လိူတ်ႈဢၼ်ယၢမ်ႈသုမ်း

 ပုတ်ႉထဝၸၼ ပိုတ်ႇထမ်းဢၼ်ထုၵ်ႇပိၵ်ႉ

#လိူတ်ႈဢၼ်ယၢမ်ႈသုမ်း

("ၽိၵ်ၶူ" ပဵၼ်ၵႂၢမ်းပႃလိ ပွင်ႈဝႃႈ ရႁၢၼ်း)

-------

ၽိၵ်ၶူတၢင်းလၢႆ ! သမ်သရႃၼႆႉ မၵ်းမၼ်ႈတီႈသုတ်း ပိူင်ႈတူၼ်ႈ ပိူင်ႈပၢႆဢမ်ႇလႆႈ

မိူဝ်ႈသတ်းၸိူဝ်းမီးဢဝိၸႃႇပဵၼ်ၶိူင်ႈၶႅၼ်ႈ မီးတၼ်ႁႃပဵၼ်

ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင် ဢမ်ႇပေႃႇ

သူတၢင်းလၢႆ ပွင်ႇၸႂ်လွင်ႈၼႆႉပဵၼ်ၸိူင်ႉႁိုဝ်?

လေႃးႁိတ(လိူတ်ႈ) ဢၼ်ယၢမ်ႈလႆဢွၵ်ႇၶွင်ၸိူဝ်းသူတၢင်းလၢႆ ၽူႈတွင်ႈတဵဝ်းၵႂႃႇမႃး ဢၼ်ထုၵ်ႇတႅပ်းၶေႃး လူၺ်ႈၵႃႇလၼၢၼ်းၼႆႉ တင်း ၼမ်ႉၼႂ်းမႁႃသမ်မုတ်ႉတြႃႇတင်းသီႇမေႈ ဢၼ်လႂ်ၼမ် ?

ဢေႃးတီႈၶႃႈၽြႃးပဵၼ်ၸဝ်ႈႁဝ်းၶႃႈ ၸိူဝ်းႁဝ်းၶႃႈႁူႉထိုင် ထမ်းၸွမ်းၼင်ႇၽြႃးပဵၼ်ၸဝ်ႁေႃးၼေယဝ်ႉၶႃႈ

လေႃးႁိတ(လိူတ်ႈ) ဢၼ်လႆႈဢွၵ်ႇၶွင်ၸိူဝ်းႁဝ်းၽူႈတွင်ႈ

တဵဝ်းၵႂႃႇမႃးယူႇ လူၺ်ႈၵႃႇလၼၢၼ်း ၼၼ်ႉလႄႈၼမ်လိူဝ်

ၼင်ႇၼမ်ႉမႁႃသမုတ်ႉတြႃႇတင်းသီႇမေႈၼၼ်ႉဢမ်ႇၼမ်ပဵင်းလႆႈ

ၽိၵ်ၶူတၢင်းလၢႆ ! သႃထု သႃထု ၸိူဝ်းသူႁူႉထိုင်ထမ်း ဢၼ်ႁဝ်းႁေႃးၼေယဝ်ႉၸိူင်ႉၼႆ ထုၵ်ႇယဝ်ႉ

လေႃးႁိတ(လိူတ်ႈ) ဢၼ်လႆဢွၵ်ႇၶွင်ၸိူဝ်းသူၽူႈတွင်ႈတဵဝ်း

ၵႂႃႇမႃး ဢၼ်ထုၵ်ႇတႅပ်းၶေႃး လူၺ်ႈၵႃႇလၼၢၼ်းၼႆႉ လႄႈ ၼမ်လိူဝ် ၼင်ႇၼမ်ႉၼႂ်းမႁႃသမ်မုတ်တြႃႇတင်းသီႇမေႈ ဢမ်ႇၼမ်ပႅင်းလႆႈ

မိူဝ်ႈသူတၢင်းလၢႆ ၵိူတ်ႇပဵၼ်ဝူဝ်း ဢၼ်ထုၵ်ႇတႅပ်းၶေႃးလူၺ်ႈၵႃႇလၼၢၼ်း လေႃးႁိတ ဢၼ်လင်ႇလႆဢွၵ်ႇၼၼ်ႉ လႄႈၼမ်လိူဝ် ၼင်ႇၼမ်ႉၼႂ်းမႁႃသမုတ်တြႃႇတင်းသီႇမေႈ ဢမ်ႇၼမ်ပဵင်းလႆႈ

