ၽႃႁိယသုတ်ႇ

 #ၽႃႁိယသုတ်ႇ

ၶႃႈၽူႈၸဝ်ႈလႆႈထွမ်ႇယိၼ်းမႃးယဝ်ႉၸိူင်ႉၼႆ

မိူဝ်ႈပၢၼ်ၼိုင်ႈ ၽြႃးပဵၼ်ၸဝ်ႈယူႇသဝ်းဝႆႉၵႃႈတီႈဝတ်ႉၸေႇတဝၼ်ႇ ဢႃရၢမ်း ၶွင်သထေး လူင်ဢႃႇၼႃႇထပိၼ်ႇႁိမ်းၸမ်မိူင်းသႃဝထီႉ မိူဝ်ႈၼၼ်ႉလႄႈ ၵုလ်လပုတ်ႇၸိုဝ်ႈဝႃႈၽႃႁိယ ထႃရုၸီရိယ ယူႇသဝ်းဝႆႉတီႈတႃႈသုပႃရၵ ဢၼ်ၸမ် ၽင်ႇသမ်ႇမုတြႃႇ ပဵၼ်ၽူႈဢၼ် ၽူႈၵူၼ်းၸၢဝ်းမိူင်းၶဝ် သၵ်ၵႃရ ၵႃရဝ ပူႇၸေႃႇၼပ်ႉထိုဝ်
မီးၽႃႈသၢင်ႇၵၢၼ်း ၶဝ်ႈသွမ်း သေၼႃသၼ လႄႈယႃႈယႃ ပွၵ်ႈၼၼ်ႉ လႄႈ ၽႃႁိယထႃရု ၸီရိယ ၸင်ႇဢွၵ်ႇႁႃယူႇသဝ်းၼႂ်းတီႈဝိဝဵၵ်ႉၵတ်းယဵၼ် ယၢမ်းၼၼ်ႉၸင်ႇၵိူတ်ႇလွင်ႈ ဝူၼ်ႉ ၼႂ်းၸႂ် ၸိူင်ႉၼႆဝႃႈ ။

ႁဝ်းပဵၼ်ၽူႈၼိုင်ႈ ၼႂ်းၸဝ်ႈဢရႁံတႃ ဢမ်ႇၼၼ် ဢရႁံတႃမၢၵ်ႉၼႂ်း လေႃးၵၼႆႉ။

ဝၢႆးၼၼ်ႉလႄႈ တေႇဝတႃႇၽူႈပဵၼ်သၢႆလိူတ်ႈလေႃးႁိတၼႂ်းပၢၼ်ၵွၼ်ႇ ၶွင်ၸဝ်ႈ ၽႃႁိယ ထႃရုၸီရိယ ပဵၼ်ၽူႈႁၼ်ထိုင်ယိူင်းဢၢၼ်းပိူဝ်ႈၽွၼ်းလီ ၽူႈလႆႈႁူႉလွင်ႈ ဝူၼ်ႉၼႂ်းၸႂ်ၶွင် ၽႃႁိယထႃရုၸီရိယလူၺ်ႈၸႂ်ယဝ်ႉ ၵမ်းၼၼ်ႉၸင်ႇၵၢဝ်ႇလၢတ်ႈဝႃႈ တူၺ်းလူ ၽႃႁိယ ! ၸဝ်ႈဢမ်ႇလႆႈပဵၼ် ဢရႁံတႃ လႄႈ ဢမ်ႇလႆႈပဵၼ် ဢရႁံတႃမၢၵ်ႉၵူၺ်းၼႃ ၸဝ်ႈဢမ်ႇမီး ပတိပထႃ ၶိူင်ႈႁႂ်ႈထိုင်ပဵၼ် ဢရႁံတႃ လႄႈ ဢရႁံတႃမၢၵ်ႉ ၽႃႁိယထႃရုၸီရိယၸင်ႇထၢမ် တူၼ်ၼၼ်ႉၶိုၼ်းဝႃႈ မိူဝ်ႈပဵၼ်ၸိူင်ႉၼၼ်ႉ ယၢမ်းၼႆႉ ၽႂ်သမ်ႉ ပဵၼ်ဢရႁံတႃ လႄႈ ဢရႁံတႃမၢၵ်ႉ ၼႂ်းမၼုသလေႃးၵ လႄႈ ၼႂ်းတေႇဝလေႃးၵ?

