ၽွၼ်းလီၶွင်ၵၢၼ်ဝၢင်းၸိတ်ႇၸႂ်မိူဝ်ႈလူႇတၢၼ်း

 

ၽွၼ်းလီၶွင်ၵၢၼ်ဝၢင်းၸိတ်ႇၸႂ်မိူဝ်ႈလူႇတၢၼ်း

ၶေႃႈမုလ်းပီတၵၢတ်ႈၽၢႆႇထႆး  -ปาลิ.สตฺตก อํ. ๒๓/๖๐/๔๙.

 

ဢေႃးတီၶႃႈၽြႃးပဵၼ်ၸဝ်ႈ ဢီႈသင်ၼေႃႁဵတ်းႁႂ်ႈၶိူင်ႈၶူဝ်းလူႇတၢၼ်းၸိူဝ်းၼၼ်ႉလႄႈ ဢၼ် ပူၵ်ႉၵူလ်ႇ ၼႂ်းလေႃးၵၼႆႉ လူႇတၢၼ်းယဝ်ႉ လႆႈၽွၼ်းလီၼမ် မီးၽွၼ်းလီၼမ် ?

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ၶႂ်ႈလႆႈ မုၼ်ၵုသူလ်ႇ  သေဝူၼ်ႉဝႃႈမိူဝ်ႈတၢႆၵႂႃႇယဝ်ႉ တေလႆႈၸၢမ်ႇ ၵုသူလ်ၼၼ်ႉ ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ မွၵ်ႇမႆႉ ၶွင်ႁွမ် ၶိူင်ႈလုပ်ႈ တႃး တီႈ ၼွၼ်းတီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်းၶဝ်လႆႈ လူႇတၢၼ်း ၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇလႆႈပဵၼ် တေႇဝတႃႇၸၼ်ႉၸႃတုမႁႃရၢတ်ႉ မိူဝ်ႈ ၵုသူလ်ၼႃးမုၼ် ၼၼ်ႉမူတ်းသဵင်ႈ ယဝ်ႉၸင်ႇလႆႈၶိုၼ်းမႃး ပဵၼ်ယူႇ ၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ၼႃးမုၼ် ဢမ်ႇဝူၼ်ႉဝႃႈမိူဝ်ႈတၢႆ ၵႂႃႇယဝ်ႉတေ လႆႈ ၸၢမ်ႇၵုသူလ်ၼၼ်ႉ ၊ ၶဝ်ဝူၼ်ႉဝႃႈလွင်ႈလူႇ တၢၼ်းၼႆႉ ပဵၼ်ၵၢၼ်လီ ၵၢၼ်မျႅတ်ႈ ၼႆ သေ ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ  မွၵ်ႇမႆႉၶွင်ႁွမ် ၶိူင်ႈလုပ်ႈ တႃး တီႈၼွၼ်းတီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်း ၶဝ်လႆႈလူႇ တၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇလႆႈပဵၼ် တေႇဝတႃႇၸၼ်ႉတႃႇဝတဵင်ႇသႃႇ မိူဝ်ႈၵုသူလ်ၼႃးမုၼ် ၼၼ်ႉမူတ်းသဵင်ႈယဝ်ႉၸင်ႇလႆႈၶိုၼ်းမႃးပဵၼ်ၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ၼႃးမုၼ် ဢမ်ႇဝူၼ်ႉဝႃႈမိူဝ်ႈတၢႆၵႂႃႇ ယဝ်ႉတေ လႆႈ ၸၢမ်ႇၵုသူလ်ၼၼ်ႉ ဢမ်ႇဝူၼ်ႉဝႃႈလွင်ႈလူႇတၢၼ်းၼႆႉပဵၼ်ၵၢၼ်လီၵၢၼ်မျႅတ်ႈ ၶဝ်ဝူၼ်ႉဝႃႈ မႃႇတႃႇ ပီႇတႃ ပူႇမွၼ်ႇၼၢႆးယႃႈ ယၢမ်ႈဢွၼ်ႁဵတ်းမႃး ႁဝ်းၵေႃႈဢမ်ႇ ထုၵ်ႇ လီႁႂ်ႈၾိင်ႈထုင်းႁၢႆ ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ  မွၵ်ႇမႆႉ ၶွင်ႁွမ် ၶိူင်ႈလုပ်ႈတႃး တီႈၼွၼ်းတီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်း ၶဝ်လႆႈလူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇလႆႈပဵၼ်

 

