ၵႂၢမ်းမင်ႇၵထၸဝ်ႈၼွင်ယုမ်း (ဝွၵ်း) ပိုၼ်ေၽႈမိူဝ်ႈ 19 / 9 / 2011
ၵၢမ်းထုင်းမိူဝ်ႈၵွၼ်ႇ
ꨵ ယၢမ်းလဵဝ်ၵႂၢမ်းသုင်းမဝႃႇၸႃႇ
- လၢတ်ႈမႅတ်ႉတႃႇသွၼ်ၵူၼ်း
ꨵ ဢမ်ႇၸိုဝ်ႈယႃႇၽိတ်းၸႂ် - ဝႃႈႁင်းၽႂ်ဢမ်ႇၸႂ်ႈ
ꨵ ၸွမ်းလူၺ်ႈပႃႇပၵၢမ်ႇသုၵ်ႉယုင်ႈ –သူႇေတႃႇငုၵ်ႈတူၵ်းသုမ်း
ꨵ ယိင်းၸၢႆးၶိူင်ႈတၢင်းၼုင်ႈ - ယၵ်ႉမုင်ႈၵႅၼ်ႇမိူၼ်ၵၼ်
ꩀꨵ ၸႃႉၸူမ်းလၼ်လိတ်ႈလၢႆႈ - ေပႉၵႅၼ်ႇငၢႆႈလီၵူဝ်
ꩁꨵ ရႁၢၼ်းဢရိတ်ႉၸီႇ - သိၼ်သီႇလၵႆတူဝ်
ꩂꨵ ရႃႇၸႃႇၾၶုၼ်မိူင်း - ဢၵျၢင်ႉလိူင်းပႅၵ်ႇပိူင်ႈ
ꩃꨵ တၵ်းပႃးၵၼ်ႁၢႆၵႂႃႇ - ဝႆႉၵျႃႇပႃႇၵူၼ်းလၢႆ
ꩄꨵ သုၵ်ႉယၢပ်ႇယၢၵ်ႈမဝ်းမိင်း - ၵူႈၸၢႆးယိင်းမဝ်ႇၸိုၼ်ႈ
ꨵ ၵူၼ်းလၵ်းပဵၼ်ၵူၼ်းငိူဝ်ႈ - ၼုင်ႈသိူဝ်ႈဢမ်ႇမီးၶႅၼ်
ꨵ ၽူႈမိူၵ်ႈလႆႈလီပဵၼ် - ၵူၼ်းၶဵၼ်တၵ်းယူႇၸိုၼ်ႈ
ꨵ တူဝ်ၵႆႇသၢင်ႈတၢင်းၼိူဝ်
- တူဝ်သိူဝ်ယူႇတၢင်းလုမ်ႈ
ꨵ မိူင်းဢမ်ႇတၼ်တၵ်းလႆႈၶၢင်ၶိင်းၵႂႃႇ - ၾႃႉမဝ်ႇတႅၵ်ႇတၵ်းလႆႈၵွမ်းေသ
ꨵ ေမႃၸေရးလႆႈၸိုဝ်ႈ - ၸႂ်ဢမ်ႇသိုဝ်ႈၸွမ်းတြႃး
ꩀꨵ ၽွမ်ႉၵၼ်ႁဵတ်းလႆႈၸိုဝ်ႈ
- ဢမ်ႇေလႃႇသိုဝ်ႈၵႂၢမ်းၽၢင်း
ꩁꨵ လိၵ်ႈႄတႉႄတႉဢမ်ႇတူၺ်း
- ၼမ်ႉၵႂၢမ်းၽူၺ်းၸင်ႇၵျိူၵ်ႈ
ꩂꨵ ၽႂ်ၵိၼ်သင်ႁိၵ်ႈဝႃႈမၼ်းၼႃႇ
- ယွင်ႈဢႃႇၵႃႇတူဝ်ၶိင်း
ꩃꨵ ၸၵ်ႈၶူမၢဝ်ႇတႃလမ် - ၶႂ်ႈတူၺ်းႁၼ်ဢီႇဢူင်ႈ
ꩄꨵ ႁူးႁူေသႈေသႃးတႃႇ - ၶႂ်ႈထွမ်ႇသႃႇသဵင်ဝၢၼ်
ꨵ ပႃႈၼႃႈၶူးၼင်ငူၺ်း - ၶႂ်ႈႁွမ်တူၺ်းႁွမ်ဢူၼ်ႈ
