วันพฤหัสบดีที่ 18 เมษายน พ.ศ. 2567

ၵၢမ်ႇၶွင်ၵၢၼ်ၽိတ်းသိလ် 5 သဵၼ်ႈ

 

ၵၢမ်ႇၶွင်ၵၢၼ်ၽိတ်းသိလ် 5 သဵၼ်ႈ

 

 

ၽိတ်း သိလ်ၶေႃႈထိ 1  =  ၶႃႈႁႅမ်ဢသၢၵ်ႈပိူၼ်ႈတၢႆ

{ ပႃၼႃတိပႃတႃဝေရမၼီ သိၵ်ၶႃပႃတံ သံမႃတိယံမိ }

႑. ပၢႆးယူႇလီဢမ်ႇတဵမ်ထူၼ်ႈ ၊ တၢင်းပဵၼ်ၼမ် ၊ ယႃယၢပ်ႇ ၊ ယႃဢမ်ႇႁၢႆ

႒. ၵႆႉထူပ်းၽေး ၊ ၽေးၵိုင်ႉၵၢင်ႉ ၊ ၽေးၸွမ်းၼႃႈၵၢၼ် ၊ ၽေးၸွမ်းတၢင်း ၽေးဢၼ်ယူႇလၢႆလၢႆၵေႃႈမီးၽေး ။

႓. လႅၵ်ႉၶၼႃႇတူဝ်ၶိင်းဢမ်ႇတဵမ်ထူၼ်ႈ ၊ ပဵၼ်တုၵ်ႉၶိတ ၊ ပဵၼ်ႁုတ်ႈပဵၼ်ႁဝ်ႈ ၊ ပဵၼ်တုတ်ႈ ၊ ပဵၼ်ၸဵပ်းယဵၼ်း ဢၼ်ဢမ်ႇၸၢင်ႈမေႃႁၢႆ ၊

႔. ၽၢၼ်ဢူႈၽၢၼ်မႄႈ ၊ ၽၢၼ်ပီႈၼွင်ႉ ၊ ၽၢၼ်ဢူၺ်းလီ

႕. ဢႃႇယု ဢသၢၵ်ႈပွတ်း ၊ လႆႈၶၢမ်ႇတၢင်းတုၵ်ႉၵွၼ်ႇတၢႆ ၊ တၢႆယၢပ်ႇ

႖. ဢပရၵ်ႉတူဝ်ၶိင်းဢမ်ႇမိူၼ်ပိူၼ်ႈ ၊ ပဵၼ်တိုင်ႇပဵၼ်ပူမ် ၸွမ်းၼႃႈ ၸွမ်းတူဝ် မီးၼိူဝ်လိူဝ်ၸွမ်းၼႃႈ ၸွမ်းတူဝ် ။

ၽိတ်း သိလ်ၶေႃႈထိ 2 = လၵ်ႉဢဝ်ၶူဝ်းၶွင်ပိူၼ်ႈမႃးပဵၼ်ၶွင်ႁဝ်း

{ ဢထိင်ၼႃတႃၼႃ ဝေရမၼိ သိၵ်ၶႃပတံ သမႃတိယံမိ }

႑ ၼႃႈၵၢၼ်တႃငၢၼ်းဢမ်ႇၶိုၼ်ႈယႂ်ႇ ၊ ၺႃးလိင်ႇလႅင် ၊ သုမ်းဢလၢင်း

႒. မီးလွင်ႈသုၵ်ႉသၵ်ႉလွင်ႈၵၢၼ်ငိုၼ်း ၊ မီးလွင်ႈဢၼ်ႁဵတ်းႁႂ်ႈသုမ်းငိုၼ်း လူၺ်ႈ ဢမ်ႇ မီးလွင်ႈမီးတၢင်း ၊

