တထႃၵတ ၽြႃးပဵၼ်ၸဝ်ႈပဵၼ်လႆႈၽူႈမွၵ်ႇၼေပၼ်သဵၼ်ႈတၢင်း

 

တထႃၵတ ၽြႃးပဵၼ်ၸဝ်ႈပဵၼ်လႆႈၽူႈမွၵ်ႇၼေပၼ်သဵၼ်ႈတၢင်း

ဢိင်ၶေႃႈမုလ်းပီတၵၢတ်ႈၽၢႆႇထႆး(ภาษาไทย)  มหานิ. ขุ. ๒๙/๒๘/๓๗

 

တူၺ်းလူ ၸုၼ်ထ ! ပူၵ်ႉၵူလ်ႇၸိူဝ်းၼၼ်ႉၼေႃ ၸူမ်ယူႇၼႂ်းတူဝ်တူၼ်းယဝ်ႉ ၶိုင်ၸၵ်ႉၸုင် ၵူၼ်းတၢင်းလၢႆဢၼ်ၸူမ်ယူႇၼၼ်ႉၶိုၼ်ႈမႃးလႆႈၼၼ်ႉ ဢမ်ႇပဵၼ်လႆႈ ။

 

တူၺ်းလူ ၸုၼ်ထ ! ပူၵ်ႉၵူလ်ႇၸိူဝ်းၼၼ်ႉၼေႃ ဢမ်ႇၽိုၵ်းႁဵၼ်း ဢမ်ႇႁဵၼ်းသွၼ် ဢမ်ႇမွတ်ႇ ပႅတ်ႈၵိလေႇသႃႇလူၺ်းႁင်းတူဝ်ၵဝ်ႇယဝ်ႉ သမ်ႉႁႂ်ႈပိူၼ်ႈၽိုၵ်းႁဵၼ်း သမ်ႉႁႂ်ႈပိူၼ်ႈသင်ႇသွၼ် သမ်ႉႁႂ်ႈပိူၼ်ႇမွတ်ႇၾႆးၵိလေႇသႃႇပၼ်ၼၼ်ႉ ပဵၼ်ဢမ်ႇလႆႈ ။

 

သတ်းၸိူဝ်းၼၼ်ႉ ဢမ်ႇႁဵတ်းႁႂ်ႈပူၵ်ႉၵူလ်ႇလႂ်လုတ်ႈပူၼ်ႉလႆႈၸိူင်ႉၼႆ ထႅင်ႈလွင်ႈၼိုင်ႈ ဢမ်ႇမီး ပူၵ်ႉၵူလ်ႇလႂ် ၸွႆႈႁႂ်ႈသတ်းၸိူဝ်းၼၼ်ႉလုတ်ႈပူၼ်ႉလႆႈမိူၼ်ၵၼ်

 

သင်ဝႃႈသတ်းၸိူဝ်းၼၼ်ႉၶႂ်ႈလုတ်ႈပူၼ်ႉၸိုင် သတ်းၸိူဝ်းၼၼ်ႉၵေႃႈ ပတိပတ်ႈယူႇၸိူင်ႉ သမ်မႃပတိပတ်ႈ ဢၼုလေႃမပတိပတ်ႈ ဢပၸ်ၸၼိၵပတိပတ်ႈ ဢၼဝတ်တပတိပတ်ႈ ထမ်မႃၼုထမ်းမႃပတိပတ်ႈ  ဢဝ်ႁင်းၵူၺ်း လူၺ်ႈဢဵၼ်ႁႅင်း လူၺ်ႈလွင်ႈၵျၢင်ႉၵမ် လူၺ်ႈလွင်ႈဢမ်ႇလူင်တူဝ်ထိုမ်းၶိင်း လူၺ်ႈလွင်ႈမုင်ႈမၼ်ႈ ၶွင်တူဝ်ၸဝ်ႈၵဝ်ႇ ၸင်ႇၸင်ႈ လုတ်ႈပူၼ်ႉလႆႈ ၵွပ်ႈၸိူင်ႉၼၼ်ႉလေႈ ဢမ်ႇႁဵတ်းႁႂ်ႈပူၵ်ႉၵူလ်ႇလႂ်လုတ်ႈပူၼ်ႉလႆႈလိူဝ်သေလွင်ႈ တၢင်းၸိူဝ်းၼႆႉ

 

တူၺ်းလူထူဝ်တူမႃၼူပ် ! ႁဝ်းဢမ်ႇၸၢင်ႈႁဵတ်းႁႂ်ႈၽူႈမီးလွင်ႈထၢင်ႇထိူမ်ၼႂ်းလေႃးၵၼႆႉ ႁႂ်ႈလုတ်ႈပူၼ်ႉလႆႈ ၵူၺ်းၵႃႈသူႁူႉယဝ်ႉထမ်းဢၼ်လီတွၼ်းၼၼ်ႉ ၸင်ႇၶၢမ်ႈပူၼ်ႉလႆႈတူင်ႇ ႁဵဝ်ႉၶွင်တၢင်းတုၵ်ႉၶၼၼ်ႉလႆႈၸိူင်ႉၼင်ႇၼႆ