ꨵ ၸီႇဝႃႇလိၼ်ႇၸႂ်ၽၢၼ် - ၶႂ်ႈၵိၼ်ဝၢၼ်ၽႂ်ႇမိုတ်ႈ
ꨵ တွၼ်ႈတူဝ်ႁၢင်ႈၵႃႇယႃႇ
- မိုတ်ႈလူင်ၵႂႃႇၶူဝ်းေၶျႃး
ꨵ ယဵပ်ႉၼုင်ႈၵႃႈမၼ်းပဵၼ်
- တၵ်းထူပ်းၶႅၼ်ၽၢႆႇၼႃႈ
ꨵ သိုဝ်ႉဢဝ်ၵမ်ႉမၼ်းထုၵ်ႇ
-ပဵၼ်ေမႃႁုၵ်ႇေတႃးလၢႆး
ꩀꨵ တီႈတိုင်းယဵၼ်းပဵၼ်ႁၢတ်ႇ
- မႆႉေဢႃႈမၢတ်ႇလင်သိူဝ်
ꩁꨵ တီႈႁၢတ်ႇပဵၼ်တိုင်းမႃး
- မႂ်ၶႃးမၢတ်ႇလင်ငိူၵ်ႈ
ꩂꨵ လွႆသုင်ၵၢၼ်ႉလူင်းတႅမ်ႇ
- ႁူၺ်ႈလိုၵ်ႉလမ်ႇသုတ်းပႅၼ်
ꩃꨵ တူၼ်ႈမႆႉၺွင်ႇတူၵ်းၸူမ်
- တူၼ်ႈၽၵ်းၶူမ်ေပႃႇၶိုၼ်ႈ
ꩄꨵ တီႈၵျွင်းယဵၼ်းပဵၼ်ဝၢၼ်ႈ
- ၵူၼ်းတႅၵ်ႇသၢၼ်ႈပၼ်းၼူဝ်
ꨵ တီႈဝၢၼ်ႈယဵၼ်းပဵၼ်ၵျႂင်း
- ပွင်းၵၼ်သွၼ်ဢၢၼ်ႇလိၵ်ႈ
ꨵ ၵၢပ်ႈထူးသၢၼ်းလိူဝ်လွၼ်ႇ
- ထုင်းမိူဝ်ႈၵွၼ်ႇႁၢႆလၢႆ
ꨵ ၶိုင်ေတႃႇၽၢႆႉလင်းေသႃ
- ၽိုၵ်းေမႃၵၼ်ၵူႈၽူႈ
ꨵ ၵိၼ်တင်းယႃႈေလႈလဝ်ႈ - ၶႃႈတင်းၸဝ်ႈမိူၼ်ၵၼ်
ꨵ သိုဝ်ႉၶၢႆၵုၼ်ႇပႃးလၵ်း
- လုၵ်ႈၶၼ်ၼၵ်းဢမ်ႇႁိဝ်ႈ
ꩀꨵ ၵၢပ်ႈငိုၼ်ႈၶမ်းဢမ်ႇမၢၼ်ႇ
- လၢႆႈပျွင်းပျၢၼ်ႇလၢႆမဵဝ်း
ꩁꨵ ၵၢပ်ႈၵင်ႈၸွင်ႈၵၼ်းငွၵ်း
- တိုဝ်းတင်းသွၵ်းေႁႃႇသူၼ်ႈ
ꩂꨵ ယိပ်းတင်းၶွၼ်ႉမိူၼ်ၵူၼ်းယွင်ႇ
-ယိပ်းဢသႂင်ႇေၶၾႆး
ꩃꨵ ၽွမ်ႉၵၼ်တိုဝ်းမူၵ်ႇႁူဝ်
- ပၢၵ်ႇသဵင်ၼူဝ်ၵႂၢမ်းပိူၼ်ႈ
ꩄꨵ ယိပ်းသူပ်းသဵင်ပိူၼ်ႈလၢတ်ႈ
- မဝ်ႇယုုမ်ႇမၢတ်ႈၵႂၢမ်းႁဝ်း
ꨵ ၽူႈယိင်းေၵႃႈသႅၼ်ႁၼ် - ၵႅၼ်ႇဢွၼ်ၵၼ်ပႅၵ်ႇပိူင်ႈ
ꨵ ၵူၼ်းၸၢႆးၼုင်ႈၵူၼ်ႁူင်ႇၵႅပ်ႈ - ႁဵတ်းဝႃႈလႅပ်ႈလီတူၺ်း
