ၽွၼ်းလီလွင်ႈတိုဝ်းၵမ်လုမ်းလႃးဢုပေႃးသူထ်(႓ ပိူင်)

 

ၽွၼ်းလီ လွင်ႈတိုဝ်းၵမ် လုမ်းလႃးဢုပေႃးသူထ်(႓ ပိူင်)

 

ဝိၸႃၶႃ ! ဢုပေႃးသထ မီး ႓ ပိူင်  ႓ ပိူင် ၼၼ်ႉပဵၼ်ၸိူင်ႉႁိုဝ်?  

ၼၼ်ႉပဵၼ်

(  ႑ ) ၶူဝ်းပႃးလၵ ဢုပေႃးသထ

( ႒ ) ၼိၶꧣ်ထ ဢုပေႃးသထ

( ႓ ) ဢရိယ ဢုပေႃးသထ

ဝိၸႃၶႃ ! ၶူဝ်းပႃလၵဢုပေႃးသထ ပဵၼ်ၸိူင်ႉႁိုဝ် !

ဝိၸႃၶႃ ! မိူၼ်ၸိူင်ႉၼင်ႇၵူၼ်းလဵင်ႉဝူဝ်း ၶၢဝ်းယၢမ်းႁူဝ်ၶမ်ႈ ဢၢပ်ႈၽုင်ဝူဝ်းပၼ်တီႈၸဝ်ႈၶွင်ယဝ်ႉ ၸင်ႇထုၵ်းၶူၼ်ႉၼင်ႇၼႆဝႃႈ မိူဝ်ႈၼႆႉ ဝူဝ်းၵႂႃႇႁႃၵိၼ်ၼႂ်းမိူင်းပုၼ်ႉၵိၼ်ၼမ်ႉတီႈမိူင်းပုၼ်ႉ  မိူဝ်ႈၽုၵ်ႈ ဝူဝ်းတေၵႂႃႇႁႃၵိၼ်တီႈမိူင်းပုၼ်ႉ ၵိၼ်ၼမ်ႉတီႈမိူင်ႉပုၼ်ႉ ၼင်ႇၼႆ

ဝိၸႃၶႃ ! မိူၼ်ၸိူင်ႉၼင်ႇၼၼ်မိူၼ်ၵၼ် ၵူၼ်းတိုဝ်းၵမ်ဢုပေႃးသူထ်မၢင်ၵေႃႉၼႂ်းလေႃးၵၼႆႉ ၸိုင်ထတ်းသၢင်ၼင်ႇၼႆဝႃႈ မိူဝ်ႈၼႆႉႁဝ်းၵိၼ်ၶွင်ၵဵဝ်ႉၸိူင်ႉၼႆ ၵိၼ်ၶွင်ၵိၼ်ၸိူင်ႉၼႆ မိူဝ်ႈၽုၵ်ႈႁဝ်းတေၵိၼ်ၶွင်ၵဵဝ်ႉၸိူင်ႉၼႆ ၵိၼ်ၶွင်ၵိၼ်ၸိူင်ႉၼႆ ၶဝ်မီးၸႂ်ဢၼ်ပႃးလူၺ်ႈ လေႃးၽ ၶႂ်ႈလႆႈၶွင်ၶဝ် ႁဵတ်းႁႂ်ႈဝၼ်းၶိုၼ်းလူင်ႈပူၼ်ႉၵႂႃႇလူၺ်ႈတၢင်းလေႃးၽၼၼ်ႉ

ဝိၸႃၶႃ  ! ၶူဝ်းပႃလၵဢုပေႃးသထပဵၼ်ၸိူင်ႉၼင်ႇၼႆလႄႊ။

ဝိၸႃၶႃ ! ၶူဝ်းပႃလၵဢုပေႃးသထ ဢၼ်ပူၵ်ၵူလ် ၶဝ်ႈတိုဝ်းဢဝ်ယဝ်ႉ ၸိူင်ႉၼႆလႄႈ ဢမ်ႇမီးၽွၼ်းလီၼမ် ဢမ်ႇမီးမုၼ်ၼမ် ဢမ်ႇႁိူဝ်ႈႁိူင်း ဢမ်ႇၽႄႈတိူၼ်းလႆႈၼမ် ။

ဝိၸႃၶႃ ! ၼိၶꧣ်ထဢုပေႃးသထ ပဵၼ်ၸိူင်ႉႁိုဝ်

ဝိၸႃၶႃ ! မီးသမၼၵိူင်းၼိုင်ႈ မီးၸိုဝ်ႈဝႃႈ ၼိၶရူၼ်း ၼိၶရူၼ်းၸိူဝ်းၼၼ်ႉ ၸၵ်ႉၸုင်ဢဝ်သႃဝၵၸိူဝ်းၼၼ်ႉဝႃႈ မႃးၼႆႉလႄႈပေႃႈၶုၼ် သူၸိုင်ဝၢင်းၶွၼ်ႉမႆႉ ၼႂ်းမူႇသတ်းတီႈယူႇတၢင်းၽၢႆႇပူရၽႃ ၼႂ်းတီႈဢၼ်ပူၼ်ႉ ၼိုင်ႈပၢၵ်ႇ(႑႐႐) ယူဝ်ႇၸၼႃႇၵႂႃႇ  ၸိုင်ဝၢင်းၶွၼ်ႉမႆႉၼႂ်းမူႇသတ်းတီႈယူႇတၢင်းၽၢႆႇပၸ်ၸိမ ၼႂ်းတီႈဢၼ်ပူၼ်ႉ ၼိုင်ႈ ပၢၵ်ႇ(႑႐႐) ယူဝ်ႇၸၼႃႇၵႂႃႇ ၸိုင်ဝၢင်းထွၼ်ႈမႆႉ ၼႂ်းမူႇသတ်းတီႈယူႇတၢင်းၽၢႆႇဢုတရ ၼႂ်းတီႈဢၼ်ပူၼ်ႉ ၼိုင်ႈ ပၢၵ်ႇ(႑႐႐) ယူဝ်ႇၸၼႃႇၵႂႃႇ      ၸိုင်ဝၢင်းထွၼ်ႈမႆႉ ၼႂ်းမူႇသတ်းတီႈယူႇတၢင်းၽၢႆႇ ထၵ်သိၼ ၼႂ်းတီႈဢၼ်ပူၼ်ႉၼိုင်ႈ ပၢၵ်ႇ(႑႐႐) ယူဝ်ႇၸၼႃႇၵႂႃႇ   ၼိၶရူၼ်းၸိူဝ်းၼၼ်ႉၸူဝ်းႁွင်ႉပိူဝ်ႈဢီးလူၵရုၼႃႇသတ်းပၢင်ၸိူဝ်း ဢမ်ႇၸူဝ်းႁွင်ႉပိူဝ်ႈဢီးလူ ၵရုၼႃႇသတ်းမၢင်ၸိူဝ်း လူၺ်ႈၸိူင်ႉၼင်ႇၼႆ

