လွင်ႈမီးၶိုၼ်ႈၶွင်လေႃးၵလႄႈမူႇၵူၼ်း မၼုသ

 

လွင်ႈမီးၶိုၼ်ႈၶွင်လေႃးၵလႄႈမူႇၵူၼ်း မၼုသ

 

ဝသဵတ်ထ လႄႈ ၽႃရထဝႃသ မီးပၢၼ်ၼိုင်ႈၼႂ်းၵၢလ်မၢင်ပွၵ်ႈမၢင်ၶၢဝ်းလူၺ်ႈပဵၼ်ၵၢၼ်ယိုတ်ႈယၢဝ်းၼၢၼ်းၵႆ မိူဝ်ႈလုၵ်ႈလေႃးၵၼႆႉလူႉၵွႆ ၵူၼ်ႇပင်းယူႇ ။

ၵမ်ႈပႃႈၼမ် သတ်းတၢင်းလၢႆ ၵိူတ်ႇၼႂ်းဢႃၽသ်သရ(ဢၽသရ) သတ်းၸိူဝ်း ၼၼ်ႉတဵမ်ထူၼ်ႈတၢင်းၸႂ် မီးပီႇတီႇပဵၼ်တၢင်းၵိၼ် မီးရသမီႁိူဝ်ႈဢွၵ်ႇၸွမ်း တူဝ် ၵႂႃႇမႃးၼႂ်းဢႃႇၵႃႇသ ယူႇၼႂ်းဝိမၢၼ်ႇဢၼ်ငၢမ်း ယူႇသဝ်းၼႂ်းၽဝၼၼ်ႉ ပဵၼ်ၵၢလ်ယိုတ်ႈယၢဝ်းႁိုင်ၼၢၼ်း ။

ဝသဵတ်ထ လႄႈ ၽႃရထဝႃသ!  မီးပၢၼ်ၼိုင်ႈ ၼႂ်းမၢင်ပွၵ်ႈမၢင်ၶၢဝ်းပဵၼ်ၵၢလ် ယိုတ်ႈယၢဝ်းသႅၼ်ၵႆ မိူဝ်ႈလုၵ်ႈလေႃးၵၼႆႉတိုၵ်ႉၵိူတ်ႇၶိုၼ်ႈယူႇ ။

ၵမ်ႈၼမ် သတ်းၼၼ်ႉ ၸုတိ (ၶၢႆႉ) တီႈဢႃၽသ်ႉသရ (ဢၽသရၵႃႇယႃႇ) လူင်း မႃးပဵၼ်ၸိူင်ႉၼႆ လႄႈသတ်းၸိူဝ်းၼၼ်ႉလႆႈတဵမ်ထူၼ်ႈတၢင်းၸႂ် မီးပီႇတီႇပဵၼ် တၢင်းၵိၼ် မီးရသမီႁိူဝ်ႈဢွၵ်ႇၸွမ်းတူဝ် ၵႂႃႇမႃးၼႂ်းလူမ်းဢႃႇၵႃႇသ ယူႇၼႂ်း ဝိမၢၼ်ႇဢၼ်ႁၢင်ႈလီ ယူႇသဝ်းၼႂ်းၽဝၼၼ်ႉပဵၼ်ၵၢလ်ယိုတ်ႈယၢဝ်း ၼၢၼ်း

ၼႂ်းပၢၼ်ၼၼ်ႉ ၸၵ်ၵျႃႇဝရႃႇတၢင်းသဵင်ႈပဵၼ်ၼမ်ႉတၢင်းမူတ်း လပ်းသိင်ႇမိုတ်း ဝႆႉ ဢမ်ႇႁၼ်သင် လုၵ်ႈတႃဝၼ်း လႄႈ လုၵ်ႈလိူၼ်ၵေႃႈဢမ်ႇပႆႇမီး လၢဝ်သတရ လႄႈ လၢဝ်တၢင်းလၢႆဢမ်ႇပႆႇမီး ၵၢင်ဝၼ်းၵၢင်ၶိုၼ်းဢမ်ႇပႆႇမီးလိူၼ် လႄႈ ၽၢၵ်ႇ လိူၼ်ၵေႃႈပႆႇမီး  ဢုတုရႃႇသီႇ လႄႈပီႊၵေႃႈဢမ်ႇပႆႇမီး ၵူၼ်းၸၢႆး ၵူၼ်းယိင်း ၵေႃႈ ဢမ်ႇပႆႇမီး သတ်းတၢင်းလၢႆၸိုင်ၼပ်ႉဝႃႈ သတ်းယူႇ (သတ်တ) ၼင်ႇၼၼ် ။

ဝသဵတ်ထ လႄႈ ၽႃရထဝႃသ ! သိုပ်းမႃးၶၢဝ်းယၢမ်းဢၼ်ပူၼ်ႉၵႂႃႇယိုတ်ႈယၢဝ်း သႅၼ်ၵႆ လႆႈၵိူတ်ႇမီးငူၼ်ႉလိၼ် (ရူသ်ပထဝီ) ပေႃႇမီးၶိုၼ်ႈတေႃႇမူႇသတ်းၸိူဝ်း ၼၼ်ႉ

ငူၼ်ႉလိၼ်ၼႆႉၽူးယူႇၼိူဝ်ၼမ်ႉ မိူၼ်ၼမ်ႉၼူမ်း မိူၼ်ၼမ်ႉၼူမ်းဢၼ်ၶိုဝ်ႇႁႂ်ႈ ဢူၼ်ယဝ်ႉဝႆႉႁႂ်ႈၵတ်း ၵၢမ်ႈပဵၼ်ၽႅၼ်ႇယူႇၼိူဝ်ၼမ်ႉၼၼ်ႉၽွမ်ႉလူၺ်ႈသီ ဢၢႆႁွမ် ရူသ်ဢႁႃရ မီးဢရသႃႇဝၢၼ်ႁွမ်ၼင်ႇႁူင်းၽိုင်ႈလဵၵ်ႉ

မိူဝ်ႈသတ်းၸိူဝ်းၼၼ်ႉပႃးၵၼ်ဢဝ်ၼိဝ်ႉမိုဝ်းဝူၺ်ႉၸိမ်းၵိၼ်ယူႇ ရူသ်ႉၶွင်ငူၼ်ႉ လိၼ်လႆႈသၢပ်ႇသၢၼ်ႉၵႂႃႇယဝ်ႉတီႈသတ်းၸိူဝ်းၼၼ်ႉ

သတ်းၸိူဝ်းၼၼ်ႉၸင်ႇၵိူတ်ႇလွင်ႈၸပ်းပႅၼ်းဢႁႃရၼႂ်းငူၼ်ႉလိၼ်ၼၼ်ႉ သိုပ်ႇမႃးသတ်းၸိူဝ်းၼၼ်ႉၸင်ႇၶတ်းၸႂ်ပိူဝ်ႈပၼ်ႈငူၼ်ႉလိၼ်ၼၼ်ႉပဵၼ်ၵမ်း ၵမ်းသေၵိၼ်

မိူဝ်ႈၶၢဝ်းဢၼ်သတ်းၸိူဝ်းၼၼ်ႉဢွၼ်ၵၼ်ပၼ်ႈငူၼ်ႉလိၼ်ၼၼ်ႉၵိၼ်ယူႇ သႅင်ရသမီဢၼ်ႁိူဝ်ႈဢွၵ်ႇၸွမ်းတူဝ်ၶွင်သတ်းၸိူဝ်းၼၼ်ႉၵေႃႈႁၢႆလၢႆၵႂႃႇ