ꨵ လုၵ်ႈဢွၼ်ႇႁဵတ်းၵူၼ်းလူင် - ၶႅၼ်ပႃးထူင်ၵင်ႈၸွင်ႈ
ꨵ ၵူၼ်းလူင်ႁဵတ်းလုၵ်ႈဢွၼ်ႇ - ၽႂ်မဝ်ႇသွၼ်ႇယမ်ၵူဝ်
ꨵ လုၵ်ႈဢွၼ်ႇႁၢတ်ႈပၢၼ်ႁၢႆး မဝ်းသမ်းလၢႆးၸွတ်ႇၸိုင်ႈ
ꩀꨵ မိတ်ႈလႅဝ်းႁၢႆပဵၼ်လၢၵ်ႇ - ပွတ်ႈၶဵဝ်ႈပၢၵ်ႇေပႃးသူၺ်
ꩁꨵ လုတ်ႇလႅၼ်းယႃႈတွင်ၶၢဝ် - ၵူၼ်းယိင်းသၢဝ်မဝ်ႇလိူၵ်ႈ
ꩂꨵ ၼၢင်းယိင်းၶဝ်ေၵႃႈယႃႇ - လဵၼ်ႈလူင်ၵႂႃႇၵူၼ်းၸၢႆး
ꩃꨵ လႆႈယဝ်ႉမဝ်ႇႁိုင်သင် - ၽိတ်းမင်ၵၼ်လႃႇေႁႃႈ
ꩄꨵ သင်ၶႃႇၽႃႈသိၼ်သၢၼ်း - ၵႅၼ်ႇလၵ်းၼၢၼ်းယၢပ်ႇယၢၵ်ႈ
ꩀꨵ သြႃႇပႅတ်ႉလႅၼ်ၵိၼ် - ၵူၼ်းၵမ်သိၼ်ဢမ်ႇမႅၼ်ႈ
ꩀꨵ မႆတင်းသၢင်ႇၵၢၼ်းလၢၵ်ႈ - ယူႇယူႇထၢၵ်ႈၵျွင်းႁၢမ်း
ꩀꨵ ၵၢပ်ႈဢၼ်ၶိင်းလွႆၶၢႆပႃသူမ်ႈ - ၽၵ်းၵႃႇႁူမ်ႈမူးသိူဝ်း
ꩀꨵ တေပးမဝ်ႇၵူဝ်ယမ်သြႃႇ - မိူၵ်ႈၸႂ်ပႃႇလိူင်းတွၼ်း
ꩀꨵ သြႃႇၸၢၼ်ႈတေပး - ၵၢၼ်ဝိေၼးမဝ်ႇလၢတ်ႈ
ꩀꩀꨵ လုၵ်ႈလၢင်းေပႉေပႃႈႄမႈ - တူၵ်းၸွမ်ႇေၵႈတၢင်းၽိတ်း
ꩀꩁꨵ ေပႃႈႄမႈၸၢၼ်ႈလုၵ်ႈလၢင်း - မဝ်ႇသွၼ်ပၼ်တီႈၸိုဝ်ႈ
ꩀꩂꨵ ယိင်းေပႉၽူဝ်ၼူၵ်ႇမိိူၵ်ႈ - ၽႂ်ၵျိူၵ်ႈၶိူင်ႈၵၢင်းလိူင်း
ꩀꩃꨵ ၽူဝ်မဝ်ႇၸွင်ႉလူေၸး - ထုပ်ႉႁႅမ်ေမႈလႃႇေႁႃႈ
ꩀꩄꨵ တီႈႁိူၼ်းတၵ်းပဵၼ်ထိူၼ်ႇ - မႆႉၽိူဝ်ၵိူၼ်ႇၼႃၵိုမ်း
ꩁꨵ တီႈထိူၼ်ႇတၵ်းပဵၼ်ႁိူၼ်း - မုၵ်ႉၵူၼ်းၸိူၼ်းၸတ်ႇငွၼ်ႈ
ꩁꨵ ၵၢပ်ႈၼၢင်းယိင်းပႆယဵင်ႈေယႈ -ဢမ်ႇႁူႉေဝႈၸဝ်ႈမုၼ်
ꩁꨵ ၵမ်ႈၽွင်ႈဢမ်ႇႁူႉထုင်း - တၢၼ်ႇပၢၼ်လုင်းပူႇေပႃႈ
