ထမ်ႇမမိူၼ်ၼင်ႇႁိူဝ်းပႄး

 #ထမ်ႇမမိူၼ်ၼင်ႇႁိူဝ်းပႄး

ထမ်ႇမသုတ်ႇတၽြႃးပဵၼ်ၸဝ်ႈႁေႃးဝႆႉဝႃႈ

တူၺ်းလူၽိၵ်ၶူတၢင်းလၢႆ ! တႅၵ်ႈၼိူင်းမိူၼ်ၼင်ႇၵူၼ်း(ပုရုသ်) ၽူႈဢွၵ်ႇတၢင်းၶၢဝ်းၵႆ ထူပ်းႁၼ်သၢႆၼမ်ႉယႂ်ႇ

ၽင်ႇၶၢင်ႈၼႆႉ လီဢိမ်ႇမိူဝ်ႇၸၢၼ်ႈ မီးၽေးဢၼ်တင်ႈယူႇၽၢႆႇၼႃႈ

ၽင်ႇၽၢႆႇပုၼ်ႉပဵၼ်တီႈၵတ်းယဵၼ် ဢမ်ႇမီးၽေး ၸိူင်ႉ

ၼင်ႇၼၼ် ၸိုင်ဝူၼ်ႉႁႃတၢင်းၶၢမ်ႇထိုင်ၽင်ႇပုၼ်ႉယူႇ

ၶူဝ် လႄႈ ႁိူဝ်းတႃႇၶၢမ်ႇၵႂႃႇတီႈၽင်ႇပုၼ်ႉၵေႃႈဢမ်ႇမီး

ၵူၼ်းၵေႃႉၼၼ်ႉၸိုင်ဝူၼ်ႉၸိူင်ႉၼင်ႇၼႆဝႃႈ သၢႆမႄႈၼမ်ႉ ၼႆႉၵႂၢင်ႈယႂ်ႇလႄႈ

ၽင်ႇၶၢင်ႈၼႆႉလီဢိမ်ႇလီမိူဝ်ႇ မီးၽေးတင်ႈယူႇပိူင်ႈၼႃႈ

ၽင်ႇၶၢင်ႈပုၼ်ႉ မီးတၢင်းၵတ်းယဵၼ် ဢမ်ႇမီးၽေးၸိူင်ႉ ၼၼ် ၶူဝ် လႄႈ ႁိူဝ်းတႃႇၶၢမ်ႈထိုင်ၽင်ႇပုၼ်ႉၵေႃႈဢမ်ႇမီး

ပေႃးၸိူင်ႉၼၼ် ႁဝ်းၸိုင်ႁႃယႃႈ မႆႉ ၵိင်ႇမႆႉ လႄႈ မႂ်မႆႉ မႃး မတ်ႉႁဵတ်းပဵၼ်ပႄးယဝ်ႉ ၶတ်းၸႂ်ဢဝ်ႁႅင်းမိုဝ်း လႄႈ တိၼ် ၽၢႆးၶၢမ်ႈထိုင်ၽင်ႇပုၼ်ႉလႆႈ

ၵမ်းၼႆႉလႄႈၵူၼ်းၵေႃႉၼၼ်ႉၸိုင်ႁႃဢဝ်ယႃႈ မႆႉ ၵိင်ႇမႆႉ မႂ်မႆႉ မႃးမတ်ႉႁဵတ်းပဵၼ်ပႄးယဝ်ႉပိုင်ႈဢဝ်ပႄးၼၼ်ႉ ၶတ်းၸႂ်

လူၺ်ႈႁႅင်းမိုဝ်း လႄႈ တိၼ်ၶွင်တူဝ်ၸဝ်ႈၵဝ်ႇ

ၸိုင်ၶၢမ်ႈထိုင်ၽင်ႇလႆႈၼင်ႇၵၢင်ၸႂ် ၵူၼ်းၵေႃႉၼၼ်ႉၶၢမ်ႈ

ထိုင်ၽင်ႇလႆႈယဝ်ႉ ၸိုင်ဝူၼ်ႉၶႂ်ႈၸႂ်ၸိူင်ႉၼင်ႇၼႆဝႃႈ

ႁိူဝ်းၼႆႉ မီးဢုပၵႃရတေႃႇႁဝ်းၼမ်လႄႈ ႁဝ်းပိုင်ႈဢိင် ႁိူဝ်းပႄးၼႆႉၶတ်းၸႂ်လူၺ်ႈႁႅင်းမိုဝ်းလႄႈတိၼ် ၶၢမ်ႈထိုင် ၽင်ႇလႆႈ

ပေႃးၸိူင်ႉၼၼ် ႁဝ်းယုၵ်ႉႁိူဝ်းၼႆႉၶိုၼ်ႈၼိူဝ်ႁူဝ် ဢမ်ႇ ၼၼ် မႅၵ်ႇတီႈမႃႇ ယဝ်ႉၵႂႃႇၸွမ်းၼင်ႇလွင်ႈပရႃထၼႃႇ

တူၺ်းလူၽိၵ်ၶူတၢင်းလၢႆ ! သူတၢင်းလၢႆတေပွင်ႇၸႂ်ပဵၼ်

ၸိူင်ႉႁိုဝ် ၵူၼ်း‌ေၵႃႉၼၼ်ႉ ၽူႈႁဵတ်းၸိူင်ႉၼင်ႇၼႆ

တေၸိုဝ်ႈဝႃႈၽူႈႁဵတ်းထုၵ်ႇၼႃႈတီႈၼႂ်းပႄးၼၼ်ႉယူႇႁိုဝ်

ၼေႃ ?

