လွင်ႈတွပ်ႇတႅၼ်းၵုင်ႇမုၼ်
မႄႈ
ပေႃႈ
(မႃႇတႃႇ
ပီႇတႃႇ)
ဢၼ်သုင်သုတ်း
ၶေႃႈမုလ်းဢၢင်ႈဢိင်ပီတၵၢတ်ႈၽၢႆႇထႆး ၊ .ปาลิ. ทุก.อํ ๒๐/๗๘/๒๗๘
ၽိၵ်ၶူတၢင်လၢႆ ! ႁဝ်းၵၢဝ်ႇဝႃႈ လွင်ႈတွပ်ႇတႅၼ်းၵုင်ႇမုၼ်မႄႈပေႃႈၸဝ်ႈတၢင်းသွင်ၼၼ်ႉဢမ်ႇငၢႆႈ
ၸဝ်ႈတၢင်းသွင်ၼၼ်ႉပဵၼ်ၽႂ် (႑) မႃႇတႃႇ မႄႈ (႒) ပီႇတႃႇ ပေႃႈ ဢူႈ
ၽိၵ်ၶူတၢင်းလၢႆ ! လုၵ်ႈၼၼ်ႉ ယုၵ်ႉဢဝ် မႃႇတႃႇ လႄႈ ပီႇတႃႇ တၢင်ႇဝႆႉၼိူဝ်မႃႇတၢင်းသွင်ၶၢင်ႈ ၶဝ်မီးဢႃႇယုထိုင် ပၢၵ်ႇပီႊ လုၵ်ႈၼၼ်ႉပတိပတ်ႈတေႃႇ မႃႇတႃႇ လႄႈ ပီႇတႃႇ လူၺ်ႈၵၢၼ်မိပ်ႇ ၼူတ်ႈ လဵင်ႉလူ ဢၢပ်ႇၼမ်ႉပၼ် မႃႇတႃႇ ပီႇတႃႇ ၼၼ်ႉ ဢုတ်ၸရ(ၽၢႆႈလူင်) ပတ်သဝ (ၽၢႆႈဢွၼ်ႇ)သႂ်ႇၼိူဝ်ႁူဝ်မႃႇ တၢင်းသွင်ၶၢင်ႈ ၽိၵ်ၶူတၢင်းလၢႆ ! ၼႆႉဢမ်ႇပႆႇၸႂ်ႈ ၵၢၼ်တွပ်ႇတႅၼ်းၵုင်ႇမုၼ် ၵေးၸူး ၸဝ်ႈတၢင်းသွင် ။
ၽိၵ်ၶူတၢင်းလၢႆ ! လုၵ်ႈလၢင်းၼၼ်ႉ သထႃပၼႃ မႃႇတႃႇ ပီႇတႃ ၼႂ်းရၢသ်သူမ်ပတ်(ၶူဝ်းၶွင်) ဢၼ်ပဵၼ်ဢီသရႃထိပတ် ၼႂ်းၽႅၼ်ႇလိၼ် ဢၼ်မီးရတၼ ၸဵတ်းပိူင်ၼမ်လၢႆၸိူဝ်းၼႆႉ ၵေႃႈဢမ်ႇပႆႇၸႂ်ႈဝႃႈလုၵ်ႈလၢင်း ၼၼ်ႉလႆႈတွပ်ႇတႅၼ်းၵုင်ႇမုၼ်းၵေးၸူးၸဝ်ႈတၢင်းသွင် ၵွပ်ႈၸိူင်ႉႁိုဝ်?
ၵွပ်ႈ မႃႇတႃႇ ပီႇတႃႇ ၼၼ်ႉ မီးဢုပႃၵႃရ တေႃႇလုၵ်ႈတၢင်းၼမ် လုမ်းလႃး လဵင်ႉလူ သင်ႇသွၼ် ဢွၼ်လီတေႃႇလုၵ်ႈလၢင်းတၢင်းလၢႆ
လုၵ်ႈလၢင်းတၢင်းလၢႆ ၼင်ႇဢၼ် မႃႇတႃႇ ပီႇတႃႇ ဢမ်ႇမီးသတ်ထႃႇ ၵေႃႈႁႂ်ႈတင်ႈမၼ်ႈ ယူႇၼႂ်းသတ်ထႃႇသမ်ပထႃ
(ပဵၼ်ၽူႈထိုင်ၽွမ်ႉ လူၺ်ႈ ၸႂ်သတ်ထႃႇ)
လုၵ်ႈလၢင်းတၢင်းလၢႆ ၼင်ႇဢၼ် မႃႇတႃႇ ပီႇတႃႇ ဢမ်ႇမီးသီလသမ်ပထႃ ၵေႃႈႁႂ်ႈတင်ႈမၼ်ႈ ယူႇၼႂ်းသီလသမ်ပထႃ (ပဵၼ်ၽူႈထိုင်ၽွမ်ႉလူၺ်ႈသိလ်သီလ )
လုၵ်ႈလၢင်းတၢင်းလၢႆ ၼင်ႇဢၼ် မႃႇတႃႇ ပီႇတႃႇ ဢၼ်မီးၸႂ်ထီႇၼဵဝ်ၵေႃႈ ႁႂ်ႈတင်ႈမၼ်ႈယူႇ ၼႂ်းၸႃၵ သမ်ပထႃ ( ပဵၼ်ၽူႈထိုင်ၽွမ်ႉၼႂ်းလွင်ႈၸႃႇၵ မႅင်ႇပၼ်)
လုၵ်ႈလၢင်းတၢင်းလၢႆ ၼင်ႇဢၼ် မႃႇတႃႇ ပီႇတႃႇ ဢမ်ႇမီးပၺ်ႇၺႃႇၵေႃႈ ႁႂ်ႈတင်ႈမၼ်ႈယူႇၼႂ်းပၺ်ၺႃႇသမ်ပထႃႇ ( ပဵၼ်ၽူႈထိုင်ၽွမ်ႉလူၺ်ႈပၺ်ႇၺႃႇ)
ၽိၵ်ၶူတၢင်းလၢႆ ! လူၺ်ႈလွင်ႈတၢင်းၸိူဝ်းၼႆႉယဝ်ႉ ၸင်ႇၸိုဝ်ႈဝႃႈ လႆႈတွပ်,တႅၼ်းၵုင်ႇမုၼ် ၵေးၸူး မႃႇတႃႇ ပီႇတႃႇ ၸဝ်ႈတၢင်းသွင် ။
0 comments:
แสดงความคิดเห็น