ꩁꨵ မၢင်ၵူၼ်းဝူၼ်ႉၼမ်ဢမ်ႇေၵႇ - လၢတ်ႈေသႇေသႇသူပ်းမၼ်း
ꩁꨵ ၵမ်ႈၽွင်ႈႁူႉႁၼ်ထမ်း - ၶၢၼ်ၵႂၢမ်းဢမ်ႇေဝႈပိူၼ်ႈ
ꩁꩀꨵ ၵူၼ်းလၵ်းသမ်ႉႁၢင်ႈသိူၼ်ႈ - ေလႇၸွမ်ႇငိူၼ်ႈႁႃႁွႆး
ꩁꩁꨵ ၽူႈသိူၼ်ႈသမ်ႉလၵ်းလႅမ် - ႁႃႁဵတ်းၵႅမ်ေၵႇဝၢၼ်ႈ
ꩁꩂꨵ ၵူၼ်းမီးပဵၼ်ၽူႈလၵ်ႉ - ေယႈတၵ်ႉေယႈၼမ်မႃး
ꩁꩃꨵ ၽူႈလၵ်ႉသမ်ႉပဵၼ်ၸူၼ် - ေလႇေမႃးဢူၼ်ၵႂႃႇသဵင်ႈ
ꩁꩄꨵ ၵူၼ်ႈလီၸဝ်ႈထမ်ႇမႃႇ - လီၵူဝ်ၼႃႇၼႆယၢမ်း
ꩂꨵ ထမ်ႇမသၢတ်ႈတြႃး - မီးမႃးထမ်ႇၶိင်းၼိုင်ႈ
ꩂꨵ တႅပ်းတြႃးဢမ်ႇေတႃႇ - ၸႂ်ႉၵၼ်ေယႃႇေသငိုၼ်း
ꩂꨵ မၢၵ်ႇပၵ်ႉၸပ်းၼႃႈႁဝ်း
- လုပ်ႈငမ်းငဝ်းဢမ်ႇၸၢင်ႈ
ꩂꨵ မဵတ်ႉငႃးၸပ်းၼႃႈပိူၼ်ႈ
- လၵ်ႉသိူင်ႇငိူၼ်ႈၸွမ်းႁၼ်
ꩂꨵ လၢတ်ႈဢုပ်ႇၶၸိုဝ်ႈၵၼ်
- ၽႂ်ၶၢၼ်ဝႃႈမၼ်းၸႂ်ႈ
ꩂꩀꨵ မၢင်ၵူၼ်းၶၼ်ၵႂၢမ်းဝႃႈမုၼ်ၸဝ်ႈမိူၵ်ႈ -ၵဝ်ဢမ်ႇၵျိူၵ်ႈလႃးလႃး
ꩂꩁꨵ သႂ်ႇႄတႉၵႅၼ်ႇမင်ၵၼ် - ပိူၼ်ႈတူၺ်ႈႁၼ်တိူမ်ႈၼွၵ်ႈ
ꩂꩂꨵ ၵၢပ်ႈသွင်းပႂင်းသၢၼ်းလၢၵ်ႇ
- ၵမ်ႈၽွင်ႈေပႃးပိူၼ်ႈယွင်ႈသမ်ႉၵႂႃႇငိုၵ်းငၢၵ်ႇေၼၵူၼ်း
ꩂꩃꨵ ၵၢပ်ႈၶုၼ်မိူင်းၶၢႆၵုင်ႈသူမ်ႈ
- ၽၵ်းၵႃႇႁူမ်ႈၵူၼ်းၽၢၼ်
ꩂꩄꨵ ၵၢပ်ႈဢၼ်ၶႂ်ႈၵိၼ်လီၼွၼ်းဢုၼ်ႇ
- ၵၢပ်ႈဢၶုၼ်ငိုၼ်းႁႅင်း
ꩃꨵ ၵၢပ်ႈၽွင်းၶၢၼ်ႉႁဵတ်းၵၢၼ်
- ၵၢပ်ႈၽၢၼ်သမ်ႉသူႇယႃႈ
ꩃꨵ မၢင်ၵူၼ်းၶၢၼ်ႉႁဵတ်းၼႃး-
ၵျၢမ်ႇႁွမ်းပႃးၽူႈမိူၵ်ႈ
ꩃꨵ မၢင်ၵူၼ်းၸိုဝ်ႈမိူၼ်ၶိင်းၽၵ်းၵႃႇ
- သမ်ႉၸၢင်ႈလႃႇဢူၼ်ပၼ်း
ꩃꨵ ႄလႇႁႃသိုဝ်ႉတၢင်းတူဝ်ပႆႈၶွႆႈ
