ၶတိၵႃရသုတ်

 

#ၶတိၵႃရသုတ်

 

1/ ၶႃႈၽူႈၸဝ်ႈလႆႈႁပ်ႉထွမ်ႇမႃးၼင်ႇၼႆ

မိူဝ်ႈပွၵ်ႈၼိုင်ႈ ၽြႃးပဵၼ်ၸဝ်ႈဢွၵ်ႇတၢင်းၵႂႃႇၼႂ်း ၵေႃးသလဝၢၼ်ႈၼွၵ်ႈၽွမ်ႉတၢင်းၽိၵ်ၶူသင်ၶမူႇယႂ်ႇ ပွၵ်ႈၼၼ်ႉ လႄႈ ၽြႃးပဵၼ်ၸဝ်ႈယုမ်ႉၼႂ်းမိူင်းတီႈၼိုင်ႈ  ယၢမ်းၼၼ်ႉ ၸဝ်ႈဢၼၼ်ႇတႃႇလႆႈမီးတၢင်းဝူၼ်ႉဝႃႈ ယွၼ်ႉလွင်ႈသင်ၼေႃ ပဵၼ်လွင်ႈတၢင်းသင်ဢၼ်ၽြႃးပဵၼ်ၸဝ်ႈယုမ်ႉယူႇ ၽြႃးပဵၼ်ၸဝ်ႈတၢင်းလၢႆတေယုမ်ႉလူၺ်ႈဢမ်ႇမီးလွင်ႈတၢင်းၼၼ်ႉဢမ်ႇမီး ၼင်ႇၼႆ ။

 

ၸဝ်ႈဢၼၼ်ႇတႃႇၸိုင်ႁႅၼ်းၽႃႈဢုတရႃသင်ၶ ပၢႆႉမႃႇၶၢင်ႈၼိုင်ႈ ႁွမ်းမိုဝ်းဝႆႈသႃၵႂႃႇတၢင်းၽြႃး ပဵၼ်ၸဝ်ႈယဝ်ႉ လႆႈတွင်ႈ ထၢမ်ၽြႃးပဵၼ်ၸဝ်ႈဝႃႈ မုၼ်မျႅတ်ႈၽြႃးပဵၼ်ၸဝ်ႈၶႃႈ  ယွၼ်ႉလွင်ႈသင်ၼေႃ ပဵၼ်လွင်ႈတၢင်းသင်ဢၼ်ၽြႃးပဵၼ်ၸဝ်ႈယုမ်ႉယူႇ ၽြႃးပဵၼ်ၸဝ်ႈတၢင်းလၢႆတေယုမ်ႉလူၺ်ႈ ဢမ်ႇမီးလွင်ႈတၢင်းၼၼ်ႉဢမ်ႇမီး ? ။

 

2/ ၽြႃးပဵၼ်ၸဝ်ႈလၢတ်ႈဝႃႈ တူၺ်းလူဢၼၼ်ႇတႃႇ လွင်ႈယၢမ်ႈမီးမႃးယဝ်ႉ တီႈၸိုင်ႈမိူင်းၼႆႉ လႆႈမီးမိူင်းၸိုဝ်ႈ ဝေၽရိၵ ပဵၼ်မိူင်းၶိုၼ်ႈယႂ်ႇၵူၼ်း ၵိုၼ်းၼႃၼႅၼ်ႈ ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ပဵၼ်ၽူႈဢရႁံတႃ သမ်မႃသမ်ပုတ်ႉထၸဝ်ႈ မိူဝ်ႈယူႇသဝ်းဝႆႉတီႈ မိူင်း ဝေၽရိၵ ယူႇ

 

တူၺ်းလူဢၼၼ်ႇတႃႇ လႆႈယိၼ်းဝႃႈ တီႈၼႆႉပဵၼ် တီႈဢႃရၢမ်းၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပၽူႈပဵၼ် ဢရႁံတႃသမ်မႃသမ်ပုတ်ထၸဝ်ႈ လႆႈယိၼ်းဝႃႈၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ လႆႈၼင်ႈသင်ႇသွၼ်ၽိၵ်ၶူသင်ၶတီႈၼႆႉ ။

 

#လွင်ႈၸၢင်ႈပၼ်ႈမေႃႈၸိုဝ်ႈၶတိၵႃရ

 

3/ ယၢမ်းၼၼ်ၸဝ်ႈဢၼၼ်ႇတႃႇလႆႈသိူဝ်ႇၽႃႈသင်ၶႃတိသီႇထၢပ်ႈပၼ်ၽြႃးပဵၼ်ၸဝ်ႈယဝ်ႉ လႆႈတွင်ႈထၢမ်ၽြႃးပဵၼ်ၸဝ်ႈဝႃႈ

ၽြႃးပဵၼ်ၸဝ်ႈၶႃႈ ပေႃးၸိူင်ႉၼၼ်ယွၼ်းႁႂ်ႈၽြႃးပဵၼ်ၸဝ်ႈၼင်ႈသေၵွၼ်ႇၶႃႈ မိူဝ်ႈပဵၼ်ၸိူင်ႉၼႆ ထုင်ႉမိူင်းၼႆႉ တေလႆႈပဵၼ်တီႈ ဢၼ်ၽြႃးဢရႁံတႃသမ်မႃသမ်ပုတ်ထၸဝ်ႈ သွင်တူၼ်ႁဵတ်းသၢင်ႈ (ပရိၽေႃးၵ) ၽြႃးပဵၼ်ၸဝ်ႈၸင်ႇၼင်ႈၼိူဝ်ဢႃသၼ ဢၼ်ၸဝ်ႈဢၼၼ်ႇတႃႇသိူဝ်ႇဝႆႉၼၼ်ႉသေ ၸင်ႇလၢတ်ႈ တီႈၸဝ်ႈဢၼၼ်ႇတႃႇဝႃႈ တူၺ်းလူဢၼၼ်ႇတႃႇ လွင်ႈယၢမ်ႈမီးမႃးယဝ်ႉ ၼႂ်းမိူင်းၼႆႉမီးၸိုဝ်ႈဝႃႈ ဝေၽရိၵ ပဵၼ်မိူင်းႁိူဝ်ႈႁိူင်းၶိုၼ်ႈယႂ်ႇ ၵူၼ်းၵိုၵ်း မီးၵူၼ်းၼႃၼႅၼ်ႈ

 

တူၺ်းလူဢၼၼ်ႇတႃႇ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထ ၸဝ်ႈလႆႈယူႇသဝ်းဝႆႉတီႈ   ဝေၽရိၵ ယူႇ  လႆႈယိၼ်းဝႃႈတီႈၼႆႉပဵၼ်ဢႃရၢမ်းၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈဢရႁံတႃသမ်မႃသမ်ပုတ်ႉထၸဝ်ႈ

လႆႈယိၼ်းဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈဢရႁံတႃသမ်မႃသမ်ပုတ်ႉထၸဝ်ႈလႆႈၼင်ႈသင်ႇသွၼ်ၽိၵ်ၶူသင်ၶတီႈၼႆႉ လႄႈ ၼႂ်းမိူင်းဝေၽရိၵ ၼႆႉမီးၸၢင်ႈပၼ်ႈမေႃႈ ၸိုဝ်ႈ ၶတိၵႃရ ပဵၼ်ဢုပတ်ထႃၵ ၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ပဵၼ်ၽူႈ ဢရႁံတႃသမ်မႃသမ်ပုတ်ထၸဝ်ႈ ပဵၼ်ဢုပတ်ထႃၵဢၼ်တွၼ်းသုတ်း မီးၵူၼ်းၵေႃႉၼိုင်ႈ ၸိုဝ်ႈသေႃးတိပႃလ ပဵၼ်ဢူၺ်းၵေႃႉ (သႁႃယ) ၶွင်ၸၢင်ႈပၼ်မေႃႈၸိုဝ်ႈၶတိၵႃရ ပဵၼ်ဢူၺ်းၵေႃႉႁၵ်ႉၵၼ်

 

ပွၵ်ႈၼၼ်ႉ ၶတိၵႃရ ၸၢင်ႈပၼ်ႈမေႃႈ ႁွင်ႉ သေႃးတိပႃလဝႃႈ မႃးလႄႈ ဢူၺ်းၵေႃႉသေႃးတိပႃလ ႁဝ်းတေၶဝ်ႈၵႂႃႇထူပ်းၽြႃးပဵၼ်ၸဝ်ႈ ၽြႃးပဵၼ်ၸဝ်ႈ ၼၼ်ႉ ၸိုဝ်ႈဝႃႈ ၵသ်သပ ပဵၼ်ၽူႈဢရႁံတႃသမ်မႃသမ်ပုတ်ႉထၸဝ်ႈၵွပ်ႈဝႃႈပေႃးႁဝ်းလႆႈႁၼ်ၽြႃးပဵၼ်ၸဝ်ႈ ၽူႈဢရႁံတႃသမ်မႃသမ်ပုတ်ႉထၸဝ်ႈၼၼ်ႉ သွၼ်ႇ ဝႃႈ ပဵၼ်တၢင်းလီ ၼင်ႇၼႆ ။

 

4/ တူၺ်းလူဢၼၼ်ႇတႃႇ မိူဝ်ႈၶတိၵႃရ လၢတ်ႈ ၼင်ႇၼႆယဝ်ႉ သေႃးတိပႃလ လႆႈလၢတ်ႈဝႃႈ ယႃႇလႃႈ ဢူၺ်းၵေႃႉ ၶတိၵႃရ တေမီးၽွၼ်းလီသင်လူၺ်ႈလွင်ႈသမၼႁူဝ်လွမ်ႈၼၼ်ႉဢၼ်ႁဝ်းႁၼ်ယဝ်ႉ ?

