ပတိႁၢရ် သၢမ်ပိူင် ၼႂ်းသႃသၼႃပုတ်ႉထၸဝ်ႈ
ၶေႃႈမုလ်းဢၢင်ႈဢိင်ပီတၵၢတ်ႈၽၢႆႇထႆး
-ปาลี. อํ. ๒๐/๒๑๗/๕๐๐
(႑) .ဢိတ်ႇထီပတိႁၢရ်
( ႒). ဢတေသၼႃပတိႁၢရ်
( 3). ဢၼုသႃသၼိပတိႁၢရ် ။
႑. ဢိတ်ႇထီပတိႁၢရ်
ၵူၼ်းမၢင်ၸိူဝ်းၼႂ်းလေႃးၵၼႆႉ ၵူၼ်းၵေႃႉလဵဝ်ႁဵတ်ႈႁႂ်ႈပဵၼ်လၢႆၵေႃႉလႆႈ ၵူၼ်းလၢႆၵေႃႉႁဵတ်းႁႂ်ႈပဵၼ်ၵူၼ်းၵေႃႉလဵဝ်လႆႈ ။ ပႆႁၢႆတူဝ်ၶဝ်ႈၼႂ်းၽင်ႇႁိုၵ်းလႆႈ ပႆႁၢႆၶဝ်ႈၼႂ်းတၢပ်ႈလွႆၽၢႆႇၼိုင်ႈသေ ၵႂႃႇပေႃႇတၢပ်ႈလွႆထႅင်ႈၽၢႆႇၼိုင်ႈလႆႈ
ႁဵတ်းတီႈပၢင်ႇၸႅင်ႈ ႁႂ်ႈပဵၼ်တီႈႁူၵ်ႉလႆႈ ႁဵတ်းတီႈႁူၵ်ႉႁႂ်ႈပဵၼ်တီႈပၢင်ႇၸႅင်ႈလႆႈ
လမ်လိၼ်မိူၼ်လမ်ၼႂ်းၼမ်ႉလႆႈ ၊ ပႆၼိူဝ်ၼမ်ႉမိူၼ်ပႆၼိူဝ်ၽႅၼ်ႇလိၼ်လႆႈ
မိၼ်ၵႂႃႇၼိူဝ်ၵၢင်ႁၢဝ်မိူၼ်ၼူၵ်ႉလႆႈ ၊ ဢဝ်ၽႃႇမိုဝ်းမိူဝ်းလုပ်ႈၵမ်းလုၵ်ႈလိူၼ်လုၵ်ႈဝၼ်းလႆႈ။
႒. ဢတေသၼႃပတိႁၢရ်
ၵူၼ်းမၢင်ၸိူဝ်းၼႂ်းလေႃးၵၼႆႉ ၸႂ်ႉၼိမိၵ်ႈသေ တၵ်ႉၸႂ်ၵူၼ်းဝႃႈ ၸႂ်သူပဵၼ်ၸိူင်ႉႁိုဝ် ၸႂ်သူဝူၼ်ႉၸိူင်ႉႁိုဝ် ဝူၼ်ႉလွင်ႈသင် ဢဵၼ်း ဢၢၼ်းၼႂ်းၸႂ်မီးၸိူင်ႉႁိုဝ် ၼင်ႇၼႆ ၶဝ်တၵ်ႉ ၸိူင်ႉႁိုဝ်ၵေႃႈဢမ်ႇၽိတ်း ။
တၵ်ႉလႆႈဝႃႈၸႂ်ၵူၼ်းၼၼ်ႉတေပဵၼ်ၸိူင်ႉႁိုဝ် တေဝူၼ်ႉသင် တေ ဢဵၼ်းဢၢၼ်းသင် တၵ်ႉၵႃႈႁိုဝ်ၵေႃႈမႅၼ်ႈမူတ်း ။
တၵ်ႉလႆႈဝႃႈ ၸႂ်ၵူၼ်းၼၼ်ႉ မိူဝ်ႈၽုၵ်ႈ မိူဝ်ႈႁိုဝ် မိူဝ်ႈၼိုင်ႈ ၶဝ်တေ ဝူၼ်ႉသင် လိူၼ်ၼႃႈ ပီႊၼႃႈၶဝ်တေဝူၼ်ႉသင် တေႁဵတ်းသင် တေလၢတ်ႈသင်။