တေႇဝတႃႇၸင်ႇတွပ်ႇဝႃႈ တူၺ်းလူ ၽႃႁိယ ! ၼႂ်းတၢင်းၼႃႈၽၢႆႇႁွင်ႇၼႆႉ မီးမိူင်းၸိုဝ်ႈဝႃႈ မိူင်းသႃဝထီ ယၢမ်းၼႆႉၽြႃးပဵၼ်ၸဝ်ႈဢရႁံတႃသမ်မႃသမ်ပုတ်ႉ ထ ၸဝ်ႈၼၼ်ႉ ယူႇသဝ်း ဝႆႉတီႈၼႂ်းမိူင်းၼၼ်ႉ….

တူၺ်းလူၽႃႁိယ ! ၽြႃးပဵၼ်ၸဝ်ႈၼၼ်ႉယဝ်ႉပဵၼ်ဢရႁံတႃ တင်းႁေႃး ၼေထမ်းတြႃး ပိူဝ်ႈလွင်ႈပဵၼ်ဢရႁံတႃ

ဝၢႆးၼၼ်ႉလႄႈ ၽႃႁိယထႃရုၸီရိယ ၽူႈဢၼ်တေႇဝတႃႇၼၼ်ႉမွၵ်ႇလၢတ်ႈႁႂ်ႈႁူႉထိုင် ၸဝ်ႈၸင်ႇဢွၵ်ႇၵႂႃႇတီႈၼႂ်းမိူင်းတႃႈသုပ်ပရၵ ၼႂ်းယၢမ်းၼၼ်ႉ ၸင်ႇလႆႈမိူဝ်းၸူး ၽြႃး ပဵၼ်ၸဝ်ႈတီႈဢၼ်ၽြႃးပဵၼ်ၸဝ်ႈယူႇသဝ်းဝတ်ႉဝိႁၢရ်ၸေႇတဝၼ်ႇ ဢႃရၢမ်း ၶွင် သထေးလူင်ဢႃၼႃထပိၼ်ႇ ႁိမ်းၸမ်မိူင်သႃဝထီ လူၺ်ႈလႆႈထင်သဝ်းယူႇတီႈၼၼ် ၼိုင်ႈၶိုၼ်း

ဝၢႆးၼၼ်ႉလႄႈ ၽိၵ်ၶူတၢင်းၼမ်ႉၸင်ႇဢွၼ်ၵၼ်ပႆၵႂႃႇမႃးယူႇၼႂ်းၵၢင်ၸႅင်ႈ ၽႃႁိယထႃရုၸီရိယ ၶဝ်ႈၵႂႃႇၸူးၽိၵ်ၶူၸိူဝ်းၼၼ်ႉထိုင်တီႈယူႇ ယဝ်ႉၸင်ႇ ထၢမ်ၽိၵ်ၶူ တၢင်းလၢႆၸိူဝ်းၼၼ်ႉဝႃႈ ဢေႃးတီႈၶႃႈ ၸဝ်ႈတၢင်းလၢႆၶဝ်ဢူၺ် ယၢမ်းၼႆႉ ၽြႃးပဵၼ်ၸဝ်ႈ ဢရႁံတႃသံမႃသံပုတ်ႉထ ယူႇသဝ်းဝႆႉတီႈလႂ်ၶႃႈၼေႃ ၶႃႈၽူႈၸဝ်ႈမီးလွင်ႈၶႂ်ႈထူပ်းၽြႃး ဢရႁံတႃသံမႃသံပုတ်ႉထတူၼ်ၼၼ်ႉဢေႃႈ

