လၵ်းၵၢၼ်တၵ်ႉၼၢႆ ၽႃႇဝလွင်ႈပဵၼ်သေႃးတႃႇပၢၼ်ၶွင်တူဝ်ၵဝ်ႇ

 

လၵ်းၵၢၼ်တၵ်ႉၼၢႆ ၽႃႇဝလွင်ႈပဵၼ်သေႃးတႃႇပၢၼ်ၶွင်တူဝ်ၵဝ်ႇ

 

ၶႁပတီ ! ၼႂ်းၵၢလ်လႂ် ၽေးၵၢမ်ႇ ႕ ပိူင်ဢၼ်ဢရိယသႃဝၵ ႁဵတ်းႁႂ်ႈၵိုတ်းယိုတ်းလႆႈယဝ်ႉ လူၺ်ႈဢရိယသႃဝၵ ၼၼ်ႉႁဵတ်းသၢင်ႈၽွမ်ႉယဝ်ႉ လူၺ်ႈ သေႃးတႃပႃတိယင်ၶသီႇ လူၺ်ႈ ဢရိယၺႃယထမ်း ပဵၼ်ထမ်းဢၼ် ဢရိယသႃဝၵႁၼ်ယဝ်ႉ တႅင်းဢွၵ်ႇယဝ်ႉ လူၺ်ႈပၺ်ႇၺႃႇ

 

ၼႂ်းၵၢလ်ၼၼ်ႉ ဢရိယသႃဝၵၼၼ်ႉ မိူဝ်ႈဢဵၼ်းဢၢၼ်းယူႇ ၵေႃႈတၵ်ႉၼၢႆတူဝ်ၵဝ်ႇလူၺ်ႈတူဝ်ၵဝ်ႇၼၼ်ႉလႄႈ ဝႃႈ ႁဝ်းၼၼ်ႉ မီးငရၢႆး သုတ်းသဵင်ႈယဝ်ႉ မီးသတ်းတရိၵ်ႉသၢၼ်ႇသုတ်းသဵင်ႈယဝ်ႉ မီးပိၵ်ႉတႃႇသုတ်းသဵင်ႈယဝ်ႉ မီးဢပႃယ တုၶတိ ဝိၼိပၢတ်ႇသုတ်းသဵင်ႈယဝ်ႉ ႁဝ်းပဵၼ်ၽူႈထိုင်လႅၼ်ၼိပ်ႉပၢၼ်ႇယဝ်ႉမီးလွင်ႈဢမ်ႇတူၵ်း တႅမ်ႇပဵၼ်ထမ်ႇမတႃႇ မၼ်ႈၵိုမ်းတေႃႇၼိပ်ႉပၢၼ်ႇ မီးလွင်ႈဢၼ်တေႁူႉၸႅင်ႈထမ်းလႆႈၼႂ်းၵၢလ်ပိူင်ႈၼႃႈ ၼင်ႇၼႆ

 

ၶႁပတီ ! ၽေးၵၢမ်ႇ ႕ ပိူင်ၸိူဝ်းလႂ် ဢၼ်ဢရိယသႃဝၵ ႁဵတ်းႁႂ်ႈၵိုတ်းယိုတ်းလႆႈယဝ်ႉ ?

 

႑ ၶႁပတီ ! ပူၵ်ၵူလ်ၽူႈၶႃႈသတ်းယူႇပဵၼ်ပၵတိ ၸင်ႇထူပ်းၽေးဝူတ်ႈၵၢမ်ႇလႂ်ၼႂ်းတိထထမ်း(ယၢမ်းလဵဝ်) ၽွင်ႈ ၸင်ႇထူပ်းၽေဝူတ်ႈၵၢမ်ႉလႂ်ၼႂ်း သမ်ပရႃယိၵ် (ၼႂ်းၶၢဝ်းယၢမ်းသိုပ်ႇမႃးၽွင်ႈ) ၸင်ႇၶၢမ်ႇတၢင်းတုၶ တေႃးမၼသ်တၢင်းၸိတ်ႇၸႂ်ၽွင်ႈ  ၵွပ်ႈပႃၼႃတိပၢတ်ႈပဵၼ်လွင်ႈတၢင်း ၽေးဝူတ်ႈၵၢမ်ႇၼၼ်ႉ ပဵၼ်လွင်ႈ ဢၼ်ဢရိယသႃဝၵၽူႈဝၢင်းၶၢတ်ႇယဝ်ႉ လွင်ႈပႃၼႃတိပၢတ်ႈ ႁဵတ်းႁႂ်ႈၵိုတ်းယိုတ်းလႆႈယဝ်ႉ ။