ႁူႉထိုင်တၢင်းဝူၼ်ႉၶွင်ၶုၼ်ၽီလႆႈ ႁူႉထိုင်ဝႃႈ မိူဝ်ႈၽုၵ်ႈမိူဝ်ႈႁိုဝ်း မိူဝ်ႈၼိုင်ႈ ၶုၼ်ၽီၼၼ်ႉ တေဝူၼ်ႉလွင်ႈသင်ၸိူဝ်းၼႆႉ ။
႓. ဢၼုသႃသၼိပတိႁၢရ်
ထမ်းတြႃးဢၼ်ၽြႃးပဵၼ်ၸဝ်ႈပၺ်ၺၢတ်ႈဝႆႉလီယဝ်ႉ ၽူႈဢၼ် လႆႈထွမ်ႇတြႃးဢၼ် ၽြႃးပဵၼ်ၸဝ်ႈႁေႃးၼၼ်ႉပတိပတ်ႈၸွမ်းသေ ႁူႉၸႅင်ႈၼႂ်းထမ်းတြႃး ၽူႈဢၼ်လႆႈထွမ်ႇတြႃးဢၼ်ၽြႃး ပဵၼ်ၸဝ်ႈ တီႈဢၼ် ၸဝ်ႈသဝၵ ရႁၢၼ်းၸဝ်ႈ ၶဝ်ႁေႃးၼေပၼ်သေ ပတိပတ်ႈ ၸွမ်းသေႁူႉၸႅင်ႈၼႂ်းထမ်းတြႃးၽူႈဢၼ်လႆႈယိၼ်း ၵူၼ်းမၢင်း ၸိူဝ်း ၶဝ်ဢုပ်ႇၵၼ်လွင်ႈတြႃးသေႁူႉၸႅင်ႈၼႂ်းထမ်းတြႃး ၽူႈၸိူဝ်းဢၼ် လႆႈထွမ်ႇတြႃးၼၼ်ႉႁဵတ်းႁႂ်ႈလွင်ႈလေႃးၽ တေႃးသ မေႃးႁ မႃႇၼ တိၵ်ႉထိ လုတ်းယွမ်းလူင်းလႆႈ ႁဵတ်းႁႂ်ႈၵူၼ်းမၢင်ၸိူဝ်း ၶဝ်ဝၢင်း သၺ် ယုတ်ႉသၢမ်လႆႈ ။
ပတိႁၢရ်ၶေႃႈထီႉၼိုင်ႈ ဢိတ်ႇထီပတိႁၢရ်ၼႆႉ ၸၢင်ႈႁဵတ်းႁႂ်ႈၽူႈၵူၼ်း လူင်ၽိတ်းလူင်တူဝ်လိုမ်းၶိင်းသေဝူၼ်ႉဝႃႈၸဝ်ႈၵဝ်ႇၵျႃႉၶႅၼ်ႇၼႆသေၸၢင်ႈ ထႅင်ႈႁႅင်းၾႆး တၼ်ႁႃၵိလေႇသႃႇလႆႈ။
ပတိႁၢရ်ၶေႃႈထီသွင် ဢတေသၼႃပတိႁၢရ် ၼႆႉၵေႃႈ ၸၢင်ႈႁဵတ်းႁႂ်ႈၽူႈၵူၼ်း လူင်ၽိတ်းလူင်တူဝ်လိုမ်းၶိင်းသေဝူၼ်ႉဝႃႈၸဝ်ႈၵဝ်ႇၵတ်ႉၶႅၼ်ႇၼႆသေၸၢင်ႈထႅင်ႈႁႅင်းၾႆး တၼ်ႁႃၵိလေႇသႃႇလႆႈ။
ၼႂ်းၵႃႈ ပတိႁၢရ် သၢမ်ပိူင်ၼႆႉ ၽြႃးပဵၼ်ၸဝ်ႈ ဢၢမ်းယေႃး ပတိႁၢရ်ၶေႃႈ ထိသၢမ် ဢၼုသႃသၼီးပတိႁၢရ် ၼႆႉယဝ်ႉ
ဢမ်ႇမီးပတိႁၢရ်ဢၼ်လႂ်ဢၼ်ၸၢင်ႈႁဵတ်းႁႂ်ႈၽူႈၵူၼ်းတၢင်းလၢႆဢွၵ်ႇပူၼ်ႉလႆႈ ၼႂ်းလေႃးၵသမ်သရႃႇ ၼႆႉလႆႈ လိူဝ်သေ ဢၼုသႃသၼီးပတိႁၢရ် ။
0 comments:
แสดงความคิดเห็น