝ်းၼၼ်ႉၵေႃႈ မီးယူႇၼႂ်းမူႇ ၽိၵ်ၶူၸိူဝ်းၼႆႉ ။

ၽိၵ်ၶူတၢင်းလၢႆ ! ၼႂ်းမူႇၽိၵ်ႉၶူၼႆႉ ၽိၵ်ၶူၸိူဝ်းဢၼ်သင်ယုတ်ႉသၢမ်မူတ်းသဵင်ႈယဝ် ပဵၼ်သေႃးတႃႇပၢၼ်ႇ ဢၼ်ဢမ်ႇတူၵ်းတႅမ်ႇပဵၼ်ထံမတႃႇ ပဵၼ်ၽူႈမၼ်ႈၵိုမ်း‌တေႃႇ ၼိပ်ႉပၢၼ်ႇယဝ်ႉ ၽူႈဢၼ်တေႁူႉၸႅင်ႈ ၼႂ်းၽၢႆႇၼႃႈ

ၽိၵ်ၶူၸိူဝ်းၼၼ်ႉၵေႃႈ မီးယူႇၼႂ်းမူႇၽိၵ်ၶူၸိူဝ်းၼႆႉ ။

ၽိၵ်ၶူတၢင်းလၢႆ ! ၼႂ်းမူႇၽိၵ်ၶူၼႆႉ မီးၽိၵ်ႉၶူၸိူဝ်းဢၼ် ၵျၢင်ႉၵမ်လီ ယူႇတႃႇသေႇ သင်ႇသွၼ် တူဝ်ၸႂ်လူၺ်ႈ သတိပထၢၼ်သီႇ သမပ်ႉပထၢၼ်သီႇ ဢီထိပၢတ်ႇသီႇ ဢိၼ်သရီႁႃႈ ၽူတ်ႉသုင်းၸဵတ်း ဢရိယမၢၵ်ႈၵၢင်ႇ ပႅတ်ႇပႃး မီး မႅတ်ႉတႃႇ ၵရုၼႃႇ မုထိတႃႇ ဢုပိၵ်ႉၶႃႇ ဢသူၽ ဢၼိၸသၺ်ၺႃး လႄႈ ဢႃၼႃပႃၼႃသတိ ၽိၵ်ၶူၸိူဝ်းၼၼ်ႉ ၵေႃႈ မီးယူႇ ၼႂ်းမူႇၽိၵ်ၶူၸိူဝ်းၼႆႉ ။

ၽိၵ်ႉၶူတၢင်းလၢႆ ! ဢႃၼႃပႃၼႃသတိ သံမႃထိၼႆႉယဝ်ႉ မိူဝ်ႈပူၵ်ႉၵူလ်ႇၽူႈၼၼ်ႉ ၵျၢင်ႉၵမ်ယဝ်ႉ ၵျၢင်ႉၵမ် ယူႇတႃႇသေႇယဝ်ႉ ၸင်ႇႁဵတ်းႁႂ်ႈသတိပထၢၼ်သီႇ တဵမ်ထူၼ်ႈ

သတိပထၢၼ်တင်းသီႇ ဢၼ်ပူၵ်ႇၵူလ်ႇၼၼ်ႉ ၵျၢင်ႉၵမ်လႄႈၵျၢင်ႉၵမ်ယူႇတႃႇသေႇယဝ်ႉ ၸင်ႇႁဵတ်းႁႂ်ႈ ၽူတ်ႉသုင်း ၸဵတ်း တဵမ်ထူၼ်ႈ ၽူတ်ႉသုင်းတင်းၸဵတ်းဢၼ်ပူၵ်ႉၵူလ်ႇ ၵျၢင်ႉၵမ်လႄႈ ၵျၢင်ႉၵမ်ယူႇတႃႇသေႇယဝ်ႉ ၸင်ႇႁဵတ်းႁႂ်ႈ ဝိၸႃႇလႄႈဝိမုတိ တဵမ်ထူၼ်ႈလီလႆႈယဝ်ႉ ။

