လၵ်းၵၢၼ်ပိူဝ်ႈႁႂ်ႈၸၢတ်ႈပၢၼ် မီးၽွၼ်းလီ မီးတၢင်းသိူဝ်း

  ပုတ်ထဝၸၼပိုတ်ႇထမ်းဢၼ်ထုၵ်ႇပိၵ်ႉ

လၵ်းၵၢၼ်ပိူဝ်ႈႁႂ်ႈၸၢတ်ႈပၢၼ် မီးၽွၼ်းလီ မီးတၢင်းသိူဝ်း

ၽြႃးပဵၼ်ၸဝ်ႈႁေႃးၼေတီႈ ၸဝ်ႈၽယၶ်ၶပသ်သ ဝႃႈ

ၽယၶ်ၶပသ်သ ! ထမ်း 4 ပိူင်ၸိူဝ်းၼႆႉ ပဵၼ်ၵႂႃႇလူၺ်ႈ

ၽွၼ်းလီ ၵိူဝ်ႉၵုလ် ပိူဝ်ႈတၢင်းသိူဝ်း ၶွင်ၵုလပုတ်ႇ ၼႂ်းသမ်

ပရႃယ (ၼႂ်းၶၢဝ်းယၢမ်းသိုပ်ႇမႃး)

ထမ်း 4 ပိူင်ၸိူဝ်းၼၼ်ႉပဵၼ်ၸိူင်ႉႁိုဝ်း

1 သတ်ထႃသမ်ပထႃ (သတ်းထႃးၽြႃးပဵၼ်ၸဝ်ႈသုင်သုတ်

2 သီလသမ်ပထႃ ( မီးသိလ်ဢၼ်တဵမ်ထူၼ်ႈ)

3 ၸႃၵသမ်ပထႃ (မီးလွင်ႈၸႃႇၵယိုၼ်ႈမႅင်ႇ)

4 ပၺ်ၺႃသမ်ပထႃ (မီးလွင်ႈထိုင်ၽွမ်ႉလူၺ်ႈပၺ်ၺႃႇ)

ၽယၶ်ၶပသ်သ ! သတ်းထႃးသမ်ပထႃပဵၼ်ၸိူင်ႉႁိုဝ်?

ၽယၶ်ၶပသ်သ ! ၵုလပုတ်ႇၼႂ်းၸိူဝ်းၼႆႉ ပဵၼ်ၽူႈမီးသတ်ထႃး ယုမ်ႇယမ်ၼႂ်းၵၢၼ်ႁူႉၸႅင်ႈသမ်မႃသမ်ၽေႃးထိ ၺၢၼ်ႇ ပဵၼ်ၽြႃးဢဝ်ႁင်းၵူၺ်းၸဝ်ႈ ဝႃႈ ၵွပ်ႈလွင်ႈတၢင်း ၸိူင်ႉၼႆ ၽြႃးပဵၼ်ၸဝ်ႈၼၼ်ႉ ပဵၼ်ၽူႈႁၢင်ႇၵႆၵိလေႇသႃႇ

ပဵၼ်ၽူႈၵျၢင်ႉၵမ်ႁူႉၸႅင်ႈဢဝ်ႁင်းၵူၺ်း ပဵၼ်ၽူႈထိုင်ၽွမ်ႉ လူၺ်ႈဝိၸႃႇ လႄႈ ၸရႃၼ ၶေႃႉပတိပတ်ႈႁႂ်ႈထိုင်ဝိၸႃႇ

ပဵၼ်ၽူႈၵႂႃႇလီယဝ်ႉ ပဵၼ်ၽူႈႁူႉၸႅင်ႈလုၵ်ႈလေႃးၵ ၼင်ႇ

ၸႅင်ႈလႅင်း

ပဵၼ်ၽူႈၽိုၵ်းသွၼ်ၽူႈၵူၼ်းၼင်ႇၵႃႈၽိုၵ်းသွၼ်လႆႈဢၼ်

ဢမ်ႇမီးၽႂ်မိူၼ်ၼင်ႇၸဝ်ႈ

ပဵၼ်ၶူးၽူႈသွၼ်ၶွင် တေႇဝတႃႇ လႄႈ မၼုသ တၢင်းလၢႆ

ပဵၼ်ၽူႈႁူႉ ၽူႈတိုၼ်ႇ ၽူႈပိူၵ်ႇပၢၼ်း လူၺ်းထမ်း

ပဵၼ်ၽူႈမီးလွင်ႈၶိုၼ်ႈယႂ်ႇၼႂ်းထမ်းပိူဝ်ႈသင်ႇသွၼ်သတ်း

ၸိူင်ႉၼႆႉ

ၽယၶ်ၶပသ်သ ! ၼႆႉၸင်ႇႁွင်ႉဝႃႈသတ်ထႃးသမ်ပထႃ ။

-----

ၽယၶ်ၶပသ်သ ! သီလသမ်ပထႃ ပဵၼ်ၸိူင်ႉႁိုဝ် ?

