လွင်ႈႁႅၼ်းလူႇႁႅၼ်းတၢၼ်းသူင်ႇထိုင်ၺႃတိၵႃၽူႈလူင်ႈလပ်ႉ

 

လွင်ႈႁႅၼ်းလူႇႁႅၼ်းတၢၼ်းသူင်ႇထိုင်ၺႃတိၵႃၽူႈလူင်ႈလပ်ႉ

 

မီးၸၢဝ်းၶိူဝ်းပူင်ႇၼႃးၸုမ်းၼိုင်းမိူဝ်းတွင်ႈထၢမ်ၽြႃးပဵၼ်ၸဝ်ႈဝႃႈ

ဢေႃးတီႈၶႃႈ ၸဝ်ႈၵေႃးတမ ! ၸိူဝ်းႁဝ်းၶႃႈၼႆႉမီးၸိုဝ်ႈဝႃႈ ၽရၢမ်း လႆႈၸႂ်ၼႂ်းလွင်ႈလူႇတၢၼ်း လႄႈ မီးတၢင်းယုမ်ႇယမ်ဝႃႈ ၽွၼ်းလီၼၼ်ႉပီႈ ၼွင်ႉသၢႆလိူတ်ႈ ၺႃတိသႃလေႃးႁိတ ၽူႈလပ်ႉ လွႆငိုၼ်းလွႆၶမ်းၵႂႃႇယဝ်ႉ တေ လႆႈႁပ်ႉ  (ဢိထံ ထႃၼံ ပေတႃ ၺႃတိၵသႃလေႃႁိတႃ ပရိၽုၼ်သုတိ)

ဢေႃးတီႈၶႃႈ ၸဝ်ႈၵေႃးတမ ! တၢင်းလူႇၼၼ်ႉမီးၽွၼ်းလီတႃႇ ပီႈၼွင်ႉ ၺႃတိၵသႃလေႃးႁိတ ၽူႈလူင်ႈလပ်ႉ လွႆငိုၼ်းလွႆၶမ်းၵႂႃႇယဝ်ႉ ပဵၼ်ၽူႈလႆႈ ႁပ်ႉတႃႇၼ ဢဝ်ၵိၼ်ဢဝ်ၸႂ်ႉၼႂ်း ၽဝ ၼၼ်ႉလႆႈ ၸွင်ႇၸႂ်ႈယူႇၶႃႈႁိုဝ်

ၽရၢမ်း ! တႃႇၼၼၼ်ႉ လႆႈႁပ်ႉလူၺ်ႈ ထႃႇၼ(1) လႄႈ ဢမ်ႇလႆႈႁပ်ႉလူၺ်ႈ ဢထႃႇၼ(2) ။

ဢေႃးတီႈၶႃႈၸဝ်ႈၵေႃးတမ ! ထႃႇၼ ပဵၼ်ၸိူင်ႉႁိုဝ် ဢထႃႇၼ ပဵၼ်ၸိူင်ႉႁိုဝ်ၶႃႈ

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ  ပဵၼ်ၽူႈၶႃႈသတ်းလၵ်ႉၶူဝ်း ၶွင် ၵူတ်ႉပွင်ၼွၼ်း ၶၢင်းမေးၼၢင်းပိူၼ်ႈ လၢတ်ႈၸႃပႅတ်ႉလႅၼ် လၢတ်ႈ သေႃႇသေႇ လၢတ်ႈမိူၵ်ႈလိူင်း သဵင်ၶႅင် မီးလွင်ႈၶႂ်ႈလႆႈၶူဝ်းၶွင်ပိူၼ်ႈ မီး ၸိတ်ႇၸႂ်ပွင်ႁၢႆႉ မီး လွင်ႈႁၼ်ၽိတ်း ပူၵ်ႉၵူလ်ႇၵေႃႉၼၼ်ႉ မိူဝ်ႈတၢႆၵႂႃႇယဝ်ႉ ၶဝ်ၸင်ႇၶဝ်ႈထိုင်ငရၢႆး