-------------------

ဢၢင်ႈဢိင်ၶေႃႈမုလ်းၼႂ်းပီတၵၢတ်ႈၽၢႆထႆး

ဢုပရိပၺ်ၼသ မသ်သိမၼိၵႃယ

14/190/28

อุปริ. ม. ๑๔/๑๙๐/๒๘

ပုတ်ထဝၸၼ ဢႃၼႃပႃၼသတိပပ်ႉထိ 6

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

1ติ่ง คำปี

Read More

ၶေႃႈလီၶွင်မၼုသ(ၵူၼ်း)တႅၵ်ႈၵၼ်တင်းတေဝတႃႇၸၼ်ႉတႃႉဝတဵင်ႇသႃႇ

 ပုတ်ႉဝၸၼပိုတ်ႇထမ်းဢၼ်ထုၵ်ႇပိၵ်ႉ

ထမ်းဢၼ်ဢမ်ႇမီးၽႂ်ပိုၼ်ၽႄႈ

#ၶေႃႈလီၶွင်မၼုသ(ၵူၼ်း)တႅၵ်ႈၵၼ်တင်းတေဝတႃႇၸၼ်ႉတႃႉဝတဵင်ႇသႃႇ

ၽိၵ်ၶူတၢင်းလၢႆ ! ၵူၼ်း (မၼုသ) ၸၢဝ်းဢုတရၵုရု

တွၼ်းလိူဝ်သေ တေႇဝတႃႇ ၸၼ်ႉတႃႇဝတဵင်ႇသႃႇ လႄႈ

ၵူၼ (မၼုသ) ၸၢဝ်းၸမ်ႇပူႇတီႇပႃႇ 3 ပိူင်

3 ပိူင်ၼၼ်ႉပဵၼ်ၸိူင်ႉႁိုဝ် ?

1 ဢမ်ႇမီးတၢင်းတုၵ်ႉၶ

2 ဢမ်ႇမီးလွင်ႈႁူင်ၶႅၼ်

3 မီးဢႃႇယုႉမၼ်ႈၵိုမ်း (ဢမ်ႇမီးယေႃးၵႃႇတၢင်းပဵၼ်)

ၽိၵ်ၶူတၢင်းလၢႆ ! ၵူၼ်း(မၼုသ)ၸၢဝ်းဢုတရၵုရု တွၼ်း

လိူဝ်သေ တေႇဝတႃႇ ၸၼ်ႉတႃႇဝတဵင်ႇသႃႇ လႄႈ ၵူၼ်း

(မၼုသ) ၸၢဝ်းၸမ်ႇပူႇတီႇပႃႇ လူၺ်ႈထႃႇၼ 3 ပိူင်ၼႆႉလႄႈ ။

ၽိၵ်ၶူတၢင်းလၢႆ ! ၵူၼ်း(မၼုသ) ၼႂ်းၵုၼ်ၸမ်ႇပူႇတီႇပႃႇ

တွၼ်းလိူဝ်သေ ၵူၼ်း(မၼုသ) ၼႂ်းၵုၼ်ဢုတရၵုရု ‌လႄႈ တေႇဝတႃႇၸၼ်ႉတႃႇဝတဵင်ႇသႃႇ လူၺ်ႈထႃႇၼ 3 ပိူင်

3 ပိူင်ၼၼ်ႉပဵၼ်ၸိူင်ႉႁိုဝ် ? ၼၼ်ႉပဵၼ်

1 ပဵၼ်ၽူႈႁတ်းႁၢၼ်

2 ပဵၼ်ၽူႈမီးသတိ

3 ပဵၼ်ၽူႈလွင်ႈၵျၢင်ႇၵမ် ဢၼ်သုတ်းတွၼ်း

ၽိၵ်ၶူတၢင်းလၢႆ ! ၵူၼ်း(မၼုသ)ၼႂ်းၵုၼ်ၸမ်ႇပူႇတီႇပႃႇ

တွၼ်းလိူဝ်သေ ၵူၼ်း(မၼုသ)ၼႂ်းၵုၼ်ဢုတရၵုရု လႄႈ တေႇဝတႃႇ ၸၼ်ႉတႃႇဝတဵင်ႇသႃႇ လူၺ်ႈထႃႇၼ 3 ပိူင်

