ၽရီယႃးၸဵတ်းပိူင် ၊ ၼၢင်းမေး7 ပိူင်

 ပုတ်ထဝၸၼ ပိုတ်ႇထမ်းဢၼ်ထုၵ်ႇပိၵ်ႉ

#ႁူဝ်ၶေႃႈၽရီယႃးၸဵတ်းပိူင် ၊ ၼၢင်းမေး7 ပိူင်

ၶႁပတီ ! လွင်ႈသင်ၼေႃ မၼုသတၢင်းလၢႆၼႂ်းၼိဝဵတ်ႉၶွင် သူ ၸိုင်သူင်ႇသဵင်လင်ဢူၼ်ဢၢၼ် မိူၼ်ၼင်ႇၸၢဝ်းၼႃးႁိမ်ပႃၵၼ် ၊

ဢေႃးတီၶႃႈၽြႃးပဵၼ်ၸဝ်ႈ ! ၼၢင်းသူၸႃႇတႃႇၵေႃႉၼႆႉ ၶႃႈၽူႈၸဝ်ႈဢဝ်မႃးတီႈတၵုလ်ၽူႈမၢၵ်ႈမီး မႃးပဵၼ်လုၵ်ႈပႂ်ႉ ၼႂ်းႁိူၼ်း ၼၢင်းဢမ်ႇယုမ်ႇယမ်မႄႈၸဝ်ႈၽူဝ် တေႃႈၼင်ႇၽြႃးပဵၼ်ၸဝ်ႈ ၼၢင်းၵေႃႈဢမ်ႇသၵႃရပူႇၸေႃႇယုမ်ႇယမ်ၶႃႈ

ဝၢႆးသေၼၼ်ႉ ၽြႃးပဵၼ်ၸဝ်ႈၸင်ႇႁွင်ႉၼၢင်းသူၸႃတႃႇလုၵ်ႈပႂ်ႉၼႂ်းႁိူၼ်းလင်ၼၼ်ႉဝႃႈ

မႃးၼႆႉလူး သူၸႃႇတႃႇ"

ၼၢင်းသူၸႃႇတႃႇလုၵ်ႈပႂ်ႉၼႂ်းႁိူၼ်းလႆႈယိၼ်းထွမ်ႇၽြႃးပဵၼ်ၸဝ်ႈယဝ်ႉ ၸင်ႇၶဝ်ႈၵႂႃႇၸူးၽြႃးပဵၼ်ၸဝ်ႈထိုင်တီႈယူႇ ၶုပ်ႉၵွမ်းၼွမ်းဝႆႈယဝ်ႉ ၼင်ႈတီႈၽၢႆႇၶၢင်ႈၼိုင်ႈ

ၵမ်းၼၼ်ႉၽြႃးပဵၼ်ၸဝ်ႈၸင်ႇထမ်ဝႃႈ"

သူၸႃႇတႃႇ ! ၼၢင်းမေးၶွင်ၸဝ်ႈၽူဝ် 7 ပိူင်ၼႆႉ ၼၢင်းပဵၼ်ဢၼ်လႂ် လႄႈ ၼင်းပဵၼ်ဢၼ်လႂ်ၼႂ်း 7 ပိူင်ၼႆႉ

7 ပိူင်ၸိူဝ်းၼႆႉပဵၼ်ၸိူင်ႉႁိုဝ် ? ၼၼ်ႉပဵၼ်

1 ၼၢင်းမေး မိူၼ်ၼင်ႇၽူႈမိူၵ်ႈ (ဝႃထၵၽရိယႃး)

2 ၼၢင်းမေး ‌မိူၼ်ၼင်ႇၸူၼ် (ၸူရိၽရိယႃး)

3 ၼၢင်းမေး ‌မိူၼ်ၼင်ႇၸဝ်ႈႁိူၼ်း (ဢႆယယႃၽရိယႃ)

4 ၼၢင်းမေး မိူၼ်ၼင်ႇမႄႈ (မႃတႃၽရိယႃ)

5 ၼၢင်းမေး ‌မိူၼ်ၼင်ႇပီးၼၢင်း ၼွင်ႉယိင်း (ၽၶိၼိၽရိယႃး)

6 ၼၢင်းမေး မိူၼ်ၼင်ႇဢူၺ်းၵေႃႉ (သီၶီၽရိယႃး )

7 ၼၢင်းမေး ‌မိူၼ်ၼင်ႇၽူႈႁပ်ႉၸႂ်ႉ (ထႃးသီၽရိယႃး)

သူၸႃႇတႃႇ ! ၼၢင်းမေးၶွင်ၽူႈၸၢႆး 7 ပိူင်ၼႆႉလႄႈ ၼၢင်း ပဵၼ်ဢၼ်လႂ် ၼႂ်း 7 ပိူင်ၼၼ်ႉ

ဢေႃးတီႈၶႃႈၽြႃးၽူႈပဵၼ်ၸဝ်တီႈၶႃႈ ! ၶႃႈၼၢင်းယင်း ဢမ်ႇႁူႉတူဝ်ႈထိုင်ၵႂၢမ်းမၢႆၼင်ႇဢၼ်ၽြႃးပဵၼ်ၸဝ်ႈလၢတ်ႈ ဢဝ်ဢၼ်ယေႃႈၸိူင်ႉၼင်ႇၼႆ