- ၵႃႉယွႆႈေတႃႇမူးသိူဝ်း
ꩃꨵ တၢင်းၵသမ်ႉဢမ်ႇၵမ် - ၵိၼ်ယႃႈလမ်ဢိၵ်ႇလဝ်ႈ
ꩃꩀꨵ တၢင်းႁဵတ်းႁမ်ႉၵူၼ်းမိူၵ်ႈ
- ၵမ်ႉၵႃႈထိူၵ်ႈမၼ်းၺႃး
ꩃꩁꨵ လူႇတၢၼ်းႄတႉသုတ်းၵွႆ - ႁွင်ႉၶိင်းလွႆၼင်ႇပိူၼ်ႈ
ꩃꩂꨵ သၢမ်ၵွင်ၸုမ်ႇသိပ်းႁႃႈ
- ပုၵ်ႉေၸႃႇၵႃႈၼိူဝ်ၵျွင်း
ꩃꩃꨵ လူႇယဝ်ႉမဝ်ႇေမႃလူ - ႁိုင်မႃးၼူၽၵ်ႉပႅတ်ႈ
ꩃꩄꨵ ပဵၼ်ၵူၼ်းမဝ်ႇႁူႉႁၢင်ႈ
- ၵႆႉၸၢင်ႈၵႂႃႇငရၢႆး
ꩄꨵ ထဝ်ႈေၵႇမဝ်ႇႁူႉတူဝ် - ၽီတၵ်းၶူဝ်ႁိူဝ်ႇၸိုဝ်ႈ
ꩄꨵ ၵၢပ်ႈၶုၼ်မိူင်းပိုင်ႈၶႃႈ
- မဝ်ႇၸၢင်ႈဝႃႈသွၼ်ၵၼ်
ꩄꨵ ၵွႆႈၵျၢမ်ႇၵွပ်းၵဵပ်းၵိၼ်
- ၵမ်သိၼ်ဢမ်ႇမီးမၼ်ႈ
ꩄꨵ ပဵၼ်ၶုၼ်မဝ်ႇလူႇထီႇ - ၶိူင်ႈၵၢင်းၺီႇသိပ်းပႃး
ꩄꨵ ပဵၼ်ၸဝ်ႈမဝ်ႇလူေၸး - ထွမ်ႇၵႂၢမ်းေမးပႅၵ်ႇပိူင်ႈ
ꩄꩀꨵ မိူင်းၶဝ်ၽူၼ်ဢမ်ႇတဝ်ႈ
- တူၼ်ႈၶဝ်ႈႁႅတ်ႇသူင်းတၢႆ
ꩄꩁꨵ ၸတ်ႇၶွၼ်ႇၼမ်ႉမၼ်းလိၼ်
- ႁဵတ်းသင်ၵိၼ်ဢမ်ႇၶိုၼ်ႈ
ꩄꩂꨵ ၵူၼ်းလူင်ဢၵျၢင်ႉပႃႇ - မိူဝ်ႈၼႂ်းဝႃႇၼွၼ်းၵျွင်း
ꩄꩃꨵ ဢၵ်ႇဝႃႇယဝ်ႉႁႃပႃ - ဢမ်ႇထၢမ်ႁႃလွင်မႅတ်ႈ
ꩄꩄꨵ ပူဝ်ႇၵူၼ်းၶဵၼ်ၼမ်ၼႃႇ
- ေယႃးၵႃႇၸၢင်ႈထူးသၢၼ်း
ꨵ ၵၢင်ဝၼ်းတူၵ်းတၢင်းဢွၵ်ႇ
- မွၵ်ႇၾႃႉၵုမ်ႈၼိူဝ်လိၼ်
ꨵ မျွၵ်ႈတၵႃႇလိင်းလူၼ်း
-ယူႇလူၺ်ႈၵူၼ်းၼႂ်းဝၢၼ်ႈ
ꨵ ၼူၵိၼ်ႁၢင်မႅဝ်းထဝ်ႈ - မၢၵ်ႇၼမ်ႉတဝ်ႈေတႃးမိူင်း
ꨵ ၵၢပ်ႈၸၢင်ႉလႆႈၵူဝ်ၵႂၢႆး
- ၵျွင်ႇႁဵၼ်လၢႆးၵူဝ်မူၼ်ႈ
ꨵ တူဝ်သိူဝ်ပၢႆႈမႅဝ်းတဵတ်ႇ
- ငူးၵူဝ်ၶဵတ်ႇေပႃးငဝ်
ꩀꨵ လုၵ်ႈဢွၼ်ႇေတပဵၼ်ၶုၼ်