မိူဝ်ႈသႅင်ရသမီၸွမ်းတူဝ်ႁၢႆၵႂႃႇ လုၵ်ႈလိူၼ် လႄႈ လုၵ်ႈတႃဝၼ်းၸိုင်ပေႃႇၶိုၼ်ႈ မိူဝ်ႈလုၵ်ႈလိူၼ် လႄႈ လုၵ်ႈတႃဝၼ်းပေႃႇၶိုၼ်ႈ လုၵ်ႈလၢဝ်သတရလႄႈလၢဝ် တၢင်းလၢႆၵေႃႈပေႃႇၶိုၼ်ႈ မိူဝ်ႈလၢဝ်သတရ လႄႈ လၢဝ်တၢင်းလၢႆပေႃႇၶိုၼ်ႈ ၵၢင်ဝၼ်း လႄႈ ၵၢင်ၶိုၼ်းၸိုင်ပေႃႇၶိုၼ်ႈ မိူဝ်ႈၵၢင်ဝၼ်းလႄႈၵၢင်ၶိုၼ်ပေႃႇၶိုၼ်ႈ လိူၼ်လႄႈ ၽၢၵ်ႇလိူၼ်ၸိုင်ပေႃႇၶိုၼ်ႈ မိူဝ်ႈလိူၼ် လႄႈ ၽၢၵ်ႇလိူၼ်ပေႃႇၶိုၼ်ႈ ဢုတုရႃႇသီႇ လႄႈ ပီႊၸိုင်ပေႃႇၶိုၼ်ႈ လူၺ်ႈလွင်ႈတၢင်းၵႃႈၼႆႇလႄႈ လုၵ်ႈလေႃး ၵ ၸိုင်ႁိူဝ်ႈႁိူင်းၶိုၼ်ႈမႃးထႅင်ႈ ။

သိုပ်ႇမႃးသတ်းၸိူဝ်းၼၼ်ႉဢွၼ်ၵၼ်ၵိၼ်ငူၼ်ႉလိၼ် မီးငူၼ်ႉလိၼ်ပဵၼ်တၢင်း ၵိၼ်ယူႇၸိူင်ႉၼၼ်ႉ ပဵၼ်ၶၢဝ်းယၢမ်းဢၼ်ယိုတ်ႈယၢဝ်သႅၼ်ၵႆ လူၺ်ႈလွင်ႈ ဢၼ် သတ်းၸိူဝ်းၼၼ်ႉၵုမ်ႇမိုင်ႉမူဝ်းမဝ်းၼႂ်းငူၼ်ႉလိၼ်မီးငူၼ်ႉလိၼ်ပဵၼ် တၢင်းတၢင်းၵိၼ်ယူႇၼင်ႇၼၼ်လူၺ်ႈၵႃႇလဢၼ်ႁိုင်ႁိုင်ၼၢၼ်း သတ်းၸိူဝ်း ၼၼ်ႉၸင်ႇမီးတူဝ်ၶိင်းဢၼ်ၵႅၼ်ၶႅင်ၶိုၼ်ႈ တင်းၽိဝ်ၽၼ်းၼိူဝ်ႉၼင်ၵေႃႈပိူင်ႈ ၵၼ် ဢမ်ႇမိူၼ်ၵၼ် သတ်းမၢင်းၸိူဝ်းမီးၽိဝ်ၼိူဝ်ႉၼင်ႁၢင်ႈလီ သတ်းမၢင်ၸိူဝ်း မီးၽိဝ်ၼိူဝ်ႉၼင်ဢမ်ႇႁၢင်ႈလီ

ၼႂ်းသတ်းတၢင်းသွင်ၸုမ်းၼႆႉ သတ်းၸိူဝ်းမီးၽိဝ်ၼိူဝ်ႉၼင်ႁၢင်ႈလီၼၼ်ႉဢွၼ် ၵၼ်သီႇၵေႉသတ်းၸိူဝ်းမီးၽိဝ်ၼိူဝ်ႉၼင်ဢမ်ႇႁၢင်ႈလီ

မိူဝ်ႈသတ်းသွင်ၸုမ်းၼၼ်ႉ မီးလွင်ႈသီႇၵေႉၵၼ် ၵွပ်ႈသႂ်ႇၸႂ်လွင်ႈၽိဝ်ၼိူဝ်ႉၼင် ပဵၼ်လွင်ႈတၢင်း ငူၼ်ႉလိၼ်ၸိုင်ႁၢႆၵႂႃႇ

မိူဝ်ႈငူၼ်ႉလိၼ်ႁၢႆၵႂႃႇ ၸင်ႇလႆႈမီးၵပီလိၼ် (ၽုမိပပ်ပၻိၵ) ၵိူတ်ႇၶိုၼ်ႈ သတ်း ၸိူဝ်းၼၼ်ႉၸင်ႇလႆႈဢဝ်ၵပီလိၼ်ၼၼ်ႉပဵၼ်တၢင်းၵိၼ် ယူႇၵႂႃႇၶၢဝ်းယၢဝ်း ဢၼ်ယိုတ်ႈယၢဝ်းၼၢၼ် ၽိဝ်ၼိူဝ်ႉၼင်ၵေႃႈပႅၵ်ႇပိူင်ႈၵၼ် လူၺ်ႈလွင်ႈသီႇၵေႉ ၵၼ် ၵွပ်ႈသႂ်ႇၸႂ်ၼႂ်းလွင်ႈၽိဝ်ၼိူဝ်ႉၼင်ပဵၼ်လွင်ႈတၢင်း ၵပီလိၼ်ၸိုင်ႁၢႆၵႂႃႇ

မိူဝ်ႈၵပီလိၼ်ႁၢႆၵႂႃႇယဝ်ႉ ၶိူဝ်းလိၼ် (ပထႃလတႃ)ၸိုင်ၵိူတ်ႇမီးၶိုၼ်ႈ သတ်းၸိူဝ်း ၼၼ်ႉၸင်ႇလႆႈဢဝ်ၶိူဝ်းလိၼ်ၼၼ်ႉပဵၼ်တၢင်းၵိၼ် ယူႇၵႂႃႇၼင်ႇၼၼ် ပဵၼ် ၶၢဝ်းယၢမ်းဢၼ်ယိုတ်ႈယၢဝ်းႁိုင်ၼၢၼ်း

ၽိဝ်ၼိူဝ်ႉၼင်ၵေႃႈပႅၵ်ႈပိူင်ႈၵၼ်ၵႂႃႇလူၺ်ႈၵၢၼ်ဝႆႉတူဝ်သီႇၵေႉၵၼ်ၼင်ႇၼၼ် ၵွပ်ႈသႂ်ႇၸႂ်ၼႂ်းလွင်ႈၽိဝ်ၼိူဝ်ႉၼင်ၼၼ်ႉပဵၼ်လွင်ႈတၢင်း ၶိူဝ်းလိၼ်ၸိုင်ႁၢႆၵႂႃႇ မိူဝ်ႈၶိူဝ်းလိၼ်ႁၢႆၵႂႃႇယဝ်ႉ ၸင်ႇမီးၶဝ်ႈသႃလိၵိူတ်ႇၶိုၼ်ႈ ၼႂ်းတီႈ တီႈဢၼ်ဢမ်ႇ လႆႈထႆ ပဵၼ်ၶဝ်ႈဢမ်ႇမီးႁမ်း ဢမ်ႇမီးၵႅပ်ႇ ၶၢဝ်ၸိုၼ်ႈသႂ် မီးဢၢႆႁွမ် မီးမဵတ်ႉပဵၼ် ၶဝ်ႈသၢၼ်

