ပုတ်ႉထဝၸၼ ပိုတ်ႇထမ်းဢၼ်ထုၵ်ႇပိၵ်ႉ
မိူဝ်ႈသတ်းၸိူဝ်းမီးဢဝိၸႃႇပဵၼ်ၶိူင်ႈၶႅၼ်ႈ မီးတၼိႁႃပဵၼ်
ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင် ဢမ်ႇပေႃႇ
သူတၢင်းလၢႆ လွင်ႈၼႆႉပွင်ႇၸႂ်ပဵၼ်ၸိူင်ႉႁိုဝ်?
ၼမ်ႉၼူမ်းၶွင် မႃႇတႃႇ ဢၼ်ၸိူဝ်းသူတၢင်းလၢႆ ၽူႈတွင်ႈတဵဝ်းၵႂႃႇမႃးယူႇ လူၺ်ႈၵႃႇလၼၢၼ်းၼႆႉ ၵိၼ်ယဝ်ႉ တင်း ၼမ်ႉၼႂ်းမႁႃသမ်မုတ်ႉတြႃႇတင်းသီႇမေႈ ဢၼ်လႂ်ၼမ် ?
ဢေႃးတီႈၶႃႈၽြႃးပဵၼ်ၸဝ်ႈႁဝ်းၶႃႈ ၸိူဝ်းႁဝ်းၶႃႈႁူႉထိုင် ထမ်းၸွမ်းၼင်ႇၽြႃးပဵၼ်ၸဝ်ႁေႃးၼေယဝ်ႉၶႃႈ
ၼမ်ႉၼူမ်းၶွင်မႃႇတႃႇ ဢၼ်ၸိူဝ်းႁဝ်းၶႃႈၽူႈတွင်ႈတဵဝ်းၵႂႃႇမႃးယူႇ လူၺ်ႈၵႃႇလၼၢၼ်းၼႆႉ ၵိၼ်ယဝ်ႉၼၼ်ႉလႄႈ ၼမ်လိူဝ် ၼင်ႇၼမ်ႉၼႂ်းမႁႃသမ်မုတ်ႉတြႃႇတင်းသီႇမေႈၼၼ်ႉ ဢမ်ႇၼမ်ပဵင်းလႆႈ
ၽိၵ်ၶူတၢင်းလၢႆ ! သႃထု သႃထု ၸိူဝ်းသူႁူႉထိုင်ထမ်း ဢၼ်ႁဝ်းႁေႃးၼေယဝ်ႉၸိူင်ႉၼႆ ထုၵ်ႇယဝ်ႉ ၼမ်ႉၼူမ်း ၶွင်မႃႇတႃႇ ဢၼ်ၸိူဝ်းသူ ၽူႈတွင်ႈတဵဝ်းၵႂႃႇမႃးယူႇ ၵိၼ်
ယဝ်ႉ ၼၼ်ႉလႄႈ ၼမ်လိူဝ် ၼမ်ႉၼႂ်းမႁႃသမ်မုတ်တြႃႇ
တင်းသီႇမေႇၼၼ်ႉ ဢမ်ႇၼမ်ပဵင်းလႆႈ
ၶေႃႈၼၼ်ႉၵွပ်ႈလွင်ႈတၢင်းၸိူင်ႉႁိုဝ် ?
ၵွပ်ႈပိူဝ်ႈဝႃႈ သမ်သရႃႇၼႆႉ မၵ်းမၼ်ႈတီႈသုတ်းပိူင်ႈတူၼ်ႈ ပိူင်ႈပၢႆဢမ်ႇလႆႈ
မိူဝ်ႈသတ်းၸိူဝ်းမီးဢဝိၸႃႇ ပဵၼ်ၶိူင်ႈၶႅၼ်ႈ မီးတၼ်ႁႃ ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈ ၸိုင်ဢမ်ႇပေႃႇ
သတ်းၸိူဝ်းၼၼ်ႉ လႆႈၶၢမ်ႇတၢင်းတုၵ်ႉ လွင်ႈလိူတ်ႇမႆႈ လွင်ႈၵူၼ်ႈပင်း လႆႈၽိုၼ်ႉၽုၼ်းပတပ်ၽီး ဢၼ်ပဵၼ်ပႃႇၸ တႃႇသေႇပဵၼ်ၵၢၼ်ယိုတ်ႈယၢဝ်းၼၢၼ်းၸိူင်ႉၼႆ
ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ
ပေႃးယဝ်ႉ ပိူဝ်ႈပူတ်းဝၢင်း ပေႃးယဝ်ႉပိူဝ်ႇလုတ်ႈပူၼ်ႉ
ၼင်ႇၼႆ ။
---------------
ၶေႃႈမုလ်း ပီတၵၢတ်ႈ
ၼိထႃၼဝႂၵ်ႈ သင်ယုတ်တၼိၵႃယ
16/214-215/427-428
0 comments:
แสดงความคิดเห็น