ၼိၶရူၼ်းၸိူဝ်းၼၼ်ႉၸူဝ်းႁွင်ႉ သႃဝၵ ၼႂ်းဢုပေႃးသူထ်ၸိူဝ်းၼၼ်ႉၼင်ႇၼႆဝႃႈ မႃးၼႆႉလႄႈ ပေႃႈၶုၼ် သူင်ၸိုင်ဝၢင်းပႅတ်ႈၽႃႈၼၼ်ႉၵူႈၽိုၼ် ယဝ်ႉလၢတ်ႈၼင်ႇၼႆဝႃႈ ႁဝ်းဢမ်ႇ ပဵၼ်တီႈႁွႆႈၸပ်းၶွင်ၽႂ်ၽႂ် ၼႂ်းတီႈလႂ်လႂ် လႄႈတူဝ်ႁဝ်းၵေႃႈဢမ်ႇပဵၼ်တီႈႁွႆႈၸပ်းၼႂ်းပူၵ်ၵူလ်ႇလႂ် လႄႈ ၶိူင်ႈၶွင်လႂ်လႂ် ၼႂ်းတီႈလႂ်လႂ်ၸိူင်ႉၼႆ

ၵူၺ်းဝႃႈ မႃတႃ လႄႈ ပီတႃ ၶွင်ႁဝ်းႁူႉယူႇယဝ်ႉဝႃႈ ၽူႈၼႆႉပဵၼ်လုၵ်ႈၶွင်ႁဝ်း ၶဝ်ၵေႃႈႁူႉယူႇဝႃႈ ၶဝ်ၸိူဝ်းၼႆႉပဵၼ် မႃတႃ ပီတႃ ၶွင်ႁဝ်း ၸိူင်ႉၼင်ႇ လုၵ်ႈလႄႈၼၢင်းမေးၶွင်ၶဝ်ၵေႃႈႁူႉယူႇဝႃႈ ၽူႈၼႆႉ ပဵၼ် ပေႃႈ လႄႈ ပဵၼ်ၽူဝ်ၶွင်ႁဝ်း လႄႈ ၶဝ်ၵေႃးႁူႉယူႇဝႃႈ ၽူႈၼႆႉပဵၼ်လုၵ်ႈ လႄႈ ၼၢင်းမေးၶွင်ႁဝ်း

ၸိူဝ်းၵူၼ်းၸႆႉ လႄႈၵူၼ်းႁဵတ်းၵၢၼ်ၶွင်ၶဝ်ၵေႃႈႁူႉယူႇဝႃႈ ၽူၼႆႉပဵၼ်ပေႃႈလဵင်ႉႁဝ်း ထိုင်တူဝ် ၶဝ်ၵေႃႈႁူႉယူႇဝႃႈ ၵူၼ်းၸိူဝ်ၼႆႉပဵၼ်ၵူၼ်းၸႆႉ လႄႈ ၵူၼ်းႁဵတ်းၵၢၼ်ႁဝ်း ၶဝ်ၸၵ်ႉၸုင်ၸူဝ်းႁွင်ႉ ဢၼ်ပဵၼ်ၵႂၢမ်းၽၢင်း ၽွင်ႈမိူဝ်ႈဢၼ် ၵိုင်ႇလီၸူဝ်းႁွင်ႉလူၺ်းၵႂၢမ်းသၸ်ၸႃႇ လူၺ်ႈၸိူင်ႉၼင်ႇၼႆ

ႁဝ်းၵၢဝ်ႇထိုင်ၵၢမ်ႇၽူႈၼၼ်ႉၵွပ်ႈမုသႃဝႃတႃ ပေႃးပူၼ်ႉရႃးတရီးၼၼ်ႉၵႂႃႇ ၶဝ်ၸိုင်ပရီၽေႃးၵ(ၵိၼ်)ၶွင်ၸိူဝ်းၼၼ်ႉ ဢၼ်ၸဝ်ႈၶွင်ဢမ်ႇလႆႈပၼ် ႁဝ်းၵၢဝ်ႇထိုင်ၵၢမ်ႇၶွင်ၽူႈၼၼ်ႉ ပဵၼ်ဢတဵင်ႇၼႃတႃၼႃ

ဝိၸႃၶႃ ! ၼိꧠꧣ်ထဢုပေႃးသထ ပဵၼ်ၸိူင်ႉၼႆလႄႊ

ဝိၸႃၶႃ ! ၼိꧠꧣ်ထဢုပေႃးသူထ် ဢၼ်ပူၵ်ၵူလ်ၶဝ်ႈတိုဝ်းၵမ်ယဝ်ႉ ၸိူင်ႉၼႆ ဢမ်ႇမီးၽွၼ်းၼမ် ဢမ်ႇမီးမုၼ်ၼမ် ဢမ်ႇႁိူဝ်ႈႁိူင်းၼမ် ဢမ်ႇၽႄႈတိူၼ်းလႆႈၼမ် ။

ဝိၸႃၶႃ ! ဢရိယဢုပေႃးသထ ပဵၼ်ၸိူင်ႉႁိုဝ် ?

ဝိၸႃၶႃ ! ၸိတ်ႇဢၼ်သဝ်ႈမွင် ၸိုင်ႁဵတ်းႁႂ်ႈၽွင်ႇၽႅဝ်ႉလႆႈ လူၺ်ႈလွင်ႈၵျၢင်ႉၸိတ်ႇဢၼ်သဝ်ႈမွင် ၸိုင်ႁဵတ်းႁႂ်ႈ ၽွင်ႇၽႅဝ်ႉလႆႈလူၺ်ႈလွင်ႈတၢင်းၵျင်ႉၸိူင်ႉၼင်ႇႁိုဝ်?

ဝိၸႃၶႃ ! ဢရိယသႃဝၵ ၼႂ်းထမ်းဝိၼၺ်း(ဝိၼယ)ၼႆႉ ၸင်ႇဝူၼ်ႉထိုင်ထမ်းမ ထမ်းတြႃးၸဝ်ႈ ဢၼ်ၽြႃးပဵၼ်ၸဝ်ႈ ႁေႃးၼေပၼ်လီယဝ်ႉ ဢၼ်ပူၵ်ၵူလ်ႁူႉၸႅင်ႈ ပိုင်ႈႁၼ်လႆႈယဝ်ႉ ဢမ်ႇဝႃႈၶၢဝ်းယၢမ်းလႂ် ၵိုင်ႇလီႁွင်ႉၵၼ်မႃးတူၺ်းမႃးလူ ၵိုင်ႇလီၼွမ်ႉၶဝ်ႈမႃးသႂ်ႇတူဝ် ဢၼ်ဝိၺ်ၺူ တၢင်းလၢႆပိုင်ႈႁူႉၸႅင်ႈလႆႈလူၺ်ႈတူဝ်ၵဝ်ႇ မိူဝ်ႈသူမၼ်ႈၶုၵ်းၸႂ်လႆႈထိုင်ထမ်းယူႇ  ၸိတ်ႇၸိုင် ၽွင်ႇသႂ် ၵိူတ်ႇလွင်ႈတွၼ်းလိူဝ် ဝၢင်းၶိူင်ႈသဝ်ႈမွင်ၶွင်ၸိတ်ႇသေလႆႈ ၊