ၼင်ႇၼႆ ။

----------------

ၶေႃႈမုလ်းပပ်ႉပီတၵၢတ်ႈ

တုၵ်ၵၼိပတ ဢင်ၶုတရၼိၵႃယ

27/408/225

-------------

ပပ်ႉပုတ်ထဝၸၼ ပပ်ႉထိ 11

Read More

ၵူႈၸိူဝ်းၵူႈလွင်ႈဢမ်ႇတဵင်ႈ #ဢမ်ႇမၼ်ႈၵိုမ်း

 ပုတ်ထဝၸၼပိုတ်ႇထမ်းဢၼ်ထုၵ်ႇပိၵ်ႉ

ထမ်းဢၼ်ဢမ်ႇမီးၽႂ်ပိုၼ်ၽႄႈ

#ၵူႈၸိူဝ်းၵူႈလွင်ႈဢမ်ႇတဵင်ႈ #ဢမ်ႇမၼ်ႈၵိုမ်း

ၽိၵ်ၶူတၢင်းလၢႆ !

သင်ၶႃရတၢင်းလၢႆ ဢမ်ႇမၼ်ႈၵိုမ်း (ဢၼိၸ်ၸ)

သင်ၶႃရတၢင်းလၢႆ ဢမ်ႇယိုၼ်းယၢဝ်း (ဢထုဝ)

သင်ၶႃရတၢင်းလၢႆ ဢမ်ႇပဵၼ်တီႈၸႂ်ယႂ်ႇလႆႈ(ဢၼသ်သႃသိၵ)

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈ ပဵင်းပေႃးယဝ်ႉ ပိူဝ်ႈတႃႇမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ

ပေႃးယဝ်ႉပိူဝ်ႈတႃႇပူတ်းဝၢင်း ပေႃးယဝ်ႉပိူဝ်ႈတႃႇလုတ်ႈပူၼ်ႉ ၼင်ႇၼႆ ။

ၽိၵ်ၶူတၢင်းလၢႆ ! တူၼ်းလွႆလူင် သိၼေရု ယၢဝ်း 84,000 ယူဝ်ႇၸၼႃႇ ၵႂၢင်ႈ 84,000 ယူဝ်ႇၸၼႃႇ ယင်ႇလူင်းၼႂ်း မႁႃသမ်မုတ်တြႃႇ 84,000 ယူဝ်ႇၸၼႃႇ သုင်ၶိုၼ်ႈၼိူဝ် ၼမ်ႉမႁႃသမ်မုတ်တြႃႇ 84,000 ယူဝ်ႇၸၼႃႇ ။

- ၽိၵ်ၶူတၢင်းလၢႆ ! ထိုင်ပၢၼ်ၼိုင်ႈ လူင်ႈပူၼ်ႉၵႂႃႇလၢႆပီႊ လၢႆပၢၵ်ႇပီႊ လၢႆႁဵင်ပီႊ လၢႆသႅၼ်ပီႊ ဢၼ်ၽူၼ်ဢမ်ႇတူၵ်း

