သေႃးတႃႇပၢၼ်ႇပဵၼ်ၽႂ် ၼယထိ႒

 

သေႃးတႃႇပၢၼ်ႇပဵၼ်ၽႂ် ၼယထိ႒

 

ယႃႇၵူဝ်လႄႈ မႁႃၼႃမ ! ယႃႇၵူဝ်လႄႈ မႁႃၼႃမ ! တၢင်းတၢႆၶွင်ၸဝ်ႈတေဢမ်ႇတႅမ်ႇယေႃႈ ၵႃလၵိရိယႃၶွင် ၸဝ်ႈတေဢမ်ႇတႅမ်ႇယေႃႈ ၊ ဢႁႃၼႃမ ! ဢရိယသႃဝၵၽူႈႁဵတ်းသၢင်ႈၽွမ်ႉယဝ်ႉလူၺ်ႈထမ်း ႔ ပိူင်ၼႆႉ  ၸိုင်ပဵၼ်ၽူႈမီးပၵတိ ၼွမ်ႉၵႂႃႇၼႂ်းၼိပ်ႉပၢၼ်ႇ ၼူမ်ႉၵႂႃႇၸူးၼိပ်ႉပၢၼ်ႇ ဢဵၼ်ႈၵႂႃႇတၢင်းၼိပ်ႉပၢၼ်ႇၸိူင်ႉၼၼ်

 

ထမ်း ႔ ပိူင်ၸိူဝ်းၼၼ်ႉပဵၼ်ၸိူင်ႉႁိုဝ်? ႔ ပိူင်ၼၼ်ႉပဵၼ်

 

မႁႃၼႃမ ! ဢရိယသႃဝၵၼႂ်းၸိူဝ်းၼႆႉ

 

႑ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းၽြႃးပုတ်ႉထၸဝ်ႈ ဝႃႈၵွပ်ႈလွင်ႈတၢင်းၸိူင်ႉၼႆ ၽြႃးပဵၼ်ၸဝ်ႈၼၼ်ႉပဵၼ်ၽူႈႁၢင်ႇၵႆၵိလေႇသႃႇ ပဵၼ်ၽူႈႁူႉၸႅင်ႈလႆႈဢဝ်ႁင်းၵူၺ်း ပဵၼ်ၽူႈႁူႉၸႅင်ႈ လူၺ်ႈဝိၸႃႇ လိႈ ၶေႃႈပတိပတ်ႈႁႂ်ထိုင်ဝိၸႃႇ ပဵၼ်ၽူႈပူၼ်ႉလွတ်ႈၵႂႃႇယဝ်ႉ ပဵၼ်ၽူႈႁူႉလေႃးၵၼင်ႇၸႅင်ႈလႅင်း ပဵၼ်ၽူႈဢၼ်ၽိုၵ်းၵူၼ်းဢၼ်ၵိုင်ႇလီၽိုၵ်းလူၺ်ႈဢမ်ႇမီးၽႂ်မိူၼ်ၸဝ်ႈလႆႈ ပဵၼ်ၶူးၶွင်တေႇဝတႃႇ လႄႈ ၵူၼ်း(မၼုသ)တၢင်းလၢႆ ပဵၼ်ၽူႈႁူႉ ၽူႈတိုၼ်ႇ ၽူႈပိူၵ်ႇပၢၼ်းလူၺ်ႈထမ်း ပဵၼ်ၽူႈႁိူဝ်ႈႁိူင်းမႅင်ႇထမ်း သင်သွၼ်သတ်းၼင်ႇၼႆ ။

 

႒ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းထမ်ႇမတြႃးၸဝ်ႈ ဝႃႈထမ်ႇမၼၼ်ႉ ပဵၼ်လွင်ႈ ဢၼ်ၽြႃးပဵၼ်ၸဝ်ႈႁေႃးဝႆႉလီယဝ်ႉ ပဵၼ်လွင်ႈဢၼ်ၽူလဵပ်ႈႁဵၼ်း လႄႈ ပတိပတ်ႈႁူႉလႆႈဢဝ်ႁင်းၵူၺ်း ပဵၼ်လွင်ႈပတိပတ်ႈလႆႈ လႄႈ မီးၽွၼ်းဢၼ်ဢမ်ႇသုတ်းတိူၵ်ႈလႆႈ ပဵၼ်လွင်ႈဢၼ်ၵိုင်ႇလီၵၢဝ်ႇတေႃႇ ၽူႈၵူၼ်းဝႃႈ ၶဝ်ႈမႃးလဵပ်ႈႁဵၼ်းတူၺ်းလူ ပဵၼ်လွင်ႈဢၼ်ၵိုင်ႇလီၼွမ်ႉၶဝ်ႈမႃးသႂ်ႇတူဝ် ပဵၼ်လွင်ႈဢၼ် ၽူႈႁူႉၵေႃႈႁူႉလႆႈဢဝ်ၵူၺ်းၼင်ႇၼႆ ။

 