ဝိၸႃၶႃ ! မိူၼ်ၸိူင်ႉတူဝ်ဢၼ်ၼုၵ်းၵူဝ်ႈ တေႁဵတ်းႁႂ်ႈမူတ်းသႂ်လူၺ်ႈလွင်ႈတၢင်းၵျၢင်ႉၵမ်  တူဝ်ဢၼ်ၼုၵ်းၵူဝ်ႈ ၸိုင်ႁဵတ်းႁႂ်ႈမူတ်းသႂ်လႆႈလူၺ်ႈလွင်ၵျၢင်ႉၵမ်ၸိူင်ႉႁိုဝ် ?

တေႁဵတ်းႁႂ်ႈမူတ်းသႂ်လႆႈၵွပ်ႈပိုင်ႈဢဝ်ၸိူၵ်ႈၸုရၼ တွၼ်ႈတႃႇဢၢပ်ႇၼမ်ႉ လႄႈ တၢင်းၶတ်းၸႂ် ဢၼ်ၵိူတ်ႇ ၶိုၼ်ႈလူၺ်ႈလွင်ႈတၢင်း(ႁေတု)ၼၼ်ႉၶွင်ပူၵ်ၵူလ်

ဝိၸႃၶႃ ! တူဝ်ၵႃယဢၼ်ၵူဝ်ႈ ၸိုင်ႁဵတ်းႁႂ်မူတ်းသႂ်လႆႈလူၺ်ႈလွင်ႈတၢင်းၵျၢင်ႉၸိူင်ႉၼႆလႄႊ ၼင်ႇၼႆ ၸိတ်ႇဢၼ်သဝ်ႈမွင်ၸိုင်ႁဵတ်းႁႂ်ႈၽွင်ႇသႂ်လူၺ်ႈလွင်ၵျၢင်ႉၵမ်ၵေႃႈၼင်ႇၼၼ်မိူၼ်ၵၼ်

ဝိၸႃၶႃ ! ဢရိယသႃဝၵၼႆႉ ႁွင်ႉဝႃႈၶဝ်ႈတိုဝ်းဢဝ်ဢုပေႃးသူထ်ယူႇ ယူႇႁူမ်ႈၸွမ်းထမ်း မီးၸိတ်ႇၽွင်ႇသႂ်လူၺ်ႈသႂ်ႇၸႂ်ထမ်း ၵိူတ်ႇလွင်ႈတွၼ်းလိူဝ် ဝၢင်းၶိူင်ႈသဝ်ႈမွင်ၶွင်ၸိတ်ႇ သေလႆႈ

ဝိၸႃၶႃ ! ၸိတ်ႇဢၼ်သဝ်ႈမွင်ႁဵတ်းႁႂ်ၽွင်ႇၽႅဝ်ႉလႆႈ လူၺ်ႈလွင်ႈၵျၢင်ႉၵမ်ၼင်ႇၼႆလႄႈ ။

ဝိၸႃၶႃ ! ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈ ၸိတ်ႇဢၼ်သဝ်ႈမွင်ႁဵတ်းႁႂ်ႈၸိတ်ႇၽွင်ႇၽႅဝ်ႉလႆႈ လူၺ်ႈလွင်ႈတၢင်းၵျၢင်ႉၵမ်ၸိူင်ႉႁိုဝ် ?

ဝိၸႃၶႃ ! ဢရိယသႃဝၵၼႂ်းထမ်မဝိၼၺ်း(ဝိၼယ)ၼႆႉ ၸင်ႇၶုၵ်းၶူၼ်ႉဝူၼ်ႉထိုင်သင်ႇၶၸဝ်ႈ သင်ၶႃသႃဝၵၶွင်ၽြႃးပဵၼ်ၸဝ်ႈ  ပဵၼ်ၽူႈပတိပတ်ႈလီယဝ်ႉ ပတိပတ်ႈသိုဝ်ႈယဝ်ႉ ပဵၼ်ၽူႈပတိပတ်ႈၸွမ်းထမ်း ပဵၼ်ၽူႈပတိပတ်ႈၵိုင်ႇထိူၵ်ႈ ၼႆႉပဵၼ်ၵူႈၶွင်ၿုရုသ် သီႇၵူႈ ၼပ်ႉၸႅၼ်ႇၵၼ်ပဵၼ်ပႅတ်ႇတူၼ် ၼႆႉသင်ၶသႃဝၵၶွင်ၽြႃးပဵၼ်ၸဝ်ႈ

ပဵၼ်ၽူႈၵိုင်ႇထိူၵ်ႈပိူဝ်ႈသၵ်ၵရ  ပဵၼ်ၽူႈၵိုင်ႇထိူၵ်ႈပိူဝ်ႈႁပ်ႉတွၼ်ႈ ပဵၼ်ၽူႈၵိုင်ႇထိူၵ်ႈပိူဝ်ႈမုၼ်ထမ်း ပဵၼ်ၽူႈၵိုင်ႇထိူၵ်ႈပိူဝ်ႈႁွမ်းမိုဝ်းဝႆႈ ပဵၼ်ၼႃးမုၼ်ၶွင်လေႃးၵ ဢမ်ႇမီးၼႃးမုၼ်တၢင်ႇပိူင်ပဵင်းလႆႈ  မိူဝ်ႈသူၶုၵ်ႉၶူၼ်ႉဝူၼ်ႉထိုင်သင်ႇၶဢရိယၸဝ်ႈယူႇ ၸိတ်ႇၸိုင်ၽွင်ႇသႂ် ၵိူတ်ႇလွင်ႈၸူမ်းသိူဝ်း ဝၢင်းလွင်ႈသဝ်ႈမွင်ၶွင်ၸိတ်ႇၸႂ်လႆႈ

ဝိၸႃၶႃ ! မိူၼ်ၼင်ႇၽႃႈဢၼ်ၼုၵ်းၵူဝ်ႈ တေႁဵတ်းႁႂ်ႈမူတ်းသႂ်လႆႈလူၺ်ႈလွင်ႈၶတ်းၸႂ် ၽႃႈဢၼ်ၼုၵ်းၵူဝ်ႈ တေႁဵတ်းႁႂ်ႈမူတ်းသႂ်လႆႈလူၺ်ႈလွင်ႈၶတ်းၸႂ်ၸိူင်ႉႁိုဝ် ?