တူၵ်းငရၢႆး ၶဝ်လဵင်ႉဢတ်တၽၢပ်ႉ ယူႇၼႂ်း ငရၢႆး ၼၼ်ႉ တင်ႈယူႇၼႂ်းငရၢႆး ၼၼ်ႉ လူၺ်ႈတၢင်းၵိၼ်ၶွင်သတ်းငရၢႆး ။

 

ၽရၢမ်း ! ထႃၼဢၼ်ဢမ်ႇၶဝ်ႈၵႂႃႇထိုင်လႆႈၽွၼ်းလီ တီႈဢၼ်သတ်း ၽူႈၼၼ်ႉတင်ႈယူႇ  ၼႆႉယဝ်ႉ ပဵၼ်ဢထႃၼ ။

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈၶႃႈသတ်း လၵ်ႉၶူဝ်းၶွင် ၵူတ်ႉပွင်ၼွၼ်း ၶၢင်းမေးၼၢင်းပိူၼ်ႈ လၢတ်ႈၸႃပႅတ်ႉလႅၼ် လၢတ်ႈသေႃႇသေႇ လၢတ်ႈမိူၵ်ႈလိူင်း သဵင်ၶႅင် မီးလွင်ႈၶႂ်ႈလႆႈၶူဝ်းၶွင်ပိူၼ်ႈ မီးၸိတ်ႇၸႂ်ပွင်ႁၢႆႉ မီးတၢင်းႁၼ်ၽိတ်း ပူၵ်ႉၵူလ်ႇၼၼ်ႉ မိူဝ်ႈတၢႆၵႂႃႇ ၸင်ႇၵိူတ်ႇပဵၼ်သတ်း တရိၵ်ႉသၢၼ်ႇ ၶဝ်လဵင်ႉဢတ်တၽၢပ်ႉယူႇ ၼႂ်းၽဝ သတ်းတရိၵ်ႉသၢၼ်ႇ တင်ႈယူႇၼႂ်းၽဝသတ်းတရိၵ်ႉသၢၼ်ႇၼၼ်ႉ လူၺ်ႈတၢင်း ၵိၼ်ၶွင် သတ်းတရိၵ်ႉသၢၼ်ႇ ။

ၽရၢမ်း ! ထႃၼဢၼ်ဢမ်ႇၶဝ်ႈၵႂႃႇထိုင်လႆႈၽွၼ်းလီ တီႈဢၼ်သတ်းၽူႈၼၼ်ႉတင်ႈယူႇ  ၼႆႉယဝ်ႉ ပဵၼ်ဢထႃၼ ။

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈဝေႈၵႆၼႂ်းလွင်ႈ ၶႃႈသတ်း ဝေႈၵႆလွင်ႈလၵ်ႉ ၶူဝ်းၶွင် ဝေႈၵႆလွင်ႈ ၵႃႇမေႇသု ဝေႈၵႆလွင်ႈပႅတ်ႉလႅၼ် လွင်ႈလၢတ်ႈၸႃသေႃ သေႇ မီးလွင်ႈ ႁၼ်ထုၵ်ႇမႅၼ်ႈ ပူၵ်ႉၵူလ်ႇ ၼၼ်ႉ မိူဝ်ႈ တၢႆၵႂႃႇ ၸင်ႇလႆႈၶဝ်ႈထိုင် ၽဝ မၼုသ(ၵူၼ်း) ၶဝ်ၸင်ႇလဵင်ႉဢတ်တၽၢပ်ႉ ယူႇၼႂ်းလေႃးၵမၼုသ တင်ႈယူႇၼႂ်းၽဝမၼုသ (ၵူၼ်း)လူၺ်ႈတၢင်းၵိၼ်ၶွင် မၼုသ (ၵူၼ်း)

ၽရၢမ်း ! ထႃၼဢၼ်ဢမ်ႇၶဝ်ႈၵႂႃႇထိုင်လႆႈၽွၼ်းလီ တီႈဢၼ်သတ်းၽူႈၼၼ်ႉတင်ႈယူႇ  ၼႆႉယဝ်ႉ ပဵၼ်ဢထႃၼ ။