 

႒ ၶႁပတီ ! ပူၵ်ၵူလ်ၽူႈလၵ်ႉဢဝ်းၶွင်ဢၼ်ၸဝ်ႈၶွင်ဢမ်ႇလႆပၼ်ယူႇပဵၼ်ပၵတိ ၸင်ႇထူပ်းၽေးဝူတ်ႈၵၢမ်ႇလႂ်ၼႂ်းတိထထမ်း(ယၢမ်းလဵဝ်) ၽွင်ႈ ၸင်ႇထူပ်းၽေဝူတ်ႈၵၢမ်ႉလႂ်ၼႂ်း သမ်ပရႃယိၵ် (ၼႂ်းၶၢဝ်းယၢမ်းသိုပ်ႇမႃးၽွင်ႈ) ၸင်ႇၶၢမ်ႇတၢင်းတုၶ တေႃးမၼသ်တၢင်းၸိတ်ႇၸႂ်ၽွင်ႈ  ၵွပ်ႈဢတိင်ႇၼႃတႃၼႃပဵၼ်လွင်ႈတၢင်း ၽေးဝူတ်ႈၵၢမ်ႇၼၼ်ႉ ပဵၼ်လွင်ႈ ဢၼ်ဢရိယသႃဝၵၽူႈဝၢင်းၶၢတ်ႇယဝ်ႉ လွင်ႈဢတိင်ႇၼႃတႃၼႃ ႁဵတ်းႁႂ်ႈၵိုတ်းယိုတ်းလႆႈယဝ်ႉ ။

 

႓  ၶႁပတီ ! ပူၵ်ၵူလ်ၽူႈႁဵတ်းၽိတ်းၵၢမ်ႇၵႃႇမေႇတၢင်းလၢႆယူႇပဵၼ်ပၵတိ ၸင်ႇထူပ်းၽေးဝူတ်ႈၵၢမ်ႇလႂ်ၼႂ်းတိထထမ်း(ယၢမ်းလဵဝ်) ၽွင်ႈ ၸင်ႇထူပ်းၽေဝူတ်ႈၵၢမ်ႉလႂ်ၼႂ်း သမ်ပရႃယိၵ် (ၼႂ်းၶၢဝ်းယၢမ်းသိုပ်ႇမႃးၽွင်ႈ) ၸင်ႇၶၢမ်ႇတၢင်းတုၶ တေႃးမၼသ်တၢင်းၸိတ်ႇၸႂ်ၽွင်ႈ  ၵွပ်ႈၵႃမေသုမိၸ်သႃၸရႃပဵၼ်လွင်ႈတၢင်း ၽေးဝူတ်ႈၵၢမ်ႇၼၼ်ႉ ပဵၼ်လွင်ႈ ဢၼ်ဢရိယသႃဝၵၽူႈဝၢင်းၶၢတ်ႇယဝ်ႉ လွင်ႈၵႃမေသူမိၸ်သႃၸႃရႃ ႁဵတ်းႁႂ်ႈၵိုတ်းယိုတ်းလႆႈယဝ်ႉ ။

 

 

 

႔ ၶႁပတီ ! ပူၵ်ၵူလ်ၽူႈလၢတ်ႈၸႃပႅတ်ႉလႅၼ်ယူႇပဵၼ်ပၵတိ ၸင်ႇထူပ်းၽေးဝူတ်ႈၵၢမ်ႇလႂ် ၼႂ်းတိထ ထမ်း(ယၢမ်းလဵဝ်) ၽွင်ႈ ၸင်ႇထူပ်းၽေဝူတ်ႈၵၢမ်ႉလႂ်ၼႂ်း သမ်ပရႃယိၵ် (ၼႂ်းၶၢဝ်းယၢမ်းသိုပ်ႇမႃးၽွင်ႈ) ၸင်ႇၶၢမ်ႇတၢင်းတုၶ တေႃးမၼသ်တၢင်းၸိတ်ႇၸႂ်ၽွင်ႈ  ၵွပ်ႈမုသႃဝတႃပဵၼ်လွင်ႈတၢင်း ၽေးဝူတ်ႈ ၵၢမ်ႇၼၼ်ႉ ပဵၼ်လွင်ႈ ဢၼ်ဢရိယသႃဝၵၽူႈဝၢင်းၶၢတ်ႇယဝ်ႉ လွင်ႈမုသႃဝတႃ ႁဵတ်းႁႂ်ႈၵိုတ်းယိုတ်းလႆႈယဝ်ႉ ။