တေႁဵတ်းႁႂ်ၽႃႈမူတ်းသႂ်လႆႈလူၺ်ႈ လွင်ႈပိုင်ႈဢိင် ၵိူဝ် ၼမ်ႉလၢင်ႇ ၶူဝ်မႆး ၼမ်ႉ လႄႈတၢင်းၶတ်းၸႂ် ဢၼ်ပဵၼ်လွင်ႈတၢင်းၶွင်ပူၵ်ၵူလ်ႇၼၼ်ႉ ။

ဝိၸႃၶႃ ! ၽႃႈဢၼ်ၼုၵ်းၵူဝ်ႈ ႁဵတ်းႁႂ်ႈမူတ်းသႂ်လႆႈလူၺ်ႈတၢင်းၵျၢင်ႉၵမ်ၼႆႉလႄႈ ၸိူင်ႉႁိုဝ် ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၼင်ႇၼၼ်မိူၼ်ၵၼ် ။

ဝိၸႃၶႃ ! ဢရိယသႃဝၵၼႆႉႁွင်ႉဝႃႈ ၶဝ်ႈယူႇၼႂ်းသင်ၶဢုပေႃးသူတ်ႇ ယူႇႁူမ်းၸွမ်းသင်ႇၶႃႇ လႄႈမီးၸိတ်ႇၽွင်ႇသႂ် ၵွပ်ႈသႂ်ႇၸႂ်ၼႂ်း သင်ႇၶႃႇၸဝ်ႈ ၵိူတ်ႇလွင်ႈတၢင်းသိူဝ်း ဝၢင်ႈၶိူင်ႈသဝ်ႈမွင်ၶွင်ၸိတ်ႇသေလႆႈ

ဝိၸႃၶႃ ! ၸိတ်ႇဢၼ်သဝ်ႈမွင်ၸိုင်ႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၸိူင်ႉၼႆလႄႈ။

ဝိၸႃၶႃ ! ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ် ၊ ၵေႃႈၸိတ်ႇဢၼ်သဝ်ႈမွင် တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၸိူင်ႉႁိုဝ်?

ဝိၸႃၶႃ ! ဢရိယသႃဝၵၼႂ်းꩪမ်မဝိၼယၼႆႉ ၸိုင်ၶုၵ်းၶူၼ်ႉဝူၼ်ႉꩪိုင်သိလ်ၶွင်ၸဝ်ႈၵဝ်ႇ ဢၼ်ဢမ်ႇၶၢတ်ႇ ဢမ်ႇလု ဢမ်ႇလၢင်ႇ  ဢမ်ႇၶုၼ်ႇမူဝ်း ဢၼ်တၼ်ႁႃဢမ်ႇၸၵ်ႉၸုင်လႆႈ ဢၼ်ၸဝ်ႈၽူႈႁူႉယွင်ႈယေႃး ဢမ်ႇထုၵ်ႇတၼ်ႁႃလႄႈတိတ်ꩪိလုပ်ႈၵမ်း ပဵၼ်ၵႂႃႇပိူဝ်ႈသမႃထိ

မိူဝ်ႈၵႆႉၶုၵ်းၶူၼ်ႉထိုင်သိလ်ယူႇ ၸိတ်ႇၸိုင်ၽွင်ႇသႂ် ၵိူတ်ႇတၢင်းၸူမ်းသိူဝ်းၶိုၼ်ႈ ဝၢင်းၶိူင်ႈသဝ်ႈမွင်ၶွင်ၸိတ်ႇသေလႆႈ

ဝိၸႃၶႃ ! မိူၼ်ၼင်ႇမၢၼ်ႇၸမ်ႈ ဢၼ်မူဝ်းတေႁဵတ်းႁႂ်ႈသႂ်လႆႈလူၺ်ႈတၢင်းၵျၢင်ႇၵမ် မၢၼ်ႇၸမ်ႈဢၼ်မူဝ်း တေႁဵတ်းႁႂ်ႈသႂ်လႆႈလူၺ်ႈတၢင်းၵျၢင်ႉၵမ်ၸိူင်ႉႁိုဝ် ?

တေႁဵတ်းႁႂ်ႈသႂ်လႆႈၵွပ်ႈပိုင်ႈဢိင် ၼမ်ႉမၼ်း ထဝ်ႉ ပရၢတ်ႉ လႄႈတၢင်းၶတ်းၸႂ်ဢၼ်ပဵၼ်လွင်ႈတၢင်းၶွင်ပူၵ်ၵူလ်ႇၼၼ်ႉ ။

ဝိၸႃၶႃ ! မၢၼ်ႇၸမ်ႈဢၼ်မူဝ်းတေႁဵတ်းႁႂ်ႈသႂ်လႆႈလူၺ်ႈလွင်ႈၵျၢင်ႉၵမ်ၸိူင်ႉၼႆလႄႈ ၸိူင်ႉႁိုဝ် ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈလွင်ႈၵျၢင်ႉၵမ် ၸိူင်ႉၼၼ်မိူၼ်ၵၼ် ။

ဝိၸႃၶႃ !ဢရိယသႃဝၵၼႆႉႁွင်ႉဝႃႈ ၶဝ်ႈယူႇၼႂ်းဢုပေႃးသူတ်ႇ ယူႇႁူမ်ႈၸွမ်းသိလ် ၸိတ်ႇၽွင်ႇသႂ်ၵွပ်ႈသႂ်ႇၸႂ်သိလ် ၵိူတ်ႇတၢင်းၸူမ်းသိူဝ်း ဝၢင်းၶိူင်ႈသဝ်ႈမွင်ၶွင်ၸိတ်ႇလႆႈသေ

ဝိၸႃၶႃ ! ၸိတ်ႇဢၼ်သဝ်ႈမွင်ၸင်ႇႁဵတ်းႁႂ်ႈၽွင်ႇသႂ်လႆႈလူၺ်ႈတၢင်းၵျၢင်ႉၵမ်ၸိူင်ႉၼႆလႄႈ

ဝိၸႃၶႃ ! ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ် ၊ ၵေႃႈၸိတ်ႇဢၼ်သဝ်ႈမွင်တေႁဵတ်း ႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၸိူင်ႉႁိုဝ်?

