ၼၢင်းမေး
ၸဵတ်း
ပိူင်ႈ
ၶေႃႈမုလ်းပီတၵတ်ႈၽၢႆႇထႆး -บาลี สตฺตก. อํ. ๒๓/๙๒/๖๐.
ၶႁပတီ ! ၸိူင်ႉႁိုဝ်လႄႈ ၽူႈၵူၼ်း(မၼုသ) တၢင်းလၢႆ ၸိူဝ်းႁိမ်းႁွမ်းသူၼၼ်ႉမေႃးပၼ်းပေႃးတၢၼ်ႇတမ်ငႃႈႁိမ်ပႃၵၼ်ၸိူင်ႉၼၼ်
ဢေႃးၶႃႈၽြႃးပဵၼ်ၸဝ်ႈ ! ၼၢင်းသုၸႃႇတႃႇၵေႃႉၼႆႉ ၶႃႈႁဝ်းဢဝ်မႃးတီႈ ၵူၼ်းၶိူဝ်းၽူႈမၢၵ်ႈမီးဢဝ်မႃးပဵၼ်လုၵ်ႈပႆႉ ၼႂ်းႁိူၼ်းၼႆႉၶႃႈဢေႃႈ ၼၢင်းဢမ်ႇ ယုမ်ႇယမ်ၼႂ်း မႄႈ ၸဝ်ႈၽူဝ် ဢမ်ႇယုမ်ႇယမ်ၼႂ်းဢူႈ ၸဝ်ႈၽူဝ် တေႃႈၼင်ႇ ၽြႃးပဵၼ်ၸဝ်ႈ ၼၢင်း ၵေႃႈဢမ်ႇယုမ်ႇယမ် ဢမ်ႇသၵႃရ ပူႇၸေႃႇၶႃႈ ။
ဝၢႆးၼၼ်ႉ ၽြႃးပဵၼ်ၸဝ်ႈၸင်ႇႁွင်ႉၼၢင်းသုၸႃႇတႃႇ လုၵ်ႈပႆႉၼႂ်းႁိူၼ်းၼၼ်ႉ ဝႃႈမႃးၼႆႉလူ သုၸႃႇတႃႇ…
ၼၢင်းသုၸႃတႃႇ ၸင်ႇႁပ်ႉထွမ်ႇသေၶဝ်ႈၵႂႃႇၸူးတမ်ႈတီႈ ၽြႃးပဵၼ်ၸဝ်ႈ ထိုင်တီႈယဝ်ႉ ၶုပ်ႉၵမ်းဝႆႈလီငၢမ်းယဝ်ႉ ၽြႃးပဵၼ်ၸဝ်ႈၸင်ႇထၢမ်ဝႃႈ
သုၸႃတႃႇ ! ၽရိယႃ (ၼၢင်းမေး) ၶွင်ပုရုသ်(ၸၢႆး) ၸဵတ်းပိူင် ၸဵတ်းပိူင်ၼၼ်ႉမီး ၸိူင်ႉႁိုဝ် ၼႆႉပဵၼ်
(႑) ၽရိယႃး (ၼၢင်းမေး) ပဵၼ်မိူၼ်ၼၢင်ႇၽူမိူၵ်ႈ
(႒) ၽရိယႃး (ၼၢင်းမေး) မိူၼ်ၼင်ႇၸူၼ်
(႓) ၽရိယႃး (ၼၢင်းမေး) မိူၼ်ၼင်ႇၸဝ်ႈႁိူၼ်း
(႔) ၽရိယႃး (ၼၢင်းမေး) မိူၼ်ၼင်ႇမႄႈ
(႕) ၽရိယႃး (ၼၢင်းမေး) မိူၼ်ၼင်ႇ ပီႈၼၢင်း ၼွင်ႉယိင်း
(႖) ၽရိယႃး (ၼၢင်းမေး) မိူၼ်ၼင်ႇဢူၺ်းၵေႃႉ
(႗) ၽရိယႃး (ၼၢင်းမေး) မိူၼ်ၼင်ႇၽူႈႁပ်ႉၸႂ်ႉ
သုၸႃတႃႇ ! ၽရိယႃး (ၼၢင်းမေး) ၶွင် ပရုသ် (ၸၢႆး) ၸဵတ်းပိူင်ၼႆႉလႄႈ ၼၢင်းပဵၼ်ၽရိယႃး ဢၼ်လႂ် ၼၢင်းပဵၼ်ဢၼ်လႂ်ၼႂ်းၸဵတ်းပိူင်ၼႆႉ
ဢေႃးတီႈၶႃႈ ၽြႃးပဵၼ်ၸဝ်ႈ ယွၼ်းႁႂ်ႈၽြႃးပဵၼ်ၸဝ်ႈ ပၼ်တိုဝ်ႉတၢင်း ႁႂ်ႈ ၶႃႈၼၢင်း လႆႈႁပ်ႉထွမ်ႇထမ်းတြႃးသေၵမ်းၶႃႈ ၶႃႈၼၢင်းၸင်ႇၸၢင်ႈႁူႉ တူဝ်ႈ ထိုင် ၼိူဝ်ႉထမ်းတြႃးဢၼ်ၽြႃးပဵၼ်ၸဝ်ႈလၢတ်ႈၼေၼင်ႇၼႆၶႃႈ