 

႕ ၶႁပတီ ! ပူၵ်ၵူလ်ၽူႈၵိၼ်သူရႃႇ လႄႈ မေရယယူႇပဵၼ်ပၵတိ ၸင်ႇထူပ်းၽေးဝူတ်ႈၵၢမ်ႇ လႂ်ၼႂ်း တိထထမ်း(ယၢမ်းလဵဝ်) ၽွင်ႈ ၸင်ႇထူပ်းၽေဝူတ်ႈၵၢမ်ႉလႂ်ၼႂ်း သမ်ပရႃယိၵ် (ၼႂ်းၶၢဝ်းယၢမ်းသိုပ်ႇမႃးၽွင်ႈ) ၸင်ႇၶၢမ်ႇတၢင်းတုၶ တေႃးမၼသ်တၢင်းၸိတ်ႇၸႂ်ၽွင်ႈ  ၵွပ်ႈသူရႃႇ လႄႈ မေရယပဵၼ်လွင်ႈတၢင်း ၽေးဝူတ်ႈၵၢမ်ႇၼၼ်ႉ ပဵၼ်လွင်ႈ ဢၼ်ဢရိယသႃဝၵၽူႈဝၢင်းၶၢတ်ႇယဝ်ႉ လွင်ႈသူရႃႇ လႄႈ မေရယႁဵတ်းႁႂ်ႈၵိုတ်းယိုတ်းလႆႈယဝ်ႉ ။

 

ၶႁပတီ ! ၽေးၵၢမ်ႇ ႕ ပိူင်ၸိူဝ်းလႂ် ဢၼ်ဢရိယသႃဝၵ ႁဵတ်းႁႂ်ႈၵိုတ်းယိုတ်းလႆႈယဝ်ႉ ?

 

-----------                                  ------------                       -------------

 

ၶႁပတီ ! ဢရိယသႃဝၵ ၽူႁဵတ်းသၢင်ႈၽွမ်ႉယဝ်ႉလူၺ်ႈမုၼ်ၶွင်သေႃးတႃႇပၢၼ်ႇ ႔ ပိူင်ပဵၼ်ၸိူင်ႉႁိုဝ်?

 

႑ ၶႁပတီ ! သႃဝၵၶွင်ၽြႃးဢရိယၸဝ်ႈၼႂ်းထမ်ႇမဝိၼၺ်း(ဝိၼယ)ၼႆႉ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းၽြႃးပုတ်ႉထၸဝ်ႈ ဝႃႈၵွပ်ႈလွင်ႈတၢင်းၸိူင်ႉၼႆ ၽြႃးပဵၼ်ၸဝ်ႈၼၼ်ႉပဵၼ်ၽူႈႁၢင်ႇၵႆၵိလေႇသႃႇ ပဵၼ်ၽူႈႁူႉၸႅင်ႈလႆႈဢဝ်ႁင်းၵူၺ်း ပဵၼ်ၽူႈႁူႉၸႅင်ႈ လူၺ်ႈဝိၸႃႇ လိႈ ၶေႃႈပတိပတ်ႈႁႂ်ထိုင်ဝိၸႃႇ ပဵၼ်ၽူႈပူၼ်ႉလွတ်ႈၵႂႃႇယဝ်ႉ ပဵၼ်ၽူႈႁူႉလေႃးၵၼင်ႇၸႅင်ႈလႅင်း ပဵၼ်ၽူႈဢၼ်ၽိုၵ်းၵူၼ်းဢၼ်ၵိုင်ႇလီၽိုၵ်းလူၺ်ႈဢမ်ႇမီးၽႂ်မိူၼ်ၸဝ်ႈလႆႈ ပဵၼ်ၶူးၶွင်တေႇဝတႃႇ လႄႈ ၵူၼ်း(မၼုသ)တၢင်းလၢႆ ပဵၼ်ၽူႈႁူႉ ၽူႈတိုၼ်ႇ ၽူႈပိူၵ်ႇပၢၼ်းလူၺ်ႈထမ်း ပဵၼ်ၽူႈႁိူဝ်ႈႁိူင်းမႅင်ႇထမ်း သင်သွၼ်သတ်းၼင်ႇၼႆ ။