ဝိၸႃၶႃ ! ဢရိယသႃဝၵၼႂ်းꩪမ်ႇမဝိၼယၼႆႉ ၸိုင်ၶုၵ်းၶူၼ်ႉꩪိုင်တေႇဝတႃႇဝႃႈ တေႇဝတႃႇၸႃတုမႁႃရႃၸိၵႃ မီးယူႇ ၊ တေႇဝတႃႇတႃႇဝတဵင်ႇသႃႇ ၊ မီးယူႇ တေႇဝတႃႇယႃမႃ မီးယူႇ ၊ တေႇဝတႃတုသီတႃႇမီးယူႇ ၊ တေႇဝတႃႇၼိမၼရတီႇမီးယူႇ၊ ၸေႇဝတႃႇပရၼိမိတႃႇဝသႃဝတီႇမီးယူႇ  ။

တေႇဝတႃႇဢၼ်ၼပ်ႉယူႇၼႂ်းမူႇပရမ်ႇမ(ပႅမ်ႇမႃႇ)မီးယူႇ တေႇဝတႃႇဢၼ်ယူႇသုင်ၶိုၼ်ႈၵႂႃႇမီးယူႇ  တေႇဝတႃႇၸိူဝ်းၼၼ်ႉ ဢၼ်မီးသတ်ႈထႃႇၸိူင်ႉႁိုဝ် ၸုတိၼႂ်းၽဝၼႆႉၵိူတ်ႇၼႂ်းၽဝၼၼ်ႉ သတ်ႈထႃႇၸိူင်ႉၼၼ်ၶွင်ႁဝ်းၵေႃႈမီး တေႇဝတႃႇၸိူဝ်းၼၼ်ႉမီးသိလ်ၸိူင်ႉႁိုဝ် ၸုတိ ၼႂ်းၽဝၼႆႉ ၵိူတ်ႇၼႂ်းၽဝၼၼ်ႉ သတ်ႈထႃႇၸိူင်ႉၼၼ်ႁဝ်းၵေႃႈမီး တေႇဝတႃႇၸိူဝ်းၼၼ်ႉမီးသုတ်ႇတၸိူင်ႉႁိုဝ် ၸုတိ ၼႂ်းၽဝၼႆႉ ၵိူတ်ႇၼႂ်းၽဝၼၼ်ႉ သတ်ႈထႃႇၸိူင်ႉၼၼ်ႁဝ်းၵေႃႈမီး တေႇဝတႃႇၸိူဝ်းၼၼ်ႉမီးၸႃႇၵၸိူင်ႉႁိုဝ် ၸုတိ ၼႂ်းၽဝၼႆႉ ၵိူတ်ႇၼႂ်းၽဝၼၼ်ႉ သတ်ႈထႃႇၸိူင်ႉၼၼ်ႁဝ်းၵေႃႈမီး တေႇဝတႃႇၸိူဝ်းၼၼ်ႉမီးပၺ်ႇၺႃႇၸိူင်ႉႁိုဝ် ၸုတိ ၼႂ်းၽဝၼႆႉ ၵိူတ်ႇၼႂ်းၽဝၼၼ်ႉ သတ်ႈထႃႇၸိူင်ႉၼၼ်ႁဝ်းၵေႃႈမီး

မိူဝ်ႈသူၵႆႉၶုၵ်းၶူၼ်ႉထိုင်ဝတ်ႈꩪႃႇ သိလ် သုတ်တ ၸႃၵ လႄႈ ပၺ်ႇၺႃႇ ၶွင်တူဝ်ၵဝ်ႇ လႄႈ ၶွင်တေႇဝတႃႇၸိူဝ်းၼၼ်ႉယူႇ ၸိတ်ႇၸိုင်ၽွင်ႇသႂ် ၵိူတ်ႇတၢင်းၸူမ်းသိူဝ်း ဝၢင်းၶိူင်ႈသဝ်မွင်ၶွင်ၸိတ်ႇသေလႆႈ ။

ဝိၸႃၶႃ ! မိူၼ်ၸိူင်ႉၼင်ႇၶမ်းဢၼ်သဝ်ႈမွင်တေႁဵတ်းႁႂ်ႈသုၵ်းလႆႈ ၵေႃႈလူၺ်ႈတၢင်းႁဵတ်း ၶမ်းဢၼ်သဝ်ႈမွင် တေႁဵတ်းႁႂ်ႈသုၵ်းလႆႈၸိူင်ႉႁိုဝ်?

တေႁဵတ်းႁႂ်ႈသုၵ်းလႆႈ ၵွပ်ႈပိုင်ႈဢိင်ပိူင်လေႃႇၶမ်း ၵိူဝ် ၵိမ်း ယၢင်မႆႉ လႄႈတၢင်းၶတ်းၸႂ်ဢၼ်ပဵၼ်လွင်ႈတၢင်းၶွင်ပူၵ်ၵူလ်ႇၼၼ်ႉ။

ဝိၸႃၶႃ ! ၶမ်းဢၼ်သဝ်ႈမွင်တေႁဵတ်းႁႂ်ႈသုၵ်းလႆႈလူၺ်ႈလွင်ႈၵျၢင်ႉၵမ်ၸိူင်ႉၼႆလႄႈ ၸိူင်ႉႁိုဝ် ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၸိူင်ႉၼၼ်မိူၼ်ၵၼ် ။

ဝိၸႃၶႃ ! ဢရိယသႃဝၵၼႆႉႁွင်ႉဝႃႈ ၶဝ်ႈယူႇၼႂ်းတေႇဝတႃႇဢုပေႃးသူတ်ႇ ယူႇႁူမ်ႈၸွမ်းတေႇဝတႃႇ မီးၸိတ်ႇၽွင်သႂ်ၵွပ်ႈသႂ်ႇၸႂ် တေဝတႃႇ ၵိူတ်ႇတၢင်းၸူမ်းသိူဝ်း ဝၢင်းၶိူင်ႈသဝ်ႈမွင်ၶွင်ၸိတ်ႇသေလႆႈ ။

ဝိၸႃၶႃ ! ၸိတ်ႇဢၼ်သဝ်ႈမွင်တေႁဵတ်းႁႂ်ႈၽွင်ႇၽႅဝ်ႉလႆႈလူၺ်ႈတၢင်းၵျၢင်ႉၵမ်ၸိူင်ႉၼႆလႄႈ ။

ဝိၸႃႇၶႃႇ ! ဢရိယသႃဝၵၸိုင်ၶုၵ်းၶူၼ်ႉႁၼ်ၸိူင်ႉၼႆဝႃႈ

1. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈၶႃႈ သတ်း ဝၢင်းၶၢတ်ႇၼႂ်းၵၢၼ်ၶႃႈသတ်း ဝၢင်းၶွၼ်ႉမႆႉ ဝၢင်းသတ်တရႃယဝ်ႉ မီးတၢင်းဢၢႆ မီးတၢင်း ဢီးလူ မီးလွင်ႈၵရုၼႃႇ ပိူဝ်ႈၽွၼ်းလီတေႃႇသတ်း တင်းသဵင်ႈယူႇၵႂႃႇတေႃႇၸူဝ်ႈ

ႁဝ်းၵေႃႈ ဝၢင်းပႅတ်ႈလွင်ႈၶႃႈ သတ်း ဝၢင်းၶၢတ်ႇ ၼႂ်းၵၢၼ်ၶႃႈသတ်း ဝၢင်းၶွၼ်ႉမႆႉ ဝၢင်းသတ်တရႃယဝ်ႉ မီးတၢင်းဢၢႆ မီးတၢင်း ဢီးလူ မီးလွင်ႈၵရုၼႃႇ ပိူဝ်ႈၽွၼ်းလီတေႃႇသတ်း တင်းသဵင်ႈယူႇ ၵႂႃႇဝၼ်းၼိုင်ႈ လႄႈ ဝၼ်းၼိုင်ႈ ၼႂ်းဝၼ်းၼႆႉ

