ဝိၸၶႃသုတ်ႇ

ပွၵ်ႈၼိုင်ႈမိူဝ်ႈၽြႃးပဵၼ်ၸဝ်ႈတိုၵ်ႉမီးသၢႆၸႂ်ယူႇ

ၽြႃးပဵၼ်ၸဝ်ႈယူႇသဝ်းဝႆႉတီႈ ပုၽ်ၽႃးရၢမ်း ပရႃသၢတ်ႇၶွင်ၼၢင်းဝိသႃၶႃ မီၶႃရမၢရ်တႃႇ ႁိမ်းၸမ်မိူင်းသႃဝထီ 

ပွၵ်ႈၼၼ်ႈလႄႊ လၢၼ်ၶွင်ၼၢင်းဝိသႃၶႃ မိၶႃရႃမၢရ်တႃႇ ၵေႃႉပဵၼ် တီႈလီႁၵ်ႉလီပေႃးၸႂ် လႆႈႁႅၼ်းၵႃႇလတၢႆလူင်း

 ပွၵ်ႈၼၼ်ႉ ၼၢင်းဝိသႃၶႃ မီၶႃရမၢရ်တႃႇ ၸိုင်မီး ၽႃႈယမ်း ၶူၼ်ႁူဝ်ယမ်း ၶဝ်ႈၵႂႃႇၸူးတီႈၽြႃးပဵၼ်ၸဝ်ႈထိုင်တီႈယူႇ 

ၼႂ်းယၢမ်းဝၼ်းတဵင်ႈ ၶုပ်ႉၶဝ်ႇ ၵွမ်းႁူဝ်ၼွမ်းဝႆႈယဝ်ႉၼင်ႈတီႈၽၢႆႇၶၢင်ႈၼိုင်ႈ ၽြႃးပဵၼ်ၸဝ်ႈၸင်ႇထၢမ်တီႈၼၢင်းဝိသႃၶႃ

 မီၶႃရမၢရ်တႃဝႃႈ ဝိသႃႇၶႃႇ ၼၢင်းလုၵ်ႉတၢင်းလႂ်မႃးၼေႃ မီးၽႃႈယမ်း မီးၶူၼ်ႁူဝ်ယမ်း ၶဝ်ႈမႃး ၼ တီႈၼႆႈၼႂ်းယၢမ်းဝၼ်းတဵင်ႈ

ၸိူင်ႉၼင်ႇၼႆ

ၼၢင်းဝိသႃႇၶႃႇၸင်ႇတၢင်ႇလဝ်ႈလွင်ႈတၢင်းဝႃႈ ဢေႃးတီႈၶႃႈ ၽြႃးပဵၼ်ၸဝ်ႈတီႈၶႃႈ လၢၼ်ၶွင်ၶႃႈ 

ၼၢင်းပဵၼ်တီႈလီႁၵ်ႉပဵၼ်တီႈလီပေႃးၸႂ် လႆႈသဵင်ႈၸႂ်တၢႆသေယဝ်ႉ ၵွပ်ႈၸိူင်ႉၼၼ် ၶႃႈၼၢင်းၸိုင် 

မီးၽႃႈယမ်း ၶူၼ်ႁူဝ်ယမ်း ၶဝ်ႈမႃးတီႈၼႆႈၼႂ်းယၢမ်းဝၼ်းတဵင်ႈၶႃႈဢေႃႈ

တူၺ်းလူဝိသႃၶႃ ! ၼၢင်းပရႃထၼႃ ပုတ်ႇ လႄႈ လၢၼ် တၢၼ်ႇၵူၼ်း(မၼုသ)ၼႂ်းမိူင်း သႃဝထိ ၼႆႉႁိုဝ်

ဢေႃးတီႈၶႃႈၽြႃးပဵၼ်ၸဝ်ႈၶႃႈ ! ၶႃႈၼၢင်းပရႃထၼႃႇ ပုတ်ႇ လႄႈ လၢၼ် တၢၼ်ႇၵူၼ်း(မၼုသ) 

ၼႂ်းမိူင်းသႃဝထိၼႆႉၶႃႈဢေႃႈ ၸဝ်ႈၶႃႈ

တူၺ်းလူဝိသႃၶႃ ! ၵူၼ်း(မၼုသ)ၼႂ်းမိူင်းသႃဝထိၼႆႉၼမ်ၵႃႈႁိုဝ် ဢၼ်သဵင်ႈၸႂ်တၢႆယူႇၵူႈဝၼ်း

