ၼမ်ႉတႃဢၼ်ႁဝ်းလႆႈႁွင်ႇႁႆႈမႃးယဝ်ႉတၢင်းမူတ်း
ၼမ်ႉတႃဢၼ်လင်ႇလႆဢွၵ်ႇၶွင်ၸိူဝ်းသူ ၽူႈတွင်ႈတဵဝ်း
ၵႂႃႇမႃး ၶီငဝ် ႁွင်ႉႁႆႈယူႇ ၵွပ်ႈႁူပ်ႉထူပ်းလွင်ႈဢၼ်
ဢမ်ႇတဵမ်ထူၼ်ႈပဵင်းၸႂ် ၵွပ်ႈၽၢတ်ႇယၢၼ်လွင်ႈႁၵ်ႉ ဢၼ်ပဵၼ်မႄႈပေႃႈ လုၵ်ႈလၢၼ် ၶွင်ႁၵ်ႉၶွင်ႁူင် ဢၼ်ပဵၼ်လွင်ႈတဵမ်ထူၼ်ႈပဵင်းၸႂ်
လူၺ်ႈၵႃလၵၢၼ်ယၢဝ်းၼၢၼ်းၼႆႉလႄႈၼမ်လိူဝ်
ၼင်ႇၼမ်ႉၼႂ်းမႁႃသမ်မုၵ်ႉတြႃႇတၢင်းသီႇမႄႈဢမ်ႇၼမ်ပဵင်းလႆႈ
ၸိူဝ်းသူလႆႈထူပ်းလွင်ႈမရႃၼၵၢမ်ႇၶွင် မႃႇတႃႇ(မႄႈ)
ၸိူင်ႉၼႆ ၵူႈၸၢတ်ႈပၢၼ် ၼမ်ႉတႃဢၼ်ယၢမ်ႈလႆႈဢွၵ်ႇ
ၶွင်ၸိူဝ်းသူ ၸိူဝ်းၼၼ်ႉ ၽူႈလႆႈထူပ်းလွင်ႈမရႃၼၵၢမ်ႇ
ၶွင်မႃႇတႃႇ (မႄႈ)
ၶီငဝ် ႁွင်ႉႁႆႈယူႇယွၼ်ႉလႆႈထူပ်းလွင်ႈဢၼ်ဢမ်ႇပဵင်းၸႂ် ယွၼ်ႉလႆႈၽၢၵ်ႈယၢၼ်လွင်ႈဢၼ်ပဵင်းပေႃးၸႂ် ၼၼ်ႉလႄႈ ၼမ်လိူဝ် ၼင်ႇၼမ်ႉၼႂ်းမႁႃသမ်မုၵ်ႉတြႃႇတင်းသီႇမႄႈဢမ်ႇၼမ်ပဵင်းလႆႈ
ၸိူဝ်းသူလႆႈထူပ်းလွင်ႈမႃရႃၼၵၢမ်ႇၶွင် ပီတႃႇ (ပေႃႈ)
မရႃၼၵၢမ်ႇၶွင် ပီႈဢၢႆႈ ၼွင်ႉၸၢႆး
မရႃၼၵၢမ်ႇၶွင် ပီႈၼၢင်း ၼွင်ႉယိင်း
မရႃၼၵၢမ်ႇၶွင် ပုတ်ႇ (လုၵ်ႈၸၢႆး)
မရႃၼၵၢမ်ႇၶွင် ထီတႃႇ (လုၵ်ႈယိင်း)
လႆႈထူပ်းလွင်ႈလူႉတၢႆၶွင်ပီႈၼွင်ႉၸိူဝ်ႉၶိူဝ်း
လႆႈထူပ်းလွင်ႈလူႉသုမ်းၶွင်ၶူဝ်းၶွင်ႁိူၼ်းယေး
လႆႈထူပ်းလွင်ႈတၢင်းပဵၼ်ၸဵပ်းၵႅၼ်း မႃးယဝ်ႉဢၼ်သႅၼ် ယၢဝ်းၼၢၼ်း
ၼမ်ႉတႃဢၼ်ယၢမ်ႈလႆဢွၵ်ႇၶွင်ၸိူဝ်းသူ ၽူႈလႆႈထူပ်း
လွင်ႈ လူႉတၢႆၶွင်ပီႈၼွင်ႉ လွင်ႈလူႉသုမ်းၶူဝ်းၶွင် လွင်ႈယေႃးၵႃႇတၢင်းပဵၼ် ၵပ်းၵိၼ်းႁွင်ႉႁႆႈယူႇ
ယွၼ်ႉလႆႈထူပ်းလွင်ႈဢၼ်ဢမ်ႇပဵင်းပေႃးၸႂ် လႆႈၽၢၵ်ႈယၢၼ်လွင်ႈဢၼ်ပဵင်းပေႃးၸႂ် ၼၼ်ႉလႄႈၼမ်လိူင်
ၼင်ႇၼမ်ႉၼႂ်းမႁႃႇသမ်ႇမုၵ်ႉတြႃႇသီႇမႄႈဢမ်ႇၼမ်ပဵင်းလႆႈ
ၶေႃႈၼၼ်ႉၵွပ်ႈလွင်ႈတၢင်းၸိူင်ႉႁိုဝ်ႉ? ယွၼ်ႉဝႃႈ
သမ်ႇသရႃႇၼႆႉ မၵ်းမၼ်ႈတီႈသုတ်းပိူင်ႈတူၼ်ႈ ပိူင်ႈပၢႆ
ဢမ်ႇလႆႈ
မိူဝ်ႈၸိူဝ်းသတ်း ၽူႈမီးဢဝိၸႃႇပဵၼ်ၶိူင်ႈၶႅၼ်ႈ မီးတၼ်ႁႃ ပဵၼ်ၶိူင်ႈမတ်ႉ တွင်ႈတဵဝ်းၵႂႃႇမႃးယူႇ တီႈသုတ်းပိူင်ႈတူၼ်ႈ ၸိုင်ဢမ်ႇပေႃႇ
ၽိၵ်ၶူတၢင်းလၢႆ ! ၵႃႈၼႆႉၵေႃႈၵိုင်ႈလီပေႃးယဝ်ႉ ပိူဝ်ႈတႃႇ
မိူဝ်ႇၸၢၼ်ႈ ၼႂ်းသင်ၶႃရတၢင်းလူင် ပေႃးယဝ်ႉပိူဝ်ႈၶၢႆးဢွၵ်ႇ ပေႃးယဝ်ႉပိူဝ်ႈတႃႇလုတ်ႈပူၼ်ႉ ၼင်ႇၼႆ ။
----------------
ၶေႃႈမုလ်း ပီတၵၢတ်ႈ
ၼိထႃၼဝႂၢၵ်ႈ သင်ယုတ်တၼိၵႃယ
16/214/426
0 comments:
แสดงความคิดเห็น