ဢိင်ၵူလိမႃလသုတ်တ(တွၼ်းၽြႃးပဵၼ်ၸဝ်ႈၶျွတ်ႈဢိင်ႈၵူလိမႃလ)

 

ဢိင်ၵူလိမႃလသုတ်တ(တွၼ်းၽြႃးပဵၼ်ၸဝ်ႈၶျွတ်ႈဢိင်ႈၵူလိမႃလ)

 

မိူဝ်ႈပၢၼ်ၼိုင်ႈ ၸဝ်ႈၽြႃးပဵၼ်ၸဝ်ႈ ယူႇသဝ်းဝႆႉ တီႈဝတ်ႉၸေႇတဝၼ်ႇ ဢရၢမ်းၶွင်သထေးဢၼႃႇထပိၼ်ႇတီႇၵႃႇ မိူင်းသဝတ်ႉထိ။

 

မိူဝ်ႈၼၼ်ႉလႄႈၼႂ်းၼႃႈလိၼ်ပိူင်ႇၶွင် ၶုၼ်ႁေႃၶမ်း ပသၺ်တီႇ မိူင်းၵူဝ်ႇသႃႇလႃႇ မီးၸူၼ်မိူၵ်ႈလိူင်း ၵေႃႉၼိုင်ႈၸိုဝ်ႈဝႃႈ ဢင်ႇၵုလိမႃႇလႃႇ

 

ပဵၼ်ၵူၼ်းမိူၵ်ႈလိူင်းမီးၽႃႇမိူဝ်းဢၼ်ၵူဝ်ႈလိူတ်ႈ မိုတ်ႈမၵ်ႉၸႂ်ၼႂ်းၵၢၼ်ၶႃႈၶႃႈႁႅမ် ဢမ်ႇမီးလွင်ႈမႅတ်ႉတႃႇၵရုၼႃႇ တေႃႇမူႇတူဝ်သတ်းတၢင်းလၢႆ

 

ဢင်ႇၵုလိမလၼၼ်ႉပဵၼ်ၽူႈႁဵတ်းႁႂ်ႈႁိူၼ်းဢမ်ႇႁႂ်ႈပဵၼ်ႁိူၼ်း၊ ပဵၼ်ၽူႈႁဵတ်းဝၢၼ်ႈဢမ်ႇႁႂ်ႈပဵၼ်ဝၢၼ်ႈ ႁဵတ်းသၢင်ႈလွင်ႈတီႈ ယူႇတၼ်းသဝ်း ဢမ်ႇႁႂ်ႈပဵၼ်တီႈယူႇတၼ်းသဝ်း ႁဵတ်းသၢင်ႈၼိူဝ်ဝၢၼ်ႈၼွၵ်ႈၼႃးပၢင်ႇယႃႇႁႂ်ႈပဵၼ်ဝၢၼ်ႈၼွၵ်ႈၼႃးပၢင်ႇ မၼ်းၶႃႈႁႅမ်ၵူၼ်းသေ ဢဝ်ၼိဝ်ႉမိုဝ်းၼၼ်ႉႁဵတ်းပဵၼ်သွႆႉ။

 

 ပွၵ်ႈၼၼ်ႉလႄႈၼႂ်းယၢမ်းၸဝ်ႉ ၸဝ်ႈၽြႃးပဵၼ်ၸဝ်ႈမီးတင်းသပိတ်ႈ လႄႈသၢင်ႇၵၢၼ်း သေ ၶဝ်ႈၵႂႃႇၶၢမ်ႇသွမ်းၼႂ်းမိူင်းသဝတ်ႉထိ ယၢမ်းၼၼ်ပဵၼ်ယၢမ်းပသ်သၽတ်း မိူဝ်ႈၶၢဝ်းယၢမ်းၶၢမ်ႇသွမ်းပွၵ်ႈမႃးယဝ်ႉ ၵဵပ်းဝႆႉ တင်းသေၼႃသၼ ၽြႃးပဵၼ်ၸဝ်ႈၸင်ႇယိပ်း ဢဝ်သပိတ်ႈ လႄႈ သၢင်ႇၵၢၼ်း သေ ပႆၸွမ်းသဵၼ်ႈတၢင်းဢၼ်ဢင်ႇၵူႇလီႇမႃႇလ ၸူၼ်ၼၼ်ႉမူၵ်းပႂ်ႉယူႇ

 

႑ ၵူၼ်းလဵင်ႉဝူဝ်းၵႂၢႆး ၸဝ်ႈႁႆႈၸဝ်ႈၼႃး ၸိူဝ်းပႆတၢင်း လႆႈႁၼ်ၽြႃးပဵၼ်ၸဝ်ႈပႆၸွမ်းတၢင်းဢၼ် ဢင်ႇၵူႇလိမႃႇလ ၼၼ်ႉမူၵ်းပႂ်ႉယူႇသေ ၶဝ်ၸင်ႇလၢတ်ႈတီႈၽြႃးပဵၼ်ၸဝ်ႈဝႃႈ “ၸဝ်ႈရႁၢၼ်းၶႃႈ ယႃႇပေၵႂႃႇတၢင်းၼၼ်ႉ”

 

တၢင်းၼၼ်ႉမီးၸူၼ်ၽူႈမိူၵ်ႈလိူင်းၸိုဝ်ႈဝႃႈ ဢင်ႇၵုလိမႃႇလ ပဵၼ်ၵူၼ်းမိူၵ်ႈလိူင်း မီးၽႃႇမိုဝ်းဢၼ်ၵူဝ်ႈလိူတ်ႈ မိုတ်ႈမၵ်ႉၼႂ်းၵၢၼ်ၶႃႈႁႅမ်သၢႆၸႂ်သတ်း ဢမ်ႇမီးလွင်ႈၵရုၼႃႇတေႃႇသတ်းတၢင်းလၢႆ