- ၸဝ်ႈမုၼ်ေတမၵ်ႉလဝ်ႈ
ꩁꨵ ပၢၼ်မိူင်းသႃသၼႃႇ - ႁွတ်ႈထိုင်ၶႃႇပၢၼ်ၼ
ꩂꨵ လုၵ်ႈဢွၼ်ႇလၢတ်ႈၵႂၢမ်းၽၢဝ်း
-ဢၢႆႈသၢဝ်းၼၢဝ်းၶိုၼ်ႈၵႃႈ
ꩃꨵ ပၢၼ်ၵူၼ်းမိူင်းလႆႈသၢၼ်းလၢၵ်ႇ
- ၼူၵ်ႉၵၢပ်ႈမၢၵ်ႇသဵၼ်တူၵ်း
ꩄꨵ ၵႆႇဢွၼ်ႇေပႉၵိၼ်ႁဵၼ် - မိူင်းေပႃးယဵၼ်ၸွတ်ႇၸိုင်ႈ
ꨵ ပႃတႅပ်းေပႉၵိၼ်မူၼ်ႈ - ၼမ်ႉတႅၵ်ႇႁူၼ်ႈတင်းတိုငး
ꨵ ၼူဢွၼ်ႇေပႉၵိၼ်မႅဝ်း - မိူင်းမဵၼ်ၶႅဝ်းၵႂႃႇသဵင်ႈ
ꨵ ၼိူဝ်ၾႃႉမၢၵ်ႇၾႆးလၼ်ႇတုမ်းတုမ်း
- ၼိူဝ်လုမ်းၵူၼ်းပၼ်းၵၼ်သူင်ႈသူင်ႈ
ꨵ ၵၢင်ႁၢဝ်သဵင်ေမႃးၾႃႉလင်တႅၵ်ႇ
- ၵူႈဢိူင်ႇဝၢၼ်ၸၢင်ႈၽိတ်းၽႅၵ်ႇထဵင်ၵၼ်
ꨵ ၼမ်ႉယႂ်ႇယဝ်ႉလုပ်ႇၼွင်း
-လင်ႁိူၼ်းၵျွင်းပဵဝ်ႇပိၼ်ႈ
ꩀꨵ ၾႆးလၢမ်းသဵၼ်တႅၵ်ႇမႆႈ
- ၵူၼ်းလူမ်ႈၽႃႉသႅၼ်ႇႁႆႈပၼ်းဢူၼ်
ꩁꨵ သိူဝ်ႁၢႆႉယဝ်ႉငူးၵျၢမ်း
-ၽီႁုင်ၽၢမ်းၸုပ်ႇလိူတ်ႈ
ꩂꨵ ပၢၼ်ဢၼ်ၵူၼ်းလၢႆလဵင်ႉမိၵ်ႉသႃႇ
- ေယႈလႃႈေယႈၶႅၼ်းၼႃႇႁၼ်သၢၼ်း
ꩃꨵ ၵိင်းမိူင်းပိူၼ်ႈလၢၵ်ႇလၢႆး
- ပႅတ်ႈၶူၵ်ႉသၢၵ်ႇေပႃးမွင်
ꩄꨵ ၸႂ်ႉၵိၼ်ၼမ်ႉတင်းၾႆး - ၶူၵ်ႉတမ်ဝႆးဢိတ်ႇၶဝ်ႈ
ꨵ ၼိူဝ်တၢင်းမႆႉလူမ်ႉၵၢႆႇ
- ၵူႈလၢႆႇၵွင်ၾႆးၵိုၼ်း
ꨵ တၢင်းၵႂႃႇတီႈၶၢဝ်းၵႆ - သၢႆလိၼ်ပိူၼ်ႈတၵ်းႁုပ်ႈ
ꨵ ပၢႆႈယၢၼ်လိၼ်ၼိုင်ႈသွၵ်ႇ
- မုၵ်ႉၾႆးဢွၵ်ႇတၢင်းလင်
ꨵ ပိူင်လီၸႃႉပင်းတႅၵ်ႇ - ဢမ်ႇၶၢမ်ႇၶႅၵ်ႇမိူၼ်ထမ်း
ꨵ လိၵ်ႈလၢႆးေၵႃႈတၵ်းမွင်
- ဢွၼ်ၵၼ်ပွင်တၢင်ႇလွင်ႈ
ꩀꨵ ပွႆးႁဝ်းဝွတ်ႈဝၢႆးၵႂႃႇ
