လၢတ်ႈလူၺ်ႈ
ႁၵ်ႉ
႔
ပိူင်
႑ တၢင်းႁၵ်ႉ ၵိူတ်ႇမႃးတီႈတၢင်းႁၵ်ႉ ၊ ၽိၵ်ၶူတၢင်းလၢႆ ! ၼႂ်းၸိူဝ်းၼႆႉၼႆႉ မီးပူၵ်ႉၵူလ် ၵူၼ်းဢၼ်မီးလွင်ႈ
ပရႃထၼႃႇလီ လီႁၵ်ႉ လႄႈ ပဵင်းပေႃးၸႂ်ၼႂ်းၵူၼ်းၵေႃႉၼိုင်ႈ ၊ မီးၵူၼ်းတၢင်ႇၵေႃႉမႃးႁဵတ်းလူၺ်ႈပဵၼ်ၵၢၼ်လီ ပဵၼ်တီႈပေႃးၸႂ် ပဵၼ်တီႈလီႁၵ်ႉ ၊ ၵူၼ်းၵေႃႉၼၼ်ႉၵေႃႈတေမီးလွင်ႈပဵင်းပေႃးၸႂ်ၶိုၼ်ႈမႃးဝႃႈ ၵူၼ်းၵေႃႉ ၼၼ်ႉႁဵတ်းသၢင်ႈလွင်ႈလီတေႃႇၵူၼ်းၵေႃႉဢၼ်ႁဝ်းႁၵ်ႉလႄႈပရႃထၼႃႇလီ
ပေႃးၸႂ် ၸိူင်ႉၼႆ
ၵူၼ်းၵေႃႉၼၼ်ႉၸိုဝ်ႈဝႃႈ ပဵၼ်ၽူႈဢၼ်ႁဵတ်းႁႂ်ႈလွင်ႈႁၵ်ႉၵိူတ်ႇၶိုၼ်ႈတီႈၵူၼ်းၵေႃႉၼၼ်ႉ
ၽိၵ်ၶူတၢင်းလၢႆ ! ၸိူင်ႉၼႆလႄႈ ႁွင်ႇဝႃႈ တၢင်းႁၵ်ႉၵိူတ်ႇမႃးတီႈတၢင်းႁၵ်ႉ
႒ တၢင်းၸင်း ၵိူတ်ႇမႃးတီ တၢင်းႁၵ်ႉ ၊ ၽိၵ်ၶူတၢင်းလၢႆ ! ၼႂ်းၸိူဝ်းၼႆႉၼႆႉ မီးပူၵ်ႉၵူလ် ၵူၼ်းဢၼ်ပဵၼ်တီႈ
ပရႃထၼႃႇ ႁၵ်ႉ လႄႈ ပေႃးၸႂ်ၼႂ်းၵူၼ်းၵေႃႉၼိုင်ႈ မီးၵူၼ်းတၢင်ႇၵေႃႉမႃးႁဵတ်းသၢင်ႈလွင်ႈဢၼ်
ဢမ်ႇပဵၼ် တီႈပရႃထၼႃႇ ဢမ်ႇလီႁၵ်ႉ ဢမ်ႇလီပေႃးၸႂ် ၵူၼ်းၵေႃႉၼၼ်ႉၵေႃႈတေဢမ်ႇမီးလွင်ႈပဵင်းပေႃးၸႂ်ၶိုၼ်ႈၸိူင်ႉ
ၼင်ႇၼႆဝႃႈ ၵူၼ်းၵေႃႉၼၼ်ႉႁဵတ်းသၢင်ႈလွင်ႈ ဢမ်ႇလီတေႃႇၵူၼ်းၵေႃႉဢၼ်ႁဝ်းႁၵ်ႉလႄႈပရႃထၼႃႇပေႃးၸႂ်
လူၺ်ႈၵၢၼ်ဢမ်ႇပရႃထၼႃႇလီ ဢမ်ႇလီႁၵ်ႉ ဢမ်ႇပဵင်းပေႃးၸႂ် ၸိူင်ႉၼႆ
ၵူၼ်းၵေႃႉၼၼ်ႉၸိုဝ်ႈဝႃႈ ပဵၼ်ၽူႈဢၼ်ႁဵတ်းႁႂ်ႈတၢင်းၸင်းၵိူတ်ႇၶိုၼ်ႈတီႈၵူၼ်းၸိူဝ်းၼၼ်ႉ