 

ဢင်ႇၵူလိမႃလၼႆႉ ပဵၼ်ၽူႁဵတ်းႁႂ်ႈႁိူၼ်းဢမ်ႇပဵၼ်ႁိူၼ်း ပဵၼ်ၽူႈႁဵတ်းႁႂ်ႈတီႈယူႇတၼ်းသဝ်းဢမ်ႇပဵၼ်တီႈ ယူႇတၼ်းသဝ်း မၢင်တီႈႁဵတ်ႈႁႂ်ႈဝၢၼ်ႈဢမ်ႇႁႂ်ႈပဵၼ်ဝၢၼ်ႈ ႁဵတ်းႁႂ်ႈဝၢၼ်ႈၼွၵ်ႈဢမ်ႇႁႂ်ႈပဵၼ်ဝၢၼ်ႈၼွၵ်ႈ မၼ်းၶႃႈႁႅမ်ၵူၼ်းယဝ်ႉဢဝ်ၼိဝ်ႉမိုဝ်း ၼၼ်ႉသွႆႉပဵၼ်တူင်ႇသေႁွႆႈၶေႃး ဝႆႉၼင်ႇၼၼ်ဢေႃႈ။

 

ၸဝ်ႈသမၼတီႈၶႃႈ ! ၽူႈၵူၼ်း 10 ၵေႃႉၵေႃႈလီ 20 ၵေႃႉၵေႃႈလီ 30 ၵေႃႉၵေႃႈလီ 40 ၵေႃႉၵေႃႈလီ ႁူမ်ႈၵၼ် သေပႆၵႂႃႇၼိူဝ်သဵၼ်တၢင်းၼႆႉ ၵေႃႈယင်းထုၵ်ႇၼမ်ႉမိုဝ်းၶွင်ၸူၼ်ဢင်ၵုလိမႃလၼႆႉၶႃႈႁႅမ်သဵင်ႈ ။

 

မိူဝ်ႈၵူၼ်းၸိူဝ်းၼၼ်ႉလဝ်ႈလၢတ်ႈထိုင်ၼင်ႇၼၼ်ယဝ်ႉ ၽြႃးပဵၼ်ပဵၼ်ၸဝ်ႈၵိုတ်းၼိမ်ယူႇၵမ်းၼိုင်ႈသေၸင်ႇ သိုပ်ႇ ပႆၵႂႃႇယူႇယဝ်ႉ 

 

႒ ထိုင်ၵမ်းထိသွင် ၸုမ်းၵူၼ်းလဵင်ႉဝူဝ်း ၵူၼ်းလဵင်ႉသတ်း ၵူၼ်းၸၢဝ်းၼႃးၸိူဝ်းပႆမႃး ၸင်ႇလဝ်ႈလၢတ်ႈထိုင် တီႈၽြႃးပဵၼ်ၸဝ်ႈ ထႅင်ႈဝႃႈ ၸဝ်ႈသမၼၶႃႈ ယႃႇပေၵႂႃႇတၢင်းၼၼ်ႉၶႃႈ တၢင်းၼၼ်ႉမီးၸူၼ်ၸိုဝ်ႈဝႃႈ ဢင်ၵုလိမလၶႃႈဢေႃႈ ပဵၼ်ၵူၼ်းႁၢႆႉၵျၢမ်း မီးၽႃႇမိုဝ်းၵူဝ်ႈလိူတ်ႈ မိုတ်ႈမၵ်ႉၼႂ်းၵၢၼ်ၶႃႈ လႄႈ ထုပ်ႉတီ  ဢမ်ႇမီးလွင်ႈၵရုၼႃႇတေႃႇမူႇသတ်းတၢင်းလၢႆ

 

ဢင်ၵုလိမႃလၸူၼ်ၼၼ်ႉ ႁဵတ်းႁႂ်ႈဝၢၼ်ႈဢမ်ႇႁႂ်ႈပဵၼ်ဝၢၼ်ႈ ႁဵတ်းႁႂ်ႈဢိူင်ႇဢမ်ႇႁႂ်ႈပဵၼ်ဢိူင်ႇ ႁဵတ်းႁႂ်ႈဝဵင်း ဢမ်ႇႁႂ်ႈပဵၼ်ဝဵင်း ႁဵတ်းႁႂ်ႈၸဝ်းသွၼ်လွႆဢမ်ႇႁႂ်ႈပဵၼ်သၼ်လွႆ ၶဝ်ႈၶဵၼ်ၶႃႈၵူၼ်းတၢင်းလၢႆယဝ်ႉဢဝ်ၼိဝ်ႉမိုဝ်း သွႆႉပဵၼ်တူင်ႇသေႁွႆႈ

 

ၸဝ်ႈသမၼတီႈၶႃႈ ! ၽူႈၵူၼ်း 10 ၵေႃႉၵေႃႈလီ 20 ၵေႃႉၵေႃႈလီ 30 ၵေႃႉၵေႃႈလီ 40 ၵေႃႉၵေႃႈလီ ႁူမ်ႈၵၼ် သေပႆၵႂႃႇ ၼိူဝ်သဵၼ်တၢင်းၼႆႉ ၵေႃႈယင်းထုၵ်ႇၼမ်ႉမိုဝ်းၶွင်ၸူၼ်ဢင်ၵုလိမႃလၼႆႉၶႃႈႁႅမ်သဵင်ႈၼင်ႇၼႆ  ၵမ်းၼၼ်ႉၽြႃးပဵၼ် ၸဝ်ႈ ၸင်ႇၵိုတ်းၼိမ်ယူႇသေၸင်ႇၶိုၼ်းသိုပ်ႇပႆၵႂႃႇ

 