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈဝေႈၵႆၼႂ်းလွင်ႈၶႃႈသတ်း ပဵၼ်ၽူႈဝေႈၵႆ ၼႂ်းလွင်ႈၶႃႈသတ်း ဝေႈၵႆလွင်ႈလၵ်ႉၶူဝ်းၶွင် ဝေႈၵႆလွင်ႈ ၵႃႇမေႇသု ဝေႈၵႆလွင်ႈပႅတ်ႉလႅၼ် လွင်ႈလၢတ်ႈၸႃသေႃႇသေႇ မီးလွင်ႈ ႁၼ်ထိုင်ထုၵ်ႇမႅၼ်ႈ ပူၵ်ႉၵူလ်ႇၼၼ်ႉမိူဝ်ႈတၢႆၵႂႃႇၸင်ႇလႆႈၶဝ်ႈထိုင် ပဵၼ်

တေႇဝတႃႇ ၶဝ်ၸင်ႇလဵင်ႉဢတ်တၽၢပ်ႉ ယူႇၼႂ်းၽဝ တေႇဝတႃႇ တင်ႈ ယူႇၼႂ်းၽဝတေႇဝတႃႇ လူၺ်ႈ တၢင်းၵိၼ်ၶွင်တေႇဝတႃႇ ။

ၽရၢမ်း ! ထႃၼဢၼ်ဢမ်ႇၶဝ်ႈၵႂႃႇထိုင်လႆႈၽွၼ်းလီ တီႈဢၼ်သတ်း ၽူႈ ၼၼ်ႉတင်ႈယူႇ  ၼႆႉယဝ်ႉ ပဵၼ်ဢထႃၼ ။

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈၶႃႈသတ်း လၵ်ႉၶူဝ်းၶွင် ၵူတ်ႉပွင်ၼွၼ်း ၶၢင်းမေးၼၢင်းပိူၼ်ႈ လၢတ်ႈၸႃပႅတ်ႉလႅၼ် လၢတ်ႈသေႃႇသေႇ လၢတ်ႈမိူၵ်ႈလိူင်း သဵင်ၶႅင် မီးလွင်ႈၶႂ်ႈလႆႈၶူဝ်းၶွင်ပိူၼ်ႈ မီးၸိတ်ႇၸႂ်ပွင်ႁၢႆႉ မီးလွင်ႈ ႁၼ်ၽိတ်း

ပူၵ်ႉၵူလ်ႇၼၼ်ႉမိူဝ်ႈတၢႆၵႂႃႇၸင်ႇလႆႈၶဝ်ႈထိုင်ပဵၼ်ၽဝပိၵ်ႉတႃၶဝ်ၸင်ႇလဵင်ႉ ဢတ်တၽၢပ်ႉယူႇ ၼႂ်းၽဝပိၵ်ႉတႃႇ တင်ႈယူႇၼႂ်းၽဝပိၵ်ႉတႃႇၼၼ်ႉ လူၺ်ႈ တၢင်းၵိၼ်ၶွင်သတ်းၽူႈၵိူတ်ႇၼႂ်း ၽဝပိၵ်ႉတႃႇၼၼ်ႉ ဢမ်ႇၼၼ် ဢၼ် မိတ်ႉဢမၢတ်ႈ ၺႃတိၵႃသႃလေႃးႁိတ ဢၼ်ပဵၼ်ပီႈၼွင်ႉတၢင်း လၢႆႁႅၼ်းလူႇ ႁႅၼ်းတၢၼ်းသူင်ႇထိုင်ပၼ် ၶဝ်ၸင်ႇလဵင်ႉဢတ်တၽၢပ်ႉ ယူႇၼႂ်းၽဝ ပိၵ်ႉတႃႇ ၼၼ်ႉ တင်ႈယူႇၼႂ်းၽဝပိၵ်ႉတႃႇၼၼ်ႉ လူၺ်ႈ ၽွၼ်းလီတႃႇၼ ၼၼ်ႉ ။

