ၽေးဢၼ်မႄႈလုၵ်ႈၵေႃႈၸွႆႈၵၼ်ဢမ်ႇလႆႈ

 

ၽေးဢၼ်မႄႈလုၵ်ႈၵေႃႈၸွႆႈၵၼ်ဢမ်ႇလႆႈ

ၶေႃႈမုလ်းဢၢင်ႈဢိင်ပီတၵၢတ်ႈၽၢႆႇထႆး ၊ .ปาลิ. ติก.อํ  ๒๐/๒๒๘ - ๒๓๔๑ /๕๐๒ 

ၽိၵ်ၶူတၢင်းလၢႆ ! ပုထုၸိၼ်ႇ ၶဝ်ဢၼ်ဢမ်ႇလႆႈ သတပ်ႇထွမ်ႇယိၼ်း ၸိုင် ၵၢဝ်ႇဝႃႈ ၽေးဢၼ် မႃတႃႇ လႄႈ ပုတ်ႇ ၸွႆႈၵၼ်ဢမ်ႇလႆႈ ( ဢမႃတႃပုတ် တိၵ် ၵၽယ)  မီးယူႇသၢမ်ပိူင် ၊ သၢမ်ပိူင်ၼၼ်ႉပဵၼ်ၸိူင်ႉႁိုဝ်?

ပၢၼ်မိူဝ်ႈၾႆးမႆႈယႂ်ႇ မႆႈဝၢၼ်ႈ မႆႈဢိူင်ႇ မႆႈဝဵင်း  ၼႂ်းပၢၼ်ၼၼ်ႉ မႃႇတႃႇဢမ်ႇ လႆႈပုတ်ႇ (ပဵၼ်ၽူႈၸွႆႈ သင်လႆႈ) ပုတ်ႇၵေႃႈဢမ်ႇလႆႈမႃႇတႃႇ (ပဵၼ်ၽူႈၸွႆႈ သင်လႆႈ) ။

ၽိၵ်ၶူတၢင်းလၢႆ ! ပုထုၸိၼ်ႇ ၶဝ်ဢၼ်ဢမ်ႇလႆႈသတပ်ႇထွမ်ႇယိၼ်း ၸိုင်ႁွင်ႉၽေး ၼႆႉဝႃႈ ပဵၼ် ဢမႃႇတႃႇ ပုတ်တိၵ်ၵၽၺ်း ဢၼ်ထီႉၼိုင်ႈ ။

ၽိၵ်ၶူတၢင်းလၢႆ ! မီးထႅင်ႈၶေႃႈၼိုင်ႈ ပၢၼ်မိူဝ် မဵၶ်ႉ မွၵ်ႇၵုမ်ႈသုမ်ႇတင်ႈယူႇ ၵိူတ်ႇၼမ်ႉၼွင်း ထူမ်ႈယႂ်ႇ ၽတ်ႉဢဝ်မူႇဝၢၼ်ႈ တၢင်းဢိူင်ႇ တၢင်းဝဵင်း ၼႂ်း ပၢၼ်ၼၼ်ႉ မႃႇတႃႇ ဢမ်ႇလႆႈပုတ်ႇ(ပဵၼ်ၽူႈၸွႆႈသင်လႆႈ) ပုတ်ႇၵေႃႈ ဢမ်ႇလႆႈမႃတႃႇ (ပဵၼ်ၽူႈၸွႆႈသင်လႆႈ)

ၽိၵ်ၶူတၢင်းလၢႆ ! ၽူထုၸိၼ်ႇ ၶဝ်ဢၼ်ဢမ်ႇလႆႈသတပ်ႇ ထွမ်ႇယိၼ်း ၸိုင်ႁွင်ႉၽေးၼႆႉဝႃႈ ပဵၼ် ဢမႃႇတႃႇ ပုတ်တိၵ်ၵၽၺ်း ဢၼ်ထီႉသွင် ။