ယၢမ်းႁူဝ်ၶမ်ႈ သတ်းၸိူဝ်းၼၼ်ႉၼမ်းဢဝ်ၶဝ်သႃလိလႂ်မႃးပိူဝ်ႈၵိၼ်ၼႂ်းယၢမ်း ၶမ်ႈ ယၢမ်းၸဝ်ႉမႃးၶဝ်ႈသႃလိၼၼ်ႉမီးမဵတ်ႉဢၼ်သုၵ်းယဝ်ႉငွၵ်ႈၶိုၼ်ႈတႅၼ်းတီႈ  ယၢမ်းၸဝ်ႉသတ်းၸိူဝ်းၼၼ်ႉၵဵပ်းဢဝ်ၶဝ်ႈသႃလိလႂ်မႃးပိူဝ်ႈၵိၼ်ၼႂ်းယၢမ်းၸဝ်ႉ ယၢမ်းယဵၼ်ၶဝ်ႈသႃလိၼၼ်ႉမီးမဵတ်ႉဢၼ်သုၵ်းယဝ်ႉငွၵ်ႈၶိုၼ်ႈတႅၼ်းတီႈဢမ်ႇမီးလွင်ႈယၢပ်ႇယဵၼ်းၶဵၼ်ၸႂ်သင်

သတ်းၸိူဝ်းၼၼ်ႉၸင်ႇလႆႈမီးၶဝ်ႈသႃလိၼၼ်ႉၼၼ်ႉပဵၼ်တၢင်းၵိၼ် ယူႇၸိူင်ႉ ၼၼ်ပဵၼ်ၶၢဝ်းယၢမ်းဢၼ်ယိုတ်ႈယၢဝ်းသႅၼ်ၼၢၼ်း လူၺ်ႈလွင်ႈဢၼ်သတ်း ၸိူဝ်းၼၼ်ႉမီးၶဝ်ႈသႃလိပဵၼ်တၢင်းၵိၼ်ပဵၼ်ၶၢဝ်းယၢမ်းဢၼ်ယိုတ်ႈယၢဝ်း သႅၼ်ၼၢၼ်း သတ်းၸိူဝ်းၼၼ်ႉၸင်ႇမီးတူဝ်ၶိင်းဢၼ်ၵႅၼ်ႇၶႅင်ၶိုၼ်ႈ တင်း ၽိဝ်ၼိူဝ်ႉၼင်ၵေႃႈႁၼ်ဝႃႈပႅၵ်ႇပိူင်ႈၵၼ်ၵႂႃႇ

သတရီးၵေႃႈမီးဢင်ႇၵႃႇၼၢင်းယိင်းပေႃႇမႃး ပုရုသ်ၵေႃႈမီးဢင်ႇၵႃႇၸၢႆးပေႃႇမႃး လူၺ်ႈဝႃႈၼၢင်းယိင်းၵေႃႈယၵ်ႉတူၺ်းၽူႈၸၢႆး လႄႈ ၽူႈၸၢႆးၵေႃႈယၵ်ႉတူၺ်း ၼၢင်းယိင်းယူႇတႃႇသေႇ

မိူဝ်ႈၵူၼ်းတၢင်းသွင်ၼင်ႇၵေႃႈယၵ်ႉတူၺ်းၵၼ်ယူႇတႃႇသေႇၸိူင်ႉၼၼ် ၵေႃႈ ၵိူတ်ႇမီးလွင်ႈလႆႈၸႂ်ၵၼ် မီးလွင်ႈႁဝ်ႉႁွၼ်ႉၼႂ်းတူဝ်ၶွင်သတ်းတၢင်းသွင် ၵွပ်ႈလွင်ႈႁဝ်ႉႁွၼ်ႉၼၼ်ႉပဵၼ်လွင်ႈတၢင်းသေ တင်းသွင်ၸိုင်ႁူမ်ႈမႃႇမၵၼ် 

ၼႂ်းပၢၼ်ၼၼ်ႉ သတ်းၸိူဝ်းလႂ်ႁၼ်သတ်းတၢင်ႇၸိူဝ်းႁူမ်ႈၵႃႇမၵၼ်ယူႇ ၸင်ႇ ဢဝ်ၽုၼ်ႇမုၵ်ႉၽုၵ်းသႂ်ႇၽွင်ႈ ဢဝ်ၶီႈတဝ်ႈၽုၵ်းသႂ်ႇၽွင်ႈ ဢဝ်ၶီႈဝူဝ်းၽၢတ်ႇသႂ်ႇ ၽွင်ႈ ၽွမ်ႉတင်းလၢတ်ႈဝႃႈ ၵူၼ်းလိူင်းႁႂ်ႈဝၢႆးႁၢႆ ၵူၼ်းလိူင်းႁႂ်ႈဝၢႆးႁၢႆ ၼင်ႇၼႆ

လၢတ်ႈထႅင်ႈဝႃႈ ၵွပ်ႈမီးၸိုဝ်ႈဝႃႈသတ်း ၸိုင်ႁဵတ်းတေႃႇသတ်းၼင်ႇၵၼ်ၸိုင်ႉၼႆ လႃႇ” လွင်ႈဝႃႈမႃးၼႆႉၸင်ႇလႆႈပဵၼ်ၾိင်ႈပိုင်ႈၼိုင်ႈတေႃႇထိုင်ယၢမ်းၼႆႉ

ၸၢဝ်းသၢပ်ႇႁူၺ်ႈသၢပ်ႇလွႆမၢင်ပိုၼ်ႉတီႈ ဢဝ်ၽူၼ်ႇမုၵ်ႉၽုၵ်းသႂ်ႇၽွင်ႈ ဢဝ်ၶီႈ တဝ်ႈၽုၵ်းသႂ်ႇၽွင်ႈ ဢဝ်ၶီႈဝူဝ်းၽၢတ်ႇသႂ်ႇၽွင်ႈ ၽွင်းမိူဝ်ႈတိုၵ်ႉၼမ်းဢဝ် သတ်းၼၼ်ႉၵႂႃႇပၼ်တၢမ်ႇ ။

ၸုမ်းၸိူဝ်းပုင်ႇၼႃး(ၽရႃႁမၼ/ၽရၢမ်း)ၸင်ႇမႃးၶုၵ်းၶူၼ်ႉထိုင်ဢၵ်ၶရ ဢၼ်ႁူႉၵၼ်ဝႃႈပဵၼ်ၶွင်လီ ဢၼ်ပဵၼ်ၶွင်ၵဝ်ႇပၢၼ်ၵွၼ်ႇၼၼ်ႉၸိူင်ႉၼၼ် ၵူၺ်ႈၵႃႈၶဝ်ဢမ်ႇႁူႉၸႅင်ႈထိုင်ၼိူဝ်ႉၵႂၢမ်းဢၵ်ၶရၼၼ်ႉၼင်ႇၼၼ်။

ၼႂ်းပၢၼ်ၼၼ်ႉ လွင်ႈဢၼ်ဢဝ်ၽုၼ်ႇမုၵ်ႉၽုၵ်းသႂ်ႇၵၼ်ၸိူင်ႉၼၼ် သွၼ်ႇ ဝူၼ်ႉၵၼ်ဝႃႈဢမ်ႇပဵၼ်ထမ်း မႃးပၢၼ်ၼႆႉ သမ်ႉသွၼ်ႇဝူၼ်ႉၵၼ်ဝႃႈပဵၼ်ထမ်း

ၼႂ်းပၢၼ်ၼၼ်ႉမိူဝ်ႈသတ်းၸိူဝ်းလႂ်းႁူမ်ႇၵႃႇမၵၼ် သတ်းၸိူဝ်းၼၼ်ႉ ၶဝ်ႈဝၢၼ်ႈ ၶဝ်ႈၼႂ်းမိူင်းဢမ်ႇလႆႈသဵင်ႈသွင်လိူၼ်ၽွင်ႈ သဵင်ႈသၢမ်လိူၼ်ၽွင်ႈ

