ၽေးဢၼ်မႄႈလႄႈလုၵ်ႈၵေႃႈၸွႆႈၵၼ်ဢမ်ႇလႆႈ

 ပုတ်ထဝၸၼပိုတ်ႉထမ်းဢၼ်ထုၵ်ႇပိၵ်ႉ

#ၽေးဢၼ်မႄႈလႄႈလုၵ်ႈၵေႃႈၸွႆႈၵၼ်ဢမ်ႇလႆႈ

"ၽိၵ်ၶူ" ပဵၼ်းပႃလိ ပွင်ႇဝႃႈ ရႁၢၼ်။

----

ၽိၵ်ၶူတၢင်းလၢႆ ! ပုထုၸိၼ်ႇၽူႈဢမ်ႇလႆႈထွမ်ႇယိၼ်း

ၸိုင်ၵၢဝ်ႇဝႃႈ ၽေးဢၼ်မႄႈလႄႈလုၵ်ႈ (မႃတႃလႄႈပုတ်)

ၸွႆႈၵၼ်ဢမ်ႇလႆႈ (ဢမႃတႃပုတိၵၽေး) မီးယူႇ 3 ပိူင် 3 ပိူင်ၼၼ်ႉပဵၼ်

1 ပၢၼ်ဢၼ်ၾႆးမႆႈယႂ်ႇတင်ႈၶိုၼ်ႈ မႆႈမူႇဝၢၼ်ႈ မႆႈဢိူင်ႇ မႆႈဝဵင်း ၼႂ်းပၢၼ်ၼၼ်ႉ မႄႈဢမ်ႇလႆႈလုၵ်ႈပဵၼ်ၽူႈၸွႆႈသင်လႆႈ လုၵ်ႈၵေႃႈဢမ်ႇလႆႈမႄႈပဵၼ်ၽူႈၸွႆႈသင်လႆႈ

ၽိၵ်ၶူတၢင်းလၢႆ ! ၽူႈထုၸိၼ်ႇၽူႈဢမ်ႇလႆႈထွမ်ႇယိၼ်း ၸိုင်ႁွင်ႉၽေးၼႆႉဝႃႈပဵၼ် ဢမႃတႃပုတိၵၽေး ဢၼ်ထိ1

2 ၽိၵ်ၶူတၢင်းလၢႆ ! တၢင်ႇၶေႃႈယင်းမီးထႅင်ႈ ၼၼ်ႉမိူဝ်ႈ ပၢၼ်မႁႃမိၵ မွၵ်ႇၵုမ်ႈသုမ်ႇမိူင်းတင်ႈၶိုၼ်ႈ ၵိူတ်ႇ

ၼမ်ႇထူမ်ႈ ယႂ်ႇ ၽတ်ႉပႃးဢဝ်မူႇဝၢၼ်ႈ ဢိူင်ႇ ဝဵင်း ၼႂ်းပၢၼ်ၼၼ်ႉ မႄႈဢမ်ႇလႆႈလုၵ်ႈပဵၼ်ၽူႈၸွႆႈသင်လႆႈ

လုၵ်ႈၵေႃႈဢမ်ႇလႆႈမႄႈပဵၼ်ၽူႈၸွႆႈသင်လႆႈ

ၽိၵ်ၶူတၢင်းလၢႆ ! ပုထုၸိၼ်ႇၽူႈဢမ်ႇလႆႈထွမ်ႇယိၼ်း ၸိုင် ႁွင်ႉၽေးၼႆႉဝႃႈ ဢမႃတႃပုတိၵ ၽေ ဢၼ်ထိ 2

3 ၽိၵ်ၶူတၢင်းလၢႆ ! တၢင်ႇၶေႃႈယင်းမီးထႅင်ႈ ပၢၼ်ဢၼ်မီးၽေးယႂ်ႇလူင် ၽူႈႁၢႆႉလုၵ်ႉၽိုၼ်ႉ ဢွၵ်ႇမႃးတီႈပႃႇထိူၼ်ႇ ၸၢဝ်းမိူင်းပႃးၵၼ်တိုၼ်ႇသၢၼ်ႈ ၶီႇယၢၼ်းမီးလေႃႉဢွၵ်ႇပၢႆႈ ၽၢတ်ႇၽေၵၼ်ၵေႃႉတီႈၵေႃႉတၢင်း မိူဝ်ႈ ၽေးၸိူင်ႉၼၼ်ၵိူတ်ႇၶိုၼ်ႈ ပၢၼ်ၼၼ်ႉ မႄႈၵေႃႈဢမ်ႇလႆႈလုၵ်ႈပဵၼ်ၽူႈၸွႆႈသင်လႆႈ ၊ လုၵ်ႈၵေႃႈဢမ်ႇလႆႈမႄႈပဵၼ်ၽူႈၸွႆႈသင်လႆႈ