ၼင်ႇ ဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်း ၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇ

ၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

2. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈလၵ်ႉ ၶူဝ်းၶွင် ဝၢင်းၶၢတ်ႇလွင်ႈလၵ်ႉၶူဝ်းၶွင် ႁပ်ႉဢဝ်ၶွင် ဢၼ်ၶဝ်ပၼ် ဢမ်ႇႁဵတ်းၽိတ်းပဵၼ်ၽူႈလၵ်ႉ ပဵၼ်ၽူႈၸိုၼ်ႈၸၢင်ႇမူတ်းသႂ်ထိုင်တေႃႇၸူဝ်ႈ

ႁဝ်းၵေႃႈဝၢင်းပႅတ်ႈလွင်ႈလၵ်ႉၶူဝ်းၶွင် ဝၢင်း ၶၢတ်ႇလွင်ႈလၵ်ႉၶူဝ်းၶွင် ႁပ်ႉဢဝ်ၶွင်ဢၼ်ၶဝ်ပၼ်

ဢမ်ႇႁဵတ်းၽိတ်းပဵၼ်ၽူႈလၵ်ႉ ပဵၼ်ၽူႈၸိုၼ်ႈ ၸၢင်ႇမူတ်းသႂ်ယူႇၶိုၼ်းၼိုင်ႈလႄႈဝၼ်းၼိုင်ႈ ၼႂ်းဝၼ်းၼႆႉ

ၼင်ႇ ဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်း ၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇ

ၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

3. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈၽိတ်းၵႃႇမေႇ ဝေႈႁၢင်ႇၵႆလွင်ႈၵႃႇမေႇ ဝၢင်းၶၢတ်ႇလွင်ႈႁူမ်ႈၵႃႇမ ဢၼ်ပဵၼ်ၵၢၼ်ၶွင်ၵူၼ်းႁိူၼ်းထိုင်တေႃႇၸူဝ်ႈ ႁဝ်းၵေႃႈလႆႈဝၢင်းပႅတ်ႈၵၢမ်ႇဢၼ်ပဵၼ်ၶဵၼ်တေႃႇလွင်ႈၵျၢင်ႉၵမ် ႁဵတ်းလွင်ႈၵျၢင်ႉၵမ် ဝေႈႁၢင်ႇၵႆ ဝၢင်းၶၢတ်ႇလွင်ႈႁူမ်ႈၵႃႇမ ဢၼ်ပဵၼ်ၵၢၼ်ၶွင်ၵူၼ်းႁိူၼ်း ၵူႈယၢမ်းဝၼ်းၼိုင်ႈ လႄႈ ၶိုၼ်းၼိုင်ႈ ၼႂ်းဝၼ်းၼႆႉ ၼင်ႇဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်းၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ် ယူႇယဝ်ႉ ။

 

4. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈလၢတ်ႈပႅတ်ႉလႅၼ် ဝၢင်းၶၢတ်ႇၼႂ်းလွင်ႈလၢတ်ႈပႅတ်ႉလႅၼ် လၢတ်ႈလွင်ႈပဵၼ်တေႉ ႁဵတ်းလွင်ႈမၢၼ်ႇမႅၼ်ႈ လၢတ်ႈၸႃမီးသၢၵ်ႈသေႇယုမ်ႇယမ်လႆႈ ဢမ်ႇလၢတ်ႈၸႃပူၼ်ႉလိူဝ်လေႃးၵထိုင်တေႃႇၸူဝ်ႈ

ႁဝ်းၵေႃႈဝၢင်းပႅတ်ႈလွင်ႈလၢတ်ႈပႅတ်ႉလႅၼ် ဝၢင်း ၶၢတ်ႇၼႂ်းလွင်ႈလၢတ်ႈပႅတ်ႉလႅၼ် လၢတ်ႈလွင်ႈပဵၼ်တေႉ ႁဵတ်းလွင်ႈမၢၼ်ႇမႅၼ်ႈ လၢတ်ႈၸႃမီးသၢၵ်ႈသေႇ ယုမ်ႇယမ်လႆႈ ဢမ်ႇလၢတ်ႈၸႃပူၼ်ႉလိူဝ်လေႃးၵထိုင်တေႃႇၸူဝ်ႈ

ၼင်ႇဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်း ၸွမ်းဢရႁံတႃတၢင်းလၢႆ ၼင်ႇဢုပေႃးသထ

ၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

5. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ၵိၼ် ၼမ်ႉမဝ်းသူႇရႃႇမေရယဝၢင်းၶၢတ်ႇလွင်ႈၵိၼ်ၼမ်ႉမဝ်းဢၼ်ပဵၼ်

သူႇရႃႇ လႄႈမေရယ ဢၼ်ပဵၼ်တီႈတင်ႈၶွင်လွင်ႈလိုမ်းတူဝ်ထိုင်တေႃႇၸူဝ်ႈ

ႁဝ်းၵေႃႈဝၢင်းၶၢတ်ႇယဝ်ႉလွင်ႈၵိၼ်ၼမ်ႉမဝ်းပဵၼ်သူႇရႃႇလႄႈမေရယဢၼ်ပဵၼ်တီႈတင်ႈၶွင်လွင်ႈ လိုမ်းတူဝ် ၵူႈယၢမ်းၶိုၼ်းၼိုင်ႈ

လႄႈဝၼ်းၼိုင်ႈ ၼႂ်းဝၼ်းၼႆႉ ၼင်ႇဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်းၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇၸင်ႇပဵၼ်ဢၼ်ႁဝ်းၶဝ်ႈတိုဝင်းၵမ်ယူႇယဝ်ႉ ။

 

6. ၸဝ်ႈဢရႁံတႃတၢင်းလၢႆ ပဵၼ်ၽူႈသုင်းဢႁႃရ (ပရိၽေႃးၵ)ဝၼ်းၼိုင်ႈပွၵ်ႈလဵဝ် ဝၢင်းၶၢတ်ႇၼႂ်းလွင်ႈသုင်းဢႃႁႃရ ၼႂ်းယၢမ်းရႃးတရီး လႄႈ ဝိၵႃလ ထိုင်တေႃႇၸူဝ်ႈ  ႁဝ်းၵေႃႈပဵၼ်ၽူႈသုင်းဢႃႁႃရဝၼ်းၼိုင်ႈပွၵ်ႈလဵဝ် ဝၢင်းၶၢတ်ႇလွင်ႈပရိၽေႃးၵၼႂ်းယၢမ်းရႃးတရီး လႄႈ ဝိၵႃလ ၵူႈယၢမ်းၶိုၼ်းၼိုင်လႄႈ ဝၼ်းၼိုင်ႈၼႂ်းဝၼ်းၼႆႉ

