လွင်ႈပႅၵ်ႇပိူင်ႈၵၼ် တင်းပုထုၸိၼ်ႇ လႄႈ ဢရိယသႃဝၵ ၽူႈလႆႈဢရုပသၺ်ၺႃ

 

လွင်ႈပႅၵ်ႇပိူင်ႈၵၼ် တင်းပုထုၸိၼ်ႇ လႄႈ ဢရိယသႃဝၵ ၽူႈလႆႈဢရုပသၺ်ၺႃ

 

ၽိၵ်ၶူတၢင်းလၢႆ ! ပူၵ်ၵူလ် 3 ပိူင်ၸိူဝ်းၼႆႉလႄႈ မီးယူႇၼႂ်းလေႃးၵ ႁႃလႆႈၼႂ်းလေႃးၵ ။

3 ပိူင်ၸိူဝ်းၼၼ်ႉပဵၼ်ၸိူင်ႉႁိုဝ် ?

 

႑ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ၵွပ်ႈၶၢမ်ႈပူၼ်ႉ ဢရုပသၺ်ၺႃ လႆႈသေၵူႈလွင်ႈ ၵွပ်ႈလွင်ႈမွတ်ႇၵႂႃႇၶွင် ပတိၶသၺ်ၺႃ ၵွပ်ႈလွင်ႈဢမ်ႇသႂ်ႇၸႂ်ဢၼ်ပဵၼ်ၼႃၼတ်တသၺ်ၺႃ ၸင်ႇၶဝ်ႈထိုင် ဢႃၵႃသႃၼၺ်ၸယတၼ ဢၼ်မီးလွင်ႈႁဵတ်းၼႂ်းၸႂ်ဝႃ ဢႃၵႃသ (လူမ်း) ဢမ်ႇမီးတီႈသဵင်ႈသုတ်း  ၼင်ႇၸိူင်ႉၼႆယဝ်ႉလႄယူႇ

 

 ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ႈယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ႁၢႆၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ဢၼ်ၶဝ်ႈထိုင်  ဢႃၵႃသႃၼၺ်ၸယတၼ

 

ၽိၵ်ၶူတၢင်းလၢႆ ! တေႇဝႃႇတီႈၶဝ်ႈထိုင်ၸၼ်ဢႃၵႃသႃၼၺ်ၸယတၼ မီးဢႃႇယု 200,00 ၵၢပ်ႈ

 

ပုထုၸိၼ်ႇယူႇၼႂ်းၸၼ်ႉဢႃၵႃသႃၼၺ်ၸယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ် ဢႃႇယုၶွင် တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉဢႃၵႃသႃၼၺ်ၸယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉ ပၢၼ် ၼႂ်းၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

 ႒ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ၵွပ်ႈၶၢမ်ႈပူၼ်ႉ ဢရုပသၺ်ၺႃ လႆႈသေၵူႈလွင်ႈ ၵွပ်ႈလွင်ႈမွတ်ႇၵႂႃႇၶွင် ပတိၶသၺ်ၺႃ ၵွပ်ႈလွင်ႈဢမ်ႇသႂ်ႇၸႂ်ဢၼ်ပဵၼ်ၼႃၼတ်တသၺ်ၺႃ ၸင်ႇၶဝ်ႈထိုင် ဝိၺ်ၺႃၼၺ် ၸယတၼ ဢၼ်မီးလွင်ႈႁဵတ်းၼႂ်းၸႂ်ဝႃ ဝိၺဵၼ်ႇ ဢမ်ႇမီးတီႈသဵင်ႈသုတ်း  ၼင်ႇၸိူင်ႉၼႆယဝ်ႉလႄယူႇ

 

 ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ႈယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈ  ႁၢႆၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ဢၼ်ၶဝ်ႈထိုင်  ဝိၺ်ၺႃၼၺ်ၸယတၼ

 

ၽိၵ်ၶူတၢင်းလၢႆ ! တေႇဝႃႇတီႈၶဝ်ႈထိုင်ၸၼ်ႉဝိၺ်ၺႃၼၺ်ၸယတၼ မီးဢႃႇယု 400,00 ၵၢပ်ႈ

 

ပုထုၸိၼ်ႇယူႇၼႂ်းၸၼ်ႉဝိၺ်ၺႃၼၺ်ၸယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ် ဢႃႇယုၶွင် တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉဝိၺ်ၺႃၼၺ်ၸယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉ ပၢၼ် ၼႂ်းၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