ၽိၵ်ၶူတၢင်းလၢႆ ! ၸိူင်ႉၼႆလႄႈ ႁွင်ႇဝႃႈ တၢင်းၸင်းၵိူတ်ႇမႃးတီႈတၢင်းႁၵ်ႉ
႓ တၢင်းႁၵ်ႉ ၵိူတ်ႇမႃးတီ တၢင်းၸင်း ၊ ၽိၵ်ၶူတၢင်းလၢႆ ! ၼႂ်းၸိူဝ်းၼႆႉၼႆႉ မီးပူၵ်ႉၵူလ် ၵူၼ်းဢၼ်ပဵၼ်တီႈ
ဢမ်ႇလႆႈပရႃထၼႃႇ ဢမ်ႇႁၵ်ႉ လႄႈ ဢမ်ႇပဵင်းပေႃးၸႂ်ၼႂ်းၵူၼ်းၵေႃႉၼိုင်ႈ ၊ မီးၵူၼ်းတၢင်ႇၵေႃႉမႃးႁဵတ်းသၢင်ႈလွင်ႈ ဢၼ်ဢမ်ႇပဵၼ်တီႈပရႃထၼႃႇ ဢမ်ႇပဵၼ်လီႁၵ်ႉ ဢမ်ႇလီပေႃးၸႂ် ၵူၼ်းၵေႃႉၼၼ်ႉၵေႃႈတေမီးလွင်ႈပဵင်းပေႃးၸႂ်ၵိူတ်ႇၶိုၼ်ႈၸိူင်ႉၼင်ႇၼႆဝႃႈ
ၵူၼ်းၵေႃႉၼၼ်ႉႁဵတ်းသၢင်ႈလွင်ႈ ဢမ်ႇလီတေႃႇၵူၼ်းၵေႃႉဢၼ်ႁဝ်းၸင်းလႄႈဢမ်ႇပရႃထၼႃႇ
ဢမ်ႇပဵင်းပေႃးၸႂ် လူၺ်ႈဢမ်ႇလႆႈပရႃထၼႃႇ ဢမ်ႇလီႁၵ်ႉ ဢမ်ႇပဵင်းပေႃးၸႂ် ၸိူင်ႉၼႆ
ၵူၼ်းၵေႃႉၼၼ်ႉၸိုဝ်ႈဝႃႈ ပဵၼ်ၽူႈဢၼ်ႁဵတ်းႁႂ်ႈတၢင်းႁၵ်ႉၵိူတ်ႇၶိုၼ်ႈတီႈၵူၼ်းၸိူဝ်းၼၼ်ႉ
ၽိၵ်ၶူတၢင်းလၢႆ ! ၸိူင်ႉၼႆလႄႈ ႁွင်ႇဝႃႈ တၢင်းႁၵ်ႉၵိူတ်ႇမႃးတီႈတၢင်းၸင်း
႔ တၢင်းၸင်း ၵိူတ်ႇမႃးတီ တၢင်းၸင်း ၊ ၽိၵ်ၶူတၢင်းလၢႆ ! ၼႂ်းၸိူဝ်းၼႆႉၼႆႉ မီးပူၵ်ႉၵူလ် ၵူၼ်း
ဢၼ်ပဵၼ်တီႈ ဢမ်ႇပရႃထၼႃႇ ဢမ်ႇႁၵ်ႉ လႄႈ ဢမ်ႇပဵင်းပေႃးၸႂ်ၼႂ်းၵူၼ်းၵေႃႉၼိုင်ႈ မီးၵူၼ်းတၢင်ႇၵေႃႉမႃးႁဵတ်းသၢင်ႈလွင်ႈပရႃထၼႃႇလီ
လီႁၵ်ႉ လီပေႃးၸႂ် ၵူၼ်းၵေႃႉၼၼ်ႉၵေႃႈတေဢမ်ႇမီးလွင်ႈပဵင်းပေႃးၸႂ်ၵိူတ်ႇၶိုၼ်ႈၸိူင်ႉၼင်ႇၼႆဝႃႈ
