ၶေႃႈပတိပတ်ႈႁႂ်ႈထိုင်လွင်ႈမူတ်းသဵင်ႈၶွင်ၵၢမ်ႇ
၊
ၵၢမ်ႇဢမ်ႇလီ
ၽိၵ်ၶူတၢင်းလၢႆ ! ႁဝ်းတေႁေႃးၼေလွင်ႈ ဢရိယၶိၵမၢၵ်ႉ (ဢရိယမၢၵ်ႈၵၢင်ႇပႅတ်ႇပႃး) တေႃႇၸိူဝ်းသူတၢင်းလၢႆ သူတၢင်းလၢႆၸိုင် ထွမ်ႇႁႂ်ႈလီ တင်ႈၸႂ်ႁႂ်ႈႁပ်ႉႁူႉတူဝ်ႈထိုင် ႁဝ်းတေၵၢဝ်ႇႁေႃးၼေ
ၽိၵ်ႉၶူတၢင်းလၢႆး ! ဢရိယၶိၵမၢၵ်ႉ (ဢရိယမၢၵ်ႈၵၢင်ႇပႅတ်ႇပႃး)ပဵၼ်ၸိူင်ႉႁိုဝ်?
မိူၼ်ၼင်ႇၸိူဝ်းၼႆႉ ၼၼ်ႉ သမ်မႃတိၵ်ႉထိ သမ်မႃသင်ၵပ သမ်မႃဝႃၸႃ သမ်မႃၵမၼ်တ သမ်မႃဢႃၸီဝ သမ်မႃဝႃယႃမ သမ်မႃသတိ သမ်မႃသမ်မႃထိ
ၽိၵ်ၶူတၢင်းလၢႆ ! သမ်မႃတိၵ်ႉထိ ( လွင်ႈႁၼ်ထုၵ်ႇမႅၼ်ႈ) ပဵၼ်ၸိူင်ႉႁိုဝ်?
ၽိၵ်ႉၶူတၢင်းလၢႆ ! လွင်ႈႁူႉဢၼ်ပဵၼ် လွင်ႈႁူႉၼႂ်းတုၵ်ႉ ပဵၼ်လွင်ႈႁူႉၼႂ်းတၢင်းဢၼ်ပဵၼ်တုၵ်ႉ ပဵၼ်လွင်ႈႁူႉၼႂ်းတၢင်းဢၼ်မွတ်ႇႁၢႆတၢင်းတုၵ်ႉ
ၽိၵ်ၶူတၢင်းလၢႆ ! ဢၼ်ၼႆႉႁဝ်းၵၢဝ်ႇဝႃႈ သမ်မႃတိၵ်ႉထိ
ၽိၵ်ၶူတၢင်းလၢႆ ! သမ်မႃသင်ၵပ (လွင်ႈဝူၼ်ႉထုၵ်ႇမႅၼ်ႈ) ပဵၼ်ၸိူင်ႉႁိုဝ်?
လွင်ႈဝူၼ်ႉႁႃတၢင်းဢွၵ်ႇပူၼ်ႉဝူတ်ႈၵၢမ်ႇ လွင်ႈဝူၼ်ႉဢမ်ႇမုင်ႇႁၢႆႉ လွင်ႈဝူၼ်ႉ ဢမ်ႇပူၼ်ႉပႅၼ်
ၽိၵ်ၶူတၢင်းလၢႆ ! ၼႆႉႁဝ်းၵၢဝ်ႇဝႃႈ သမ်မႃသင်ၵပ
ၽိၵ်ၶႃတၢင်းလၢႆ ! သမ်မႃဝႃၸႃ (လွင်ႈလၢတ်ႈၸႃထုၵ်ႇမႅၼ်ႈ) ပဵၼ်ၸိူင်ႉႁိုဝ်?