မိူဝ်ႈၽူၼ်ဢမ်ႇတူၵ်း ၶၢဝ်းတၢင်းႁိုင် ပႃႇထိူၼ်ႇယႂ်ႇယႂ်ႇ ဢၼ်တဵမ်ထူၼ်ႈလူၺ်ႈ သၽႃဝ တူၼ်ႈမႆႉမွၵ်ႇမၢၵ်ႈ ၽိသ်သၶၢမ် ၽုတ်တၶၢမ်း မႆႉယုၵ်ၵယႃ လႄႈ တူၼ်ႈယိူဝ်ႈတူၼ်ႈ ယႃႈတၢင်းလၢႆ ၸင်ႇသဝ်းမွင် ႁဵဝ်ႇႁႅင်ႈ မီးယူႇဢမ်ႇလႆႈ ။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

- ၽိၵ်ၶူတၢင်းလၢႆ ! မီးပၢၼ်ၼိုင်ႈ ၼႂ်းမၢင်ပွၵ်ႈမၢင်ၶၢဝ်း လူၺ်ႈၵၢၼ်လူင်ႈၵႂႃႇပဵၼ်ၵႃႇလၼၢၼ်းၵႆ လုၵ်ႈတႃဝၼ်း လုၵ်ႈထိ 2 ၸိုင်ပေႃႇမႃး မႄႈၼမ်ႉလဵၵ်ႉ ႁူၺ်ႈ ၼွင် တၢင်း မူတ်းၵေႃႈပႃးၵၼ်ႁိူတ်ႇႁႅင်ႈ ဢမ်ႇမီးယူႇ ။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ ။

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

- ၽိၵ်ၶူတၢင်းလၢႆ ! မီးပၢၼ်ၼိုင်ႈ ၼႂ်းမၢင်ပွၵ်ႈမၢင်ၶၢဝ်း လူၺ်ႈၵၢၼ်လူင်ႈၵႂႃႇၶွင်ၵႃလၼၢၼ်းၵႆ တႃဝၼ်းလုၵ်ႈ ထိ 3 ၸိုင်ပေႃႇၶိုၼ်ႈ မိူဝ်ႈလုၵ်ႈတႃဝၼ်း လုၵ်ႈထိ 3 ပေႃႇၶိုၼ်ႈ မႄႈၼမ်ႉသၢႆယႂ်ႇ ၸိူင်ႉၼင်ႇ မႄႈၼမ်ႉၶူင်းၶႃး မႄႈၼမ်ႉယမုၼႃ မႄႈၼမ်ႉဢၸီရဝတီ မႄႈၼမ်ႉသရၽု မႄႈၼမ်ႉမႁိ တၢင်းမူတ်းၵေႃႈႁိူတ်ႇႁႅင်ႈၵႂႃႇ ဢမ်ႇမီးယူႇ ။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ ။

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

ၽိၵ်ၶူတၢင်းလၢႆ ! မီးပၢၼ်ၼိုင်ႈ ၼႂ်းၵႃလမၢင်ပွၵ်ႈမၢင်ၶၢဝ်း လူၺ်ႈၵၢၼ်လူင်ႈၵႂႃႇပဵၼ်ၵႃလၼၢၼ်းၵႆ လုၵ်ႈတႃဝၼ်း လုၵ်ႈထိသီႇၸိုင်ပေႃႇမႃး မိူဝ်ႈလုၵ်ႈတႃဝၼ်း လုၵ်ႈထိသီႇပေႃးမႃးယဝ်ႉ မႁႃသရ တၢင်းလၢႆ ဢၼ်ပဵၼ်တီႈၵိူတ်ႇၶွင် မႄႈၼမ်ႉသၢႆယႂ်ႇယႂ်ႇ ၸိူင်ႉၼင်ႇ မႄႈၼမ်ႉၶူင်းၶႃး ယမုၼႃ ဢၸီရဝတီ သရၽူ မႁိ မႁႃသရ ၸိူဝ်းၼၼ်ႉၵေႃႈႁိူတ်ႇႁႅင်ႈ ဢမ်ႇမီးယူႇ ။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