ၽိၵ်ၶူတၢင်းလၢႆ ! ၽုထုၸိၼ်ႇၽူဢမ်ႇလႆႈထွမ်ႇယိၼ်း ၸိုင်ၵၢဝ်ႇၽေးၼႆႉဝႃႈ ဢမႃတႃပုတိၵၽေး ဢၼ်ထိ 3

ၽိၵ်ၶူတၢင်းလၢႆ ! ၽုထုၸိၼ်ႇၽူႈဢမ်ႇလႆႈထွမ်ႇယိၼ်း ၸိုင်ၵၢဝ်ႇၽေးဢၼ်မႄႈလႄႈလုၵ်ႈၸွႆႈၵၼ်ဢမ်ႇလႆႈ 3 ပိူင် ၸိူဝ်းၼႆႉ

ၽိၵ်ၶူတၢင်းလၢႆ ! ၽုထုၸိၼ်ႇၽူႈဢမ်ႇလႆႈထွမ်ႇယိၼ်းၸိုင် ၵၢဝ်ႇ သမႃတႃပုတိၵၽေး ၊ ၽေးမႄႈလႄႈလုၵ်ႈၸွႆႈၵၼ်လႆႈတႄႉတႄႉ 3 ပိူင်ၼႆႉဝႃႈပဵၼ် ဢမႃတႃပုတိၵၽေး ၊ ၽေးဢၼ်မႄႈလႄႈလုၵ်ႈၸွႆႈၵၼ်ဢမ်ႇလႆႈၼႆသေ

ၽိၵ်ၶူတၢင်းလၢႆ ! ၽေး 3 ပိူင် ဢၼ်မႄႈ လႄႈလုၵ်ႈၸွႆႈၵၼ်လႆႈၼၼ်ႉပဵၼ်ၸိူင်ႉႁိုဝ် ?

3 ပိူင်ၼၼ်ႉ ပဵၼ်

ပၢၼ်မိူဝ်ႈၾႆးမႆႈယႂ်ႇ ပိူင်ၼိုင်ႈ

ပၢၼ်မိူဝ်ႈ ၼမ်ႉထူမ်ႈယႂ်ႇ ပိူင်ၼိုင်ႈ

ပၢၼ်မိူဝ်ႈ ၸူၼ်လုၵ်ႉၽိုၼ်ႉပိူင်ၼိုင်ႈ

ၸိူဝ်းၼႆႉ မၢင်ပွၵ်ႈမၢင်ၶၢဝ်း မႄႈ လႄႈ လုၵ်ႈၵေႃႈၸွႆႈလိူဝ် ၵၼ် လႄႈ ၵၼ်လႆႈ

ၵူၺ်းၵႃႈပုထုၸိၼ်ႇၽူႈဢမ်ႇလႆႈထွမ်ႇယိၼ်း ၸိုင်ၵၢဝ်ႇဝႃႈ ပဵၼ်ၽေးဢၼ် မႄႈ လႄႈ လုၵ်ႈၸွႆႈၵၼ်ဢမ်ႇလႆႈ ၼႆသေတင်းမူတ်း

---------

ၽိၵ်ၶူတၢင်းလၢႆ ! ၽေးဢၼ်မႄႈ လႄႈ လုၵ်ႈၸွႆႈၵၼ်ဢမ်ႇလႆႈဢၼ်ႄတႉတႄႉၼၼ်ႉ 3 ပိူင်မီးယူႇ ၊ မီးယူႇ 3 ပိူင် 3 ပိူင်ၼၼ်ႉပဵၼ်

ၽေးဢၼ်မႃးတီႈလွင်ႈၵႄႇထဝ်ႈ (ၸႃရႃၽေး)

ၽေးဢၼ်မႃးတီႈလွင်ႈၸဵပ်းၶႆႈ (ၽယႃထိၽေး)

ၽေးဢၼ်မႃးတီႈတၢင်းတၢႆ (မရႃၼၽေး)

ၽိၵ်ၶူတၢင်းလၢႆ ! မႄႈ ဢမ်ႇလႆႈၼင်ႇပရႃထၼႃၸွမ်း လုၵ်ႈၽူႈၵႄႇယူႇၼင်ႇၼႆဝႃႈ မႄႈၵႄႇၵူၺ်းၵေႃႈလႆႈ လုၵ်ႈ

ၶွင် မႄႈ ယႃႇၵႄႇလႃႈ ဢမ်ႇၼၼ် လုၵ်ႈၵေႃႈဢမ်ႇလႆႈ

ၼင်ႇပရႃထၼႃၸွမ်းဝႃႈ မႄႈၽူႈၵႄႇယူႇယဝ်ႉ ယႃႇၵႄႇလႃႈ လုၵ်ႈၵႄႇၵေႃႉလဵဝ်ၵေႃႈလႆႈ မႄႈၶွင်ၶႃႈယႃႇၵႄႇလႃႈ ၼင်ႇၼႆ