ဢေႃးတီႈၶႃႈၽြႃးပဵၼ်ၸဝ်ႈတီႈၶႃႈ ! ၵူၼ်း(မၼုသ)ၼႂ်းမိူင်းသႃဝထိ 10 ၵေႃႉၽွင်ႈ 9 ၵေႃႉၽွင်ႈ 

8 ၵေႃႉၽွင်ႈ 7 ၵေႃႉၽွင်ႈ 6 ၵေႃႉၽွင်ႈ 5 ၵေႃႉၽွင်ႈ4 ၵေႃႉၽွင် 3 ၵေႃႉၽွင်ႈ 2 ၵေႃႉၽွင်ႈ 1 ၵေႃႉၽွင်ႈ 

သဵင်ႈၸႂ်တၢႆယူႇၵူႈဝၼ်း ၸဝ်ႈၶႃႈ

တူၺ်းလူဝိသႃၶႃ ! လွင်ႈၸိူင်ႉၼင်ႇၼႆၼႆႉၼၢင်းပွင်ႇၸႂ်ပဵၼ်ၸိူင်ႉႁိုဝ် ၼၢင်းၸိုင်မီးၽႃႈယမ်း 

ၶူၼ်ႁူဝ်ယမ်းပဵၼ်မၢင်ပွၵ်ႈမၢင်လႂ်ႁိုဝ်ၼေႃ

ဢေႃးတီႈၶႃႈၽြႃးပဵၼ်ၸဝ်ႈၶႃႈ ! ဢမ်ႇၸႂ်ႈၸိူင်ႉၼင်ႇၼၼ် ၸဝ်ႈၶႃႈ ပဵင်းပေႃးယဝ်ႉ လူၺ်ႈ

 လွင်ႈၿုတ်ႇလႄႈလၢၼ်ၶွင်ၶႃႈၼၢင်းၼႆႉယဝ်ႉၸဝ်ႈၶႃႈ

တူၺ်းလူဝိသႃၶႃ ! 

ၽူႈလႂ်မီးႁၵ်ႉ 100 ၵေႃႈၽူႈၼၼ်ႉမီးတုၵ်ႉ 100 ၽူႈလႂ်မီးႁၵ်ႉ 90 ၵေႃႈၽူႈၼၼ်ႉ မီးတုၵ်ႉ 90

ၽူႈလႂ်မီးႁၵ်ႉ 80 ၵေႃႈၽူႈၼၼ်ႉမီးတုၵ်ႉ   80 ၽူႈလႂ်မီးႁၵ်ႉ  70 ၵေႃႈၽူႈ ၼၼ်ႉမီးတုၵ်ႉ   70

ၽူႈလႂ်မီးႁၵ်ႉ 60 ၵေႃႈၽူႈၼၼ်ႉမီးတုၵ်ႉ   60 ၽူႈလႂ်မီးႁၵ်ႉ  50 ၵေႃႈၽူႈၼၼ်ႉမီးတုၵ်ႉ  5႐

ၽူႈလႂ်မီးႁၵ်ႉ 40 ၵေႃႈၽူႈၼၼ်ႉမီးတုၵ်ႉ   40 ၽူႈလႂ်မီးႁၵ်ႉ  30 ၵေႃႈ ၽူႈၼၼ်ႉမီးတုၵ်ႉ 30 

ၽူႈလႂ်မီးႁၵ်ႉ 20 ၵေႃႈၽူႈၼၼ်ႉမီးႁၵ်ႉ    20 ၽူႈလႂ်မီးႁၵ်ႉ  10 ၵေႃႈၽူႈၼၼ်ႉမီးတုၵ်ႉ   10

 ၽူႈလႂ်မီးႁၵ်ႉ 9 ၵေႃႈၽူႈၼၼ်ႉမီးတုၵ်ႉ   9 ၽူႈလႂ်မီးႁၵ်ႉ   8 ၵေႃႈၽူႈၼၼ်ႉမီးတုၵ်ႉ      8

