တၢင်းယၢဝ်းၼၢၼ်းၶွင်ၼိုင်ႈၵၢပ်ႈ
[႑
]
ၶေႃႈမုလ်းပီတၵတ်ႈၽၢႆထႆး
-ปาลิ. นิทาน. สํ. ๑๖ / ๒๑๕ / ๔๒๙-๔๓๐ ]
ဢေႃးတီႈတီႈၽြႃးပဵၼ်ၸဝ်ႈတီႈၶႃႈ! ၵၢပ်ႈၼိုင်ႈႁိုင်ၼၢၼ်းတၢၼ်ႇလႂ်ၶႃႈ
ၽိၵ်ၶူ ! ၵၢပ်ႈၼိုင်ႈၼႆႉယၢဝ်းၼၢၼ်းၼႃႇ တႃႇၼပ်ႉဢၢၼ်ႇလႆႈၼႆႉ ဢမ်ႇၸႂ်ႈ လွင်ႈငၢႆႈ ဝႃႈ တၢၼ်ႇၼႆႉၼိုင်ႈပီႊ တၢၼ်ႇၼႆႉ ႑႐႐ ပီႊ တၢၼ်ႇၼႆႉ ႑,႐႐႐ ပီႊ ဢမ်ႇၼၼ် ၵႃႈၼႆႉ ႑႐႐, ႐႐႐ ပီႊ
ဢေႃးတီႈၶႃႈ
ၸွင်ႇၸၢင်ႈဢုပမႃႇ
လႆႈယူႇၶႃႈႁိုဝ်
ၽြႃးပဵၼ်ၸဝ်ႈတီႈၶႃႈ
!
ဢုပမႃႇ လႆႈယူႇ ၽိၵ်ၶူ !
ၽိၵ်ၶူ ! မိူၼ်ၸိူင်ႉၼင်ႇ လွႆႁိၼ်လူင် ယၢဝ်းၼိုင်ႈယူဝ်ႇၸၼႃႇ ၵႂၢင်ႈၼိုင်ႈ ယူဝ်ႇၸၼႃႇ သုင်ၼိုင်ႈယူဝ်ႇၸၼႃႇ ဢမ်ႇမီးၵူင် ဢမ်ႇမီးႁူး ဢမ်ႇမီးလွၵ်း ပဵၼ်လွႆႁိၼ်လူင်ဢၼ်တၼ်ဝႆႉ ၼိုင်ႈပၢၵ်ႇ ႑႐႐ ပီႊ မီးၵူၼ်းဢဝ်ၽႃႈလုပ်ႈ ၼိုင်ႈၵမ်းသေပွၵ်ႈၵႂႃႇ
ၼိုင်ႈပၢၵ်ႇ ႑႐႐ ပီႊ ၼိုင်ႈပွၵ်ႈ မီးၵူၼ်းဢဝ်ၽႃႈလုပ်ႈၼိုင်ၵမ်းသေပွၵ်ႈၵႂႃႇ ႁဵတ်းၼၼ် တေႃႇလွႆႁိၼ်လူင်ၼၼ်ႉပေႃးမူတ်းႁၢႆၵႂႃႇၼႆႉယင်းဝႆးလိူဝ်သေ ၼိုင်ႈၵၢပ်ႈလူးၵွၼ်ႇ လွႆႁိၼ်လူင်ၼၼ်ႉမူတ်းႁၢႆၵႂႃႇယဝ်ႉ ယင်းပႆႇထိုင်ၼိုင်ႈၵၢပ်ႈ
ၶေႃႈၼႆႉၵွပ်ႈလွင်ႈတၢင်းၸိူင်ႉႁိုဝ်?
ၵွပ်ႈပိူဝ်ႈဝႃႈ သူင်သၢၼ်ၼႆႉ မၵ်းမၼ်ႈတီႈသုတ်းသဵင်ႈ ပိူင်ႈတူၼ်ႈပိူင်ႈပၢႆဢမ်ႇ လႆႈ မိူဝ်ႈၸိူဝ်းသတ်းတၢင်းလၢႆ မီးဢဝိၸႃႇ ပဵၼ်ၶိူင်ႈၶႅၼ်ႈ မီးတၼ်ႁႃပဵၼ်ၶိူင်ႈ ၽူၵ်ႇမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈၸိုင်ဢမ်ႇပေႃႇမႃးလႆႈ
သတ်းၸိူဝ်းၼၼ်ႉၸိုင်လႆႈၶၢမ်ႇတၢင်းတုၵ်ႉ တၢင်းလိူတ်ႇမႆႈ လွင်ႈၵူၼ်ႇပင်းၸိုင် ၽိုၼ်ႉၾုၼ်းပတပ်ၽီး ဢၼ်ပဵၼ်ပႃႇၸႃႉ (ပႃႇႁဵဝ်ႈ) ႁိုင်ၼၢၼ်းမႃးၸိူင်ႉၼႆ
ၽိၵ်ၶူ ! လူၺ်ႈလွင်ႈတၢင်းၵႃႈၼႆႉၵေႃႈပဵင်းပေႃးယဝ်ႉ ပိူဝ်ႈမိူဝ်ႇၸၢၼ်ႈၼႂ်း သင်ၶႃရတၢင်းလၢႆ ပေႃးယဝ်ႉ ပိူဝ်ႇတႃႇပူတ်းဝၢင်း ပေႃးယဝ်ႉ ပိူဝ်ႈ တႃႇလုတ်ႈ ဢွၵ်ႇပူၼ်ႉ ၼင်ႇၼႆ ။
0 comments:
แสดงความคิดเห็น