ၸေႇတၼႃႇလီ

 

ၸေႇတၼႃႇလီ

 

ႁဝ်းယူႇလီလီ ဝူၼ်ႉလီ ယိူင်းဢၢၼ်းလီ မီးလွင်ႈတင်ႈၸႂ်လီ ၸိူင်ႉၼႆၵူၺ်း ၵေႃႈပဵၼ်ၵုသူလ်ႇယဝ်ႉ ။

 

ဢဝ်ၼမ်ႉလၢင်ႉဝၢၼ်ႇႁဝ်း ထွၵ်ႇလူင်းၼႂ်းၵူမ်ႇငႂ်ႈ ပိူဝ်ႈႁႂ်ႈသတ်းၸိူဝ်းဢၼ်ၵိူတ်ႇ ၼႂ်းၵူမ်ႇငႂ်ႈၼၼ်ႉလႆႈၵိၼ်မိတ်ႉၶဝ်ႈ ၽၵ်း လိူဝ်ၸပ်းဝၢၼ်ႇၼၼ်ႉ ၵူၺ်း ၵေႃႈ ပဵၼ်သဵၼ်တၢင်းမႃးၶွင်မုၼ်ၵု သူလ်ႇယဝ်ႉ ။

 

ဢဝ်ၼမ်ႉလၢင်ႉဝၢၼ်ႁဝ်းထွၵ်ႇသႂ်ႇၼိူဝ်လိၼ် ပိူဝ်ႈႁႂ်ႈတူဝ်မူတ်ႉ တူဝ် မႅင်းၶဝ်လႆႈၵိၼ်ၶဝ်ႈ ၽၵ်းၸပ်းဝၢၼ်ႇႁဝ်း ၼၼ်ႉၵူၺ်း ၵေႃႈပဵၼ် တၢင်းမႃးၶွင်မုၼ်ၵုသူလ်ႇယဝ်ႉ ။

 

လဵင်ႉၶဝ်ႈမႃမႅဝ်းတူဝ်းသတ်းတၢင်းလၢႆၵေႃႈလႆႈမုၼ်ၵုသူလ်ႇ ၼိုင်ႈပၢၵ်ႇပုၼ်ႈယဝ်ႉ ။

 

လဵင်ႉၶဝ်ႈၵူၼ်းထုသိၼ် (ၵူၼ်းဢမ်ႇမီးသိၼ်) လႆႈမုၼ်ၵုသူလ်ႇ ၼိုင်ႈႁဵင်ပုၼ်ႈ

 

လူႇတၢၼ်းၵူၼ်းမီးသိၼ်ထမ်းၼိုင်ႈၵေႃႉ လႆႈမုၼ်ၵုသူလ်ႇ ၼိုင်ႈသႅၼ်ၵုၵ်ႉတေႇ

 

လူႇတၢၼ်းတီႈၵူၼ်းမီးသိၼ် လူႇတၢၼ်းတီႈၸဝ်ႈသေႃးတႃႇပၢၼ်ႇ လႆႈ မုၼ်ၵုသူလ်ႇ ၼပ်ႉဢၢၼ်ႇဢမ်ႇလႆႈ ။

 

လူႇတၢၼ်းတီႈၸဝ်ႈသေႃးတႃႇပၢၼ်ႇ ပၢၵ်ႇၸဝ်ႈ ဢမ်ႇတၢၼ်ႇလူႇ တၢၼ်းတီႈ  ၸဝ်ႈ သၵထႃၶႃမီ ၼိုင်ႈၸဝ်ႈ ။

 

လူႇတၢၼ်းတီႈၸဝ်ႈ သၵထႃၶႃမီ ပၢၵ်ႇၸဝ်ႈ ဢမ်ႇတၢၼ်ႇ လူႇတၢၼ်း တီႈၸဝ်ႈ ဢႃၼႃၶႃမီ ၼိုင်ႈၸဝ်ႈ ။

 

လူႇတၢၼ်းတီႈၸဝ်ႈ ဢႃၼႃၶႃမီ ပၢၵ်ႇၸဝ်ႈ ဢမ်ႇ တၢၼ်ႇလူႇ တၢၼ်းတီႈ

ဢရႁၼ်တႃ ၼိုင်ႈၸဝ်ႈ ။

 

လူႇတၢၼ်းတီႈၸဝ်ႈ ဢရႁၼ်တႃ ပၢၵ်ႇၸဝ်ႈ ဢမ်ႇတၢၼ်ႇ လူႇတၢၼ်းတီႈ ၸဝ်ႈ ပိၸေၵပုတ်ႉထ ၼိုင်ႈၸဝ်ႈ ။

 

လူႇတၢၼ်းတီႈ ၸဝ်ႈပိၸေၵပုတ်ႉထ ပၢၵ်ႇၸဝ်ႈ ဢမ်ႇတၢၼ်ႇ

လူႇတၢၼ်း တီႈၽြႃးပဵၼ်ၸဝ်ႈပႃးလဵဝ် ။

 

လူႇတၢၼ်းတီႈၽြႃးပဵၼ်ၸဝ်ႈ ဢမ်ႇတၢၼ်ႇ ၵၢၼ်သၢင်ႈ ၵုတိ ဝိႁၢရ် ပိူဝ်ႈပဵၼ်တီႈၸဝ်ႈရႁၢၼ်း ၶဝ်ပတိပတ်ႈꩪမ်း

 

သၢင်ႈၵုတိ ဝိႁၢရ် ဢမ်ႇတၢၼ်ႇ ဢဝ်ၽြႃး တြႃး သင်ႇၶႃႇ ပဵၼ် သရၼ တီႈပိုင်ႈ

 

ဢဝ် ၽြႃး တြႃး သင်ႇၶႃႇပဵၼ်သရၼတီႈပိုင်ႈယဝ်ႉ ပႆႇတၢၼ်ႇ ၵျၢင်ႉၵမ် သိၼ် ႁႃႈ ႁႂ်ႈမၼ်ႈ ။

 

ၵျၢင်ႉၵမ်သိၼ်ႁႃႈမၼ်ႈၵိုမ်းလီ ယဝ်ႉ ပႆႇတၢၼ်ႇပိုၼ်မႅတ်ႉတႃႇၸူဝ်ႈၶၢဝ်း ယၢမ်း သုတ်ႇၼူမ်ၶွင်ႁွမ် ။

 

လွင်ႈပိုၼ်မႅတ်ႉတႃႇၸူဝ်ႈၶၢဝ်းသုတ်ႇၼူမ်ၶွင်ႁွမ်ဢမ်ႇပႆႇတၢၼ်ႇႁူႉႁၼ် လွင်ႈဢမ်ႇမၼ်ႈဢမ်ႇၵိုမ်း (ဢၼိၸ်ၸသၺ်ယႃး) ႁူႉၼႂ်းၶၼ်ႇꩪႃႇႁႃႈပႃး ႁူႉၸႅင်ႈၼႂ်း ဢရိယသႅတ်ႇ ၸႃႇ4 ပႃး ။