- ပွႆးပိူၼ်ႈသႃႇၼမ်မႃး
ꩁꨵ မၢၵ်ႇၼမ်ႉတဝ်ႈငဝ်သုင်း
- ၵူၼ်းယိပ်းပုင်းၵႂႃႇသဵင်ႈ
ꩂꨵ ေလႉၵၼ်ႁဵတ်းႁိူၼ်းယႂ်ႇ
- ၼုင်ႈၶူဝ်းမႂ်ႇထႆၼႃး
ꩃꨵ ၶွၼ်ႇၶဝ်ႈၼႃးၸူမ်ႁၢႆ - ၵူၼ်းတၢင်းလၢႆဢိုပ်းယၢၵ်ႈ
ꩄꨵ သဵင်ၵွင်မွင်းမဝ်ႇႁူၼ်ႈ
- မူႇလူမ်ႈၽႃႉယူႇဢူၼ်ႈသုင်းၶီ
ꨵ ပုတ်ႉထသႃသၼႃႇလၢႆးလဵၼ်း
-မုၼ်ၸဝ်ႈယဵၼ်းဢွၵ်ႇၸိုင်ႈ
ꨵ တၢင်းႁဵတ်းဢၵျၢင်ႉပႃႇ
- လၢတ်ႈၵႂႃႇၵမ်ႉမၼ်းပဵၼ်
ꨵ ဢရိတ်ႉၸီႇတၢင်းမိူင်း
- ၼူၵ်ႇႁူၺ်းလိူင်းၵဝ်ႇသဝ်ႈ
ꨵ ေၼၵူၼ်းမိူၵ်ႈလပ်းသိင်ႇ
- ၶဝ်ႈထမ်ႈသိင်ႇႁၢမ်းတၢင်း
ꨵ ဝိပရုၵ်ႈၶုၼ်ၼၢင်း -ဢမ်ႇႁၼ်တၢင်းတႃၽိူဝ်ႈ
ꩀꨵ ႁဵတ်းလၢႆးၽဝၼႃႇ - ႁူမ်ႈၵၼ်ၵႂႃႇတၢင်းၽိတ်း
ꩁꨵ ႁူႉယဝ်ႉတၢၼ်ႇလီေမး - ၼင်ႇၵႂၢမ်းေပးလိၵ်ႈဝႃႈ
ꩂꨵ ၵၢပ်ႈသုင်းပႃးသၢမ်တၢၼ်ႇ
- ႁူႉေဢၵၢၼ်ႇတၵ်းထိုင်
ꩃꨵ ေယႃးၵႃႇေၵႃႈၵွႆႈၼမ် - ၶွႆႈတၢႆယမ်လူႉငၢႆႈ
ꩄꨵ ၸုၵ်းၸၼ်းပႆတၵ်းၶွႆႈ - ဢမ်ႇမွႆႈမွႆႈတၢင်းပဵၼ်
ꨵ ၼင်ႈယူႇေၵႃႈတၵ်းတၢႆ - မိူၼ်ၸႂ်ႁၢႆဢမ်ႇၸႅင်ႈ
ꨵ ယၢမ်းၽွင်းမဝ်းတၢၼ်ႈမွၵ်ႇ
- သဵၼ်ၸႂ်ဢွၵ်ႇလူမ်းေၸး
ꨵ မဝ်ႇႁူႉလွင်ႈတၢင်းပဵၼ်
- ၸပ်းၶိူဝ်းၶဵၼ်ၵူႈတီႈ
ꨵ ယၢမ်းၵိၼ်ၽီတၢႆတဝ်ႈ - ၽႃႈမူႇၶဝ်ႈသုတ်းၸႂ်
ꨵ တၢင်းၵိၼ်ေၵႃႈသၢၼ်းလၢၵ်ႇ
- ဢမ်ႇႁူႉၽၢၵ်ႇေလႃးႄလး
ꩀꨵ ယႃႈေၵႃႈၵႅၼ်ႇၵွႆႈၼမ် - ဢမ်ႇမီးယမ်ထုၵ်ႇမႅၼ်ႈ
ꩁꨵ ၵိၼ်းတင်းယႃႈသမ်းၶုတ်ႇ
- တႆႈတဵၼ််းၸုတ်ႇၽဝ်ႁၢင်း
ꩂꨵ ၵူဝ်းသူလ်ႇေၵႃႈပင်ႁႅၼ်း