 

တူၺ်းလူဢၼၼ်ႇတႃႇ ၼႂ်းၵမ်းပွၵ်ႈသွင် ၶတိၵႃရ ၵေႃႈလႆႈလၢတ်ႈဝႃႈ မႃးလႄႈ ဢူၺ်းၵေႃႉသေႃးတိပႃလ ႁဝ်းတေၶဝ်ႈၵႂႃႇၸူး ၽြႃးပဵၼ်ၸဝ်ႈ ၽြႃးပဵၼ်ၸဝ်ႈ ၼၼ်ႉ ၸိုဝ်ႈဝႃႈ ၵသ်သပ ပဵၼ်ၽူႈဢရႁံတႃသမ်မႃသမ်ပုတ်ႉထၸဝ်ႈ ၵွပ်ႈဝႃႈပေႃးႁဝ်းလႆႈ ႁၼ်ၽြႃးပဵၼ်ၸဝ်ႈၽူႈဢရႁံတႃသမ်မႃသမ်ပုတ်ႉထၸဝ်ႈၼၼ်ႉ သွၼ်ႇ ဝႃႈ ပဵၼ်လွင်ႈလီ ၼင်ႇၼႆ

ၵမ်းပွၵ်ႈသွင် သေႃးတိပႃလ လႆႈလၢတ်ႈဝႃႈ ယႃႇလႃႈ ဢူၺ်းၵေႃႉ ၶတိၵႃရတေမီးၽွၼ်းလီသင်လူၺ်ႈလွင်ႈ သမၼ ႁူဝ်လွမ်ႈၼၼ်ႉဢၼ်ႁဝ်းႁၼ် ယဝ်ႉ ?

 

ၼႂ်းၵမ်းပွၵ်ႈသၢမ် ၶတိၵႃရ ၵေႃႈလႆႈလၢတ်ႈဝႃႈ မႃးလႄႈ ဢူၺ်းၵေႃႉသေႃးတိပႃလ ႁဝ်းတေၶဝ်ႈၵႂႃႇၸူး ၽြႃးပဵၼ်ၸဝ်ႈ ၽြႃးပဵၼ်ၸဝ်ႈ ၼၼ်ႉ ၸိုဝ်ႈဝႃႈ ၵသ်သပ ပဵၼ်ၽူႈဢရႁံတႃသမ်မႃသမ်ပုတ်ႉထၸဝ်ႈ ၵွပ်ႈဝႃႈပေႃးႁဝ်းလႆႈႁၼ်ၽြႃး ပဵၼ်ၸဝ်ႈၽူႈဢရႁံတႃသမ်မႃသမ်ပုတ်ႉထၸဝ်ႈၼၼ်ႉ သွၼ်ႇ ဝႃႈ ပဵၼ်လွင်ႈလီ ၼင်ႇၼႆ

 

ၵမ်းပွၵ်ႈသွင် သေႃးတိပႃလ လႆႈလၢတ်ႈဝႃႈ ယႃႇလႃႈ ဢူၺ်းၵေႃႉ ၶတိၵႃရ တေမီးၽွၼ်းလီသင်လူၺ်ႈလွင်ႈသမၼႁူဝ်လွမ်ႈ ၼၼ်ႉဢၼ်ႁဝ်းႁၼ် ယဝ်ႉ ? ။

 

ၶတိၵႃရ ၸင်ႇလၢတ်ႈ ဝႃႈ ဢူၺ်းၵေႃႉ ပေႃးၸိူင်ႉ ၼမ်ႁဝ်းဢဝ်ၶိူင်ႈတွၼ်ႈတႃႇသီတူဝ်မိူဝ်ႈၽွင်းဢၢပ်ႇၼၼ်ႉၵႂႃႇတီႈတႃႈၼမ်ႉ ပိူဝ်ႈဢၢပ်ႇၼမ်ႉၵၼ်လႃႈ သေႃးတိပႃလ ၸင်ႇႁပ်ႉၶေႃႈၵႂၢမ် ၶတိၵႃရ ၸၢင်ႈပၼ်ႈမေႃႈၼၼ်ႉ ။

 

5/ တူၺ်းလူဢၼၼ်ႇတႃႇ ဝၢႆးသေ ၼၼ်ႉ ၶတိၵႃရ ၸၢင်ႈပၼ်ႈမေႃႈ လႄႈ သေႃးတိပႃလ ယိပ်းၶိူင်ႈ တႃႇပွတ်ႈသီတူဝ် ၽွင်းမိူဝ်ႈဢၢပ်ႇၼမ်ႉ ပွၵ်ႈၼၼ်ႉလႄႈ ၶတိၵႃရၸၢင်ႈပၼ်ႈမေႃႈ လႆႈႁွင်ႉ သေႃးတိပႃလ မႃးလၢတ်ႈဝႃႈ ဢူၺ်းၵေႃႉသေႃးတိ ပႃလ ၼႆႉၵေႃႈဢမ်ႇၵႆ ဝတ်ႉဢႃရၢမ်းၶွင်ၽြႃးပဵၼ် ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ပရႁံတႃသမ်မႃ သမ်ပုတ်ႉထၸဝ်ႈယဝ်ႉ

 

မႃးလႃႈ ဢူၺ်းၵေႃးသေႃးတပႃလ ႁဝ်းၶဝ်ႈၵႂႃႇထူပ်းၽြႃးပဵၼ်ၸဝ်ႈၸိုဝ်ႈဝႃႈၵသ်သပ ၽူႈပဵၼ်ဢရ ႁံတႃသမ်မႃသမ်ပုတ်ႉထၸဝ်ႈ ၵွပ်ႈဝႃႈလွင်ႈဢၼ် ႁဝ်းလႆႈႁၼ်ၽြႃးပဵၼ်ၸဝ်ႈၽူႈဢရႁံတႃသမ်မႃသမ်ပုထၸဝ်ႈၼၼ်ႉ ဝူၼ်ႉၵၼ်ဝႃႈပဵၼ်လွင်ႈလီ

 

6/ တူၺ်းလူဢၼၼ်ႇတႃႇ မိူဝ်ႈၶတိၵႃရ ၸၢင်ႈပၼ်ႈမေႃႈလၢတ်ႈၸိူင်ႉၼႆယဝ်ႉ သေႃးတိပႃလ လႆႈ လၢတ်ႈတီႈၶတိၵႃရ ၸၢင်ႈပၼ်ႈမေႃႈဝႃႈ ယႃႇလႃႈ ဢူၺ်းၵေႃႉ ၶတိၵႃရ တေမီးၽွၼ်းလီ သင် လူၺ်ႈၸဝ်ႈသမၼႁူဝ်လွမ်ႈၼၼ်ႉ ဢၼ်ႁဝ်းႁၼ်ယဝ်ႉ ?

 

ၼႂ်းပွၵ်ႈၵမ်း 2 ၼႂ်းပွၵ်ႈၵမ်း 3 ၶတိၵႃရၸၢင်ႈပၼ်မေႃႈၵေႃႈလႆႈႁွင်ႉ သေႃးတပႃလမႃးသေလၢတ်ႈဝႃႈ ဢူၺ်းၵေႃႉသေႃးတိပႃလ ၼႆႉဢမ်ႇၵႆဝတ်ႉ ဢႃရၢမ်းၶွင် ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈယဝ်ႉ မႃးလႃ ဢူၺ်းၵေႃႉ သေႃးတိပႃလ ႁဝ်းၶဝ်ႈၵႂႃႇထူပ်းၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ၵွပ်ႈဝႃႈလွင်ႈလႆႈႁၼ် ၽြႃးပဵၼ်ၸဝ်ႈၽူႈဢရႁံတႃ သမ်မႃသမ်ပုတ်ႉထၸဝ်ႈ ဝူၼ်ႉသွၼ်ႇၵၼ်ဝႃႈ ပဵၼ်လွင်ႈလီ ထိုင်ၵမ်းထိ 3 သေႃးတိပႃလၵေႃႈလႆႈ

လၢတ်ႈ တီႈၶတိၵႃရၸၢင်ႈပၼ်ႈမေႃႈဝႃႈ ယႃႇလႃႈဢူၺ်းၵေႃႉ ၶတိၵႃရ တေမီးၽွၼ်းလီသင် လူၺ်ႈသမၼႁူဝ်လွမ်ႈၼၼ်ႉ ဢၼ်ႁဝ်းႁၼ်ယဝ်ႉ ?