သုၸႃႇတႃႇ ! ပေႃးၼၼ်ၵေႃႇ တင်ႈၸႂ်ထွမ်ႇဢဝ်ႁႂ်ႈႁူႉတူဝ်ႈထိုင်လႄႈ
(႑) ၽရိယႃး(ၼၢင်းမေး)ၽူႈမီးၸႂ်ႁၢႆႉဢမ်ႇတူၺ်းထိုင်ၼႂ်းႁေႃႁိူၼ်းမီးၸႂ်ၼႂ်း ၽူႈၸၢႆးတၢင်ႇၵေႃႉ မိူဝ်ႇၸၢၼ်ႈသႃမီး (ၸဝ်ႈၽူဝ်) ဢၼ်ၶဝ်သိုဝ်ႉမႃးလူၺ်ႈ ၶူဝ်းၶွင် ႁႃလၢႆးတၢင်းၶႃႈႁႅမ်ၸဝ်ႈၽူဝ် ၽရိယႃး ၶွင်ၸၢႆးၸိူင်ႉၼင်ႇၼႆႉ ၸင်ႇႁွင်ႉဝႃႈ
ဝထၵႃၽရိယႃး ၽရိယႃးမိူၼ်ၼင်ႇၽူႈမိူၵ်ႈယဝ်ႉ ။
(႒) သႃမီး(ၸဝ်ႈၽူဝ်) ၶွင်ၼၢင်းယိင်း ၶိုင်ပွင်လူၺ်ႈၼႃႈၵၢၼ် သိလ်လပၵံ ၵၢၼ်မေႃမိူဝ်းမေႃတႅမ်ႈ ၊ ၵၢၼ်ၽၼိသ်ယၵံ ၵၢၼ်ၵၶၢႆ ၊ ၵၢၼ်ၵသီၵံ ၵၢၼ် ပဵၼ်လုၵ်ႈၸၢင်ႈသေၸင်ႇလႆႈငိုၼ်းၶမ်းမႃး ၊ ၽရိယႃးၼၼ်ႉလၵ်ႉ သိူင်ႇသိမ်း ၶူဝ်းၶွင်ငိုၼ်းၶမ်းၸိူဝ်းၼၼ်ႉ ၽရိယႃး(ၼၢင်းမေး) ၶွင်ပုရုသ်(ၸၢႆး) ၸိူဝ်း ၼႆႉၸင်ႇႁွင်ႉဝႃး ၽရိယႃးပဵၼ်မိူၼ်ၸူၼ်ယဝ်ႉ ။
(႓) ၽရိယႃး (ၼၢင်းမေး) ဢမ်ႇသူၼ်ၸႂ်ၵၢၼ်ငၢၼ်း ၶီႈၶၢၼ်ႉ ၵိၼ်ၼမ် သူပ်း ၸႃး ငႃးၽၢႆတဵၵ်းတဵင်ၸဝ်ႈၽူဝ် ၽူႈၶတ်းၸႂ်ႁဵတ်းၵၢၼ် ၽရိယႃး (ၼၢင်းမေး) ၶွင်ပုရုသ်(ၸၢႆး) ၸိူဝ်းၼႆႉၸင်ႇႁွင်ႉဝႃး ဢႃယယႃၽရိယႃ ၊ ၽရိယႃးပဵၼ် မိူၼ် ၼင်ႇၸဝ်ႈႁိူၼ်းယဝ်ႉ။
(႔) ၽရိယႃး(ၼၢင်းမေး)လႂ်လူလွမ်တူၺ်းထိုင် သႃမီး(ၸဝ်ႈၽူဝ်) မိူၼ်ၼင်ႇ မႃႇတႃႇ (မႄႈ) တူၺ်းထိုင်လုၵ်ႈ(ပုတ်ႇ) ၵဵပ်းႁွမ်ၶူဝ်းၶွင်ငိုၼ်းၶမ်းဢၼ် သႃမီး (ၸဝ်ႈၽူဝ်) ႁႃမႃးလႆႈဝႆႉ ၽရိယႃးၸိူင်ႉၼႆ ၸင်ႇႁွင်ႉဝႃႈ မႃႇတႃႇၽရိယႃး ၼၢင်းမေး မိူၼ်ၼင်ႇမႄႈယဝ်ႉ ။
(႕) ၽရိယႃး(ၼၢင်းမေး) ဢၼ်မိူၼ်ၼင်ႇပီႈၼၢင်း ၼွင်ႉယိင်း မီးလွင်ႈယုမ်ႇ ယမ်ၼပ်ႉထိုဝ် သႃမီး(ၸဝ်ႈၽူဝ်) ပဵၼ်ၸွမ်းၼင်ႇၵၢင်ၸႂ် သႃမီး (ၸဝ်ႈၽူဝ်)