ဢမ်ႇလၢတ်ႈလွင်ႈဢၼ်ပႅတ်ႉယွၵ်ႇလႅၼ် ဢမ်ႇလၢတ်ႈလွင်ႈဢၼ်ပဵၼ်ၶေႃႈၵႂၢမ်း သေႃႇသေႇႁဵတ်းႁႂ်ႈတႅၵ်ႇၵၼ် ဢမ်ႇလၢတ်ႈၶေႃႈၵႂၢမ်းလိူင်း ဢမ်ႇလၢတ်ႈ ၶေႃႈ ၵႂၢမ်းဢၼ် ဢမ်ႇၸိုဝ်ႈဢမ်ႇၸႂ်ႈ ဢမ်ႇမီႈသၢၵ်ႈသေႇ ဢမ်ႇမီးၶေႃႈဢၢင်ႈဢိင်
ၽိၵ်ၶႃတၢင်းလၢႆ ၼႆႉႁဝ်းၵၢဝ်ႇဝႃႈ သမ်မႃဝႃၸႃ
ၽိၵ်ၶူတၢင်းလၢႆ ! သမ်မႃၵမၼ်တ (လွင်ႈၼႃႈၵၢၼ်ထုၵ်ႇမႅၼ်ႈ) ပဵၼ်ၸိူင်ႉႁိုဝ်?
တမ်းဝၢင်း ပႃၼႃတိပႃတႃ လွင်ႈၶႃႈႁႅမ် ၽႃႈဝၢင်းၶွၼ်ႉမႆႉ ဝၢင်းသသ်တရႃ ၶိူင်ႈယိပ်းသေယဝ်ႉ မီးလွင်ႈဢၢပ်ႇဢၢႆလွင်ႈႁဵတ်းဢမ်ႇလီ မီးၸႂ်ဢီးလူ ၵရုၼႃႇတေႃႇမူႇသတ်းတၢင်းလၢႆ
တမ်းဝၢင်း ဢတိင်ၼႃတႃၼႃ လွင်ႈလၵ်ႉၶူဝ်းၶွင် ၽႃႈဝၢင်းလွင်ႈလၵ်ႉဢဝ် ၶူဝ်း ၶွင်ဢၼ်ၸဝ်ႈ ၶွင်ဢမ်ႇပၼ် ဢမ်ႇပဵၼ်ၽူႈလၵ်ႉ ပဵၼ်ၽူႈၸိုၼ်ႈၸၢင်ႇမူတ်းသႂ်
တမ်းဝၢင်းလွင်ႈၵႃႇမေႇသု ၽႃႈဝၢင်းလွင်ႈၵၢမ်ႇမေႇ ၼၢင်းယိင်း ဢၼ်မီး မႃႇတႃႇ ပီႇတႃ တူၺ်းထိုင်လုမ်းလႃး ယိင်းဢၼ်မီးပီႈဢၢႆႈ ၼွင်ႉၸၢႆး လုမ်းလႃး ယိင်း ဢၼ်မီးပီႈၼၢင်း ၼွင်ႉယိင်းလုမ်းလႃး ယိင်းဢၼ် မီး ပီႈၼွင်ႉၺႃႇတိၵႃႇ လုမ်း လႃး ယိင်းဢၼ်မီးၵူႈမၼ်ႈမၢႆ လုမ်းလႃး ယိင်း ဢၼ်မီးၸဝ်ႈၽူဝ် လုမ်းလႃး ၼၢင်းယိင်းဢၼ်မီးထမ်းမလုမ်းလႃး ဢမ်ႇပဵၼ်ၽူႈၽိတ်း ပူၼ်ႉပႅၼ်မိူၼ် ၼင်ႇၸိူဝ်းၼႆႉ ၽိၵ်ၶူတၢင်းလၢႆ ! ၼႆႉႁဝ်းၵၢဝ်ႇဝႃႈ သမ်မႃၵမၼ်တ
ၽိၵ်ၶူတၢင်းလၢႆ ! သမ်မႃဢႃၸီဝ (လွင်ႈလဵင်ႉသၢႆၸႂ်ထုၵ်ႇမႅၼ်ႈ) ပဵၼ်ၸိူင်ႉ ႁိုဝ်? သႃဝၵၶွင်ၽြႃးဢရိယၸဝ်ႈၸိူဝ်းၼႆႉ တမ်းဝၢင်း ပႅတ်ႈၵၢၼ်ႁႃ လဵင်ႉ တွင်ႉၽိတ်း ယူႇၸွမ်းလွင်ႈၵၢၼ်ႁႃလဵင်ႉတွင်ႉထုၵ်ႇမႅၼ်ႈ ၽိၵ်ၶူတၢင်းလၢႆ ! ၼႆႉႁဝ်းၵၢဝ်ႇဝႃႈ သမ်မႃဢႃၸီဝ
ၽိၵ်ၶူတၢင်းလၢႆ ! သမ်မႃဝႃယႃမ (လွင်ႈၵျၢင်ႉၵမ်ထုၵ်ႇမႅၼ်ႈ) ပဵၼ်ၸိူင်ႉႁိုဝ်?