႓ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈလွင်ႈယုမ်ႇယမ်ဢၼ်ယင်ႇလူင်းမၼ်ႈၼႂ်းသင်ႇၶဢရိယၸဝ်ႈ ဝႃႈသင်ႇၶသႃဝၵၶွင် ၽြႃးပဵၼ်ၸဝ်ႈ ပဵၼ်ၽူႈပတိပတ်ႈလီယဝ်ႉ ပဵၼ်ၽူႈပတိပတ်ႈသိုဝ်ႈယဝ်ႉ ပဵၼ်ၽူႈပတိပတ်ႈႁႂ်ႈႁူႉထမ်ႇမ ၶိူင်ႈဢွၵ်ႇပူၼ်ႉတုၵ်ႉယဝ်ႉ ပဵၼ်ၽူႈပတိပတ်ႈမၢၼ်ႇမႅၼ်ႈယဝ်ႉ ဢၼ်ပဵၼ်ပူၵ်ၵူလ်ႇၸိူဝ်းၼႆႉ ၼၼ်ႉပဵၼ် ၵူႈၶွင် ပုရုသ် ႔ ၵူႈ ၼပ်ႉၸႅၼ်ႇၵၼ်ပဵၼ် ႘ တူၼ် ၼၼ်ႉလႄႈ ပဵၼ်သင်ႇၶသႃဝၵၶွင်ၽြႃးပဵၼ်ၸဝ်ႈ ပဵၼ်သင်ႇ ၶႃႇဢၼ်ထိူၵ်ႈႁပ်ႉသၵ်ၵရဢၼ်ၶဝ်ဢဝ်မႃးပူႇၸေႃႇ ပဵၼ်သင်ႇၶဢၼ်ထိူၵ်ႈႁပ်ႉသၵ်ၵရဢၼ်ၶဝ်ဢဝ်မႃး ႁပ်ႉတွၼ်ႈ ပဵၼ်သင်ႇၶဢၼ်ၵိုင်ႇထိူၵ်ႈႁၵ်ႉထၵ်သိၼတႃႇၼ ပဵၼ်သင်ႇၶဢၼ်ၽူႈၵူၼ်းတၢင်းလၢႆ ႁွမ်း မိုဝ်းဝႆႈသႃ(ဢၺ်းသလီ) ပဵၼ်သင်ႇၶဢၼ်ပဵၼ်ၼႃးမုၼ်ၶွင်လေႃးၵ ဢမ်ႇမီးၼႃးမုၼ်လႂ်ပဵင်းလႆႈ ၼင်ႇၼႆ။

 

႔ ပဵၼ်ၽူႈႁဵတ်းသၢင်ႈ ၽွမ်ႉယဝ်ႉ လူၺ်ႈသိလ်တၢင်းလၢႆ ဢၼ်ပဵၼ်တီႈပေႃးၸႂ်ၶွင်ဢရိယၸဝ်ႈ ပဵၼ်သိလ်ဢၼ်ဢမ်ႇၶၢတ်ႇ ဢမ်ႇလူႉ ဢမ်ႇလၢင်ႇလၢႆး ပဵၼ်သိလ်ဢၼ်ဢမ်ႇၸပ်းပႅၼ်းတၼ်ႁႃ ပဵၼ်သိလ်ဢၼ်ၽူႈႁူႉၶဝ်ယွင်ႈယေႃး ပဵၼ်သိလ် ဢၼ်တိၵ်ထိဢမ်ႇလုပ်ႈၵမ်း လႄႈ ပဵၼ်သိၼ်ဢၼ်ပဵၼ်ၵႂႃႇပိူဝ်ႈသမ်မႃထိ ၼင်ႇၼႆ ။

 

မႁႃၼႃမ ! မိူၼ်ၼင်ႇတူၼ်ႈမႆႉ ၼွမ်ႉၵႂႃႇၼႃႈတၢင်းႁွင်ႇ ၼူမ်ႉၵႂႃႇၼႃႈတၢင်းႁွင်ႇ ဢဵၼ်ႈၵႂႃႇၼႃႈတၢင်းႁွင်ႇ  တူၼ်ႈမႆႉၼၼ်ႉ မိူဝ်ႈၶဝ်တႅပ်းငဝ်ႈမၼ်းယဝ်ႉ တူၼ်ႈမႆႉၼၼ်ႉတေလူမ်ႉၵႂႃႇတၢင်းလႂ် ?

 

မၼ်းတေလူမ်ႉၵႂႃႇတၢင်းတီႈမၼ်းၼွမ်ႉၵႂႃႇ ၼူမ်ႉၵႂႃႇ ဢဵၼ်ႈၵႂႃႇၼၼ်ႉ ၽြႃးပဵၼ်ၸဝ်ႈၶႃႈ ၊

 

မႁႃၼႃမ ! ၸိူင်ႉႁိုဝ်ၵေႃႈၸိူင်ႉၼၼ်ႉ ဢရိယသႃဝၵ ၽူႈႁဵတ်းသၢင်ႈၽွမ်ႉယဝ်ႉၼႂ်းထမ်ႊမ ႔ ပိူင်ၸိူဝ်းၼႆႉလႄႈ

ၸိုင်ပဵၼ်ၽူႈမီးပၵတိ ၼွမ်ႇၵႂႃႇၼႂ်းၼိပ်ႉပၢၼ်ႇ ၼူမ်ႉၵႂႃႇၸူးၼိပ်ႉပၢၼ်ႇ ဢဵၼ်ႈၵႂႃႇတၢင်းၼိပ်ႉပၢၼ်ႇ ၼင်ႇၼႆ ။

 

-----

ဢိင်ၶေႃႈမုလ်း ပီတၵတ်ႈၽၢႆႇထႆး

ၸိုဝ်ႈ ပႃလိႉ သံႉ  မႁႃဝႃရ သင်ယုတ်တၼိၵႃယ

19/465-466/1411-1512