ၽြးပဵၼ်ၸဝ်ႈတီႈၶႃႈ ! ယွၼ်းတိုဝ်ႉတၢင်းပိူဝ်ႈႁႂ်ႈၶႃႈၼၢင်း လႆႈထွမ်ႇထမ်းပိူဝ်ႈၶႃႈၼၢင်းလႆႈႁူႉၸႅင်ႈထိုင်ၼိူဝ်ႉထမ်း ဢၼ် ၽြႃးပဵၼ်ၸဝ်ႈႁေႃးၼေယေႃႈဝႆႉၸိူင်ႉၼၼ်

သူၸႃႇတႃႇ ! ပေႃးၸိူင်ႉၼၼ် ၶတ်းၸႂ်ထွမ်ႇ သႂ်ႇၸႂ်ႁႂ်ႈလီ

1 ၼၢင်းမေးၽူႈမီးၸႂ်မိူၵ်ႈႁၢႆႉ ဢမ်ႇတူၺ်းထိုင်ၽွၼ်းလီ

ၵိူဝ်ၵုလ် ယိၼ်းလီၼႂ်းၸၢႆးတၢင်ႇၵေႃႉ ဢမ်ႇလီတေႃႇၸဝ်ႈၽူဝ်ၽူႈဢၼ်ၶဝ်သိုဝ်ႉမႃးလူၺ်းငိုၼ်း ဝၢင်းၽႅၼ်ၶႃႈၸဝ်ႈၽူဝ် ၼၢင်းမေးၼင်ႇၼႆႁွင်ႉဝႃႈ ဝထၵၽရီယႃး ၼၢင်းမေးမိူၼ်ၼင်ႇၽူႈမိူၵ်ႈ ။

2 ၵေႃႉပဵၼ်ၸဝ်ႈၽူဝ်ၶွင်ၼၢင်းယိင်းၽူႈၶတ်းၸႂ်ႁဵတ်း ၵၢၼ်လူၺ်ႈ သိလ်လပၵမ်ႇ ၽၼိသယၵမ်ႇ လႄႈ ၵသီၵမ်ႇ

လႆႈငိုၼ်းၶမ်းမႃး ၼၢင်းမေးၼၼ်ႉပရႃထၼႃ လၵ်ႉသိူင်ႇသိမ်း ဢၼ်မီးယူႇဢိတ်းဢီႈသေ ၼၢင်းၶွင်ၸဝ်ႈၽူဝ်ၼင်ႇၸိူင်ႉၼႆ ႁွင်ႉဝႃႈ ၸူရၽရိယႃး ၼၢင်းမေးမိူၼ်ၼင်ႇ ၸူၼ် ။

3 ၼၢင်းမေးဢမ်ႇသူၼ်ၸႂ်ၼႂ်းၵၢၼ်ငၢၼ်း ၵဵတ်ႇၶၢၼ်ႉ ၵိၼ်ၼမ် ပၢၵ်ႇႁၢႆႉ ပၢၵ်ႇႁတ်း လၢတ်ႈၵႂၢမ်းလိူင်း တဵၵ်း တဵင် ၸဝ်ႈၽူဝ်ၽူႈဢၼ်ၶတ်းၸႂ် ၼၢင်းမေးၶွင် ၸဝ်ႈၽူဝ်ၼင်ႇ ၼႆ ႁွင်ႉဝႃႈ ဢႂ်းယယႃၽရိယႃး ၼၢင်းမေးမိူၼ်ၼင်ႇၸဝ်ႈႁိူၼ်း ။

4 ၼၢင်းမေးလႂ်တူၺ်းထိုင်လူၺ်ႈၽွၼ်းလီ ၵိူဝ်ႉၵုလ်ၵူႈမိူဝ်ႈ ၸွမ်းတူၺ်းထိုင်လုမ်းလႃးၸဝ်ႈၽူဝ် မိူၼ်ၼင်ႇမႄႈၸွမ်းတူၺ်းထိုင်လုမ်းလႃးလုၵ်ႈ လုမ်းလႃးၶူဝ်းၶွင်ဢၼ်ၸဝ်ႈၽူဝ်ႁႃမႃးလႆႈ ဝႆႉ ၼၢင်းမေးၶွင်ၸဝ်ႈၽူဝ်ၼင်ႇၼႆ ႁွင်ႉဝႃႈ မႃႇတႃႇၽရိယႃး ၼၢင်းမေးမိူၼ်ၼင်ႇမႄႈ ။