႓ ထိုင်ၵမ်းထိသၢမ် ၸုမ်းၵူၼ်းလဵင်ႉဝူဝ်း ၵူၼ်းလဵင်ႉသတ်း ၵူၼ်းၸၢဝ်းၼႃးၸိူဝ်းပႆမႃး ၸင်ႇလဝ်ႈလၢတ်ႈထိုင် တီႈၽြႃးပဵၼ်ၸဝ်ႈ ထႅင်ႈဝႃႈ ၸဝ်ႈသမၼၶႃႈ ယႃႇပေၵႂႃႇတၢင်းၼၼ်ႉၶႃႈ တၢင်းၼၼ်ႉမီးၸူၼ်ၸိုဝ်ႈဝႃႈ ဢင်ၵုလိမလၶႃႈဢေႃႈ ပဵၼ်ၵူၼ်းႁၢႆႉၵျၢမ်း မီးၽႃႇမိုဝ်းၵူဝ်ႈလိူတ်ႈ မိုတ်ႈမၵ်ႉၼႂ်းၵၢၼ်ၶႃႈ လႄႈ ထုပ်ႉတီ  ဢမ်ႇမီးလွင်ႈၵရုၼႃႇတေႃႇမူႇသတ်းတၢင်းလၢႆ

 

ဢင်ၵုလိမႃလၸူၼ်ၼၼ်ႉ ႁဵတ်းႁႂ်ႈဝၢၼ်ႈဢမ်ႇႁႂ်ႈပဵၼ်ဝၢၼ်ႈ ႁဵတ်းႁႂ်ႈဢိူင်ႇဢမ်ႇႁႂ်ႈပဵၼ်ဢိူင်ႇ ႁဵတ်းႁႂ်ႈဝဵင်း ဢမ်ႇႁႂ်ႈပဵၼ်ဝဵင်း ႁဵတ်းႁႂ်ႈၸဝ်းသွၼ်လွႆဢမ်ႇႁႂ်ႈပဵၼ်သၼ်လွႆ ၶဝ်ႈၶဵၼ်ၶႃႈၵူၼ်းတၢင်းလၢႆယဝ်ႉဢဝ်ၼိဝ်ႉမိုဝ်း သွႆႉပဵၼ်တူင်ႇသေႁွႆႈ

 

ၸဝ်ႈသမၼတီႈၶႃႈ ! ၽူႈၵူၼ်း 10 ၵေႃႉၵေႃႈလီ 20 ၵေႃႉၵေႃႈလီ 30 ၵေႃႉၵေႃႈလီ 40 ၵေႃႉၵေႃႈလီ ႁူမ်ႈၵၼ် သေပႆၵႂႃႇၼိူဝ် သဵၼ်တၢင်းၼႆႉ ၵေႃႈယင်းထုၵ်ႇၼမ်ႉမိုဝ်းၶွင်ၸူၼ်ဢင်ၵုလိမႃလၼႆႉၶႃႈႁႅမ်သဵင်ႈၼင်ႇၼႆ  ၵမ်းၼၼ်ႉၽြႃးပဵၼ်ၸဝ်ႈၸင်ႇ ၵိုတ်းၼိမ်ယူႇသေၸင်ႇၶိုၼ်းသိုပ်ႇပႆၵႂႃႇယဝ်ႉ

 

မိူဝ်ႈဢင်ၵုလိမႃလ လႆႈႁၼ်ၽြႃးပဵၼ်ၸဝ်ႈတိုၵ်ႉမႃးယူႇတၢင်းၵႆ ၸင်ႇမီးတၢင်းဝူၼ်ႉၼႂ်းၸႂ်ဝႃႈ လီဢၢမ်းတႄႉ ၼေႃ ဢမ်ႇတွၼ်ႉ မီးမႃးၼေႃ ၽူႈၵူၼ်း 10 ၵေႃႉၵေႃႈလီ 20 ၵေႃႉၵေႃႈလီ 30 ၵေႃႉၵေႃႈလီ 40 ၵေႃႉၵေႃႈလီ ယင်းလႆႈႁူမ်ႈၵၼ်သေပႆၵႂႃႇၼိူဝ်သဵၼ်ႈ တၢင်းၼႆႉ ၽူႈၵူၼ်းၸိူဝ်းၼၼ်ႉယင်းထုၵ်ႇၼမ်ႉမိုဝ်းၶွင်ႁဝ်းၼႆႉၶႃႈ ႁႅမ်တၢႆသဵင်ႈၼင်ႇလႆႈ  ၵမ်းၼၼ်ႉၽြႃးပဵၼ်ၸဝ်ႈၵိုတ်းၼိမ် ယူႇၵမ်းၼိုင်ႈသေၸင်ႇၶိုၼ်းသိုပ်ႇပႆၵႂႃႇယဝ်ႉ

 

သမၼၽူႈလဵဝ် ဢမ်ႇမီးၽႂ်ၸွမ်းမႃး ႁဝ်းတေၽၢၵ်ႈသၢႆၸႂ်ၶွင်သမၼၽူႈၼႆႉသေ ၵမ်းၼၼ်ႉဢင်းၵုလိမႃလ ၸူၼ်ၼၼ်ႉ ၵမ်ဢဝ်တင်း လၢပ်ႇလႄႈၵၢင်ႇထိူၵ်းသေၵႂႃႇၸွမ်းၽြႃးပဵၼ်ၸဝ်ႈတၢင်းၽၢႆႇလင် ၵမ်းၼၼ်ႉၽြႃး ပဵၼ်ၸဝ်ႈၸင်ႇႁဵတ်း ဢိတ်ထၽိသင်ၶႃရ ဢၼ်ႁဵတ်းႁႂ်ႈဢင်းၵုလိမႃႇလလမ်းၸွမ်းၸိူင်ႉႁိုဝ်ၵေႃႈဢမ်ႇၶိုတ်း ၽြႃးပဵၼ်ၸဝ်ႈလႆႈတင်းတီႈ ၽြႃးပဵၼ်ၸဝ်ႈၼၼ်ႉပႆၵႂႃႇလွႆးလွႆး

