ၽၵ်ၶူၼသုၵ်တ

 

ၽၵ်ၶူၼသုၵ်တ

ဢိင်ၶေႃႈမုလ်းပီတၵၢတ်ႈၽၢႆႇထႆး- พระไตรปิฎกไทย(ฉบับหลวง)๒๒/๓๔๓-๓๔๕/๓๒๗

 

မိူဝ်ႈပၢၼ်ၼိုင်ႈၼၼ်ႉ ၸဝ်ႈၽၵ်ၶူၼ ဢၽၢတ်ႉႁႅင်း ၸပ်းတၢင်းပဵၼ် သေ ဢမ်ႇယူႇလီႁၢဝ်ႈႁႅင်း ပွၵ်ႈၼၼ်ႉ ၸဝ်ႈဢၼၼ်ႇတႃႇၶဝ်ႈမိူဝ်းၸူး တမ်ႈတီႈ ၽြႃးပဵၼ်ၸဝ်ႈ ၶူပ်ႉဝႆႈလီငၢမ်းယဝ်ႉသေ တၢင်ႇလဝ်ႈၼေလွင်ႈ တၢင်းဢၼ် ၸဝ်ႈဝႃႈ

 

ဢေႃးတီႈၶႃႈၽြႃးပဵၼ်ၸဝ်ႈတီႈၶႃႈ  ၸဝ်ႈၽၵ်ၶူၼ ဢၽၢတ်ႉႁႅင်း မီးတုၵ်ႉ ပဵၼ်ၶႆႈၼၢဝ်ဢမ်ႇ ယူႇလီႁႅင်း ၼႃႇ ယွၼ်းႁႂ်ႈၽြႃးပဵၼ်ၸဝ်ႈ ၵွႃႉမိူဝ်းတူၺ်း ထိုင်ပၼ်ၸဝ်ႈၽၵ်ၶူၼ ၼၼ်ႉသေ ၵမ်းတီႈၶႃႈ ၽြႃးပဵၼ်ၸဝ်ႈၸင်ႇ ႁပ်ႉဢဝ်ၶေႃႈၵႂၢမ်းၸဝ်ႈဢၼၼ်ႇတႃႇသေ ၽွင်း ၼၼ်ႉ ပဵၼ် ယၢမ်း ႁူဝ်ၶမ်ႈ ၽြႃးပဵၼ်ၸဝ်ႈၸင်ႇၵွႃႉမိူဝ်းသူႇၸႆး ၸဝ်ႈၽၵ်ၶူၼ ထိုင်တီႈယူႇ

 

မိူဝ်ႈၸဝ်ႈၽၵ်ၶူၼ လႆႈမုင်ႈႁၼ်ၽြႃးပဵၼ်ၸဝ်ႈတိုၵ်ႉမႃးယူႇၼၼ်ႉ ၸဝ်ႈၽၵ် ၶူၼ ၶိုင်ဢၢင်ႈ လုၵ်ႉၶိုၼ်ႈ ယၢမ်းၼၼ်ႉၽြႃးပဵၼ်ၸဝ်ႈ ၸင်ႇ လၢတ်ႈတီႈ ၸဝ်ႈ ၽၵ်ၶူၼ ဝႃႈ ယႃႇလႃႈ ၽၵ်ၶူၼ ယႃႇလုၵ်ႉၶိုၼ်ႈယဝ်ႉ ဢႃသၼ ၸိူဝ်းၼႆႉ ဢၼ်မီးၵူၼ်းသိူဝ်ႇဝႆႉယဝ်ႉမီးယူႇ ၊ ႁဝ်းတေၼင်ႈၼိူဝ် ဢႃသၼၸိူဝ်းၼၼ်ႉ  ၽြႃး ပဵၼ် ၸဝ်ႈၸင်ႇၼင်ႈလူင်းတီႈၼိူဝ်ဢႃသၼ ဢၼ်သိူဝ်ႇဝႆႉယဝ်ႉ ၸိူဝ်းၼၼ်ႉ သေၸင်ႇတွင်ႈထၢမ်တီႈၸဝ်ႈၽၵ်ၶူၼ ၼၼ်ႉဝႃႈ-