႓. ၶူဝ်းၶွင်ႁၢႆငၢႆႈ ၊ ၸၢင်ႈလူင်လိုမ်းၶူဝ်းၶွင် ၊ ႁွမ်ၶဝ်ႈငိုၼ်းဢမ်ႇလႆႈ

႔. မီးၵူၼ်းယွၵ်ႇၵဝ်းႁဵတ်းႁႂ်ႈသုမ်းၶူဝ်းၶွင် ၊ သုမ်းၶူဝ်းၶွင်ယွၼ်ႉဢူၺ်းၵေႃႉ ယွၼ်ႉပီႈၼွင်ႉ ယွၼ်ႉလုၵ်ႈလၢၼ်

႕. လုၵ်ႈလၢၼ်ႁိမ်ၵၼ်ၶူဝ်းၶွင် ၊ မီးၵူၼ်းလၵ်ႉဢဝ်ၶူဝ်းၶွင် ၊ ၸၢင်ႈၺႃးၸူၼ်ဢဝ်ၶူဝ်းၶွင်

႖. လုၵ်ႈလၢၼ်ၵွတ်းၽၢၼ်ဢမ်ႇသုတ်းဢမ်ႇသဵင်ႈ ၊ မီးၵူၼ်းႁဵတ်းႁၢႆႉၶူဝ်းၶွင် ။

ၽိတ်း သိလ်ၶေႃႈထိ 3 = ၵူတ်ႉၽူဝ် ၵူတ်ႉမေး ယၵဝ်းၼႃႈႁိူၼ်းပိူၼ်ႈလႅဝ်

{ ၵႃမေသုမိၵ်ႉသႃၸႃရႃဝေရမၼီ သိၵ်ၶႃပႃတံ သမတိယံမိ }

႑. ဢမ်ႇမီးၵူၼ်းၵျိူၵ်ႈ ဢမ်ႇမီးၵူၼ်းႁၵ်ႉ ၊ ဢမ်ႇမီးမွၵ်ႇၼႃႈ ၊ ထုၵ်ႇပိူၼ်ႈၵိူဝ်ႉ

႒. ပဵၼ်မၢႆႈ ၊ ႁႃၵူႈႁၵ်ႉယၢပ်ႇ ၊ ၵူၼ်းၸင်းၼမ် ၊ ဢူၺ်းၵေႃႉဢေႇ

 

႓. ၵူၼ်းႁၵ်ႉၼွၵ်ႈၸႂ် ၊ လၵ်ႉမီးၸူႉ ၊ လၵ်ႉမီးၼွႆႉ ၊ ထုၵ်ႇလူလၢႆ ၊ ထုၵ်ႇပေႉၵိၼ် ၊ ထုၵ်ႇၵၼ်ႉၸၼ်ဢမ်ႇမီးၽႂ်ဢဝ်ပုၼ်ႈၽွၼ်း

႔. ဢမ်ႇမီးဢူၺ်းလီ ၊ ၵႆႉၺႃးလွၵ်ႇလႅၼ် ၊ ပီႈၼွင်ႉဢမ်ႇႁၵ်ႉ ၊ ပေႃႈမႄႈပွႆႇပႅတ်ႈ

႕. ၵူၼ်းၼႂ်းႁိူၼ်းဢမ်ႇမႅၼ်ႈၵၼ် ၊ ၼႃႈႁိူၼ်းဢမ်ႇမူၼ်း ၊

႖. လႆႈထုၵ်ႇၵူၼ်းႁၵ်ႉပွႆႇၽႃႈလူၺ်ႈဢမ်ႇမီးလွင်ႈတၢင်း ၸၢင်ႈၽၢတ်ႇလိပ်းၵေႃႈ ၽၢတ်ႇတၢႆ တၢင်းလုၵ်ႈလၢင်း ။

