လွင်ႈမီးၶိုၼ်ႈၶွင် တထႃၶတ ၽြႃးပဵၼ်ၸဝ်ႈ မီးလႆႈယၢပ်ႇၼႃႇၼႂ်းလေႃႈၵၼႆႉ [႑]

 

လွင်ႈမီးၶိုၼ်ႈၶွင် တထႃၶတ ၽြႃးပဵၼ်ၸဝ်ႈ မီးလႆႈယၢပ်ႇၼႃႇၼႂ်းလေႃႈၵၼႆႉ  [႑]

[ၶေႃႈမုလ်းပီတၵတ်ႈၽၢႆထႆး -ปาลิ. เอก. อํ. ๒๐ / ๒๙ / ๑๔๐ ၊  –ปาลิ. จตุกฺก. อํ. ๒๑/๑๗๗/๑๒๘]

 

ၽိၵ်ၶူတၢင်းလၢႆ ! လွင်ႈမီးၶိုၼ်ႈၶွင်ပူၵ်ႉၵူလ်ႇဢၼ်သုတ်းတွၼ်းၼႆႉ ဢၼ်မီး ႁူမ်ႈၵၼ်ပဵၼ်သွင်ၼႆႉ မီးလႆႈယၢပ်ႇ ၼႃႇၼႂ်းလေႃးၵလူင်ၼႆႉ ၽႂ်သမ်ႉ ပဵၼ် ပုၵ်ႉၵူလ်ႇဢၼ်သုတ်းတွၼ်းလႃႇ?

 

တထႃၶတၽူႈပဵၼ်ဢရႁံတႃသံမႃသံၿုတ်ႉထ ၽူႈႁူႉၸႅင်ႈဢဝ်ႁင်းၵူၺ်း ၼၼ်ႉပဵၼ်ပူၵ်ႉၵူလ်ႇဢၼ်သုတ်းတွၼ်း ဢၼ်ဢမ်ႇမီးႁူမ်ႈၵၼ်ပဵၼ်သွင်

 

ၽိၵ်ၶူတၢင်းလၢႆ ! လွင်ႈမီးၶိုၼ်ႈၶွင်ပူၵ်ႉၵူလ်ႇဢၼ်သုတ်းတွၼ်ႈၼႆႉယဝ်ႉ မီးလႆႈယၢပ်ႇၼႃႇ ၼႂ်းလေႃးၵၼႆႉ

 

ၽိၵ်ၶူတၢင်းလၢႆ ! ၵွပ်ႈလွင်ႈဢၼ်တထႃၶတ ၽူႈဢရႁံတႃသံမႃသံၿုတ်ႉထ ၵိူတ်ႇၶိုၼ်ႈ ၸိုင်မီးလွင်ႈဢသၸၺ် ဢၼ်ဢမ်ႇတွၼ်ႉႁၼ် သီႇ ပိူင်ၼႆႉမီး ၶိုၼ်ႈ  သီႇပိူင်ၼၼ်ႉပဵၼ်ဢီႈသင်?

 

(႑) ၽိၵ်ႉၶူတၢင်းလၢႆ ! ၽူႈၵူၼ်းတၢင်းလၢႆပဵင်းပေႃးၸႂ်ၼႂ်းၵၢမ်ႇမၵုင်ႇ  ယိၼ်းလီ ၼႂ်းၵၢမ်ႇမၵုင်ႇ မူၼ်ႈသိူဝ်းၼႂ်းၵၢမ်ႇမၵုင်ႇ မိူဝ်ႈတထႃၶတ ႁေႃး ၼေ ထမ်း ဢၼ်ဢမ်ႇၵပ်းၵၢႆႇၵၼ်တၢင်းၵၢမ်ႇမၵုင်ႇ ၽူႈၵူၼ်းတၢင်း လၢႆ ၸိူဝ်းၼၼ်ႉၵေႃႈ ထွမ်ႇထမ်း  ငႄႈႁူထွမ်ႇ တင်ႈၸႂ်ထွမ်ႇ ပိူဝ်ႈႁႂ်ႈပွင်ႇၸႂ်ႁူႉ တူဝ်ႈထိုင်

 

ၽိၵ်ႉၶူတၢင်းလၢႆ ! ၼႆႉပဵၼ်တီႈလီယွင်ႈယေႃး ဢၼ်ဢမ်ႇယၢမ်ႈမီး ပိူင်ထီ ၼိုင်ႈ  မီးၶိုၼ်ႈမႃး ၵွပ်ႈလွင်ႈၵိူတ်ႇၶိုၼ်းမႃးၶွင်တထႃၶတဢရႁံတႃသံမႃသံၿုတ်ႉထ ၽြႃးပဵၼ်ၸဝ်ႈ ။

 

(႒) ၽိၵ်ႉၶူတၢင်းလၢႆ ! ၽူႈၵူၼ်းတၢင်းလၢႆပေႃးၸႂ်ၼႂ်းတူဝ်ၵဝ်ႇ ယိၼ်းလီ ၼႂ်းတူဝ်ၵဝ်ႇ သူင်သိူဝ်းယူႇလူၺ်ႈတူဝ်ၸဝ်ႈၵဝ်ႇ  မိူဝ်ႈတထႃၶတ ႁေႃးၼေ

