ၵူၼ်းတူၵ်းၼမ်ႉၸဵတ်းပိူင်

 

ၵူၼ်းတူၵ်းၼမ်ႉၸဵတ်းပိူင်

ၶေႃႈမုလ်းပီတၵၢတ်ႈၽၢႆႇထႆး สตฺตก. อํ. ๒๓/๑๐/๑๕.

 

ၽိၵ်ၶူတၢင်းလၢႆ! ပူၵ်ႉၵူဝ်ႇတႅၵ်ႈၼင်ႇပူၵ်ႉၵူလ်ႇတူၵ်းၼမ်ႉၸဵတ်းပိူင်ၸိူဝ်းၼႆႉမီးယူႇ ႁႃလႆႈယူႇၼႂ်းလေႃးၵၼႆႉ ပူၵ်ႉၵူလ်ႇၸဵတ်းပိူင်ပဵၼ်ၼင်ႇႁိုဝ်?

(႑)  ပူၵ်ႉၵူလ်ႇမၢင်ၵေႃႉၸူမ်ၼမ်ႉယဝ်ႉၵေႃႈၸူမ်ႁၢႆၵႂႃႇ

(႒)  ပူၵ်ႉၵူလ်ႇမၢင်ၵေႃႉ ၽူတ်းၶိုၼ်ႈၵမ်းၼိုင်ႈသေၸူမ်ႁၢႆၵႂႃႇ

(႓)  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈမႃးယဝ်ႉၽူးဝႆႉယူႇ

(႔)  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈမႃးယဝ်ႉဝၢႆႇတူၺ်းမုင်ႈတူၺ်းၸွမ်းႁိမ်းႁွမ်း

(႕)  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈမႃးယဝ်ႉလုၺ်းၶဝ်ႈႁႃၽင်ႇ

(႖)  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈမႃးယဝ်ႉလုၺ်းထိုင်တီႈတိုၼ်ႈ

(႗)  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈယဝ်ႉထိုင်ၽင်ႇၶိုၼ်ႈၵုင်းယဝ်ႉပဵၼ်ၾရၢမ်း

ၸုၵ်းယူႇ

 

(႑)  ၽိၵ်ၶူတၢင်းလၢႆ!

ပူၵ်ႉၵူလ်ႇၸူမ်ၼမ်ႉၵမ်းလဵဝ်ယဝ်ႉၵေႃႈၸူမ်ပႅတ်ႈၼၼ်ႉ  ပဵၼ်ၸိူင်ႉၼင်ႇႁိုဝ်?

 

ၽိၵ်ၶူႇတၢင်းလၢႆ !

ပူၵ်ႉၵူလ်ႇၸိူင်ႉၼႆၼႆႉ ၶိုင်ပွင်လူၺ်ႈၵုသူလ်ႇၽၢႆႇလဵဝ် လူၺ်ႈပိူင်လဵဝ်  ၸိူင်ႉၼႆၸင်ႇႁွင်ႉဝႃႈ  ၸူမ်ၼမ်ႉၵမ်းလဵဝ်ၵေႃႈၸူမ်ၵႂႃႇၼင်ႇၼၼ်ယဝ်ႉ ။

 

(႒)  ၽိၵ်ၶူတၢင်းလၢႆ! ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈၵမ်းၼိုင်ႈယဝ်ႉၸင်ႇ ၸူမ်ၼၼ်ႉ  ၼၼ်ႉ ပဵၼ်ၸိူင်ႉၼင်ႇႁိုဝ်?

 

ၽိၵ်ႉၶူတၢင်းလၢႆ! ပူၵ်ႉၵူလ်ႇမၢင်ၵေႃႉၸိူင်ႉၼင်ႇၼႆၼႆႉၽုတ်းၶိုၼ်ႈၼၼ်ႉမီးသထႃႇလီမီး သီလၵုသူလ်ႇတၢင်းလၢႆလီ မီးႁိရိလီ မီးဢေႃတပလီ မီးဝိရိယလီ

 

မီးပၺ်ၺႃႇလီ ၼႂ်းသီလၵုသူလ် တၢင်းလၢႆ ၊ ၵူၺ်းၵႃးသထႃႇပဵၼ်တူၼ်ႈၶွင်ၶဝ် ဢမ်ႇတင်ႈယူႇ

ႁိုင် ဢမ်ႇတိုဝ်းၵမ် ၸိူမ်ႈသဵင်ႈ ၵႂႃႇ ၸိူင်ႉၼႆၸင်ႇႁွင်ႉဝႃႈ ၽုတ်းၶိုၼ်ႈၵမ်း ၼိုင်ႈ သေၸူမ်ႁၢႆၵႂႃႇ ။

 

(႓)  ၽိၵ်ၶူတၢင်းလၢႆ!

ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈယဝ်ႉသေၽူးယူႇၼၼ်ႉ ပဵၼ်ၸိူင်ႉၼင်ႇႁိုဝ်?

 

ၽိၵ်ၶူတၢင်းလၢႆ!

ပူၵ်ႉၵူလ်ႇမၢင်ၵေႃႉၸိူင်ႉၼင်ႇၼႆၼႆႉၽုတ်းၶိုၼ်ႈၼၼ်ႉမီးသထႃႇလီမီးသီလ ၵုသူလ်ႇတၢင်းလၢႆလီ မီးႁိရိလီ မီးဢေႃတပလီ မီးဝိရိယလီ မီး ပၺ် ၺႃႇလီ ၼႂ်းသီလၵုသူလ် တၢင်းလၢႆလႄႈသထႃႇပဵၼ် တူၼ်ႈၶွင် ၶဝ်ဢမ်ႇ ၸိူမ်ႈ ဢမ်ႇႁိူင်ႈၵိူင်းတၢင်ႈမၼ်ႈယူႇ ၸိူင်ႉၼႆၸင်ႇႁွင်ႉဝႃႈ ၽုတ်း ၶိုၼ်ႈသေ ၽူးဝႆႉယူႇ (ဢမ်ၸူမ်) ။

 

(႔)  ၽိၵ်ၶူတၢင်းလၢႆ!  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈယဝ်ႉသေဝၢႆႇမုင်ႈတူၺ်း

ႁိမ်း ႁွမ်းယူႇၼၼ်ႉ ပဵၼ်ၸိူင်ႉၼင်ႇႁိုဝ်?

 

ၽိၵ်ၶူတၢင်းလၢႆ!

ပူၵ်ႉၵူလ်ႇၸိူင်ႉၼင်ႇၼႆၽုတ်းၶိုၼ်ႈၼႆႉမီးသထႃႇလီ မီးသီလ ၵုသူလ်ႇ တၢင်း လၢႆလီ မီးႁိရိလီ မီးဢေႃတပလီ မီးဝိရိယလီ မီးပၺ်ၺႃႇလီ ၼႂ်း သီလၵုသူလ် တၢင်းလၢႆ ၊ ပူၵ်ႉၵူလ်ႇၸိူင်ႉၼႆ ၵွပ်ႈသၺ်ယူတ်ႉသၢမ်သဵင်ႈ ယဝ်ႉ ၊ ပဵၼ်သေႃးတႃႇ ပၢၼ်ႇယဝ်ႉ ဢမ်ႇမီးလွင်ႈတူၵ်းတႅမ်ႇပဵၼ်ထံမတႃႇ ပဵၼ် ၽူႈတဵင်ႈတႄႉတေႃႇ ၼိပ်ႉပၢၼ်ႇယဝ်ႉ မီးၵၢၼ်ႁူႉ ၸႅင်ႈၼႂ်းၽၢႆႇၼႃႈ ၸိူင်ႉ ၼႆႉလႄႈ ႁွင်ႉဝႃႈၽုတ်း ၶိုၼ်ႈယဝ်ႉ ဝၢႆႇတူၺ်းၸွမ်းႁိမ်းႁွမ်းယူႇ ။

 

(႕)ၽိၵ်ၶူတၢင်းလၢႆ!

ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈလုၺ်းၶဝ်ႈႁႃၽင်ႇယူႇၼၼ်ႉ ပဵၼ်ၸိူင်ႉၼင်ႇႁိုဝ်?

ၽိၵ်ၶူတၢင်းလၢႆ!ပူၵ်ႉၵူလ်ႇၸိူင်ႉၼင်ႇၼႆၽုတ်းၶိုၼ်ႈၼႆႉ မီးသထႃႇလီ မီးသီလ ၵုသူလ်ႇ တၢင်း လၢႆလီ မီးႁိရိလီ မီးဢေႃတပလီ မီးဝိရိယလီ မီးပၺ်ၺႃႇလီ ၼႂ်း သီလၵုသူလ် တၢင်းလၢႆ ၊ ပူၵ်ႉၵူလ်ႇၸိူင်ႉၼႆ ၵွပ်ႈသၺ်ယူတ်ႉသၢမ် သဵင်ႈယဝ်ႉ ၊ၵွပ်ႈရႃၶ လေႃးၽ တေႃးသ  မေႃးႁ မဝ်မၢင် ပဵၼ် သၵထႃၶႃမီ မႃးသူႇ လေႃးၵၼႆႉထႅင်ႈပွၵ်ႈလဵဝ် သေ ၶဝ်ႈ သူႇ မၢၵ်ႈၽူလ်ႇ ၼိပ်ႉပၢၼ်ႇ ၸိူင်ႉၼႆ ၸင်ႇႁွင်ႉဝႃႈ ၽုတ်းၶိုၼ်ႈယဝ်ႉ လုၺ်းၶဝ်ႈႁႃၽင်ႇ ။

 

(႕)ၽိၵ်ၶူတၢင်းလၢႆ!  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈယဝ်ႉပႆၶဝ်ႈထိုင်တီႈ တိုၼ်ႈယဝ်ႉၼၼ်ႉ ပဵၼ်ၸိူင်ႉၼင်ႇႁိုဝ်?