မိူဝ်ႈလႂ်သတ်းတၢင်းလၢႆမိုင်ႉႁူမ်ႇမိုင်ႉၵၢၼ်ဢသတ်ထမ်းၵၼ်ယူႇၸိူင်ႉၼၼ် သတ်းၸိူဝ်းၼၼ်ႉၸင်ႇၶတ်းၸႂ်ႁဵတ်းႁိူၼ်းၶိုၼ်ႈပိူဝ်ႈႁေႉၵင်ႈဢသတ်ႉထမ်း ၼၼ်ႉ

မိူဝ်ႈၼၼ်ႉ သတ်းၽူႈၼိုင်ႈမီးတၢင်းၶၢၼ်ႉၵိူတ်ႇၶိုၼ်ႈ ၸင်ႇလႆႈၵဵပ်းဢဝ်ၶဝ်ႈ သႃလိၼၼ်ႉမႃးဝႆႉပိူဝ်ႈၵိၼ်ပွၵ်ႈလဵဝ် တင်းယၢမ်းၸဝ်ႉ လႄႈ ယၢမ်းၶမ်ႈ

သိုပ်ႇမႃးသတ်းတၢင်ႇၸိူဝ်းၵေႃႈႁဵတ်းၸွမ်းၸိူင်ႉၼင်ႇသတ်းၽူႈၼၼ်ႉ လူၺ်ႈ ၵဵပ်းဢဝ်ၶဝ်ႈသႃလိၼၼ်ႉမႃးဝႆႉၵိၼ်ပွၵ်ႈလဵဝ် တင်းယၢမ်းၸဝ်ႉ လႄႈ ယၢၼ်းၶမ်ႈ ၽွင်ႈ ၵဵပ်းဢဝ်မႃးဝႆႉၵိၼ်ပွၵ်ႈလဵဝ် သွင်ဝၼ်းၽွင်ႈ ၵဵပ်းဢဝ်မႃးဝႆႉၵိၼ်ပွၵ်ႈလဵဝ် သီႇဝၼ်းၽွင်ႈ ၵဵပ်းဢဝ်မႃးဝႆႉၵိၼ်ပွၵ်ႈလဵဝ်ပႅတ်ႇဝၼ်းၽွင်ႈ ။

မိူဝ်ႈလႂ်သတ်းတၢင်းလၢႆၸိူဝ်းၼၼ်ႉ ၶတ်းၸႂ်ၵဵပ်းၸူႉႁွမ်ၶဝ်ႈသႃလိၼၼ်ႉ ပိူဝ်ႈ ဝႆႉၵိၼ်ၶၢဝ်းယၢဝ်း မိူဝ်ႈၼၼ်ႉၶဝ်ႈသႃလိၼၼ်ႉ ၸင်ႇယဵၼ်းပဵၼ်မဵတ်ႉၶဝ်ႈဢၼ် မီးၵႅပ်ႇ လႄႈ မီးႁမ်းႁုမ်ႉႁေႃႇမဵတ်ႉၽွင်ႈ တူၼ်ႈဢၼ်ထုၵ်ႇၵဵပ်းဢဝ်ယဝ်ႉၵေႃႈ ဢမ်ႇမီးဢၼ်မႂ်ႇငွၵ်ႈၶိုၼ်ႈတႅၼ်းတီႈ ၸိုင်ႁၼ်ဝႃႈမီးလွင်ႈယၢပ်ႇယဵၼ်း ၸင်ႇမီး ၶဝ်ႈသႃလိပဵၼ်ယွမ်ႇယွမ်ႇ ။

 

(သိုပ်ႇမႃးသတ်းၸိူဝ်းၼၼ်ႉၸူႉတုမ်ၵၼ်ပဵၼ်ၸုမ်းၸုမ်းသေတိူင်ႇပၢင်ႇၵၼ် ထိုင်လွင်ႈပေႃႇမီးမႃးၶွင်ဢၵုသူလ်ႇတၢင်းလၢႆဢၼ်ပဵၼ်ဝူတ်ႈၵၢမ်ႇ ႁဵတ်းႁႂ်ႈ သတ်းၸိူဝ်းၼႆႉ ဢၼ်ယၢမ်ႈပဵၼ်ၽူႈတဵမ်ထူၼ်ႈတၢင်းၸႂ် မီးပီႇတီႇပဵၼ်တၢင်း ၵိၼ် မီးရသမီႁိူဝ်ႈလႅင်းဢွၵ်ႇၸွမ်းတူဝ် မီးဝိမၢၼ်ႇယူႇၼႂ်းလူမ်းဢႃႇၵႃႇသ ၵႂႃႇမႃးလႆႈၼႂ်းလူမ်း ယဝ်ႉၵေႃႈလႆႈမီးၵၢၼ်ပိၼ်ႇလၢႆႈမႃးၸိူင်ႉၼႆ တေႃႇပေႃးထိုင် မႃးၼႂ်းပၢၼ်ဢၼ်လႆႈယူႇသဝ်းလူၺ်ႈလႆႈၵိၼ်ၶဝ်ႈသႃလိ ဢၼ်မီးႁမ်းလႄႈၵႅပ်ႇ ႁူမ်ႉႁေႃႇမဵတ်ႉ တူၼ်ႈဢၼ်ထုၵ်ႇၵဵပ်းယဝ်ႉၵေႃႈဢမ်ႇမီးဢၼ်မႂ်ႇငွၵ်ႈၶိုၼ်ႈတႅၼ်း ၶိုၼ်း ၸင်ႇႁၼ်ဝႃႈမီးလွင်ႈယၢပ်ႇယဵၼ်း ၊ ဝၢႆးၼၼ်ႉၸင်ႇမီးလွင်ႈမႅင်ႇၶဝ်ႈသႃလိ ၵၼ်လႄႈမီးၵၢၼ်မႅင်ႇလႅၼ်ၶႅၼ်ႈၵၼ်)

ဝသဵတ်ထ လႄႈ ၽႃရထဝႃသ ! ပွၵ်ႈၼၼ်ႉလႄႈ သတ်းၽူႈၼိုင်ႈပဵၼ်ၵူၼ်း လေႃးၽ ၶွင်တူဝ်ၵဝ်ႇၼၼ်ႉဢမ်ႇၶႂ်ႈယ သမ်ႉၵႂႃႇႁႃဢဝ်ၶွင်ပိူၼ်ႈဢၼ်ပိူၼ်ႈ ဢမ်ႇလႆႈမႅင်ႇၼၼ်ႉမႃးၵိၼ်

သတ်းတၢင်းလၢႆၸိူဝ်းၼၼ်ႉၸင်ႇၸွႆႈၵၼ်တီႉၺွပ်းသတ်းၽူႈၼၼ်ႉ သေပၼ် ၶေႃႈၾၢင်ႉၼင်ႇၼႆဝႃႈ ၼႆႉသတ်းၽူႈမၢၵ်ႈဢူၺ်ႉ! ၸဝ်ႈယႃႇပေႁဵတ်းလွင်ႈဢမ်ႇ မၢၼ်ႇမႅၼ်ၸိူင်ႉၼႆထႅင်ႈ တီႈၶွင်ၸဝ်ႈၵဝ်ႇၵေႃႈမီးဝႆႉယူႇသမ်ႇၵႂႃႇႁႃဢဝ်ၶွင်ပိူၼ်ႈ မႃးၵိၼ်

ၸဝ်ႈယႃႇပေႁဵတ်းလွင်ႈမိူၵ်ႈလိူင်းၸိူင်ႉၼင်ႇၼႆ သတ်းၽူႈၼၼ်ႉၸင်ႇႁပ်ႉၵႂၢမ်း ၶွင်သတ်းၸိူဝ်းၼၼ်ႉယူႇ။