ၽိၵ်ၶူတၢင်းလၢႆ ! မီးပၢၼ်းၼိုင်ႈ ၼႂ်းၵၢၼ်မၢင်ပွၵ်ႈမၢင်

ၶၢဝ်း လူၺ်ႈၵၢၼ်လူင်ႈၵႂႃႇပဵၼ်ၵႃလၼၢၼ်းၵႆ လုၵ်ႈတႃ ဝၼ်းလုၵ်ႈထိ 5 ၸိုင်ပေႃႇ မိူဝ်ႈလုၵ်ႈတႃဝၼ်းလုၵ်ႈထိ 5 ပေႃႇၶိုၼ်ႈ ၼမ်ႉၼႂ်းမႁႃသမ်မုတ်ႉတြႃႇဢၼ်လိုၵ်ႉ 100 ယူဝ်ႇၸၼႃႇ ၵေႃႈယွမ်းလူင်း ၼမ်ႉၼႂ်းမႁႃသမ်မုတ်ႉတြႃႇ ဢၼ်လိုၵ်ႉ သွင် ၊ သၢမ် ၊ သီ ၊ ႁႃႈ ၊ ႁူၵ်း ၊ ၸဵတ်း 100 ယူဝ်ႇၸၼႃႇ ၵေႃႈ ႁိူတ်ႇႁႅင်ႈလူင်း

လိူဝ်ယူႇတႃႇ ၸဵတ်းၸူဝ်ႈတူၼ်ႈထၢၼ်ၵေႃႈမီး ႁႅင်ႈလူင်း လိူဝ်ယူႇ တႃႇ ႁႃႈ ၊ သီႇ ၊ သၢမ် ၊ တေႃႇထိုင်ၼိုင်ႈၸူဝ်ႈတူၼ်ႈထၢၼ်ၵေႃႈမီး

ႁႅင်ႈလူင်းလိူဝ်ယူႇၸဵတ်းၸူဝ်ႈၵူၼ်းၵေႃႈမီး ႁႅင်ႈလူင်းလိူဝ်ပဵင်းဢႅင်ႈၵေႃႈမီး

လိူဝ်ယူႇတႃႇ ႁႃႈ ၊ သီႇ ၊ သၢမ် ၊ သွင် ၊ ၼိုင်ႈ တေႃႇထိုင်ၼိုင်ႈၸူဝ်ႈၵူၼ်းၵေႃႈမီး

ႁႅင်ႈလူင်းလိူဝ်ထိုင်ဢႅင်ႈ ၊ ထိုင်ႁူဝ်ၶဝ်ႇ ၊ ထိုင်တႃတိၼ် တေႃႇထိုင်လိူဝ်ယူႇတၢၼ်ႇၼႂ်းႁွႆးတိၼ်ဝူဝ်း

ၼႂ်းၸိူင်ႉၼၼ် မိူၼ်ၼင်ႇႁွႆးတိၼ်ဝူဝ်း မိူဝ်ၽူၼ်မဵတ်ႉယႂ်ႇတူၵ်းလူင်းၼႂ်းဢုတုသရထလူင်းမႃးၼႂ်းတီႈၼၼ်ၼၼ်ႉ

ၽိၵ်ၶူတၢင်းလၢႆ ! ၵွပ်ႈလွင်ႈပေႃႇမီးမႃးၶွင်လုၵ်ႈတႃဝၼ်း လုၵ်ႈထိႁႃႈ ၼမ်ႉၼႂ်ႈမႁႃသမ်မုတ်တရဢမ်ႇမီးသေယွတ်ႇ ဢင်ၵုရီး