တေႇဝတႃႇၸၼ်ႉမႃယႃ  မိူဝ်ႈၵုသူလ်ၼႃးမုၼ် ၼၼ်ႉမူတ်းသဵင်ႈ ယဝ်ႉ ၸင်ႇလႆႈ ၶိုၼ်းမႃးပဵၼ်ယူႇၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ဢမ်ႇဝူၼ်ႉဝႃႈ မႃႇတႃႇ ပီႇတႃ ပူႇ မွၼ်ႇ ၼၢႆးယႃႈ ယၢမ်ႈဢွၼ်ႁဵတ်းမႃး ႁဝ်းၵေႃႈဢမ်ႇထုၵ်ႇလီႁႂ်ႈ ၾိင်ႈ ထုင်းႁၢႆ ၊ ၵူၺ်းဝႃႈႁဝ်း ႁုင် ႁႃၵိၼ် သမ်မၼ ရႁၢၼ်းၶဝ်ဢမ်ႇႁုင်ႁႃၵိၼ် ႁဝ်းႁုင်ႁႃၵိၼ်လႆႈ တေဢမ်ႇ လူႇ တၢၼ်းတီႈ သမ်မၼ ရႁၢၼ်းၽူႈဢမ်ႇ ႁုင်ႁႃၵိၼ်ၶဝ်ၼႆႉ ဢမ်ႇထုၵ်ႇ လီပဵၼ်

ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ မွၵ်ႇမႆႉၶွင်ႁွမ် ၶိူင်ႈလုပ်ႈတႃး တီႈ ၼွၼ်း တီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်း ၶဝ်ႈလႆႈလူႇ တၢၼ်း ၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇလႆႈပဵၼ်တေႇဝတႃႇၸၼ်ႉတုသီႇတႃႇ မိူဝ်ႈ ၵုသူလ် ၼႃးမုၼ်   ၼၼ်ႉမူတ်းသဵင်ႇယဝ်ႉၸင်ႇလႆႈၶိုၼ်းမႃးပဵၼ် ယူႇ ၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ဢမ်ႇဝႃႈႁဝ်းႁုင်ႁႃၵိၼ် သမ်မၼ ရႁၢၼ်းၶဝ် ဢမ်ႇႁုင်ႁႃၵိၼ် ႁဝ်းႁုင်ႁႃၵိၼ်လႆႈ တေဢမ်ႇလူႇတၢၼ်းတီႈ သမ်မၼ ရႁၢၼ်း ၽူႈဢမ်ႇႁုင်ႁႃၵိၼ်ၶဝ်ၼႆႉ ဢမ်ႇထုၵ်ႇလီပဵၼ် ၵူၺ်းၶဝ်လူႇတၢၼ်းပိူဝ်ႈယိုၼ်ႈ မႅင်ႇ မိူၼ်ၼင်ႇရသေးမိူဝ်ႈပၢၼ်ႇၵွၼ်ႇ ၼၼ်ႉပဵၼ် ရသေးဢတ်ထူၶ် ရသေးဝႃမုၶ် ရသေးဝႃမႃတေႇဝ ရသေးဝေသသႃမိတရ ရသေးယမထၵ်ၶိ ရသေးဢင်သီရူသ် ရသေးၽရထဝႃသျ ရသေးဝႃသေထႃ ရသေးၵသ်သပ်ပ လႄႈ ရသေးၽၶု ပူႇၸေႃႇမႁႃယၼ်တ ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ မွၵ်ႇမႆႉၶွင်ႁွမ် ၶိူင်ႈလုပ်ႈတႃး တီႈၼွၼ်းတီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်း ၶဝ်လႆႈလူႇတၢၼ်းၼၼ်ႉယဝ်ႉ မိူဝ်ႈတၢႆ ၵႂႃႇ ၸင်ႇလႆႈပဵၼ် တေႇဝတႃႇၸၼ်ႉၼိမၢလ်ၼေႃးရတီႇ မိူဝ်ႈၵုသူလ်ၼႃးမုၼ် ၼၼ်ႉမူတ်း သဵင်ႈ ယဝ်ႉၸင်ႇလႆႈၶိုၼ်းမႃးပဵၼ်ယူႇၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ဢမ်ႇလႆႈဝူၼ်ႉဝႃႈလူႇ တၢၼ်းပိူဝ်ႈ ယိုၼ်ႈမႅင်ႇ မိူၼ်ၼင်ႇရသေးမိူဝ်ႈပၢၼ်ႇၵွၼ်ႇ ၼၼ်ႉပဵၼ် ရသေး ဢတ် ထူၶ် - ရသေးၽၶု