မိူဝ်ႈသူတၢင်းလၢႆ ၵိူတ်ႇပဵၼ်ၵႂၢႆး ၵိူတ်ႇပဵၼ်ၵႄႇ ၵိူတ်ႇပဵၼ်ပေႉ ၵိူတ်ႇပဵၼ်ၼိူဝ်ႉ ၵိူတ်ႇပဵၼ်မူ ၵိူတ်ႇပဵၼ်ၵႆႇ ဢၼ်ထုၵ်ႇ တႅပ်းၶေႃးမႃးယဝ်ႉၵႃႇလၼၢၼ်း

လေႃးႁိတ ဢၼ်လႆဢွၵ်ႇၸိူဝ်းၼၼ်ႉလႄႈၼမ်လိူဝ် ၼင်ႇ ၼမ်ႉၼႂ်းမႁႃသမ်မုတ်တြႃႇတင်းသီမေႈ ဢမ်ႇၼမ်ပဵင်းလႆႈ

သူတၢင်းလၢႆထုၵ်ႇတိၺွပ်း တႅပ်းၶေႃးလူၺ်းတၢင်းၽိတ်းဝႃႈ ပဵၼ်ၸူၼ်ၶႃႈၵူၼ်းဝၢၼ်ႈ

ထုၵ်ႇတိၺွပ်းတႅပ်းၶေႃးလူၺ်ႈတၢင်းၽိတ်း ဝႃႈၸူၼ်ဢဝ်

ၶူဝ်းၶွင်ပိူၼ်ႈ

ထုၵ်ႉတိၺွပ်းတႅပ်းၶေႃးလူၺ်းတၢင်းၽိတ်းဝႃႈ ပဵၼ်ၸူၼ် ႁဵတ်းၽိတ်းလွင်ႇၵႃႇမေႇၼႂ်းၼၢင်းယိင်းမီးၸဝ်ႈၽူဝ်

ၵူႈၶၢဝ်းၵႃႇလၼၢၼ်း လေႃးႁိတ ဢၼ်လႆႈဢွၵ်ႇၸိူဝ်း ၼၼ်ႉလႄႈ ၼမ်လိူဝ် ၼင်ႇၼမ်ႉၼႂ်းမႁႃသမ်မုတ်ႉတြႃႇ

တင်းသီႇမေႈ ဢမ်ႇၼမ်ပဵင်းလႆႈ

ၶေႃႈၼၼ်ႉ ၵွပ်ႈလွင်ႈတၢင်းၸိူင်ႉႁိုဝ် ?

ၵွပ်ႈပိူဝ်ႈဝႃႈ သမ်သရႃႇၼႆႉ မၵ်းမၼ်ႈတီႈသုတ်းပိူင်ႈတူၼ်ႈ ပိူင်ႈပၢႆဢမ်ႇလႆႈ

မိူဝ်ႈသတ်းၸိူဝ်းဢဝိၸႃႇပဵၼ်ၶိူင်ႈၶႅၼ်ႈ မီးတၼ်ႁႃပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇ

သတ်းၸိူဝ်းၼၼ်ႉ လႆႈၶၢမ်ႇတၢင်းတုၵ်ႉ လွင်ႈလိူတ်ႇမႆႈ

လွင်ႈၵူၼ်ႇပင်း လႆႈၽိုၼ်ႉၽုၼ်းပတပ်ၽီး တီႈပဵၼ်ပႃႇၸ

ၵူႈၶၢဝ်းၵႃႇလၼၢၼ်း မိူၼ်ၸိူင်ႉၼင်ႇၼၼ်

ၽိၵ်ၶူတၢင်းလၢႆ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃး ယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ

ပိူဝ်ႈပူတ်းဝၢင်း ပေႃးယဝ်ႉ ပိူဝ်ႈလုတ်ႈပူၼ်ႉ ၼင်ႇၼႆ ။

--------------

ၶေႃႈမုလ်း ပီတၵၢတ်ႈ

ၼိထႃၼဝႂၵ်ႈ သင်ယုတ်တၼိၵႃယ

16/221-223/445-449

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

2ติ่ง คำปี และ อีก 1 คน