ၼႂ်းၵမ်းပွၵ်ႈသွင် သတ်းၽူႈၼၼ်ႉၵေႃႈယင်းတိုဝ်တၼ်ႁဵတ်းၸိူင်ႉၼၼ်ထႅင်ႈ သတ်းတၢင်းလၢႆၸင်ႇၸွႆႈၵၼ်တိၺွပ်းသတ်းၽူႈၼၼ်ႉၼၼ်ႉယဝ်ႉပၼ်ၾၢင်ႉ ထႅင်ႈ။

ၼႂ်းၵမ်းပွၵ်ႈသွင် သတ်းၽူႈၼၼ်ႉၵေႃႈယင်းတိုဝ်တၼ်ႁဵတ်းၸိူင်ႉၼၼ်ထႅင်ႈ သတ်းတၢင်းလၢႆၸင်ႇၸွႆႈၵၼ်တိၺွပ်းသတ်းၽူႈၼၼ်ႉၼၼ်ႉယဝ်ႉပၼ်ၾၢင်ႉဝႃႈ ၼႆႉသတ်းၽူႈမၢၵ်ႈဢူၺ်ႉ! ၸဝ်ႈယႃႇပေႁဵတ်းလွင်ႈဢမ်ႇ မၢၼ်ႇမႅၼ်ၸိူင်ႉၼႆ ထႅင်ႈ တီႈၶွင်ၸဝ်ႈၵဝ်ႇၵေႃႈမီးဝႆႉယူႇသမ်ႇၵႂႃႇႁႃဢဝ်ၶွင်ပိူၼ်ႈ မႃးၵိၼ် ၸဝ်ႈယႃႇပေႁဵတ်းလွင်ႈမိူၵ်ႈလိူင်းၸိူင်ႉၼင်ႇၼႆ။

သတ်းမၢင်ၸိူဝ်းၸႂ်ႉၽႃႇမိုဝ်းတူပ်းသႂ်ႇၽွင်ႈ သတ်းမၢင်းၸိူဝ်းၸႂ်ႉၵွၼ်ႈလိၼ် ၽၢတ်ႇသႂ်ႇၽွင်ႈ မၢင်ၸိူဝ်းၸႂ်ႉပွတ်းမႆႉပေႃႉႁႅမ်ၽွင်ႈ ။

ၵွပ်ႈလွင်ႈတၢင်းပဵၼ်ၸိူင်ႉၼႆ သိုပ်ႇမႃး လွင်ႈယိပ်းဢဝ်ၶူဝ်းၶွင်ဢၼ်ၸဝ်ႈပိူၼ်ႈ ဢမ်ႇပၼ်ၸိုင်မီးမႃး ၶေႃႈပၼ်ၾၢင်ႉၸိုင်မီးမႃး လွင်ႈလၢတ်ႈၸႃႇၶေႃႈၵႂၢမ်းဢမ်ႇ ၸိုဝ်ႈဢမ်ႇၸႂ်ႈၸိုင်မီးမႃး လွင်ႈယိပ်းၶွၼ်ႉမႆႉၸိုင်မီးမႃး ။

မိူဝ်ႈၼၼ်ႉလႄႈသတ်းၸိူဝ်းပဵၼ်ယႂ်ႇ ၸင်ႇဢုပ်ႇၵုမ်ၵၼ်သေ ယၢမ်းၼၼ်ႉၸင်ႇ ဢုပ်ႇၵၼ်ဝႃႈ ၸဝ်ႈၽူႈမၢၵ်ႈႁဝ်းၶဝ်တၢင်းလၢႆဢူၺ်! လွင်ႈယိပ်းဢဝ်ၶူဝ်းၶွင် ဢၼ်ၸဝ်ႈၶွင်ဢမ်ႇလႆႈမႅင်ႇပၼ်တေမီးမႃး ၶေႃႈပၼ်ၾၢင်ႉတေမီးမႃး လွင်ႈ လၢတ်ႈၸႃၵႂၢမ်းဢမ်ႇၸိုဝ်ႈဢမ်ႇၸႂ်ႈတေမီးမႃး လွင်ႈၸႂ်ႉၶွၼ်ႉမႆႉတေမီးမႃး ၼႂ်းဢၵုသူလ်လထမ်းဢၼ်ပဵၼ်ဝူတ်ႈၵၢမ်ႈလႂ် ၼႂ်းယၢမ်းၼႆႉ ဢၵုသူလ်လ ထမ်းဢၼ်ပဵၼ်ဝူတ်ႈၵၢမ်ႇတၢင်းလၢႆၸိူဝ်းၼၼ်ႉၵိူတ်ႇၶိုၼ်ႈမႃးယဝ်ႉၼႂ်းသတ်းတၢင်းလၢႆ ယႃႇႁဵတ်းၼၼ်ယဝ်ႉ

ၸိူဝ်းႁဝ်းတၢင်းလၢႆ တေတႅင်ႈတင်ႈ (သမုတိ) သတ်းၽူႈၼိုင်ႈႁႂ်ႈပဵၼ်ၽူႈဝႃႈ ၵၢဝ်ႇၽူႈဢၼ်ၵိုင်ႇလီဝႃႈၵၢဝ်ႇ ႁႂ်ႈပဵၼ်ၽူပၼ်ၾၢင်ႉၽူႈဢၼ်ၵိုင်ႇလီပၼ်ၾၢင်ႉ ႁႂ်ႈပဵၼ်ၽူႈႁေႃႈလိုပ်ႈၽူႈဢၼ်ၵိုင်ႇလီႁေႃႈလိုပ်ႈၼင်ႇမၢၼ်ႇမႅၼ်ႈၸိူဝ်းႁဝ်းတေ မႅင်ႇပၼ်ၶဝ်ႈသႃလိပိူဝ်ႈပဵၼ်လွင်ႈတွပ်ႇတႅၼ်းၽူႈၼၼ်ႉၼင်ႇၼႆ

ပေႃးယဝ်ႉသတ်းတၢင်းလၢႆၸိူဝ်းၼၼ်ႉၸင်ႇဢွၼ်ၵၼ်ၶဝ်ၵႂႃႇႁႃသတ်းၽူႈဢၼ် မီးတၢင်းႁၢင်ႈလီလိူဝ် ဢၼ်လီယဵမ်ႈလီတူၺ်း ဢၼ်လီယုမ်ႇယမ် ဢၼ်ၵႅၼ်ႇ ၶႅင်လိူဝ် ယဝ်ႉၸင်ႇမွၵ်ႇလၢတ်ႈဝႃႈ မႃးလူၸဝ်ႈၽူႈမၢၵ်ႈဢူၺ် ယွၼ်းႁႂ်ႈသူပဵၼ် ၽူႈၵၢဝ်ႇလၢတ်ႈၽူႈဢၼ်ၵိုင်ႇလီၵၢဝ်ႇလၢတ်ႈ ပၼ်ၾၢင်ႉၽူႈဢၼ်ၵိုင်ႇလီပၼ် ၾၢင်ႉ ႁေႃႈလိုပ်ႈၽူႈဢၼ်ၵိုင်ႇလီႁေႃႈလိုပ်ႈၶႃႈလႄႈ  ၸိူဝ်းႁဝ်းၶႃႈတေမႅင်ႇ ပၼ်ၶဝ်ႈသႃလိပိူဝ်ႈတႃႇသူ” သတ်းၽူႈၼၼ်ႉၸင်ႇႁပ်ႉၶေႃႈၵႂၢမ်းၼၼ်ႉယဝ်ႉ ၸိုင်ၵၢဝ်ႇလၢတ်ႈၽူႈဢၼ်ၵိုင်ႇလီၵၢဝ်ႇလၢတ်ႈ ၸိုင်ပၼ်ၾၢင်ႉၽူႈဢၼ်ၵိုင်ႇ လီပၼ်ၾၢင်ႇ ၸိုင်ႁေႃႈလိုပ်ႈၽူႈဢၼ်ၵိုင်ႇလီႁေႃႈလိုပ်ႈၼင်ႇမၢၼ်ႇမႅၼ်ႈ ။