 

ၸင်ႇလူႇတၢၼ်းလူၺ်ႈဝူၼ်ႉဝႃႈ မိူဝ်ႈႁဝ်းလူႇ တၢၼ်း ၸိူင်ႉ ၼႆ ၸိတ်ႇၸႂ်ႁဝ်း ၸိုၼ်ႈသႂ် မီးလွင်ႈသိူဝ်းၸႂ်လႄႈ သေႃး မၼသ်ၸႂ် ၶဝ်ၸင်ႇလူႇတၢၼ်း ၶဝ်ႈ ၼမ်ႉ ၽႃႈ ၽႁႃၼ မွၵ်ႇမႆႉၶွင်ႁွမ် ၶိူင်ႈလုပ်ႈတႃး တီႈၼွၼ်းတီႈယူႇ လႄႈၶိူင်ႈ ပရႃထိပ်ႉ တီႈသမ်မၼ ရႁၢၼ်း ၶဝ်လႆႈလူႇတၢၼ်းၼၼ်ႉယဝ်ႉ မိူဝ်ႈတၢႆၵႂႃႇ ၸင်ႇ လႆႈပဵၼ် တေႇဝတႃႇၸၼ်ႉပရႃၼိမမိတတႃဝသႃဝတီႇ မိူဝ်ႈၵုသူလ်ၼႃးမုၼ် ၼၼ်ႉ မူတ်းသဵင်ႈယဝ်ႉၸင်ႇလႆႈၶိုၼ်းမႃးပဵၼ်ယူႇၼင်ႇၼႆ ။

 

သႃရိပုတ်ႇတြႃႇ ! ပူၵ်ႉၵူလ်ႇမၢင်ၵေႃႉမၢင်ၵူၼ်းၼႂ်းလေႃးၵၼႆႉ လူႇတၢၼ်း လူၺ်ႈ ဢမ်ႇမုင်ႈယိူင်းဢၢၼ်းၵုသူလ် ၸင်ႇလူႇတၢၼ်းလူၺ်ႈဝူၼ်ႉဝႃႈ မိူဝ်ႈ ႁဝ်းလူႇ တၢၼ်း ၸိူင်ႉၼႆ ၸိတ်ႇၸႂ်ႁဝ်းၸိုၼ်ႈသႂ် မီးလွင်ႈသိူဝ်းၸႂ် လႄႈ သေႃးမၼသ် ၵူၺ်းၵႃႈလူႇတၢၼ်း လူၺ်ႈႁႂ်ႈ ပဵၼ်လွင်ႈႁၢင်ႈၶိူင်ႈၸိတ်ႇ ၸႂ်ၶဝ်ၸင်ႇလူႇ တၢၼ်း ၶဝ်ႈ ၼမ်ႉ ၽႃႈ ၽႁႃၼ မွၵ်ႇမႆႉၶွင်ႁွမ် ၶိူင်ႈလုပ်ႈတႃး တီႈၼွၼ်းတီႈယူႇ လႄႈၶိူင်ႈပရႃထိပ်ႉ တီႈသမ်မၼ ရႁၢၼ်း ၶဝ်လႆႈလူႇတၢၼ်းၼၼ်ႉ ယဝ်ႉ မိူဝ်ႈ တၢႆ ၵႂႃႇ ၸင်ႇလႆႈပဵၼ် တေႇဝတႃႇၸၼ်ႉၽရူမ်းမၵႃယိၵႃ မိူဝ်ႈၵုသူလ်ၼႃးမုၼ် ၼၼ်ႉမူတ်းသဵင်ႈ ယဝ်ႉၸင်ႇလႆႈၶိုၼ်းမႃးပဵၼ်ယူႇၼင်ႇၼႆ ။

 

သႃရိပုတ်ႇတြႃႇ ! ၸိူဝ်းၼႆႉယဝ်ႉ ဢၼ်ပဵၼ်လွင်ႈပဵၼ်တၢင်းၼႂ်းလေႃးၵၼႆႉ ဢၼ်ပူၵ်ႉၵူလ်ႇတၢင်းလၢႆၶဝ် လူႇတၢၼ်းၼၼ်ႉ မီးၽွၼ်းလီၼမ် ဢမ်ႇမီး ဢၼိသူင်ၼမ် ဢၼ်ပဵၼ်လွင်ႈပဵၼ်တၢင်း တီႈပူၵ်ႉၵူလ်ႇလူႇတၢၼ်း မီး ၽွၼ်းလီၼမ် မီးဢၼိသူင်ၼမ်။