မၢၵ်;ၵၢင်ႇပႅတ်ႇပႃးၵႄႈၵၢမ်ႇလႆႈ
ၸိူဝ်းႁဝ်းတၢင်းလၢႆဢမ်ႇထိုင်တီႈၵတ်းယဵၼ်လႆႈ
ၵွပ်ႈႁဝ်းဢမ်ႇပႆ ၸွမ်း သဵၼ်ႈတၢင်း ဢမတထမ်းယဝ်ႉ။
ဝၼ်းၶိုၼ်းပူၼ်ႉၵႂႃႇလၢႆလၢႆ ႁဝ်းႁဵတ်းသင်ယူႇ ၵွပ်ႈႁဝ်းဢမ်ႇႁူႉၸႅင်ႈၼႂ်း
ၶေႃႈထမ်း တြႃးၽြႃးပဵၼ်ၸဝ်ႈသေ ႁႃတီႈပိုင်ႈမီးၽိတ်းတၢင်းယုမ်ႇယမ်ၽိတ်း ၼၼ်ႉယဝ်ႉ သင်ဝႃႈမီးတၢင်းလိူတ်ႇမႆႈ
မီးလွင်ႈတုၵ်ႉၶ ၼႆသမ်ႉ ဢွၼ်ၵၼ် ႁႃပိုင်ႈၽိတ်းၸိူင်ႉၼင်ႇမေႃလူမေႃတႂၵ်ႈ
မေးၵျူဝ်ႇမေးၵိင်း ယူႇၸိူင်ႉၼၼ်။
လွင်ႈလိူတ်ႈမႆႈ လႄႈလွင်ႈတုၵ်ႉၶၼႆႉမၼ်းပဵၼ်ၶွင်ၽႂ်မၼ်းၽႂ်ပဵၼ်တၢင် ၽႂ်ဢမ်ႇလႆႈ ၽႂ်ၶၢမ်ႇတၢင်ၽႂ်ဢမ်ႇလႆႈ
လႄႈ ဢမ်ႇမီးၽႂ်ဢၼ်တေႁဵတ်း ႁႂ်ႈမၼ်းယဵၼ်
ႁၢႆၵႂႃႇလႆႈ လိူဝ်သေတူဝ်ၸဝ်ႈၵဝ်ႇမေးဢဝ်ႁင်းၵူၺ်း
တေတႆႈတဵၼ်းတႆႈဢၢင်းသေႁဵတ်းႁႂ်ႈလွင်ႈလိူတ်ႈမႆႈ
လွင်ႈတုၵ်ႉၶႁဝ်း ၼၼ်ႉ ႁၢႆၵႂႃႇ ၼၼ်ႉဢမ်ႇပဵၼ်လႆႈ မၼ်းပဵၼ်ၵၢမ်ႇၽႂ်ၵၢမ်ႇမၼ်း ႁဵတ်း ပဵၼ်မႃးၵူၺ်း လၢႆးၵႄႈၵၢမ်ႇဢမ်ႇလီၼၼ်ႉမုၼ်ၶမ်းၽြႃးပဵၼ်ၸဝ်ႈသင်သွၼ်ဝႆႉပၼ်ယူႇ ၼၼ်ႉ ပဵၼ်ၶေႃႈထမ်း ဢရိယမၢၵ်ႈၵၢင်ႇပႅတ်ႇပႃး ၼႆႉယဝ်ႉ ။
႑ သမ်မႃတိၵ်ႉထိ - လွင်ႈႁၼ်ထိုင်ထုၵ်ႇမႅၼ်ႈ
ႁူႉၼႂ်းတုၵ်ႉၶသႅတ်ႉၸႃႇ ၊ သမုတယသႅတ်ႉၸႃႇ ၊ ၼိရေႃးထသႅတ်ႉၸႃႇ ၊
မၵ်းၵသႅတ်ႉၸႃႇ လူၺ်ႈပၺ်ႇၺႃႇ ။
႒ သမ်မႃသင်ၵပ - လွင်ႈဝူၼ်ႉထုၵ်ႇမႅၼ်ႈ
ဝူၼ်ႉႁႃလၢႆးတၢင်းဢွၵ်ႇပူၼ်ႉၼႂ်းဝူတ်ႈၵၢမ်ႇၵူႈပိူင် ။