ၽူႈလႂ်မီးႁၵ်ႉ 7 ၵေႃႈၽူႈၼၼ်ႉ မီးတုၵ်ႉ 7 ၽူႈလႂ်မီးႁၵ်ႉ 6 ၵေႃႈၽူႈၼၼ်ႉမီးတုၵ်ႉ 6 

ၽူႈလႂ်မီးႁၵ်ႉ 5 ၵေႃႈၽူႈၼၼ်ႉမီးတုၵ်ႉ 5 ၽူႈလႂ်မီးႁၵ်ႉ 4 ၵေႃႈၽူႈၼၼ်ႉမီးတုၵ်ႉ 4

 ၽူႈလႂ်မီးႁၵ်ႉ 3 ၵေႃႈၽူႈၼၼ်ႉမီးတုၵ်ႉ 3 ၽူႈလႂ်မီးႁၵ်ႉ 2 ၵေႃႈၽူႈၼၼ်ႉမီးတုၵ်ႉ 2 

ၽူႈလႂ်မီးႁၵ်ႉ 1 ၵေႃႈ ၽူႈၼၼ်ႈမီးတုၵ်ႉ 1

ၽူႈလႂ်ဢမ်ႇမီးႁၵ်ႉ ၽူႈၼၼ်ႉဢမ်ႇမီးတုၵ်ႉ ႁဝ်းၸိုင်ၵၢဝ်ႇဝႃႈၽူႈၼၼ်ႉ ဢမ်ႇမီးလွင်ႈသဝ်ႈမွင် 

ၵၢင်းၵႆလွင်ႈၵိလေႇသႃႇ ဢမ်ႇမီးဢုပႃယႃသ

ဝၢႆးသေၼၼ်ႉလႄႊ 

ၽြႃးပဵၼ်ၸဝ်ႈလႆႈႁူႉထိုင်ၼိူဝ်ႉၵႂၢမ်းၼႆႉယဝ်ႉ ၸင်ႇပဵင်ႇဢုထၢၼ်ၼႆႉၼႂ်း ယၢမ်းၼၼ်ႉဝႃႈ 

လွင်ႈၸိုမ်းသဝ်ႈၵေႃႈလီလွင်ႈႁွင်ႉႁႆႈၵေႃႈလီ လွင်ႈတုၵ်ႉၵေႃႈလီ တၢင်းၼမ်လၢႆၸိူင်းလၢႆပိူင်ၸိူဝ်းၼႆႉ

 မီးဝႆႉယူႇတီႈၼႂ်းလေႃးၵ ၵွပ်ႈပိုင်ႈဢိင်သတ်း ႁိုဝ် သင်ၶႃရ ဢၼ်ပဵၼ်တီႈလီႁၵ်ႉ မိူဝ်ႈဢမ်ႇမီး သတ်း ႁိုဝ်

 သင်ၶႃရ

 ဢၼ်ပဵၼ်တီႈလီႁၵ်ႉယဝ်ႉ လင်ႈၸိုမ်းသဝ်ႈ လွင်ႈႁွင်ႉႁႆႈ လွင်ႈတၢင်းတုၵ်ႉ ၸိူဝ်းၼႆႉတိုၼ်းဢမ်ႇမီး 

ၵွပ်ႈၸိူင်ႉၼႆလႄႈ ၽူႈလႂ်ဢမ်ႇမီးသတ်း ႁိုဝ် သင်ၶႃရ ဢၼ်ပဵၼ်တီႈ လီႁၵ်ႉၼႂ်းလေႃးၵလႂ် ၽူႈၼၼ်ႉ

ပဵၼ်ၽူႈမီးတၢင်းသိူဝ်း

 ၵၢင်းယၢၼ်လွင်ႈၸိုမ်းသဝ်ႈမွင်ၸႂ် ၵွပ်ႈၸိူင်ႉၼၼ် ၽူႈပရႃထၼႃ လွင်ႈဢမ်ႇၶီငဝ်မွင်ၸႂ် ၵၢင်းယၢၼ်ၵႆ

လွင်ႈၵိလေႇသႃႇ ဢမ်ႇႁဵတ်းႁႂ်ႈသတ်းႁိုဝ်သင်ၶႃရ ပဵၼ်တီႈလီႁၵ်ႉၼႂ်းလေႃးၵလႂ် ။