ၽြႃးပဵၼ်ၸဝ်ႈမိူဝ်ႈ 91 ၵၢပ်ႈပူၼ်ႉမႃးထိုင်ယၢမ်းလဵဝ်

 

လွင်ႈဢၼ်ထုၵ်ႇလီႁူႉဝႆႉဢွၼ်တၢင်း 

႑။ ၽိၵ်ၶူတၢင်းလၢႆ ! ၼပ်ႉၸဵမ်ၼႆႉၵႂႃႇ မိူဝ်ႈ ႙႑ ၵၢပ်ႈပူၼ်ႉမႃးယဝ်ႉ ၽြႃးပဵၼ်ၸဝ်ႈဢရႁံ တႃသံမႃသႉၿုတ်ႉထ 

ၸိုဝ်ႈဝႃႈ ဝိပသ်သီ လႆႈၵိူတ်ႇၶိုၼ်ႈၼႂ်းလေႃးၵ ။

႒။ ၽိၵ်ၶူတၢင်းလၢႆ ! ၼပ်ႉၸဵမ်ၼႆႉၵႂႃႇ မိူဝ်ႈ ႓႑ ၵၢပ်ႈပူၼ်ႉမႃးယဝ်ႉ ၽြႃးပဵၼ်ၸဝ်ႈ ဢရႁံ တႃသံမႃသံၿုတ်ႉထ 

ၸိုဝ်ဝႃႈ  သီၶီ လႆႈၵိူတ်ႈၼႂ်းလေႃးၵ ။

႓။ ၽိၵ်ႉၶူတၢင်းလၢႆ ! ၼႂ်းၵၢပ်ႈထီႉ ႓႑ ၼႆႈၼင်ႇၵဝ်ႇ မီးၽြႃးပဵၼ်ၸဝ်ႈ ဢရႁံတႃသံမႃသံၿုတ်ႉထ 

ၸိုဝ်ႈဝႃႈ ဝဵသ်သၽူ လႆႈၵိူတ်ႇၶိုၼ်ႈၼႂ်းလေႃးၵ။

႔။ ၽိၵ်ၶူတၢင်းလၢႆ ! ၼႂ်းၽတ်ထၵၢပ်ႈၼႆႉလႄႈ ၽြႃးပဵၼ််ၸဝ်ႈ ဢရႁံတႃ သံမႃသံၿုတ်ထ

ၸိုဝ်ႈဝႃႈ ၵေႃးၵသၺ်ႇထ လႆႈၵိူတ်ႇၶိုၼ်းမႃးၼႂ်းလေႃးၵ။

႕။ ၽိၵ်ၶူတၢင်းလၢႆ ! ၼႂ်းၽတ်ထၵၢပ်ႈၼႆႉလႄႈ ၽြႃးပဵၼ််ၸဝ်ႈ ဢရႁံတႃ သံမႃသံၿုတ်ထ

ၸိုဝ်ႈဝႃႈ ၵေႃးၼၶံမၼ လႆႈၵိူတ်ႇၶိုၼ်းမႃးၼႂ်းလေႃးၵ ။

႖။ ၽိၵ်ၶူတၢင်းလၢႆ ! ၼႂ်းၽတ်ထၵၢပ်ႈၼႆႉလႄႈ ၽြႃးပဵၼ််ၸဝ်ႈ ဢရႁံတႃ သံမႃသံၿုတ်ထ

ၸိုဝ်ႈဝႃႈ ၵသ်သပ လႆႈၵိူတ်ႇၶိုၼ်းမႃးၼႂ်းလေႃးၵ ။

 
ၵၢပ်ႈပၢၼ်ဢႃယု ၽြႃးပဵၼ်ၸဝ်ႈ

႑။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ ဝိပသ်သီ မီးဢႃယု ႘႐,႐႐႐ ပီႊ ပႅတ်ႇမိုၼ်ႇပီႊ ။

႒။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ သီၶီ မီးဢႃယု ႗႐,႐႐႐ ပီႊ ၸဵတ်းမိုၼ်ႇပီႊ ။

႓။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ ဝဵသ်သၽူ မီးဢႃယု ႖႐,႐႐႐ ပီႊ ႁူၵ်းမိုၼ်ႇပီႊ ။

႔။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ ၵေႃးၵသၺ်ႇထ မီးဢႃယု ႔႐,႐႐႐ ပီႊ သီႇမိုၼ်ႇပီႊ ။

႕။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ ၵေႃးၼၶံမၼ မီးဢႃယု ႓႐,႐႐႐ ပီႊ သၢမ်မိုၼ်ႇပီႊ ။

႖။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ႉထၸဝ်ႈ မီးၸိုဝ်ႈဝႃႈ ၵသ်သပ မီးဢႃယု ႒႐,႐႐႐ ပီႊ သွင်မိုၼ်ႇပီႊ ။