ၽယၶ်ၶပသ်သ ! ၵုလပုတ်ႉၼႂ်းၸိူဝ်းၼႆႉ

1 ဝၢင်းပႅတ်ႈ ပႃၼႃတိပႃတႃ လွင်ႈၶႃႈႁႅမ်ပိူၼ်ႈတၢႆ

2 ဝၢင်းပႅတ်ႈ ဢတိင်ၼႃတႃၼႃ လွင်လၵ်ႉၶူဝ်းၶွင်ပိူၼ်ႈ

3 ဝၢင်းပႅတ်ႈ ၵႃမေသု လွင်ႈယၵဝ်းၼႃႈႁိူၼ်းပိူၼ်ႈ

4 ဝၢင်းပႅတ်ႈ မုသႃဝႃၸႃ လွင်ႈပႅတ်ႉယွၵ်ႇလႅၼ်

5 ဝၢင်းပႅတ်ႈ သူရႃမေသယ လွင်ႈၵိၼ်လဝ်ႈသူႇယႃႈ

ၽယၶ်ၶပသ်သ ! ၼႆႉႁွင်ႉဝႃႈ သီလသမ်ပထႃ ။

-----

ၽယၶ်ၶပသ်သ ! ၸႃၵသမ်ပထႃ ပဵၼ်ၸိူင်ႉႁိုဝ် ?

ၽယၶ်ၶပသ်သ ! ၵုလပုတ်ႇၼႂ်းၸိူဝ်းၼႆႉ

ဢမ်ႇမီးၸႂ်ထီႇၼဵဝ်ႁူမ်ႇငမ်းၸိတ်ႇၸႂ်ၼႂ်းၵၢၼ်ယူႇႁူမ်ႈ ႁိူၼ်း မီးၸႃႇၵ ဢၼ်ပွႆယူႇတႃႇသေႇ မီးၽႃႇမိုဝ်းဢၼ်

ၸုမ်ႉယူႇၸိူင်ႉၼၼ် ယိၼ်းလီၼႂ်းၵၢၼ်ၸႃႇၵယိုၼ်ႈမႅင်ႇ

ပိူင်ႈတႃႇၵူၼ်းၵေႃႉယွၼ်း မီးလွင်ႈယိၼ်းလီၼႂ်းၵၢၼ်လူႇတၢၼ်း

ၽယၶ်ၶပသ်သ ! ၼႆႉၸင်ႇႁွင်ႉဝႃႈ ၸႃၵသမ်ပထႃ ။

------

ၽယၶ်ပသ်သ ! ပၺ်ၺႃသမ်ပထႃ ပဵၼ်ၸိူင်ႉႁိုဝ် ?

ၽယၶ်ၶပသ်သ ! ၵုလပုတ်ႇၼႂ်းၸိူဝ်းၼႆႉ

ပဵၼ်ၽူႈမီးပၺ်ၺႃႇဢၼ်ၵိုၵ်းႁွမ်းၶိူင်ႈႁႂ်ႈထိုင်သၸ်ၸႃႇ

ၶွင်ၵၢၼ်ၵိူတ်ႇ လူႉ ပဵၼ်ၶိူင်ႈဢွၵ်ႇယၢၼ်ၶႃႈသိုၵ်း

ပဵၼ်ၶိူင်ႈၸီးတႅင်းၵိလေႇသႃႇ ပဵၼ်ၶိူင်ႈထိုင်လွင်ႈသုတ်း

သဵင်ႈလွင်ႈတၢင်းတုၵ်ႉၼင်ႇမၢၼ်ႇမႅၼ်ႈ

ၽယၶ်ပသ်သ ! ၼႆႉၸင်ႇႁွင်ႉဝႃႈပၺ်ၺႃသမ်ပထႃ ။

ၽယၶ်ၶပသ်သ ! ထမ်း 4 ပိူင်ၸိူဝ်းၼႆႉ ပဵၼ်ထမ်း

ပဵၼ်ထမ်းပိူဝ်ႈၽွၼ်းလီၵိူဝ်ႉၵုလ် ပိူဝ်ႈတၢင်းသိူဝ်း

ၶွင်ၵုလပုတ်ႇ ၼႂ်း သမ်ပရႃယ (ၼႂ်းၶၢဝ်းယၢမ်းရိုပ်ႇမႃး)။

-----------

ၶေႃႈမုလ်း ၼႂ်းပပ်ႉပီတၵၢတ်ႈ

ဢတ်တၵၼိပတ ဢင်ၶတရၼိၵႃယ

23/289 - 293 / 144

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

1ติ่ง คำปี