ပတိၸသံမုပ်ႉပၢတ်ႈ ဢၼ်ပဵၼ်တူၼ်ႈတေႃ လႄႈ ၵႂၢမ်းမၢႆ တႃႇ ပွင်ႇၸႂ်ငၢႆႈ

 

ပတိၸသံမုပ်ႉပၢတ်ႈ ဢၼ်ပဵၼ်တူၼ်ႈတေႃ လႄႈ ၵႂၢမ်းမၢႆ တႃႇ ပွင်ႇၸႂ်ငၢႆႈ

 

ၵွပ်ႈမီး ဢဝိၸ်ႇၸႃႇ (လွင်ႈဢမ်ႇႁူႉၸႅင်ႈ) ပဵၼ်ငဝ်ႈႁၢၵ်ႈ လႄႈ ၸင်ႇမီးသင်ၶႃရ (သင်ၶၢၼ်) တၢင်းလၢႆ

 

ၵွပ်ႈမီး သင်ၶႃရ ပဵၼ်တူၼ်ႈတေႃ လႄႈ ၸင်ႇမီး ဝိၺဵၼ်ႇ

 

ၵွပ်ႈမီး ဝိၺဵၼ်ႇ ပဵၼ်တူၼ်ႈတေႃ လႄႈ ၸင်ႇမီး ယုၵ်ႈၼၢမ်ႇ

 

ၵွပ်ႈမီး ယုၵ်ႈၼၢမ်ႇ ပဵၼ်တူၼ်ႈတေႃ လႄႈ ၸင်ႇမီး သႃရႃယတၼ ဢၼ်ပဵၼ် ဢႃယတၼ ၽၢႆႇၼႂ်း ႁူၵ်းပိူင် ၼၼ်ႉပဵၼ် ႁူ တႃ ၶူလင် လိၼ်ႉ တူဝ် ၸႂ် ။

 

ၵွပ်ႈမီး သႃရႃယတၼ ပဵၼ်တူၼ်ႈတေႃ လႄႈ ၸင်ႇမီး ၽတ်သ လွင်ႈသမ်ၽတ်ႇ တုမ်ႉတိူဝ်ႉ လုပ်ႈၵမ်း  ၊ ဢၼ်ပဵၼ်ဢႃယတၼၽၢႆႇၼွၵ်ႈ လႄႈ ဢႃယတၼ ၽၢႆႇၼႂ်းႁူပ်ႉၵၼ်ၸိုင် ႁွင်ႉဝႃႈသတ်သ။

 

ၵွပ်ႈမီး ၽတ်သ ပဵၼ်တူၼ်ႈတေႃ လႄႈ ၸင်ႇမီး ဝေႇတၼႃႇ လွင်ႈလီၸႂ် ၸူမ်းသိူဝ်း လွင်ႈတုၵ်ႉ လွင်ႈယၢပ်ႇ လႄႈ လွင်ႈ ဢမ်ႇသိူဝ်း ဢမ်ႇတုၵ်ႉ။

 

ၵွပ်ႈမီးဝေႇတၼႃႇ ပဵၼ်တူၼ်ႈတေႃ လႄႈ ၸင်ႇမီး တၼ်ႁႃ လွင်ႈၶႂ်ႈလႆႈ ၶႂ်ႈမီး လွင်ႈပိူင်ႇငမ်းဢၼ်ဢမ်ႇမီးတီႈသုတ်းသဵင်ႈ။

 

ၵွပ်ႈမီး တၼ်ႁႃ ပဵၼ်တူၼ်ႈတေႃ လႄႈ ၸင်ႇမီး ဢုပထၢၼ်ႇ လွင်ႈယိပ်းမၼ်ႈပၼ်ႈၵႅၼ်ႇဝႃႈ ၼႆႉပဵၼ်တူဝ်ၵဝ် တိၼ်ၵဝ် မိုဝ်းၵဝ် ႁူၵဝ် တႃၵဝ် ၶူႈလင်ၵဝ် ၸႂ်ၵဝ် ၶွင်ၵဝ် ႁိူၼ်းၵဝ် တိူၵ်ႇႁႆႈလွၵ်းၼႃးၵဝ် ရူတ်ႉၵႃးၵဝ် ။

 

ၵွပ်ႈမီး ဢုပထၢၼ်ႇ ပဵၼ်တူၼ်ႈတေႃ လႄႈ ၸင်ႇမီး ၽဝ လွင်ႈပတိသၼ်ႇထေႇ လွင်ႈတေႇသၼ်ႇထေႇ ၼႂ်းၽဝတင်ႈယူႇဝႆႉ။