 

ယၢမ်းၼၼ်ႉဢင်းၵုလိမႃလၸူၼ်ၼၼ်ႉမီးတၢင်းဝူၼ်ႉၼႂ်းၸႂ်ဝႃႈ လီဢၢမ်းတႄႉၼေႃ ဢမ်ႇတွၼ်ႉမီးမႃးၵွၼ်ႇ  ဝႃႈမိူဝ်ႈၵွၼ်ႇ ၸၢင်ႉတိုၵ်ႉလႅၼ်ႈယူႇ မႃႉတိုၵ်ႉလႅၼ်ႈယူႇ ရုတ်ႉတိုၵ်ႉလႅၼ်ႈယူႇ ၼိူဝ်ႉတိုၵ်ႉလႅၼ်ႈယူႇ ႁဝ်းၵေႃႈလမ်း ၶိုတ်းၺွပ်းလႆႈ ၵူၺ်းဝႃႈႁဝ်းလႅၼ်ႈသုတ်းႁႅင်းယဝ်ႉ ယင်းဢမ်ႇၶိုတ်းလႆႈသမၼၽူႈၼႆႉဢၼ်ပႆလွႆးလွႆးယူႇ ၸိူင်ႉၼႆ မၼ်းၸင်ႇၵိုတ်းသေလၢတ်းၸူးၽြႃးပဵၼ်ၸဝ်ႈဝႃႈ ၵိုတ်းၵွၼ်ႇလူးသမၼ ၵိုတ်းၵွၼ်ႇသမၼ  ၽြႃး ပဵၼ်ၸဝ်ႈၸင်ႇတွပ်ႈဝႃႈ ႁဝ်းၵိုတ်းယဝ်ႉ ဢင်းၵုလိမႃလ ၸဝ်ႈၼၼ်ႉယဝ်ႉဢၼ်ဢမ်ႇပႆႇၵိုတ်း ဢင်ၵုလိမႃလ ၸူၼ်ၵႂင်ၸႂ်ယူႇ

 

ယၢမ်းၼၼ်ႉဢင်းၵုလိမႃလဝူၼ်ႉၼႂ်းဝႃႈ သႃမၼ သၵ်ၵႃယၿုတရ(ၿုတ်ႇ)ၸိူဝ်းၼၼ်ႉပဵၼ်ၵူၼ်းလၢတ်ႈတႄႉ မီးပတိၺ်ၺႃႇတႄႉ ၵူၺ်းၵႃႈသႃမၼၽူႈၼႆႉတင်းတီႈယင်းတိုၵ်ႉပႆၵႂႃႇယူႇၵေႃႈလၢတ်ႈဝႃႈ ဢင်းၵုလိမႃလ ႁဝ်းၵိုတ်းယဝ်ႉ ၸဝ်ႈၼၼ်ႉ ယဝ်ႉဢမ်ႇပႆႇၵိုတ်း ပေႃးၸိူင်ႉၼႆႁဝ်းထၢမ်သႃမၼၽူႈၼႆႉတူၺ်းလူ

 

ၵမ်းၼၼ်ႉဢင်းၵုလိမႃလၸူၼ်ၼၼ်ႉ ၸင်ႇꩪၢမ်ၽြႃးပဵၼ်ၸဝ်ႈလူၺ်ႈၶေႃႈၵႂၢမ်းဝႃႈ တူၺ်းလူသႃမၼ  ! ၸဝ်ႈတင်းတိုၵ်ႉပႆယူႇ သမ်ႉလၢတ်ႈဝႃႈ ႁဝ်းၵိုတ်းယဝ်ႉ လႄႈၸဝ်ႈၵေႃႈဢမ်ႇၵိုတ်း သမ်ႉဝႃႈၶႃႈၽူႈၸဝ်ႈဢၼ် ၵိုတ်းယူႇယဝ်ႉဝႃႈဢမ်ႇၵိုတ်း တူၺ်းလူသႃမၼ ! ၶႃႈၽူႈၸဝ်ႈယွၼ်းထၢမ်ထိုင်ၼိူဝ်ႉၵႂၢမ်းၼႆႉတေႃႇၸဝ်ႈ  ၸဝ်ႈၵိုတ်းယဝ်ႉ ပဵၼ်ၸိူင်ႉႁိုဝ်? ၶႃႈၽူႈၸဝ်ႈဢမ်ႇပႆႇၵိုတ်းပဵၼ်ၸိူင်ႉႁိုဝ် ?

 

ၽြႃးပဵၼ်ၸဝ်ႈၸင်ႇလၢတ်ႈဝႃႈ တူၺ်းလူဢင်ၵုလိမႃလ ! ႁဝ်းဝၢင်းလၢၵ်ႈၼၢၵ်ႈၶိူင်ႈယိပ်းပိူဝ်ႈၸႂ်ႉတေႃႇ သတ်းတၢင်းလၢႆလႆႈယဝ်ႉ ၸိုင်ၸိုဝ်ႈဝႃႈၵိုတ်းယဝ်ႉၼႂ်းၶၢဝ်းၵူႈမိူဝ်ႈၵူႈယၢမ်း ၵူၺ်းၸဝ်ႈသမ်ႉဢမ်ႇမီးလွင်ယဵၼ်ႇ ငႄႈၼႂ်းမူႇသတ်းတၢင်းလၢႆ ၵွပ်ႈၸိူင်ႉၼၼ် ႁဝ်းၸိုင်ၵိုတ်းယဝ်ႉ ၸဝ်ႈၼၼ်ႉဢမ်ႇပႆႇၵိုတ်း