 

႒ ၶႁပတီ ! သႃဝၵၶွင်ၽြႃးဢရိယၸဝ်ႈၼႂ်းထမ်ႇမဝိၼၺ်း(ဝိၼယ)ၼႆႉ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းထမ်ႇမတြႃးၸဝ်ႈ ဝႃႈထမ်ႇမၼၼ်ႉ ပဵၼ်လွင်ႈ ဢၼ်ၽြႃးပဵၼ်ၸဝ်ႈႁေႃးဝႆႉလီယဝ်ႉ ပဵၼ်လွင်ႈဢၼ်ၽူလဵပ်ႈႁဵၼ်း လႄႈ ပတိပတ်ႈႁူႉလႆႈဢဝ်ႁင်းၵူၺ်း ပဵၼ်လွင်ႈပတိပတ်ႈလႆႈ လႄႈ မီးၽွၼ်းဢၼ်ဢမ်ႇသုတ်းတိူၵ်ႈလႆႈ ပဵၼ်လွင်ႈဢၼ်ၵိုင်ႇလီၵၢဝ်ႇတေႃႇ ၽူႈၵူၼ်းဝႃႈ ၶဝ်ႈမႃးလဵပ်ႈႁဵၼ်းတူၺ်းလူ ပဵၼ်လွင်ႈဢၼ်ၵိုင်ႇလီၼွမ်ႉၶဝ်ႈမႃးသႂ်ႇတူဝ် ပဵၼ်လွင်ႈဢၼ် ၽူႈႁူႉၵေႃႈႁူႉလႆႈဢဝ်ၵူၺ်းၼင်ႇၼႆ ။

 

႓ ၶႁပတီ ! သႃဝၵၶွင်ၽြႃးဢရိယၸဝ်ႈၼႂ်းထမ်ႇမဝိၼၺ်း(ဝိၼယ)ၼႆႉ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းသင်ႇၶဢရိယၸဝ်ႈ ဝႃႈသင်ႇၶသႃဝၵၶွင် ၽြႃးပဵၼ်ၸဝ်ႈ ပဵၼ်ၽူႈပတိပတ်ႈလီယဝ်ႉ ပဵၼ်ၽူႈပတိပတ်ႈသိုဝ်ႈယဝ်ႉ ပဵၼ်ၽူႈပတိပတ်ႈႁႂ်ႈႁူႉထမ်ႇမ ၶိူင်ႈဢွၵ်ႇပူၼ်ႉတုၵ်ႉယဝ်ႉ ပဵၼ်ၽူႈပတိပတ်ႈမၢၼ်ႇမႅၼ်ႈယဝ်ႉ ဢၼ်ပဵၼ်ပူၵ်ၵူလ်ႇၸိူဝ်းၼႆႉ ၼၼ်ႉပဵၼ် ၵူႈၶွင် ပုရုသ် ႔ ၵူႈ ၼပ်ႉၸႅၼ်ႇၵၼ်ပဵၼ် ႘ တူၼ် ၼၼ်ႉလႄႈ ပဵၼ်သင်ႇၶသႃဝၵၶွင်ၽြႃးပဵၼ်ၸဝ်ႈ ပဵၼ်သင်ႇ ၶႃႇဢၼ်ထိူၵ်ႈႁပ်ႉသၵ်ၵရဢၼ်ၶဝ်ဢဝ်မႃးပူႇၸေႃႇ ပဵၼ်သင်ႇၶဢၼ်ထိူၵ်ႈႁပ်ႉသၵ်ၵရဢၼ်ၶဝ်ဢဝ်မႃး ႁပ်ႉတွၼ်ႈ ပဵၼ်သင်ႇၶဢၼ်ၵိုင်ႇထိူၵ်ႈႁၵ်ႉထၵ်သိၼတႃႇၼ ပဵၼ်သင်ႇၶဢၼ်ၽူႈၵူၼ်းတၢင်းလၢႆ ႁွမ်း မိုဝ်းဝႆႈသႃ(ဢၺ်းသလီ) ပဵၼ်သင်ႇၶဢၼ်ပဵၼ်ၼႃးမုၼ်ၶွင်လေႃးၵ ဢမ်ႇမီးၼႃးမုၼ်လႂ်ပဵင်းလႆႈ ၼင်ႇၼႆ။

