လွင်ႈတၢင်းဢၼ်ပဵၼ်ၽွၼ်းပၢင်ႈတေႃႇဢႃႇယုၵူၼ်း

 

လွင်ႈတၢင်းဢၼ်ပဵၼ်ၽွၼ်းပၢင်ႈတေႃႇဢႃႇယုၵူၼ်း

 

ၽိၵ်ႉၶူတၢင်းလၢႆ ! မိူဝ်ႈၶုၼ်ႁေႃၶမ်း မီးလွင်ႈႁဵတ်းသၢင်ႈသေပိူင် ဢၼ်ပဵၼ်ပိူဝ်ႈ ပိူင်ႇငမ်းဢႃရၵ်ၶႃ ၵူၺ်ႈၵႃႈဢမ်ႇလႆႈပဵၼ်ပိူဝ်ႈႁဵတ်းႁႂ်ႈမီးၶူဝ်းၶွင်ၵိူတ်ႇၶိုၼ်ႈတေႃႇ ၽူႈၵူၼ်းၸိူဝ်းဢၼ်ဢမ်ႇမီးၶူဝ်းၶွင်တၢင်းလၢႆၸိူင်ႉၼၼ်ယဝ်ႉ လွင်ႈၵွတ်း ၽၢၼ်ၶၢၼ်ၸႂ်ၵေႃႈ ၵႂၢင်ႈၶႂၢင်တိူဝ်းမႃး ႁၢႆႉႁႅင်းထိုင်တီႈသုတ်း ။

ၵွပ်ႈလွင်ႈၵွတ်းၽၢၼ် ၶၢၼ်ၸႂ် ၵႂၢင်ႈၶႂၢင်တိူဝ်းလိူဝ်ႁႅင်းမႃးထိုင်တီႈသုတ်း ဢတိင်ႇၼႃတႃၼႃ ( လွင်ႈလၵ်ႉၶူဝ်းၶွင်) ၵေႃႈမီးမႃး ၵႂၢင်ႈၶႂၢင်မႃး လႄႈထိုင် တီႈသုတ်း ။

ၵွပ်ႈဢတိင်ႇၼႃတႃၼႃႇ လွင်ႈလၵ်ႉၶူဝ်းၶွင်ၵေႃႈမီးမႃးၵႂၢင်ႈၶႂၢင်ႁႅင်းမႃးထိုင်တီႈ သုတ်း လွင်ႈၸႂ်ႉလၢၵ်ႈၼၢၵ်ႈၶိူင်ႈယိပ်း ၵူႈပိူင်ပိူင် ၵေႃႈမီးမႃး ၵႂၢင်ႈၶႂၢင်မႃး လႄႈႁၢႆႉႁႅင်းထိုင်တီႈသုတ်း ။

ၵွပ်ႈလွင်ႈၸႂ်ႉလၢၵ်ႈၼၢၵ်ႈၶိူင်ႈယိပ်းၵူႈပိူင်ပိူင်ၵိူတ်ႇၶိုၼ်ႈပဵၼ်မႃး ၵႂၢင်ႈၶႂၢင်မႃး လႄႈထိုင်ႈႁၢႆႉႁႅင်းတီႈသုတ်း ပႃၼႃတိပႃတႃ ( လွင်ႈၶႃႈႁႅမ်ၵူၼ်းၼင်ႇၵၼ် ) ၸိုင်ပဵၼ်မႃး ၵႂၢင်ႈၶႂၢင်ႁၢႆႉႁႅင်းထိုင်တီႈသုတ်း ။

ၵွပ်ႈပႃၼႃတိပႃတႃ ပဵၼ်မႃး ၵႂၢင်ႈၶႂၢင်ႁၢႆႉႁႅင်းလိူဝ်မႃးထိုင်တီႈသုတ်း မုသႃဝတႃ  ( လွင်ႈလွၵ်ႇလႅၼ် ) ၵေႃႈမီးမႃး ၵႂၢင်ႈၶႂၢင် ႁၢႆႉႁႅင်းထိုင်တီႈသုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ) 800,00 ပီႊ လူတ်းလူင်းမႃး လိူဝ်400,00 ပီႊ

  

 

ၵွပ်ႈမုသႃဝတႃ လွင်ႈပႅတ်ႉလႅၼ်ၵၼ် မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင်တီႈသုတ်း ပီသုၼႃဝတႃ (လွင်ႈလၢတ်ႈသေႃႇသေႇႁဵတ်းႁႂ်ႈတႅၵ်ႇယၢႆႈၵၼ်ၸဵၼ်မူႇပဵၼ်ၸုမ်း ပဵၼ်မူႇဢၼ်ႁဵတ်းႁၢႆႉလွင်ႈၽွမ်ႉပဵင်းၵၼ်)ၵေႃႈပဵၼ်မႃး ၵႂၢင်ႈၶႂၢင်မႃးႁၢႆႉႁႅင်းထိုင် တီႈသုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ) လူတ်းလူင်းမႃး လိူဝ် 200,00 ပီႊ