တူၺ်းလူ ၽၵ်ၶူၼ  ၸွင်ႇၸဝ်ႈယိူၼ်ႉၵၼ်ႈလႆႈယူႇႁိုဝ် ၸွင်ႇၸဝ်ႈပေႃး ယင်း ဢတ်တၽၢပ်ႉ ပဵၼ်ၵႂႃႇလႆႈယူႇႁိုဝ် ၸွင်ႇ လွင်ႈ တုၵ်ႉၶဝေႇတၼႃႇၼၼ်ႉ ယွမ်း လူင်း ၶႅၼ်းမႃး ဢမ်ႇၼၼ် ၶႅၼ်းမႃး ယဝ်ႉၸင်ႇၶိုၼ်းၼႃႇမႃးထႅင်ႈယူႇႁိုဝ်

 

ၸဝ်ႈၽၵ်ၶူၼ ၸင်ႇတွပ်ႇၶိုၼ်းၽြႃးပဵၼ်ၸဝ်ႈဝႃႈ ဢေႃးတီႈၶႃႈၽြႃးပဵၼ်ၸဝ်ႈၶႃႈ ၶႃႈတပေး ယိူၼ်ႉၵၼ်ႈဢမ်ႇလႆႈ ယင်းဢတ် တၽၢပ်ႉပဵၼ်ၵႂႃႇဢမ်ႇလႆႈ တုၵ်ႉၶဝေႇတၼႃႇ ၶႃႈပေးၼႆႉဢမ်ႇ ၸိုၼ်ႈၶႅၼ်းမႃး သမ်ႉၶႅၼ်းႁႅင်းလိူဝ်မႃး မိူၼ်ၸိူင်ႉၼင်ႇမီး ၵူၼ်းႁႅင်း လူင်ဢဝ်မိတ်ႈပၢတ်ႇတီႈ ႁူဝ်ၶႃႈတပေးမၼ်း ၸဵပ်းၵႅၼ်းတႅင်း တမ်ယူႇ ၸိူင်ႉၼၼ်ႉယဝ်ႉၶႃႈ

 

 

ၸိူင်ႉၼၼ်ၶႃႈတပေးၸိုင်ယိူၼ်ႉၵၼ်ႈဢမ်ႇလႆႈ ယင်းဢတ်တၽၢပ်ႉ ႁႂ်ႈ ပဵၼ် ၵႂႃႇဢမ်ႇလႆႈ တုၵ်ႉၶ ဝေႇတၼႃႇၶႃႈပေးသမ်ႉၶႅၼ်းႁႅင်းမႃးလိူဝ်ၵဝ်ႇ ဢမ်ႇယွမ်း လူင်း မိူၼ်ၸိူင်ႉၼင်ႇမီးၵူၼ်းႁႅင်းလူင်ဢဝ်ၸိူၵ်ႈႁတ်ႉသႂ်ႇ တီႈႁူဝ်ၶႃႈတပေး လွင်ႈၸဵပ်းၵႅၼ်းၼၼ်ႉမိူၼ်ၸိူင်ႉၼင်ႇၼၼ်

 

ၸိူင်ႉၼၼ်လႄႈ ၽြႃးပဵၼ်ၸဝ်ႈတီႈၶႃႈ ၶႃႈတပေးယိူၼ်ႉၵၼ်ႈဢမ်ႇလႆႈ မိူၼ်ၸိူင်ႉၼင်ႇၵူၼ်း ၶႃႈဝူဝ်း ဢမ်ႇၼၼ်လုၵ်ႈမိုဝ်းၽူႈၶႃႈဝူဝ်း ၼၼ်ႉ ဢဝ်မိတ်ႈထႅၵ်ႇၸွမ်းတူဝ်ဝူဝ်းထႅၵ်ႇၸွမ်း တွင်ႉဝူဝ်းၼင်ႇၼၼ် မီးလူမ်း ဢၼ်သဵပ်ႇတႅင်းၼႂ်းတွင်ႉၼႂ်းသႆႈၶႃႈတပေးယူႇၸိူင်ႉၼၼ်

 

ၽြႃးပဵၼ်ၸဝ်ႈတီႈၶႃႈ ၶႃႈတပေးယိူၼ်ႉၵၼ်ႈဢမ်ႇလႆႈ မိူၼ်ၼင်ႇမီးၽူႈ ႁႅင်း လူင် သွင်ၵေႃႉ ၺွပ်းဢဝ်ၵူၼ်းဢူၼ်ႈဢွၼ်ႇၵေႃႉၼိုင်ႈသေယၢင်ႈ ၼိူဝ်ၵွင် ထၢၼ်ႇၾႆးၸိူင်ႉၼၼ် လွင်ႈလိူတ်ႇ မႆႈၼႂ်းတူဝ်ၶႃႈတပေး ၵေႃႈ မိူၼ်ၸိူင်ႉ ၼၼ်။