 

ထမ်းဢၼ်ၽဵဝ်ႈမူၺ်ႉပႅတ်ႈလွင်ႈထိုဝ်တူဝ်ၵဝ်ႇ ၽူႈၵူၼ်းတၢင်း လၢႆ ၸိူဝ်းၼၼ်ႉၵေႃႈ ထွမ်ႇထမ်း  ငႄႈႁူထွမ်ႇ တင်ႈၸႂ်ထွမ်ႇ ပိူဝ်ႈႁႂ်ႈပွင်ႇၸႂ်ႁူႉ တူဝ်ႈထိုင်

 

ၽိၵ်ႉၶူတၢင်းလၢႆ ! ၼႆႉပဵၼ်တီႈလီယွင်ႈယေႃး ဢၼ်ဢမ်ႇယၢမ်ႈမီး ပိူင်ထီ သွင်  မီးၶိုၼ်ႈမႃး ၵွပ်ႈလွင်ႈၵိူတ်ႇၶိုၼ်းမႃးၶွင်တထႃၶတဢရႁံတႃသံမႃ သံၿုတ်ႉထ ၽြႃးပဵၼ်ၸဝ်ႈ ။

 

(႓) ၽိၵ်ၶူတၢင်းလၢႆ ! ၽူႈၵူၼ်းတၢင်းလၢႆပဵင်းပေႃးၸႂ်ၼႂ်းလွင်ႈ သုၵ်ႉယုင်ႈ ဢမ်ႇၵတ်းယဵၼ် ယိၼ်းလီၼႂ်းလွင်ႈသုၵ်ႉယုင်ႈ ဢမ်ႇၵတ်းယဵၼ် သူင်သိူဝ်း ယူႇၼႂ်းလွင်ႈသုၵ်ႉယုင်ႈ ဢမ်ႇၵတ်းယဵၼ် မိူဝ်ႈတထႃၶတ ႁေႃး ၼေ ထမ်း ဢၼ်ပဵၼ်လွင်ႈၵတ်းယဵၼ် ၽူႈၵူၼ်းတၢင်း လၢႆ ၸိူဝ်းၼၼ်ႉ ၵေႃႈ ထွမ်ႇထမ်း  ငႄႈႁူထွမ်ႇ တင်ႈၸႂ်ထွမ်ႇ ပိူဝ်ႈႁႂ်ႈပွင်ႇၸႂ်ႁူႉ တူဝ်ႈထိုင်

 

ၽိၵ်ႉၶူတၢင်းလၢႆ ! ၼႆႉပဵၼ်တီႈလီယွင်ႈယေႃး ဢၼ်ဢမ်ႇယၢမ်ႈမီး ပိူင်ထီ သၢမ်  မီးၶိုၼ်ႈမႃး ၵွပ်ႈလွင်ႈၵိူတ်ႇၶိုၼ်းမႃးၶွင်တထႃၶတဢရႁံတႃသံမႃသံၿုတ်ႉထ ၽြႃးပဵၼ်ၸဝ်ႈ ။

 

(႔) ၽိၵ်ၶူတၢင်းလၢႆ ! ၽူႈၵူၼ်းတၢင်းလၢႆ ၶိုင်ပွင်ယူႇၸွမ်းလူၺ်ႈလွင်ႈ ဢဝိၸ်ၸႃႇ ပဵၼ်ၵူၼ်းမိုတ်ႉမွတ်ႇ ထုၵ်ႇလွင်ႈလပ်းသိင်ႇလူင်ႁူမ်ႇငမ်းဢဝ်ယဝ်ႉ မိူဝ်ႈတထႃၶတ ႁေႃးၼေထမ်းဢၼ်ၽဵဝ်ႈမူၺ်ႉပႅတ်ႈလွင်ႈ ဢဝိၸ်ၸႃႇ ၽူႈၵူၼ်းတၢင်း လၢႆ ၸိူဝ်းၼၼ်ႉၵေႃႈ ထွမ်ႇထမ်း  ငႄႈႁူထွမ်ႇ တင်ႈၸႂ်ထွမ်ႇ ပိူဝ်ႈႁႂ်ႈပွင်ႇၸႂ်ႁူႉ တူဝ်ႈထိုင်

 

ၽိၵ်ႉၶူတၢင်းလၢႆ ! ၼႆႉပဵၼ်တီႈလီယွင်ႈယေႃး ဢၼ်ဢမ်ႇယၢမ်ႈမီး ပိူင်ထီ သီႇ  မီးၶိုၼ်ႈမႃး ၵွပ်ႈလွင်ႈၵိူတ်ႇၶိုၼ်းမႃးၶွင်တထႃၶတဢရႁံတႃသံမႃသံၿုတ်ႉထ ၽြႃးပဵၼ်ၸဝ်ႈ ။