ဢင်ၵုလိမႃလၸူၼ်ၼၼ်ႉထၢမ်ဝႃႈ တူၺ်းလူသႃမၼ ! ၸဝ်ႈဢၼ်တေႇဝတႃႇ မၼုသ (ၵူၼ်း)ပူႇၸေႃႇယဝ်ႉ သွၵ်ႈႁႃၽွၼ်းလီဢၼ်ယိုင်ႈယႂ်ႇ မႃးထိုင်ပႃႇယႂ်ႇ ပိူဝ်ႈတူၺ်းထိုင်ၶႃႈၽူႈၸဝ်ႈတေႃႇၸူဝ်ႈၶၢဝ်းယၢဝ်းၵႆၼေႃ 

 

ၶႃႈၽူႈၸဝ်ႈၼၼ်ႉတေၽိုၵ်းၵျၢင်ႉၵမ်ပိူဝ်ႈဝၢင်းပႅတ်ႈဝူတ်ႈၵၢမ်ႇ ၵွပ်ႈလႆႈထွမ်ႇၶေႃႈၵႂၢမ်းဢၼ်ပဵၼ်ထမ်ႇမ ၶွင်ၸဝ်ႈ ဢင်ၵုလိမႃလၸူၼ်လၢတ်ႈၼင်ႇၼႆယဝ်ႉ လႆႈဢဝ်လၢပ်ႇလႅဝ်း ၶိူင်ႈလၢၵ်ႈၼၢၵ်ႈထိုမ်ႈလူင်းၼႂ်း ႁူၺ်ႈလိုၵ်ႉမီးၼႃႈၽႃၸၼ်း ဢင်ၵုလိမႃလၸူၼ်ၼၼ်ႉလႆႈၶုပ်ႉၵွမ်းၼွမ်းဝႆႈၸူးတီႈတိၼ်ၽြႃးပဵၼ်ၸဝ်ႈတၢင်း သွင်ၽၢႆႇ ယဝ်ႉယွၼ်းႁဵတ်းရႁၢၼ်းတီႈၽြႃးပဵၼ်ၸဝ်ႈၼႂ်းတီႈၼၼ်ႉ ၽြႃးပဵၼ်ၸဝ်ႈၼၼ်ႉတဵမ်ထူၼ်ႈလူၺ်ႈ ၸႂ်ၵရုၼႃ ဢၼ်သွၵ်ႈႁႃၽွၼ်းလီဢၼ်ယိုင်ႈယႂ်ႇ လႄႈပဵၼ်ၽြႃးၶွင်ၸၢဝ်းၼႂ်းလေႃးၵလႄႈတင်းတေႇဝ လေႃးၵ လႆႈႁေႃးၼေပၼ်ဢင်ၵုလိမႃလၸူၼ်ၼၼ်ႉဝႃႈ ၸဝ်ႈၸိုင်ပဵၼ်ၽိၵ်ၶူလႄႈ ဢၼ်ၼႆႉလႄႈ ပဵၼ် ၽိၵ်ၶူၽႃဝၶွင်ဢင်ၵုလိမႃလၸူၼ်ၼၼ်ႉၼင်ႇၼႆ

 

မိူဝ်ႈၼၼ်ႈလႄႈၽြႃးပဵၼ်ၸဝ်ႈမီးၸဝ်ႈဢင်ၵုလိမႃလ ပဵၼ်ၿသ်သႃသမၼ ဢွၵ်ႇတၢင်းၶဝ်ႈၵႂႃႇၼႂ်းမိူင်း သႃဝထိ သိုပ်းၶၢဝ်းတၢင်းၶပ်းတၢမ်းယူႇၼင်ႇၼၼ် လႄႈမိူဝ်ႈထိုင်မိူင်းသႃဝထိယဝ်ႉ ၸဝ်ႈႁေႃၶမ်းပသၺ်ထိ ၵူဝ်သရၶဝ်ႈမိူဝ်းၸူးၽြႃးပဵၼ်ၸဝ်ႈ လႆႈယိၼ်းဝႃႈယၢမ်းၼင်ႇၼၼ် ၽြႃးပဵၼ်ၸဝ်ႈမႃးသဝ်းယူႇဝႆႉတီႈဝတ်ႉ လူင်ၸေႇတဝၼ်ႇ ဢရၢမ်းၶွင်သထေးလူင်ဢၼႃထပိၺ်တိၵ ၼႂ်းၶဵတ်ႇမိူင်းသႃဝထိ

 

ယၢမ်းၼင်ႇၼၼ်မူႇၵူၼ်းတၢင်းလၢႆတိုၵ်ႉၵုမ်ၵၼ်ယူႇတီႈႁိမ်းၽၵ်းတူမိူင်းသႃဝထိၶွင်ၸဝ်ႈႁေႃၶမ်းပသၺ် ထိၵူဝ်သရဝႃႈ ဢေႃးတီႈၶႃႈၸဝ်းမုၼ်ယႂ်ႇၶုၼ်ႁေႃၶမ်းတီႈၶႃႈ ! ၼႂ်းဝၢၼ်ႈမိူင်းၶွင်ၸဝ်ႈႁဝ်းမီးၸူၼ် ၸိုဝ်ႈ ဝႃႈဢင်ၵုလိမႃလ ပဵၼ်ၵူၼ်းႁၢႆႉၵျၢမ်း မီးၽႃႇမိုဝ်းၵူဝ်ႈလိူတ်ႈ မိုတ်ႈမၵ်ႉၼႂ်းၵၢၼ်ၶႃႈႁႅမ်ထုပ်ႉတီ ဢမ်ႇမီးလွင်ႈ ၵရုၼႃႇတေႃႇသတ်းတၢင်းလၢႆ

 

