ၵၢမ်ႇႁဵတ်းပဵၼ်လႆႈၵူႈပိူင်

 

ၵၢမ်ႇႁဵတ်းပဵၼ်လႆႈၵူႈပိူင်

 

ၵိူတ်ႇပဵၼ်ၶုၼ်ၽီၶုၼ်သၢင် တေႇဝတႃႇၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်ၸဝ်ႈႁေႃသႅင်ၸဝ်ႈႁေႃၶမ်းၸဝ်ႈၾ ၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်ၸဝ်ႈပဵၼ်ၶုၼ်ၵေႃႈယွၼ်ႉပိူဝ်ႈၵၢမ်ႇ

ၵိူတ်ႇမႃးပဵၼ်ၶီႈၶႃႈၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်သိုၵ်းၵေႃႈယွၼ်ႉပိူဝ်ႈၵၢမ်ႇ

ၵိူတ်ႇမႃးပဵၼ်ၸူၼ်ၵေႃႈယွၼ်ႉပိူဝ်ႈၵၢမ်ႇ

ၵိူတ်ႇမႃးပဵၼ်ၵူၼ်းႁၢင်ႈလီၵေႃႈယွၼ်ႉပိူဝ်ႈၵၢမ်ႇ

ၵိူတ်ႇမႃးပဵၼ်ၵူၼ်းႁၢင်ႈၸႃႉၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်သထေး ၵူၼ်းမၢၵ်ႈမီးၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်ၵူၼ်းၵွတ်းၽၢၼ်ၵေႃႈယွၼ်ႉပိူဝ်ႈၵၢမ်ႇ

ၵိူတ်ႇပဵၼ်ၽီပိၵ်ႉတႃႇဢသူႇရၵေႇၵေႃႈယွၼ်ႉပိူဝ်ႈၵၢၼ်ႇ

ၵိူတ်ႇပဵၼ်သတ်းတရိၵ်ႉသၢၼ်ႇၵေႃႈယွၼ်ႉပိူဝ်ႈၵၢမ်ႇ

ၵူၼ်းၵေႃႉၼိုင်ႈလႄႈၵေႃႉၼိုင်ႈလႆႈႁၵ်ႉၵၼ်ၵေႃႉယွၼ်ႉပိူဝ်ႈၵၢမ်ႇ

ၵူၼ်းၵေႃႉၼိုင်ႈလႄႈၵေႃႉၼိုင်ႈလႆႈပဵၼ်ၽူဝ်မေးၵၼ်ၵေႃႈယွၼ်ႉပိူဝ်ႈၵၢမ်ႇ

ၵူၼ်းၵေႃႉၼိုင်ႈလႄႈၵေႃႉၼိုင်ႈၸၢၼ်ႈၸင်းၵၼ်ၵေႃႈယွၼ်ႉပိူဝ်ႈၵၢမ်ႇ

ၵွပ်ႈၸိူင်ႉၼၼ်လႄႈ

 

ယႃႇၶွႆၸိူဝ်းပိူၼ်ႈႁၢင်ႈလီ ယႃႇၶွႆၸိူဝ်းပိူၼ်ႈမၢၵ်ႈမီး ယႃႇၶွႆၸိူဝ်းပိူၼ်ႈပဵၼ်သထေး ယႃႇၶွႆၸိူဝ်းပိူၼ်ႈပဵၼ်ၸဝ်ႈပဵၼ်ၶုၼ်ယူႇ ၵွပ်ႈႁဝ်းၵေႃႈယၢမ်ႈပဵၼ်ၵူၼ်းႁၢင်ႈလီမႃးယဝ်ႉ ယၢမ်ႈပဵၼ်ၵူၼ်းမၢၵ်ႈမီး ယၢမ်ႈပဵၼ်သထေး ယၢမ်ႈပဵၼ်ၸဝ်ႈပဵၼ်ၶုၼ်မႃးယဝ်ႉ ။

 

ႁၼ်ၸိူဝ်းပိူၼ်ႈတူၵ်းတႅမ်ႇ ပဵၼ်ၵူၼ်းၵွတ်းၽၢၼ် ပဵၼ်ၵူၼ်းယွၼ်း ပဵၼ်ၵူၼ်း တုၵ်ႉၶိတ ၵူၼ်းယွင်ႇ ၵူၼ်းဢ ၵူၼ်းႁူၼူၵ်ႇ တႃမွတ်ႇၸိူဝ်းၼၼ်ႉ ၵေႃႈဢမ်ႇ ထုၵ်ႇ လီ  ပႅင်းၸင်း ၵွပ်ႈႁဝ်းၵေႃႈယၢမ်ႈပဵၼ်ၸိူင်ႉၼၼ်မႃးယဝ်ႉ ၼပ်ႉၸၢတ်ႈပၢၼ် ဢမ်ႇ လႆႈ ။