 

ဢၶရ သႃဝၵ ဢၼ်တွၼ်းသုတ်း သႃဝၵ သၢႆႉ ၶႂႃ ၽြႃးပဵၼ်ၸဝ်ႈ

႑။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ ဝိပသ်သီ မီးၶၼ်ထ လႄႈ တိသ်သ ပဵၼ် ဢၶရ သႃဝၵ ဢၼ်တွၼ်းသုတ်း ။

႒။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ သီၶီ  မီးဢၽိၽူ လႄႈ သံၽႃဝ ပဵၼ် ဢၶရ သႃဝၵ ဢၼ်တွၼ်းသုတ်း ။

႓။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ ဝဵသ်သၽူ မီးသေႃးၼ လႄႈ ဢုတရ ပဵၼ် ဢၶရ သႃဝၵ ဢၼ်တွၼ်းသုတ်း ။

႔။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ ၵေႃးၵသၺ်ႇထ  မီး ဝိထူရ လႄႈ သၺ်သီဝ ပဵၼ် ဢၶရ သႃဝၵ ဢၼ်တွၼ်းသုတ်း ။

႕။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ ၵေႃးၼၶံမၼ မီးၽီယယေႃးသ လႄႈ ဢုတရ ပဵၼ် ဢၶရ သႃဝၵ ဢၼ်တွၼ်းသုတ်း ။

႖။ ၽိၵ်ၶူတၢင်းလၢႆ ! ၽြႃးဢရႁံတႃသံမႃသံၿုတ်ထၸဝ်ႈ ၸိုဝ်ႈဝႃႈ ၵသ်သပ မီးတိသ်သ လႄႈ ၽႃရထဝႃသျ ပဵၼ် ဢၶရ သႃဝၵ ဢၼ်တွၼ်းသုတ်း ။

 

ၽိၵ်ၶူ ဢုပတ်ထႃဢၼ်တွၼ်းသုတ်း ၽိၵ်ၶူၽူႈၸမ်တူဝ်ၽြႃးပဵၼ်ၸဝ်ႈ

႑။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ ဝိပသ်သီ ၼၼ်ႉမီးၸိုဝ်ႈဝႃႈ ဢသေႃးၵ ။

႒။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ သီၶီ ၼၼ်ႉမီးၸိုဝ်ႈဝႃႈ ၶေမံၵရ ။

႓။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ ဝဵသ်သၽူ ၼၼ်ႉမီးၸိုဝ်ႈဝႃႈ ဢုပသၼ်တ ။

႔။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ ၵေႃးၵသၺ်ထ ၼၼ်ႉမီးၸိုဝ်ႈဝႃႈ ဝုတ်ထိသ ။

႕။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ ၵေႃးၼၶံမၼ ၼၼ်ႉမီးၸိုဝ်ႈဝႃႈ သူတ်ထိသ ။

႖။ ၽိၵ်ၶူတၢင်းလၢႆ ! ၽိၵ်ၶူၽူႈပဵၼ်ဢုပတ်ထႃၵ ဢၼ်တွၼ်းသုတ်းၶွင် ၽြႃးဢရႁံတႃသံမႃသံၿုတ်ႉထၸိုဝ်ႈဝႃႈ ၵသ်သပ ၼၼ်ႉမီးၸိုဝ်ႈဝႃႈ သပ်ၽမိတ ။

 
ပီႇတႃႇ (ပေႃႈၸဝ်ႈ) မႃႇတႃႇ (မႄႈၸဝ်ႈ) ၶွင်ၽြႃးပဵၼ်ၸဝ်ႈ

႑ ။ ၽိၵ်ၶူတၢင်းလၢႆ ! ၸဝ်ႈမႁႃရႃၸႃႇ မီးၸိုဝ်ႈဝႃႈ ၽၼ်ထုမႃ ပဵၼ် ပီႇတႃႇ ၸဝ်ႈၼၢင်းတေႇဝီႇ မီးၸိုဝ်ႈဝႃႈၽၼ်ထုမတီႇ ပဵၼ် မႃႇတႃႇ ၶွင် သံမႃသံၿုတ်ႉထၽြႃးပဵၼ်ၸဝ်ႈၸိုဝ်ႈဝႃႈ ဝိပသ်သီ   ၊ မိူင်းၸိုဝ်ႈႁွင်ႉဝႃႈ မိူင်းၽၼ်းထုမတီႇ ပဵၼ်မိူင်းဢၼ်ယူႇၽၢႆႇတႂ်ႈၽွင်းငမ်းၶွင်ၸဝ်ႈႁေႃၶမ်း ၽၼ်ထုမႃ ။