႓ ပူၵ်ၵူလ်မၢင်ၵေႃႉၼႂ်းလေႃးၵၼႆႉ ၵွပ်ႈၶၢမ်ႈပူၼ်ႉ ဝိၺ်ၺႃၼၺ်ၸယတၼလႆႈသေၵူႈလွင်ႈ ၵွပ်ႈလွင်ႈမွတ်ႇ ၸၢင်ႁၢႆ ၸင်ႇၶဝ်ႈထိုင် ဢႃၵိၺ်ၸၺ်ယႃယတၼ ဢၼ်မီးလွင်ႈႁဵတ်းၼႂ်းၸႂ်ဝႃႈ ဢီးသင် ဢီႈသင်ဢမ်ႇမီး

 

 ၶဝ်ၸင်ႇလႆႈၸႂ်ၼႂ်းထမ်းၼၼ်ႉ ပရႃထၼႃထမ်းၼၼ်ႉ လႄႈထိုင်လွင်ႈယိၼ်းလီလူၺ်ႈထမ်းၼၼ်ႉ  ၶဝ်သႂ်ႇၸႂ်ယူႇၼႂ်းထမ်းၼၼ်ႉ ၼွမ်ႉၸႂ်ၶဝ်ႈၵႂႃႇၼႂ်းထမ်းၼၼ်ႉ ယူႇၼမ်လူၺ်ႈထမ်းၼၼ်ႉ ဢမ်ႇၸိူမ်ႈႁၢႆ ၼႂ်းထမ်းၼၼ်ႉ မိူဝ်ႈႁႅၼ်းၵႃလတၢႆၵႂႃႇ ၸင်ႇၶဝ်ႈထိုင်ပဵၼ်သႁႃယၶွင်တေႇဝတႃႇ ဢၼ်ၶဝ်ႈထိုင်  ဢႃၵိၺ်ၸၺ်ယႃယတၼ

 

ၽိၵ်ၶူတၢင်းလၢႆ ! တေႇဝႃႇၽူႈၶဝ်ႈထိုင်ၸၼ်ႉဢႃၵႃသႃၼၺ်ၸယတၼ မီးဢႃႇယု 600,00 ၵၢပ်ႈ

 

ပုထုၸိၼ်ႇယူႇၼႂ်းၸၼ်ႉဢႃၵိၺ်ၸၺ်ယႃယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ် ဢႃႇယုၶွင် တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈထိုင် ငရၢႆးၽွင်ႈ သတ်ိတရိၵ်ႉသၢၼ်ႇၽွင်ႈ ပိၵ်ႉတႃႇၽွင်ႈ

 

ၸိူင်ႉၼင်ႇသႃဝၵၶွင်သမ်မႃသမ်ပုတ်ႉထၽြႃးပဵၼ်ၸဝ်ႈ ယူႇၼႂ်းၸၼ်ႉဢႃၵိၺ်ၸၺ်ယႃယတၼ ၼၼ်ႉ ၶၢဝ်းတၢင်းဢႃႇယု ဢၼ်ပဵၼ်ဢႃႇယုၶွင်တေႇဝတႃႇၸိူဝ်းၼၼ်ႉႁႂ်ႈသုတ်းသဵင်ႈၵႂႃႇယဝ်ႉ  ၸင်ႇၶဝ်ႈပရိၼိပ်ႉ ပၢၼ် ၼႂ်းၽဝၼၼ်ႉလႄႈ

 

ၽိၵ်ၶူတၢင်းလၢႆ ! ၼႆႉပဵၼ်လွင်ႈၽိတ်းပိူင်ႈ ပႅၵ်ႇပိူင်ႈၵၼ် ပဵၼ်တၢင်းမုင်ႈမၢႆဢၼ်ပႅၵ်ႇပိူင်ႈၵၼ် ပဵၼ်ၶိူင်ႈ  ဢၼ်ႁဵတ်းႁႂ်ႈပႅၵ်ႇပိူင်ႈၵၼ် ဢၼ်ပဵၼ်ဢရိယသႃဝၵၽူႇလႆႈထွမ်ႇယိၼ်းထမ်းတြႃး လႄႈ ပုထုၸိၼ်ႇ ၽူႈဢၼ်ဢမ်ႇလႆႈထွမ်ႇယိၼ်းထမ်းတြႃးၼႂ်းမိူဝ်ႈ ၶတိဢုပတိယင်းမီးယူႇ ။

 

---------------------------

ဢိင်ၶေႃႈမုလ်းပီတၵတ်ႈၽၢႆႇထႆး

ၸိုဝ်ႈ တိၵၼိပႃတ ဢင်ၶုတ်တရၼိၵႃယ 20/172-343/556