 

ဢေႃးတီႈၶႃႈ ၽြႃးပဵၼ်ၸဝ်ႈတီႈၶႃႈ ၶႃႈတပေးယိူၼ်ႉၵၼ်ႈဢမ်ႇလႆႈ ယင်း ဢတ်တၽၢပ်ႉပဵၼ် ၵႂႃႇဢမ်ႇလႆႈ တုၵ်ႉၶဝေႇတၼႃႇၶွင်ၶႃႈတပေး ၶႅၼ်း ၼႃႇ ႁႅင်းမႃး ဢမ်ႇယွမ်းၶျႃႉလူင်းတီႈၶႃႈ ။

 

ၵမ်းၼၼ်ႉၽြႃးပဵၼ်ၸဝ်ႈၸင်ႇသပ်းလႅင်းၼေထိုင်လွင်ႈထမ်းမၵႃထႃႇ ပၼ်ၸဝ်ႈ ၽၵ်ၶူၼ ႁူႉႁၼ်ၸႅင်ႈ ႁႂ်ႈသမႃထၢၼ်ဢၢတ်ႇ ႁၢၼ်ယဝ်ႉ ၸင်ႇ ၶိုၼ်းၵွႃႉမိူဝ်းၵႂႃႇ

 

ဝၢႆးသေၽြႃးပဵၼ်ၸဝ်ႈၵႂႃႉမိူဝ်းယဝ်ႉဢမ်ႇႁိုင်ၼၼ်ႉ ၸဝ်ႈၽၵ်ၶူၼ ၵေႃႈလႆႈ သဵင်ႈ ၸႂ်ပွႆႇဝၢင်း သင်ၶႃရ ၵႂႃႇၼင်ႇၼၼ် ဝၢႆးသေၸဝ်; ၽၵ်ၶူၼ သဵင်ႈၸႂ် ၵႂႃႇယဝ်ႉၼၼ်ႉ ၼိူဝ်.ၼင်ၶွင်ၸဝ်ႈ ၽၵ်ၶူၼ ၼၼ်ႉၽွင်ႇသႂ် လီ မိူဝ်ႈၼၼ်ႉ ၸဝ်ႈဢၼၼ်ႇတႃႇၸင်ႇၶဝ်ႈမိူဝ်းၸူးတီႈၽြႃးပဵၼ်ၸဝ်ႈထႅင်ႈသေတၢင်ႇလဝ်ႈၼေလွင်ႈၸဝ်ႈၽၵ်ၶူၼ ၼၼ်ႉဝၢႆးသေၽြႃးပဵၼ် ၸဝ်ႈ ပွၵ်ႈမႃး ယဝ်ႉဢမ်ႇႁိုင်

 

 

ၸဝ်ႈၽၵ်ၶူၼ လႆႈႁႅၼ်းၵႃလမိူဝ်ႈၸဝ်ႈၸမ် တၢႆ ၼၼ်ႉသေ ဝၢႆးလင် တၢင်း တၢႆၶွင်ၸဝ်ႈ ၽၵ်ၶူၼ ၼၼ်ႉ ၽိဝ်ၼိူဝ်ႉၼင် ၽွင်ႇ သႂ်လီၼႃႇ

 

ၽြႃးပဵၼ်ၸဝ်ႈၸင်ႇလၢတ်ႈဝႃႈ တူၺ်းလူ ဢၼၼ်ႇတႃႇ ဢိၼ်သီ ၼိူဝ်ႉၼင် ၶွင် ၽိၵ်ၶူၽၵ်ၶူၼ ဢမ်ႇၽွင်ႇသႂ်လႆႈၸိူင်ႉႁိုဝ် ၸိတ်ႇၶွင်ၽၵ်ၶူၼ ၽိၵ်ၶူ ၼၼ်ႉ ဢမ်ႇပႆႇလုတ်ႈပူၼ်ႉလွင်ႈ သၺ်ယုတ်ႉပိူင်ႈတႅမ်ႇႁႃႈပိူင် ၵေႃႈလုတ်ႈ ပူၼ်ႉလႆႈ သၺ်ယုတ်ႉပိူင်ႈတႅမ်ႇႁႃႈပိူင်ၼၼ်ႉလႆႈယဝ်ႉ ၵွပ်ႈပိူဝ်ႈဝႃႈၸဝ်ႈ လႆႈ ထွမ်ႇထမ်ႇမတေႇသၼႃႇၼၼ်ႉ

