ၵၢပ်ႈဢၼ်ၼၢင်းယိင်းပေႉၵိၼ်ၽူဝ်
ၵၢပ်ႈဢၼ်လီၵူဝ်သွင်လွင်ႈ
ၵၢပ်ႈဢၼ်ပိူၼ်ႈမႅၵ်ႇၵွင်ႈပေႉၵိၼ်တႆး
ၵၢပ်ႈဢၼ်ပဵၼ်ၽိုၼ်းပဵၼ်ၾႆးပေႃးၸွတ်ႇ
ၵၢပ်ႈဢၼ်မၢၵ်ႇၵွၵ်ႇတူၵ်းတဵင်ႁူဝ်တႅၵ်ႈႁူၼ်ႈ
ၵၢပ်ႈဢၼ်လႆႈပၢႆၶဝ်ႈၸွၵ်ႉမူၵ်းထိူၼ်ႇ
ၵၢပ်ႈဢၼ်ၽၵ်းတူၵိူၼ်ႇပိူၼ်ႈယ
ၵၢပ်ႈဢၼ်ၸဝ်ႈၾႃႉယဵၼ်းပဵၼ်ၸူၼ်
ၵၢပ်ႈဢၼ်ၵူၼ်းလူင်ပဵၼ်ၽူႈမိူၵ်ႈ
ၵၢပ်ႈဢၼ်ၵူၼ်းတိူၵ်ႈႁဵတ်းမေႃၽီသြႃႇ
ၵၢပ်ႈဢၼ်ၵူၼ်းၶီၼႃႇၸွမ်းပိုင်ႈ
ၵၢပ်ႈဢၼ်ၵူၼ်းထုၵ်ႇဢိုင်ႈၵႂၼ်းၾႆး
ၵၢပ်ႈဢၼ်မိူင်းငရၢႆးၸမ်တူဝ်
ၵၢပ်ႈဢၼ်မီးၶူဝ်ၵေႃႈပိူၼ်ႈယႃႉ
ၵၢပ်ႈဢၼ်မီးမၵေႃႈပိူၼ်ႈၶီႇ
ၵၢပ်ႈဢၼ်မီးလုၵ်ႈၵေႃႈပိူၼ်ႈၺွပ်း
ၵၢပ်ႈဢၼ်မီးၶဝ်ႈၵေႃႈပိူၼ်ႈၵိၼ်
ၵၢပ်ႈဢၼ်မီးလိၼ်ၵေႃႈပိူၼ်ႈယူႇ
ၵၢပ်ႈဢၼ်ပေႃႈ လုင်း ပူႇ ထဵင်ၵၼ်
ၵၢပ်ႈဢၼ်လုၵ်ႈလၢၼ်ပၼ်းၸွင်ႇၸွင်ႇ
ၵၢပ်ႈဢၼ်လုၵ်ႈဢွၼ်ႇသွင်ႉပၢႆႈယၢၼ်မိူင်း
ၵၢပ်ႈဢၼ်ၵူၼ်းလိူင်းၶိုၼ်ႈႁဵတ်းၶုၼ်
ၵၢပ်ႈဢၼ်ၸုမ်းၸူၼ်ပၢႆႈဢွၵ်ႇထိူၼ်ႇ
ၵၢပ်ႈဢၼ်ၵူၼ်းပၢၵ်ႇၵူၼ်းႁဵင်ပၢႆႈဢွၵ်ႇဝၢၼ်ႈ
ၵၢပ်ႈဢၼ်ၵူၼ်းၼမ်ၵူၼ်းလၢႆ ၵႂင်ပူ ၵႂင်ပႃ သၢၼ်ႈၽိုၼ်းၽိုၼ်းဢွၵ်ႇႁႃငိုၼ်းမိူင်းၼွၵ်ႈ
ၵၢပ်ႈဢၼ်ၼူၵ်ႉၶူၵ်ႇၶၢၵ်ႈ ပွင်ႉၶၢင်းတီႈႁိမ်းတၢင်းၶဝ်ႈဝၢၼ်ႈ
ၵၢပ်ႈဢၼ်ၵူၼ်းလီၵူၼ်းထမ်းလႆႈသိူဝ်းသႃႇ တီႈထိူၼ်ႇၽႃႉသၢမ်ႁဵင်
ၵၢပ်ႈဢၼ်မိူင်းၵတးယဵၼ်ပဵၼ်ပွၵ်ႈ မွၵ်ႇမူဝ်တွၵ်ႈၸူးဝၼ်း
ၵၢၼ်ႈဢၼၵူၼ်းတၼ်းလႆႈမီးသိၼ် ၶဝ်ႈၵိင်းၵိၼ်ဢိမ်ႇထူၼ်ႈ
ၵၢပ်ႈဢၼ်ၵူၼ်းၼမ်ၵူၼ်းလၢႆဢူၼ်းပၼ်းၸွင်ႇၸွင်ႇတီႈၽၢႆႇႁွင်ႇႁူဝ်ဝၢၼ်ႈ
ၸူမ်းသိူဝ်းပ်ႉတွၼ်ႈၸဝ်ႈရၢၼ်းၽိၵ်ၶူ တီႈယူႇတႄႇဢမ်ႇၵႆ
ၶၢဝ်းတၢင်းပႆသၢမ်သွၵ်ႇ
မီးပႃႈဢွၵ်ႇလိူၼ်သၢမ် ပႃႈတူၵ်းလိူၼ်သီႇ
မီးၽၢႆႇႁွင်ႇလိူၼ်ႁူၵ်း ပႃႈၸၢၼ်းလိူၼ်ႁႃႈ
။
0 comments:
แสดงความคิดเห็น