ၽိၵ်ၶူတၢင်းလၢႆ ! ၽိၵ်ၶူၼႂ်းထမ်းဝိၼၺ်းၼႆႉ မီးလွင်ႈပေႃးၸႂ် မီးလွင်ႈၶတ်းၸႂ် မီးလွင်ႈၵျၢင်ႉၵမ် မီးလွင်ႈပႂ်ႉပႃးၸိတ်ႇၸႂ် မီးလွင်ႈတင်ႈၸိတ်ႇဝႆႉ ပိူဝ်ႈဢမ်ႇႁႂ်ႈ လွင်ႈဢၵုသူလ်ႇ ၼၼ်ႉပေႃႇမႃးလႆႈ ။
မီးလွင်ႈပေႃးၸႂ် မီးလွင်ႈၶတ်းၸႂ် မီးလွင်ႈၵျၢင်ႉၵမ် မီးလွင်ႈပႂ်ႉပႃးၸိတ်ႇၸႂ် မီးလွင်ႈတင်ႈ ၸိတ်ႇဝႆႉ ပိူဝ်ႈတမ်းဝၢင်းပႅတ်ႈၵၢၼ်ဢၵုသူလ်ႇ ဢၼ်ပဵၼ် ဝူတ်ႈၵၢမ်ႇတၢင်းလၢႆ ဢၼ်ပဵၼ် မႃးယဝ်ႉ။
မီးလွင်ႈပေႃးၸႂ် မီးလွင်ႈၶတ်းၸႂ် မီးလွင်ႈၵျၢင်ႉၵမ် မီးလွင်ႈပႂ်ႉပႃးၸိတ်ႇၸႂ် မီးလွင်ႈတင်ႈ ၸိတ်ႇဝႆႉႁႂ်ႈယိုၼ်းယၢဝ်း ပိူဝ်ႈႁႂ်ႈၵၢၼ်လီၵုသူလ်ႇ ဢၼ်ဢမ်ႇ ပႆႇပေႃႇမီးမႃးၼၼ်ႉႁႂ်ႈပေႃႇ ပဵၼ်မႃး ။
မီးလွင်ႈပေႃးၸႂ် မီးလွင်ႈၶတ်းၸႂ် မီးလွင်ႈၵျၢင်ႉၵမ် မီးလွင်ႈပႂ်ႉပႃးၸိတ်ႇၸႂ် မီးလွင်ႈတင်ႈ ၸိတ်ႇဝႆႉ ပိူဝ်ႈႁႂ်ႈယိုၼ်းယၢဝ်း ပိူဝ်ႈဢမ်ႇလိူဝ်ႉလိုၼ်ႈ ပိူဝ်ႈႁႂ်ႈ ငွၵ်ႈငၢမ်းၶိုၼ်ႈ ပိူဝ်ႈႁႂ်ႈတဵမ်ထူၼ်ႈ ပိူဝ်ႈႁႂ်ႈႁိူဝ်ႈႁိူင်း ၼႂ်းၵၢၼ်လီၵုသူလ်ႇ ဢၼ်ပဵၼ်မႃးယဝ်ႉၼၼ်ႉ ၽိၵ်ၶူတၢင်းလၢႆ ! ၼႆႉႁဝ်းၵၢဝ်ႇဝႃႈ သမ်မႃဝႃယႃမ
ၽိၵ်ၶူတၢင်းလၢႆ ! သမ်မႃသတိ (လွင်ႈမီးသတိထုၵ်ႇမႅၼ်ႈ) ပဵၼ်ၸိူင်ႉႁိုဝ်?