ၽရၢမ်း ! ထႃၼဢၼ်ၶဝ်ႈၵႂႃႇထိုင်လႆႈၽွၼ်းလီ တီႈဢၼ်သတ်း ၽူႈၼၼ်ႉ တင်ႈယူႇ  ၼႆႉယဝ်ႉ ပဵၼ်ထႃၼ ။

ဢေႃးတီႈၶႃႈၸဝ်ႈၵေႃးတမ ! ပေႃးဝႃႈပီႈၼွင်ႉ ၺႃတိၵသႃလေႃးႁိတ ဢမ်ႇ လႆႈၶဝ်ႈထိုင် ထႃၼ ၼၼ်ႉ ၽႂ်သမ်ႉတေႁပ်ႉၽွၼ်းလီ တႃႇၼ ၼၼ်ႉၶႃႈ ?

ၽရၢမ်း ! ပီႈၼွင်ႉ ၺႃတိၵႃလေႃးႁိတ တၢင်ႇၵေႃႉၶွင် ထႃယူၵ်ႉ ဢၼ်လူင်ႈ လပ်ႉၵႂႃႇယဝ်ႉ ဢၼ်ၶဝ်ႈထိုင် ထႃၼ ၼၼ်ႉမီးယူႇ ၊ ပီႈၼွင်ႉ ၺႃတိၵႃလေႃးႁိတႃ ၽူႈၼၼ်ႉပဵၼ်ၽူႈ ႁပ်ႉၽွၼ်းလီၼၼ်ႉ ။

ဢေႃးတီႈၶႃႈၸဝ်ႈၵေႃးတမ ! ပေႃးဝႃႈပီႈၼွင်ႉ ၺႃတိၵသႃလေႃးႁိတ ၽူႈလူင်ႈ လပ်ႉၵႂႃႇယဝ်ႉ ၼၼ်ႉ ဢမ်ႇလႆႈၶဝ်ႈထိုင် ထႃၼ ၼၼ်ႉ ပီႈၼွင်ႉၺႃတိၵႃလေႃး ႁိတႃၶွင်

 

ထႃယူၵ်ႉတၢင်ႇၵေႃႉၵေႃႈဢမ်ႇလႆႈၶဝ်ႈထိုင် ထႃၼၼၼ်ႉ ၽႂ်သမ်ႉတေ ႁပ်ႉ  ၽွၼ်းလီ တႃႇၼ ၼၼ်ႉၶႃႈ ?

ၽရၢမ်း ! ထႃၼ ဢၼ်ဝၢင်ႉပဝ်ႇ ၶွင်ပီႈၼွင်ႉ ၺႃတိၵႃလေႃးႁိတႃၶွင် ထႃယူၵ်ႉၼၼ်ႉဢမ်ႇမီး ဢမ်ႇၸႂ်ႈတိုဝ်ႉတၢင်းတေမီးလႆႈ ။

