တၢင်းယၢဝ်းၼၢၼ်းၶွင်ၼိုင်ႈၵၢပ်ႈ [ ႒ ]

 

တၢင်းယၢဝ်းၼၢၼ်းၶွင်ၼိုင်ႈၵၢပ်ႈ  [ ႒ ]

ၶေႃႈမုလ်းပီတၵတ်ႈၽၢႆထႆး -ปาลิ. นิทาน. สํ. ๑๖ / ๒๑๖ / ๔๓๑-๔๓๒ ]

 

ဢေႃးတီႈတီႈၽြႃးပဵၼ်ၸဝ်ႈတီႈၶႃႈ!  ၵၢပ်ႈၼိုင်ႈႁိုင်ၼၢၼ်းတၢၼ်ႇလႂ်ၶႃႈ

 

ၽိၵ်ၶူ ! ၵၢပ်ႈၼိုင်ႈၼႆႉယၢဝ်းၼၢၼ်းၼႃႇ  တႃႇၼပ်ႉဢၢၼ်ႇလႆႈၼႆႉ ဢမ်ႇၸႂ်ႈ လွင်ႈငၢႆႈ ဝႃႈ တၢၼ်ႇၼႆႉၼိုင်ႈပီႊ တၢၼ်ႇၼႆႉ ႑႐႐ ပီႊ တၢၼ်ႇၼႆႉ ႑,႐႐႐ ပီႊ  ဢမ်ႇၼၼ်ၵႃႈၼႆႉ ႑႐႐, ႐႐႐ ပီႊ

 

       ဢေႃးတီႈၶႃႈ ၸွင်ႇၸၢင်ႈဢုပမႃႇ လႆႈယူႇၶႃႈႁိုဝ် ၽြႃးပဵၼ်ၸဝ်ႈတီႈၶႃႈ !

 

       ဢုပမႃႇ လႆႈယူႇ ၽိၵ်ၶူ !

 

မိူၼ်ၸိူင်ႉၼင်ႇ မိူင်းၼိုင်ႈ ဢဝ်လဵၵ်းႁဵတ်းႁူဝ်ႉလွမ်ႉဝႆႉ တၢင်းယၢဝ်း ၼိုင်ႈ ယူဝ်ႇၸၼႃႇ တၢင်းၵႂၢင်ႈၼိုင်ႈယူဝ်ႇၸၼႃႇ ၼၢင်းသုင်ၼိုင်ႈယူဝ်ႇၸၼႃႇ တၢင်းၼႂ်းၼၼ်ႉမီးမဵတ်ႉၸိူဝ်ႉၽၼ်းၽၵ်းၵၢတ်ႇတဵမ်ဝႆႉ

 

ၼိုင်ႈပၢၵ်ႇပီႊ ႑႐႐ မီးၵူၼ်းယိပ်းဢဝ်မဵတ်းၽၼ်းၽၵ်းၵၢတ်ႇၼၼ်ႇဢွၵ်ႇၵႂႃႇ ၼိုင်ႈပၢၵ်ႇ ႑႐႐ ပီႊၼိုင်ႈပွၵ်ႈ ၼိုင်ႈမဵတ်ႉ ႁဵတ်းၼၼ်ယူႇ တေႃႇမဵတ်ႉၽၼ် ၽၵ်းၵၢတ်ႇၼၼ်ႉ ပေႃးမူတ်းၵႂႃႇသဵင်ႈၵေႃႈ ဢမ်ႇပႆႇထိုင်ၼိုင်ႈၵၢပ်ႈ

 

 

ၼႂ်းၸိူဝ်းၵၢပ်ႈတၢင်းလၢႆၸိူဝ်းၼႆႉ ဢၼ်ၸိူဝ်းသူတွင်ႈတဵဝ်းၵႂႃႇမႃးယူႇၼႆႉ ဢမ်ႇၸႂ်ႈၼိုင်ႈၵၢပ်ႈ ဢမ်ႇၸႂ်ႈ ပၢၵ်ႇ ႑႐႐ ၵၢပ်ႈ ဢမ်ႇၸႂ်ႈႁဵင်႑,႐႐႐ ၵၢပ်ႈ ဢမ်ႇၸႂ်ႈ သႅၼ် ႑႐႐, ႐႐႐ ၵၢပ်ႈ

 

ၶေႃႈၼႆႉၵွပ်ႈလွင်ႈတၢင်းၸိူင်ႉႁိုဝ်?

ၵွပ်ႈပိူဝ်ႈဝႃႈ သူင်သၢၼ်ၼႆႉ မၵ်းမၼ်ႈတီႈသုတ်းသဵင်ႈ ပိူင်ႈတူၼ်ႈပိူင်ႈပၢႆဢမ်ႇ လႆႈ မိူဝ်ႈၸိူဝ်းသတ်းတၢင်းလၢႆ မီးဢဝိၸႃႇ ပဵၼ်ၶိူင်ႈၶႅၼ်ႈ မီးတၼ်ႁႃပဵၼ်ၶိူင်ႈ ၽူၵ်ႇမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇမႃးလႆႈ

 

သတ်းၸိူဝ်းၼၼ်ႉၸိုင်လႆႈၶၢမ်ႇတၢင်းတုၵ်ႉ တၢင်းလိူတ်ႇမႆႈ လွင်ႈၵူၼ်ႇပင်းၸိုင် ၽိုၼ်ႉၾုၼ်းပတပ်ၽီး ဢၼ်ပဵၼ်ပႃႇၸႃႉ (ပႃႇႁဵဝ်ႈ) ႁိုင်ၼၢၼ်းမႃးၸိူင်ႉၼႆ

 

ၽိၵ်ၶူ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃးယဝ်ႉ ပိူဝ်ႈမိူဝ်ႇၸၢၼ်ႈၼႂ်း သင်ၶႃရတၢင်းလၢႆ  ပေႃးယဝ်ႉ ပိူဝ်ႇတႃႇပူတ်းဝၢင်း  ပေႃးယဝ်ႉ ပိူဝ်ႈ တႃႇလုတ်ႈ ဢွၵ်ႇပူၼ်ႉ ၼင်ႇၼႆ ။