ဢင်ၵုလိမႃလၸူၼ်ၼၼ်ႉ ႁဵတ်းႁႂ်ႈဝၢၼ်ႈဢမ်ႇႁႂ်ႈပဵၼ်ဝၢၼ်ႈ ႁဵတ်းႁႂ်ႈဢိူင်ႇဢမ်ႇႁႂ်ႈပဵၼ်ဢိူင်ႇ ႁဵတ်းႁႂ်ႈဝဵင်း ဢမ်ႇႁႂ်ႈပဵၼ်ဝဵင်း ႁဵတ်းႁႂ်ႈၸဝ်းသွၼ်လွႆဢမ်ႇႁႂ်ႈပဵၼ်သၼ်လွႆ ၶဝ်ႈၶဵၼ်ၶႃႈၵူၼ်းတၢင်းလၢႆယဝ်ႉဢဝ်ၼိဝ်ႉမိုဝ်း သွႆႉပဵၼ်တူင်ႇသေႁွႆႈ ယွၼ်းႁႂ်ႈၸဝ်ႈႁေႃၶမ်းတိၺွပ်းဢဝ်ပၼ်တၢမ်ႇတၢႆသေၶႃႈလႃႈ

 

ယၢမ်းၼင်ႇၼၼ်ၸဝ်းႁေႃၶမ်းပသၺ်ထိၵူဝ်သလ ႁူမ်ႈပႃးတၢင်းၽုင်သိုၵ်းမႃႉ ႕႐႐ တူဝ်ဢွၵ်ႇမိူင်းၵႂႃႇတၢင်း ဝတ်ႉၵျွင်းလူင် ၸေႇတဝၼ်ႇ ဢရၢမ်းၶွင်သထေးလူင်ဢႃၼႃထပိၺ်တိၵ ၼႂ်းယၢမ်းဝၼ်းၼၼ်ႉဝႆးတီႈသုတ်း ၼင်ႇၵႃႈဝႆးလႆႈတေႃႇပေႃးႁွတ်ႈ ထိုင်တီႈဝတ်ႉၵျွင်းလူင်ၸေႇတဝၼ်ႇယၢမ်းၼၼ်ၸဝ်ႈလူင်းလင်မႃႉယဝ်ႉပႆၶဝ်ႈ မိူဝ်းၸူးၽြႃးပဵၼ်ၸဝ်ႈထိုင်တီႈယူႇပေႃးယဝ်ႉ ၸင်ႇၶုပ်ႉၵွမ်းၼွမ်းဝႆႈၽြႃးပဵၼ်ၸဝ်ႈလီငၢမ်းယဝ်ႉၸင်ႇၼင်ႇတီႈၽၢႆႇၶၢင်ႈၼိုင်ႈ

 

ၽြႃးပဵၼ်ၸဝ်ႈၸင်ႇလၢတ်ႈၸူးတီႈၸဝ်ႈပသၺ်ထိၵူဝ်သလ ၽူႈဢၼ်ၼင်ႈယူႇတီႈၽၢႆႇၶၢင်ႈၼိုင်ႈၼၼ်ႉဝႃႈ တူၺ်းလူ ၸဝ်ႈႁေႃးၶမ်း ၸဝ်ႈၽႅၼ်ႇလိၼ် မၶထ ၸဝ်ႈၸွမ်သေၼႃး မီးၸိုဝ်ႈဝႃႈ ပိမ်ၽိၸႃႇ(ၽိမ်ၽိသၢၼ်) ႁဵတ်းႁႂ်ႈၸဝ်ႈႁဝ်းၸႂ်ဢမ်ႇလီ ႁိုဝ်ၼေႃ  ႁိုဝ်ဝႃႈ ၸဝ်ႈရိၸ်သဝီ မိူင်းဝေႇသႃႇလီႇ ႁိုဝ်ဝႃႈၸဝ်ႈရႃႇၸႃႇၽူႈပဵၼ် ၽူႈၶဵၼ်တၢင်ႇမိူင်း?

 

ၸဝ်ႈႁေႃၶမ်းပသၺ်ထိၵေႃးသလတၢင်ႇလဝ်ႈဝႃႈ ၽြႃးပဵၼ်ပဵၼ်ႈၸဝ်ႈၶႃႈ ၸဝ်ႈၽႅၼ်ႇလိၼ် မၵထ ၸဝ်ႈၸွမ် ၸိုဝ်ႈဝႃႈ ပိမ်ႇပိၸႃႇ ဢမ်ႇလႆႈႁဵတ်းႁႂ်ၶႃႈၽူႈၸဝ်ႈၸႂ်ဢမ်ႇလီ လႄႈ ၸဝ်ႈရိၸ်သဝီ မိူင်းဝေႇသႃႇလီႇၵေႃႈ ဢမ်ႇ လႆႈႁဵတ်းႁႂ်ႈၶႃႈၽူႈၸဝ်ႈၸႂ်လမ်ၶႃႈ ၽြႃးပဵၼ်ၸဝ်ႈတီႈၶႃႈ ၼႂ်းဝၢၼ်ႈမိူင်းၶွင်ၶႃႈၽူႈၸဝ်ႈမီးၸူၼ်လူင်ၸိုဝ်ႈဝႃႈ ဢင်ႇၵုလိမႃႇလ ပဵၼ်ၵူၼ်းမိူၵ်ႈလိူင်း မီးၽႃႇမိုဝ်းၵူဝ်ႈလိူတ်ႈ မိုတ်ႈမၵ်ႉၼႂ်းၵၢၼ်ၶႃႈႁႅမ် ဢမ်ႇမီးၸႂ်ၵရုၼႃႇတေႃႇ သတ်းတၢင်းလၢႆ ဢင်ႇၵုလိမႃႇလၸူၼ်ၼၼ်ႉ ႁဵတ်းႁႂ်ႈဝၢၼ်ႈဢမ်ႇပဵၼ်ဝၢၼ်ႈ ႁဵတ်းႁႂ်ႈမိူင်းဢမ်ႇပဵၼ်မိူင်း ၶဝ် ၶႃႈႁႅမ်တၢႆၽူႈၵူၼ်း ယဝ်ႉဢဝ်ၼိဝ်ႉမိုဝ်းၼၼ်ႉသွႆႉပဵၼ်တူင်ႇ ၶႃႈၽူႈၸဝ်ႈတေၽဵဝ်ႈပႅတ်ႈမၼ်းသေၸဝ်ႈၶႃႈ