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ။

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ။

ၽိၵ်ၶူတၢင်းလၢႆ ! မီးပၢၼ်ၼိုင်ႈၼႂ်ၵၢၼ်မၢင်ပွၵ်ႈမၢင်ၶၢဝ်း လူၺ်ႈၵၢၼ်လူင်ႈၵႂႃပဵၼ်ၵႃလၼၢၼ်းၵႆ လုၵ်ႈတႃဝၼ်းလုၵ်ႈထိႁူၵ်းၸိုင်ပေႃႇ ၵွပ်ႈလုၵ်ႈတႃဝၼ်းလုၵ်ႈထိႁူၵ်းပေႃႇမီးမႃး ပိုၼ်ႉလိၼ်မႁႃပတပ်ၽီး လႄႈ လွႆလူင်သိၼေလု ၵေႃႈ မီးၵွၼ်းၶိုၼ်ႈ ယိုင်ႈၶိုၼ်ႈ လႄႈ ယိုင်ႈၶိုၼ်ႈ

မိူၼ်ၼင်ႇတဝ်ၽဝ်မေႃႈ ဢၼ်ၸၢင်ႈမေႃႈသုမ်ၾႆးယဝ်ႉမီးၵွၼ်း ပုင်ႈၶိုၼ်ႈယိုင်ႈၶိုၼ်ႈ လႄႈ ယိုင်ႈၶိုၼ်ႈၸိူင်ႉၼၼ်။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ။

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ။

ၽိၵ်ၶူတၢင်းလၢႆ ! မီးပၢၼ်ၼိုင်ႈၼႂ်းမၢင်ပွၵ်ႈမၢင်ၶၢဝ်း လူၺ်ႈၵၢၼ်လူင်ႈၵႂႃႇပဵၼ်ၵႃလၼၢၼ်းၵႆ လုၵ်ႈတႃဝၼ်း လုၵ်ႈထိၸဵတ်းၸိုင်ပေႃႇမီးၶိုၼ်ႈ မိူဝ်ႈလုၵ်ႈတႃဝၼ်းလုၵ်ႈထိၸဵတ်းပေႃႇမီး ပိုၼ်ႉလိၼ်မႁႃပတပ်ၽီ လႄႈ တူၼ်းလွႆလူင်သိၼေရု ၸိုင်လုၵ်ႇပဵၼ်ၾႆး မီးပဵဝ်ၾႆႈပဵၼ်ဢၼ်လဵဝ်ၵၼ် ။

မိူဝ်ႈပိုၼ်ႉလိၼ်မႁႃပတပ်ၽီး လႄႈ လွႆလူင် သိၼေရု ဢၼ်ၾႆးၽဝ်ယူႇ မႆႈယူႇ ၸိူင်ႉၼႆ ပဵဝ်ၾႆးထုၵ်ႇလူမ်းၽတ်ႉ ၶိုၼ်ႈထိုင် မိူင်းသၢင်ၸၼ်ႉ ပရၢမ်ႇမလေႃးၵ ။

ၽိၵ်ၶူတၢင်းလၢႆ ! မိူဝ်ႈလွႆလူင်သိၼေရုထုၵ်ႇၾႆးၽဝ်ယူႇ မႆႈယူႇ ဝိၼၢတ်ႉယူႇ ဢၼ်ၵွင်ၾႆးထူမ်ႈထပ်ႉယဝ်ႉ

ယွတ်ႈတၢင်းလၢႆ ဢၼ်သုင် ပၢၵ်ႇယူဝ်ႇၸၼႃႇၽွင်ႈ သွင် ၊ သၢမ် ၊ သီႇ ၊ ႁႃႈ ပၢၵ်ႇယူဝ်ႇၸၼႃႇၽွင်ႈ ၵေႃႈၵုၼ်ႇပင်းၵႂႃႇ

ၽိၵ်ၶူတၢင်းလၢႆ ! မိူဝ်ႈပိုၼ်ႉလိၼ်မႁႃပတပ်ၽီး လႄႈ လွႆ လူင်သိၼေရု ဢၼ်ၾႆးၽဝ်ယူႇ မႆႈယူႇ ၶီႈတဝ်ႈၽဝ်ႇၽႆး ၸိုင်ဢမ်ႇမီး မိူၼ်ၼိူၺ်းသႂ် ႁိုဝ် ၼမ်ႉမၼ်းထုၵ်ႇၽဝ် ၶီႈ