လႄႈသတ်းၸိူဝ်းၼၼ်ႉၵေႃႈမႅင်ႇၶဝ်သႃလိပၼ်သတ်းၽူႈပဵၼ်ႁူဝ်ႈၼႃႈၼၼ်ႉ ၵွပ်ႈလွင်ႈပဵၼ်ႁူဝ်ၼႃႈဢၼ်မႁႃၽူႈၵူၼ်းတႅင်ႇတင်ႈ (သမုတိ)ၼၼ်ႉ ဢၵ်ၶရဝႃႈ မႁႃၽူႈၵူၼ်းတႅင်ႇတင်ႈ(မႁႃသမုတိ) ၸိုင်ၵိူတ်ႇၶိုၼ်ႈ ဢွၼ်တၢင်း သုတ်း

ၵွပ်ႈလွင်ႈဢၼ်ပဵၼ်ႁူဝ်ၼႃႈၽူႈပဵၼ်ယႂ်ႇၶွင်ပိုၼ်ႉတီႈတၢင်းလၢႆၼၼ်ႉ ဢၵ်ၶရ ဝႃႈ ၶုၼ်ႁေႃၶမ်း(ၶတ်တိယ)ၸိုင်ၵိူတ်ႇၶိုၼ်ႈပဵၼ်တွၼ်ႈသွင်

ၵွပ်ႈလွင်ဢၼ်ပဵၼ်ႁူဝ်ၼႃႈၽူႈပဵၼ်ယႂ်ႇၼႂ်းၸုမ်းၵူၼ်းတၢင်ႇၸိူဝ်းႁႂ်ႈမီးတၢင်း သိူဝ်း ၸိုင်ဢၵ်ၶရ ဝႃႈ ရႃႇၸႃႇ(ရၸ)ၸိုင်ၵိူတ်ႇၶိုၼ်ႈပဵၼ်တွၼ်ႈထိသၢမ်။

လူၺ်ႈလွင်ႈတၢင်းဢၼ်လၢတ်ႈမႃးၼႆႉ လွင်ႈၵိူတ်ႇၶိုၼ်ႈၶွင်ၶုၼ်ႁေႃၶမ်းၸင်ႇမီး ၶိုၼ်ႈလႆႈ ၵွပ်ႈဢၵ်ၶရ တီႈႁူႉၸၵ်းၵၼ်ဝႃႈပဵၼ်ၶွင်လီ ပဵၼ်ၶွင်ၵဝ်ႇၵွၼ်ႇၸိူင်ႉၼႆ လွင်ႈၶွင်သတ်းၸိူဝ်ၼၼ်ႉ တေပိူင်ႈၵၼ်ႁိုဝ်မိူၼ်ၵၼ် တေဢမ်ႇပိူင်ႈၵၼ်ႁိုဝ် ဢမ်ႇမိူၼ်ၵၼ် ၵေႃႈလူၺ်ႈထမ်းၼၼ်ႉၵူၺ်း ဢမ်ႇၸႂ်ႈၼွၵ်ႈလိူဝ်ထမ်း

လွင်ႈမၢၼ်ႇမႅၼ်ႈ ထမ်းၼၼ်ႉၵူၺ်းပဵၼ်လွင်ႈသုင်သုတ်းၼႂ်းမူႇၽူႈၵူၼ်း တၢင်း လၢႆ တင်းၼႂ်းယၢမ်းလဵဝ်(တိၵ်ထထမ်း) ၼႂ်းၽၢႆႇၼႃႈ(ဢၽိသမ်ပရႃယ) ။

မိူဝ်ႈၼၼ်ႉလႄၾသတ်းမၢင်ၸုမ်းလႆႈမီးတၢင်းဝူၼ်ႉၶိုၼ်ႈၸိူင်ႉၼႆဝႃႈ ၸဝ်ႈၽူႈ မၢၵ်ႈဢူၺ် ! လွင်ႈယိပ်းဢဝ်ၶူဝ်းၶွင်ဢၼ်ၸဝ်ႈပိူၼ်ဢမ်ႇပၼ် တေပေႃႇ ၶေႃႈ ၵႂၢမ်းပၼ်ၾၢင်ႉ တေပေႃႇ လွင်ႈလၢတ်ႈၸႃပႅတ်ႉလႅၼ်တေပေႃႇ လွင်ႈယိပ်းၶွၼ်ႉ မႆႉတေပေႃႇ လွင်ႈ ႁေႃႈလိုပ်ႈတေပေႃႇမႃး ၼႂ်းၵွပ်ႈဢၵုသူလ်လထမ်းဢၼ်ပဵၼ် ဝူတ်ႈၵၢမ်ႇၸိူဝ်းလႂ် ဢၵုသူလ်လထမ်းဢၼ်ပဵၼ်ဝူတ်ႈၵၢမ်ႇတၢင်းလၢႆလႆႈၵိူတ်ႇ ၶိုၼ်ႈယဝ်ႉၼႂ်းသတ်းတၢင်းလၢႆ ယႃႇႁဵတ်းၼၼ်လႃႈ

ၸိူဝ်းႁဝ်းထုၵ်ႇလီၵႂႃႇပွႆႇဢၵုသူလ်လထမ်ဢၼ်ပဵၼ်ဝူတ်ႈၵၢမ်ႇၼႆလႃႈၼင်ႇၼႆ မိူဝ်ႈၼၼ်ႉသတ်းၸိူဝ်းၼၼ်ႉၸင်ဢွၼ်ၵၼ်ၵႂႃႇပွႆႇပႅတ်ႈဢၵုသူလ်လထမ်းဢၼ်ပဵၼ်ဝူတ်ႈၵၢမ်ႇၼၼ်ႉယူႇ

ၵွပ်ႈလွင်ႈသတ်းၸိူဝ်းၼၼ်ႉပွႆႇပႅတ်ႈဢၵုသူလ်လထမ်းဢၼ်ပဵၼ်ဝူတ်ႈၵၢမ်ႇယူႇ ၸိူင်ႉၼၼ် ၸိုင်ဢၵ်ၶရဝႃႈ ၽရၢမ်းႁမ(ၽံရႁံမၼ)ၸိုင်ၵိူတ်ႇၶိုၼ်ႈဢွၼ် တၢင်းသုတ်း (ၽရၢမ်းႁမ ၼႂ်းၽႃႇသႃႇတႆးပွင်ႇဝႃႈပုင်ႇၼႃး)

ၽရၢမ်းၸိူဝ်းၼၼ်ႉဢွၼ်ၵၼ်ႁဵတ်းသုမ်ႉမုင်းတွင်လႄႈၵင်ႈမႂ်တွင်ၼႂ်းႁၢဝ်းပႃႇ ၼင်သမ်မႃထိယူႇၼႂ်းသုမ်ႉမုင်းတွင်လႄႈၵင်ႈမႂ်မႆႉၼၼ်ႉ

ၸိူဝ်းၶဝ်ဢမ်ႇမီးလွင်ႈႁုင်တူမ်ႈ ဢမ်ႇႁုင်ၶဝ်ႈၼႂ်းယၢမ်းယဵၼ် လႄႈ ယၢမ်းၸဝ်ႉ ၸိူဝ်းၶဝ်ၸင်ႇဢွၼ်ၵၼ်တၢင်းၵိၼ်ၼႂ်းမူႇဝၢၼ်ႈ ၼႂ်းမိူင်း သေမႃး ၵိၼ်ၼႂ်း ယၢမ်းၸဝ်ႉလႄႈယၢမ်းယဵၼ် ၊ ၶဝ်ၸိူဝ်းၼၼ်ႉမိူဝ်ႈလႆႈတၢင်းၵိၼ်မႃးယဝ်ႉၸိုင်ပႃး ၵၼ်ၶဝ်ႈၵႂႃႇၶိုၼ်းၼႂ်းပႃႇထိူၼ်ႇၼင်ႈသမ်မႃထိယူႇၼႂ်းသုမ်ႉဢၼ်မုင်းမႂ်မႆႉ လႄႈ ၵင်ႈမႂ်မႆႉၼၼ်ႉထႅင်ၾၼင်ႇၼၼ်။