 

ၵွပ်ႈမီး ၽဝ ပဵၼ်တူၼ်ႈတေႃ လႄႈ ၸင်ႇမီး ၸႃႇတိ လွင်ႈၵိူတ်ႇမႃး ၼႂ်း လေႃးၵၼႆႉယဝ်ႉ ။

 

ၵွပ်ႈမီး ၸႃႇတိ ပဵၼ်တူၼ်ႈတေႃ လႄႈ ၸင်ႇမီး ၸႃႇရႃႇ လွင်ႈၵႄႇထဝ်ႈ မႃရႃၼ လွင်ႈတၢႆ သေႃးၵ လွင်ႈၶီငဝ်မွင်ၸႂ် ပရိတေႇဝ  လွင်ႈႁွင်ႉႁႆႈ လွင်ႈတုၵ်ႉၶ လွင်ႈၵပ်ႉၵိၼ်းၸႂ် လွင်ႈ တေႃးမၼတ်း တၢင်းသဵင်ႈတၢင်းလၢႆ ၸိုင်မီးၽွမ်ႉ ၵူႈလွင်ႈၼင်ႇၼႆယဝ်ႉ ။

 

 

 

 

 

 

 

 

 

 

ပတိၸသံမုပ်ႉပၢတ်ႈ ဢၼ်ဢမ်ႇႁဵတ်းႁႂ်ႈတူၼ်ႈတေႃၵိူတ်ႇမီးမႃးလႆႈ

လႄႈ ၵႂၢမ်းမၢႆ တႃႇ ပွင်ႇၸႂ်ငၢႆႈ

 

လွင်ႈတၢင်းတူၵ်ႉၶ တေမွတ်ႇႁၢႆၵႂႃႇ ၵွပ်ႈပိူဝ်ႈ ၸႃႇတိ လွင်ႈၵိူတ်ႇ ဢၼတ်ႉတႃး တူဝ်တူၼ်းဝႃႈ  တူဝ်တူၼ်းၼၼ်ႉပဵၼ်သင် ယူႇၼၼ်ႉ မွတ်ႇ ႁၢႆၵႂႃႇ

 

ၸႃႇတိ မွတ်ႇလူႉႁၢႆၵႂႃႇလူၺ်ႈ ၽဝ လွင်ႈမီးပုၼ်ႈၽွၼ်းၼႂ်းၼႃႈၵၢၼ် လႄႈ တၢင်းၸိတ်ႇၸႂ်ၼၼ်ႉၸိုင်မွတ်ႇႁၢႆၵႂႃႇ ။

 

ၵွပ်ႈ ၽဝ မွတ်ႇလူႉႁၢႆၵႂႃႇလူၺ်ႈ ဢုပထၢၼ်ႇ လွင်ႈယိပ်းမၼ်ႈ ပၼ်ႈၵႅၼ်ႇ ၵူႈလွင်ႈၸိုင် မွတ်ႇႁၢႆၵႂႃႇ။

 

ၵွပ်ႈ ဢုပထၢၼ်ႇ မွတ်ႇလူႉႁၢႆၵႂႃႇလူၺ်ႈ တၼ်ႁႃ လွင်ႈၶႂ်ႈလႆႈၶႂ်ႈမီး လွင်ႈပိူင်ႇငမ်း ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ တၼ်ႁႃ  မွတ်ႇလူႉႁၢႆၵႂႃႇၵေႃႈ ဝေႇတၼႃ လွင်ႈမူၼ်ႈသိူဝ်းလွင်ႈတုၵ်ႉၶ  လွင်ႈဢမ်ႇသိူဝ်း ဢမ်ႇတုၶ ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ ဝေႇတၼႃႇ မွတ်ႇလူႉႁၢႆၵႂႃႇလႄႈ ၽတ်ႇသ လွင်ႈသမ်ၽတ်ႇတုမ်ႉတိူဝ်ႉ လုပ်ႈၵမ်း ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ ၽတ်ႇသ မွတ်ႇလူႉႁၢႆၵႂႃႇလူၺ်ႈ သႃရႃယတၼ  လွင်ႈ ဢႃယတၼ ၽၢႆႇၼႂ်းႁူၵ်းပိူင် ႁူ တႃ ၶူႈလင် လိၼ်ႉတူဝ် ၸႂ် ၵူႈလွင်ႈၸိုင်မွတ်ႇႁၢႆၵႂႃႇ