 

7/ တူၺ်းလူဢၼၼ်ႇတႃႇ ဝၢႆးသေၼၼ်ႉ ၶတိၵႃရ ၸၢင်ႈပၼ်ႈမေႃႈလႆႈယိပ်း သေႃးတိပႃလ တီႈ ၶႅၼ်သိူဝ်ႈယဝ်ႉလၢတ်ႈဝႃႈ ဢူၺ်း ၵေႃႉသေႃးတိပႃလ ၼႆႉၵေႃႈဢမ်ႇၵႆဝတ်ႉဢႃရၢမ်းၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပၽူႈပဵၼ်ဢရႁံတႃသမ်မႃ သမ်ပုတ် ထၸဝ်ႈ ယဝ်ႉ ၵွပ်ႈဝႃႈလွင်ႈလႆႈႁၼ်ၽြႃးပဵၼ်ၸဝ်ႈၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈယဝ်ႉၼၼ်ႉ ဝူၼ်ႉသွၼ်ႇၵၼ်ဝႃႈ ပဵၼ်လွင်ႈလီ

 

ဝၢႆးၼၼ်ႉ သေႃးတိပႃလ ႁႂ်ႈ ၶတိၵႃရ ပွႆႇၶႅၼ်သိူဝ်ႈယဝ်ႉ လၢတ်ႈဝႃႈ ယႃႇလႃႈဢူၺ်းၵေႃႉ ၶတိၵႃရ တေမီးၽွၼ်းလီသင် လူၺ်ႈသမၼႁူဝ်လွမ်ႈဢၼ် ႁဝ်းႁၼ်ယဝ်ႉ ?

 

တူၺ်းလူဢၼၼ်ႇတႃႇ ၶတိၵႃရၸၢင်ႈပၼ်ႈမေႃႈလႆႈလုပ်ႈယၢႆးပၼ်ၸွမ်းၶူၼ်ႁူဝ်ၶွင်သေႃးတိပႃလၽူႈဢၢပ်ႇၼမ်ႉယူႇသေလၢတ်ႈဝႃႈ ၼႆႉၵေႃႈဢမ်ႇၵႆဝတ်ႉဢႃရၢမ်းၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈယဝ်ႉ ၵွပ်ႈဝႃႈ လွင်ႈလႆႈႁၼ်ၽြႃးပဵၼ်ၸဝ်ႈၽူႈပဵၼ် ဢရႁံတႃသမ်မႃသမ်ပုတ်ႉထၸဝ်ႈယဝ်ႉၼၼ်ႉ ဝူၼ်ႉသွၼ်ႇၵၼ်ဝႃႈပဵၼ်လွင်ႈလီ

 

ၵမ်းၼၼ်ႉသေႃးတိပႃလမီးတၢင်းဝူၼ်ႉၼႂ်းၸႂ်ဝႃႈ လီယွင်ႈဢၢမ်းတႄႉၼေႃၸဝ်ႈ ဢမ်ႇတွၼ်ႉယၢမ်ႈမီးမႃးၼေႃၸဝ်ႈ ဢၼ်ၶတိၵႃရၸၢင်ႈပၼ်ႈမေႃႈ ၽူႈပဵၼ်ၵူၼ်းၸၼ်ႉတႅမ်ႇမႃးယိပ်းၶူၼ်ႁူဝ်ႁဝ်း ၽူႈဢၢပ်ႇၼမ်ႉယဝ်ႉ လွင်ႈဢၼ်ႁဝ်းတေၵႂႃႇၼႆႉ ႁၼ်ဝႃႈဢမ်ႇပဵၼ်လွင်ႈၽွင်ႈယဝ်ႉၼေႃၼင်ႇၼႆ  ယဝ်ႉလႆႈလၢတ်ႈတီႈၶတိၵႃရၸၢင်ႈပၼ်ႈမေႃႈဝႃႈ ဢူၺ်းၵေႃႉ ၶတိၵႃရ

လွင်ႈဢၼ်ဢူၺ်းၵေႃႉၶတ်းၸႂ်ၸူဝ်းႁွင်ႉႁဝ်းလူၺ်ႈဝႃၸႃၵႂၢမ်းလၢတ်ႈ ယိပ်းၵမ်တီႈၶႅၼ်ႈသိူဝ်ႈ တေႃႇပေႃးလၢမ်းထိုင် ၶူၼ်ႁူဝ်ၼၼ်ႉၵေႃႈပိူဝ်ႈၸူဝ်းႁွင်ႉၵၼ်ၵႂႃႇတီႈဝတ်ႉဢႃရၢမ်းၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃ သမ်ပုတ်ႉထၸဝ်ႈ ၼၼ်ႉ ႁိုဝ် ?

 

ၶတိၵႃရ တွပ်ႇဝႃႈ ၸႂ်ႈယဝ်ႉဢူၺ်းၵေႃႉသေႃးတိပႃလ ၸႂ်ႈၸိူင်ႉၼင်ႇဝႃႈယဝ်ႉဢူၺ်းၵေႃႉ ၵွပ်ႈဝႃႈ လွင်ႈလႆႈႁၼ်ၽြႃးပဵၼ်ၸဝ်ႈ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈယဝ်ႉၼၼ်ႉ ဝူၼ်ႉသွၼ်ႇ ၵၼ်ဝႃႈပဵၼ်လွင်ႈလီ

 

သေႃးတိပႃလ လၢတ်ႈဝႃႈ ဢူၺ်းၵေႃႉ ၶတိၵႃရ ပေႃးၸိူင်ႉၼၼ်ၵေႃႈပွႆႇလႃႈ ႁဝ်းတေၵႂႃႇၸွမ်း

 

တူၺ်းလူဢၼၼ်ႇတႃႇ ၶတိၵႃရၸၢင်ႈပၼ်ႈမေႃႈ လႄႈ သေႃးတိပႃလ လႆႈၶဝ်ႈၵႂႃႇထူပ်းၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈထိုင်တီႈယူႇယဝ်ႉ ၶတိၵႃရၸၢင်ႈပၼ်ႈမေႃႈလႆႈၶုပ်ႉဝႆႈၽြႃးပဵၼ်ၸဝ်ႈ ၸိုဝ်ႈဝႃႈ

ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈယဝ်ႉ  ၼင်ႈတီႈသၢင်ႇထုၵ်ႇၶၢင်ႈၼိုင်ႈ

 

သေႃးတိပႃလ ၵေႃႈလႆႈဢုပ်ႇလၢတ်ႈၸူးၽြႃးပဵၼ် ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ

ဝၢႆးသေဢုပ်ႇလၢတ်ႈၵၼ်ၵႂႃႇယဝ်ႉၸင်ႇၼင်ႈတီႈဢၼ်သၢင်ႇထုၵ်ႇၶၢင်ႈၼိုင်ႈ ၶတိၵႃရၸၢင်ႈမေႃႈၼင်ႈတီႈဢၼ်သင်ႇထုၵ်ႇ

ၶၢင်ႈၼိုင်ႈယဝ်ႉ

 

လႆႈတၢင်ႇလၢတ်ႈတီႈၽြႃးပဵၼ်ၸဝ်ႈၸိုဝ်ႈဝႃႈၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈဝႃႈ ၽြႃးပဵၼ်ၸဝ်ႈၶႃႈ ၼႆႉပဵၼ် သေႃးတိပႃလ ဢူၺ်းၵေႃႉၶွင်ၶႃႈၽူႈၸဝ်ႈ ယွၼ်းႁႂ်ႈၽြႃးပဵၼ်ၸဝ်ႈ ႁေႃးထမ်းတြႃးပၼ်သေႃးတိပႃလလႆႈထွမ်ႇသေၵမ်းၶႃႈ

 

8/ တူၺ်းလူဢၼၼ်ႇတႃႇ ပွၵ်ႈၼၼ်ႉ ၽြႃးပဵၼ် ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃ သမ်ပုတ်ႉထၸဝ်ႈၸင်ႇ ႁႂ်ႈၶတိၵႃရၸၢင်ႈပၼ်ႈမေႃႈ လႄႈ သေႃးတိပႃလ ႁႂ်ႈႁၼ်ၸႅင်ႈ ႁႂ်ႈသမႃထၢၼ်ႁတ်းႁၢၼ် ႁႂ်ႈမီးတၢင်းသိူဝ်းၸွမ်းထမ်မိၵႃထႃႇ

 

ဝၢႆးၼၼ်ႉ ၶတိၵႃရၸၢင်ႈပၼ်ႈမေႃႈ လႄႈ သေႃးတိပႃလ ဢၼ်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃ သမ်မႃသမ် ပုတ်ထၸဝ်ႈ ႁႂ်ႈႁၼ်ၸႅင်ႈ ႁႂ်ႈသမႃထၢၼ် ႁႂ်ႈႁတ်းႁၢၼ် ႁႂ်ႈသိူဝ်းၸွမ်း ထမ်မိၵႃထႃႇ ႁႂ်ႈမူၼ်ႈၸႂ်  ၽႃသိတ်ႇ(ၽႃသိတ) ၶွင်ၽြႃး ပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ယဝ်ႉလုၵ်ႉတီႈဢသၼ ဢၽိဝၢတ်ႉၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃ သမ်မႃသမ်ပုတ်ႉထၸဝ်ႈ ယဝ်ႉ ပွၵ်ႈမိူဝ်း ၵႂႃႇ

 

9/ တူၺ်းလူဢၼၼ်ႇတႃႇ ယၢမ်းၼၼ်ႉသေႃးတိပႃလ လႆႈထၢမ် ၶတိၵႃရၸၢင်ႈမေႃႈဝႃႈ ဢူၺ်းၵေႃႉၶတိၵႃရ မိူဝ်ႈသူထွမ်ႇထမ်ႇမၼႆႉယူႇ မိူဝ်ႈၸိူင်ႉၼၼ် သူတေဢွၵ်ႇယၢၼ်ႁိူၼ်းႁဵတ်းပဵၼ်သႃမၼႁိုဝ်ၼေႃ ?