ၵွပ်ႈလွင်ႈတၢင်းၸိူင်ႉၼႆၸိုင်ဢၵ်ၶရဝႃႈ ၽူႈမီးသၢၼ်ႇၽူႈမီးသၢၼ်ႇ(သႃယိၵႃ) ၸိုင်ၵိူတ်ႇၶိုၼ်ႈပဵၼ်တွၼ်ႈသွင် ၊

ၼႂ်းၵႃႈသတ်းတၢင်းလၢႆၸိူဝ်းၼၼ်ႉမၢင်ၸိူဝ်းဢမ်ႇၶဝ်ႈထိုင်သၢၼ်ႇလႆႈတီႈသုမ်ႉဢၼ်မုင်းလႄႈၵင်ႈမႂ်မႆႉတီႈၼႂ်းႁၢဝ်းပႃႇၼၼ်ႉ ၸင်ၶဝ်ႈၵႂႃႇယူႇတီႈၼႂ်း ဝၢၼ်ႈၼႂ်း မိူင်းႁိမ်းႁွမ်းသေၶပ်းၶိုင်ႁဵတ်းသၢင်းပပ်ႉၵျၢမ်းၵႂၢမ်းသွၼ်ယူႇ

ၵူၼ်းတၢင်းလၢႆႁၼ်တၢင်းႁဵတ်းသၢင်ႈၶွင်မူႇ ၽရၢမ်း /ပုင်ႇၼႃး (ၽရႁမ) ၸိူဝ်းၶဝ်ၼင်ႇၼၼ်ယဝ်ႉ ၸင်ႇလၢတ်ႈၼင်ႇၼႆဝႃႈၸဝ်ႈၽူႈမၢၵ်ႈဢူၺ်! သတ်း ၸိူဝ်းၼႆႉဢမ်ႇဢွင်ႇမၢၼ်ၼႂ်းလွင်ႈသၢၼ်ႇတီႈသုမ်ႉဢၼ်မုင်းလႄႈၵင်ႈမႂ်မႆႉၼႂ်း ပႃႇလႆႈ လႄႈ ၶဝ်ႈမႃးၼႂ်းဝၢၼ်ႈၼႂ်းမိူင်းၶပ်းၶိုင်ပပ်ႉၵျၢမ်းယူႇ

ယၢမ်းၼႆႉၶဝ်ၸိူဝ်းၼၼ်ႉဢမ်ႇယူႇတီႈသုမ်ႉဢၼ်မုင်းလႄႈၵင်ႈမႂ်မႆႉတီႈၼႂ်းႁၢဝ်းပႃႇၼၼ်ႉယဝ်ႉၼင်ႇၼႆ

ၵွပ်ႈလွင်တၢင်းၸိူင်ႉၼႆသေ ၸိုင်ဢၵ်ၶရဝႃႈ ဢသ်သႃယိၵႃ ဢသ်သႃယိၵႃ (ဢသ်သယိၵႃ) ၸိုင်ၵိူတ်ႇၶိုၼ်ႈပဵၼ်တွၼ်ႈထိသၢမ် ။

မိူဝ်ႈပၢၼ်ၼၼ်ႉ လွင်ႈမၢတ်ႈတွင်း လွင်ႈသွၼ် လွင်ႈမွၵ်ႇလၢတ်ႈမုၼ်းၵႃႇထႃႇ ထုၵ်ႇသွၼ်ႇဝႃႈပဵၼ်လွင်ႈဢမ်ႇလီ ၊ မႃးၼႂ်းယၢမ်းၼႆႉ သမ်ႉသွၼ်ႇဝႃႈပဵၼ်လွင်ႈ လီသုတ်း

လူၺ်ႈတၢင်းတင်လၢတ်ႈမႃးၼႆႉ လွင်ႈၵိူတ်ႇၶိုၼ်ႈမီးမႃးၶွင်ၸုမ်းၵူၼ်းပုင်ႇၼႃး (ၽရၢမ်း)ၸိုင်မီးၶိုၼ်ႈလႆႈ

ၼႂ်းၵႃႈသတ်းတၢင်းလၢႆၸိူဝ်းၼၼ်ႉ သတ်းမၢင်ၸိူဝ်းယိုတ်းမၼ်ႈၼႂ်းလွင်ႈၵႃႇမ သေႁဵတ်းၵၢၼ်ႁႃလဵင်ႉတွင်ႉၼၼ်ႉလႄႈ ၸိုင်ဢၵ်ၶရဝႃႈ ဝဵသ်သႃ ဝဵသ်ႉသႃ (ဝိသ်သ) ၸိုင်ၵိူတ်ႇၶိုၼ်ႈၼင်ႇလၢၼ်ႈမႃးလူၺ်ႈလွင်ႈတၢင်းၸိူင်ႉၼႆ လွင်ႈၵိူတ်ႇ ၶိုၼ်ႈၶွင် ဝလ်ၼတင်းသီႇ ၸိုင်ၵိူတ်ႇၶိုၼ်ႈလႆႈ။

ၼႂ်းၵႃႈသတ်းၸိူဝ်းၼၼ်ႉမၢင်ၸိူဝ်းႁဵတ်းပဵၼ်ၵူၼ်းမိူၵ်ႈလိူင်း ႁၢင်ႈႁၢႆႉႁဵတ်း ၵၢၼ် ၸၼ်ႉတႅမ်ႇ လူၺ်ႈလွင်ႈဢၼ်သတ်းၼၼ်ႉႁဵတ်းလွင်ႈမိူၵ်ႈလိူင်းႁၢင်ႈႁၢႆႉ ႁဵတ်းၵၢၼ်ၸၼ်ႇတႅမ်ႇၼၼ်ႉလႄႈ ၸိုင်ဢၵ်ၶရဝႃႈ သုတ်ႉၻႃ သုတ်ၻႃ(သုꩪႃ)  ၼင်ႇလၢတ်ႈမႃးၼႆႉ လွင်ႈၵိူတ်ႇၶိုၼ်ႈၶွင်မူႇသုတ်ꩪရၸိုင်ၵိူတ်ႇၶိုၼ်ႈလႆႈ ။

ပၢၼ်မိူဝ်ႈ ၸၢဝ်းၶုၼ်ႁေႃၶမ်းၽွင်ႈ ၊ ၸၢဝ်းၽရၢမ်ႁမ ပုင်ႇၼႃးၽွင်ႈ ၊ ၸၢဝ်းၽႅသ်ယၽွင်ႈ ၊ ၸၢဝ်းသုတရၽွင်ႈ ႁၼ်ပိူင်ႈၼႂ်း ထမ်းၶွင်ၶဝ် ၸင်ႇဢွၵ်ႇ ယၢၼ်ႁိူၼ်းႁဵတ်းပဵၼ်ၸဝ်ႈရႁၢၼ်းလူၺ်ႈတၢင်းဢဵၼ်ဢၢၼ်းဝႃႈ ႁဝ်းတေပဵၼ် သႃမၼ ၼင်ႇဢၼ်လၢၼ်ႈမႃးၼႆႉ မူႇသႃမၼၸိုင်ၵိူတ်ႇၶိုၼ်ႈလႆႈတီႈဝၼ်ႇၼ တင်းသီႇၸိူဝ်းၼႆႉ ။