 

 

ၼိူဝ်ၽႅၼ်ႇလိၼ်မိူင်းၼႆႉဢမ်ႇမီးတီႈလႂ်ဢၼ်ဢမ်ႇၸႂ်ႈတီႈယူႇၵဝ်ႇႁဝ်းဢမ်ႇမီးတီႈလႂ် ဢၼ်ဢမ်ႇၸႂ်ႈတီႈၽင်တူဝ်တၢႆႁဝ်းဢမ်ႇမီး။

 

သတ်းလႄႈၵူၼ်းတၢင်းလၢႆ ဢၼ်ဢမ်ႇယၢမ်ႈၵပ်းၵၢႆႇပဵၼ် ပီႈၼွင်ႉၵၼ် ၼၼ်ႉ ဢမ်ႇမီး၊ သတ်းလႄႈၵူၼ်းတၢင်းလၢႆ ဢၼ်ဢမ်ႇယၢမ်ႈပဵၼ်မႄႈလုၵ်ႈ ပေႃႈ လုၵ်ႈၵၼ် ဢမ်ႇမီး

 

သတ်းတၢင်းလၢႆဢၼ်ဢမ်ႇယၢမ်ႈပဵၼ်ၵူႈႁၵ်ႉၽူဝ်မေးၵၼ်ၼၼ်ႉဢမ်ႇမီး

သတ်းတၢင်းလၢႆဢၼ်ဢမ်ႇယၢမ်ႈပဵၼ် ၽူႈၶဵၼ်ၵၼ်ၼၼ်ႉဢမ်မီး

 

ယႃႇမိုင်ႉယွၼ်းသူဝႃႈ ႁႂ်ႈလႆႈမိူဝ်းပဵၼ် ၶုၼ်ၽီ ၶုၼ်သၢင် တေႇဝတႃႇ ယူႇယဝ်ႉ ၶုၼ်ၽီ ၶုၼ်သၢင်တေဝတႃႇ ၸိူဝ်းၼၼ်ႉ ႁဝ်းယၢမ်ႈလႆႈပဵၼ်မႃး ယဝ်ႉၼပ်ႉ ၸၢတ်ႈပၢၼ်ဢမ်ႇလႆႈ ။

 

ယႃႇမိုင်ႉယွၼ်းသူးဝႃႈ ႁႂ်ႈလႆႈပဵၼ်ၸဝ်ႈ ပဵၼ်ၶုၼ်ယူႇယဝ်ႉလႃႈ ၸဝ်ႈႁေႃသႅင်

ၸဝ်ႈႁေႃၶမ်း ၸဝ်ႈၾ ၸိူဝ်းၼႆႉႁဝ်းယၢမ်ႈပဵၼ်မႃးယဝ်ႉၼပ်ႉၸၢတ်ႈ  ပၢၼ် ဢမ်ႇလႆႈ

 

ယႃႇမိုင်ႉယွၼ်းသူးႁႂ်ႈလႆႈပဵၼ်ၶုၼ်ႁၢၼ်ၶုၼ်သိုၵ်းယူႇယဝ်ႉလႃႈ ႁဝ်းယၢမ်ႈ လႆႈပဵၼ်မႃးယဝ်ႉၼပ်ႉၸၢတ်းပၢၼ်ဢမ်ႇလႆႈ ။

 

ယႃႇမိုင်ႉယွၼ်းသူးဝႃႈႁႂ်ႈလႆႈပဵၼ်ၽူႈယႂ်ႇၵူၼ်းလူင်ယူႇယဝ်ႉလႃႈ  ႁဝ်းယၢမ်ႈ လႆႈပဵၼ်မႃးယဝ်ႉၼပ်ႉၸၢတ်ႈပၢၼ်ဢမ်ႇလႆႈ ။

 

ယႃႇမိုင်ႉယွၼ်းသူးႁႂ်ႈလႆႈပဵၼ်သထေးၵူၼ်းမီးယူႇယဝ်ႉလႃႈ ႁဝ်းယၢမ်ႈလႆႈ ပဵၼ်မႃးယဝ်ႉၼပ်ႉၸၢတ်ႈပၢၼ်ဢမ်ႇလႆႈ ။

 

ယႃႇမိုင်ႉယၼ်းသူးႁႂ်ႈလႆႈပဵၼ်ၵူၼ်းႁၢင်ႈလီႁၢင်ႈလဝ်းယူႇယဝ်ႉလႃႈ ႁဝ်းယၢမ်ႈလႆႈပဵၼ်ၵူၼ်းႁၢင်လီႁၢင်ႈလဝ်းမႃးယဝ်ႉၼပ်ႉၸၢတ်ႈပၢၼ် ဢမ်ႇလႆႈ။

 