ၽိၵ်ၶူတၢင်းလၢႆ ! ၽိၵ်ၶူၼႂ်းဝိၼၺ်းၼႆႉ ပဵၼ်ၽူႈမီးလွင်ႈၶူၼ်ႉၶႆႈ ႁၼ်ၵႃႇယ ၼႂ်း ၵႃႇယယူႇ မီးလွင်ႈၵျၢင်ႉၵမ်ပိူဝ်ႈၽဝ်ပႅတ်ႈၵိလေႇသႃႇ မီးလွင်ႈတိုၼ်ႇ တူဝ် တူဝ်ႈၽွမ်ႉ မီးသတိ ဢဝ်လွင်ႈ ပဵင်းပေႃးၸႂ်လႄႈလွင်ႈ ဢမ်ႇပဵင်းပေႃးၸႂ်ၼႂ်း လေႃးၵၼႆႉဢွၵ်ႇသေလႆႈ
ပဵၼ်ၽူႈၶူၼ်ႉၶႆႈ ႁၼ်ဝေႇတၼႃႇ ၼႂ်းဝေႇတၼႃႇ တၢင်းလၢႆယူႇ မီးလွင်ႈ ၵျၢင်ႉၵမ်ပိူဝ်ႈ ၽဝ်ပႅတ်ႈၵိလေႇသႃႇ မီးလွင်ႈတိုၼ်ႇတူဝ်တူဝ်ႈၽွမ်ႉ မီးသတိ ဢဝ်လွင်ႈ ပဵင်းပေႃးၸႂ်လႄႈ လွင်ႈဢမ်ႇပဵင်းပေႃးၸႂ်ၼႂ်း လေႃးၵၼႆႉ ဢွၵ်ႇသေလႆႈ
ပဵၼ်ၽူႈမီးလွင်ႈၶူၼ်ႉၶႆႈ ႁၼ်ၸိတ်ႇၼႂ်းၸိတ်ႇယူႇ မီးလွင်ႈၵျၢင်ႉၵမ်ပိူဝ်ႈ ၽဝ်ပႅတ်ႈၵိလေႇသႃႇ မီးလွင်ႈတိုၼ်ႇတူဝ်တူဝ်ႈၽွမ်ႉ မီးသတိ ဢဝ်လွင်ႈ ပဵင်းပေႃးၸႂ်လႄႈလွင်ႈဢမ်ႇပဵင်း ပေႃးၸႂ် ၼႂ်းလေႃးၵၼႆႉဢွၵ်ႇသေလႆႈ
ပဵၼ်ၽူႈမီးလွင်ႈၶူၼ်ႉၶႆႈ ႁၼ်ထမ်းၼႂ်းထမ်းယူႇ မီးလွင်ႈၵျၢင်ႉၵမ်ပိူဝ်ႈၽဝ် ပႅတ်ႈၵိလေႇသႃႇ မီးလွင်ႈတိုၼ်ႇတူဝ်တူဝ်ႈၽွမ်ႉ မီးသတိ ဢဝ်လွင်ႈ ပဵင်းပေႃးၸႂ်လႄႈလွင်ႈဢမ်ႇပဵင်းပေႃး ၸႂ်ၼႂ်းလေႃးၵၼႆႉဢွၵ်ႇသေလႆႈ
ၽိၵ်ၶူတၢင်းလၢႆ ! ၼႆႉႁဝ်းၵၢဝ်ႇဝႃႈ သမ်မႃသတိ
ၽိၵ်ၶူတၢင်းလၢႆ ! သမ်မႃသမ်မႃထိ (လွင်ႈမၼ်ႈၼိမ်ထုၵ်ႇမႅၼ်ႈ) ပဵၼ်ၸိူင်ႉႁိုဝ်?