 

ၵွပ်ႈပီသုၼႃဝႃတႃ လွင်ႈလၢတ်ႈၸႃသေႃႇသေႇႁဵတ်းႁႂ်ႈၽူႈၵူၼ်းတႅၵ်ႇယၢႆႈၵၼ် မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း ၵႃမေသုမိသႃၸရႃ (လွင်ႈႁဵတ်းၸုယႃႉၵဝ်းၼႃႈႁိူၼ်းပိူၼ်ႈလူႉၵွႆ)ၵေႃႈ ပဵၼ်မႃး ၵႂၢင်ႈၶႂၢင်မႃး ႁၢႆႉႁႅင်းထိုင်တီႈသုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ) လူတ်းလူင်းမႃး လိူဝ် 100,00 ပီႊ

 

ၵွပ်ႈ ၵႃမေသုမိသႃၸရႃ လွင်ႈၵဝ်းယၼႃႈႁိူၼ်းပိူၼ်ႈတႅၵ်ႇယၢႆႈၵၼ် မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း ၽရုတ်ႉသႃဝတႃ လႄႈ သမ်ၽပ်ပရႃပ(လွင်ႈၸႂ်ႉၵႂၢမ်းလိူင်းၵႂၢမ်းဢမ်ႇ မီးသၢၵ်ႈသေႇ)ၵေႃႈပဵၼ်မႃး ၵႂၢင်ႈၶႂၢင်မႃး ႁၢႆႉႁႅင်းထိုင်တီႈသုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ) လူတ်းလူင်းမႃး လိူဝ် 5,000 ပီႊ

 

ၵွပ်ႈ ၽရုတ်ႉသႃဝတႃ လႄႈ သမ်ၽပ်ပရႃပ မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း ဢၽိသ်သႃ လႄႈ ၽယပၢတ်ႇ(လွင်ႈတဵၵ်းတဵင်ဢဝ် လွင်ႈႁဵတ်းႁၢႆႉ) ၵေႃႈပဵၼ်မႃး ၵႂၢင်ႈၶႂၢင်မႃး ႁၢႆႉႁႅင်းထိုင်တီႈသုတ်း

 ပၢၼ်ၼၼ်ႉဢႃႇယုၶွင်ၵူၼ်း(မၼုသ)လူတ်းလူင်းမႃးလိူဝ်2,500ထိုင်2000 ပီႊ

ၵွပ်ႈ ဢၽိသ်သႃ လႄႈ ၽယပၢတ်ႇ မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း မိၵ်ႉသႃတိၵ်ႉထိ(လွင်ႈႁၼ်ၽိတ်း) ၵေႃႈပဵၼ်မႃး ၵႂၢင်ႈၶႂၢင်မႃးႁၢႆႉႁႅင်းထိုင် တီႈ သုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ)လူတ်းလူင်းမႃးလိူဝ်1000 ပီႊ

 

ၵွပ်ႈ မိၵ်ႉသႃတိၵ်ႉထိ မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း (ဢၵုသူလ်ႇ) ထမ်းတင်းသၢမ် ပဵၼ် ဢထမ်မရႃၶ(ယိၼ်းလီလွင်ႈဢမ်ႇပဵၼ်ထမ်း ) ဝိသူမ်လေႃးၽ ( လေႃးၽဢမ်ႇမီးတီႈတိူၵ်ႈ) မိၸ်သႃထမ်း (ႁဵတ်းၸွၼ်းဢၢမ်းၼၢတ်ႈၵိလေႇသႃႇ) ၵေႃႈပဵၼ်မႃး ၵႂၢင်ႈၶႂၢင်မႃးႁၢႆႉႁႅင်းထိုင် တီႈ သုတ်း

 ပၢၼ်ၼၼ်ႉဢမႃႇယုၶွင်ၵူၼ်း(မၼုသ)လူတ်းလူင်းမႃးလိူဝ်500 ပီႊ

ၵွပ်ႈဢၵုသူလ်ႇ ထမ်းတင်းသၢမ်ပိူင် ဢထမ်မရႃၶ ဝိသူမ်လေႃးၽ မိၸ်သႃထမ်း မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း (ဢၵုသူလ်ႇ)တၢင်းလၢႆ ဢမ်ႇလဵင်ႉလူ လုမ်းလႃး တူၺ်းထိုင် မႄႈပေႃႈ သမၼရႁၢၼ်း ဢမ်ႇမီးလွင်ႈဢွၼ်ႇၼွမ်ႉ ထႃႇၼ သုင်တႅမ်ႇၵေႃႈ မီးမႃး ၵႂၢင်ႈၶႂၢင်မႃး ႁၢႆႉႁႅင်းထိုင် တီႈ သုတ်း