ၽိၵ်ၶူတၢင်းလၢႆၸင်ႇတၢင်ႇလဝ်ႈဝႃႈ ၶေႃႈၼၼ်ႉၸိုဝ်ႈဝႃႈ ႁဵတ်းဢမ်ႇထုၵ်ႇမႅၼ်ႈၽြႃးပဵၼ်ၸဝ်ႈၶႃႈ ၊

ၽြႃးပဵၼ်ၸဝ်ႈႁေႃးဝႃႈ တူၺ်းလူၽိၵ်ၶူတၢင်းလၢႆ ၵူၼ်း ၵေႃႉၼၼ်ႉ ႁဵတ်းၸိူင်ႉႁိုဝ်ၸင်ႇၸိုဝ်ႈဝႃႈႁဵတ်းၼႃႈတီႈထုၵ်ႇမႅၼ်ႈၼႂ်းပႄးၼၼ်ႉ

ၼႂ်းၶေႃႈၼႆႉ ၵူၼ်းၵေႃႉၼၼ်ၶၢမ်ႈထိုင်ၽင်ႇလႆႈယဝ်ႉ ၸင်ႇဝူၼ်ႉၶႂ်ႈၸႂ်ဝႃႈ ပႄးၼႆႉမီးဢုပၵႃရတေႃႇႁဝ်းလႄႈႁဝ်းပိုင်ႈ ဢဝ်ပႄးၼႆႉၶတ်းႁႅင်းလူၺ်ႈမိုဝ်းလႄႈတိၼ် ၸိုင် ၶၢမ်ႈထိုင် ၽင်ႇလႆႈ

ပေႃးၸိူင်ႉၼၼ်ႁဝ်းယုၵ်ႉပႄးၼႆႉဝႆႉၼိူဝ်ၽင်ႇ ႁိုဝ် ဢဝ်ႁိူဝ်းဝႆႉၼႂ်းၼမ်ႉယဝ်ႉၵႂႃႇၸွမ်းၼင်ႇလွင်ႈပရႃထၼႃ ၊

တူၺ်းလူၽိၵ်ၶူတၢင်းလၢႆ ၵူၼ်းၵေႃႉၼၼ်ႉႁဵတ်းၸိူင်ႉၼႆလႄႈၸင်ႇတေႁဵတ်းထုၵ်ႇမႅၼ်ႈၼႃႈတီႈၼႂ်းပႄးၼၼ်ႉၼင်ႇ ၼႆ

ၽိၵ်ၶူတၢင်းလၢႆ ! ႁဝ်းႁေႃးၼေထမ်း မီးဢုပမႃ ပဵၼ်ပႄး

ပိူဝ်ႈၼေဝႃႈပဵၼ်လွင်ႈၽႅတ်းဢွၵ်ႇ ဢမ်ႇၸႂ်ႈပိူဝ်ႈၶႂ်ႈယိပ်းမၼ်ႈပၼ်ႈၵႅၼ်ႇ

ပိူဝ်ႈၼၼ်လႄႈ သူတၢင်းလၢႆႁူႉထိုင်ထမ်းမီးဢုပမႃ ပဵၼ်ပႄး ဢၼ်ႁဝ်းႁေႃးၼေယဝ်ႉ တေႃႇသူတၢင်းလၢႆ ၸိုင်ဝၢင်း

သေထမ်းတၢင်းလၢႆ ။

-----------

ၶေႃႈမုလ်းပီတၵၢတ်ႈၽၢႆႇထႆး သပပ်လူင် ပပ်ႉထိ 12

သုတ်တၼ်တပိတူၵ်ႇ မသ်သိမၼိၵယ မုလပၺ်သႃသ ၼႃႈထိ 187

ႁူဝ်ၶေႃႈထမ်း တႅၵ်ႈၼိူင်း မိူၼ်ၼင်ႇႁိူဝ်းပႄး

--------

ၵႂၢမ်းမၢႆ

ၽိၵ်ၶူ - ပဵၼ်ၵႂၢမ်းပႃႇလိ ပွင်ႇဝႃႈ ရႁၢၼ်း

ပႄး - ပွင်ႇဝႃႈႁိူဝ်ဢၼ်ၸႂ်ႉမႆႉၽၢႆး

ပုရုသ်ႇ - ပွင်ႇဝႃႈ ၵူၼ်းၵေႃႉၼိုင်ႈ (ပဵၼ်ၵူၼ်းၸၢႆး)