မႄႈၵေႃႈဢမ်ႇလႆႈၸွမ်းၼင်ႇပရႃထၼဝႃႈ မႄႈၸဵပ်းၶႆႈ ႁင်းၵေႃႉလဵဝ်လႆႈ လုၵ်ႈၶွင်ၶႃႈ ယႃႇၸဵပ်းၶႆႈလႃႈ

လုၵ်ႈၵေႃႈဝႃႈ တူဝ်ၶႃႈၸဵပ်းၶႆႈၵူၺ်းၵေႃႈလႆႈ မႄႈၶွင်ၶႃႈ ယႃႇၸဵပ်းၶႆႈလႃႈ ၼင်ႇၼႆ

မႄႈဢမ်ႇလႆႈၸွမ်းၼင်ႇပရႃထၼႃဝႃႈ မႄႈတၢႆၵူၺ်းၵေႃႈလႆႈ လုၵ်ႈၶွင်ၶႃႈ ယႃႇတၢႆလႃႈ

လုၵ်ႈၵေႃႈဝႃႈ တူဝ်ၶႃႈတၢႆၵူၺ်းၵေႃႈလႆႈ မႄႈၶွင်ၶႃႈယႃႇတၢႆလႃႈ ၼင်ႇၼႆ

ၽိၵ်ၶူတၢင်းလၢႆ ! ၸိူဝ်းၼႆႉလႄႈ ပဵၼ်ၽေးဢၼ် မႄႈ လႄႈ လုၵ်ႈ ၸွႆႈၵၼ်ဢမ်ႇလႆႈ 3 ပိူင်

ၽိၵ်ၶူတၢင်းလၢႆ ! ႁူၼ်တၢင်းမီးယူႇ ပတိပထႃမီးယူႇ

ၸၢင်ႈပဵၼ်ၵႂႃႇ ပိူဝ်ႈဝၢင်းတမ်း ပိူဝ်ႈၵၢဝ်ႉလူင်ႈသေ ၽေး တင်းတီႈပဵၼ် သမႃတႃပုတိၵ ၽေး လႄႈ ဢမႃတႃပုတိၵ ၽေး ၼိုင်ႈမူႇ 3ပိူင် ၸိူဝ်းၼၼ်ႉ

ၽိၵ်ၶူတၢင်းလၢႆ ! ႁူၼ်တၢင်း ပတိပထႃ ၼၼ်ႉပဵၼ်

ၸိူင်ႉႁိုဝ် ?

ၼၼ်ႉပဵၼ် ဢရယဢတ်ထင်ၶိၵမၵ်း ပဵၼ်ဢရိယမၢၵ်ႈ

ၵၢင်ႇ 8 ပႃး ၼၼ်ႉယဝ်ႉ မိူၼ်ၼင်ႇ

1 သမ်မႃတိၵ်ထိ - လွင်ႈႁၼ်ထုၵ်ႇမႅၼ်ႈ

2 သမ်မႃသင်ၵပ - လွင်ႈဝူၼ်ႉထုၵ်ႇမႅၼ်ႈ

3 သမ်မႃဝႃၸႃ - လွင်ႈလၢတ်ႈၸႃထုၵ်ႈမႅၼ်ႈ

4 သမ်မႃၵမၼ်တ - လွင်ႈႁဵတ်းသၢင်ႈထုၵ်ႇမႅၼ်ႈ

5 သမ်မႃဢႃၸီဝ - လွင်ႈႁႃလဵင်ႉတွင်ႉထုၵ်ႇမႅၼ်ႈ

6 သမ်မႃဝႃယႃမ - လွင်ႈၵျၢင်ႉထုၵ်ႇမႅၼ်ႈ

7 သမ်မႃသတိ - လွင်ႈၶုၵ်းၶူၼ်ႉထုၵ်ႇမႅၼ်ႈ

8 သမ်မႃသမ်မႃထိ - လွင်ႈမၼ်ႈၼိမ်ထုၵ်ႇမႅၼ်ႈ

ၽိၵ်ႉၶူတၢင်းလၢႆ ! ၼႆႉလႄႈႁူၼ်တၢင်း ၼႆႉလႄႈ ပတိပထႃ ဢၼ်ပဵၼ်ၵႂႃႇလူၺ်ႈလွင်ႈဝၢင်းတမ်း ပိူဝ်ႈၵၢဝ်ႉလူင်ႈသေ ၽေး ဢၼ်ပဵၼ်ၽေး သမႃတႃပုတိၵၽေး လႄႈ ဢမႃတႃပုတိၵၽေး ၼိုင်ႈမူႇလႂ်ႇ 3 ပိူင်ၼင်ႇၸိူဝ်းၼႆႉ ။

--------------------------

ဢိင်ၶေႃႈမုလ်း ပပ်ႇပီတၵၢတ်ႈ

တိၵၼိပတ ဢင်ၶုတရၼိၵႃယ

20/228 - 231/502

ดูข้อมูลเชิงลึกและโฆษณา

โปรโมทโพสต์

ความรู้สึกทั้งหมด

1သႅင်တဵၼ်း แสงเทียน