ၽရၢမ်း ! ထႅင်ႈလွင်ႈၼိုင်ႈ ထႃယူၵ်ႉ ၵေႃႈဢမ်ႇပဵၼ်ဢမ်ႇမီးၽႂ် ။

ဢေႃးတီႈၶႃႈၸဝ်းၵေႃးတမ ! ႁေႃးလွင်ႈၶပ်ႉတမ်းလွင်ႈဢထႃၼ ပဵၼ်ၼင်ႇႁိုဝ်

ၽရၢမ်း ! ႁဝ်းႁေႃးၶပ်ႉတမ်းလွင်ႈၼႂ်း ဢထႃၼ

ၽရၢမ်း ! ပူၵ်ႉၵူလ်ႇမၢင်းတိူဝ်းၼႂ်းလေႃးၵၼႆႉ ပဵၼ်ၽူႈၶႃႈသတ်း … မီး တၢင်း ႁၼ်ၽိတ်း ၵူၺ်းၵႃႈ ၶဝ်ႈ လူႇၶဝ်ႈ ၼမ်ႉ ၽႃႈၼုင်ႈၽႃႈႁူမ်ႇ ၽႁႃၼ မွၵ်ႇ မႆႉ ၶွင်ႁွမ် ၶိူင်ႈလုပ်ႈတႃးတီႈၼွၼ်းတီႈယူႇလႄႈၾႆးလႅင်းတီႈသမၼ ရႁၢၼ်း ၶဝ် မိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝ ၸၢင်ႉ ၵိူတ်ႇ ပဵၼ် ၸၢင်ႉ ၵူၺ်းၵႃႈ ၶဝ်ၵေႃႈ လႆႈ ႁပ်ႉၽွၼ်းလီလွင်ႈလႆႈလူႇ ၶဝ်ႈ ၼမ်ႉ မႃလႃ ၽႃႈၼုင်ႈၽႃႈႁူမ်ႇလႄႈ ၶိူင်ႈ ၶွင် လၢႆၸိူဝ်ႉလၢႆပိူင်ၼႂ်းၽဝၸၢင်ႉၼၼ်ႉ ။

ၽရၢမ်း ! ပူၵ်ႉၵူလ်ႇမၢင်းတိူဝ်းၼႂ်းလေႃးၵၼႆႉ ပဵၼ်ၽူႈၶႃႈ သတ်း…မီး တၢင်း ႁၼ်ၽိတ်း လူၺ်ႈၵၢမ်ႇၼၼ်ႉ မိူဝ်ႈၶဝ် တၢႆၵႂႃႇ ၸင်ႇၶဝ်ႈထိုင်ၽဝၸၢင်ႉ ၵိူတ်ႇ ပဵၼ်ၸၢင်ႉ  လွင်ႈဢၼ်ၽူႈ ၼၼ်ႉ လႆႈလူႇ ၶဝ်ႈၼမ်ႉၾႆးတီႈ သမၼရႁၢၼ်း လူၺ်ႈၵၢမ်ႇၼၼ်ႉ ၶဝ်ၸင်ႇလႆႈ ႁပ်ႉ ၶဝ်ႈၼမ်ႉမႃလႃ လႄႈၶိူင်ႈၶွင်လၢႆၸိူဝ်း လၢႆပိူင် ၼႂ်းၽဝၸၢင်ႉၼၼ်ႉ

ၶဝ်ၸင်ႇၶဝ်ႈထိုင်ၽဝမႃႉ ၵိူတ်ႇပဵၼ်မႃႉ

ၶဝ်ၸင်ႇၶဝ်ႈထိုင် ၽဝ ဝူဝ်း ၵိူတ်ႇပဵၼ်ဝူဝ်း

ၶဝ်ၸင်ႇၶဝ်ႈထိုင်ၽဝမႃ ၵိူတ်ႇပဵၼ်မႃ

 

ၽရၢမ်း ! ပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈဝေႈၵႆလွင်ႈၶႃႈသတ်း မီး လွင်ႈ ႁၼ်ထိုင် ထုၵ်ႇမႅၼ်ႈ လႄႈ ၶဝ်လႆႈလူႇတၢၼ်း ၶဝ်ႈ လူႇၶဝ်ႈ ၼမ်ႉ ၽႃႈ ၼုင်ႈၽႃႈႁူမ်ႇ ၽႁႃၼ မွၵ်ႇမႆႉ ၶွင်ႁွမ် ၶိူင်ႈလုပ်ႈတႃး တီႈၼွၼ်း တီႈယူႇ လႄႈ

ၾႆးလႅင်းတီႈသမၼရႁၢၼ်းၶဝ် မိူဝ်ႈတၢႆၵႂႃႇ ၸင်ႇၶဝ်ႈ ထိုင်ၽဝမၼုသ(ၵူၼ်း) လႄႈၶဝ်ၸင်ႇလႆႈပဵလ်ၸၵႃမၵုင် ဢၼ်ပဵၼ် ၶွင် မၼုသ (ၵူၼ်း)ၼၼ်ႉ ။