ၽရိယႃးၸိူင်ႉၼႆ ၸင်ႉႁွင်ႉဝႃႈ ၽၶီၼီၽရိယႃး ၽရိယႃးပဵၼ်မိူၼ်ပီႈ ၼၢင်းၼွင်ႉ ယိင်းယဝ်ႉ ။
(႖) ၽရိယႃး(ၼၢင်းမေး)လႂ်ၼႂ်းလေႃးၵၼႆႉ ႁၼ်သႃမီး(ၸဝ်ႈၽူဝ်) ယဝ်ႉယိၼ်း လီ ယွင်ႈယေႃး မိူၼ်ၼင်ႇဢူၺ်းၵေႃႉၵၼ်ၽၢတ်ႇယၢၼ်ၵၼ်ႁိုင် သေၶိုၼ်း လႆႈ မႃးႁူပ်ႉၵၼ်ၶိုၼ်းၼႆႉပဵၼ်ၼၢင်းယိင်းမီးသိလ်ထမ်း ပတိပတ်ႈတေႃႇသႃမီး (ၸဝ်ႈၽူဝ်) ၽရိယႃး(ၼၢင်းမေး) ၶွင်ပုရုသ် (ၸၢႆး) ၸိူင်ႉၼင်ႇၼႆ ၸင်ႇႁွင်ႉဝႃႈ သီၶီၽရိယႃးယဝ်ႉ ။
(႗) ၽရိယႃး(ၼၢင်းမေး)လႂ် ဢၼ်သႃမီး(ၽူဝ်) ထုပ်ႉပေႃႉႁႅမ်ႁိုတ်းထႃႉ ၵေႃႈ ဢမ်ႇ ၸႂ်လမ် ဢမ်ႇဝူၼ်ႉတႃႇတွပ်ႇထဵင် သႃမီး(ၽူဝ်) ယိုၼ်ႉၵၼ်ႈၶၢမ်ႇလႆႈ ပဵၼ်ၸွမ်း ၼင်ႇၵၢင်ၸႂ်သႃမီး(ၽူဝ်) ၽရိယႃး(ၼၢင်းမေး) ၶွင်ပုရုသ် (ၸၢႆး) ၸိူင်ႉၼင်ႇၼႆ ၸင်ႇႁွင်ႉဝႃႈ ထႃသီၽရိယႃး ၽရိယႃး(မေး)ဢၼ်မိူၼ် ၼင်ႇ ၶီႈၶႃႈသႃမီး(ၽူဝ်) ယဝ်ႉ ။
ၽရိယႃး ဢၼ်ႁွင်ႉဝႃႈ ဝထႃၵၽရိယႃး ၸူရိၽရိယႃး ဢႃယယႃၽရိယႃး
ၽရိယႃး တၢင်းသၢမ်ပိူင်ၼႆႉ ပဵၼ်ၽရိယႃး ၽူႈထုသိလ် (ဢမ်ႇမီးသိလ်) ဝႃႈယၢပ်ႇ ဢမ်ႇမီးလွင်ၵိူဝ်ႉၵုလ်ႁူမ်ႈႁွမ်း မိူဝ်ႈတၢႆၵႂႃႇၸင်ႇၶဝ်ႈထိုင်ငရၢႆးယဝ်ႉ ။
ၽရိယႃးဢၼ်ႁင်ႉဝႃႈ မႃႇတႃႇၽရိယႃး ၽꧠီၼီၽရိယႃး သီၶီၽရိယႃး ထႃသီၽရိယႃး
ၽရိယႃး တၢင်းသီႇပိူင်ၼႆႉ ၵွပ်ႈတင်ႈယူႇၼႂ်းသိလ်ထမ်း ယိူၼ်ႉၵၼ်ႈလႆႈပိူဝ်ႈ ယူႇႁူမ်ႈ ၵၼ်ၵႂႃႇၶၢဝ်းႁိုင် မိူဝ်ႈတၢႆၵႂႃႇယဝ်ႉၸင်ႇၶဝ်ႈထိုင် သုၶတိ
သုၸႃတႃႇ ! ၽရိယႃး (ၼၢင်းမေး) ၶွင် ပရုသ် (ၸၢႆး) ၸဵတ်းပိူင်ၼႆႉ ၼၢင်းပဵၼ် ၽရိယႃး ဢၼ်လႂ် ၼၢင်းပဵၼ်ဢၼ်လႂ်ၼႂ်းၸဵတ်းပိူင်ၼႆႉ
ဢေႃးတီႈၶႃႈၸြႃးပဵၼ်ၸဝ်ႈ! တေဢဝ်ၼႆႉၵႂႃႇယွၼ်း ၽြႃးပဵၼ်ၸဝ်ႈ တွင်းမၢႆဝႆႉဝႃႈ တေပဵၼ်ၽရိလႃးၶွင်သႃမီးၸိူင်ႉၼင်ႇ ထႃသီၽရိယႃး ။
0 comments:
แสดงความคิดเห็น