ၽိၵ်ၶူတၢင်းလၢႆ ! မီးထႅင်ႈၶေႃႈၼိုင်ႈ ပၢၼ်မိူဝ်ႈမီးၽေးယႂ်ႇလူင်ပၢၼ် ၵူၼ်းႁၢႆႉ မိူၵ်ႈလုၵ်ႉၽိုၼ်ႉ ဢွၵ်ႇမႃးၼႂ်းပႃႇထိူၼ်ႇ ၵူၼ်းမိူင်းဢွၼ်ၵၼ်ၶီႇႁိုဝ်းပၢႆႈၵႂႃႇ ၵူႈ ႁူးၵူႈတၢင်း မိူဝ်ႈၽေးၸိူဝ်းၼႆႉ ၵိူတ်ႇၶိုၼ်ႈ ၼႂ်းပၢၼ်ၼၼ်ႉ မႃႇတႃႇ ဢမ်ႇလႆႈ ပုတ်ႇ(ပဵၼ်ၽူႈၸွႆႈသင်လႆႈ) ပုတ်ႇၵေႃႈ ဢမ်ႇလႆႈမႃတႃႇ (ပဵၼ်ၽူႈၸွႆႈသင်လႆႈ)

ၽိၵ်ၶူတၢင်းလၢႆ ! ၽူထုၸိၼ်ႇ ၶဝ်ဢၼ်ဢမ်ႇလႆႈသတပ်ႇထွမ်ႇယိၼ်း ၸိုင်ႁွင်ႉၽေးၼႆႉဝႃႈ ပဵၼ် ဢမႃႇတႃႇ ပုတ်တိၵ်ၵၽၺ်း ဢၼ်ထီႉသၢမ် ။

ၽိၵ်ၶူတၢင်းလၢႆ ! ၽူထုၸိၼ်ႇ ၶဝ်ဢၼ်ဢမ်ႇလႆႈသတပ်ႇထွမ်ႇယိၼ်း ၸိုင်ၵၢဝ်ႇဝႃႈ ၽေးဢၼ် မႃတႃႇ လႄႈ ပုတ်ႇ ၸွႆႈၵၼ်ဢမ်ႇလႆႈ သၢမ်ပိူင် ၸိူဝ်းၼႆႉယဝ်ႉ

ၽိၵ်ၶူတၢင်းလၢႆ ! ၽူထုၸိၼ်ႇ ၶဝ်ဢၼ်ဢမ်ႇလႆႈသတပ်ႇထွမ်ႇယိၼ်း ၸိုင်ၵၢဝ်ႇဝႃႈ သမႃတႃ ပုတ်တိၵ်ၵၽၺ်း (ၽေးဢၼ် မႃတႃႇ လႄႈ ပုတ်ႇ ၸွႆႈၵၼ်လႆႈ ) တႄႉသၢမ်ပိူင်ၼႆႉဝႃႈပဵၼ် ဢမႃတႃပုတ်တိၵ်ၵၽၺ်း (ၽေးဢၼ်မႃႇတႃႇလႄႈပုတ်ႇၸွႆႈၵၼ်ဢမ်ႇလႆႈ)ၼႆႉၵႂႃႇသေ ။

ၽိၵ်ၶူတၢင်းလၢႆ ! ၽေးသၢမ်ပိူင်ဢၼ် မႃႇတႃႇလႄႈ ပုတ်ႇၸွႆႈၵၼ်လႆႈ ပဵၼ် ၸိူင်ႉႁိုဝ် ?

ပၢၼ်မိူဝ်ႈၾႆႈမႆႈႁႅင်းၼၼ်ႉထီႉၼိုင် ပၢၼ်မိူဝ်ႈၼမ်ႉထူမ်ႈ ၼၼ်ႉ ထီသွင် ပၢၼ်မိူဝ်ႈၵူၼ်းႁၢႆႉမိူၵ်ႈလိူင်းလုၵ်ႉၽိုၼ်ႉၼၼ်ႉထီသၢမ်