ၽိတ်း သိလ်ၶေႃႈထိ 4 = ပႅတ်ႉလႅၼ်

{ မုသႃဝႃတႃ ဝေရမၼီ သိၵ်ႇၶႃပတံ သံမတိယံမိ }

႑. ပဵၼ်သူပ်းမိတ်း ၶဵဝ်ႈလိမ်ႇ ၊ သူပ်းမဵၼ် ၊ သူပ်းယဵၼ်း

႒. မီးၵူၼ်းသေႉၼေးၼမ် ၊ မီးၵူၼ်းၵႃႉၸိုဝ်ႈသဵင်ၼမ် ၊ မီးၵူၼ်းသီၵေႉၼမ်

႓. မီးၵူၼ်းယႃႉၵဝ်းၼမ် ၊ မီးၵူၼ်းယွၵ်ႇလႅၼ်ၼမ် ၊ ဢမ်ႇမီးၵူၼ်းယုမ်ႇၸႂ်

႔. ၸၢင်ႈၵိူတ်ႇၼႂ်းတီႈၵူၼ်းလိူင်း ၊ မီးၵူၼ်းလၢတ်ႈလိူင်းသႂ်ႇ ၊ ဢမ်ႇမီးၵူၼ်းၼပ်ႉယမ်

႕. ယုမ်ႇပိူၼ်ႈငၢႆႈ ၺႃးပိူၼ်ႈယွၵ်ႇလႅၼ်ငၢႆႈ ၊ ဢမ်ႇမီးသတိမိူဝ်ႈၺႃးပႅတ်ႉလႅၼ်

႖. ဢမ်ႇမီးၵူၼ်းယုမ်ႇၵႂၢမ်းလၢတ်ႈ ၊ ၵူၼ်းꩪၢင်ႇလဵၵ်ႉၼမ် ၊ ႁႃတီႈပိုင်ႈဢိင် ယၢပ်ႇ။

ၽိတ်း သိလ်ၶေႃႈထိ 5 = ၵိၼ်လဝ်ႈ သူႇယႃႈ

{ သူရႃႇမေရယ မၸပမႃ တꩪႃၼႃ ဝေရမၼိ သိၵ်ၶႃပတံ သမတိယံမိ }

႑. သတိပၺၺႃႇဢမ်ႇလီ ၊ ပၺၺ်ႇထိုင်ႉ ၺၢၼ်ႇထိုင်ႉ ၊ ႁဵၼ်းဢမ်ႇၵျၢင်ႇ

႒. ၵိူတ်ႇၺႃးတီႈပေႃႈမႄႈဢမ်ႇလီ ၊ ၵိူတ်ႇတီႈမူႇၵူၼ်းလိူင်း ၊ ၵိူတ်ႇတီႈၵူၼ်းၵွတ်းၽၢၼ်

႓. ၵိူတ်ႇပဵၼ်ၵူၼ်းဢ ၊ ၵိူတ်ႇပဵၼ်ၵူၼ်းယွင်ႇ ၊ ၵိူတ်ႇပဵၼ်ၵူၼ်းငိူဝ်ႈ ၊ ၵိူတ်ႇပဵၼ်ၵူၼ်း ရၵ်ႉၶၼႃဢမ်ႇတဵမ်ထူၼ်ႈ

႔. လုၵ်ႈလၢၼ်ပဵၼ်ၶီႈလဝ်ႈ ပဵၼ်ၶီႈယႃႈ ၊ ပဵၼ်ၵူၼ်းတိုဝ် ၊ ၵူၼ်းၸၢင်ႈလၵ်ႉ

႕. ၺႃးၽေးၵိုင်ႉၵၢင်ႉငၢႆႈ ၊ ဢွၵ်းဢေႃဢမ်ႇလီ ၊ လွင်ႈသတိဢမ်ႇတဵမ်ထူၼ်ႈ

႖. ပဵၼ်ၵူၼ်းၸႂ်လေႃလႄ ၊ တေႃးသ မႃႇၼယႂ်ႇ ၊ ယွၵ်ႇလႅၼ်လႆႈငၢႆႈ ။

0 comments:

แสดงความคิดเห็น