ဢၼ်လႂ်ပဵၼ်မႂ်မႆႉၼႂ်းၵမ်မိုဝ်း ဢၼ်လႂ်ပဵၼ်မႂ်မႆႉၼႂ်းပႃႇထိူၼ်ႇ

 

ဢၼ်လႂ်ပဵၼ်မႂ်မႆႉၼႂ်းၵမ်မိုဝ်း ဢၼ်လႂ်ပဵၼ်မႂ်မႆႉၼႂ်းပႃႇထိူၼ်ႇ

 

 

ၽြႃးပဵၼ်ၸဝ်ႈၵမ်ဢဝ်မႂ်မႆႉသီသပႃးဢၼ်ႁူင်ႈတူၵ်းလိၼ်ၼၼ်ႉဢိတ်းဢွၼ်ႇ  ၼိုင်ႈသေလၢတ်ႈတီႈၸဝ်ႈရႁၢၼ်းတၢင်းလၢႆၶဝ်ဝႃႈ

ၽိၵ်ႉၶူတၢင်းလၢႆ !  ၸိူဝ်းသူတၢင်းလၢႆပွင်ႇၸႂ်ပဵၼ်ၸိူင်ႉႁိုဝ် မႂ်မႆႉသီသပႃးဢၼ်ႁဝ်းၵမ် ၶိုၼ်ႈမႃးဢိတ်းဢွၼ်ႇၼိုင်ႈၼႆႉ ၼမ်    ဢမ်ႇၼၼ်မႂ်မႆႉသီသပႃးဢၼ်မီး ယူႇၼိူဝ် တူၼ်ႈၸိူဝ်းၼၼ်ႉၼမ် ?

 

ဢေႃးတီႈၶႃႈၸဝ်ႈ မႂ်မႆႉသီသပႃးဢၼ်ၸဝ်ႈႁဝ်းၵမ်ၶိုၼ်ႈမႃးဢိတ်းဢွၼ်ႇၼိုင်ႈၼၼ်ႉ  ပဵၼ်ၶွင်မီးဢေႇၼႃႇၶႃႈၸဝ်ႈ ၊ မႂ်မႆႉဢၼ်မီးယူႇတီႈၼိူဝ်တူၼ်ႈသီသပႃးၼၼ်ႉ ပဵၼ်ဢၼ်   မီးၼမ်တေႉတေႉၶႃႈၸဝ်ႈ .၊

 

ၽိၵ်ၶူတၢင်းလၢႆ ! ၸိူင်ႉႁိုဝ်ၵေႃႈၸိူင်ႉၼၼ်ယဝ်ႉ  ထမ်း ဢၼ်ႁဝ်းႁူႉ လူၺ်ႈပၺ်ၺႃႇတွၼ်းလိူဝ်ဢၼ်ဢမ်ႇလႆႈဢဝ်မႃးၵၢဝ်ႇသင်ႇသွၼ်ၼႆႉ  မီးၼမ်လိူဝ်သေဢၼ်ဢဝ်မႃးၵၢဝ်ႇ  သွၼ် ။

