တၢင်းယၢဝ်းၼၢၼ်းၶွင်သမ်သႃရႃႇ

 

တၢင်းယၢဝ်းၼၢၼ်းၶွင်သမ်သႃရႃႇ

ၶေႃႈမုလ်းပီတၵတ်ႈၽၢႆထႆး -ปาลิ. นิทาน. สํ. ๑๖ / ๒๑๗ / ๔๓๓-๔๓๔ ]

 

ဢေႃးတီႈတီႈၽြႃးပဵၼ်ၸဝ်ႈတီႈၶႃႈ!  ၵၢပ်ႈတၢင်းလၢႆဢၼ်ပူၼ်ႉမႃးယဝ်ႉ ဢၼ်လူင်ႇပူၼ်ႇၵႂႃႇယဝ်ႉမီးၼမ်တၢၼ်ႇလႂ်ၶႃႈၼေႃ?

 

ၽိၵ်ၶူတၢင်းလၢႆ ! ၵၢပ်ႈတၢင်းလၢႆဢၼ်ပူၼ်ႉမႃးယဝ်ႉ လူင်ႈပူၼ်ႉၵႂႃႇယဝ်ႉၼႆႉၼမ် ၼႃႇ  တႃႇၼပ်ႉဢၢၼ်ႇလႆႈၼႆႉ ဢမ်ႇၸႂ်ႈ လွင်ႈငၢႆႈ ဝႃႈ ၵႃႈၼႆႉၼိုင်ႈၵၢပ်ႈ ၵႃႈၼႆႉ ႑႐႐ ပီႊ ၵႃႈၼႆႉ ႑,႐႐႐ ပီႊ ဢမ်ႇၼၼ်ၵႃႈၼႆႉ ႑႐႐, ႐႐႐ ပီႊ

 

ဢေႃးတီႈၶႃႈ ၸွင်ႇၸၢင်ႈဢုပမႃႇ လႆႈယူႇၶႃႈႁိုဝ် ၽြႃးပဵၼ်ၸဝ်ႈတီႈၶႃႈ !

 

ဢုပမႃႇ လႆႈယူႇ ၽိၵ်ၶူတၢင်းလၢႆ !

 

ၽိၵ်ၶူတၢင်းလၢႆ ! မီးသႃဝၵ ႁႃႈတူၼ် ပဵၼ်ၽူႈမီးဢႃႇယု ၼိုင်ႈပၢၵ်ႇပီႊ႑႐႐ ပီႊ မီးသၢႆၸႂ်ယူႇ ၼိုင်ႈပၢၵ်ႇ ႑႐႐ ပီႊ သင်ၶဝ်ၸဝ်ႈၸိူဝ်းၼၼ်ႉ တွင်းၶိုၼ်းလႆႈ ၸၢတ်ႈဝၼ်းလင် လႄႈႁူၼ်လင်တူၺ်းၶိုၼ်းၸၢတ်ႈဝၼ်းလင်ၼိုင်ႈဝၼ်း ၼိုင်ႈသႅၼ်ၵၢပ်ႈယူႇၶၢဝ်းတၢင်းႁိုင် ၼိုင်ႈပၢၵ်ႇ ႑႐႐ ပီႊ

 ၵၢပ်ႈဢၼ်ၶဝ်တူၺ်းဢမ်ႇထိုင်လႆႈၼၼ်ႉယင်းမီးထႅင်ႈယူႇ

 

သႃဝၵ ၶွင်ႁဝ်းမီးဢႃႇယု ၼိုင်ႈ႑႐႐ ပီႊ  မီးသၢႆၸႂ်ယူႇ ၼိုင်ႈ႑႐႐ ပီႊ ၶဝ်လူင်ႈ လပ်ႉၵႂႃႇယဝ်ႉ ၼိုင်ႈ႑႐႐ပီႊ ၸိူဝ်းၼႆႉလႄႊ ၵၢပ်ႈၼိုင်ႈဢၼ်ပူၼ်ႉမႃးယဝ်ႉ လူင်ႈပူၼ်ႉၵႂႃႇယဝ်ႉ မီးတၢင်းၼမ်တၢင်းလၢႆ ၸိူင်ႉၼင်ႇၼႆ

 

ဢမ်ႇၸႂ်ႈလွင်ႈငၢႆႈတႃႇၼပ်ႉလႆႈ  ၵႃႈၼႆႉၼိုင်ႈၵၢပ်ႈ ၵႃႈၼႆႉ ႑႐႐ ၵၢပ်ႈ ၵႃႈၼႆႉ႑,႐႐႐ ၵၢပ်ႈ ဢမ်ႇၼၼ်ၵႃႈၼႆႉ ႑႐႐, ႐႐႐ ၵၢပ်ႈ

 

 

 

 

ၶေႃႈၼႆႉၵွပ်ႈလွင်ႈတၢင်းၸိူင်ႉႁိုဝ်?

 

ၵွပ်ႈပိူဝ်ႈဝႃႈ သူင်သၢၼ်ၼႆႉ မၵ်းမၼ်ႈတီႈသုတ်းသဵင်ႈ ပိူင်ႈတူၼ်ႈပိူင်ႈပၢႆဢမ်ႇ လႆႈ မိူဝ်ႈၸိူဝ်းသတ်းတၢင်းလၢႆ မီးဢဝိၸႃႇ ပဵၼ်ၶိူင်ႈၶႅၼ်ႈ မီးတၼ်ႁႃပဵၼ်ၶိူင်ႈ ၽူၵ်ႇမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇမႃးလႆႈ

 

သတ်းၸိူဝ်းၼၼ်ႉၸိုင်လႆႈၶၢမ်ႇတၢင်းတုၵ်ႉ တၢင်းလိူတ်ႇမႆႈ လွင်ႈၵူၼ်ႇပင်းၸိုင် ၽိုၼ်ႉၾုၼ်းပတပ်ၽီး ဢၼ်ပဵၼ်ပႃႇၸႃႉ (ပႃႇႁဵဝ်ႈ) ႁိုင်ၼၢၼ်းမႃးၸိူင်ႉၼႆ

 

ၽိၵ်ၶူတၢင်းလၢႆ  ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃးယဝ်ႉ ပိူဝ်ႈမိူဝ်ႇၸၢၼ်ႈ ၼႂ်းသင်ၶႃရတၢင်းလၢႆ ပေႃးယဝ်ႉ ပိူဝ်ႇတႃႇပူတ်းဝၢင်း ပေႃးယဝ်ႉ ပိူဝ်ႈ တႃႇလုတ်ႈ ဢွၵ်ႇပူၼ်ႉ ၼင်ႇၼႆ ။