 

႔ ၶႁပတီ ! သႃဝၵၶွင်ၽြႃးဢရိယၸဝ်ႈၼႂ်းထမ်ႇမဝိၼၺ်း(ဝိၼယ)ၼႆႉ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈသိလ်တၢင်းလၢႆ ဢၼ်ပဵၼ်တီႈပေႃးၸႂ်ၶွင်ဢရိယၸဝ်ႈ ပဵၼ်သိလ်ဢၼ်ဢမ်ႇၶၢတ်ႇ ဢမ်ႇလူႉ ဢမ်ႇလၢင်ႇလၢႆး ပဵၼ်သိလ်ဢၼ်ဢမ်ႇၸပ်းပႅၼ်းတၼ်ႁႃ ပဵၼ်သိလ်ဢၼ်ၽူႈႁူႉၶဝ်ယွင်ႈယေႃး ပဵၼ်သိလ် ဢၼ်တိၵ်ထိဢမ်ႇလုပ်ႈၵမ်း လႄႈ ပဵၼ်သိၼ်ဢၼ်ပဵၼ်ၵႂႃႇပိူဝ်ႈသမ်မႃထိ ၼင်ႇၼႆ ။

 

ၶႁပတီ ! ဢရိယသႃဝၵ ၽူႁဵတ်းသၢင်ႈၽွမ်ႉယဝ်ႉလူၺ်ႈမုၼ်ၶွင်သေႃးတႃႇပၢၼ်ႇ ႔ ပိူင်တိူဝ်းၼႆႉလႄႈ။

 

-----                           -------                            --------                                   --------

 

ၶႁပတီ ! ဢရိယၺႃယထမ်း ပဵၼ်လွင်ႈဢၼ်ဢရိယသႃဝၵႁၼ်ယဝ်ႉ တႅင်းဢွၵ်ႇယဝ်ႉလူၺ်ႈပၺ်ႇၺႃႇ ပဵၼ်ၸိူင်ႉႁိုဝ် ?

 

ၶႁပတီ ! ဢရိယသႃဝၵၼႂ်းထမ်ႇမဝိၼၺ်း(ဝိၼယ)ၼႆႉ ၸင်ႇႁဵတ်းဝႆႉၼႂ်းၸႂ်လူၺ်ႈၶႅမ်ႉယဝ်ႉပဵၼ်ဢၼ်လီ ၼၼ်ႉပဵၼ်ပတိၸသမ်မုပ်ႉပၢတ်ႈၼၼ်ႉလႄႈၼင်ႇၼႆဝႃႈ

ၵွပ်ႈၸိူင်ႉၼႆမီး ၸိူင်ႉၼႆၸိုင်မီး

ၵွပ်ႈလွင်ႈၵိူတ်ႇၶိုၼ်ႈၶွင်ၸိူင်ႉၼႆ  ၸိူင်ႉၼႆ ၸိုင်ၵိူတ်ႇၶိုၼ်ႈ

ၵွပ်ႈၸိူင်ႉၼႆ ဢမ်ႇမီး ၸိူင်ႉၼႆ ၸိုင်ဢမ်ႇမီး

ၵွပ်ႈလွင်ႈမွတ်ႈႁၢႆၵႂႃႇၶွင်ၸိူင်ႉၼႆ ၸိူင်ႉၼႆၸိုင်မွတ်ႇႁၢႆၵႂႃႇ

 

ၶေႃႈၼႆႉ မိူၼ်ၼင်ႇၸိူဝ်းၼႆႉ ၼၼ်ႉပဵၼ်

 