ၸိူဝ်းၼႆႉမၢင်ပွၵ်ႈမၢင်ၶၢဝ်း မႃႇတႃႇ လႄႈ ပုတ်ႇၸွႆႈၵၼ်လႆႈ  ပုထုၸိၼ်ႇ ၽူဢမ်ႇလႆႈယိၼ်းထွမ်ႇ ၸိုင်ၵၢဝ်ႇဝႃႈ ပဵၼ်ၽေးဢၼ် မႃႇတႃႇ လႄႈ ပုတ်ႇၸွႆႈၵၼ်ဢမ်ႇလႆႈသေမူတ်း ။

ၽိၵ်ၶူတၢင်းလၢႆ ! ၽေးဢၼ်မႃႇတႃႇ လႄႈ ပုတ်ႇၸွႆႈၵၼ်ဢမ်ႇလႆႈ (တေႉၼၼ်ႉ) မီးသၢမ်ပိူင် မီးယူႇသၢမ်ပိူင် ၼၼ်ႉပဵၼ်ၽေးဢၼ်ပဵၼ် လွင်ႈၵႄႇထဝ်ႈ (ၸႃရႃၽယံ) ၽေးဢၼ်ပဵၼ်မႃးလွင်ႈၸဵပ်းၼၢဝ် (ၽယႃထိၽယံ) ၽေးဢၼ် ပဵၼ်မႃးလွင်ႈတၢႆ(မႃရႃၼၽယံ)

ၽိၵ်ၶူတၢင်းလၢႆ ! မႃႇတႃႇ ဢမ်ႇလႆႈပႃထၼႃၸွမ်းၽူႈၵႄႈထဝ်ႈယူႇၼင်ၼႆဝႃႈ တူဝ်ၶႃႈၵႄႈထဝ်ႈ ၵူၺ်းၵေႃႈလႆႈ ပုတ်ႇ(လုၵ်ႈ)ၶႃႈယႃႇၵႄႇထဝ်ႈလႄႈ ၊ ဢမ်ၼၼ် ပုတ်ႇ(လုၵ်ႈ)ၵေႃႈဢမ်ႇ ပႃထၼႃၸွမ်းဝႃႈ တူဝ်ၶႃႈႁဝ်းၵႄႇထဝ်ႈၵူၺ်းၵေႃႈလႆႈ၊  မႃႇတႃႇ(မႄႈ)  ၶႃႈ ယႃႇႁႂ်ႈၵႄႇထဝ်ႈလႄႈ ၼင်ႇၼႆ ။

မႃတႃ (မႄႈ)ဢမ်ႇလႆႈပႃထၼႃၸွမ်းဝႃႈ တူဝ်ၶႃႈၸဵပ်းၵူၺ်းၵေႃႈလႆႈ ပုတ်ႇ (လုၵ်ႈ)ၶႃႈယႃႇၸဵပ်းၼင်ႇၼႆ ၊  ပုတ်ႇ(လုၵ်ႈ)ၵေႃႈဢမ်ႇလႆႈပႃထၼႃ ၸွမ်းဝႃႈ တူဝ်ၶႃၸဵပ်းၵူၺ်းၵေႃႈလႆႈ ၊ မႃႇတႃႇ(မႄႈ)ၶႃႈ ယႃႇႁႂ်ႈၸဵပ်းလႄႈ ၼင်ႇၼႆ ။

မႃႇတႃႇ ဢမ်ႇလႆႈပႃထၼႃၸွမ်းဝႃႈ တူဝ်ၶႃႈတၢႆၵူၺ်း ၵေႃႈလႆႈ ပုတ်ႇ (လုၵ်ႈ)ၶႃႈယႃႇတၢႆၼင်ႇၼႆ ၊ ပုတ်ႇ(လုၵ်ႈ)ၵေႃႈဢမ်ႇလႆႈပႃထၼႃၸွမ်းဝႃႈ တူဝ်ၶႃႈတၢႆၵေႃႈလႆႈ မႃႇတႃႇ(မႄႈ)ၶႃႈယႃႇႁႂ်ႈတၢႆၼင်ႇၼႆယူႇ ။ 

