ထမ်းဝိၼၺ်း ပဵၼ်သႃသၻႃတႅၼ်းၽြႃးသမ်မႃသမ်ပုတ်ထ

 ပုတ်ႉထဝၸၼ ပိုတ်ႇထမ်းဢၼ်ထုၵ်ႇပိၵ်ႉ

-------

#ထမ်းဝိၼၺ်း #ပဵၼ်သႃသၻႃတႅၼ်းၽြႃးသမ်မႃသမ်ပုတ်ထ

-------

ဢၼၼ်ႇတႃႇ ! တၢင်းဝူၼ်ႉၸၢင်ႈမီးၼႂ်းၸိူဝ်းသူတၢင်းလၢႆၼင်ႇၼႆဝႃႈ ထမ်းဝိၼၺ်းၶွင်ၸိူဝ်းႁဝ်း မီးၽြႃးပဵၼ်

ၸဝ်ႈ လူင်ႈလပ်ႉၵႂႃႇသေယဝ်ႉ ၸိူဝ်းႁဝ်းဢမ်ႇမီးၽြႃးပဵၼ် ၸဝ်ႈယဝ်ႉ ၼင်ႇၼႆ ၊

ဢၼၼ်ႇတႃႇ ! ၸိူဝ်းသူယႃႇဝူၼ်ႉၼင်ႇၼၼ် ၊

ဢၼၼ်ႇတႃႇ ! ထမ်းၵေႃႈလီ ဝိၼၺ်းၵေႃႈလီ ဢၼ်ႁဝ်းလႆႈႁေႃးၼေဝႆႉယဝ်ႉ ပၺ်ၺတ်ႇယဝ်ႉ တေႃႇၸိူဝ်းသူတၢင်း လၢႆ ထမ်းဝိၼၺ်းၼၼ်ႉ ၸင်ႇပဵၼ်ၽြႃးၶွင်ၸိူဝ်းသူတၢင်း လၢႆလူၺ်ႈၵၢၼ်လူင်ႈလပ်ႉၵႂႃႇၶွင်ႁဝ်း ၊

ဢၼၼ်ႇတႃႇ ! ၼႂ်းၵႃလပတ်ႇၼႆႉၵေႃႈလီ ၼႂ်းၵၢၼ်လူင်ႈ လပ်ႉၵႂႃႇၶွင်ႁဝ်းၵေႃႈလီ ၽႂ်ၵေႃႈယဝ်ႉ ၸင်ႇမီးတူဝ်ၵဝ်ႇပဵၼ်ပရထိပ်ႉ မီးတူဝ်ႇၵဝ်ႇပဵၼ်သႃရၼ ဢမ်ႇဢဝ်တၢင်ႇ

ၸိူဝ်းတၢင်ႇပိူင်ပဵၼ်သႃရၼ

မီးထမ်းပဵၼ်ပရထိပ်ႉ မီးထမ်းပဵၼ်သႃရၼ ဢမ်ႇဢဝ်တၢင်ႇၸိူဝ်းတၢင်ႇပိူင်ပဵၼ်သႃရၼ ပဵၼ်ယူႇ ၊

ဢၼၼ်ႇတႃႇ ! ၽိၵ်ၶူၸိူဝ်းလႂ် ပဵၼ်ၽူႈတိုဝ်းၵမ်ၼႂ်းသိၵ်ၶႃ

ၽိၵ်ၶူၸိူဝ်းၼၼ်ႉ ၸင်ႇပဵၼ်ၽူႈယူႈၼႂ်းသထႃၼဢၼ်တွၼ်းသုတ်းလႄႊ ၊

ဢၼၼ်ႇတႃႇ ! လွင်ႈၶၢတ်ႇသုၼ်ၶွင် ၵၢလ်လယႃၼဝတ်း ၼႆႉ မီးၼႂ်းၵၢပ်ႈပၢၼ်ပုရုသ်လႂ် ပုရုသ်ၼၼ်ႉၸိုဝ်ႈဝႃႈပဵၼ်ပုရုသ်ၵေႃႉလိုၼ်းသုတ်းၶွင်ပုရုသ်တၢင်းလၢႆ ၊

ႁဝ်းယွၼ်းၵၢဝ်ႇတေႃႇၸိူဝ်းသူတၢင်းလၢႆ သူတၢင်းလၢႆယႃႇပဵၼ်ပုရုသ်ၵေႃႇလိုၼ်းသုတ်းၶွင်ႁဝ်းၼႃႊ ။