ပၢၼ်ၼၼ်ႉဢႃႇယုၶွင်ၵူၼ်း(မၼုသ)လူတ်းလူင်းမႃးလိူဝ်250 – 200-100 ပီႊ

 

ပၢၼ်ၼၼ်ႉ တေမီးပၢၼ် ၵူၼ်း (မၼုသ) ဢႃယုလူတ်းလူင်းလိူဝ် 10 ပီႊ တေမီးပိူင်ၽၢင်ႁၢင်ႈလၢႆၸိူဝ်းလၢႆပိူင် ၼင်ႇဢၼ်လၢတ်ႈမႃးယဝ်ႉ ၼၢင်းယိင်း ဢႃႇယု 5 ပီႊတေမီးလုၵ်ႈ

တၢင်းၵိၼ် 5 ပိူင်တေႁၢႆၵႂႃႇ ၶႆၼူၺ်းသႂ် ၼိူၺ်းဢူၼ် ၊ ၼမ်ႉမၼ်း ၊ မၼ်ႉၽိုင်ႈ ၊ ၼမ်ႉဢွႆႈ ၊ ၸဵမ်း တေဢမ်ႇမီး

ၵူၼ်း (မၼုသ)တၢင်းလၢႆ တေၵိၼ်ယိူဝ်ႈယႃႈ ဢႁွင်ႉဝႃႈ ၵုထရုသၵၵိၼ်တႅၼ်း ၶဝ်ႈ လွင်ႈၵုသူလ် ႁၢႆၵႂႃႇ လွင်ႈဢၵုသူလ်ႁိူဝ်ႈႁိူင်းထိူင်တီႈသုတ်း

ၼႂ်းမူႇၵူၼ်း ဢမ်ႇၵႂၢမ်းလၢတ်ႈဝႃႈၵုသူလ်ႇၸိုင်ဢမ်ႇမီးၵၢၼ်ႁဵတ်းၵုသူလ်ႇ ၵူၼ်း (မၼုသ) ပၢၼ်ၼၼ်ႉတေဢမ်ႇယုၵ်ႉယွင်ႈၵၼ် ဢမ်ႇၼပ်ႉယမ်ၵၼ်

ဢမ်ႇမီးလွင်ႈယဵၼ်ငႄႈတတေႃႇမႄႈ(မတ်တေယထမ်း) 

ဢမ်ႇမီးလွင်ႈယဵၼ်ငႄႈတတေႃႇပေႃႈ(ပဵတ်တေယထမ်း)

 ဢမ်ႇမီးလွင်ႈယဵၼ်ငႄႈတတေႃႇသမၼ(သႃမၺ်ၺႃထမ်း)

ဢမ်ႇမီးလွင်ႈယဵၼ်ငႄႈတတေႃႇၽရၢမ်း(ၽရႁမၺ်ၺထမ်း) လႄႈ လွင်ႈဢွၼ်ႇၼွမ်ႉတေႃႇၽူႈယႂ်ႇၼႂ်းႁိူၼ်း(ၵုလသေထႃပၸႃယၼထမ်း) ဢမ်ႇမိူၼ်ၼင်ႇၵူၼ်းတၢင်းလၢႆယုၵ်ႉယွင်ႈၵၼ်ယူႉၼႂ်းပၢၼ်ယၢမ်းၼႆႉ  ဢမ်ႇမီးၶေႃႈၵႂၢမ်းဝႃႈ မႄႈ ၼွင်ႉၸၢႆး ၼွင်ႉယိင်း ပေႃႈ ၼႃႉ ဢႃ လုင်း ပႃႈ  ၽရိယႃးၶွင်သြႃႇ မေးၶွင်ၶူး ၽူဝ်မေးဢမ်ႇမီး

သတ်းတၢင်းလၢႆတေႁူမ်ႈၵၢမ်ႇမ မိူၼ်ၼင်ႇ ပႄႉ ၵႄႈ ၵႆႇ မူ မႃ မႃၸိင်ႉၸွၵ်ႇ ၊ လွင်ႈဢႃၶၢတ်ႈ ၽယပၢတ်ႇ လွင်ႈဝူၼ်ႉႁၢႆႉ ဝူၼ်ႉၶႃႈႁႅမ်ၵၼ် ၵေႃႈမီးမႃးႁၢဝ်ႈႁႅင်းထိုင်တီႈသုတ်းၸိူင်ႉၼင်ႇၼႂ်းၵႄႈၵၢင်ႈမႄႈလႄႈလုၵ်ႈ ၊ လုၵ်ႈလႄႈမႄႈ ၊ ပေႃႈလႄႈလုၵ်ႈ ၊ လုၵ်ႈလႄႈပေႃႈ ၊ ပီႈလႄႈၼွင်ႉ ၊ ၼွင်ႉလႄႈပီႈ ၸၢႆးလႄႈယိင်း မိူၼ်ၼင်ႇမူးသိူဝ်း မီးတၢင်းသိူဝ်းမိူဝ်ႁၼ်ၼိူဝ်ႉတၢင်းလၢႆ