ၽိၵ်ၶူတၢင်းလၢႆ ! ၸိူဝ်းၼႆႉယဝ်ႉ ပဵၼ်ၽေးဢၼ် မႃႇတႃႇ(မႄႈ) လႄႈ ပုတ်ႇ (လုၵ်ႈ) ၸွႆႈၵၼ်ဢမ်ႇလႆႈ သၢမ်ပိူင် ။

ၽိၵ်ၶူတၢင်းလၢႆ ! သၢႆတၢင်းမီးယူႇ ပတိပထႃမီးယူႇ ၸိုင်ပဵၼ်ၵႂႃႇပိူဝ်ႈတမ်းဝၢင်း ၶၢမ်ႈ ပူၼ်ႉၵႂႃႇသေ ၽေးဢၼ်ပဵၼ် သမႃတႃ ပုတ်တိၵ်ၵၽၺ်း လႄႈ ဢမႃတႃ ပုတ်တိၵ်ၵၽၺ်း ၼိုင်ႈမဵဝ်းသၢမ်ပိူင်ၸိူဝ်းၼၼ်ႉ ။

ၽိၵ်ၶူတၢင်းလၢႆ ! ႁူၼ်တၢင်းပတိပထႃ ၼၼ်ႉမီးၸိူင်ႉႁိုဝ် ၼၼ်ႉပဵၼ် ဢရိယသႅတ်ႉၸႃႇ ပဵၼ်မၢၵ်ႈၵၢင်ႇပႅတ်ႇပႃး ၼၼ်ႉယဝ်ႉ ၼႆႉပဵၼ် သံမႃတိၵ်ႉထိ လွင်ႈႁၼ်ထုၵ်ႇမႅၼ်ႈ ၊ သံမႃသင်ၵပ လွင်ႈဝူၼ်ႉထုၵ်ႇမႅၼ်ႈ ၊ သံမႃဝႃၸႃ လွင်ႈလၢတ်ႈၸႃထုၵ်ႇမႅၼ်ႈ ၊ သံမႃၵမၼ်တႃ လွင်ႈၼႃႈၵၢၼ်ထုၵ်ႇမႅၼ်ႈ ၊ သံမႃဢႃၸီဝ လွင်ႈႁႃလဵင်ႉတွင်ႉထုၵ်ႇမႅၼ်ႈ ၊ သံမႃဝႃယႃမ လွင်ႈၵျၢင်ႉၵမ်ထုၵ်ႇမႅၼ်ႈ ၊ သံမႃသတိလွင်ႈမီးသတိထုၵ်ႇမႅၼ်ႈ ၊ သံမႃသံမႃထိ လွင်ႈတင်ႈမၼ်ႈ ထုၵ်ႇမႅၼ်ႈ

ၽိၵ်ၶူတၢင်းလၢႆ ! ၼႆႉယဝ်ႉ ႁူၼ်တၢင်း ၼႆႉယဝ်ႉ ပဵၼ်ပတိပထႃ ပဵၼ်ၵႂႃႇပိူဝ်ႈ တမ်းဝၢင်း ပိူဝ်ႈယၢင်ႈၶၢမ်ႈပူၼ်ႉၽေးဢၼ်ပဵၼ် သမႃတႃပုတ်တိၵ်ၵၽၺ်း လႄႈ ဢမႃတႃပုတ်တိၵၽၺ်း ၼိုင်ႈမဵဝ်းသၢမ်ပိူင်ၸိူဝ်းၼၼ်ႉ ။

---------------------------------------------

ၵႂၢမ်ႈမၢႆသင်ၽူႈလူဢမ်ႇပွင်ႇၸႂ်

ပုထုၸိၼ်ႇ = ၵူၼ်းဝၢၼ်း၊ ၵူၼ်းႁိူၼ်း

မႃႇတႃႇ = မႄႈ

ပီႇတႃႇ = ဢူႈ ၊ ပေႃႈ

ပုတ်ႇ   = လုၵ်ႈ