 

ၶတိၵႃရ တွပ်ႇဝႃႈ ဢူၺ်းၵေႃႉသေႃးတိပႃလ သူၵေႃႈႁူႉယူႇဝႃႈ ႁဝ်းလူဝ်ႇလဵင်ႉ မႄႈ ပေႃႈ ဢၼ်ပဵၼ်ၵူၼ်းတႃမွတ်ႇ ပဵၼ်ၵူၼ်းၵႄႈထဝ်ႈယဝ်ႉ ဢမ်ႇၸႂ်ႈႁိုဝ် ?

 

သေႃးတိပႃလ လၢတ်ႈဝႃႈ ဢူၺ်းၵေႃႉ ၶတိၵႃရ ပေႃးၸိူင်ႉၼၼ်ႁဝ်းတေဢွၵ်ႇယၢၼ်ႁိူၼ်းႁဵတ်း ပဵၼ်သမၼ ။

 

10/ တူၺ်းလူဢၼၼ်ႇတႃႇ ပွၵ်ႈၼၼ်ႉ ၶတိၵႃရ ၸၢင်ႈပၼ်ႈမေႃႈ လႄႈ သေႃးတိပႃလ လႆႈၶဝ်ႈၵႂႃႇ ထူပ်း ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ် ဢရႁံတႃသမ်မႃသမ်ပုတ်ႉထၸဝ်ႈယဝ်ႉ ၼင်ႈယူႇ တီႈဢၼ်သင်ႇထုၵ်ႇၶၢင်ႈၼိုင်ႈ  ၶတိၵႃရၸၢင်ႈပၼ်ႈမေႃႈ လႆႈတၢင်ႇလဝ်ႈၶေႃႈၵႂၢမ်းဝႃႈ ၽြႃးပဵၼ်ၸဝ်ႈၶႃႈ ၼႆႉသေႃးတိပႃလ ပဵၼ်ဢူၺ်းၵေႃႉႁၵ်ႉၶွင်ၶႃႈၽူႈၸဝ်ႈ ယွၼ်းႁႂ်ႈ သေႃးတိပႃလ ၼႆႉလႆႈႁဵတ်းပဵၼ်သမၼသေၵမ်းၶႃႈ ၼင်ႇ ၼႆ

 

သေႃးတိပႃလ လႆႈပၺ်းပသႃဢုပသံပထႁဵတ်းပဵၼ်သႃမၼယဝ်ႉ ၼႂ်းဝတ်ႉဢရၢမ်းၶွင်ၽြႃးပဵၼ် ၸဝ်ႈၸိုဝ်ႈဝႃႈ ၵသ်သပ ၽူႈပဵၼ် ဢရႁံတႃသမ်မႃသမ်ပုတ်ႉထၸဝ်ႈမိူဝ်ႈၸဝ်ႈသေႃးတိပႃလ ပဵၼ်းသႃမၼယဝ်ႉဢမ်ႇ ႁိုင် မွၵ်ႈၽၢၵ်ႇလိူၼ် ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ယူႇသဝ်းတီႈ ဝေၽလိၶ မိူင်းဢၼ်သၢင်ႇထုၵ်ႇတႃႇ ၽြႃးပုတ်ႉထၽိရမ (ပုတ်ထၽိရုမ်း)ယဝ်ႉ ဢွၵ်ႇယၢၼ်သိုပ်ႇၶၢဝ်းတၢင်းၵႂႃႇတၢင်းမိူင်းပႃရႃၼသီႇသိုပ်ႇဢွၵ်ႇၶၢဝ်းတၢင်းတေႃႇပေႃးႁွတ်ႈၽႅဝ်ထိုင်မိူင်းပႃရႃၼသီႇယဝ်ႉ။

 

#လွင်ႈၸဝ်ႈမိူင်းၵႃသီ ႁွင်ႉဝႃႈ ၵိၵိ

 

11/ တူၺ်းလူဢၼၼ်ႇတႃႇ လႆႈယိၼ်းဝႃႈ ၼႂ်းပွၵ်ႈၼၼ်ႉ ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ် ပုတ်ႉထၸဝ်ႈ ယူႇသဝ်းတီႈ ပႃႇဢိသိပတၼမိၶထႃယဝၼ်ႇ ႁိမ်းၸမ်မိူင်း ပႃရႃၼသီႇ ပွၵ်ႈၼၼ်ႉ ၸဝ်ႈႁေႃၶမ်းမိူင်းၵႃသီ ၸိုဝ်ႈဝႃႈ ၵီၵိ လႆႈႁူႉ လႆႈယိၼ်းဝႃႈ ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ထၸဝ်ႈ ႁွတ်ႈမႃးထိုင်မိူင်းပႃရႃၼသီ ယူႇသဝ်းဝႆႉတီႈပႃႇဢိသိပတၼမိၶထႃယဝၼ်ႇ ႁိမ်းၸမ်မိူင်းပႃရႃၼသီႇ

 

ပွၵ်ႈၼၼ်ႇၸဝ်ႈႁေႃၶမ်းၵီၵိ ၵႃသီရႃၸႃႇသင်ႇ ႁႅၼ်းလေႃႉမၶႅမ်ႉလႅမ်ႈယဝ်ႉၸင်ႇၶိုၼ်ႈၶီႇလေႃႉမၼၼ်ႉဢွၵ်ႇၼႂ်းမိူင်းပႃရႃၼသီႇ လူၺ်ႈလေႃႉမ ဢၼ်ၶႅမ်ႉလႅပ်ႈလီယႂ်ႈလူင်တဵမ်ထူၼ်ႈ  ပိူဝ်ႈတႃႇၶဝ်ႈထူပ်းၽြႃးပဵၼ်ၸဝ်ႈၸိုဝ်ႈဝႃႈၵသ်သပ ၽူႈပဵၼ်ဢရႁံတႃ သမ်မႃသမ်ပုတ်ႉထၸဝ်ႈ မိူဝ်ႈႁွတ်ႈထိုင်ယဝ်ႉၸင်ႇလူင်းလေႃႉမၼၼ်ႉသေပႆတိၼ်ၵႂႃႇၶဝ်ႈထူပ်းၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ထိုင်တီႈယူႇ ၶူပ်ႉၵွမ်းဝႆႈသႃယဝ်ႉၼင်ႈတီႈၽၢႆႇၶၢင်ႈၼိုင်ႈ ။

 

12/ တူၺ်းလူဢၼၼ်ႇတႃႇ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ၸိုင်ႁႂ်ႈၸဝ်ႈႁေႃၶမ်းၵီၵိ ၵႃသီရႃၸ ႁႂ်ႈ ႁၼ်ၸႅင်ႈ ႁႂ်ႈသမႃထၢၼ် ႁတ်းႁၢၼ် ႁႂ်ႈသိူဝ်းၸွမ်းထမ်မိၵႃထႃ ဝၢႆးသေၼၼ်ႉ ၸဝ်ႈႁေႃၶမ်းၵီၵၵႃသီရႃၸ ဢၼ်ၽြႃး ပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ႁႂ်ႈ ႁၼ်ၸႅင်ႈ ႁႂ်ႈသမႃထၢၼ် ႁႂ်ႈႁတ်းႁၢၼ် ႁႂ်ႈသိူဝ်းၸွမ်း ထမ်မိၵႃထႃ  လႆႈတွင်ႈထၢမ်ဝႃႈ ၽြႃးပဵၼ်ၸဝ်ႈၶႃႈ ယွၼ်းႁႂ်ႈ ၽြႃးပဵၼ်ၸဝ်ႈႁူမ်ႈတင်းၽိၵ်ၶူသင်ၶ ၶႅၼ်း တေႃႈႁပ်ႉၽတ်တရႁႃရ ၶွင်ၶႃႈၽူႈၸဝ်ႈၼႂ်းဝၼ်း ၽုၵ်ႈၼႆႉသေၵမ်းၸဝ်ႈၶႃႈ

 

ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ႉထၸဝ်ႈ ၸိုင်ႁပ်ႉၶေႃႈၽိတ်ႈပၢင်း ၸဝ်ႈႁေႃၶမ်းၵီၵိၵႃသိရႃၸ ပေႃးႁူႉဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈဢရႁံတႃသမ်မႃသမ်ပုတ်ထၸဝ်ႈႁပ်ႉၶေႃႈၽိတ်ႈပၢင်းယဝ်ႉ ၸိုင်ၶုပ်ႉဝႆႈသႃယဝ်ႉ လုၵ်ႉဢွၵ်ႇတီႈဢႃသၼပွၵ်ႈမိူဝ်းၵႂႃႇ

 

ပေႃးပူၼ်ၶၢမ်ႈၶိုၼ်းၼၼ်ႉၵႂႃႇ ၸဝ်ႈႁေႃးၶမ်းၵီၵိ ၵႃသီရႃၸၸင်ႇသင်ႇႁႂ်ႈ ႁၢင်ႈပွင် ၶႃထၼိယ ၽေႃးသၼိယႃ ဢၼ်ပရႃၼိတ တၢင်းသဵင်ႈပဵၼ် ၶဝ်ႈသႃရိဢၼ်ၶၢဝ်လႄႈဢူၼ်ႈၼူၼ်း ဢမ်ႇမီးမဵတ်ႉတၢင်ႇပိူင်ၶူၼ်းလေႃး မီးၽၵ်းလႄႈၶဝ်ႈပဵၼ်လၢႆပိူင်ၼႂ်းႁၢင်ႈ ႁေႃၶမ်းၶွင်ၸဝ်ႈၵီၵိၵႃသီရႃၸယဝ်ႉ ၸင်ႇသင်ႇရႃၸပုရုသ်ၵႂႃႇၽိတ်ႈပၢင်း ဝႃႈထိုင်ၶၢဝ်းယၢမ်းယဝ်ႉၽြႃးပဵၼ်ၸဝ်ႈၶႃႈ ၽတ် တႁႃရ ယဝ်ႉတူဝ်ႈယဝ်ႉ ။

 

13/တူၺ်းလူဢၼၼ်ႇတႃႇ ပွၵ်ႈၼၼ်ႉၶၢဝ်းယၢမ်း ၸဝ်ႉ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ် ဢရႁံတႃသမ်မႃသမ်ပုတ်ႉထ ၸဝ်ႈ ၼုင်ႈယဝ်ႉႁွပ်ႇသပိတ်ႇ လႄႈ သၢင်ႇ ၵၢၼ်း ၵွႃႉၶဝ်ႈၵႂႃႇတီႈ ႁေႃရႃၸၼိဝဵတ်ႉ ၶွင်ၸဝ်ႈႁေႃၶမ်းၵီၵိၵႃသီရႃၸ ၼင်ႈတီႈၼိူဝ် ဢႃသၼတီႈဢၼ်ႁၢင်ႈႁႅၼ်းဝႆႉႁူမ်ႈတၢင်းၽိၵ်ၶူသင်ၶ ယၢမ်းၼင်ႇၼၼ် ၸဝ်ႈႁေႃ ၶမ်းၵီၵိၵႃသီရႃၸ ၸိုင်ၵၢပ်ႈသွမ်းၽိၵ်ၶသင်ၶ မီးၽြႃးပဵၼ်ၸဝ်ႈပဵၼ်ၽူႈဢွၼ်ႁူဝ် ႁႂ်ႈဢိမ်ႇၼမ် ပဵင်းပေႃးလူၺ်ႈၶွင်ၵဵဝ်ႉၶွင်သုင်းဢၼ်ပရႃၼိတ ၶွင် ၸဝ်ႈယဝ်ႉ မိူဝ်ႈၽြႃးပဵၼ် ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ဢရႁံတႃသမ်မႃသမ်ပုတ်ထၸဝ်ႈ ဝၢင်းမိူဝ်းတီႈသပိတ်ႈယဝ်ႉ ၸဝ်ႈႁေႃၶမ်းၵီၵိၵႃသီရႃၸ ၸင်ႇဢဝ် ဢႃသၼၽိုၼ်ၼိုင်ႈ သေၼင်ႈလူင်းတီႈၽၢႆႇၶၢင်ႈ ၼိုင်ႈ

 

ပေႃးယဝ်ႉလႆႈတွင်ႈထၢမ်ဝႃႈ ၽြႃးပဵၼ်ၸဝ်ႈၶႃႈ ယွၼ်းၽိတ်ႈပၢင်းၽြႃးပဵၼ်ၸဝ်ႈဢဝ်ဝႃႇ တီႈမိူင်း ပရႃၼသီ ၶွင်ၶႃႈၽူႈၸဝ်ႈ သေၵမ်းၶႃႈ ၶႃႈၽူႈၸဝ်ႈတေလႆႈလဵင်ႉလူလူမ်းလႃးၽိၵ်ၶူသင်ၶ ၼင်ႇၼႆၸဝ်ႈၶႃႈ

 

ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ပရႁံတႃသမ်မႃသမ်ပုတ်ထၸဝ်ႈ လၢတ်ႈဝႃႈ ယႃႇလႃႈႁဝ်းလႆႈႁပ်ႉၶေႃႈၽိတ်ႈပၢင်း ပိူဝ်ႈဢဝ်ဝႃႇဝႆႉယဝ်ႉ

 

ပွၵ်ႈၵမ်းသွင် ပွၵ်ႈၵမ်းသၢမ် ၸဝ်ႈႁေႃၶမ်း ၵီၵိၵႃသီရႃၸလႆႈၽိတ်ႈပၢင်းထႅင်ႈဝႃႈ ၽြႃးပဵၼ်ၸဝ်ႈၶႃႈ ယွၼ်းၽိတ်ႈပၢင်းၽြႃးပဵၼ် ၸဝ်ႈဢဝ်ဝႃႇ တီႈမိူင်း ပရႃၼသီ ၶွင်ၶႃႈၽူႈၸဝ်ႈသေၵမ်းၶႃႈ ၶႃႈၽူႈၸဝ်ႈတေလႆႈလဵင်ႉလူလူမ်းလႃးၽိၵ်ၶူသင် ၶ ၼင်ႇၼႆၸဝ်ႈၶႃႈ

ပွၵ်ႈၵမ်းသၢမ် ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ၽူႈပဵၼ်ပရႁံတႃသမ်မႃသမ်ပုတ်ထၸဝ်ႈ လၢတ်ႈဝႃႈ ယႃႇလႃႈ ႁဝ်းလႆႈႁပ်ႉၶေႃႈ ၽိတ်ႈပၢင်းပိူဝ်ႈဢဝ်ဝႃႇဝႆႉယဝ်ႉ

 

ယၢမ်းၼၼ်ႉ ၸဝ်ႈႁေႃၶမ်းၵီၵိၵႃသီရႃၸ ၸိုင်မီးလွင်ႈၸႂ်လဵၵ်ႉမွင်ၸႂ်ဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ် ဢရႁံတႃသမ်မႃသမ်ပုတ်ႇထၸဝ်ႈ ဢမ်ႇႁပ်ႉၶေႃႈၽိတ်ႈပၢင်းပိူဝ်ႈဢဝ်ဝႃႇတီႈမိူင်းပရႃၼသီႇသေယဝ်ႉၼင်ႇၼႆ

ယဝ်ႉၸင်ႇလႆႈတွင်ႈထၢမ်ဝႃႈ ၽြႃးပဵၼ်ၸဝ်ႈၶႃႈ မီးၽႂ်ၵေႃႉလႂ် ဢၼ်ပဵၼ်ဢုပထႃၵ လီလိူဝ်ၶႃႈ ၽူႈၸဝ်ႈႁိုဝ် ?

 

#ၽြႃးပဵၼ်ၸဝ်ႈၵသ်သပပုတ်ႉထၸဝ်ႈယွင်ႈယေႃးၸၢင်ႈပၼ်ႈမေႃႈၶတိၵႃရ

 

14/ မီးယူႇ ၸဝ်ႈႁဝ်း မိူင်းၸိုဝ်ႈဝႃႈ ဝေၽလိၶ ၸၢင်ႈပၼ်ႈမေႃႈၸိုဝ်ႈဝႃႈ ၶတိၵႃရ ယူႇၼႂ်းမိူင်းၼၼ်ႉ ၶဝ်ပဵၼ်ဢုပထႃၵၶွင်ႁဝ်း သွၼ်ႇဝႃႈပဵၼ်ဢုပထႃၵ ဢၼ်တွၼ်းသုတ်း  ၸဝ်ႈႁေႃၶမ်းၸိုင်းမီးလွင်ႈမွင်ၸႂ်ဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပၽူႈပဵၼ် ဢရႁံတႃသမ်မႃသမ်ပုတ်ႇထၸဝ်ႈ ဢမ်ႇႁပ်ႉၶေႃႈၽိတ်ႈပၢင်းပိူဝ်ႈ ဢဝ်ဝႃႇတီႈမိူင်းပရႃၼသီႇသေယဝ်ႉၼင်ႇၼႆ

 

တၢင်းတုၵ်ႉ လႄႈ တၢင်းမွင်ၸႂ်ၼႆႉၼၼ်ႉႁိုဝ်တေမီး လႄႈတေဢမ်ႇမီးၼႂ်းၸၢင်ႈမေႃႈၶတိၵႃရ

 