ၸဝ်ႈၽိၵ်ၶူၸိူဝ်းၼၼ်ႉၸင်ႇတွပ်ႇဝႃႈ တူၺ်းလူၽႃႁိယ ၽြႃးပဵၼ်ၸဝ်ႈဢရႁံတႃ သံမႃသံပုတ်ႉထၸဝ်ႈ ၶဝ်ႈၵႂႃႇၶၢမ်ႇသွမ်းၼႂ်းမူႇဝၢၼ်ႈယူႇ ၊ ယၢမ်းၼင်ႇၼၼ်လႄႈ ၽႃႁိယထႃရုၸီရိယ ၸိုင်ၼႅတ်ႈဢွၵ်ႇတီႈဝတ်ႉၸေႇတဝၼ်ႇၵမ်းလဵဝ်ယူႇ
မိူဝ်ႈၶဝ်ႈၵႂႃႇထိုင်တီႈၼႂ်းမိူင်းသႃဝထီႉယဝ်ႉၼၼ်ႉၸင်ႇလႆႈႁၼ်ၽြႃးဢရႁံတႃ သံမႃ သံပုတ်ႉထၸဝ်ႈတိုၵ်ႉႁႃၶၢမ်ႇသွမ်းယူႇတီႈၼႂ်းမိူင်းသႃဝထီႉၼၼ်ႉ မိူဝ်ႈၸဝ်ႈလႆႈႁၼ် ၽြႃးပဵၼ်ၸဝ်ႈၼၼ်ႉပဵၼ်ဢၼ်လီယုမ်ႇယမ် ၵိုင်ႇလီယုမ်ႇယမ် မီးတူဝ်ၶိင်းဢၼ်ၼိမ် ၵတ်းယဵၼ် ထိုင်လွင်ႈဢၼ်ၽိုၵ်းလႄႈမၼ်ႈၼိမ်ဢၼ်သုင်သုတ်းဢၼ်ၽိုၵ်းမႃးလီယဝ်ႉ

လႆႈၶဝ်ႈၵႂႃႇၸူးတမ်ႈတီႈၽြႃးပဵၼ်ၸဝ်ႈဢၼ်တိုၵ်ႉႁႃၶၢမ်ႇသွမ်းယူႇ ၸင်ႇမူပ်ႇလူင်း ၸူး တမ်ႈတီႈၶမ်းၽြႃးၸဝ်ႈ

ဢေႃးတီႈၶႃႈၽြႃးပဵၼ်ၸဝ်ႈ ယွၼ်းႁႂ်ႈၽြႃးပဵၼ်ၸဝ်ႈႁေႃးထမ်းၼေပၼ် ၶႃႈၽူႈၸဝ်ႈ ယွၼ်းၽြႃးၸဝ်ႈသူၶုတရ ၶႅၼ်းတေႃးႁေႃးထမ်းတြႃးပိူဝ်ႈ ပဵၼ်ၽွၼ်းလီၵိူဝ်ႉၵုလ် ပိူဝ်ႈတၢင်းသိူဝ်းတေႃႇၶႃႈၽူႈၸဝ်ႈၵႂႃႇၶၢဝ်းႁိုင်ၶႃႈ