ၼင်ႇ ဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်း ၸွမ်းဢရႁံတႃတၢင်းလၢႆ တင်ႈဢုပေႃးသူတ်ႇၸင်ႇ ပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

7. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈ တဵၼ်ႈ ၵႃႈ ႁွင်ႉသေႃ လွင်ႈႁႆႇတိုင်ႈ လႄႈ တူၺ်းလွင်ႈၵၢၼ်လဵၼ်ႈ ဢၼ်ပဵၼ်ၶဵၼ်တေႃႇၵုသူလ်ႇ ဝၢင်းၶၢတ်ႇၼႂ်းလွင်ႈႁွႆႈတိုဝ်း လႄႈ ႁၢင်ႈၶိူင်ႈ တူဝ် ၶိင်းလူၺ်ႈလွင်ႈပၵ်းမွၵ်ႇမႆႉၶွင်ႁွမ် လႄႈ ၶိူင်ႈတႃးၽိဝ်ဢၼ်ပဵၼ်ထႃႇၼၼႂ်းလွင်ႈႁၢင်ႈၶိူင်ႈ ထိုင်တေႃႇၸူဝ်ႈ

ႁဝ်းၵေႃႈဝၢင်းၶၢတ်ႇၼႂ်းလွင်ႈတဵၼ်ႈၵႃႈဝႅၼ် ႁွင်ႉသေႃ လွင်ႈႁႆႇတိုင်ႈ လႄႈ တူၺ်းၵၢၼ်လဵၼ်ႈ ဢၼ်ပဵၼ်ၶဵၼ်တေႃႇၵုသူလ်ႇ ဝၢင်းၶၢတ်ႇၼႂ်းလွင်ႈႁွႆႈတိုဝ်း လႄႈ ႁၢင်ႈၶိူင်ႈတူဝ်ၶိင်းလူၺ်ႈလွင်ႈပၵ်းမွၵ်ႇမႆႉၶွင်ႁွမ် လႄႈ ၶိူင်ႈတႃးၽိဝ်ဢၼ်ပဵၼ်ထႃႇၼၼႂ်းလွင်ႁၢင်ႈၶိူင်ႈၵူႈယၢမ်းၶိုၼ်းၼိုင်ႈလႄႈဝၼ်းၼိုင်ႈ ၼႂ်းဝၼ်းၼႆႉ

ၼင်ႇဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်းၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

8. ၸဝ်ႈဢရႁံတႃတၢင်းလၢႆ ဝၢင်းပႅတ်ႈလွင်ႈ ၼင်ႈ လႄႈ ၼွၼ်းၼိူဝ်တီႈၼွၼ်းဢၼ်သုင်ယႂ်ႇ ဝၢင်းၶၢတ်ႇလွင်ႈၼင်ႈ လႄႈၼွၼ်းၼိူဝ်တီႈၼွၼ်းဢၼ်သုင်ယႂ်ႇ ယူႇသၢင်ႈလူၺ်ႈၵၢၼ်ၼွၼ်းၼိူဝ်တီႈၼွၼ်းဢၼ် တႅမ်ႇထိုင်တေႃႇၸူဝ်ႈ

ႁဝ်းၵေႃႈလႆႈဝၢင်းလွင်ႈၼင်ႈလႄႈၼွၼ်းၼိူဝ်တီႈ ၼွၼ်းဢၼ်သုင်ယႂ်ႇ ဝၢင်းၶၢတ်ႇၼႂ်းလွင်ႈၼင်ႈ လႄႈ ၼွၼ်း ၼိူဝ်တီႈၼွၼ်းဢၼ်သုင်ယႂ်ႇယူႇသၢင်ႈလူၺ်ႈၵၢၼ်ၼွၼ်းၼိူဝ်တီႈၼွၼ်းဢၼ် တႅမ်ႇၵူႈယၢမ်းၶိုၼ်းၼိုင်ႈလႄႈဝၼ်း ၼိုင်ႈၼႂ်းဝၼ်းၼႆႉ ၼင်ႇဢၼ်ၼႆႉ ႁဝ်းၵေႃႈလႆႈၸိုဝ်ႈဝႃႈ လႆႈႁဵတ်းၸွမ်းဢရႁံတႃတၢင်းလၢႆ ၼင်ႇဢုပေႃးသူတ်ႇ

ၸင်ႇပဵၼ်ဢၼ်ႁဝ်းၶဝ်ႈတိုဝ်းၵမ်ယူႇယဝ်ႉ ။

 

ဝိၸႃႇၶႃႇ ! ဢရိဢုပေႃးသူတ်ႇၸိူင်ႉၼႆလႄႈ ဢရိယဢုပေႃးသူတ်ႇဢၼ်ပူၵ်ၵူလ်ႇၶဝ်ႈတိုဝ်းၵမ်ယူႇယဝ်ႉ ၸိူင်ႉၼႆ လႄႈ မီးၽွလ်းၼမ် မီးမုၼ်ၼမ် မီးလွင်ႈႁိူဝ်ႈႁိူင်းၼမ် မီးလွင်ၽႄႈဢွၵ်ႇၼမ်  ဢရိယဢုပေႃးသူတ်ႇမီးၽွလ်းၼမ်တၢၼ်ႇလႂ် ? မီး မုၼ်ၼမ်တၢၼ်ႇလႂ် ? မီးလွင်ႈႁိူဝ်ႈႁိူင်းၼမ်တၢၼ်ႇလႂ် ? မီးလွင်ႈၽႄႈဢွၵ်ႇၵႂႃႇၼမ်တၢၼ်ႇလႂ်?

 

ဝိၸႃႇၶႃႇ ! မိူၼ်ၸိူင်ႉၼင်ႇၽူႈလႂ်ပိူင်ႇငမ်းမိူင်းပဵၼ်ဢီသရႃထိပတိၶွင်မိူင်းယႂ်ႇ 16 မိူင်းၸိူဝ်းၼႆႉ ဢၼ်တဵမ်ထူၼ်ႈလူၺ်ႈ ရတၼ 7 ပိူင် ဢၼ်ပဵၼ် ဢင်ၶ ၊ မၶထ ၊ ၵႃသီ ၊ ၵေႃးသလ ၊ ဝသ်သီ ၊ မလ်လ ၊ ၸေတီ ၊ ဝင်သ ၊ ၵုရု ၊ ပၺ်ၸႃလ ၊ မၸ်သ၊ သုရသေၼ ၊ ဢသ်သၵ ၊ ဢဝၼ်တီ ၊ ၶၼ်ထရ ၊ ၵမ်ၽေႃးသ  လွင်ႈပိူင်ႇငမ်းမိူင်းၶွင်ၽူႈၼၼ်ႉယင်းဢမ်ႇထိုင်ၼိုင်ႈပုၼ်ႈ16 ၶွင်ဢုပေႃးသူတ်ႇ ဢၼ်ၵိုၵ်းႁွမ်းလူၺ်ႈ ဢုပေႃးသူတ်ႇသိလ် 8 ၶေႃႈၼႆႉ ၵွပ်ႈလွင်ႈသင် ၵွပ်ႈရႃသၶူဝ်းၶွင်သူမ်ပတ်ႇဢၼ်ပဵၼ်ၶွင်မၼုသ  မိူဝ်ႈဢဝ်ၶဝ်ႈၵႂႃႇတႅၵ်ႈၵၼ်မိူၼ်ၼင်ႇတၢင်းသိူဝ်း ဢၼ်ပဵၼ်ထိပ်ႉပဵၼ်ၶွင်ဢိတ်းဢွၼ်ႇၼိုင်ႈၵူၺ်း။