ၵူၼ်းၵေႃႉၼၼ်ႉႁဵတ်း သၢင်ႈလွင်ႈလီတေႃႇၵူၼ်းၵေႃႉၼၼ်ႉ လူၺ်ႈလွင်ႈပရႃထၼႃႇလီ
လီႁၵ်ႉ လီပေႃးၸႂ် ၸိူင်ႉၼႆ
ၵူၼ်းၵေႃႉၼၼ်ႉၸိုဝ်ႈဝႃႈ ပဵၼ်ၽူႈဢၼ်ႁဵတ်းႁႂ်ႈတၢင်းၸင်းၵိူတ်ႇၶိုၼ်ႈတီႈၵူၼ်းၸိူဝ်းၼၼ်ႉ
ၽိၵ်ၶူတၢင်းလၢႆ ! ၸိူင်ႉၼႆလႄႈ ႁွင်ႇဝႃႈ တၢင်းၸင်းၵိူတ်ႇမႃးတီႈတၢင်းၸင်း
သပ်းလႅင်း
႑ တၢင်းႁၵ်ႉၵိူတ်ႇမႃးတီႈတၢင်းႁၵ်ႉ ၊ မိူဝ်ႈမီးၵူၼ်းသေၵေႃႉမႃးႁဵတ်းလီတေႃႇၵူၼ်းၵေႃႉဢၼ်ႁဝ်းႁၵ်ႉၼၼ်ႉ
ႁဝ်းၵေႃႈတေႁၵ်ႉၵူၼ်းၵေႃႉဢၼ်ႁဵတ်းလီတေႃႇၵူၼ်းၵေႃႉဢၼ်ႁဝ်းႁၵ်ႉၼၼ်ႉၵမ်းလဵဝ်
။
႒ တၢင်းၸင်းၵိူတ်ႇမႃးတီႈတၢင်းႁၵ်ႉ ၊ မိူဝ်ႈမီးၵူၼ်းသေၵေႃႉမႃးႁဵတ်းဢမ်ႇလီတေႃႇၵူၼ်းၵေႃႉဢၼ်ႁဝ်းႁၵ်ႉ
ၼၼ်ႉ ႁဝ်းၵေႃႈတေၸင်းၵူၼ်းဢၼ်ႁဵတ်းဢမ်ႇလီတေႃႇၵူၼ်းၵေႃႉဢၼ်ႁဝ်းႁၵ်ႉၼၼ်ႉၵမ်းလဵဝ်
။
႓ တၢင်းႁၵ်ႉၵိူတ်ႇမႃးတီႈတၢင်းၸင်း
။ မိူဝ်ႈမီးၵူၼ်းသေၵေႃႉမႃးႁဵတ်းဢမ်ႇလီတေႃႇၵူၼ်းၵေႃႉဢၼ်ႁဝ်းၸင်း
ၼၼ်ႉ ႁဝ်းၵေႃႈတေႁၵ်ႉၵူၼ်းၵေႃႉဢၼ်မႃးႁဵတ်းဢမ်ႇလီတေႃႇၵူၼ်းၵူၼ်းၵေႃႉဢၼ်ႁဝ်းၸင်းၼၼ်ႉၵမ်းလဵဝ်
႔ တၢင်းၸင်းၵိူတ်ႇမႃးတီႈတၢင်းၸင်း
၊ မိူဝ်ႈမီးၵူၼ်းသေၵေႃႉမႃးႁဵတ်းလီတေႃႇၵူၼ်းၵေႃႉဢၼ်ႁဝ်းၸင်း ၼၼ်ႉ ႁဝ်းၵေႃႈတေၸင်းၵူၼ်းၵေႃႉဢၼ်မႃးႁဵတ်းလီတေႃႇၵူၼ်းၵေႃႉဢၼ်ႁဝ်းၸင်းၼၼ်ႉၵမ်းလဵဝ်
။
ဢိင်ၶေႃႈမုလ်းပီတၵတ်ႈၽၢႆႇထႆး
ၸတုၵ်ၵၼိပႃတ ဢင်ၶုတ်တရၼိၵႃယ
21/290-291/200
0 comments:
แสดงความคิดเห็น