ဢမ်ႇထုၵ်ႇလီႁေႉႁၢမ်ႈၽူႈၵူၼ်းလူႇတၢၼ်း ၊ မႅင်ႇပၼ်

 

ဢမ်ႇထုၵ်ႇလီႁေႉႁၢမ်ႈၽူႈၵူၼ်းလူႇတၢၼ်း ၊ မႅင်ႇပၼ်

ၶေႃႈမုလ်းပီတၵၢတ်ႈၽၢႆႇထႆးข-ปาลิ. ดิก. อํ. ๒๐/๒๐๕/๔๙๗.

 

ၽြႃးပဵၼ်လၢတ်ႈတီႈၸဝ်ႈ ဝၸ်ႉသျ ဝႃႈ -

ဝၸ်ႉသျ ! ၽူႈလႂ်ႁၢမ်ႈၽူႈၵူၼ်း လူႇတၢၼ်း မႅင်ႇပၼ် ၽူႈၼၼ်ႉၸိုဝ်ႈဝႃႈပဵၼ် ဢမိတ်ႉ  ပဵၼ်ၽူႈႁဵတ်းႁၢႆႉတေႃႇ သၢမ်လွင်ႈၸိူဝ်းၼႆႉ

(႑) ႁဵတ်းႁၢႆႉတေႃႇ ၸေႇတၼႃႇလီ ၶွင်ထႃယူၵ်ႉ (ၽူႇလူႇတၢၼ်း ၽူႈမႅင်ႇပၼ်)

(႒) ႁဵတ်းႁၢႆႉတေႃႇသုၼ်ႇလၢပ်ႈၶွင် ပတိၶႃႁူၵ် (ၽူႈႁပ်ႉ)

(႓) တူဝ်ၸဝ်ႈၵဝ်ႇၵေႃႈၶိုၼ်းႁဵတ်းႁၢႆႉတူဝ်ၵဝ်ႇၶိုၼ်း

 

ဝၸ်ႉသျ ! ၽူႈဢၼ်ႁၢမ်ႈၽူႈၵူၼ်း ယိုၼ်ႈမႅင်ႇ လူႇတၢၼ်း ၸိုဝ်ႈဝႃႈပဵၼ် ဢမိတ်ႉ ပဵၼ်ၽူႈႁဵတ်းႁၢႆႉတေႃႇသၢမ်လွင်ႈၼႆႉယဝ်ႉ ။

ဝၸ်ႉသျ ! ႁဝ်းၸိုင်ၵၢဝ်ႇၼင်ႇၼႆဝႃႈ ၽူႈလႂ်ထွၵ်ႇၼမ်ႉလၢင်ႉမေႃႈ ၼမ်ႉလၢင်ႉဝၢၼ်ႇၵေႃႈယဝ်ႉ လူင်းၼႂ်းၼမ်ႉငႂ်ႈ ဢမ်ႇၼၼ် တၢင်းၼမ်ႉငႂ်ႈလႆ ဢၼ်မီးတူဝ်သတ်းၵိူတ်ႇၼႂ်းၵူမ်ႇငႂ်ႈၼၼ်ႉ လူၺ်ႈဝူၼ်ႉဝႃႈ သတ်းၸိူဝ်းယူႇၼႂ်းၵူမ်ႇငႂ်ႈၼၼ်ႉလႆႈၵိၼ်လဵင်ႉသၢႆၸႂ် ၸိူင်ႉၼႆယဝ်ႉ ႁဝ်းၸိုင် ၵၢဝ်ႇဝႃႈပဵၼ်တၢင်းမႃးၶွင်မုၼ်ၵုသူလ်ႇ ၵွပ်ႈလွင်ႈၸိူင်ႉၼၼ် ဢမ်ႇလူဝ်ႇထၢမ်ထိုင်လွင်ႈမႅင်ႇပၼ်ၼႂ်း ၽူႈၵူၼ်းမိူၼ်ၵၼ်ၼင်ႇၼႆ ။

 

မိတ်ႉ = ဢူၺ်းလီ

ဢမိတ်ႉ = ဢမ်ႇၸႂ်ႈဢူၺ်းလီ