တူၺ်းလူၸဝ်ႈႁေႃၶမ်း ၸၢင်ႈမေႃၶတိၵႃရ လႄႊ ထိုင်ၽြႃးပုတ်ႉထၸဝ်ႈ ထမ်ႇမတြႃးၸဝ်ႈ သင်ၶ ၸဝ်ႈ ပဵၼ်သႃရၼ ဝၢင်းၶၢတ်ႇပႃၼႃတိပႃတႃ ဝၢင်းၶၢတ်ႇဢတိၼ်ၼႃတႃၼ ဝၢင်းၶၢတ်ႇၼႂ်းၵႃမေသုမိတ်သႃၸႃရ ဝၢင်းၶၢတ်ႇလွင်ႈမုသႃဝၢတ်တ ဝၢင်းၶၢတ်ႇသူရႃလႄႈမေရယ ပၼ်ပဵၼ်တီႈတင်ႈၶွင် လွင်ႈလူင်လိုမ်း

 

တူၺ်းလူၸဝ်ႈႁေႃၶမ်း ၸၢင်ႈပၼ်ႈမေႃႈၶတိၵႃရပဵၼ်ၽူႈၶိုင်ပွင်လွင်ႈယုမ်ႇယမ်ဢၼ်ယင်ႇလူင်းမၼ်ႈဢမ်ႇၶွၼ်းဝႆ ၼႂ်း ၽြႃးပုတ်ထၸဝ်ႈ ပဵၼ်ၽူႈၶိုင်ပွင်လွင်ႈယုမ်ႇယမ်ဢၼ်ယင်ႇလူင်းမၼ်ႈဢမ်ႇၶွၼ်းဝႆၼႂ်းထမ်းတြႃးၶွင်ၽြႃးပုတ်ထၸဝ်ႈ

ပဵၼ်ၽူႈၶိုင်ပွင်လွင်ႈယုမ်ႇယမ်ဢၼ်ယင်ႇလူင်းမၼ်ႈဢမ်ႇၶွၼ်းဝႆၼႂ်းသင်ၶၸဝ်ႈ ပဵၼ်ၽူႈၶိုင်ပွင်ၸွမ်းသိလ် ဢၼ် ဢရိယၸဝ်ႈၶဝ်သႂ်ႇၸႂ်

 

တူၺ်းလူၸဝ်ႈႁေႃၶမ်း ၸၢင်ႈမေႃႈၶတိၵႃရ ပဵၼ်ၽူႈမူတ်းလွင်ႈထၢင်ႇထိူမ်ၼႂ်းတၢင်းတုၶ ၼးတု သမုတယ ၼးတု ၼိလေႃးထ ၼႂ်းတုၶၼိလေႃးထၶႃမိၼိပတိပထႃ ပရိၽေႃးၵၽတ်တ ၼိုင်ႈဝၼ်းတႃႇလဵဝ် ၵျၢင်ႉၵမ် မီးသိလ် မီးၵလယႃၼထမ်း ပွႆႇဝၢင်းမၼိ ၵႅဝ်ႈသႅင် လႄႈ ၶမ်း လွတ်ႈၵၢင်းလွင်ႈၸႂ်ႉၶမ်း လႄႈ ငိုၼ်း

 

တူၺ်းလူၸဝ်ႈႁေႃၶမ်း ၸၢင်ႈမေႃႈၶတိၵႃရ လႄႊ ဢမ်ႇၶုတ်းၽႅၼ်ႇလိၼ်လူၺ်ႈသၢၵ်ႇလႄႈလူၺ်ႈမိုဝ်းၶွင်တူဝ်ၵဝ်ႇ ဢဝ်မႃး ၵႃႈလိၼ်ၵူၼ်ႇႁိုဝ်လိၼ် ၶူၺ်ၼူ ဢၼ်မီးယူႇပဵၼ်ႁၢပ်ႇ ႁဵတ်းပဵၼ်ၵေႃႈယဝ်ႉ ၵၢဝ်ႇလၢတ်ႈၸိူင်ႉၼႆဝႃႈ မေႃႈၼႆႉၽႂ်လူဝ်ႇၵေႃႈ ၽူႈၼၼ်ႉၸိုင်ဝၢင်းထူင်သႂ်ႇၶဝ်ႈသၢၼ် ထူင်သႂ်ႇထူဝ်ႇၶဵဝ် ဢမ်ႇၼၼ်ထူင်သႂ်ႇထူဝ်ႇလမ်ဝႆႉယဝ်ႉ ဢဝ်မေႃႈပၼ်ၶႂ်ႈလႆႈၼၼ်ႉ ၵႂႃႇလႃႈ

 

တူၺ်းလူၸဝ်ႈႁေႃၶမ်း ၸၢင်ႈမေႃႈၶတိၵႃရ လဵင်ႉမႄႈ ပေႃႈ ၽူႈၵႄႇထဝ်ႈ တႃမွတ်ႇ ၸၢင်ႈမေႃႈၶတိၵႃရ ပဵၼ်ဢုပပႃတိၵ တေပရိၼိပ်ႉပၢၼ်ႇၼႂ်းၽဝၼၼ်ႉ မီးလွင်ႈဢၼ်ဢမ်ႇပွၵ်ႈမႃးၼႂ်းလေႃးၵပဵၼ်ထမ်ႇမတႃႇ ၵွပ်ႈဢူလမ်ပႃၶီယသၺ်ယေႃးသ ပိူင်ႈတႅမ်ႇ 5 ပိူင်မူတ်းသဵင်ႈၵႂႃႇ ။

 

15/ တူၺ်းၸဝ်ႁေႃၶမ်း ပွၵ်ႈၼိုင်ႈ ႁဝ်းယူႇတီႈမိူင်း ဝေၽလိၶ ၼႆႉလႄႈ ပွၵ်ႈၼၼ်ႉပဵၼ်ယၢမ်းၸဝ်ႉ ႁဝ်းၽြႃးပဵၼ်ၸဝ်ႈၼုင်ႈယဝ်ႉ ႁွပ်ႇသပိတ်ႈ လႄႈ ၸီဝႃရ (သၢင်ႇၵၢၼ်း)ၶဝ်ႈၵႂႃႇႁႃမႄႈပေႃႈ(မႃတႃပီတႃ)ၶွင်ၶတိၵႃရၸၢင်ႈမေႃႈထိုင်တီႈယူႇ ယဝ်ႉလႆႈထၢမ်ဝႃႈ တူၺ်းလူ ၵူၼ်းႁႃၶဝ်ႈၽၵ်း (ဢႁႃရ)ၵႂႃႇလႂ်သေယဝ်ႉ ?

 

မႄႈပေႃႈၶွင်ၶတိၵႃရၸၢင်ႈပၼ်ႈမေႃႈတွပ်ႇဝႃႈ ၽြႃးပဵၼ်ၸဝ်ႈၶႃႈ ဢပထႃၵၶွင်ၽြႃးပဵၼ်ၸဝ်ႈဢွၵ်ႇၵႂႃႇယဝ်ႉၶႃႈ ႁႂ်ႈၽြႃးပဵၼ်ၸဝ်ႈ ဢဝ်ၶဝ်ႈသုၵ်းၼႂ်းမေႃႈၶဝ်ႈၼႆႉ ဢဝ်ၽၵ်းၼႂ်းမေႃႈၽၵ်း ၼႆႉသုင်းသေၵမ်းၶႃႈ

 

တူၺ်းလူၸဝ်ႈႁေႃၶမ်း ပွၵ်ႈၼၼ်ႉႁဝ်းလႆႈဢဝ်ၶဝ်ႈသုၵ်းၼႂ်းမေႃႈၶဝ်ႈ ဢဝ်ၽၵ်းၼႂ်းမေႃႈၽၵ်းသုင်း ယဝ်ႉ လုၵ်ႉတီႈဢႃသၼဢွၵ်ႇၵႂႃႇ

ဝၢႆးၼၼ်ႉ ၶတိၵႃရၸၢင်ႈမေႃႈၶဝ်ႈၵႂႃႇႁႃမႄႈလႄႈ ပေႃႈ ထိုင်တီႈယူႇ ယဝ်ႉလႆႈထၢမ်ဝႃႈ ၽႂ်မႃးဢဝ်ၶဝ်ႈသုၵ်းၼႂ်းမေႃႈၶဝ်ႈ ဢဝ်ၽၵ်းၼႂ်းမေႃႈၽၵ်း ၵိၼ်(ပရိၽေႃးၵ)ယဝ်ႉလုၵ်ႉတီႈဢႃသၼဢွၵ်ႇၵႂႃႇ

 

မေႈလႄႈပေႃႈလၢတ်ႈဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ပရႁံတႃသမ်မႃသမ်ပုတ်ထၸဝ်ႈ ၼၼ်ႉ ဢဝ်ၶဝ်ႈၼႂ်းမေႃႈၶဝ်ႈ ဢဝ်ၽၵ်းၼႂ်းမေႃႈၽၵ်းသုင်းယဝ်ႉလုၵ်ႉတီႈဢႃသၼဢွၵ်ႇၵႂႃႇ