တဝ်ႈၽဝ်ႇၾႆးၸိုင်ဢမ်ႇမီး ၼင်ႇၼၼ် ။

ၽိၵ်ၶူတၢင်းလၢႆ ! သင်ၶႃရတၢင်းလၢႆဢမ်ႇမၼ်ႈၵိုမ်းၸိူင်ႉၼႆ သင်ၶႃရတၢင်းလၢႆဢမ်ႇယိုၼ်းယၢဝ်းၸိူင်ႉၼႆ

သင်ၶႃရတၢင်းလၢႆပဵၼ်တီႈၸႂ်ယႂ်ႇသ်ငဢမ်ႇလႆႈၼင်ႇၼႆ။

ၽိၵ်ႉၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉပိူဝ်ႈလုတ်ႈပူၼ်ႉ ၼင်ႇၼႆ ။

ၽိၵ်ၶူတၢင်းလၢႆ !

ၼႂ်းၶေႃႈၵႂၢမ်းၼႆႉ ၽႂ်တေဝူၼ်ႉ ၽႂ်တေယုမ်ႇ ဝႃႈ

ပိုၼ်ႉလိၼ်ပတပိၽီ လႄႈ လွႆလူင်သိၼေရု တေထုၵ်ႇၾႆးမႆႈ တေဝိၼၺတ်ႉ တေသုတ်းသဵင်ႈၵႂႃႇလႆႈ

လိူဝ်သေၽူႈမီးပုထ်ဢၼ်ႁၼ်ယဝ်ႉ ။

-----------------

ဢိင်ၶေႃႈမုလ်း ပပ်ႉပီတၵၢတ်ႈ ၽၢႆႇထႆး

ၸတုၵ်ၵၼိပတ ဢင်ၶုတရၼိၵႃယ

23/102-105/63

-----------------

ပပ်ႉပုတ်ထငၸၼ ပပ်ႉထိ 11

Read More

တီႈႁၵ်ႉတီႈႁိူဝ်ႈႁိူင်းၸႂ်ၼႂ်းလေႃးၵ

 ပိုတ်ႇထမ်းဢၼ်ထုၵ်ႇပိၵ်ႉ

#တီႈႁၵ်ႉတီႈႁိူဝ်ႈႁိူင်းၸႂ်ၼႂ်းလေႃးၵ

တႃ ႁူ ၶူႈလင် လိၼ်ႉ တူဝ် ၸႂ်

ပဵၼ်တီႈႁိူဝ်ႈႁိူင်းၸႂ်ၼႂ်းလေႃးၵ

တၼ်ႁႃ မိူဝ်ႈတေၵိူတ်ႇ ၸင်ႇၵိူတ်ႇၼႂ်းတီႈၼႆႉ

မိူဝ်ႈတေတင်ႈယူႇၵေႃႈတင်ႈယူႇၼႂ်းတီႈၼႆႉ

တၼ်ႁႃ မိူဝ်ႈပူၵ်ႉၵူလ်ႇ တေဝၢင်း ၸင်ႇဝၢင်ႈၼႂ်းတီႈၼႆႉ

မိူဝ်ႈတေမွတ်ႇပႅတ်ႈၵေႃႈ ၸင်ႇမွတ်ႇပႅတ်းၼႂ်းတႂ်ႈၼႆႉ

ႁၢင်ႈ သဵင် သႅဝ်ဢၢႆ ရူတ်ဢႁႃရ ၽေႃးတၽ ထမ်းမရူမ်း

ဢၼ်ႁဵတ်းၼႃႈတီႈႁူႉ ဝိၺဵၼ်ႇတၢင်းတႃ တၢင်းႁူ

တၢင်း ၶူႈလင် တၢင်းလိၼ်ႉ တၢင်တူဝ် တၢင်းၸႂ်

ၽတ်သတၢင်းတႃ ၽတ်သတၢင်းႁူ ၽတ်သတၢင်းၶူႈလင်

ၽတ်သတၢင်းလိၼ်ႉ ၽတ်သတၢင်းတူဝ် ၽတ်သတၢင်းၸႂ်

ဝေတၼႃႇတီႈၽတ်သတၢင်းတႃ

ဝေတၼႃႇတီႈၽတ်သတၢင်းႁူ

ဝေတၼႃႇတီႈၽတ်သတၢင်းၶူႈလင်

ဝေတၼႃႇတီႈၽတ်သတၢင်းလိၼ်ႉ

ဝေတၼႃႇတီႈၽတ်သတၢင်းတူဝ်

ဝေတၼႃႇတီႈၽတ်သတၢင်းၸႂ်

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်းႁၢင်ႈၽၢင်