မိူဝ်ႈၽႃႁိယထႃရုၸီရိယ တၢင်ႇလဝ်ႈၸိူင်ႉၼင်ႇၼႆယဝ်ႉ ၽြႃးပဵၼ်ၸဝ်ႈၸင်ႇလၢတ်ႈဝႃႈ

တူၺ်းလူ ၽႃႁိယ ယၢမ်းၼႆႉဢမ်ႇပႆႇၵိုင်ႇလႅပ်ႈလွင်ႈႁေႃးၼေထမ်း ၵွပ်ႈတိုၵ်ႉယူႇၼႂ်း ၵိဝ်ႇဝၢၼ်ႈ ပိူဝ်ႈတုင်းသွမ်းယူႇ
ၵမ်းထီႉ ႒ ၽႃႁိယထႃရုၸီရိယ ၵေႃႈလႆႈလဝ်ႈလၢတ်ႈၽြႃးပဵၼ်ၸဝ်ႈဝႃႈ ဢေႃးတီႈၶႃႈ ၽြႃးပဵၼ်ၸဝ်ႈတီႈၶႃႈ လွင်ႈဢၼ်ၸၢင်ႈပဵၼ်ၵႂႃႇၼႂ်းၽေးဢၼ်တရေႇတေႃႇၸီဝိတၶွင်ၶႃႈၽူႈၸဝ်ႈ ၵေႃႈလီ ႁူႉလႆႈယၢပ်ႇလႄႈ ၽြႃးပဵၼ်ၸဝ်ႈတီႈၶႃႈ ယွၼ်းႁႂ်ႈၽြႃးပဵၼ်ၸဝ်ႈၶႅၼ်းတေႃႈႁေႃးထမ်း တြႃးၼေပၼ်ၶႃႈ ၽူႈၸဝ်ႈ ယွၼ်းႁႂ်ႈၽြႃးသူၶူတရၸဝ်ႈႁေႃးၼေထမ်း ဢၼ်တေပဵၼ် ၵႂႃႇပိူဝ်ႈၽွၼ်းလီ ၵိူဝ်ႉၵုလ် ပိူဝ်ႈတၢင်းသိူဝ်းတေႃႇၶႃႈၽူႈၸဝ်ႈၵႂႃႇၶၢဝ်းႁိုင်သေၵမ်းၶႃႈ

ၵမ်းထီႉ ႒ … ၵမ်းထီႉ ႓ ၽႃႁိယထႃရုၸီရိယ ၵေႃႈလႆႈလဝ်ႈလၢတ်ႈယွၼ်းထိုင်ၽြႃး ပဵၼ်ဝႃႈ ၽြႃးပဵၼ်ၸဝ်ႈတီႈၶႃႈ လွင်ႈပဵၼ်ၵႂႃႇၼႂ်းၽေးဢၼ်တရေႇတေႃႇၸီဝိတၶွင် ၶႃႈၽူႈၸဝ်ႈ ၵေႃႈလီ ႁူႉလႆႈယၢပ်ႇလႄႈ

ၽြႃးပဵၼ်ၸဝ်ႈတီႈၶႃႈ ယွၼ်းႁႂ်ႈၽြႃးပဵၼ်ၸဝ်ႈၶႅၼ်းတေႃႈႁေႃးထမ်းတြႃးၼေပၼ်ၶႃႈ ၽူႈၸဝ်ႈ ယွၼ်းႁႂ်ႈၽြႃးသူၶူတရၸဝ်ႈႁေႃးၼေထမ်း ဢၼ်တေပဵၼ်ၵႂႃႇပိူဝ်ႈၽွၼ်းလီ ၵိူဝ်ႉၵုလ် ပိူဝ်ႈတၢင်းသိူဝ်းတေႃႇၶႃႈၽူႈၸဝ်ႈၵႂႃႇၶၢဝ်းႁိုင်သေၵမ်းၶႃႈ

ၽြႃးပဵၼ်ၸဝ်ႈၸင်ႇလၢတ်ႈဝႃႈ တူၺ်းလူ ၽႃႁိယ ! ၵွပ်ႈလွင်ႈတၢင်းၼင်ႇၼၼ်လႄႈ ၸဝ်ႈၸိုင်ႁဵၼ်းႁူႉၸိူင်ႉၼင်ႇၼႆဝႃႈ