 

ၵွပ်ႈ သႃရႃယတၼ မွတ်ႇလူႉႁၢႆၵႂႃႇလူၺ်ႈ ယုၵ်ႈၼၢမ်ႇ လွင်ႈတူဝ်ၵႃႇယ ၶၼ်ႇထႃႇ ႁႃႈပႃး ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ ယုၵ်ႈၼၢမ်ႇ မွတ်ႇလူႉႁၢႆၵႂႃႇလူၺ်ႈ ဝိၺဵၼ်ႇ လွင်ႈႁပ်ႉႁူႉၼႂ်းၶၼ်ႇထႃႇ ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ ဝိၺဵၼ်ႇ မွတ်ႇလူႉႁၢႆၵႂႃႇၵေႃႈ သင်ၶႃရ လွင်ႈဢႃႇယူင်ႇ ပျူႉ ၶိုင်ပွင် ၼႂ်းၸိတသိၵ်ႇ ၵူႈလွင်ႈၸိုင်မွတ်ႇႁၢႆၵႂႃႇ ။

 

ၵွပ်ႈ သင်ၶႃရ မွတ်ႇလူႉႁၢႆၵႂႃႇလႄႈ ဢဝိၸ်ၸႃ  လွင်ႈဢမ်ႇႁူႉၸႅင်ႈ ၵူႈလွင်ႈၸိုင်မွတ်ႇႁၢႆၵႂႃႇ ။

 

 

ၵၢမ်ႇပဵၼ်ၼင်ႇတိူၵ်ႇၼႃး

ဝိၺဵၼ်ႇ ပဵၼ်ၼင်ႇမဵတ်ႉၸိူဝ်ႉၽၼ်း

ၼမ်ႉယၢင်ၼႂ်းမဵတ်ႉၸိူဝ်ႉၽၼ်းပဵၼ်တင်ႇတၼ်ႁႃ (တၼ်ႇၼႃႇ)

 

တိူၵ်ႇၼႃး မီး သၢမ်ပိူင်

တိူၵ်ႇၼႃးလီ 

တိူၵ်ႇၼႃးပၢၼ်ၵၢင် 

တိူၵ်ႇၼႃးၺၢမ်ႉ

မိူဝ်ႈမဵတ်ႉၸိူဝ်ႉၽၼ်းတူၵ်းသႂ်ႇၼႂ်းတိူၵ်ႇၼႃး ဢၼ်လႂ်ဢၼ်ၼိုင်ႈ

မိူဝ်ႈမဵတ်ႉၸိူဝ်ႉၽၼ်းၼၼ်ႉလႆႈႁပ်ႉၼပ်ႉယဝ်ႉၸင်ႇၵီႈသေယင်ႇႁၢၵ်ႈယဝ်ႉ ၸင်ႇႁွင်ႉဝႃႈ ၽဝ ၵွပ်ႈမီးလွင်ႈတေႇပတိသၼ်ႇထေႇဢၼ်တဵမ်ထူၼ်ႈယဝ်ႉ

မိူဝ်ႈမီးလွင်ႈတေႇ ပတိသၼ်ႇထေႇ ၵေႃႈ ၸင်ႇမီးလွင်ႈ ဢူပတ်ႈ (ၵိူတ်ႇၶိုၼ်ႈ) မိူဝ်ႈမီးလွင်ႈ ဢူပတ်ႈ ၵိူတ်ႇမႃးယဝ်ႉ ၵေႃႈ ၸင်ႇမီးလွင်ႈ ၸုတိ (လွင်ႈတၢႆ) ယဝ်ႉ။

 

 

မိူဝ်ႈမီးဝိၸႃႇဢၼ်ထုၵ်ႇမႅၼ်ယဝ်ႉ သင်ၶႃရတၢင်းလၢႆဢမ်ႇၸၢင်ႈၵိူတ်ႇ ၶိုၼ်ႈမီးမႃးလႆႈ ၊ မိူဝ်ႈၵိူတ်ႇၶိုၼ်ႈမႃးယဝ်ႉၵေႃႈ ၼႂ်းၽဝ ၽၢႆႇၼႃႈၼၼ်ႉ တေဢမ်ႇၵိူတ်ႇၶိုၼ်ႈမႃးထႅင်ႈယဝ်ႉ ။