 

တူၺ်းလူၸဝ်ႈမႁႃရႃၸႃ ပေႃးၸဝ်ႈႁဝ်းတူၺ်းႁၼ်ဢင်ႇၵုလိမႃႇလ ၽူႈထႃႁူဝ်လႄႈၼူတ်ႇ ၼုင်ႈႁူမ်ႇၽႃႈ သႃၵႃယ (သၢင်ႇၵၢၼ်း)ဢွၵ်ႇယၢၼ်ႁိူၼ်းႁေႃ ႁဵတ်းပဵၼ်ၸဝ်ႈရႁၢၼ်း ဝၢင်းလွင်ႈၵၢၼ်ၶႃႈသတ်း ဝၢင်းလွင်ႈ လွၵ်ႉၶူဝ်းၶွင်  ဝၢင်းလွင်ႈလၢတ်ႈၸႃပႅတ်ႉလႅၼ် သုင်းၵိၼ်ဢႁႃရဝၼ်းပွၵ်ႈလဵဝ် တိုဝ်းၵမ်လွင်ႈၸိုၼ်ႈ ၸၢင်ႇ မူတ်းသႂ် ၸဝ်ႈႁဝ်းတေႁဵတ်းႁိုဝ်တေႃႇၶဝ် ?

 

ၽြႃးပဵၼ်ၸဝ်ႈၶႃႈ ၶႃႈၽူႈၸဝ်ႈတေဝႆႈ တေလုၵ်ႉႁပ်ႉ တေႁႂ်ႈၼင်ႈၼိူဝ်ဢသၼ တေတူၺ်းထိုင်ၼႂ်းလွင်ႈ ၸီဝရ ၶဝ်ႈသွမ်း ၶိူင်ႈလူႇတၢၼ်း လႄႈ ယႃႈယႃ ယူတ်းယႃတၢင်းပဵၼ် ၶႅတ်ႇၶေႁေႉၵင်ႈၼင်ႇပိူင်ထမ်း  ၽြႃးပဵၼ်ၸဝ်ႈၶႃႈ ၵူၺ်းၵႃႈဢင်ႇၵုလိမႃလၼၼ်ႉပဵၼ်ၵူၼ်းထုသိလ် မီးဝူတ်ႈၵၢမ်ႇ တေမီးလွင်ႈယဵၼ်ႇငႄႈ  ၼႂ်းသိလ်ၸိူင်ႉၼၼ်လႆႈတီႈလႂ် ၸဝ်ႈႁၼ်ဢင်ၵုလိမႃလယဝ်ႉတူၵ်းၸႂ်

 

ယၢမ်းၼၼ်ႉၸဝ်ႈရႁၢၼ်းဢင်ႇၵုလိမႃလ ၼင်ႈယူႇဢမ်ႇၵႆၽြႃးပဵၼ်ၸဝ်ႈ ၽြႃးပဵၼ်ၸဝ်ႈယုၵ်ႉမိုဝ်ၽၢႆႇၶႂႃ ၶိုၼ်ႈၸီႉပွၵ်ႇလၢတ်ႈ ၸဝ်ႈႁေႃးၶမ်းပသၺ်ထိၵေႃးသလ တူၺ်းလူမႁႃရႃၸႃႇ ၼၼ်ႉဢင်ႇၵုလိမႃလ

 

ဝၢႆးၼၼ်ႉၸဝ်ႈႁေႃၶမ်းပသၺ်ထိၵေႃးသလ ယိၼ်းၵူဝ် ၶူၼ်တုမ်ႇၼိူဝ်ႉၼင်ၵီႈ ၽြႃးပဵၼ်ၸဝ်ႈႁူႉဝႃႈ ၸဝ်ႈပသၺ်ထိၵေႃးသလၵူဝ် ၸင်ႇမွၵ်ႇလၢတ်ႈတီႈၸဝ်ႈပသၺ်ထိၵေႃးသလဝႃႈ ယႃႇၵူဝ်မႁႃရႃၸႃႇ ယႃႉၵူဝ်ယဝ်ႉမႁႃရႃၸႃႇ ၽေးတီႈဢင်ႇၵုလိမႃလၼႆႉဢမ်ႇမီးတေႃႇၸဝ်ႈယဝ်ႉ

 

ယၢမ်းၼၼ်ႉၸဝ်ႈႁေႃၶမ်းပသၺ်ထိၵေႃးသလ ဢမ်ႇမီးလွင်ႈၵူဝ် လွင်ႈဝၢတ်ႇဝႆ လွင်ႈၶူၼ်တုမ်ႇၼိူဝ်ႉၼင်ၵီႈ ယဝ်ႉၸင်ႇၶဝ်ႈၵႂႃႇႁႃၸဝ်ႈရႁၢၼ်းဢင်ၵုလိမႃလထိုင်တီႈယူႇ သေယဝ်ႉလႆႈမွၵ်ႇလၢတ်ႈတီႈၸဝ်ႈဢင်ၵုလိမႃလ ဝႃႈ ၸဝ်ႈၽူႈႁိူဝ်ႈႁိူင်း ၸဝ်ႈဢင်ၵုလိမႃလၽူႈပဵၼ်ၸဝ်ႈၶွင်ႁဝ်း

 