မိူဝ်ႈႁၼ် ၸင်ႇႁူႉၸႅင်ႈ  ဝႃႈ ႁၼ်
မိူဝ်ႈယိၼ်း ၸင်ႇႁူႉၸႅင်ႈ  ဝႃႈ ယိၼ်း
မိူဝ်ႈသုတ်ႇၼူမ် ၸင်ႇႁူႉၸႅင်ႈ  ဝႃႈသုတ်ႇၼူမ်
မိူဝ်ႈၸိမ်းရူသ်ႉ ဢႁႃရ ၸင်ႇႁူႉၸႅင်ႈဝႃႈ ၸိမ်းရူသ်ဢႁႃရ
မိူဝ်ႈတိူဝ်ႉထီႉ ၸင်ႇႁူႉၸႅင်ႈ  ဝႃႈ ထီႉ
မိူဝ်ႈႁူႉၸႅင်ႈထမ်းမရူမ်း ၸင်ႇႁူႉၸႅင်ႈ  ဝႃႈ ႁူႉၸႅင်ႈ

တူၺ်းလူၽႃႁိယ ! ၸဝ်ႈၸိုင်ႁဵၼ်းႁူႉၼင်ႇၼႆလႄႈ

တူၺ်းလူၽႃႁိယ ! ၼႂ်းၵၢလ်လႂ်လႄႊ  မိူဝ်ႈႁၼ် ႁူႉၸႅင်ႈဝႃႈ ႁၼ်
မိူဝ်ႈယိၼ်း ႁူႉၸႅင်ႈဝႃႈ ယိၼ်း   မိူဝ်ႈသုတ်ႇၼူမ် ႁူႉၸႅင်ႈဝႃႈ သုတ်ႇၼူမ်
မိူဝ်ႈၸိမ်းရူသ်ႉဢႁႃရ ႁူႉၸႅင်ႈဝႃႈ ၸိမ်း  မိူဝ်ႈတိူဝ်ႉထီႉ ႁူႉၸႅင်ႈဝႃႈ ထီႉ
မိူဝ်ႈႁူႉၸႅင်ႈထမ်းမရူမ်း ႁူႉၸႅင်ႈဝႃႈ ႁူႉၸႅင်ႈ

ၼႂ်းၵၢလ်ၼၼ်ႉ ၸဝ်ႈတေဢမ်ႇမီးၼႂ်းလေႃးၵၼႆႉ ဢမ်ႇမီးၼႂ်းလေႃးၵတၢင်ႇဢၼ် လႄႈဢမ်ႇမီးၼႂ်းၵႄႈၵၢင်လေႃးၵတၢင်းသွင်ၼႆႉလႄႈပဵၼ်တီႈသုတ်းသဵင်ႈၶွင်တုၵ်ႉ

ဝၢႆးသေၼၼ်ႉယဝ်ႉၸိတ်ႇၶွင်ၽႃႁိယထႃရုၸီရိယ ၵုလပုတ်ႇလုတ်ႈပူၼ်ႉယဝ်ႉ ၼႂ်းဢႃသဝတၢင်းလၢႆ ၵွပ်ႈဢမ်ႇလႆႈၵမ်မၼ်ႈပၼ်ႈၵႅၼ်ႇ ၼႂ်းယၢမ်းၼၼ်ႉ လူၺ်ႈထမ်းမတေႇသၼႃႇ ဢၼ်ပွတ်းဢွၼ်ႇၼႆႉ ၶွင်ၽြႃးပဵၼ်ၸဝ်ႈ ဝၢႆးသေၽြႃးပဵၼ်ႁေႃးထမ်းဢၼ်ပွတ်းဢွၼ်ႇၼႆပၼ်ၽႃႁိယထႃရုၸီရိယယဝ်ႉ ၸင်ႇသိုပ်ႇပႆၵႂႃႇပိူဝ်ႈၶၢမ်ၢသွမ်း