 

ပွၵ်ႈၼၼ်ႉၶတိၵႃရၸၢင်ႈပၼ်ႈမေႃႈမီးတၢင်းဝူၼ်ႉ ႁၼ်ဝႃႈ ပဵၼ်လၢပ်ႈၶွင်ႁဝ်းၼေႃ ႁဝ်းလႆႈလီယဝ်ႉ ၼေႃ ဢၼ်ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ဢရႁံတႃသမ်မႃသမ်ပုတ်ႉၸဝ်ႈ မီးလွင်ႈၵိုဝ်ႉၵုလ်ယႂ်ႇသုင်ၸိူင်ႉၼႆတေႃႇႁဝ်း

 

တူၺ်းလူၸဝ်ႈႁဝ်း ပွၵ်ႈၼၼ်ႉပီတိ လႄႈ တၢင်းသိူဝ်းမီးတေႃႇၶတိၵႃရၸၢင်ႈပၼ်ႈမေႃႈ ႁိုင် ထိုင်ၽၢၵ်ႇလိူၼ် မီးတေႃႇ မႄႈ လႄႈ ပေႃႈၶွင်ၶတိၵႃရ ႁိုင် ထိုင် 7 ဝၼ်း

 

16/ တူၺ်းလူၸဝ်ႈႁဝ်း ပွၵ်ႈၼိုင်ႈႁဝ်းၽြႃးပဵၼ် ၸဝ်ႈယူႇတီႈမိူင်းဝေၽလိၶၼၼ်ႉလႄႈ ပွၵ်ႈ ၼၼ်ႉပဵၼ်ယၢမ်းၸဝ်ႉ ႁဝ်းၽြႃးပဵၼ်ၸဝ်ႈၼုင်ႈယဝ်ႉ ႁွပ်ႇသပိတ်ႈ လႄႈ ၸီဝႃရ (သၢင်ႇၵၢၼ်း)ၶဝ်ႈၵႂႃႇႁႃမႄႈပေႃႈ(မႃတႃပီတႃ) ၶွင်ၶတိၵႃရၸၢင်ႈမေႃႈ ထိုင်တီႈယူႇ ယဝ်ႉလႆႈထၢမ်ဝႃႈ တူၺ်းလူ ၵူၼ်းႁႃၶဝ်ႈၽၵ်း (ဢႁႃရ)ၵႂႃႇလႂ်သေယဝ်ႉ ?

 

မႄႈပေႃႈၶွင်ၶတိၵႃရၸၢင်ႈပၼ်ႈမေႃႈတွပ်ႇဝႃႈ ၽြႃးပဵၼ်ၸဝ်ႈၶႃႈ ဢုပထႃၵၶွင်ၽြႃးပဵၼ်ၸဝ်ႈ ဢွၵ်ႇၵႂႃႇယဝ်ႉၶႃႈ ႁႂ်ႈၽြႃးပဵၼ်ၸဝ်ႈ ဢဝ်ၶဝ်ႈမုၼ်းၼႂ်းသႃႉၼႆႉ ဢဝ်ၽၵ်းၼႂ်းမေႃႈၽၵ်းၼႆႉ သုင်းသေၵမ်းၶႃႈ

 

တူၺ်းလူၸဝ်ႈႁေႃၶမ်း ပွၵ်ႈၼၼ်ႉႁဝ်းလႆႈဢဝ်ၶဝ်ႈသမုၼ်းၼႂ်းသႃႉ ဢဝ်ၽၵ်းၼႂ်းမေႃႈၽၵ်း သုင်းယဝ်ႉလုၵ်ႉတီႈဢႃသၼဢွၵ်ႇၵႂႃႇ

ဝၢႆးၼၼ်ႉ ၶတိၵႃရၸၢင်ႈမေႃႈၶဝ်ႈၵႂႃႇႁႃမႄႈလႄႈ ပေႃႈ ထိုင်တီႈယူႇ ယဝ်ႉလႆႈထၢမ်ဝႃႈ ၽႂ်မႃးဢဝ်ၶဝ်ႈမုၼ်းၼႂ်းသႃႉ ဢဝ်ၽၵ်း ၼႂ်းမေႃႈၽၵ်း ၵိၼ် (ပရိၽေႃးၵ)ယဝ်ႉလုၵ်ႉတီႈဢႃသၼဢွၵ်ႇၵႂႃႇ

 

မေႈလႄႈပေႃႈလၢတ်ႈဝႃႈ ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ၽူႈပဵၼ်ပရႁံတႃသမ်မႃသမ်ပုတ်ထၸဝ်ႈ ၼၼ်ႉ ဢဝ်ၶဝ်ႈမုၼ်း ၼႂ်းသႃႉ ဢဝ်ၽၵ်းၼႂ်းမေႃႈၽၵ်း သုင်းယဝ်ႉလုၵ်ႉတီႈဢႃသၼဢွၵ်ႇၵႂႃႇ

 

ပွၵ်ႈၼၼ်ႉၶတိၵႃရၸၢင်ႈပၼ်ႈမေႃႈမီးတၢင်းဝူၼ်ႉ ႁၼ်ဝႃႈ ပဵၼ်လၢပ်ႈၶွင်ႁဝ်းၼေႃ ႁဝ်းလႆႈလီယဝ်ႉ ၼေႃ ဢၼ်ၽြႃးပဵၼ်ၸဝ်ႈ ၸိုဝ်ႈဝႃႈ ၵသ်သပ ဢရႁံတႃသမ်မႃသမ်ပုတ်ႉၸဝ်ႈ မီးလွင်ႈၵိုဝ်ႉၵုလ်ယႂ်ႇသုင်ၸိူင်ႉၼႆတေႃႇႁဝ်း

 

တူၺ်းလူၸဝ်ႈႁဝ်း ပွၵ်ႈၼၼ်ႉပီတိ လႄႈ တၢင်းသိူဝ်းမီးတေႃႇၶတိၵႃရၸၢင်ႈပၼ်ႈမေႃႈ ႁိုင်ထိုင် ၽၢၵ်ႇလိူၼ် မီးတေႃႇ မႄႈ လႄႈ ပေႃႈၶွင်ၶတိၵႃရ ႁိုင် ထိုင် 7 ဝၼ်း

 

17/ တူၺ်းလူၸဝ်ႈႁေႃၶမ်း ႁဝ်းၽြႃပဵၼ်ၸဝ်ႈ ယူႇတီႈမိူင်ဝေၽလိၶၼႆႉလႄႈ ၽွင်းမိူဝ်ႈၼၼ်ႉ  ၵုတီၽူၼ်ႈႁူဝ်ႈ ႁဝ်းၽြႃးပဵၼ်ၸဝ်ႈ လႆႈႁွင်ႉၽိၵ် ၶူတၢင်းလၢႆမႃး ဝႃႈ တူၺ်းလူၽိၵ်ၶူတၢင်းလၢႆ သူတၢင်းလၢႆဢွၼ်ၵၼ် ၵႂႃႇတူၺ်းယႃႈၶႃးတီႈႁိူၼ်းၶွင်ၶတိၵႃရၸၢင်ႈ ပၼ်ႈမေႃႈ မိူဝ်ႈႁဝ်း လၢတ်ႈၼင်ႇၼႆယဝ်ႉ ၽိၵ်ၶူ တၢင်းလၢႆၸိုင်ဢွၼ်ၵၼ်ၵႂႃႇတူၺ်းၶႃးတီႈႁိူၼ်း ၶွင်ၶတိၵႃရၸၢင်ႈပၼ်ႈမေႃႈ

မိူဝ်ႈႁဝ်းလၢတ်ႈၸိူင်ႉၼႆယဝ်ႉ ၽိၵ်ၶူတၢင်းလၢႆ ၼၼ်ႉ ၸင်ႇတွပ်ႇဝႃႈ ၽြႃးပဵၼ်ၸဝ်ႈၶႃႈ တီႈ ႁိူၼ်းၶွင်ၶတိၵႃရၼၼ်ႉ ဢမ်ႇမီးၶႃး ၸဝ်ႈၶႃႈ  မီးၶႃးမုင်းႁိူၼ်းဢၼ်ၶတိၵႃရယူႇၼၼ်ႉၵူၺ်းၸဝ်ႈၶႃႈ

 

ႁဝ်းလႆႈသင်ႇၽိၵ်ၶူတၢင်းလၢႆဝႃႈ တူၺ်းလူၽိၵ်ၶူ တၢင်းလၢႆဢွၼ်ၵၼ်မိူဝ်းထၢၵ်ႇဢဝ်ၶႃးမုင်းႁိူၼ်း ဢၼ်ၶတိၵႃရၸၢင်ႈပၼ်ႈ မေႃႈယူႇၼၼ်ႉမႃးလႃႈ

 