႒ ။ ၸဝ်ႈမႁႃရႃၸႃႇ မီးၸိုဝ်ႈဝႃႈ ဢရုၼ ပဵၼ်ပီႇတႃႇ ၸဝ်ႈၼၢင်းတေႇဝီႇ မီးၸိုဝ်ႈဝႃႈ ပၽႃဝတီႇ ပဵၼ်မႃႇတႃႇ ၶွင် သံမႃသံၿုတ်ႉထၽြႃးပဵၼ်ၸဝ်ႈၸိုဝ်ႈဝႃႈ သီၶီ   ၊ မိူင်းၸိုဝ်ႈႁွင်ႉဝႃႈ မိူင်း ဢရုၼဝတီႇ ပဵၼ်မိူင်းဢၼ်ယူႇၽၢႆႇတႂ်ႈၽွင်းငမ်းၶွင်ၸဝ်ႈႁေႃၶမ်း ဢရုၼ ။

႓ ။ ၸဝ်ႈမႁႃရႃၸႃႇ မီးၸိုဝ်ႈဝႃႈ သုပ်ပတီတ ပဵၼ်ပီႇတႃႇ ၸဝ်ႈၼၢင်းတေႇဝီႇ မီးၸိုဝ်ႈဝႃႈ ယသဝတီႇ ပဵၼ်မႃႇတႃႇ ၶွင် သံမႃသံၿုတ်ႉထၽြႃး ပဵၼ် ၸဝ်ႈ ၸိုဝ်ႈဝႃႈ ဝဵသ်သၽူ  ၊ မိူင်းၸိုဝ်ႈႁွင်ႉဝႃႈ မိူင်း ဢၼေႃးမ   ပဵၼ်မိူင်းဢၼ် ယူႇၽၢႆႇတႂ်ႈၽွင်းငမ်းၶွင်ၸဝ်ႈႁေႃၶမ်း သုပ်ပတီတ ။

႔ ။ ၽရၢမ်း မီးၸိုဝ်ႈဝႃႈ ဢၵ်ၶိထတ်တ ပဵၼ်ပီႇတႃႇ ၽရၢမ်းမၼီ မီးၸိုဝ်ႈဝႃႈ ဝိသႃၶႃ ပဵၼ်မႃႇတႃႇ ၶွင် သံမႃသံၿုတ်ႉထၽြႃးပဵၼ်ၸဝ်ႈၸိုဝ်ႈဝႃႈ ၵေႃးၵသၺ်ထ ပၢၼ်ၼၼ်ႉမီးၸဝ်ႈရႃႇၸႃႇ ၸိုဝ်ႈဝႃႈ ၶေႇမ ၊  မိူင်းၸိုဝ်ႈ ႁွင်ႉဝႃႈ မိူင်းၶေႇမဝတီႇ ပဵၼ်မိူင်းဢၼ်ယူႇၽၢႆႇတႂ်ႈၽွင်းငမ်းၶွင် ၸဝ်ႈ ႁေႃၶမ်း ၶေႇမ ။

႕ ။ ၽရၢမ်း မီးၸိုဝ်ႈဝႃႈ ယၺ်ယထတ်တ ပဵၼ်ပီႇတႃႇ ၽရၢမ်းမၼီ မီးၸိုဝ်ႈ ဢုတ်တရႃ ပဵၼ်မႃႇတႃႇ ၶွင် သံမႃသံၿုတ်ႉထၽြႃးပဵၼ်ၸဝ်ႈၸိုဝ်ႈဝႃႈ ၵေႃးၼၶံမၼ ပၢၼ်ၼၼ်ႉမီးၸဝ်ႈရႃႇၸႃႇ ၸိုဝ်ႈဝႃႈ သေႃးၽ  ၊ မိူင်းၸိုဝ်ႈ

ႁွင်ႉဝႃႈ မိူင်းသေႃးၽဝတီႇ ပဵၼ်မိူင်းဢၼ်ယူႇၽၢႆႇတႂ်ႈၽွင်းငမ်းၶွင် ၸဝ်ႈ ႁေႃၶမ်း သေႃးၽ ။

႖ ။ ၽရၢမ်း မီးၸိုဝ်ႈဝႃႈ ၽရူမ်းထတ်တ ပဵၼ်ပီႇတႃႇ ၽရၢမ်းမၼီ မီးၸိုဝ်ႈ ထၼဝတီႇ ပဵၼ်မႃႇတႃႇ ၶွင် သံမႃသံၿုတ်ႉထၽြႃးပဵၼ်ၸဝ်ႈၸိုဝ်ႈဝႃႈ ၵသ်သပ ပၢၼ်ၼၼ်ႉမီးၸဝ်ႈရႃႇၸႃႇ ၸိုဝ်ႈဝႃႈ သေႃးၽ ၊  မိူင်းၸိုဝ်ႈ ႁွင်ႉဝႃႈ မိူင်းၽႃရႃၼႃသီႇ ပဵၼ်မိူင်းဢၼ်ယူႇၽၢႆႇတႂ်ႈၽွင်းငမ်းၶွင် ၸဝ်ႈ ႁေႃၶမ်း ၵိင်းၵီ ။