ၶုၼ်ႁေႃၶမ်းၵေႃႈလီ ၊ ၽရၢမ်ႁမ ပုင်ႇၼႃးၵေႃႈလီ ၊ ၽႅသ်ယၵေႃႈလီ ၊ သုတရၵေႃႈလီ ၊ သႃမၼၵေႃႈလီ မီးတၢင်းယၢမ်ႈၼႂ်းၵႃႇယတုၸလိူၵ်ႈ ဝၸီႇ တုၸလိူၵ်ႈ မၼေႃးတုၸလိူၵ်ႈ ပဵၼ်မိၵ်ႉသႃႇတိၵ်ႉထိ ၵွပ်ႈယိုတ်းမၼ်းၵၢမ်ႇ လူၺ်ႈဢၢမ်းၼၢတ်ႈမိၵ်ႉသႃတိၵ်ႉထိပဵၼ်လွင်ႈတၢင်း

ပိူင်ႈၼႃႈမိူဝ်ႈတၢင်းတၢႆမႃးထိုင် ၸင်ႇၶဝ်ထိုင် ဢပႃႇယ ထုၶတိ ဝိၼိပၢတ်ႇ ငရၢႆး တၢင်းသဵင်ႈ

ၶုၼ်ႁေႃၶမ်းၵေႃႈလီ ၊ ၽရၢမ်ႁမ ပုင်ႇၼႃးၵေႃႈလီ ၊ ၽႅသ်ယၵေႃႈလီ ၊ သုတရၵေႃႈလီ ၊ သႃမၼၵေႃႈလီ မီးတၢင်းယၢမ်ႈၼႂ်းၵႃႇယသုၸလိူၵ်ႈ ဝၸီႇ သုၸလိူၵ်ႈ မၼေႃးသုၸလိူၵ်ႈ ပဵၼ်သမ်မႃသႃႇတိၵ်ႉထိ ၵွပ်ႈယိုတ်းမၼ်းၵၢမ်ႇ လူၺ်ႈဢၢမ်းၼၢတ်ႈသမ်မႃတိၵ်ႉထိပဵၼ်လွင်ႈတၢင်း ပိူင်ႈၼႃႈမိူဝ်ႈတၢင်းတၢႆမႃး ထိုင် ၸင်ႇၶဝ်ထိုင် သုၶတိ မိူင်းၽီ

ၶုၼ်ႁေႃၶမ်းၵေႃႈလီ ၊ ၽရၢမ်ႁမ ပုင်ႇၼႃးၵေႃႈလီ ၊ ၽႅသ်ယၵေႃႈလီ ၊ သုတရၵေႃႈလီ ၊ သႃမၼၵေႃႈလီ လႆႈႁဵတ်းၵၢမ်ႇတင်းသွင်ၼႆႉယူႇတၢၼ်ႇတၢၼ်ႇ ဢၼ်ပဵၼ် (တုၸလိူၵ်ႈ လႄႈ သုၸလိူၵ်ႈ)လူၺ်ႈတူဝ်ၵႃႇယ

ႁဵတ်းၵၢမ်ႇတင်းသွင်လူၺ်ႈဝႃၸႃ ႁဵတ်းၵၢမ်ႇတင်းသွင်လူၺ်ႈၸႂ် မီးတၢင်းႁၼ် ၶူၼ်းၶဝ်ႈလေႃးၵၼ် ၵွပ်ႈယိုတ်းၵမ်ဢဝ်တၢင်းႁဵတ်းဢၢမ်းၼၢတ်ႈတၢင်းႁၼ် ၶူၼ်းလေႃးၵၼ်ပဵၼ်လွင်ႈတၢင်း ပိူင်ႈၼႃႈမိူဝ်ႈတၢင်းတၢႆမႃးထိုင် ၸင်ႇလႆႈၸၢမ်ႇ တၢင်းသိူဝ်းၽွင်ႈ ၶၢမ်ႇတၢင်းတုၵ်ႉၶၽွင်ႈ

ၶုၼ်ႁေႃၶမ်းၵေႃႈလီ ၊ ၽရၢမ်ႁမ ပုင်ႇၼႃးၵေႃႈလီ ၊ ၽႅသ်ယၵေႃႈလီ ၊ သုတရၵေႃႈလီ သႂ်ႇၸႂ်လွင်ႈတူဝ်ၵႃႇယ သႂ်ႇၸႂ်လွင်ႈလၢတ်ႈၸႃ သႂ်ႇၸႂ်လွင်ႈၸႂ် ပိုင်ႈဢဝ်လွင်ႈၶိုၼ်ႈယႂ်ႇၼႂ်းပၵ်ၶီယထမ်းတင်း ၸဵတ်း ပိူင်ၼႆႉယဝ်ႉ ၸင်ႇ ပရိၼိပ်ႉပၢၼ်ႇၼႂ်းၸၢတ်ႈပၢၼ်ယၢမ်းလဵဝ်

ၼႂ်းၵႃႈ ဝၼ်ႇၼတင်းသီႇၼႆႉ ဝၼ်ႇၼလႂ် ပဵၼ်ၽိၵ်ၶူ သဵင်ႈဢႃႇသဝယဝ်ႉ မီးၽၢင်ႁၢင်ႈသုတ်းသဵင်ႈယဝ်ႉ မီးၵၢၼ်ဢၼ်ၵိုင်ႇလီႁဵတ်းၵေႃႈယဝ်ႉတူဝ်ႈယဝ်ႉ ဝၢင်းၽႃႇလႆႈယဝ်ႉ လႆႈႁူႉထိုင်ၽွၼ်းလီတူဝ်ၵဝ်ႇယဝ်ႉ မူတ်းလွင်ႈၵဵဝ်ႈၽၼ်ႈ ၼႂ်းၽဝယဝ်ႉ လုတ်ႈပူၼ်ႉယဝ်ႉ ၵွပ်ႈႁူႉထိုင်လွင်ႈမၢၼ်ႇမႅၼ်ႈယဝ်ႉ ဝၼ်ႇၼၼၼ်ႉ ၸင်ႇဝႃႈတွၼ်းလိူဝ်သုတ်းလိူဝ်ၵူၼ်းတၢင်းလၢႆၼင်ႇမၢၼ်ႇမႅၼ်ႈ ဢမ်ႇၸႂ်ႈၼွၵ်ႈ ၼိူဝ်ထမ်းၼႆႉ

လွင်ႈတႄႉမၼ်းထမ်းၼၼ်ႉၵူၺ်းပဵၼ်ၶွင်ဢၼ်သုတ်းတွၼ်းလိူဝ်သုတ်း ၼႂ်းမူႇ ၵူၼ်းတၢင်းလၢႆ ဢမ်ႇဝႃႈၼႂ်းယၢမ်းၼႆႉ ႁိုဝ် ၼႂ်းၽၢႆႇၼႃႈ

ၶုၼ်ႁေႃၶမ်းပဵၼ်ၽူႈဢၼ်တွၼ်းလိူဝ်သုတ်းၼႂ်းမူႇၵူၼ်းတၢင်ႈလၢႆ

ၽူႈထိုင်ၽွမ်ႉလူၺ်ႈဝိၸႃႇ လႄႈ ၸရႃၼ ပဵၼ်ၽူႈဢၼ်တွၼ်းလိူဝ်သုတ်း ၼႂ်းမူႇတေႇဝတႃႇ လႄႈ မူႇမၼုသ (ၵူၼ်းတၢင်းလၢႆ ။

ၶေႃႈမုလ်းပီတၵတ်ႈၽၢႆႇထႆး

ၸိုဝ်ႈ ပတိၵဝႂၵ်ႈ ထိၶၼိၵႃယ 11/92-107/56-72

 -บาลี ปา. ที. ๑๑/๙๒-๑๐๗/๕๖-๗๒.