5 ၼၢင်းမေးဢၼ်မိူၼ်ၼင်ႇ ပီးၼၢင်း ၼွင်ႉယိင်း မီးလွင်ႈ ၵႃႇလဝ ၼႂ်းၸဝ်ႈၽူဝ်ၶွင်တူဝ်ၵဝ်ႇ ပဵၼ်ၵူၼ်းၵူဝ်‌ေတႃႇ တၢင်းၽိတ်း ပဵၼ်ၸွမ်းၼင်ႇၵၢင်ၸႂ်ၸဝ်ႈၽူဝ် ၼၢင်းမေး ၶွင်ၸဝ်ႈၽူဝ်ၸိူင်ႉၼင်ႇၼႆ ႁွင်ႉဝႃႈ ၽၶီၼီၽရိယႃး ၼၢင်းမေးမိူၼ်ၼင်ႇ ပီႈၼၢင်း ၼွင်ႉယိင်း ယဝ်ႉ ။

6 ၼၢင်းမေးလႂ်ၼႂ်းလေႃးၵၼႆႉ မိူဝ်ႈႁၼ်ၸဝ်ႈၽူဝ်ယဝ်ႉ ယိၼ်းလီ ယွင်ႈဢၢမ်း မိူၼ်ၼင်ႇဢူၺ်းၵေႃႉၵၼ်ၽၢတ်ႇယၢၼ်ၵၼ်ႁိုင်သေၶိုၼ်းလႆႈထူပ်းၵၼ် ပဵၼ်ယိင်းမီးသိလ် မီးဝတ်ႉ ပတိပတ်ႈတေႃႇၸဝ်ႈၽူဝ် ၼၢင်းမေးၶွင်ၸဝ်ႈၽူဝ်ၸိူင်ႉၼင်ႇၼႆ ဝွင်ႉဝႃႈ သီၶီၽရိယႃး ၼၢင်းမေးမိူၼ်ၼင်ႇ ဢူၺ်းၵေႃႉလီယဝ်ႉ ။

7 ၼၢင်းမေးလႂ် ဢၼ်ၸဝ်ႈၽူဝ်တူပ်းတီ ႁိုတ်းထ ၵေႃႈဢမ်ႇၸၢၼ်ႇၸင်း ဢမ်ႇဝူၼ်ႉတႃႇၸၢၼ်ႈၸင်းတွပ်ႇထဵင်

ၸဝ်ႈၽူဝ် ယိူၼ်ႉၵၼ်ႈလႆႈ ပဵၼ်ၸွမ်းၼင်ႇၵၢင်ၸႂ်ၸဝ်ႈၽူဝ် ၼၢင်းမေးၶွင်ၸဝ်ႈၽူဝ်ၸိူင်ႉၼင်ႇၼႆ ႁွင်ႉဝႃႈ ထႃးသီၽရိယႃး ၼၢင်းမေးမိူၼ်ၽူႈႁပ်ႉၸႂ်ႉ ။

ၼၢင်းမေးဢၼ်ႁွင်ႉဝႃႈ

ဝထၵၽရိယႃး ၸူရၽရိယႃ ဢႂ်ယယႃၽရိယႃး

ၽရိယႃတင်း 3 ပိူင်ၼၼ်ႉ ၵွပ်ႈလူၺ်ႈပဵၼ်ၵူၼ်းထုသိလ် လႄႈ ဢမ်ႇမီးလွင်ႈယုမ်ႇမၢတ်ႈၵၼ် မိူဝ်ႈတၢႆၵႂႃႇၸင်ႇၶဝ်ႈထိုင်ငရၢႆးယူႇယဝ်ႉ ။

ၼၢင်းမေးဢၼ်ႁွင်ႉဝႃႈ

မႃတႃၽရိယႃး ၽၶီၼီၽရိယႃ သီၶီၽရိယႃး

ထႃသီၽရိယႃး ၼၢင်းမေး 4 ပိူင်ၼႆႉၵွပ်ႈတင်ႈမၼ်ႈယူႇ ၼႂ်းသိလ် ထိင်းသိမ်းလွင်ႈလီႁႂ်ႈယိုၼ်းယၢဝ်း မိူဝ်ႈတၢႆၵႂႃႇ ၸင်ႇၶဝ်ႈသုၶတီ ။

သူၸႃတႃႇ ! ၼၢင်းမေးၶွင်ၸဝ်ႈၽူဝ် 7 ပိူင်ၼႆႉလႄႈ ၼၢင်းပဵၼ်ဢၼ်လႂ် လႄႈ ၼၢင်းပဵၼ်ဢၼ်လႂ်ၼႂ်း7 ပိူင်ၼၼ်ႉ

ဢေႃးတီႈၶႃႈၽြႃးပဵၼ်ၸဝ်ႈၶႃႈ တေႇဢဝ်ၼႆႉၵႂႃႇ ယွၼ်းႁႂ်ႈတွင်းမၢႆၶႃႈၼၢင်းဝႆႉဝႃႈ ပဵၼ်ၼၢင်းၶွင်ၸဝ်ႈၽူဝ် မိူၼ်ၼင်ႇ ထႃသီၽရီယႃး ။

--------------

ၶေႃႈမုလ်းပပ်ႉပီတၵၢတ်ႈ

သတ်တၵၼိပတ်တ ဢင်ၶုတ်တရၼိၵႃယ

23/ 92/60