ၽရၢမ်း ! ၶေႃႈတီႈပူၵ်ႉၵူလ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈဝေႈၵႆလွင်ႈ ၶႃႈသတ်း မီးလွင်ႈႁၼ်ထိုင်ထုၵ်ႇမႅၼ်ႈ လႄႈၵၢမ်ႇ ၼၼ်ႉမိူဝ်ႈတၢႆၵႂႃႇ ၶဝ် ၸင်ႇၶဝ်ႈထိုင်ၼႂ်းၽဝ မၼုသ (ၵူၼ်း) လႄႈ ၶဝ် လႆႈလူႇတၢၼ်းၶဝ်ႈလူႇၶဝ်ႈ ၼမ်ႉ ၽႃႈၼုင်ႈၽႃႈႁူမ်ႇ ၽႁႃၼ မွၵ်ႇမႆႉ ၶွင်ႁွမ် ၶိူင်ႈလုပ်ႈတႃး တီႈၼွၼ်း တီႈယူႇ လႄႈ ၾႆးလႅင်း တီႈသမၼ ရႁၢၼ်းၶဝ် ၵၢမ်ႇၼၼ်ႉ ၶဝ်ၸင်ႇၶဝ်ႈ ထိုင်ၼႂ်း ၽဝမၼုသ(ၵူၼ်း) လႄႈၶဝ်ၸင်ႇလႆႈပဵလ်ၸၵႃမၵုင် ဢၼ်ပဵၼ်ၶွင် မၼုသ (ၵူၼ်း)ၼၼ်ႉ ။

ၽရၢမ်း ! ၸိူင်ႉၼင်ႇ ပူၵ်ႉၵူဝ်ႇမၢင်ၸိူဝ်းၼႂ်းလေႃးၵၼႆႉ ပဵၼ်ၽူႈဝေႈ ၵႆလွင်ႈၶႃႈ သတ်း …မီး တၢင်းႁၼ်ထိုင်ထုၵ်ႇမႅၼ်ႈ လႄႈ ၶဝ်လူႇတၢၼ်း ၶဝ်ႈၼမ်ႉ…ၾႆး လႅင်းတီႈသမၼရႁၢၼ်းၶဝ် ပူၵ်ႉၵူလ်ႇ ၼၼ်ႉမိူဝ်ႈတၢႆၵႂႃႇ ၸင်ႇၶဝ်ႈထိုင်ၽဝ တေႇဝတႃႇ ၵိူတ်ႇပဵၼ်တေႇဝတႃႇ ၶဝ်ႇၸင်ႇလႆႈ ပဵလ်ၸၵၢမ်ႇမၵုင်ႇ ဢၼ် ပဵၼ်ၶွင်တေႇဝတႃႇ ။

ၽရၢမ်း ! ၶေႃႈတီႈပူၵ်ႉၵူလ်ႇၽူႈဝေႈၵႆလွင်ႈၶႃႈသတ်း…မီးတၢင်းႁၼ်ထုၵ်ႇမႅၼ်ႈ လူၺ်ႈၵၢမ်ႇၼၼ်ႉ မိူဝ်ႈတၢႆၵႂႃႇ ၶဝ်ၸင်ႇၶဝ်ႈထိုင်ၽဝပဵၼ်တေႇဝတႃႇ လႄႈ ၶႃႈတီႈပူၵ်ႉၵူဝ်ႇၼၼ်ႉပဵၼ်ၽူႈလူႇတၢၼ်းၶဝ်ႈၼမ်ႉ … ၾႆးလႅင်း တီႈသမၼ ရႁၢၼ်းၶဝ် လူၺ်ႈၵၢမ်ႇၼၼ်ႉၶဝ်ၸင်ႇလႆႈပဵလ်ၸၵႃမၵုင် ဢၼ်ပဵၼ်ထိပ်ႉ ၼႂ်းမိူင်းတေႇဝလေႃးၵၼၼ်ႉ

ၽရၢမ်း ! ၵွပ်ႈၸိူင်ႉၼႆ ထႃယူၵ်ႉၵေႃႈဢမ်ႇပဵၼ်ၽူႈဢမ်ႇမီးၽႂ် ။

-------------------------

ၶေႃႈမုလ်းဢၢင်ႈဢိင်ပီတၵၢတ်ႈၽၢႆႇထႆး -ปาลี. ทสก. อํ. ๒๔/๒๙๐/๑๖๖