ၽိၵ်ၶူတၢင်းလၢႆ ! ၽိၵ်ၶူၼႂ်းထမ်းဝိၼၺ်းၼႆႉ သငတ်ႇဢွၵ်ႇပူၼ်ႉ ၼႂ်း ၵၢမ်ႇ တၢင်းလၢႆယဝ်ႉ သငတ်ႇဢွၵ်ႇပူၼ်ႉယဝ်ႉၼႂ်း ၵၢၼ်ဢၵုသူလ်ႇ တၢင်း လၢႆ ၶဝ်ႈထိုင် ပထမသၢၼ်ႇ ဢၼ်မီး ဝိတုၵ ဝိၸႃရ မီးပီတိလႄႈ သုၶ ဢၼ်ပေႃႇမႃး သေ ဝိဝဵၵ်ႉယူႇ
ၵွပ်ႈဝိတုၵ ဝိၸႃရ တၢင်းသွင်ၸၢင်ႁၢႆၵႂႃႇ ၸင်ႇၶဝ်ႈထိုင်တုတိယသၢၼ်ႇ ဢၼ်မီးလွင်ႈၽွင်ႇ သႂ်ၼႂ်းၸိတ်ႇၸႂ်ၼႂ်းၽၢႆႇၼႂ်း ႁႂ်ႈသမ်မႃထိဢၼ် တွၼ်း ၽုတ်းၶိုၼ်ႈ ဢမ်ႇမီးဝိတုၵ ဝိၸႃရ မီးပီတိ လႄႈ သုၶ ဢၼ်ပဵၼ် သမ်မႃထိ ယူႇ ၵွပ်ႈပီတိၸၢင်ႁၢႆၵႂႃႇယဝ်ႉ ၸင်ႇပဵၼ်ၽူႈယူႇ ဢုပိၵ်ႉၶႃႇ မီး သတိ မီးလွင်ႈ တိုၼ်ႇတူဝ်တူဝ်ႈၽွမ်ႉ လႄႈလူၺ်ႈၼံမၵႃယ ဢၼ်ဢရိယ ၸဝ်ႈ တၢင်းလၢႆၶဝ် ယွင်ႈယေႃးဝႃႈပဵၼ်ၽူႈယူႇဢုပိၵ်ၶႃႇ မီးသတိ မီးသုၶ ယူႇၼင်ႇၼၼ်
ၸင်ႇၶဝ်ႈထိုင်တတိယသၢၼ်ႇ ၵွပ်ႈတမ်းဝၢင်းလွင်ႈ သုၶ လႄႈ တုၵ်ႉၶ လႆႈသေ ၵွပ်ႈမွတ်ႇလႆႈ သေႃးမၼတ်ႉ လႄႈ ထေႃးမၼတ်ႉ တၢင်းသွင် ၼႂ်းပၢၼ်ၵွၼ်ႇ ၸင်ႇၶဝ်ႈထိုင် ၸတုထသၢၼ်ႇ ဢမ်ႇမီးတုၵ်ႉၶ ဢမ်ႇမီးသုၶ မီးသတိဢၼ်ပဵၼ်သၽႃႇဝပရိသုတ်ႇဢၼ်ၸိုၼ်ႈသႂ် ယွၼ်ႉ ဢုပိၵ်ၶႃႇယူႇ
ၽိၵ်ၶူတၢင်းလၢႆ ! ဢၼ်ၼႆႉႁဝ်းၵၢဝ်ႇဝႃႈ သမ်မႃသမ်မႃထိ
0 comments:
แสดงความคิดเห็น