ၵမ်းၼၼ်ႉလႄႈမိူဝ်းၽြႃးပဵၼ်ၸဝ်ႈပူၼ်ႉၵႂႃႇယဝ်ႉဢမ်ႇႁိုင် ဝူဝ်းမႄႈလုၵ်ႈဢွၼ်ႇတူဝ်ၼိုင်ႈ ပႆၶဝ်ႈမႃးသေတေႃးသႂ်ႇတီႈတူဝ်ၸဝ်ႈၽႃႁိယထႃရုၸီရိယလူမ်ႉလူင်းသေသဵင်ႈသၢႆၸႂ်ၵႂႃႇ

မိူဝ်ႈၼၼ်ႉၽြႃးပဵၼ်ၸဝ်ႈတိုၵ်ႉလေႇႁႃၶၢမ်းသွမ်းယူႇၼႂ်းမိူင်းသႃဝထီႉ ၼႂ်းယၢမ်းၸဝ်ႉ ၸင်ႇၵွႃႉဢွၵ်ႇၼႂ်းမိူင်းႁူမ်ႈတၢင်းၽိၵ်ၶူတၢင်းၼမ်လႆႈႁၼ်ၸဝ်ႈၽႃႁိယထႃရုၸီရိယလႆႈ သဵင်တၢႆသေယဝ်ႉ ၸင်ႇလၢတ်ႈ တီႈၽိၵ်ၶူတၢင်းလၢႆဝႃႈ တူၺ်းလူၽိၵ်ၶူတၢင်းလၢႆ ! သူတၢင်းလၢႆ ၸွႆႈၵၼ်ယွင်ႈဢဝ်သႃရီရ ၶွင်ၽႃႁိယထႃရုၸီရီယ ယုၵ်ႉၶိုၼ်ႈဝၢင်းၼိူဝ် တီႈၼွၼ်းယဝ်ႉ ၸိုင်ဢဝ်ၵႂႃႇၽဝ်သေယဝ်ႉ ႁဵတ်းသထုပ်(သၢင်းၶႅင်း) ဝႆႉ

တူၺ်းလူၽိၵ်ၶူတၢင်းလၢႆ  ၽႃႁိယထႃရုၸီရိယမီးထမ်းဢၼ်သုတ်းတွၼ်းပဵင်းၸိူဝ်းသူ တၢင်းလၢႆ လႆႈႁႅၼ်းၵႃလသဵင်ႈၸႂ်တၢႆယဝ်ႉ

ၽိၵ်ၶူၸိူဝ်းၼၼ်ႉၸိုင်ႁပ်ႉၶေႃႈသင်ႇၽြႃးပဵၼ်ၸဝ်ႈယဝ်ႉၸင်ႇၸွႆႈၵၼ်ယွင်ႈဢဝ် သႃရိရ (ၶၢပ်ႈတူဝ်) ၶွင်ၽႃႁိယထႃရုၸီရိယ ယုၵ်ႉၶိုၼ်ႈၼိူဝ်တီႈၼွၼ်း ယဝ်ႉ ဢဝ်ၵႂႃႇၽဝ် လႄႈ ႁဵတ်းသထုပ်(သၢင်းၶႅင်း)ဝႆႉယဝ်ႉၸင်ႇဢွၼ်ၵၼ်မိုဝ်းၸူးၽြႃးပဵၼ်ၸဝ်ႈထိုင်တီႈယူႇ ၼင်ႈယူႇၼတီႈၽၢႆၶၢင်ႈၼိုင်ႈ ပေႃးယဝ်ႉၸင်ႇတွင်ႈထၢမ်းၽြႃးပဵၼ်ၸဝ်ႈဝႃႈ ၽြႃးပဵၼ်ၸဝ်ႈတီႈၶႃႈ သႃရီရ ၶွင် ၽႃႁိယထႃရုၸီရိယ ႁဝ်းၶႃႈတၢင်းလၢႆ ၽဝ်ယဝ်ႉ လႄႈ သထုပ် ၶွင်ၽႃႁိယထႃရုၸီရိယၼၼ်ႉ ႁဝ်းၶႃႈတၢင်းလၢႆႁဵတ်းဝႆႉယဝ်ႉၶႃႈ ၶတိၶွင်ၽႃႁိယ ထႃရုၸီရိယၼၼ်ႉ ပဵၼ်ၸိူင်ႉၼင်ႇႁိုဝ် ၽဝ ၽၢႆႇၼႃႈၶွင်ၶဝ်ပဵၼ်ၸိူင်ႉႁိုဝ်ၸဝ်ႈၶႃႈ
ၽြႃးပဵၼ်ၸဝ်ႈၸင်ႇလၢတ်ႈဝႃႈ တူၺ်းလူၽိၵ်ၶူတၢင်းလၢႆ ! ၽႃႁိယထႃရုၸီရိယ ပဵၼ်ပၺ်ၻိတ်ႇ ပတိပတ်ႈထမ်းလူၺ်ႈပဵၼ်ထမ်း တင်းဢမ်ႇႁဵတ်းႁႂ်ႈႁဝ်းလႆႈယၢပ်ႇၵွပ်ႈ လွင်ႈတၢင်းႁေႃးၼေထမ်း