 

တူၺ်းလူဢၼၼ်ႇတႃႇ ၽွၼ်းလီၶွင်ၵၢၼ်လႆႈထွမ်ႇထမ်းၸွမ်းၶၢဝ်း ယၢမ်း ဢၼ်သၢင်ႇထုၵ်ႇ ၶဝ်ႈၸႂ်ၼႂ်းၼိူဝ်ႉထမ်းၸွမ်း ႁူၵ်းပိူင်  ႁူၵ်းပိူင် ၼၼ်ႉ ပဵၼ် ၸိူင်ႉႁိုဝ်

 

တူၺ်းလူဢၼၼ်ႇတႃႇ ၸိတ်ႇၶွင်ၽိၵ်ၶူၼႂ်းထမ်းဝိၼၺ်းၼႆႉ ဢမ်ႇ ပႆႇ လုတ်ႈ ပူၼ်ႉ သၺ်ယုတ်ႉဢၼ်ပဵၼ်ပိူင်ႈတႅမ်ႇႁႃႈပိူင် ၼၼ်ႉမိူဝ်ႈ ထိုင် ၶၢဝ်းယၢမ်း ၸမ် တၢႆ ၶဝ်ႈလႆႈႁၼ် တထႃၵတၽြႃးပဵၼ်ၸဝ်ႈ တထႃၵတ ၽြႃးပဵၼ်ၸဝ်ႈ ႁေႃး ၼေထမ်း ဢၼ်ငၢမ်းၼႂ်းပိူင်ႈ တူၼ်ႈ ငၢမ်းၼႂ်းပၢၼ် ၵၢင် ငၢမ်းၼႂ်းတီႈသုတ်း ပိုၼ်ၽႄႈဝႆႉယဝ်ႉ ၽွမ်ႉတင်းဢထႃ ၽယံသၼ ပရိသုထ် ပရိပုလ် ယဝ်ႉလီငၢမ်း တေႃႇၸိူဝ်းသူ ၸိတ်ႇၸႂ်ၶွင်ၸိူဝ်း သူ ၸင်ႇလုတ်ႈပူၼ်ႉ သၺ်ယုတ်ႉဢၼ်ပဵၼ် ပိူင်ႈတႅမ်ႇႁႃႈပိူင် ၵွပ်ႈလႆႈထွမ်ႇ ထမ်ႇ မတေႇသၼႃႇ ၼၼ်ႉ

 

တူၺ်းလူဢၼၼ်ႇတႃႇ!  ဢၼ်ပဵၼ်ၽွၼ်းၶေႃႈထီႉၼိုင်ႈမိူဝ်ႈလႆႈ ထွမ်ႇထမ်း ၸွမ်းၼင်ႇၶၢဝ်း ယၢမ်း တိုဝ်ႉတၢင်းသၢင်ႇထုၵ်ႇ

 

ထႅင်ႈလွင်ႈၼိုင်ႈ ၸိတ်ႇၶွင်ၽိၵ်ၶူ ဢမ်ႇပႆႇလုတ်ႈပူၼ်ႉ သၺ်ယုတ်ႉ ဢၼ် ပဵၼ် ပိူင်ႈတႅမ်ႇႁႃႈပိူင် မိူဝ်ႈၶၢဝ်းယၢမ်းၸမ်တၢႆ ၶဝ်ဢမ်ႇလႆႈႁၼ် တထႃၵတၽြႃး ပဵၼ်ၸဝ်ႈ ၵူၺ်းၵႃႈ ၶဝ်လႆႈႁၼ် သႃဝၵ ၶွင်တထႃၵတ ၽြႃးပဵၼ်ၸဝ်ႈ သႃဝၵ ၶွင်တထႃၵတၽြႃးပဵၼ်ၸဝ်ႈၼၼ်ႉႁေႃးၼေထမ်း ဢၼ် ငၢမ်းၼႂ်းပိူင်ႈတူၼ်ႈ ငၢမ်း ၼႂ်းပိူင်ႈၵၢင် ငၢမ်းၼႂ်းတီႈသုတ်း ဢၼ် ပိုၼ်ၽႄႈဝႆႉလီယဝ်ႉ မီးတင်းဢထႃ

