တူဝ်ၼပ်ႉလီ ဢမ်ႇလီ ၸွင်ႇမီး

 

တူဝ်ၼပ်ႉလီ ဢမ်ႇလီ ၸွင်ႇမီး

 

တူဝ်ၼပ်ႉ ႑ ႒ ႓ ႔ ႕ ႖ ႗ ႘ ႙ ႐ ဢမ်ႇမီးၽွၼ်းယွၼ်ႈတေႃႇၵူၼ်းလႆႈ

ၼၶၢတ်ႈ လိူၼ်လၢဝ် ဢမ်ႇမီးၽွၼ်းယွၼ်ႈတေႃႇၵူၼ်းႁဝ်းလႆႈ ၶၢဝ်းယၢမ်း လီ ဢမ်ႇလီ ဢမ်ႇမီးၽွၼ်းယွၼ်ႈတေႃႇၵူၼ်းႁဝ်ႈလႆႈ ဝၼ်းလီ ဢမ်ႇလီ ဢမ်ႇမီး ၽွၼ်းယွၼ်ႈတေႃႇၵူၼ်းႁဝ်ႈလႆႈ မၢႆၽူၼ်း မၢႆလူတ်ႉၵႃး မၢႆႁိူၼ်း မၢႆၽၢင် ဢမ်ႇမီးၽွၼ်း ယွၼ်ႈတေႃႇၵူၼ်းႁဝ်းလႆႈ

 

လွင်ႈတၢင်း တၢင်းမူတ်းတၢင်းသဵင်ႈၸိူဝ်းၼႆႉ မၼ်းပဵၼ်တၢင်း ဝူၼ်ႉ ၶွင် ၵူၼ်းမီးၸႂ်မိၵ်ႉ သႃႇတိၵ်ႉထိၶဝ် ၊ ပဵၼ်သဵၼ်ႈတၢင်းႁႃၵိၼ်ၶွင်ၵူၼ်းၸိူဝ်းမီး ၸႂ်မိၵ်ႉသႃတိၵ်ႉထိၶဝ် ၊ မၼ်းပဵၼ်တၢင်းဝူၼ်ႉၶွင် ၵူၼ်း ႁူဝ်မေႃ ဢၼ်ႁွင်ႉဝႃႈ သြႃႇမေႃလူ မေႃၽီ မေႃတႂၢၵ်ႈ မေႃတူၺ်းပေႇတၢင်ႇ ၵႃႇလႃးၶဝ် ဝူၼ်ႉၶိုင် ပွင် ႁဵတ်းပဵၼ်ဢဝ်ၵူၺ်း ၊ ဢမ်ႇၸႂ်ၽီသၢင်ၽၢၼ်ႇသၢင်းပဵၼ်ဢမ်ႇမီးသႃသၼႃ ပုတ်ႉထၽြႃးပဵၼ်ၸဝ်ႈသင်ဝႃႈမီးၵူၼ်းထူပ်းတၢင်းယၢပ်ႇၽိုတ်ႇသေၵႂႃႇၸူးၶဝ်ၼႆၸိုင် ၶဝ်တေ ဢဝ်လွင်ႈ တၢင်းၸိူဝ်းၼႆႉသေလွၵ်ႇငိုတ်ႈ ႁႂ်ႈလီယုမ်ႇ ႁႂ်ႈလီၵူဝ် သေယွမ်း ႁဵတ်း ၸွမ်းၼင်ႇၶဝ် ဢဵၼ်းဢၢၼ်း ။

လၢႆးၵႄႈၵၢမ်ႇဢမ်ႇလီ လၢႆးၵႄႈလွင်ႈတုၵ်ႉၶ ဢၼ်ထုၵ်ႇမႅၼ်ႈ ၼၼ်ႉသမ်မႃသမ် ပုတ်ႉထ ၽြႃးပဵၼ်ၸဝ်ႈ လႆႈတမ်းဝၢင်းဝႆႉပၼ်လီယဝ်ႉ ယုမ်ႇယမ်ၼပ်ႉ ထိုဝ် ၽြႃး တြႃးသင်ႇၶႃႇပဵၼ်သႃရၼတီႈပိုင်ႈဢၼ်လဵဝ် တိုဝ်းၵမ်သိလ်ႁႃႈႁႂ်ႈမၼ်ႈယူႇ တႃႇသေႇ  ၊  ၼင်ႈသမႃထိ  ၊  မီးသတိပၺ်ၺႃႇ ႁူႉၸွမ်းလွင်ႈႁဵတ်းသၢင်ႈၵူႈပိူင်

ႁူႉၸႅင်ႈၼႂ်း ဢရိယသႅတ်ႉၸႃႇသီႇပႃး လိူဝ်ၼႆႉယဝ်ႉၸင်ႇပဵၼ် ဢရိယပူၵ်ႇၵူလ်ႇ သေၶဝ်ႈထိုင်ၼိပ်ႉပၢၼ်ႇၼႂ်းၽဝ ၼႆႉၵေႃႈပဵၼ်လႆႈ ။

ၶတီႇ ၽူႈမီးၸႂ်မိၵ်ႉသႃႇတိၵ်ႉထိၶဝ် မိူၼ်ၼင်ႇ မေႃၽီ မေႃလူ မေႃတႂၵ်ႈ မေႃ တူၺ်းပေႇတၢင်ႇၵႃႇလႃး တႆႈတဵၼ်း တႆႈဢၢင်း မေးၵျူဝ်ႇမေးၵိင်း မေႃတူၺ်း ၼၶၢတ်ႈလိူၼ်လၢဝ် တူၺ်းၶိင်ႇတူၺ်းယၢမ်း လႄႈ ၽူႈယုမ်ႇယမ်ၼႂ်း မိၵ်ႉသႃႇ တိၵ်ႉထိတၢင်းလၢႆၶဝ် မိူဝ်ႈၸုတီ တၢႆၵႂႃႇယဝ်ႉ ၸင်ႇလႆႈဢုပၢတ်ႈၵိူတ်ႇၶိုၼ်ႈၼႂ်း ဢဝေႇၸိ ငရၢႆးၼၼ်ႉယူႇယဝ်ႉ ။

သင်ဝႃႈၶဝ်ၵတ်ႉၶႅၼ်ႇႁဵတ်းလႆႈတေႉၸိုင် လႆႈဝႃႈၶဝ်ၵတ်ႉၶႅၼ်ႇလိူဝ်သေ ၽြႃးပဵၼ်ၸဝ်ႈယဝ်ႉ။