 

ၽိၵ်ၶူတၢင်းလၢႆ!

ပူၵ်ႉၵူလ်ႇမၢင်ၸိူဝ်းၼင်ႇၼႆၽုတ်းၶိုၼ်ႈၼႆႉ မီးသထႃႇလီ မီးသီလ ၵုသူလ်ႇ တၢင်းလၢႆလီ မီးႁိရိလီ မီးဢေႃတပလီ မီးဝိရိယလီ မီးပၺ်ၺႃႇလီ ၼႂ်းသီလ ၵုသူလ် တၢင်းလၢႆ ၊ ပူၵ်ႉၵူလ်ႇၼႆႉ ၵွပ်ႈဢူဝ်ရံပႃၶီယသၺ်ယူတ်ႉ ႁႃႈသဵင်ႈယဝ်ႉ ၊ ပဵၼ်ဢူဝ်ပပႃတိၵ သေ ပရိၼိပ်ႉပၢၼ်ၼႂ်းၽဝၼၼ်ႉ ဢမ်ႇလႆႈပွၵ်ႈၶိုၼ်း ၼႂ်း လေႃးၵလူင်ၼႆႉပဵၼ်ထံမတႃႇ ၸိူင်ႉၼႆၸင်ႇဝႃႈ ၽုတ်းၶိုၼ်ႈယဝ်ႉပႆၶဝ်ႈ ၸူးတီႈ တိုၼ်ႈ ။

 

(႗)ၽိၵ်ၶူတၢင်းလၢႆ!  ပူၵ်ႉၵူလ်ႇမၢင်ၵေႃႉၽုတ်းၶိုၼ်ႈယဝ်ႉထိုင်ၽင်ႇပႆၶိုၼ်ႈ ၵုင်းယဝ်ႉသေပဵၼ်ၽရၢမ်းၸုၵ်းယူႇ ပဵၼ်ၸိူင်ႉၼင်ႇႁိုဝ်?

 

ၽိၵ်ၶူတၢင်းလၢႆ!

ပူၵ်ႉၵူလ်ႇမၢင်ၸိူဝ်းၼင်ႇၼႆၽုတ်းၶိုၼ်ႈၼႆႉ မီးသထႃႇလီ မီးသီလ ၵုသူလ်ႇ တၢင်းလၢႆလီ မီးႁိရိလီ မီးဢေႃတပလီ မီးဝိရိယလီ မီးပၺ်ၺႃႇလီ ၼႂ်းသီလ ၵုသူလ် တၢင်းလၢႆ ၊ ပူၵ်ႉၵူလ်ႇၼၼ်ႉ လႆႈႁဵတ်းႁႂ်ႈၸႅင်ႈထိုင် ၸေတူဝ်ဝိမုတ်တိ ပၺ်ၺႃဝိမုတ် ဢၼ်ႁႃ ဢႃသဝ ဢမ်ႇမီးယဝ်ႉ ပဵၼ် ဢရႁၼ်တႃ ၵွပ်ႈဢႃသဝ

တၢင်းလၢႆ သုတ်း သဵင်ႈ ႁၢႆ လူၺ်ႈပၺ်ၺႃ ဢၼ်တွၼ်းလိူဝ်ၼႂ်းထိထ်ထထံၼႆႉ ၶဝ်ထိုင်ယဝ်ႉၼင်ႇၼႆ ၸင်ႇႁွင်ႉဝႃႈ ၽုတ်းၶိုၼ်ႈယဝ်ႉꩪိုင်ၽင်ႇ ၶၢမ်ႈပႆၶိုၼ်ႈၵုင်း ပဵၼ်ၾရၢမ်း (သမၼ ရႁၢၼ်း) ၸုၵ်းယူႇ။

 

ၽိၵ်ႉၶူတၢင်းလၢႆ !

ၸိူဝ်းၼႆႉယဝ်ႉပူၵ်ႉၵူလ်ႇတႅၵ်ႈၵၼ်တၢင်းပူၵ်ႉပူလ်ႇတူၵ်းၼမ်ႉၸဵတ်းပိူင် ။