ၽွမ်ႉယံသၼ ပရိသုထ် ပရိပုလ် လီငၢမ်းတေႃႇၸိူဝ်းသူ ၸိတ်ႇၶွင်ၽိၵ်ၶူ ၸင်ႇ လုတ်ႈပူၼ်ႉသၺ်ယုတ်ႉ ဢၼ် ပဵၼ်ပိူင်ႈတႅမ်ႇႁႃႈပိူင်ၼၼ်ႉ

တူၺ်းလူဢၼၼ်ႇတႃႇ!  ဢၼ်ပဵၼ်ၽွၼ်းၶေႃႈထီႉသွင်မိူဝ်ႈလႆႈထွမ်ႇထမ်း ၸွမ်းၼင်ႇၶၢဝ်း ယၢမ်းတိုဝ်ႉ တၢင်းသၢင်ႇထုၵ်ႇ

 

တူၺ်းလူဢၼၼ်ႇတႃႇ ၸိတ်ႇၶွင်ၽိၵ်ၶူ ဢမ်ႇပႆႇလုတ်ႈပူၼ်ႉသၺ်ယုတ်ႉ ဢၼ် ပဵၼ်ပိူင်ႈ တႅမ်ႇႁႃႈပိူင်ၼၼ်ႉမိူဝ်ႈထိုင်ၶၢဝ်းယၢမ်းၸမ်တၢႆ ၶဝ်ႈဢမ်ႇလႆႈႁၼ် တထႃၵတၽြႃးပဵၼ်ၸဝ်ႈ ဢမ်ႇလႆႈႁၼ် သႃဝၵ ၶွင် တထႃၵတ ၽြႃးပဵၼ် ၸဝ်ႈ  ၵူၺ်းၵႃႈၶဝ်လႆႈၶူၼ်ႉဝူၼ်ႉ ထိုင်ထမ်း ၸိူဝ်း ဢၼ် ယၢမ်ႈလႆႈ ထွမ်ႇလႆႈ ယိၼ်း မႃး လႆႈႁဵၼ်းႁူႉမႃး ၶဝ်ၶူၼ်ႉဝူၼ်ႉထိုင် ထမ်းၸိူဝ်းၼၼ်ႉ လူၺ်ႈ ၸႂ် ႁဵတ်း ၸွမ်းၼင်ႇဢၼ်ယၢမ်ႈလႆႈ ထွမ်ႇယိၼ်းလႆႈႁဵၼ်ႁူႉ မႃးယူႇ

 

ၸိတ်ႇၶွင်ၽိၵ်ၶူၼၼ်ႉ ၸင်ႇလုတ်ႈ ပူၼ်ႉသၺ် ယုတ်ႉဢၼ် ပဵၼ်ပိူင်ႈ တႅမ်ႇႁႃႈပိူင်

 

တူၺ်းလူဢၼၼ်ႇတႃႇ ! ဢၼ်ပဵၼ်ၽွၼ်းလီၶေႃႈထီႉသၢမ်မိူဝ်ႈလႆႈထွမ်ႇ ထမ်း ၸွမ်းၼင်ႇၶၢဝ်းယၢမ်းတိုဝ်ႉတၢင်းသၢင်ႇထုၵ်ႇ

 