 

 

ၵွပ်ႈၸိူင်ႉၼၼ်ႉ ၸင်ႇဝႃႈဢမ်ႇၸၢင်ႈႁဵတ်းႁႂ်ႈပုၵ်ႉၵူလ်ႇလႂ်လုတ်ႈပူၼ်ႉလႆႈ ၸိူင်ႉၼင်ႇၼႆ မိူၼ်ၼင်ႇဢၼ်ၽြႃးပဵၼ်ၸဝ်ႈလၢတ်ႈဝႃႈ-

လွင်ႈႁၢႆႉဢၼ်ပူၵ်ႉၵူလ်ႇၼၼ်ႉႁဵတ်းဢဝ်ႁင်းၵူၺ်းယဝ်ႉ ၶီငဝ်မွင် ၸႂ်ယူႇ ႁင်းၵူၺ်းလွင်ႈႁၢႆႉဢၼ်ပူၵ်ႉၵူလ်ႇၼၼ်ႉဢမ်ႇႁဵတ်းယဝ်ႉပူၵ်ႉၵူလ်ႇၼၼ်ႉၸင်ႇၸိုၼ်ႈသႂ်ယူႇႁင်းၵူၺ်းလွင်ႈၸိုၼ်ႈသႂ်လႄႈလွင်ႈမိုတ်းတၼ်ၼၼ်ႉဢမ်ႇမီးၽူႈလႂ်ယိုၼ်ႈပၼ်ၵေႃႈၽူႈၸိုၼ်ႈသႂ် ၼၼ်ႉတိုၼ်းလႆႈႁပ်ႉ တဵမ် ထူၼ်ႈယူႇ

 

တူၺ်းလူၽရၢမ်း ! ၶေႃႈၼႆႉၵေႃႈမိူၼ်ၼင်ႇၼၼ် ၼိပ်ႉပၢၼ်ႇၵေႃႈမီးဝႆႉတင်ႈယူႇ သဵၼ်တၢင်းဢၼ်ၸၢင်ႈႁွတ်ႈထိုင်ၼိပ်ႉပၢၼ်ႇၵေႃႈမီးဝႆႉယူႇ ႁဝ်းၽူႈၸူဝ်း ႁွင်ႉ ၵေႃႈမီးယူႇ မိူဝ်ႈပဵၼ်ၸိူင်ႉၼၼ် သဝၵ တၢင်းလၢႆၶွင်ႁဝ်း ၽူႈဢၼ်ႁဝ်းသင်ႇ သွၼ်ယူႇၼင်ႇၼႆ ၽမ်ႉသွၼ်ယူႇၼင်ႇၼႆ မၢင်ၸိူဝ်းၵေႃႈလႆႈႁူႉၸႅင်ႈ ထိုင် ၼိပ်ႉပၢၼ်ႇယဝ်ႉ မၢင်ၸိူဝ်းၵေႃႈ ဢမ်ႇပႆႇႁူႉၸႅင်ႈ

 

တူၺ်းလူၽရၢမ်း လွင်ႈၸိူဝ်းၼႆႉႁဝ်းတေႁဵတ်းၸိူင်ႉႁိုဝ်လႆႈ

 

တူၺ်လူၽရၢမ်း ! တထႃၵတၽြႃးပဵၼ်ၸဝ်ႈပဵၼ်လႆႈၽူႈၸီႉၼေသဵၼ်ႈတၢင်း သမ်မႃသမ်ပုတ်ႉထၽြႃးပဵၼ်ၸဝ်ႈ ၸီႉၼေသဵၼ်ႈတၢင်းပၼ် သတ်း တၢင်းလၢႆ ပဵၼ် ၽူႈပတိပတ်ႈဢဝ်ႁင်းၵူၺ်း ၸင်ႇၸၢင်ႈလုတ်ႈပူၼ်ႉလႆႈ

 

ၵွပ်ႈၼၼ်လႄႈ ဢမ်ႇဝႃႈပူၵ်ႉၵူလ်ႇလႂ် ႁႂ်ႈလုတ်ႈပူၼ်ႉလူၺ်ႈၸိူင်ႉၼႆ ၵွပ်ႈပိူဝ်ႈဝႃႈ သတ်းၸိူဝ်းၼၼ်ႉပဵၼ်ၽူႈလုတ်ႈပူၼ်ႉလႆႈယၢပ်ႇ လႄႈ ဢမ်ႇႁဵတ်းႁႂ်ႈပူၵ်ႉၵူလ်ႇ လႂ်လုတ်ႈပူၼ်ႉ ။