---

ဝိၸႃၶႃ ! 50 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉၸႃတုမႁႃရႃၸိၵႃ လူၺ်ႈရႃတရီၼၼ်ႉ 30 ရႃတရီ ပဵၼ်ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 500 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉၸႃတုမႁႃရႃၸိၵႃ ပဵၼ် 9,000,000 ၵဝ်ႈလၢၼ်ႉပီႊၶွင်မိူင်းၵူၼ်း(မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတႆၢမႃးထိုင် ၵွပ်ႈတူဝ်ၶိင်းတႅၵ်ႇ ၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉၸႃတုမႁႃရႃၸိၵႃ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင် မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

-----

ဝိၸႃၶႃ ! 100 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉတႃႇဝတဵင်ႇသႃႇ လူၺ်ႈရႃတရီၼၼ်ႉ 30 ရႃတရီ ပဵၼ်ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 1,000 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉတႃႇဝတဵင်ႇ ပဵၼ် 16,000,000 သိပ်းႁူၵ်းလၢၼ်ႉပီႊၶွင်မိူင်းၵူၼ်း (မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတႆၢမႃးထိုင် ၵွပ်ႈတူဝ်ၶိင်းတႅၵ်ႇ ၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉ တႃႇဝတဵင်ႇသႃႇ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင် မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

---

ဝိၸႃၶႃ ! 200 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉယႃမႃ လူၺ်ႈရႃတရီၼၼ်ႉ 30 ရႃတရီ ပဵၼ်ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 2,000 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉယႃမႃ ပဵၼ် 144,000,000 လၢၼ်ႉပီႊၶွင်မိူင်းၵူၼ်း (မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတႆၢမႃးထိုင် ၵွပ်ႈတူဝ်ၶိင်းတႅၵ်ႇ ၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉ ယႃမႃ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင် မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

----

ဝိၸႃၶႃ ! 400 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉတုသီတႃႇ လူၺ်ႈရႃတရီၼၼ်ႉ 30 ရႃတရီ ပဵၼ်ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 4,000 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉတုသီတႃႇ ပဵၼ် 576,000,000 လၢၼ်ႉပီႊၶွင်မိူင်းၵူၼ်း (မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတႆၢမႃးထိုင် ၵွပ်ႈတူဝ်ၶိင်းတႅၵ်ႇ ၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉတုသီတႃႇ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင် မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

----

ဝိၸႃၶႃ ! 800 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉၼိမမႃၼရတီႇ လူၺ်ႈရႃတရီၼၼ်ႉ 30 ရႃတရီ ပဵၼ် ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 8,000 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉၼိမႃၼရတီႇ ပဵၼ် 2,306,000,000 လၢၼ်ႉပီႊၶွင်မိူင်းၵူၼ်း (မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတႆၢမႃးထိုင် ၵွပ်ႈတူဝ်ၶိင်းတႅၵ်ႇ ၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉ ၼိမႃၼရတီႇ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင် မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

----

ဝိၸႃၶႃ ! 1,600 ပီႊဢၼ်ပဵၼ်ၶွင်မၼုသ ပဵၼ်ၶိုၼ်း ၼိုင်ႈ လႄႈ ဝၼ်းၼိုင်ႈ ၶွင် တေႇဝတႃႇ ၸၼ်ႉပရၼိမ်မိတဝသႃဝတီႇ လူၺ်ႈရႃတရီၼၼ်ႉ 30 ရႃတရီ ပဵၼ်ၼိုင်ႈလိူၼ် 12 လိူၼ် ပဵၼ် ၼိုင်ႈပီႊ လူၺ်ႈပီႊ ၼၼ်ႉ 16,000 ပီႊဢၼ်ပဵၼ်ထိပ်ႉ ပဵၼ်ဢႃႇယုၶွင် တေႇဝတႃႇၸၼ်ႉ ပရၼိမ်မိတဝသႃဝတီႇပဵၼ် 9,216,000,000 လၢၼ်ႉပီႊၶွင်မိူင်း ၵူၼ်း (မၼုသ)

ဝိၸႃၶႃ ! ၶေႃႈၼႆႉပဵၼ်ထႃၼဢၼ်တေမီးလႆႈ ၼၼ်ႉပဵၼ်ၼၢင်းယိင်း ႁိုဝ် ၵူၼ်းၸၢႆးမၢင်ၵေႃႉ ၼႂ်းလေႃးၵၼႆႉ ၶဝ်ႈတိုဝ်းၵမ်ဢုပေႃးသူတ်ႇဢၼ်မီး 8 ပိူင် (သိလ်8) ယဝ်ႉ

ၽၢႆႇလင်မိူဝ်တၢင်းတၢႆမႃးထိုင် ၵွပ်ႈတူဝ်ၶိင်းတႅၵ်ႇၵွႆ ၸိုင်ၶဝ်ႈထိုင်လွင်ႈပဵၼ်သႃႁႃယၶွင်တေႇဝတႃႇ ၸၼ်ႉပရၼိမ်မိတဝသႃဝတီႇ

ဝိၸႃၶႃ ! ႁဝ်းမၢႆဢဝ်ၵႂၢမ်းၶေႃႈၼႆႉလႄႈ ႁဝ်းၸိုင်ၵၢဝ်ႇဝႃႈ ရႃသၶူဝ်းၶွင်သူမ်ပတ်ႇဢၼ်ပဵၼ်ၶွင်မၼုသ မိူဝ်ႈဢဝ်ၵႂႃႇတႅၵ်ႈၵၼ်တၢင်းသိူဝ်းဢၼ်ပဵၼ်ၶွင်ထိပ်ႉ ပဵၼ်ၶွင်ဢိတ်းဢွၼ်ႇၼိုင်ႈၵူၺ်း ။

--------

ဢိင်ၶေႃႈမုလ်းပီတၵတ်ႈၽၢႆႇထႆး

ဢေၵၼိပႃတ ဢင်ၶုတ်တရၼိၵႃယ

ပႃလိ ၊ ဢဵၵ် ၊ ဢံ ၊ 20/263/510