လွင်ႈဢွင်ႇမၢၼ်ၼင်ႇပႃထၼႃ
မီးသတ်ထႃး
ယုမ်ႇဝႃႈၽြႃးပဵၼ်ၸဝ်ႈပဵၼ်ၽူႈႁူႉၸႅင်ႈၼႂ်းလေႃးၵ ႁူႉတေႉ ပဵၼ်တေႉ ပဵၼ်သပိၺ်ႇၺူႉ ႁူႉတူဝ်ႈလေႃးၵထၢတ်ႈ ။
မီးသိလ်
ဝၢင်းပႅတ်ႈ ဝေႈပႅတ်ႈ လွင်ႈၶႃႈႁႅမ် လွင်ႈလၵ်ႉၸၵ်ႉၶုတ်ႈ လွင်ႈၵူတ်ႉ ၽူဝ် မေး ၵႃမေႇ လွင်ႈပႅတ်ႉယွၵ်ႇလႅၼ် လွင်ႈၵိၼ်လဝ်ႈမဝ်းယႃႈ ၶွင်မိုၼ်းမဝ်းၵူႈပိူင်
မီးသုတ်တႃႇ
ထွမ်ႇထမ်းၵႂၢမ်းသွၼ်ၽြႃးပဵၼ်ၸဝ်ႈဢၼ်ၸဝ်ႈသွၼ်ဝႆႉလီတဵမ်ထူၼ်ႈ သူမ်ပုလ်းလီယဝ်ႉ ၊ ထွမ်ႇၵူႈယၢမ်းတၼ်း ထွမ်ႇၵူႈဝၼ်း ထွမ်ႇတႃႇသေႇ ထွမ်ႇႁႂ်ႈႁူႉလႆႈ ဝူၼ်ႉလႆႈ ၶူၼ်ႉၶႆႈလႆႈ လႄႈမိူဝ်ႈမီးၵူၼ်းထၢမ်ၵေႃႈႁႂ်ႈတွပ်ႇလႆႈ ။
မီးၸႃႇၵ
ပူတ်းဝၢင်းလွင်ႈႁၼ်ပုၼ်ႈသုၼ်ႇတူဝ် မီးလွင်ႈၸႃႇၵယိုၼ်ႈမႅင်ႇ ၸွႆႈလိူဝ် ၶူဝ်းၶွင် ၼမ်ႉၸႂ် တေႃႇၽူႈၸိူဝ်း ဢၼ်လူဝ်ႇတၢင်းၽွႆႈလိူဝ်၊ တမ်းဝၢင်းလွင်ႈ ထီႇ ၼဵဝ်ဢၼ်မူဝ်းမွင် မီးတူဝ်ၶိင်းဢၼ်သုမ်ႉလူၺ်ႈၼမ်ႉႁိူဝ်ႇ ယူႇတႃႇသေႇ မီးၽႃႇမိုဝ်းဢၼ်သုမ်ႉယူႇတႃႇသေႇ မီးၸႃႇၵ ဢၼ်ပွႆႇယူႇတႃႇသေႇ ။
မီးပၺ်ၺႃႇ
ႁူႉႁၼ်ဢရိယသႅတ်ႉၸႃႇ လွင်ႈၵိူတ်ႇပဵၼ်တုၵ်ႉ လွင်ႈမွတ်ႇ ႁၢႆပႅတ်ႈတၢင်းတုၵ်ႉ လွင်ႈလၢႆးတၢင်းဢွၵ်ႇပူၼ်ႉတၢင်းတုၵ်ႉ လွင်ႈပတိပတ်ႈႁႂ်ႈၶဝ်ႈထိုင်သဵၼ်ႈ တၢင်း ဢၼ်ထူၺ်ႈႁၢၵ်ႈထွၼ်ႁူဝ် ဢမ်ႇႁႂ်ႈမီးလိူဝ်တၢင်းတုၵ်ႉ လူၺ်ႈ မၢၵ်ႈၵၢင်ႇပႅတ်ႇပႃး ။
0 comments:
แสดงความคิดเห็น