ၽိၵ်ၶူတၢင်းလၢႆ ! ၸိူင်ႉႁိုဝ်လႄႈႁဝ်းၸိုင်ဢမ်ႇၵၢဝ်ႇသွၼ် ထမ်း ၸိူဝ်းၼၼ်ႉ ။

ၽိၵ်ၶူတၢင်းလၢႆ ! ၵွပ်ႈႁၼ်ဝႃႈ ထမ်းၸိူဝ်းၼၼ်ႉၼၼ်ႉ ဢမ်ႇပဵၼ်ၽွၼ်းလီ   ဢမ်ႇပဵၼ်ငိူၼ်ႈ တူၼ်ႈၶွင်ၽရူမ်းမၸၼ် ၊ ဢမ်ႇပဵၼ်ၸွမ်းၼႂ်းတၢင်း မိူဝ်ႇ ၸၢၼ်ႈ  ဢမ်ႇပဵၼ်ၸွမ်းၼႂ်း တၢင်းၶႆႈ (ၼႂ်းၵၢမ်ႇမၵုင်ႇ)တၢင်းလၢႆ ၊ ဢမ်ႇပဵၼ် ၸွမ်း ၼႂ်း တၢင်းမွတ်ႇႁၢႆ ၊ ဢမ်ႇပဵၼ်ၸွမ်း ၼႂ်းတၢင်း ၵတ်းယဵၼ် ၊ ဢမ်ႇပဵၼ် ၸွမ်းၼႂ်းတၢင်း ႁူႉ ၊ ဢမ်ႇပဵၼ်ၸွမ်းၼႂ်းတၢင်းႁူႉၽွမ်ႉ ၊ ဢမ်ႇပဵၼ်ၸွမ်း ၼႂ်း တၢင်းၼိပ်ႉပၢၼ်ႇ      ၵွပ်ႈၸိူင်ႉၼၼ်လႄႈ ႁဝ်းၸိုင်ဢမ်ႇၵၢဝ်ႇသွၼ် ။

 

ၽိၵ်ၶူတၢင်းလၢႆ ! ထမ်းဢၼ်ႁဝ်းၵၢဝ်ႇသွၼ် ပဵၼ်ၶေႃႈတီႈဝႃႈ တၢင်းတုၵ်ႉၶ    ပဵၼ်ၸိူင်ႉၼႆ  လွင်ႈဢၼ်ၵိူတ်ႇပဵၼ်မႃးတၢင်းတုၵ်ႉၶ ပဵၼ်ၸိူင်ႉၼႆ ၊ လွင်ႈလၢႆးမွတ်ႇ   ႁၢႆပႅတ်ႈတၢင်း တုၵ်ႉၶ ပဵၼ်ၸိူင်ႉၼႆ ၊

 

 

ၶေႃႈပတိပတ်ႈပိူဝ်ႈထိုင်လၢႆးတၢင်းထူၺ်ႈႁၢၵ်ႈ  ထွၼ်ႁူဝ်လွင်ႈဢၼ်ၵိူတ်ႇ ပဵၼ်တၢင်းတုၵ်ႉၶ ဢမ်ႇႁႂ်ႈမီးလိူဝ်ပဵၼ်ၸိူင်ႉၼႆ ၊  ႁဝ်းၸိုင်ဢဝ်မႃး ၵၢဝ်ႇသွၼ် ။

 

ၽိၵ်ၶူတၢင်းလၢႆ ! ၵွပ်ႈဝႃႈထမ်း ဢၼ်ၼႆႉၼႆႉ မီးၽွၼ်းလီၼမ် ပဵၼ်ငိူၼ်ႈတူၼ်ႈ  ၶွင် ၽရူမ်းမၸၼ် ၊ ပဵၼ်ၸွမ်းၼႂ်းတၢင်းမိူဝ်ႇၸၢၼ်ႈ ၊ ပဵၼ်ၸွမ်းၼႂ်းတၢင်းၶႆႈ (ၼႂ်းၵၢမ်ႇမၵုင်ႇ) တၢင်းလၢႆ ၊ ပဵၼ်ၸွမ်းၼႂ်းတၢင်းမွတ်ႇႁၢႆ ၊ ပဵၼ်ၸွမ်းၼႂ်းတၢင်း    ၵတ်းယဵၼ် ၊ ပဵၼ်ၸွမ်းၼႂ်းတၢင်းႁူႉ ၊ ပဵၼ်ၸွမ်းၼႂ်းတၢင်းႁူႉၽွမ်ႉ ၊ ပဵၼ်ၸွမ်း ၼႂ်း တၢင်းၼိပ်ႉပၢၼ်ႇ ၊ ၵွပ်ႈၸိူင်ႉၼႆလႄႈ ႁဝ်းၸိုင်ဢဝ်မႃးၵၢဝ်ႇသွၼ် ။