တူၺ်းလူၸဝ်ႈႁေႃၶမ်း ပွၵ်ႈၼၼ်ႇၽိၵ်ၶူတၢင်းလၢႆမိူဝ်းထၢၵ်ႇဢဝ်ၶႃးမုင်းႁိူၼ်းၶွင်ၶတိၵႃရၼၼ်ႉမႃး ယဝ်ႉ ဝၢႆးၼၼ်ႉ မႄႈလႄႈပေႃႈ ၶွင်ၶတိၵႃရလႆႈလၢတ်ႈတီႈၽိၵ်ၶူတၢင်းလၢႆၼၼ်ႉဝႃႈ ၽႂ်မႃးထၢၵ်ႇၶႃးမုင်းႁိူၼ်းၼႆႉ

ၽိၵ်ၶူတၢင်းလၢႆၸင်ႇတွပ်ႇဝႃႈ တူၺ်းလူၼွင်ႉယိင်း ၵုတိ ၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပဢရႁံတႃသမ်မႃသမ်ပုတ်ႉထၸဝ်ႈ ၽူၼ်ႁူဝ်ႈ  မႄႈလႄႈပေႃႈၶွင်ၶတိၵႃရၸၢင်ႈပၼ်မေႃႈၸင်ႇ တွပ်ႇဝႃႈ ဢဝ်ႇၵႂႃႇၶႃႈလႃႈ ဢဝ်ၵႂႃႇၼင်ႇၵႃႈပေႉလႆႈၶႃႈလႃႈ ၸဝ်ႈတၢင်းလၢႆ

ဝၢႆးၼၼ်ႉ ၶတိၵႃရၸၢင်ႈမေႃႈၶဝ်ႈၵႂႃႇႁႃႈ မႄႈလႄႈ ပေႃႈထိုင်တီႈယူႇယဝ်ႉလႆႈထၢမ်ဝႃႈ ၽႂ်မႃး ထၢၵ်ႈဢဝ်ၶႃးမုင်းႁိူၼ်းသေယဝ်ႉ ?

 

မႄႈ လႄႈ ပေႃႈတွပ်ႇဝႃႈ တူၺ်းလူ ၽိၵ်ၶူတၢင်းလၢႆ လၢတ်ႈဝႃႈ ၵုတိၶွင်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပဢရႁံတႃသမ်မႃသမ် ပုတ်ႉထၸဝ်ႈၽူၼ်ႁူဝ်ႈ

 

တူၺ်းလူၸဝ်ႈႁဝ်း ပွၵ်ႈၼၼ်ႉၶတိၵႃရၸၢင်ႈပၼ်ႈမေႃႈမီးတၢင်းဝူၼ်ႉႁၼ်ဝႃႈ ပဵၼ်လၢပ်ႈၶွင်ႁဝ်းၼေႃ ႁဝ်းလႆႈလီယဝ်ႉ ၼေႃ ဢၼ်ၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ဢရႁံတႃသမ်မႃသမ်ပုတ်ႉ ၸဝ်ႈ မီးလွင်ႈၵိုဝ်ႉၵုလ်ယႂ်ႇသုင်ၸိူင်ႉၼႆတေႃႇႁဝ်း

 

တူၺ်းလူၸဝ်ႈႁဝ်း ပွၵ်ႈၼၼ်ႉပီတိ လႄႈ တၢင်းသိူဝ်းမီးတေႃႇၶတိၵႃရၸၢင်ႈပၼ်ႈမေႃႈ ႁိုင်ထိုင် ၽၢၵ်ႇလိူၼ် မီးတေႃႇ မႄႈ လႄႈ ပေႃႈၶွင်ၶတိၵႃရ ႁိုင် ထိုင် 7 ဝၼ်း  လႄႈၽွင်းၼၼ်ႉႁိူၼ်းၶွင်ၶတိၵႃရၸၢင်ႈမေႃႈ ၼၼ်ႉ မီးဢႃၵႃသတွင်ႉၾႃႉပဵၼ်လင်ႁိူၼ်း ယူႇတၢင်းႁိုင်သၢမ်လိူၼ် မိူဝ်ႈၽူၼ်တူၵ်းၵေႃႈဢမ်ႇႁူဝ်ႈ

 

တူၺ်းလူၸဝ်ႈႁဝ်း ၶတိၵႃရၸၢင်ႈမေႃႈၸိူင်ႉၼင်ႇ ၼႆၼႆႉ ၸဝ်ႈႁေႃၶမ်းၵီၵိလၢတ်ႈဝႃႈ ပဵၼ်လၢပ်ႈ ၶွင်ၶတိၵႃရၸၢင်ႈပၼ်ႈမေႃႈ ယဝ်ႉ ၶတိၵႃရၸၢင်ႈမေႃႈလႆႈလီယဝ်ႉ ဢၼ်ၽြႃးပဵၼ်ၸဝ်ႈၵိုဝ်ႉၵုလ်ယႂ်ႇသုင်ၸိူင်ႉၼႆတေႃႇၶဝ်

 

19/ တူၺ်းလူဢၼၼ်ႇတႃႇ ၸဝ်ႈႁေႃၶမ်းၵီၵိၵႃသီရႃၸ လႆႈသူင်ႇလေႃႉတၢင်ႇၶဝ်ႈသၢၼ် ၶဝ်ႈပၺ်ၼထုမုထိၵသႃရိတၢင်းၼမ် 500 လမ်း လႄႈ ၶိူင်ႈမီႇမၼ်းတွၼ်ႈတႃႇႁုင်ၽၵ်းဢၼ်ၵိုၵ်းၸွမ်းၶဝ်ႈသၢၼ်ၼၼ်ႉ  ၵႂႃႇမိူဝ်းဢၢပ်ႈပၼ်တီႈၶတိၵႃရၸၢင်ႈမေႃႈ

 

ပွၵ်ႈၼၼ်ႉ ရႃၸႃပုရုသ်တၢင်းလၢႆၶဝ်မိူဝ်းႁႃၶတိၵႃရၸၢင်ႈမေႃႈယဝ်ႉလၢတ်ႈဝႃႈ တူၺ်းလူၽူႈႁိူဝ်ႈႁိူင်း ၼႆႉၶဝ်ႈသၢၼ် ၶဝ်ႈပၺ်ၼ ထုမုထိၵသႃလိ ၼႂ်းလေႃႉ 500 လမ်း လႄႈ ၶိူင်ႈၵိရိယႃႁုင်ၽၵ်းဢၼ်ၵိုၵ်းႁွမ်းၶဝ်ႈသၢၼ်ၼၼ်ႉ ၸဝ်ႈႁေႃၶမ်းၵီၵိၵႃသီရႃၸ လႆႈသူင်ႇမႃးဢၢပ်ႈပၼ်သူယဝ်ႉ ႁပ်ႉဢဝ်ၶွင်ဢၼ်ၸဝ်ႈႁေႃးၶမ်း ၵီၵိၵႃသီရႃၸ သူင်ႇမႃးၼႆႉသေၵမ်း

 

ၶတိၵႃရၸၢင်ႈမေႃႈလႆႈတွပ်ႇလၢတ်ႈဝႃႈ ၸဝ်ႈရႃႇၸႃႇမီးၼႃႈၵၢၼ်ၼမ်မီးပုၼ်ႈၽွၼ်းယႂ်ႇလူင်  ၶွင်ဢၼ်ၸဝ်ႈရႃၸတႃၼ သူင်ႇမႃးပၼ်ၼႆႉ ယႃႇပဵၼ်ၶွင်ၶႃႈၽူႈၸဝ်ႈလႃႈ ႁႂ်ႈပဵၼ်ၶွင်လူင်သေၵမ်း

 

19/ တူၺ်းလူဢၼၼ်ႇတႃႇၸဝ်ႈၸင်ႇမီးဝူၼ်ႉႁၼ်ႉဝႃႈ ပၢၼ်ၼၼ်ႉ ၵူၼ်းတၢင်ႇၵေႃႉ လႆႈပဵၼ် သေႃးတိပႃလ ၵူၺ်းဝႃႈၶေႃႈၼၼ်ႉ ၸဝ်ႈ ဢမ်ႇထုၵ်ႇလီႁၼ်ၼင်ႇ ၼၼ် ပၢၼ်ၼၼ်ႉၸဝ်ႈလႆႈပဵၼ်သေႃးတိပႃလ ၽြႃးပဵၼ်ၸဝ်ႈလႆႈႁေႃးလၢတ်ႈပုတ်ထၽူတ်းၼႆႉယဝ်ႉ ၸဝ်ႈဢၼၼ်ႇတႃႇယိၼ်းလီႁူမ်ၸူမ်း ၽႃသိတၶွင်ၽြႃးပဵၼ်ၸဝ်ႈယဝ်ႉ ၼင်ႇၼႆလႄႊ။

----

ဢိင်ၶေႃႈမုလ်းပီတၵတ်ႈၽၢႆႇထႆး

ၽရတၺ်းပိတၵ ပပ်ႉထိ 13

ၽရသုတ်တၼ်တႃပိတၵ ပပ်ႉထိ 5

မသ်သိမၼိၵႃယ မသ်သိမပၺ်ၼႃသၵ

(ရႃၸဝႂၵ်ၵ)

ပိၼ်ႇ တႅမ်ႈ = သႅင်တဵၼ်း แสงเทียน

419