ယႃႇၸၢၼ်ႈၸင်းၵူၼ်းႁၢင်ႈၸႃႉယူႇယဝ်ႉလႃႈ ႁဝ်းၵေႃႈယၢမ်ႈပဵၼ်ၵူၼ်းႁၢင်ႈ ၸႃႉမႃးယဝ်ႉၼပ်ႉၸၢတ်ႈပၢၼ်ဢမ်ႇလႆႈ ။

 

ယႃႇၸၢၼ်ႈၸင်းၵူၼ်းၵွတ်းၽၢၼ်ယူႇယဝ်ႉလႃႈ ႁဝ်းၵေႃႈယၢမ်ႈၵိူတ်ႇ ပဵၼ် ၵူၼ်း ၵွတ်းၽၢၼ်မႃးယဝ်ႉၼပ်ႉၸၢတ်ႈပၢၼ်ဢမ်ႇလႆႈ ၽီပိၵ်ႉတႃႇ ဢသူႇရၵေႇ ႁဝ်းၵေႃႈယၢမ်ႈပဵၼ်မႃးယဝ်ႉ ၼပ်ႉၸၢတ်ႈပၢၼ်ဢမ်ႇလႆႈ ။

 

သတ်းတရိၵ်ႉသၢၼ်ႇၵူႈမဵဝ်းၸိူဝ်းၼၼ်ႉ ႁဝ်းယၢမ်ႈၵိူတ်ႇပဵၼ်မႃးယဝ်ႉ ၼပ်ႉ ၸၢတ်ႈပၢၼ်ဢမ်ႇလႆႈ ။

 

မေႃႈငရၢႆးၵေႃႈႁဝ်းလႆႈတူၵ်းမႃးယဝ်ႉၼပ်ႉၸၢတ်ႈပၢၼ်ဢမ်ႇလႆႈ ။

 

ၵွပ်ႈၸိူင်ႉၼင်ႇၼႆလႄႈ ထုၵ်ႇလီၶိုင်ပွင်ႁႃသဵၼ်ႈတၢင်းဢွၵ်ႇ ပူၼ်ႉၼႂ်း လေႃးၵ သမ်ႇသႃႇရႃႇ လွင်ႈၵိူတ်ႇထဝ်ႈၸဵပ်းတၢႆလူင်ၼႆႉႁႂ်ႈ လႆႈၼႂ်းၸူဝ်ႈ ၸၢတ်ႈၼႆႉသေ ၵမ်း ဢမ်ႇထုၵ်ႇလီမုင်ႈမွင်း ဝႃႈပႂ်ႉႁႂ်ႈၸဝ်ႈဢရိမိတ်ႉ တေႇယ မႃးၶျွတ်ႈယဝ်ႉ ၸင်ႇၵွႆႈႁဵတ်းၵၢၼ်တၢင်းလီယူႇ ။

 

ၸူဝ်ႈၵႃႈသႃသၼႃႇၽြႃးပဵၼ်ၸဝ်ၵေႃႇတမ ယင်းတိုၵ်ႉမီးယူႇၼႆႉ ၸိူဝ်းႁဝ်း ႁႃး တၢင်းသဵင်းမီး ၶၢဝ်းယၢမ်းပဵင်းပေႃးပိူဝ်ႈတႃႇဢွၵ်ႇပူၼ်ႉၼႂ်းလေႃးၵသမ်ႇသရႃႇ လွင်ႈၵိူတ်ႈထဝ်ႈၸဵပ်းတၢႆ ၼႆႉလႆႈယူႇ ။

 

မိူဝ်ႈလဵဝ်ၽဝၵူၼ်းၵေႃႈလႆႈယဝ်ႉၽြႃးဢရႁံတႃသံမႃသံၿုတ်ႉထၵေႃႈၵိူတ်ႇၶိုၼ်ႈ မႃးၼႂ်းလေႃးၵၼႆႉ ယဝ်ႉ ထမ်းတြႃးဝိၼၺ်းၽြႃးပဵၼ်ၸဝ်ႈဢၼပိုၼ် ၽေႈ ဝႆႉၵေႃႈႁိူဝ်ႈ ႁိူင်းပိူင်းသႂ်ယဝ်ႉ သဵၼ်တၢင်းတႃႇၵႂႃႇႁွတ်ႈထိုင်လႆႈ ဢမတ ၼိပ်ႉပၢၼ် ၵေႃႈ ၽြႃးပဵၼ်ၸဝ်ႈၸီႉၼေ မွၵ်ႇၼေပၼ်ဝႆႉယဝ်ႉ ႁဝ်းတေပဵၼ် ၼႂ်းပၢႆၼဵပ်ႉမိုဝ်း ႁိုဝ် ပဵၼ်လိၼ်ၼႂ်းမႁႃပႃတပ်ၽီး ။