တူၺ်းလူၽိၵ်ၶူတၢင်းလၢႆ ! ၽႃႁိယထႃရုၸီရိယ ၶဝ်ႈပရိၼိပ်ႉပၢၼ်ယဝ်ႉ
ၵမ်းၼၼ်ႉလႄႈ ၽြႃးပဵၼ်ၸဝ်ႈႁပ်ႉႁူႉထိုင်ၼိူဝ်ႉၵႂၢမ်းၼႆႉယဝ်ႉ ၸင်ႇလၢတ်ႈၼႂ်း ယၢမ်း ၼၼ်ႉဝႃႈ လိၼ် ၼမ်ႉ ၾႆး လႄႈ လူမ်း တိုၼ်းဢမ်ႇယင်ႇလူင်းၼႂ်းၼိပ်ႉပၢၼ်ႇၸိူင်ႉႁိုဝ် ၼႂ်းၼိပ်ႉပၢၼ်ႇထၢတ်ႈၼၼ်ႉ လၢဝ်တၢင်းလၢႆတိုၼ်းဢမ်ႇႁိူဝ်ႈလႅင်း လုၵ်ႈတႃဝၼ်းတိုၼ်း ဢမ်ႇပေႃႇ လုၵ်ႈလိူၼ်တိုၼ်းဢမ်ႇႁိူဝ်ႈလႅင်း လပ်းသိင်ႇတိုၼ်းဢမ်ႇမီး

မိူဝ်ႈလႂ်ၽူႈယုမ်ႇဝႃႈပဵၼ်မုၼိ ၵွပ်ႈႁူႉ (သၸ်ႇၸႃႇသီႇပႃး) ႁူႉယဝ်ႉလူၺ်ႈတူဝ်ၵဝ်ႇ ၽရၢမ်း ၽူႈၵူၼ်းတိုၼ်းလုတ်ႈပူၼ်ႉ ၼႂ်း ရုပ လႄႈ ဢရုပ ၼႂ်း သုၶ လႄႈ တုၶ ။

(ၽႃႁိယသုတ်ႇ သုတ်းတီႈၼႆႉယဝ်ႉ)

ဢိင်ၶေႃႈမုလ်း
ပီတၵၢတ်ႈၽၢႆႇထႆး ပပ်ႉ ပႃလိသယၢမ်ရတ်ႉ (ၽႃႇသႃႇထႆး) ပပ်ႉထီႉ 25
ၽရသုတ်တၼ်တပိတူၵ်ႇ ပပ်ႉထီႉ 17 ၶုထ်ထၵၼိၵၢႆး ၶုထ်ထၵပႃထ-ထမ်ပူတ်ႇ- ဢုထၢၼ်-ဢိ