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်း သဵင်

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်းသႅဝ်ဢၢႆ

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်းရူတ်ဢႁႃရ

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်းၽေႃးတၽ

ၵၢၼ်မၢႆႁူႉ သၺ်ၺႃး ဢၼ်ၵဵဝ်ႇၵပ်းထမ်းမရူမ်း

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းႁၢင်ႈ

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းသဵင်

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းဢၢႆ

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းရူသ်

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းထမ်မ

ၸေတၼႃႇၼႂ်းၵၢၼ်မၢႆႁူႉ သၺ်ၸေတၼႃၵဵဝ်ႇၵပ်းၽေႃတၽ

ၵၢၼ်ၵွင်းပဵၼ်ၼင်ႇၼႂ်း ႁၢင်ႈ

ၵၢၼ်ၵွင်းပဵၼ်ၼင်ႇၼႂ်း သဵင်

ၵၢၼ်ၵွင်းပဵၼ်ၼင်ႇၼႂ်း သႅဝ်ဢၢႆ

ၵၢၼ်ၵွင်းပဵၼ်ၼင်ႇၼႂ်း ရူသ်ဢႁႃရ

ၵၢၼ်ၵွင်းပဵၼ်ၼင်ႇၼႂ်း ၽေႃးတၽ

ၵၢၼ်ၵွင်းပဵၼ်ၼင်ႇၼႂ်း ထမ်းမရူမ်း

တၼ်ႁႃၼႂ်း ႁၢင်ႈ

တၼ်ႁႃၼႂ်း သဵင်

တၼ်ႁႃၼႂ်း သႅဝ်ဢၢႆ

တၼ်ႁႃၼႂ်း ရူသ်ဢႁႃရ

တၼ်ႁႃၼႂ်း ၽေႃးတၽ

တၼ်ႁႃၼႂ်း ထမ်မရူမ်း

ၼႂ်းၼင်ႇၸိူဝ်းၼႆႉ

ပဵၼ်တီႈႁၵ်ႉ တီႈႁိူင်းၸႂ်ၼႂ်းလေႃးၵ

တၼ်ႁႃမိူဝ်ႈတေၵိူတ်ႉ ၸင်ႇၵိူတ်ႇၼႂ်းတီႈၼႆႉ

မိူဝ်ႈတေတင်ႈယူႇၸင်ႇတင်ႈယူႇၼႂ်းတီႈၼႆႉ

တၼ်ႁႃမိူဝ်ႈပူၵ်ႉၵူလ်တေဝၢင်း ၸင်ႇဝၢင်းၼႂ်းတီႈၼႆႉ

မိူဝ်ႈတေမွတ်ႇ ၸင်ႇမွတ်ႇပႅတ်ႈၼႂ်းတီႈၼႆႉ ။

-----------

ၶေႃႈမုလ်း ပီတၵၢတ်ႈ

မႁႃဝႂၵ်ႈ ထိၶၼိၵႃယ

10/338-342/297-298

--------------

ပုတ်ထဝၸၼ ပပ်ႉထိ 7

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

3คุณ, ติ่ง คำปี และ อีก 1 คน

Read More