--------------------

ၶေႃႈမုလ်းၼႂ်းပပ်ႉပီတၵၢတ်ႈ

မႁႃဝၢၵ်ႈ ထိၶၼိၵႃႇယ

10/ 178/142

မသ်သိမ်မ ပၼ်ၼႃသ မသ်သိမ်မၼိၵႃယ

13/427/463

မႁႃဝႃဝၢၵ်ႈ သင်ယုတ်တၼိၵႃယ

14/217/740

-–----------------------------------------------

ပွင်ႇၸႂ်ၵွၼ်ႇဢၢၼ်ႇ "ၽိၵ်ၶူ" ပဵၼ်ၵႂၢမ်းပႃလိ ပွင်ႇဝႃႈ ရႁၢၼ်း

--------ပုတ်ထဝၸၼပိုတ်ႇထမ်းဢၼ်ထုၵ်ႇပိၵ်ႉ--

ထမ်းဝိၼၺ်းၶွင်သမ်မႃသမ်ပုတ်ႉထ ပိုၼ်ၽႄႈၸင်ႇႁိူဝ်ႈႁိူင်း

ၽိၵ်ၶူတၢင်းလၢႆ ! လွင်ႈသၢမ်ပိူင်ၼႆႉ ပိၵ်ႉပင်းဝႆႉၸင်ႇႁိူဝ်ႈ ႁိူင်း ပိုၼ်ၽႄႈ ဢမ်ႇႁိူဝ်ႈႁိူင်း 3 ပိူင်ၼၼ်ႉပဵၼ်

1 မတုၶၢမ်း ပိၵ်ႉပင်းဝႆႉၸင်ႇႁိူဝ်ႈႁိူင်း ပိုၼ်ၽႄႈဢမ်ႇႁိူဝ်ႈႁိူင်း ၊

2 မုလ်းၶွင်ၽရၢမ်း(ပုင်ႇၼႃး) ပိၵ်ႉပင်းဝႆႉၸင်ႇႁိူဝ်ႈႁိူင်းပိုၼ်ၽႄႈဢမ်ႇႁိူဝ်ႈႁိူင်း ၊

3 မိၵ်ႉသႃတိၵ်ႉထိ ပိၵ်ႉပင်းဝႆႉ ၸင်ႇႁိူဝ်ႈႁိူင်း ပိုၼ်ၽႄႈ ဢမ်ႇႁိူဝ်ႈႁိူင်း ၊

ၽိၵ်ၶူတၢင်းလၢႆ ! လွင်ႈ 3 ပိူင်ၼႆႉလႄႈ ပိၵ်ႉပင်းဝႆႉၸင်ႇႁိူဝ်ႈႁိူင်း ပိုၼ်ၽႄႈ ဢမ်ႇႁိူဝ်ႈႁိူင်း ။

-------

ၽိၵ်ၶူတၢင်းလၢႆ ! လွင်ႈ 3 ပိူင်ၼႆႉ ပိုၼ်ၽႄႈၸင်ႇႁိူဝ်ႈ

ႁိူင်း ပိၵ်ႉပင်းဝႆႉ ဢမ်ႇႁိူဝ်ႈႁိူင်း 3 ပိူင်ၼၼ်ႉပဵၼ်

1 လုၵ်ႈလိူၼ် ပိုၼ်ၽႄႈၸင်ႇႁိူဝ်ႈႁိူင်း ပိၵ်ႉပင်းဝႆ ဢမ်ႇႁိူဝ်ႈႁိူင်း ၊

2 လုၵ်ႈတႃဝၼ်း ပိုၼ်ၽႄႈ ၸင်ႇႁိူဝ်ႈႁိူင်း ပိၵ်ႉပင်းဝႆႉ ဢမ်ႇႁိူဝ်ႈႁိူင်း ၊

3 ထမ်းဝိၼၺ်းဢၼ်ၽြႃးပဵၼ်ၸဝ်ႈပိုၼ်ၽၢဝ်ႇဝႆႉယဝ်ႉ ပိုၼ်ၽႄႈ ၸင်ႇႁိူဝ်ႈႁိူင်း ပိၵ်ႉပင်းဝႆႉဢမ်ႇႁိူဝ်ႈႁိူင်း ၊

ၽိၵ်ၶူတၢင်းလၢႆ ! လွင်ႈ 3 ပိူင်ၼႆႉလႄႈ ပိုၼ်ၽႄႈ ၸင်ႇႁိူဝ်ႈႁိူင်း ပိၵ်ႉပင်းဝႆႉ ဢမ်ႇႁိူဝ်ႈႁိူင်း ။

-------------

ၶေႃႈမုလ်းၼႂ်းပပ်ႉပီတၵၢတ်ႈ

ဢေၵၼိပတ ဢင်ၶုတရၼိၵႃယ

20/364/571

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

3คุณ, ติ่ง คำปี และ อีก 1 คน