ၵွပ်ႈမီးဢဝိၸ်ၸႃႇ ပဵၼ်လွင်ႈတၢင်း  ၸင်ႇမီးသင်ၶႃရတၢင်းလၢႆ

ၵွပ်ႈမီးသင်ၶႃရ     ပဵၼ်လွင်ႈတၢင်း  ၸင်ႇမီးဝိၺဵၼ်ႇ

ၵွပ်ႈမီးဝိၺဵၼ်ႇ     ပဵၼ်လွင်ႈတၢင်း  ၸင်ႇမီးယုၵ်ႈၼၢမ်ႇ

ၵွပ်ႈမီးယုၵ်ႇၼၢမ်ႇ ပဵၼ်လွင်ႈတၢင်း ၸင်ႇမီးသႃလႃယတၼ

ၵွပ်ႈမီးသႃလႃယတၼ ပဵၼ်လွင်ႈတၢင်း ၸင်ႇမီးၽတ်သ

ၵွပ်ႈမီးၽတ်သ     ပဵၼ်လွင်ႈတၢင်း ၸင်ႇမီးဝေႇတၼႃႇ

ၵွပ်ႈမီးဝေႇတၼႃႇ ပဵၼ်လွင်ႈတၢင်း ၸင်ႇမီးတၼ်ႁႃ

ၵွပ်ႈမီးတၼ်ႁႃ     ပဵၼ်လွင်ႈတၢင်း ၸင်ႇမီးဢုပထၢၼ်ႇ

ၵွပ်ႈမီးဢုပထၢၼ် ပဵၼ်လွင်ႈတၢင်း ၸင်ႇမီးၽဝ (ၽူပ်း)

ၵွပ်ႈမီးၽဝ ပဵၼ်လွင်ႈတၢင်း ၸင်ႇမီးၸႃႇတိ (ၸၢတ်ႈ)

ၵွပ်ႈမီးၸႃႇတိ ပဵၼ်လွင်ႈတၢင်း ၸင်ႇမီးၸႃရႃႇ မရႃၼ သေႃးၵ ပရိတေႇဝ တုၶတေႃးမၼသ် ဢုပယႃယၸင်ႇၶိူတ်ႇၶိုၼ်ႈတဵမ်ထူၼ်ႈ

လွင်ႈၵိူတ်ႇၶိုၼ်ႈၽွမ်ႉၶွင်ၵွင်တုၵ်ႉတၢင်းသဵင်ႈၼႆႉ ၸင်ႇမီးလႆႈလူၺ်ႈလွင်ႈတၢင်းၸိူင်ႉၼင်ႇၼႆ ။

 

ၵွပ်ႈလွင်ႈၸၢင်ႁၢႆမွတ်ႇၵႂႃႇလူၺ်ႈဢမ်ႇလိူဝ်ၶွင်ဢဝိၸ်ၸႃႇ ၼင်ႇၼၼ်ယဝ်ႉ ၸင်ႇမီးလွင်ႈမွတ်ႇႁၢႆၵႂႃႇၶွင် သင်ၶႃရ