ၸဝ်ႈဢင်ႇၵုလိမႃလၸင်ႇတၢင်ႇလဝ်ႈထိုင်ဝႃႈ ၸိူင်ႉၼၼ်မႁႃရႃႇၸႃႇ ပီတႃႇၶွင်ၽူႈပဵၼ်ၸဝ်ႈ မီးၶရူတ်ႉ(ၶိူဝ်း) ၸိူင်ႉႁိုဝ် မႃတႃႇၶွင်ၽူႈပဵၼ်ၸဝ်ႈမီးၶရူတ်ႉ(ၶိူဝ်း)ၸိူင်ႉႁိုဝ်

 

တူၺ်းလူၸဝ်ႈႁဝ်း ပီတႃႇၸိုဝ်ႈ ၶၵ်ၶ မႃႇတႃၸိုဝ်ႈ မၼ်တၼီ ၸဝ်ႈဢူၺ် ယွၼ်းၽြႃးၽူႈပဵၼ်ၸဝ်ႈ ၶတ်တၶမၼ်တၼီပုတရ(ပုတ်)ၶႅၼ်းတေႃႈၸူမ်းသိူဝ်းသေၵမ်း ၶႃႈၽူႈၸဝ်ႈတေႁဵတ်းလွင်ႈၶုၵ်ႉၶူၼ်ႉ ပိူဝ်ႈသၢင်ႇၵၢၼ်း ၶဝ်ႈသွမ်း ပရိၶရ ယႃႈယႃ တေႃႇၽူႈပဵၼ်ၸဝ်ႈၶၵ်ၶမၼ်တၼီပုတ်

 

ယၢမ်းၼၼ် ၸဝ်ႈဢင်ႇၵုလိမႃလ ယူႇပႃႇပဵၼ်ဝတ်ႉ ၶၢမ်ႇသွမ်းပဵၼ်ဝတ်ႉ မီးၽႃႈပင်သၵုလ်ပဵၼ်ဝတ်ႉ မိူဝ်ႈၼၼ်ႉ ၸဝ်ႈဢင်ႇၵုလိမႃလလႆႈပၼ်ၽွၼ်းၸဝ်ႈႁေႃၶမ်းပသၺ်ထိၵေႃးသလဝႃႈ ယႃႇလႃႈ မႁႃရႃၸႃႇ ၽႃႈသၢင်ႇၵၢၼ်းႁဝ်းတဵမ်ထူႈလီယဝ်ႉ

 

မိူဝ်ႈၼၼ်ႉ ၸဝ်ႈႁေႃၶမ်း ပႃႇသၺ်တီႇ ၵူဝ်ႇသႃႇလ ၶဝ်ႈၵႂႃႇၸူးၽြႃးထိုင်တီႈယူႇသေၶုပ်ႉဝႆႈၼပ်ႉယမ်ၽြႃးၸဝ်ႈ သေ ၼင်ႈတီႈၽၢႆႇၶၢင်ႈၼိုင်ႈ သေတၢင်ႇလဝ်ႈၶေႃႈၵႂၢမ်းမၼ်းၸဝ်ႈဝႃႈ ၽြႃးပဵၼ်ၸဝ်ႈတီႈၶႃႈ လီယေႃးဢၢမ်းတေၼေႃ

ဢမ်ႇတွၼ်ႉမီးမႃး တီႈဢၼ်ၽြႃးပဵၼ်ၸဝ်ႈႁဵတ်းလႆႈ လႄႈၽႂ်ၽႂ်ႁဵတ်းဢမ်ႇလႆႈ  ဢၼ်ၽြႃးပဵၼ်ၸဝ်ႈႁေႉႁၢမ်ႈလႆႈ လႄႈ ၽႂ်ၽႂ်ႁေႉႁၢမ်ႈဢမ်ႇလႆႈ ဢၼ်ၽြႃးပဵၼ်ၸဝ်ႈၵိုတ်းယင်ႉမၼ်းလႆႈ ဢၼ်ၵူၼ်းတၢင်းလၢႆၶဝ်ၵိုတ်းယင်ႉဢမ်ႇလႆႈ ဢၼ်ၽြႃးပဵၼ်ၸဝ်ႈမွတ်ႇပႅတ်ႈလႆႈ လႄႈ ၽႂ်ၽႂ်မွတ်ႇပႅတ်ႈဢမ်ႇလႆႈ

 

ၵွပ်ႈဝႃႈၶႃႈၽူႈၸဝ်ႈဢမ်ႇၸင်ႈပၼ်တၢင်းၶၢၼ်ၸႂ်ၽူႈလႂ်လႆႈ ဢမ်ႇဝႃႈဢတ်သယႃ ဢမ်ႇဝႃႈသတ်တရႃ ၽူႈၼၼ်ႉၽြႃးပဵၼ်ပဵၼ်ၸဝ်ႈႁဵတ်းလႆႈလူၺ်ႈဢမ်ႇလႆႈၸႂ်ႉဢတ်သယႃ ဢမ်ႇလႆႈၸႂ်ႉသတ်တရႃ

 

ၽြႃးပဵၼ်ၸဝ်ႈတီႈၶႃႈ ၶႃႈၽူႈၸဝ်းပွၵ်ႈမိူဝ်းယၢမ်းၼႆႉ ၶႃႈၽူႈၸဝ်ႈမီးၼႃႈၵၢၼ်ၼမ် ၶႃႈၽူႈၸဝ်ႈမီးပုၼ်ႈၽွၼ်းၼမ်

ၽြႃးပဵၼ်ၸဝ်ႈၸင်ႇဝႃႈ ယွၼ်းႁႂ်ႈၸဝ်ႈႁဝ်းပွၵ်ႈမိူဝ်းပိူဝ်ႈပုၼ်ႈပၢင်ၼႃႈၵၢၼ်ယၢမ်းၼႆႉလႄႈ ယၢမ်းၼၼ်ႉၸဝ်ႈ ႁေႃၶမ်း ပသၺ်ထိၵေႃးသလ ၸင်ႇပွၵ်ႈမိူဝ်းၵႂႃႇ ။