- ဢမ်ႇႁၢႆၶႅၼ်းေသလွင်ႈ
ꩃꨵ သူင်ၽီမိူင်းေၶႃႉၵျူဝ်ႇ
- ၼင်ႈသူဝ်ႇႁူဝ်ႇၼွၼ်းတၢႆ
ꩄꨵ ေမႃယႃေၵႃႈတၢႆၼမ် - ၶွႆႈတၢႆယမ်ၼင်ႇပိူၼ်ႈ
ꩀꨵ တၼ်းၼႆႉၸူဝ်ႈမိူဝ်းၼႃႈ
- မိူၼ်ၼင်ႇဝႃႈလီၵူဝ်
ꩀꨵ ၵၢပ်ႈယုတ်ႈႁၢႆႉသၢမ်ပႃး
- ႁူႉေတမႃးဢမ်ႇလုတ်ႈ
ꩀꨵ ၽၼ်းၵၼ်တၢႆမိူဝ်မၢၵ်ႇ
- လိူတ်ႈယွႆႉပၢၵ်ႇသၢင်းႁၢင်း
ꩀꨵ သဵင်ႈၵွင်ႈမျွၵ်ႈၼၼ်ႈလိူင်း
- တၢၼ်ႇလိၼ်မိူင်းတၵ်းပိၼ်ႇ
ꩀꨵ တၢင်းၽၢၼ်ေၽးဢိုပ်းယၢၵ်ႈ
- မၢၵ်ႇဝၢၵ်ႈၶဝ်ႈၶၢၼ်ၸႂ်
ꩀꩀꨵ ၶွႆႈၵွပ်ႈပိူဝ်ႈတၢင်းၵိၼ်
- မူပ်ႇၼိူဝ်လိၼ်သဵင်ႈၸူဝ်ႈ
ꩀꩁꨵ ၽီႁုင်ၽီသွမ်းလိူင်ႇ - ဢွၵ်ႇႁႃဢိူင်ႇႁႃၽၢမ်း
ꩀꩂꨵ မႃႁဝ်ႇၵူၼ်းၵၢင်ၶိုၼ်း
- သၢၼ်ႈၽိုၼ်းၽိုၼ်းဢွၵ်ႇၼၼ်ႈ
ꩀꩃꨵ ၵႃလမ်ပၼ်းၸွင်ႇၸွင်ႇ - လုၵ်ႉပႃႈႁင်ႈမိူင်းၸၢၼ်း
ꩀꩄꨵ ၼမိၵ်ႈေပႃႇႁၼ်မႃး - ၵႅၼ်ႇသႅၼ်ၺႃးၵူႈလွင်ႈ
ꩁꨵ လၢဝ်ၵႂၢၼ်းလိူင်းဝၼ်းမၢတ်ႇ
- ၶီႈၾယၢတ်ႇလိူင်လႅင်
ꩁꨵ ဢိင်ႇသၼ်ႄလႈလူမ်းလူင် - ၵူင်မိူင်းတၼ်ၶုၼ်ႇသဝ်ႈ
ꩁꨵ လီၵူဝ်ၸူဝ်ႈမိူဝ်းၼႃႈ
- တၵ်းႁူႉထႃႈထိုင်ၵၼ်
ꩁꨵ ယႃႇယူႇပဝ်ႇသဝ်းလၢႆ - ၶတ်းၸႂ်မၢႆလွင်ႈမႅတ်ႈ
ꩁꨵ တၢၼ်းၼႆႉၸၢႆးယိင်းဢမျႃးတၵ်ႉၵႃႇ - လၵ်းႁႂ်ႈပိုင်ႈသႃႇသၼႃၽြႃး
ꩁꩀꨵ တႃႇၼႄလႈသိၼ်ထမ်း - ဝၼ်းယၢမ်းႁႂ်ႈၸပ်းႁၢင်ႈ
ꩁꩁꨵ ၵႂၢမ်းလီေၶႃႈၵႃႇထႃႇ -ႁႂ်ႈၵႆႉလၢတ်ႈေသႇၶျႃႇတွင်းဢဝ်
ၽူႈၵဵပ်းႁမ် ၸဝႈသုၶမ်း တၢင်ႉယၢၼ်း
(28.3.1981)
မင်ႇၵထ
ၼမ်ႉၵႂၢမ်းၸဝ်ႈၼွင်ယုမ်း
0 comments:
แสดงความคิดเห็น