တူၺ်းလူဢၼၼ်ႇတႃႇ ၸိတ်ႇၶွင်မၼုသ (ၵူၼ်း)ၼႂ်းထမ်းဝိၼၺ်းၼႆႉ ဢမ်ႇ ပႆႇလုတ်ႈပူၼ်ႉ သၺ်ယုတ်ႉဢၼ်ပဵၼ်ပိူင်ႈတႅမ်ႇႁႃႈပိူင် ၵူၺ်းၵႃႈ ၸိတ်ႇၶွင် ၶဝ် ဢမ်ႇၼွမ်ႉၵႂႃႇတၢင်းၼိပ်ႉပၢၼ်ႇ ဢၼ်ပဵၼ်တီႈသုတ်းသဵင်ႈၵႂႃႇၶွင် ဢုပထိ ၵီ လေႇ သႃႇ ဢၼ်ႁႃထမ်းတၢင်ႇၸိူဝ်းလီသေၼႆႉဢမ်ႇ မီးမိူဝ်ႈၶၢဝ်း ယၢမ်းၸမ် တၢႆ ၶဝ်လႆႈႁၼ်တထႃၵတၽြႃးပဵၼ်ၸဝ်ႈ လႄႈ တထႃၵတ ၽြႃးပဵၼ် ၸဝ်ႈႁေႃးၼေထမ်းတြႃး ဢၼ်ငၢမ်းၼႂ်းပိူင်ႈတူၼ်ႈ ငၢမ်းၼႂ်း ပၢၼ်ၵၢင် ငၢမ်း ၼႂ်းတီႈသုတ်း ဢၼ်ပိုၼ်ၽႄႈဝႆႉယဝ်ႉ ၽွမ်ႉတင်းဢထႃ ၽယံသၼ ပရိသုထ် ပရိပုလ် ယဝ်ႉလီငၢမ်းတေႃႇ ၸိူဝ်းသူ ၸိတ်ႇၸႂ်ၶွင် ၸိူဝ်းသူၸင်ႇၼွမ်ႉၵႂႃႇ ၸူး တၢင်းၼိပ်ႉပၢၼ်ႇ ဢၼ်ပဵၼ်တီႈသုတ်း သဵင် ၶွင် ဢုပထိၵီလေႇသႃႇ ဢၼ်

ႁႃထမ်းတၢင်ႇၸိူဝ်းတွၼ်းလိူဝ်ဢမ်ႇမီးလႆႈ ၵွပ်ႈ လႆႈ ယိၼ်း ထွမ်ႇ ထမ်ႇမ တေႇသၼႃႇၼၼ်ႉ

 

တူၺ်းလူဢၼၼ်ႇတႃႇ ! ဢၼ်ပဵၼ်ၽွၼ်းလီၶေႃႈထီႉသီႇမိူဝ်ႈလႆႈ ထွမ်ႇထမ်း ၸွမ်းၼင်ႇၶၢဝ်း ယၢမ်းတိုဝ်ႉတၢင်းသၢင်ႇထုၵ်ႇ ထႅင်ႈလွင်ႈၼိုင်ႈ ၸိတ်ႇၶွင်ၽိၵ်ၶူ လုတ်ႈပူၼ်ႉယဝ်ႉသၺ်ယုတ်ႉ ဢၼ်ပဵၼ် ၵႂႃႇ ပိူင်ႈတႅမ်ႇႁႃႈပိူင် ၵူၺ်းၵႃႈ ၸိတ်ႇၶွင် ၶဝ်ဢမ်ႇပႆႇ ၼွမ်ႉၵႂႃႇၸူး တၢင်းၼိပ်ႉ ပၢၼ်ႇ ဢၼ်ပဵၼ်တီႈသုတ်းသဵင်ႈ ၶွင်ဢုပၵိ လေႇသႃႇဢၼ်ႁႃထမ်း တၢင်ႇ ဢၼ် တွၼ်းလိူဝ်ဢမ်ႇမီး မိူဝ်ႈၶၢဝ်းယၢမ်းၸမ် တၢႆ ၶဝ်ဢမ်ႇလႆႈႁၼ် တထႃၵတ ၽြႃးပဵၼ်ၸဝ်ႈ ၵူၺ်းၵႃႈၶဝ်လႆႈႁၼ်သႃဝၵ ၶွင်တထႃၵတ ၽြႃးပဵၼ်ၸဝ်ႈ သႃဝၵၶွင်တထႃၵတၽြႃးပဵၼ် ၸဝ်ႈၼၼ်ႉ ႁေႃးၼေထမ်းတြႃး ဢၼ်ငၢမ်းၼႂ်း ပိူင်ႈတူၼ်ႈ ငၢမ်းၼႂ်းပၢၼ်ၵၢင် ငၢမ်းၼႂ်း တီႈသုတ်း ၸိတ်ႇၶွင်ၶဝ်ၸင်ႇၼွမ်ႇ ၵႂႃႇ ၸူးတၢင်း ၼိပ်ႉပၢၼ်ႇ ပဵၼ်တီႈ သုတ်း သဵင်ႈ ၵႂႃႇၶွင်ဢုပၵိလေႇသႃႇ

 