ၼႂ်းပၢၼ်ၼၼ်ႉတေမီး သတ်ထၼ်တရၵၢပ်ႈ (ၵၢၼ်ၸႂ်ႉလၢၵ်ႈၼၢၵ်ႈယိူင်ႈယိပ်း ဢမ်ႇၵိုတ်းဢမ်ႇလိုဝ်ႈ) ၼႂ်းၸဵတ်းဝၼ်းထပ်းၵၼ် ၼႂ်းသတ်းတၢင်းလၢႆၸိူဝ်း ၼၼ်ႉတေပဵၼ်ၶွင်လွင်ႈယႂ်ႇတေႃႇၵၼ်လႄႈၵၼ် မိူၼ်ၸိူင်ႉၼင်ႇမူးသိူဝ်း လႆႈၼိူဝ်ႉ ၊ ၵေႃႉလႂ်ၵေႃႈမီးၶိူင်ႈယိပ်းၼႂ်းမိုဝ်း ပူင်သၢႆၸႂ်ၵၼ်လႄႈၵၼ်ၼင်ႇ ၶႃႈမူတ်ႉၶႃႈမႅင်း

(မီးၵူၼ်းမၼုသ လၢႆၵေႃႉဢမ်ႇၶဝ်ႈႁူမ်ႈၸွမ်း သတ်ႉထၼ်တရၵၢပ်ႈ လူၺ်ႈ တၢင်းၵူဝ် ၸိုင်ပၢႆႈၶဝ်ႈသွၼ်ႉတူဝ်ယူႇဝႆႉၼႂ်းထိူၼ်ႇလိုၵ်ႉႁိုင်ထိုင်ၶၢဝ်းတၢင်း ၸဵတ်းဝၼ်း

မိူဝ်ႈသွၼ်ႉတူဝ်ယူႇလႆႈႁိုင်ထိုင်ၸဵတ်းဝၼ်းယဝ်ႉၶဝ်ၸင်ႇဢွၵ်ႇမႃးထူပ်းၵၼ် ယိၼ်းလီယိၼ်းၸူမ်းတေႃႇၵၼ် ဢုပ်ႇၵၼ်ဝႃႈႁဝ်းၵၢမ်ႇလီ တီႈလွတ်ႈမႃးလႆႈ

ၶဝ်ၸင်ႇတိူင်ႇပၢင်ႇဢုပ်းၵၼ် လႆႈၸႂ်ၵၼ် ပိူဝ်ႈႁဵတ်းသၢင်ႈၵၢၼ်လီတၢင်းလီ ၵႃႇယ ဝႃၸီႇ မၼေႃးၵၢမ်ႇဢၼ်ပဵၼ်ၽၢႆႇလီသိုပ်ႇၵႂႃႇ

ၵူၼ်း မၼုသၸင်ႇၶိုၼ်းႁိူဝ်ႈႁိူင်းမႃး လုၵ်ႉတီႈဢႃႇယု 10 ပီႊသိုပ်ႇမီးဢႃႇယုႉ ယၢဝ်းၶိုၼ်ႈၸွမ်းပၢၼ်လႂ်ပၢၼ်ၼၼ်ႉသေတေႃႇꩪိုင်ပၢၼ်ၵူၼ်းဢႃႇယုႉꩪိုင် 80,000 ပီႊꩪႅင်ႈပွၵ်ႈၼိုင်ႈ

ꩪိုင်ႈၵၢပ်ႈပၢၼ်သႃႇသၼႃႇၽြႃးပဵၼ်ၸဝ်ႈဢသိမျႅတ်ႉတေယသမ်မႃသမ်ၿုတ်ꩪ ၵိူတ်ႇၶိုၼ်းၼႂ်းလေႃးၵ ။

 

ၶေႃႈမုလ်းပီတၵတ်ႈၽၢႆႇထႆး

ၸိုဝ်ႈ ပတိၵဝႂၵ်ႈ ထိၶၼိၵႃယ 11 /70-80 /39-47

-บาลี ปา. ที. ๑๑/๗๐-๘๐/๓๙-๔๗