ၵွပ်ႈမီးလွင်ႈမွတ်ႇႁၢႆၶွင်သင်ၶႃရ ၸင်ႇမီးလွင်ႈမွတ်ႇၶွင်ဝိၺဵၼ်ႇ

ၵွပ်ႈမီးလွင်ႈမွတ်ႇႁၢႆၶွင်ဝိၺဵၼ်ႇ ၸင်ႇမီးလွင်ႈမွတ်ႇၶွင်ယုၵ်ႇၼၢမ်ႇ

ၵွပ်ႈမီးလွင်ႇႁၢႆၶွင်ယုၵ်ႈၼၢမ်ႇ ၸင်ႇမီးလွင်ႈမွတ်ႇၶွင်သႃလႃယတၼ

ၵွပ်ႈမီးလွင်ႈမွတ်ႇႁၢႆၶွင်သႃလႃယတၼ ၸင်ႇမီးလွင်ႈမွတ်ႇၶွင်ၽတ်သ

ၵွပ်ႈမီးလွင်ႈမွတ်ႇႁၢႆၶွင်ၽတ်သ ၸင်ႇမီးလွင်ႈမွတ်ႇၶွင်ဝေႇတၼႃႇ

ၵွပ်ႈမီးလွင်ႈမွတ်ႇႁၢႆၶွင်ဝေႇတၼႃႇ ၸင်ႇမီးလွင်ႈမွတ်ႇၶွင်တၼ်ႁႃ

ၵွပ်ႈမီးလွင်ႈမွတ်ႇႁၢႆၶွင်တၼ်ႁႃ ၸင်ႇမီးလွင်ႈမွတ်ႇၶွင် ဢုပထၢၼ်

ၵွပ်ႈမီးလွင်ႈမွတ်ႇႁၢႆၶွင် ဢုပထၢၼ် ၸင်ႇမီးလွင်ႈမွတ်ႇၶွင် ၽဝ

ၵွပ်ႈမီးလွင်ႈမွတ်ႇႁၢႆၶွင်ၽဝ ၸင်ႇမီးလွင်ႈမွတ်ႇၶွင်ၸႃႇတိ

ၵွပ်ႈမီးလွင်ႈမွတ်ႇႁၢႆၶွင်ၸႃႇတိၼၼ်ႉလႄႈ  ၸႃရႃ မရႃၼ သေႃးၵ ပရိတေႇဝ တုၶ တေႃးမၼသ် သုပယႃသ တၢင်းလၢႆၸိုင်မွတ်ႇသဵင်ႈ

လွင်ႈမွတ်ႇလူင်းၶွင်ၵွင်တုၵ်ႉတၢင်းသဵင်ႈၼႆႉ မီးဝႆႉလွင်ႈတၢင်ႈတၢင်းၼင်ႇၼႆ ။

 

ၶႁပတီ ! ဢရိယၺႃယထမ်းၼႆႉလႄႈ ပဵၼ်ထမ်းဢၼ်ဢရိယသႃဝၵၼၼ်ႉႁၼ်ယဝ်ႉ တႅင်းဢွၵ်ႇယဝ်ႉ လူၺ်ႈပၺ်ႇလႃႇ

 

ၶႁပတီ ! ၼႂ်းၵၢလ်လႂ်လႄႈ ၽေးဝူတ်ႈၵၢမ်ႇ ႕ ပိူင်ၸိူဝ်းၼႆႉပဵၼ်လွင်ႈဢၼ်ဢရိယသႃဝၵႁဵတ်းႁႂ်ႈၵိုတ်းယိုတ်း လႆႈယဝ်ႉ လူၺ်ႈဢရိယသႃဝၵၼၼ်ႉပဵၼ်ၽူႈႁဵတ်းၽွမ်ႉယဝ်ႉ လူၺ်းတႃပႃတိယင်ၶသီႇပိူင်ၼႆႉ လူၺ်ႈဢရိယ ၺႃယထမ်းၼႆႉ ပဵၼ်ထမ်းမဢၼ်ဢရိယသႃဝၵႁၼ်ယဝ်ႉ တႅင်းဢွၵ်ႉယဝ်ႉ လူၺ်ႈပၺ်ႇၺႃ ၼႂ်းၵၢလ်ၼၼ်ႉ ဢရိယသႃဝၵၼၼ်ႉ ပရႃထၼႃႇယူႇ ၵေႃႈတၵ်ႉၼၢႆတူဝ်ၵဝ်ႇလူၺ်ႈတူဝ်ၵဝ်ႇဝႃႈ ႁဝ်းပဵၼ်ၽူႈမီး ငရၢႆးသုတ်း သဵင်ႈယဝ်ႉ မီးသတ်းတရိၵ်ႉသၢၼ်ႇသုတ်းသဵင်ႈယဝ်ႉ မီးပိၵ်ႉတႃႇသုတ်းသဵင်ႈယဝ်ႉ မီးဢႃပႃယ တုၶတိ ဝိၼိပၢတ်ႇ သုတ်းသဵင်ႈယဝ်ႉ ႁဝ်းပဵၼ်ၽူႈထိုင်ယဝ်ႉလႅၼ်ၼိပ်ႉပၢၼ်ႇ မီးလွင်ႈဢၼ်ဢမ်ႇတူၵ်းတႅမ်ႇပဵၼ်ထမ်ႇမတႃႇ ပဵၼ်ၽူႈမၼ်ႈၵိုမ်းတေႃႇၼိပ်ႇပၢၼ်ႇ မီးၵၢၼ်ႁူႉၸႅင်ႈၽွမ်ႉၼႂ်းၵၢလ်ပိူင်ႈၼႃႈ ၼင်ႇၼႆ ။

 

ဢိင်ၶေႃႈမုလ်း ပီတၵတ်ႈၽၢႆႇထႆး

ၸိုဝ်ႈ ပႃလိ ထသၵၼိပႃတ ဢင်ၶုတ်တရၼိၵႃယ

24/195-198/92