 

ၽြႃးပဵၼ်ၸဝ်ႈႁဝ်းယၢမ်းလဵဝ်

႑။ ၽိၵ်ၶူတၢင်းလၢႆ ! ၼႂ်းၽတ်တၵၢပ်ႈၼႆႉ ၼႂ်းပၢတ်ႈၼႆႉ ႁဝ်းၽူႈပဵၼ် ဢရႁံတႃသံမႃသံၿုတ်ႉထ လႆႈၵိူတ်ႇၶိုၼ်ႈမႃးယဝ်ႉၼႂ်းလေႃးၵ

႒ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉႁဝ်းဢရႁံတႃသံမႃသံၿုတ်ႉထ ပဵၼ်ၵသတိလူၺ်ႈၸၢတ်ႈၽဝ ၵိူတ်ႇမႃးၼႂ်းၶိူဝ်းၶတိယ တၵုလ်

႓ ။ ၽိၵ်ၶူတၢင်းလၢႆ ! ႁဝ်းၽူႈဢရႁံတႃသံမႃသံၿုတ်ႉထ လူၺ်ႈၶူတရ (ၶူတ်ႉ) ပဵၼ်ၶေႃးတမ ၶူတရ (ၵေႃႇတမ)

႔ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉ ဢႃယုၶွင်သတ်းၼႂ်းၵၢပ်ႈပၢၼ်ႁဝ်းၼႆႉပွတ်း ၼႃႇ ၽူႈယူႇလႆႈႁိုင်သုတ်းၵေႃႈ ႑႐႐ ပီႊၵမ်ႈပႃႈၼမ် ၽူႈယူႇလႆႈပူၼ်ႉလိူဝ် ႑႐႐ ပီႊ မီးၵမ်ႈဢေႇၵူၺ်း

႕ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉ ႁဝ်းၽူႈဢရႁံတႃသံမႃသံၿုတ်ႉထ လႆႈပဵၼ်ၽြႃး တီႈတႂ်ႈတူၼ်ႈမႆႉ ဢသ်သတ်ထ (မႆႉၺွင်ႇၽေႃးထိ)

႖ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉ သႃဝၵ  သွင်တူၼ် မီးၸိုဝ်ႈဝႃႈ သႃရိပုတ်ႇတြႃႇ လႄႈ မွၵ်ႉၵလၢၼ်ႇ ပဵၼ် ဢၵ်ၶရ သႃဝၵ ဢၼ်တွၼ်း သုတ်းၶွင်ႁဝ်း

႗ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉ သႃဝၵ သၺ်ၼိပၢတ်ႇ ၶွင်ႁဝ်းမီးယူႇပွၵ်ႈ လဵဝ် လႄႈ မီးၽိၵ်ၶူ ႑႒႕႐ တူၼ် သံၶ သၺ်ၼိပၢတ်ႇၼႂ်းသႃဝၵ ၶွင်ႁဝ်း ၼႂ်းပွၵ်ႈၼႆႉ ၽူႈၶဝ်ႈပၢင်ၵုမ် ၸိုင်ပဵၼ်ၸဝ်ႈ ၶီၼႃသူၵ်ႇတၢင်းသဵင်ႈ

႘ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉၽိၵ်ၶူၽူႈပဵၼ် ဢုပတ်ထႃၵ ၽူႈၸမ်တူဝ်ၶွင်ႁဝ်း ပဵၼ် ဢၼၼ်ႇတႃႇ ၸိုင်ပဵၼ်ၽူႈ ဢပတ်ထႃၵ ဢၼ်တွၼ်းသုတ်း

႙ ။ ၽိၵ်ၶူတၢင်းလၢႆ ! ၼႂ်းပၢတ်ႈၼႆႉ ၸဝ်ႈမႁႃရႃႇၸႃႇ ၸိုဝ်ႈဝႃႈ သုတ်ထေႃးထၼ ပဵၼ်ပီႇတႃႇ ၶွင်ႁဝ်း ၼၢင်းတေႇဝီႇၸိုဝ်ႈဝႃႈ မႃႇယႃႇ ပဵၼ်မႃႇတႃႇ ၶွင်ႁဝ်း မိူင်းၸိုဝ်ႈ မိူင်းၵပီလဝၢတ်ႈ ပဵၼ်မိူင်းၽၢႆႇတႂ်ႈဢုပ်ႉပိူင် ၶွင်ပီႇတႃႇၶွင်ႁဝ်း ။

-----------------------

[ၶေႃႈမုလ်းပီတၵတ်ႈၽၢႆထႆး -ปาลิ  มหา ที ๑๐ / ๒-๘ / ๒-๙ ]