ဢၼ်ႁႃထမ်းတၢင်ႇဢၼ်တွၼ်းလိူဝ်ဢမ်ႇမီး ၵွပ်ႈ လႆႈယိၼ်း ထွမ်ႇ ထမ်ႇမ တေႇ သၼႃႇၼၼ်ႉ တူၺ်းလူဢၼၼ်ႇတႃႇ ! ဢၼ်ပဵၼ်ၽွၼ်းၶေႃႈ ထီႉႁႃႈမိူဝ်ႈလႆႈထွမ်ႇထမ်း ၸွမ်း ၼင်ႇၶၢဝ်း ယၢမ်း တိုဝ်ႉတၢင်းသၢင်ႇထုၵ်ႇ

 

ထႅင်ႈလွင်ႈၼိုင်ႈ ၸိတ်ႇၶွင်ၽိၵ်ၶူလုတ်ႈပူၼ်ႉယဝ်ႉသၺ်ယုတ်ႉဢၼ် ပဵၼ် ၵႂႃႇ ပိူင်ႈ တႅမ်ႇႁႃႈပိူင် ၵူၺ်းၵႃႈၸိတ်ႇၶွင်ၶဝ်ဢမ်ႇပႆႇၼွမ်ႉၵႂႃႇၸူး တၢင်းၼိပ်ႉ ပၢၼ်ႇ  ဢၼ်ပဵၼ်တီႈသုတ်းသဵင်ႈ ၵႂႃႇၶွင် ဢုပထိၵီလေႇသႃႇ ဢၼ်ႁႃ ထမ်းတၢင်ႇ ၸိူဝ်း တွၼ်းလိူဝ်ဢမ်ႇမီး မိူဝ်ႈၶၢဝ်းယၢမ်းၸမ်တၢႆ ၶဝ်ဢမ်ႇ လႆႈ ႁၼ် တထႃၵတၽြႃးပဵၼ်ၸဝ်ႈ ၶဝ်ဢမ်ႇလႆႈႁၼ်သႃဝၵ ၶွင်တထႃၵတ ၽြႃးပဵၼ် ၸဝ်ႈ ၵူၺ်းၵႃႈၶဝ်လႆႈၶူၼ်ႉဝူၼ်ႉထိုင်ထမ်းၸိူဝ်းဢၼ် ယၢမ်ႈလႆႈ ထွမ်ႇလႆႈ ယိၼ်း မႃး လႆႈႁဵၼ်းႁူႉမႃး ၶဝ်ၶူၼ်ႉဝူၼ်ႉထိုင်ထမ်းၸိူဝ်းၼၼ်ႉလူၺ်ႈၸႂ် ႁဵတ်းၸွမ်းၼင်ႇဢၼ်ယၢမ်ႈလႆႈထွမ်ႇ ယိၼ်းလႆႈႁဵၼ်ႁူႉမႃးယူႇ ၸိတ်ႇ ၸႂ်ၶွင်ၽိၵ်ၶူၼၼ်ႉ ၸင်ႇလုတ်ႈပူၼ်ႉသၺ်ယုတ်ႉဢၼ် ပဵၼ် ပိူင်ႈတႅမ်ႇႁႃႈပိူင်

 

တူၺ်းလူဢၼၼ်ႇတႃႇ ! ဢၼ်ပဵၼ်ၽွၼ်းၶေႃႈထီႉသၢမ်မိူဝ်ႈလႆႈထွမ်ႇ ထမ်း ၸွမ်းၼင်ႇၶၢဝ်း ယၢမ်း တိုဝ်ႉတၢင်းသၢင်ႇထုၵ်ႇတူၺ်းလူဢၼၼ်ႇတႃႇ! ၽွၼ်းလီၶွင်လွင်ႈလႆႈထွမ်ႇယိၼ်းထမ်း တြႃး မိူဝ်ႈ ၸမ် တၢႆတူၺ်းလူ ဢၼၼ်ႇတႃႇ ၽွၼ်းလီမိူဝ်ႈလႆႈထွမ်ႇတြႃး မိူဝ်ႈလႆႈၶူၼ်ႉ ၶႆႈၼိူဝ်ႉထမ်းတြႃး ၽွင်းမိူဝ်ႈ ၸမ်တၢႆ ႁူၵ်း ပိူင်ၼင်ႇၼႆယဝ်ႉ ။