႓ သမ်မႃဝႃၸႃ - လွင်ႈလၢတ်ႈၸႃထုၵ်ႇမႅၼ်ႈ
ဢမ်ႇလၢတ်ႈၸႃႁႂ်ႈတုမ်ႉတိူဝ်ႉၽႂ်ၵူႈပိူင်
ဢမ်ႇလၢတ်ႈၸႃဝၢတ်ႇလွမ်ႉႁႂ်ႈမီးၵူၼ်းယုမ်ႇ ။
႔ သမ်မႃၵမၼ်တႃ - လွင်ႈႁဵတ်းသၢင်ႈထုၵ်ႇမႅၼ်ႈ
ဢမ်ႇၶႃႈႁႅမ်သၢႆၸႂ် ဢမ်ႇလၵ်ႉဢမ်ႇၸူၼ်
ဢမ်ႇၵူတ်ႉၽူဝ်ၵူတ်ႉမေးပိူၼ်ႈ ။
႕ သမ်မႃဢႃၸီဝ - ႁႃလဵင်ႉတွင်ႉထုၵ်ႇမႅၼ်ႈ
ဢမ်ႇႁဵတ်းၼႃႈၵၢၼ်ပႅတ်ႉလႅၼ် ဢမ်ႇၵျေႃးၵဝ်း
ဢမ်ႇမဝ်းမိင်း လွၵ်ႇငိုတ်ႈ တဵၵ်းတဵင် ၽူႈၵူၼ်းလႄႈသတ်း ။
႖ သမ်ႇမႃဝႃယႃမ - လွင်ႈၶတ်းၸႂ်ထုၵ်ႇမႅၼ်ႈ
ၶတ်းၸႂ်ႁေႉၵင်ႈလွင်ႈၵၢၼ်ဢၵုသူလ်ႇတၢင်းလၢႆဢမ်ႇႁႂ်ႈၵိူတ်ႇပဵၼ်မႃး
ၽႃႈဝၢင်းပႅတ်ႈၵၢၼ်ဢၵုသူလ်တၢင်းလၢႆဢၼ်ႁဵတ်းယူႇ
ၶတ်းၸႂ်ႁဵတ်းၵၢၼ်ၵုသူလ် ဢၼ်ဢမ်ႇပႆႇပဵၼ်မႃးၵေႃႈႁႂ်ႈပဵၼ်မႃး
ၵၢၼ်လီၵုသူလ်ႇဢၼ်ႁဵတ်းယူႇၵေႃႈႁႂ်ႈငွၵ်ႈငၢမ်းၶိုၼ်ႈ
႗ သမ်မႃသတိ - လွင်ႈမီးသတိထုၵ်ႇမႅၼ်ႈ
မီးသတိတင်ႈမၼ်ႈပႂ်ႉပႃး ႁူႉၸွမ်းတူဝ်ၵႃႇယၶၼ်ႇထႃႇ
မီးသတိတင်ႈမၼ်ႈပႂ်ႉပႃး ႁူႉၸွမ်း ဝေႇတၼႃႇ
မီးသတိတင်ႈမၼ်ႈပႂ်ႉပႃး ႁူႉၸွမ်းၸိတ်ၸႂ်
မီးသတိတင်ႈမၼ်ႈပႂ်ႉပႃး ႁူႉၸွမ်းထမ်း တြႃး
႘ သမ်မႃသမ်မႃထိ - လွင်ႈမၼ်ႈၼိမ်ထုၵ်ႇမႅၼ်ႈ
ႁႂ်ႈၶဝ်ႈထိုင်ၼႂ်းသၢၼ်ႇတြႃး 4 ပႃး
ပထမသၢၼ်ႇ ၊ တုတိယသၢၼ်ႇ ၊ တတိယသၢၼ်ႇ ၊ ၸတုထသၢၼ်ႇ
မိူဝ်ႈႁွတ်ႈထိုင်တီႈၼႆႈယဝ်ႉတၢင်းတုၵ်ႉၶလူင်ၵူႈသမ်ႇသႅၼ်ပိူင်ၼၼ်ႉတေမူတ်းႁၢႆၵႂႃႇယူႇယဝ်ႉ။
0 comments:
แสดงความคิดเห็น